ពាក្យផ្សាយគំរូ
ដើម្បីចាប់ផ្ដើមបង្រៀនគម្ពីរនៅថ្ងៃសៅរ៍ដំបូងក្នុងខែតុលា
«អ្វីមួយដ៏សំខាន់បំផុតដែលលោកយេស៊ូបានបង្រៀនគឺអំពីរាជាណាចក្ររបស់ព្រះ។ តើលោកអ្នកគិតថារាជាណាចក្រនោះជាអ្វី? [ទុកឲ្យគេឆ្លើយ] ខគម្ពីរនេះជួយឲ្យយើងយល់ខ្លះអំពីសំណួរនេះ»។ [សូមអាន ដានីយ៉ែល ២:៤៤] បន្ទាប់មកជូនទស្សនាវដ្ដីប៉មយាមថ្ងៃទី១ ខែតុលា ទៅម្ចាស់ផ្ទះ រួចអានហើយពិភាក្សាជាមួយគ្នាអំពីអត្ថបទក្រោមចំណងជើងតូចទី១ នៅទំព័រ៣១។ ស្នើផ្ដល់ទស្សនាវដ្ដី ហើយណាត់ពេលត្រឡប់ទៅជួប ដើម្បីពិចារណាសំណួរបន្ទាប់។
ទស្សនាវដ្ដីប៉មយាម ថ្ងៃទី១ ខែកញ្ញា
«តើលោកអ្នកគិតថាជាការសំខាន់ទេបើកូនរៀនអំពីព្រះ? [ទុកឲ្យគេឆ្លើយ] សូមកត់សម្គាល់ប្រយោជន៍ដែលគម្ពីរជាបណ្ដាំរបស់ព្រះប្រាប់ថាមនុស្សទាំងចាស់ទាំងក្មេងអាចទទួលពីការរៀនអំពីព្រះ។ [សូមអាន ម៉ាថាយ ៥:៣] ទស្សនាវដ្ដីនេះពន្យល់អំពីអ្វីដែលកូនគួររៀនអំពីព្រះ និងរបៀបដែលឪពុកម្ដាយអាចបង្រៀនកូនរបស់គាត់»។
ទស្សនាវដ្ដីប៉មយាម ថ្ងៃទី១ ខែតុលា
បង្ហាញក្របខាងមុខនៃទស្សនាវដ្ដី ហើយនិយាយថា: «តើលោកអ្នកអាចឆ្លើយសំណួរនេះយ៉ាងដូចម្ដេច? [ទុកឲ្យគេឆ្លើយ] សូមកត់សម្គាល់អ្វីដែលគម្ពីរប្រាប់។ [សូមអាន យ៉ូហានទី១ ៥:១៩] តាមខនេះ«មេកំណាច» ជាអ្នកគ្រប់គ្រងពិភពលោក។ តែនោះនាំឲ្យមានសំណួរខ្លះ។ តើមេកំណាចមកពីណា? តើវាជាបុគ្គលពិតទេ? តើព្រះទុកពេលឲ្យវាគ្រប់គ្រងពិភពលោកយូរប៉ុន្មាន? ទស្សនាវដ្ដីនេះជួយពន្យល់នូវអ្វីដែលគម្ពីរចែង»។