របៀបរស់នៅជាគ្រិស្តសាសនិក
តើខ្ញុំនឹងអញ្ជើញអ្នកណាខ្លះ?
រៀងរាល់ឆ្នាំ យើងខំប្រឹងអញ្ជើញមនុស្សក្នុងតំបន់ផ្សាយឲ្យចូលរួមពិធីរំលឹកជាមួយយើង។ ភាគច្រើនយើងមិនស្គាល់ពួកគេនោះទេ។ យើងក៏គួរតែអញ្ជើញមនុស្សដែលយើងស្គាល់ផងដែរ។ មនុស្សដែលទទួលបានលិខិតអញ្ជើញពីអ្នកដែលគាត់ស្គាល់តែងតែចង់ចូលរួមច្រើនជាង។ (yb០៨-E ទំ. ១១ វ. ៣; ទំ. ១៤ វ. ១) តើអ្នកណាខ្លះដែលអ្នកអាចអញ្ជើញឲ្យចូលរួមបាន?
សាច់ញាតិ
អ្នករួមការងារឬមិត្តរួមថ្នាក់
អ្នកជិតខាង
ការត្រឡប់ទៅជួប និងសិស្សគម្ពីរពីមុនឬឥឡូវ
ម្យ៉ាងទៀត ពួកអ្នកចាស់ទុំនឹងអញ្ជើញអស់អ្នកដែលអសកម្ម។ ចុះយ៉ាងណាបើមនុស្សដែលអ្នកស្គាល់មិនរស់នៅក្នុងតំបន់របស់អ្នក? អ្នកអាចរកមើលពេលវេលានិងទីកន្លែងធ្វើពិធីរំលឹកនាកន្លែងដែលគាត់រស់នៅ ដោយចុចលើពាក្យ អំពីយើង ដែលមាននៅលើគេ ក្នុងទំព័រដើមនៃគេហទំព័រjw.org ហើយជ្រើសរើសពាក្យ«ពិធីរំលឹក»។ កាលដែលអ្នកត្រៀមខ្លួនសម្រាប់ពិធីរំលឹកឆ្នាំនេះ សូមគិតអំពីពួកអ្នកដែលអ្នកអាចអញ្ជើញ ហើយក្រោយមកសូមអញ្ជើញមនុស្សទាំងនោះឲ្យមកចូលរួមក្នុងពិធីរំលឹក។