តើអ្នកអាចអញ្ជើញពួកគាត់បានទេ?
ក្នុងក្រុមជំនុំជាច្រើនមានអ្នកផ្សាយដែលអាចផ្សព្វផ្សាយបានតិចតួច ដោយសារពួកគាត់មានជំងឺប្រចាំកាយឬមានវ័យចាស់។ (២កូ. ៤:១៦) តើអ្នកអាចអញ្ជើញពួកអ្នកដែលមានកាលៈទេសៈបែបនេះ ឲ្យចូលរួមជាមួយអ្នកពេលបង្រៀនសិស្សគម្ពីរបានទេ? បើអ្នកផ្សាយនោះមិនអាចចេញពីផ្ទះបាន ប្រហែលអ្នកអាចបង្រៀនសិស្សគម្ពីរនៅផ្ទះរបស់គាត់ក៏បាន។ ម្ដងម្កាល តើអ្នកអាចទៅទទួលអ្នកផ្សាយដែលមានសុខភាពមិនសូវល្អឲ្យផ្សព្វផ្សាយជាមួយអ្នកតែពីរបីផ្ទះ ឬត្រឡប់ទៅជួបមួយឬពីរបានទេ? បងប្អូនអ្នកផ្សាយដែលមានវ័យចាស់ច្រើននាក់មានបទពិសោធន៍ច្រើនក្នុងកិច្ចបម្រើផ្សាយ។ ដូច្នេះហើយ ការព្យាយាមរបស់អ្នកមិនគ្រាន់តែលើកទឹកចិត្តពួកគាត់ប៉ុណ្ណោះទេ តែអ្នកផ្ទាល់ក៏ទទួលប្រយោជន៍ដែរ។ (រ៉ូម ១:១២) បន្ថែមទៅទៀត ការព្យាយាមបង្ហាញសេចក្ដីស្រឡាញ់តាមវិធីនេះ ព្រះយេហូវ៉ានឹងឲ្យរង្វាន់ដល់អ្នក។—សុភ. ១៩:១៧; ១យ៉ូន. ៣:១៧, ១៨