ពាក្យផ្សាយគំរូ
ដើម្បីរកសិស្សគម្ពីរថ្មីនៅថ្ងៃសៅរ៍ដំបូងក្នុងខែឧសភា
«មនុស្សភាគច្រើនមានទស្សនៈផ្សេងៗអំពីព្រះ។ អ្នកខ្លះគិតថាព្រះគឺជាថាមពលដ៏អាថ៌កំបាំង។ អ្នកខ្លះទៀតគិតថាលោកជាបិតានៅស្ថានសួគ៌ដែលពោរពេញទៅដោយសេចក្ដីស្រឡាញ់។ តើលោកអ្នកគិតថាព្រះដូចជាអ្វី? ទុកឲ្យគាត់ឆ្លើយ។ សូមបង្ហាញក្របខាងក្រោយនៃទស្សនាវដ្ដីប៉មយាម ខែមេសា–មិថុនា ហើយពិគ្រោះព័ត៌មាននៅក្រោមសំណួរទី១ និងយ៉ាងហោចណាស់អានបទគម្ពីរមួយដែលថាសូមអាន។ រួចមកស្នើផ្ដល់ទស្សនាវដ្ដី ហើយណាត់ពេលត្រឡប់ទៅជួបដើម្បីពិគ្រោះសំណួរបន្ទាប់»។
ទស្សនាវដ្ដីប៉មយាម ខែមេសា–មិថុនា
«យើងមកលេងមួយភ្លែត ដោយសារមនុស្សជាច្រើនចាប់អារម្មណ៍ចង់ដឹងអំពីស្ថានភាពនៃមនុស្សស្លាប់ ជាពិសេសអ្នកដែលស្លាប់នោះជាបងប្អូនជាទីស្រឡាញ់របស់យើង។ តើលោកអ្នកគិតថាអ្នកជាទីស្រឡាញ់ដែលស្លាប់នោះកំពុងមានស្ថានភាពយ៉ាងណា? [ទុកឲ្យគាត់ឆ្លើយ។ រួចមកអាន សាស្ដា ៩:៥] ទស្សនាវដ្ដីនេះមិនគ្រាន់តែពន្យល់អំពីស្ថានភាពមនុស្សស្លាប់ប៉ុណ្ណោះទេ តែក៏ប្រាប់អំពីសេចក្ដីសង្ឃឹមដ៏អស្ចារ្យថាយើងនឹងមានឱកាសជួបជុំគ្នាជាមួយពួកគាត់ម្ដងទៀតដែរ»។