Kupitulukamo mu Sukulu ya Mwingilo wa Teokalasi
Ae mepuzho akekala a kwisamba mu Sukulu ya Mwingilo wa Teokalasi mu mulungu wa kutendeka August 29, 2005. Utangijila sukulu ukepuzhatu ano mepuzho a kupitulukamo kwa maminiti 30 mu byambo byafunjiwe mu majashi a milungu ya July 4 kufika ku August 29, 2005. [Yukaiˈmba: Pa mepuzho pabula mabuku mwakutana mikumbu, mwafwainwa kwipesela pesela anwe bene kutana mikumbu.—Monai buku wa Nonkelenimo mape. 36-7.]
ÑAMBILO
1. Kimye kyo tubena kubulako bakwetu luketekelo lwetu, twakonsha kumwesha byepi ‘kukokamuchima kwetu kuyukanyikwa ku bonse,’ kabiji mambo ka kino o kyanemena? (Fili. 4:5; Yako. 3:17) [be-CW pe. 251 mapala. 1-3, kabokoshi]
2. Kuyuka kimye kyo twafwainwa kumwesheshamo kukokamuchima kwitukwasha byepi kwisamba bulongo na bakwetu? [be-CW pe. 253 mapala. 1-2]
3. Mambo ka o kyanemena kwipuzha bulongo mepuzho kimye kyo tubena kukwasha bakwetu kulanguluka pa kintu? [be-CW pe. 253 mapala. 3-4]
4. Bintu ka byafwainwa kulangulukwapo pa kuba’mba kyo tubena kwambapo kitabilwe? [be-CW pe. 255 mapala. 1-4, kabokoshi; pe. 256 pala. 1, kabokoshi]
5. Ki ka kyo twafwainwa kuyuka inge kya kuba tubena kwingijisha bishinka bibula kufuma mu Baibolo kuba’mba tukoseshe kishinka kyaambiwapo mu Binembelo? [be-CW pe. 256 mapala. 3-5, kabokoshi]
JASHI NA. 1
6. Ñanyi bishinka byaumvwanyika bimwesha kuba’mba Yesu waji konka? [w03-CW 6/15 mape. 4-7]
7. ‘Byambo bya baoloka bipulusha byepi bantu,’ kabiji ‘nzubo ya baoloka ishala byepi monka yaimena’? (Mana. 12:6, 7) [w03-CW 1/15 pe. 30 mapala. 1-3]
8. Byo kiji kuba’mba Baibolo kechi uji na mizhilo yonse yaamba pa bintu byo twakonsha kuba nangwa kubula kuba ne, twakonsha ‘kuyuka byepi mwayila kyaswa muchima wa Nkambo’? (Efi. 5:17) [w03-CW 12/1 pe. 21 pala. 3–pe. 22 pala. 3]
9. Ñanyi mafunde a mu Baibolo umvwe muntu wiengijisha akonsha kumukwasha kuyuka mwakubila na buyanji nangwa kukatazha kwa bwikalo? [w03-KD 8/1 pe. 5 mapala. 2-5]
10. Kya kumwenako kya kwa Yehoba kya kupana na muchima yense kyafwainwa kwitulengela kwikala byepi? (Mat. 10:8) [w03-CW 8/1 mape. 20-2]
KUTANGA BAIBOLO KWA MULUNGU NE MULUNGU
11. Nga mashiki abiji ajinga ku kibelo kya nzubo ya Lesa yatungile Solomone ajinga na mazhina a kuba’mba Yakina ne Boaza aimenejilengako ka? (1 Mfu. 7:15-22)
12. Nanchi bupe bwa kwa Solomone bwa kupana mizhi makumi abiji ya mu kyalo kya Ngalilea kwi Hilama, Mfumu wa mu Tila bwayijile monka mwayijile Muzhilo wa Mosesa nyi? (1 Mfu. 9:10-13))
13. Lufunjisho ka lo twakonsha kufunjilako ku milengulwila ya “muntu wa Lesa”? (1 Mfu. 13:1-25)
14. Mu ñanyi jishinda Mfumu wa mu Yuda aye Asa mo amwesheshe kukosa, kabiji twakonsha kufunjilako ka ku kya kumwenako kyanji? (1 Mfu. 15:11-13)
15. Kintu kyamwekele kyavwangamo Mfumu Ahaba ne Nabota kimwesha byepi kizumba kiji mu kumvwa ku muchima kutama? (1 Mfu. 21:1-16)