ចូរខំព្យាយាមក្នុងកិច្ចបម្រើផ្សាយ
ចូរបង្កើនភាពប៉ិនប្រសប់ក្នុងកិច្ចបម្រើផ្សាយ ដោយបង្កើតពាក្យផ្សាយរបស់ខ្លួនសម្រាប់ស្នើផ្ដល់ទស្សនាវដ្ដី
ហេតុអ្វីសំខាន់?: ទោះជាពាក្យផ្សាយគំរូដែលមានក្នុងកំណត់សម្រាប់កិច្ចប្រជុំមានយោបល់ល្អៗក៏ពិតមែន តែពាក្យទាំងនោះគ្រាន់តែប្រាប់ត្រួសៗប៉ុណ្ណោះ។ ដូច្នេះ អ្នកគួរនិយាយដូចធម្មតាដោយពាក្យរបស់អ្នកផ្ទាល់។ អ្នកប្រហែលជាចង់ប្រើពាក្យផ្ដើមខុសគ្នាបន្ដិច ឬផ្លាស់ប្ដូរប្រធានបទដែលគួរឲ្យទាក់ទាញចិត្តមនុស្សក្នុងតំបន់ផ្សាយរបស់អ្នក។ បើអ្នកចង់ធ្វើដូច្នោះមែន ក្រោយពីអ្នកអានទស្សនាវដ្ដី គិតពិចារណាអំពីពាក្យផ្សាយគំរូ និងមើលការសម្ដែងក្នុងវីដេអូហើយ អ្នកអាចធ្វើតាមយោបល់ដូចខាងក្រោម ដើម្បីបង្កើតពាក្យផ្សាយរបស់ខ្លួន។
របៀបអនុវត្ត:
សូមសួរខ្លួនថា‹តើខ្ញុំចង់ប្រើពាក្យផ្សាយគំរូឬទេ?›
ចង់
រៀបចំពាក្យផ្ដើមរបស់អ្នក។ ក្រោយពីជម្រាបសួរនិងសួរសុខទុក្ខម្ចាស់ផ្ទះ សូមប្រាប់យ៉ាងខ្លីអំពីមូលហេតុដែលអ្នកមកលេង។ (ឧទាហរណ៍ «ខ្ញុំមកម្ដុំនេះដោយសារ . . . »)
គិតជាមុនថាអ្នកគួរប្រើពាក្យភ្ជាប់បែបណា ដើម្បីនាំចូលទៅសំណួរ ទៅបទគម្ពីរ និងការស្នើផ្ដល់។ (ឧទាហរណ៍ ដើម្បីនាំចូលបទគម្ពីរ អ្នកអាចនិយាយថា៖ «ចម្លើយដែលធ្វើឲ្យអ្នកអស់ចិត្ត គឺអាចរកឃើញនៅក្នុងនេះ»)
មិនចង់
ជ្រើសរើសប្រធានបទមួយពីទស្សនាវដ្ដីដែលអ្នកផ្ទាល់ចាប់អារម្មណ៍ ហើយអ្នកគិតថាមនុស្សក្នុងតំបន់ផ្សាយក៏ចាប់អារម្មណ៍ដែរ
គិតជាមុនអំពីសំណួរត្រិះរិះមួយសម្រាប់សួរម្ចាស់ផ្ទះ ដើម្បីជួយគាត់រិះគិតនិងសន្ទនាជាមួយយើង។ ប៉ុន្តែ កុំសួរសំណួរណាដែលធ្វើឲ្យគាត់មានអារម្មណ៍ខ្មាស។ (ឧទាហរណ៍ សំណួរដែលមាននៅទំព័រទី២ក្នុងទស្សនាវដ្ដី)
ជ្រើសរើសបទគម្ពីរមួយដើម្បីអាន។ (បើអ្នកស្នើផ្ដល់ទស្សនាវដ្ដីភ្ញាក់រឭក! (Awake!) អ្នកអាចសម្រេចចិត្តអានឬមិនអានបទគម្ពីរ ដោយសារទស្សនាវដ្ដីនេះបានត្រូវរៀបចំឡើងសម្រាប់អ្នកដែលមិនសូវមានចំណេះអំពីគម្ពីរ និងប្រហែលជាមិនជឿលើសាសនាទៀតផង)
គិតអំពីពាក្យពីរបីឃ្លាដើម្បីពន្យល់អំពីរបៀបដែលម្ចាស់ផ្ទះនឹងទទួលប្រយោជន៍ពីការអានអត្ថបទនេះ
សម្រាប់ករណីទាំងពីរ
រៀបចំសំណួរមួយសម្រាប់សួរម្ចាស់ផ្ទះដើម្បីឆ្លើយនៅពេលត្រឡប់ទៅជួបលើកក្រោយ
កត់កំណត់ដើម្បីជួយអ្នកចងចាំអ្វីដែលអ្នកចង់និយាយលើកក្រោយ