មហាសន្និបាតប្រចាំតំបន់នៃសាក្សីព្រះយេហូវ៉ាឆ្នាំ២០០៩
១. (ក) ពេលចូលរួមមហាសន្និបាតប្រចាំតំបន់ទាំងបីថ្ងៃ តើយើងនឹងទទួលពរអ្វីខ្លះ? (ខ) តើយើងគួររៀបគម្រោងអ្វីចាប់តាំងពីឥឡូវនេះទៅ?
១ យើងទាំងអស់គ្នាទន្ទឹងចាំមហាសន្និបាតប្រចាំតំបន់ឆ្នាំ២០០៩ ព្រមទាំងរង់ចាំឱកាសដើម្បីជួបជុំគ្នាជាថ្មីម្ដងទៀត ជាមួយបងប្អូនដែលសរសើរតម្កើងព្រះយេហូវ៉ា ដែល«ស្រេកឃ្លានចំពោះការណែនាំពីព្រះ»។ (ម៉ាថ. ៥:៣) ថ្ងៃរបស់ព្រះយេហូវ៉ាខិតមកកាន់តែជិតណាស់ហើយ យើងសូមលើកទឹកចិត្តបងប្អូនម្នាក់ៗឲ្យចូលរួមទាំងបីថ្ងៃដើម្បីទទួលប្រយោជន៍យ៉ាងពេញលេញ ពីការរាប់អានគ្នាជាបងប្អូនគ្រិស្តសាសនិក និងការលើកទឹកចិត្តគ្នាដើម្បីពង្រឹងជំហរឲ្យបានរឹងប៊ឹងក្នុងសេចក្ដីពិត។ (សេផ. ១:១៤) សូមជម្រាបលោកគ្រូ អ្នកគ្រូ ព្រមទាំងនិយោជកឲ្យបានជ្រាបថា មហាសន្និបាតជាផ្នែកមួយសំខាន់ក្នុងការគោរពប្រណិប័តន៍របស់យើង។ សូមកុំញញើតញញើមក្នុងការរៀបគម្រោងដើម្បីចូលរួមមហាសន្និបាត និងសូមពរពីព្រះយេហូវ៉ាចុះ។ ព្រះយេហូវ៉ាច្បាស់ជានឹងគាំទ្រអ្នកជាក់ជាមិនខាន។—អេ. ៥០:១០
២. សូម្បីតែយើងមិនបានអញ្ជើញឲ្យចូលរួមមហាសន្និបាតអន្តរជាតិក៏ដោយ តើមហាសន្និបាតប្រចាំតំបន់មួយចំនួនធំនឹងមានបរិយាកាសដូចជាមហាសន្និបាតអន្តរជាតិយ៉ាងដូចម្ដេច?
២ មហាសន្និបាតអន្តរជាតិ : ដោយហេតុថា មហាសន្និបាតអន្តរជាតិនឹងរៀបចំឡើងនៅប្រទេសនិងក្រុងតែមួយចំនួនប៉ុណ្ណោះ។ ដូច្នេះ អ្នកដែលអាចចូលរួមបានគឺអស់អ្នកដែលត្រូវបានអញ្ជើញតែប៉ុណ្ណោះ។ បើយើងគោរពតាមការណែនាំនេះ នោះនឹងមិនមានមនុស្សច្រើនពេកហួសចំណុះឡើយ។ (១កូ. ១៤:៤០; ហេ. ១៣:១៧) យ៉ាងណាក៏ដោយ មហាសន្និបាតប្រចាំតំបន់មួយចំនួនធំនឹងមានបរិយាកាសប្រហាក់ប្រហែលនឹងមហាសន្និបាតអន្តរជាតិដែរ ពីព្រោះមានសាសនទូតច្រើននាក់ បងប្អូនធ្វើការបែតអែលនៅប្រទេសក្រៅ ព្រមទាំងអ្នកបម្រើផ្នែកសាងសង់បេតអែលទៅប្រទេសខ្លួនដើម្បីចូលរួមមហាសន្និបាត។
៣. តើយើងអាចបង្ហាញសេចក្ដីស្រឡាញ់ដល់បងប្អូនខ្លះក្នុងក្រុមជំនុំរបស់យើងយ៉ាងដូចម្ដេច?
៣ ជួយអ្នកដទៃឲ្យចូលរួម : តើបងប្អូនខ្លះក្នុងក្រុមជំនុំរបស់អ្នកត្រូវការជំនួយដើម្បីចូលរួមមហាសន្និបាតទេ? ពេលអ្នកជួយអ្នកដទៃឲ្យចូលរួមមហាសន្និបាត នោះអ្នកបានធ្វើតាមការដាស់តឿនដែលថា «បន្តយកចិត្តទុកដាក់ចំពោះអ្នកឯទៀត មិនត្រូវគិតអំពីរឿងផ្ទាល់ខ្លួនតែប៉ុណ្ណោះទេ»។—ភី. ២:៤
៤. ប្រសិនបើកាលៈទេសៈតម្រូវឲ្យយើងទៅចូលរួមមហាសន្និបាតផ្សេងពីក្រុមជំនុំរបស់យើង តើយើងគួរធ្វើដូចម្ដេចខ្លះ?
៤ ព័ត៌មានអំពីមហាសន្និបាតឯទៀត : ប្រសិនបើអ្នកនឹងចូលរួមនៅឯមហាសន្និបាតក្រៅពីមហាសន្និបាតដែលក្រុមជំនុំត្រូវចាត់ឲ្យទៅ អ្នកអាចទទួលព័ត៌មានអំពីកន្លែងស្នាក់នៅ ដោយសរសេរសំបុត្រជូនដល់មន្ទីរចាត់ការសម្រាប់មហាសន្និបាតនោះ។ អាសយដ្ឋានសម្រាប់មន្ទីរចាត់ការមហាសន្និបាតនោះ គឺនៅខ្នងក្រដាសពាក្យស្នើសុំសម្រាប់កន្លែងស្នាក់នៅ (Special Needs Room Request)។ បន្ដិចទៀតក្រដាសពាក្យស្នើសុំនេះ នឹងបញ្ជូនទៅលេខាធិការក្រុមជំនុំទាំងឡាយ។ ដើម្បីទទួលការតបឆ្លើយបាន នៅក្នុងស្រោមសំបុត្ររបស់អ្នក សូមដាក់ស្រោមសំបុត្រមួយទៀតដែលមានបិទតែមប្រិ៍មួយ ហើយមានអាសយដ្ឋានរបស់ខ្លួននៅខ្នងស្រោមសំបុត្រនោះដែរ។
៥. តើត្រូវធ្វើយ៉ាងណាបើអ្នកផ្សាយម្នាក់ប្រហែលជាត្រូវការជំនួយក្នុងការរកកន្លែងស្នាក់នៅ?
៥ សេចក្ដីត្រូវការពិសេស : ប្រសិនបើអ្នកផ្សាយណាម្នាក់ស្នើសុំជំនួយរកកន្លែងស្នាក់នៅ គណៈកម្មាធិការកិច្ចបម្រើក្រុមជំនុំគួរសម្រេចចិត្តបើអ្នកផ្សាយនោះមានលក្ខណៈគ្រប់គ្រាន់ ដើម្បីជូនពាក្យស្នើសុំសម្រាប់កន្លែងស្នាក់នៅ (Special Needs Room Request)។
៦. តើអ្វីដែលយើងគួរយកចិត្តទុកដាក់បំផុតពេលរៀបចំនិងចូលរួមមហាសន្និបាតប្រចាំតំបន់ឆ្នាំ២០០៩?
៦ កិច្ចការដែលសរសើរតម្កើងព្រះ : ពេលយើងបង្ហាញគុណសម្បត្ដិផ្សេងៗដែលសកម្មពលរបស់ព្រះជួយយើងបណ្ដុះឲ្យមានក្នុងគ្រប់ករណីទាំងអស់ ជាពិសេសប្រុងប្រយ័ត្នពាក្យសម្ដីនិងរបៀបដែលយើងទាក់ទងជាមួយបុគ្គលិកនៅតាមសណ្ឋាគារ ឬកន្លែងផ្សេងទៀតក្នុងក្រុងដែលមានមហាសន្និបាត នោះយើងនាំមកនូវការសរសើរបន្ថែមទៀតដល់កេរ្ដិ៍ឈ្មោះនៃរាស្ត្ររបស់ព្រះយេហូវ៉ា និងមិនបណ្ដាលឲ្យអ្នកឯទៀតជំពប់ដួលឡើយ។ (១កូ. ១០:៣១; ២កូ. ៦:៣, ៤) ចូរសរសើរតម្កើងព្រះយេហូវ៉ាតាមរយៈការចូលរួម និងការប្រព្រឹត្តរបស់អ្នកនៅមហាសន្និបាតប្រចាំតំបន់ឆ្នាំ២០០៩!—១ពេ. ២:១២
[ប្រអប់នៅទំព័រ៥]
កម្មវិធី :
ថ្ងៃសុក្រនិងថ្ងៃសៅរ៍
ម៉ោង៨:៥០ព្រឹក-៤:០៥រសៀល
ថ្ងៃអាទិត្យ
ម៉ោង៨:៥០ព្រឹក-៣:៣០រសៀល