មនុស្សទាំងអស់គ្នា អាចរៀនពីកាសែតវីដេអូ លោកណូអេ—គាត់បានដើរ ជាមួយនឹងព្រះ
សូមអានឬក៏មើលលោកុប្បត្តិ ៦:១ ដល់ ៩:១៩ សារជាថ្មីម្ដងទៀត។ រួចមក មើលកាសែតវីដេអូលោកណូអេ ហើយគិតអំពីចម្លើយរបស់អ្នកចំពោះសំនួរដូចតទៅនេះ: (១) តើពិភពលោកនៅសម័យលោកណូអេគឺយ៉ាងណាដែរ? ហើយតើហេតុអ្វីបានជាពិភពលោកនោះគឺដូច្នោះ? (២) ហេតុអ្វីលោកណូអេគឺជាបុគ្គលដ៏ពិសេសមួយរូប? តើព្រះប្រគល់កិច្ចការអ្វីឲ្យគាត់ធ្វើ? ហេតុអ្វីបានជាព្រះប្រគល់កិច្ចការនោះឲ្យគាត់? (៣) តើគាត់ប្រហែលជាសង់ទូកធំនោះនៅកន្លែងណា? តើគាត់ចំណាយពេលប៉ុន្មានក្នុងការសង់ទូកនោះ? តើទូកនោះមានទំហំប៉ុនណា? (៤) តើណូអេនិងក្រុមគ្រួសាររបស់គាត់ត្រូវធ្វើអ្វីក្រៅពីសង់ទូក? (៥) ក្រោយទ្វារទូកនោះត្រូវបិទរួចហើយ តើអ្នកនឹកគិតថាមានស្ថានភាពយ៉ាងណានៅខាងក្នុង? (៦) តើអ្នកនឹងមានអារម្មណ៍យ៉ាងណាបើសិនជាអ្នកបានរួចរស់ជីវិតផុតពីទឹកជំនន់? (៧) ម្ដងម្កាល តើយើងអាចមើលឃើញអ្វីដែលរំឭកយើងអំពីទឹកជំនន់នោះ? តើវាតំណាងអ្វី? (៨) តើកំណត់ហេតុក្នុងព្រះគម្ពីរអំពីលោកណូអេបានបង្រៀនអ្នកអ្វីខ្លះអំពីខ្លួនអ្នក ក្រុមគ្រួសាររបស់អ្នក និងអំពីកិច្ចការដែលព្រះបានប្រគល់ឲ្យអ្នកធ្វើ? (៩) តើអ្នកចង់សួរលោកណូអេនូវសំនួរអ្វីខ្លះ ពេលអ្នកជួបគាត់ក្នុងសួនមនោរម្យ? (១០) តើអ្នកចង់ប្រើកាសែតវីដេអូលោកណូអេនេះតាមរបៀបណាខ្លះ?