របៀបដែលសមាជិកគ្រួសារជួយគ្នាដើម្បីមានចំណែកពេញលេញ—ក្នុងកិច្ចបំរើ
១ តើមានអ្វីដែលធ្វើឲ្យមានចិត្តកក់ក្ដៅជាងនេះទៅទៀតទេ ពេលដែលឃើញពួកប្ដី ប្រពន្ធ និងកូនទាំងឡាយ ធ្វើការជាមួយគ្នាក្នុងកិច្ចបំរើគ្រីស្ទាន ដោយសរសើរយ៉ាងសាធារណៈ នូវព្រះនាមរបស់ព្រះយេហូវ៉ា? (ទំនុកដំកើង ១៤៨:១២, ១៣) គ្រប់ទាំងគ្រួសារ គួរមានទំលាប់ល្អ ក្នុងការចូលរួមជារឿយៗក្នុងកិច្ចផ្សព្វផ្សាយ។ តើគ្រួសាររបស់អ្នកមានថ្ងៃមួយដែលត្រូវកំណត់រៀងរាល់សប្ដាហ៍ ដើម្បីត្រូវចំណាយពេលក្នុងកិច្ចបំរើទេ? បើអ៊ីចឹង នោះទាំងអស់គ្នាដឹងច្បាស់ពីអ្វី ដែលគេនឹងបម្រុងធ្វើ ហើយដូច្នេះ អាចមានចំណែកយ៉ាងពេញលេញ។—សុភាសិត ២១:៥ក
២ មុននឹងថ្ងៃចូលរួមកិច្ចបំរើជាគ្រួសារធ្វើឡើងនោះ អញ្ជើញចូលរួមគ្នាយកជាគម្រោង នូវការរៀបចំពាក្យសម្ដែងដែលគ្រួសារអ្នកនឹងប្រើ។ វេលាហាត់និយាយបែបនេះ អាចជួយយ៉ាងច្រើន ហើយអាចបណ្ដាលឲ្យមានចិត្តគំនិតចង់ជួយគ្នាក្នុងគ្រួសារទៀតផង។ តើពិតជាមានប្រយោជន៍យ៉ាងណាទៅហ្ន៎ ពេលដែលកិច្ចបំរើជាការដែលរួមគ្រួសារទាំងមូល ហើយសមាជិកគ្រប់ៗរូប បានរៀបចំយ៉ាងល្អ!
៣ អ្នកធ្វើដំណើរត្រួតពិនិត្យម្នាក់ បានទៅជាមួយគ្រួសារមួយទាំងមូល ក្នុងការផ្សាយផ្ដល់ទស្សនាវដ្ដី។ កាលដែលគាត់កំពុងតែទៅពីផ្ទះមួយទៅផ្ទះមួយជាមួយកូនស្រីម្នាក់ នោះនាងបានសួរថា៖ «តើលោកនឹងទៅជាមួយខ្ញុំអស់រយៈពេលប៉ុន្មាន»? ក្រោយមក នាងបានពន្យល់ថា នាងនឹងទៅផ្សព្វផ្សាយជាមួយឪពុកនាងជាបន្ទាប់។ នេះច្បាស់ជានាងនិងឪពុកនាង ពិតជាអរសប្បាយណាស់ពេលដែលគេបំពេញកិច្ចបំរើជាមួយគ្នា។ តើនេះពិតជាអាកប្បកិរិយាគ្រួសារដ៏ប្រសើរយ៉ាងណាទៅហ្ន៎!
៤ គ្រួសារខ្លះ ប្រហែលជាអាចត្រួសត្រាយជំនួយជាមួយគ្នា មួយខែក្នុងមួយឆ្នាំ។ ឬក៏ប្រហែលជាយ៉ាងហោចណាស់ សមាជិកមួយអាចបំរើជាប់ជាអ្នកត្រួសត្រាយជំនួយ ឬក៏ចុះឈ្មោះជាអ្នកត្រួសត្រាយពេញពេលទៀតផង។ ដោយមានការរៀបចំនិងការសហការដ៏ល្អ នោះប្រហែលជាសមាជិកទាំងអស់ក្នុងគ្រួសារនោះ អាចបង្កើនឡើងនូវការចូលរួមផ្ទាល់ខ្លួន ក្នុងកិច្ចបំរើដោយការជួយគាំទ្រអ្នកដែលកំពុងតែត្រួសត្រាយ។ អ្នកទាំងអស់ក្នុងគ្រួសារ ប្រាកដជានឹងទទួលពរ ដោយសកម្មភាពនេះដែលបានត្រូវបង្កើនឡើង និងដោយសារបទពិសោធន៍ល្អៗដែលត្រូវមានក្នុងកិច្ចបំរើនោះ។—ម៉ាឡាគី ៣:១០
៥ ការមានចំណែកពេញលេញ ក្នុងកិច្ចការផ្សព្វផ្សាយ នោះនឹងជួយរក្សាទុកគ្រួសារឲ្យជិតស្និទ្ធ ឧស្សាហ៍ ដែលឲ្យផល និងសប្បាយក្នុងការបំរើព្រះយេហូវ៉ា!—ប្រៀបមើល ភីលីព ២:១, ២