ប្រអប់សំណួរ
◼ យើងគួររៀនសៀវភៅពីរក្បាលជាមួយសិស្សគម្ពីរ តើជាសៀវភៅណា?
សៀវភៅព្រះគម្ពីរបង្រៀនជាសៀវភៅសំខាន់ជាងគេដែលយើងប្រើដើម្បីចាប់ផ្ដើមបង្រៀនសិស្សគម្ពីរ។ ទោះបីមិនជាការខុស បើយើងប្រើខិត្តប័ណ្ណឬសៀវភៅឯទៀតដើម្បីចាប់ផ្ដើមបង្រៀនសិស្សគម្ពីរក៏ដោយ តែយើងគួរព្យាយាមប្ដូរទៅរៀនសៀវភៅព្រះគម្ពីរបង្រៀនឲ្យបានឆាប់រឹតតែល្អ។ បងប្អូនយើងបានទទួលលទ្ធផលល្អក្រៃលែងពេលប្រើសៀវភៅព្រះគម្ពីរបង្រៀនដើម្បីចាប់ផ្ដើមបង្រៀនសិស្ស។
នៅពេលរៀនសៀវភៅព្រះគម្ពីរបង្រៀនចប់ ហើយឃើញថាសិស្សមានការរីកចម្រើនដែរ នោះគប្បីឲ្យយើងបន្តបង្រៀនសិស្សដោយប្រើសៀវភៅចូរថ្វាយបង្គំព្រះ។ (កូល. ២:៧) បំណងរបស់សៀវភៅនេះត្រូវបានពន្យល់នៅទំព័រទី២ថា៖ «គម្ពីរដាស់តឿនមនុស្សគ្រប់គ្នាដែលស្រឡាញ់ព្រះឲ្យ‹យល់ . . . ពីទទឹង បណ្ដោយ ជំរៅ›នៃសេចក្ដីពិតដ៏វិសេស។ (អេភេសូរ ៣:១៨) ដើម្បីសម្រេចបំណងនេះ សៀវភៅនេះបានត្រូវរៀបចំឡើង។ យើងសង្ឃឹមថាសៀវភៅនេះនឹងជួយអ្នកឲ្យរីកចម្រើនខាងវិញ្ញាណ និងឲ្យមានសមត្ថភាពគ្រប់គ្រាន់ក្នុងការដើរតាមផ្លូវចង្អៀត ដែលនាំទៅដល់ជីវិតក្នុងពិភពលោកថ្មីដ៏សុចរិតរបស់ព្រះ»។
ប្រសិនបើសិស្សមានលក្ខណៈគ្រប់គ្រាន់ដើម្បីជ្រមុជទឹកមុនគាត់រៀនចប់សៀវភៅទាំងពីរនោះ យើងគួរតែនៅសិក្សាជាមួយគាត់រហូតដល់ពេលរៀនចប់សៀវភៅទីពីរ។ សូម្បីតែសិស្សបានជ្រមុជទឹកហើយក្ដី អ្នកបង្រៀនអាចរាយការណ៍ម៉ោង ការត្រឡប់ទៅជួប និងរាប់ជាសិស្សបាន។ អ្នកផ្សាយណាម្នាក់ដែលមកជាមួយអ្នកបង្រៀន ហើយគាត់បានជួយបង្រៀនសិស្សនោះ អាចរាយការណ៍ម៉ោងដែរ។