ពាក្យផ្សាយគំរូ
ដើម្បីចាប់ផ្ដើមបង្រៀនគម្ពីរ នៅថ្ងៃសៅរ៍ដំបូងក្នុងខែសីហា
«មនុស្សច្រើនតែនិយាយថា គម្ពីរជាបណ្ដាំរបស់ព្រះ។ លោកអ្នកធ្លាប់ឆ្ងល់ទេថា ហេតុអ្វីសៀវភៅដែលសរសេរដោយមនុស្ស អាចហៅយ៉ាងត្រឹមត្រូវថាជាបណ្ដាំរបស់ព្រះ? [ទុកឲ្យគេឆ្លើយ។ រួចមកសូមអាន ពេត្រុសទី២ ១:២១ និងអានវគ្គ៥ក្នុងទំព័រ២១-២២] សៀវភៅនេះផ្ដល់ចម្លើយពីគម្ពីរចំពោះសំណួរទាំងនោះ»។ បង្ហាញសំណួរនៅទំព័រទី៦នៃសៀវភៅតើព្រះគម្ពីរពិតជាបង្រៀនយ៉ាងណា?
ទស្សនាវដ្ដីប៉មយាម ខែកក្កដា–កញ្ញា
«មនុស្សជាច្រើនរងឥទ្ធិពលពីបញ្ហាសេដ្ឋកិច្ច។ តាមគំនិតរបស់លោកអ្នក បើយើងមានប្រាក់ចំណូលតិចជាងមុន តើយើងអាចធ្វើយ៉ាងណាដើម្បីផ្គត់ផ្គង់ក្រុមគ្រួសាររបស់យើង? [ទុកឲ្យគេឆ្លើយ] អត្ថបទក្នុងទស្សនាវដ្ដីនេះផ្ដល់ឱវាទដ៏មានប្រយោជន៍ដែលអាចជួយយើងបាន»។ បង្ហាញអត្ថបទនៅទំព័រ២២។