MISAMBU

1 Wa diakalenga mmuntu udi kayi wenda bilondeshile lungenyi lua bantu babi

Ne kayi wimana mu njila wa benji ba mpekatu+

Ne kayi usomba mu tshisombedi tshia basekianganyi.+

 2 Kadi disanka diende didi mu mikenji ya Yehowa,+

Ne udi ubala mikenji Yende ne dîyi dia panshi panshi* munya ne butuku.+

 3 Neikale bu mutshi mukuna ku muelelu kua misulu ya mâyi,

Mutshi udi ukuama bimuma mu tshikondo tshiawu,

Udi mabeji awu kaayi afubidila.

 4 Bantu babi kabena nanku to;

Badi bu bisote bidi lupepele lupepula.

 5 Ke bualu kayi bantu babi kabakushala bimane kumpala kua dilumbuluisha+ to;

Nansha benji ba mpekatu kabakushala bimane mu disangisha dia bantu bakane+ to.

 6 Bualu Yehowa mmumanye njila wa bantu bakane,+

Kadi njila wa bantu babi neajimine.+

2 Bua tshinyi bisamba bidi bisumpakana

Ne bukua bantu bunungana* bualu bua patupu?+

 2 Bakalenge ba pa buloba badi bimanyina kuulu

Ne bakokeshi banene badi badisanga pamue* bu muntu umue+

Bua kuluisha Yehowa ne kuluisha muela manyi wende.*+

 3 Badi bamba ne: “Tutulayi nkanu yabu

Ne tumbushayi mionji yabu!”

 4 Yeye udi mu nkuasa wa bukalenge mu diulu neaseke;

Yehowa neabaseke.

 5 Dîba adi neakule nabu mu tshiji tshiende,

Neabazakeje mu tshiji tshiende tshikole,

 6 Wamba ne: “Meme nkayanyi ke udi muteke mukalenge wanyi+

Pa Siona,+ mukuna wanyi wa tshijila.”

 7 Mmanyishe dîyi dituma dia kudi Yehowa;

Yeye wakangambila ne: “Wewe udi muananyi;+

Lelu eu ndi mulue tatuebe.+

 8 Undombe, meme nemfile bisamba bu bumpianyi buebe

Ne ntengu ya buloba bu tshintu tshiebe.+

 9 Neubatshibule ne dikombo dia tshiamu tshifiike,+

Neubatayishe bu tshintu tshia diima.”+

10 Nanku mpindieu, nuenu bakalenge, lejayi busunguluji;

Itabayi mubelu,* nuenu balumbuluishi ba pa buloba.

11 Enzelayi Yehowa mudimu ne ditshina,

Ne sankayi nuenda nuzakala.

12 Nemekayi muana,*+ tshianana Nzambi* neafiike munda,

Ne nenujimine mu njila,+

Bualu tshiji Tshiende tshidi tshibanda lukasa.

 3 Kadi wewe, Yehowa wanyi, udi ngabu udi munnyunguluke,+

Butumbi buanyi+ ne Yeye udi ujula mutu wanyi.+

 4 Nengele lubila lukole kudi Yehowa,

Ne yeye neangandamune kumbukila ku mukuna wende wa tshijila.+ (Sela)

 5 Nendiolole panshi ne nendale tulu;

Nembike mu bukubi,

Bualu Yehowa udi utungunuka ne kunkuatshisha.+

 6 Tshiena ntshina bantu makumi a binunu

Badi bele mulongo bua kunduisha ku nseke yonso.+

Bualu neukume bena lukuna banyi bonso ku mbanga;

Neutshibule mênu a bantu babi.+

Kudi muludiki; wa kuimba tshiapamue ne biombelu bia nshinga.

Mujiki wa Davidi.

 3 Numanye ne: Yehowa neenzele muena lulamatu wende malu mu mushindu wa pa buawu;*

Yehowa neateleje pandi mmubikila.

 5 Filayi milambu ya buakane,

Ne eyemenayi Yehowa.+

 7 Udi muwuje muoyo wanyi ne disanka dia bungi

Kupita bantu badi ne ntete mipuola ne mvinyo mupiamupia bipite bungi.

 8 Nendiolole panshi ne nendale tulu mu ditalala,+

Bualu wewe nkayebe, Yehowa wanyi, udi unsombesha mu bukubi.+

5 Yehowa wanyi, teleja mêyi anyi;+

Ikala ne ntema ku mikemu yanyi.

 2 Teya ntema ku muadi wanyi wa dilomba diambuluisha,

Wewe Mukalenge wanyi ne Nzambi wanyi, bualu wewe ke undi ndomba.

 3 Yehowa wanyi, neumvue dîyi dianyi mu dinda;+

Mu dinda, nenkuambile malu adi mantonde+ ne nengindile ne muoyo kuulu kuulu.

 4 Bualu udi Nzambi udi kayi usanka bua malu mabi;+

Muntu mubi kena mua kushala pamue nebe to.+

Wewe udi ukina bonso badi benza malu mabi;+

 6 Wewe neubutule badi bamba malu a dishima.+

 7 Kadi nendue mu nzubu muebe+ bua dinanga diebe dinene dia lulamatu;+

Nenginame panshi mutangile ku ntempelo webe wa tshijila* ne dikutshina dia kanemu.+

 8 Yehowa wanyi, undombole mu buakane buebe bua bualu bua baluishi banyi;

Untokeshile njila webe.+

 9 Bualu kakuena bualu nansha bumue budibu bamba budi mua kueyemenyibua;

Munda muabu mudi anu meji mabi;

Muminu wabu ndukita ludi buashi;

Badi babombangana ne ludimi luabu.*+

10 Kadi Nzambi neabapishe;

Malu adibu bobu bine bapangadija neabakulule.+

Bipatshibue bua dishipa diabu dia mikenji dia bungi,

Bualu mbakutombokele.

11 Kadi bantu bonso badi banyemena kuudi nebasanke;+

Nebikale bela mbila ne disanka misangu yonso.

Wewe neukange mushindu wa kufika kudibu,

Ne bantu badi banange dîna diebe nebasankile mu wewe.

12 Yehowa wanyi, neubeneshe muntu yonso udi muakane;

Neumunyungulule ne dianyisha diebe anu bu ngabu munene.+

6 Yehowa wanyi, kuntandishi mu tshiji tshiebe to,

Ne kumbedi mu tshiji tshiebe tshikole to.+

 3 Bushuwa, ndi* ne dipampakana dikole,+

Ndi nkuebeja, Yehowa wanyi, nebitungunuke mutantshi bule kayi?+

 4 Yehowa wanyi, pingana ne unsungile;*+

Mpandisha bua bualu bua dinanga diebe dia lulamatu.+

 5 Bualu mu lufu kakuena dikutela;*

Nnganyi wakutumbisha mu Lukita?*+

 6 Ndi mupungile ne kutua kuanyi kua mikemu;+

Butuku bujima, ndi mbolesha bulalu buanyi bolabola ne binsonji;*

Ndi nguwuja kalalu kanyi ne muadi.+

 7 Dîsu dianyi nditekete bua kanyinganyinga kanyi;+

Ndilue bitayitayi* bua bualu bua bonso badi bankengesha.

 8 Umbukayi kundi, nuenu bonso badi benza malu mabi,

Bualu Yehowa neateleje dîyi dia muadi wanyi.+

 9 Yehowa neateleje dilomba dianyi dia kuanyishibua;+

Yehowa neitabe disambila dianyi.

10 Bena lukuna banyi bonso nebafuishibue bundu ne nebikale ne buôwa;

Nebapingane tshianyima mu bundu diakamue.+

 2 Tshianana, nebansunsule* tupese tupese anu bu mutu ntambue wenza,+

Baya nanyi kakuyi wa kunsungila.

 3 Yehowa Nzambi wanyi, bingikala ne tshilema mu bualu ebu,

Bingikala muenze bibi,

 4 Bingikala muenzele muntu udi ungenzela bimpe bualu bubi,+

Anyi bingikala mupawule muena lukuna wanyi kakuyi bualu,*

 5 Nunku, muena lukuna andondakaje, ankuate;*

Adiatakaje muoyo wanyi panshi mu buloba

Ne enze bua butumbi buanyi bujimine mu lupuishi. (Sela)

 6 Juka mu tshiji tshiebe, Yehowa wanyi;

Imana bua kupangisha luonji lua bena lukuna banyi;+

Tabala bua bualu buanyi, tuma dîyi bua balumbuluishe biakane.+

 7 Bisamba bikunyunguluke;

Ne wewe neubakudimukile kumbukila muulu.

Undumbuluishe, Yehowa wanyi, bilondeshile buakane buanyi

Ne bilondeshile muoyo wanyi mutoke.+

Kadi jadika bantu bakane,+

Bualu wewe udi Nzambi muakane+ udi ukonkonona mioyo+ ne mutu bantu bumvua munda menemene.*+

11 Nzambi m’Mulumbuluishi muakane,+

Nzambi udi umanyisha mêyi ende a dilumbuluisha* dituku dionso.

12 Bikala muntu kayi munyingalale bua mpekatu yende,+ Yeye udi usakisha muele wende wa mvita;+

Udi unana buta buende bua mikete, ubusoma.+

13 Udi ulongolola bia mvita biende bia lufu;

Udi usoma mikete yende idi ne ndimi ya kapia.+

14 Tangila muntu udi muimite malu mabi;

Udi wimita tshimvundu, ulela mashimi.+

15 Udi wimba dijimba ne udiondola,

Kadi udi ukuluka mu tshina mene tshivuaye mumbule.+

16 Tshimvundu tshidiye ujula netshimupinganyine yeye muine pa mutu wende;+

Tshikisu tshiende netshimukulukile pa lubombo lua mutu wende.

17 Nentumbishe Yehowa bua kulumbuluisha kuende kuakane;+

Nengimbe misambu ya kutumbisha nayi* dîna dia Yehowa+ Mutambe Bunene.+

 2 Wewe udi muteke bukole mukana mua bana ne mua bana batshidi bamua mabele+

Bua bualu bua baluishi bebe,

Bua kupuwisha muena lukuna ne musombuedi.

 3 Pandi mmona diulu diebe, midimu ya bianza biebe,*

Ngondo ne mitoto biudi mulongolole,+

 4 Muntu ufuafua nnganyi bua wewe kuikala nende mu meji?

Muana wa muntu nnganyi bua wewe kumutabalela?+

 5 Wewe uvua mumupuekeshe kakese kuinshi kua badi bu Nzambi,*

Ne uvua mumuase tshifulu tshia butumbi ne bunême.

 6 Uvua mumupeshe bukokeshi pa midimu ya bianza biebe;+

Udi muteke bintu bionso muinshi mua makasa ende:

 7 Nyama yonso mikese ne ngombe yonso,

Kabidi ne nyama ya tshisuku,*+

 8 Nyunyi ya muulu ne mishipa ya mu mbuu,

Ne tshionso tshidi tshipitshila mu tujila tua mbuu.

9 Nenkutumbishe, Yehowa wanyi, ne muoyo wanyi mujima;

Nengambilangane midimu yebe yonso ya kukema.+

 2 Nensanke ne nentunke bua bualu buebe;

Wewe Mutambe Bunene, nengimbe misambu ya kutumbisha nayi* dîna diebe.+

 3 Padi bena lukuna banyi balukila tshianyima,+

Nebatetuke ne nebajimine kumpala kuebe.

 4 Bualu udi ulumbulula tshilumbu tshianyi tshiakane;

Udi usomba mu nkuasa webe wa bukalenge ulumbuluisha ne buakane.+

 5 Udi mutandishe bisamba+ ne mubutule bantu babi,

Ujimija dîna diabu kashidi ne tshiendelele.

 6 Muena lukuna mmubutudibue bua kashidi;

Wewe wakashimbula bimenga biabu,

Ne tshivulukilu tshiabu tshionso netshijimine.+

 7 Kadi Yehowa mmusombe mu nkuasa wa bukalenge kashidi,+

Mmujadike nkuasa wende wa bukalenge bikole bua kulumbuluisha kuakane.+

 8 Nealumbuluishe buloba budi bantu basombele* mu buakane;+

Neakosele bisamba bilumbu ne buakane.+

 9 Yehowa nealue tshinyemenu tshikole* kudi badibu bakengesha,+

Tshinyemenu tshikole mu bikondo bia dikenga.+

10 Badi bamanye dîna diebe nebakueyemene;+

Wewe Yehowa, kuakulekela badi bakukeba nansha.+

11 Imbayi misambu ya kutumbisha nayi Yehowa udi musombele mu Siona;

Manyishayi bienzedi biende munkatshi mua bukua bantu.+

12 Bualu Yeye udi usombuela mashi abu udi ubavuluka;+

Kakupua muadi wa bakengi muoyo to.+

13 Undeje luse, Yehowa wanyi; mona dikenga dianyi dia kudi badi bankine,

Wewe udi unjula ku biibi bia lufu,+

14 Bua mmone mua kumanyisha bienzedi biebe bidi biakanyine butumbi mu biibi bia muana wa bakaji wa Siona+

Ne kusankila mu bienzedi biebe bia lupandu.+

15 Bisamba mbidine mu dijimba divuabi biumbule;

Dikasa diabu bobu bine ndikuatshibue mu bukondo buvuabu basokoke.+

17 Bantu babi nebalukile tshianyima too ne ku Lukita,*

Bisamba bionso bidi bipua Nzambi muoyo.

18 Kadi kabakupua bapele muoyo misangu yonso to;+

Anyi ditekemena dia bena bupuekele kadiakujimina nansha.+

20 Yehowa wanyi, ubakuatshishe buôwa;+

Bisamba bimanye ne: badi anu bantu bafuafua. (Sela)

 2 Ne diambu dionso, muntu mubi udi wipatangana ne muntu udi kayi mua kudisungila,+

Kadi yeye neakuatshibue mu ngenyi idiye uluka.+

 3 Bualu muntu mubi udi uditambisha bua majinga ende a budisunkaya*+

Ne udi ubenesha muena lukuka;*

נ [Nune]

Yeye udi upotela Yehowa.

 4 Mu didibandisha diende, muntu mubi kena ukonkonona malu to;

Meji ende onso adi anu ne: “Nzambi kenaku to.”+

 5 Njila yende idi yenda anu ilubuluka,+

Kadi mêyi ebe a dilumbuluisha mmapite dijingulula diende dia malu;+

Udi useka* baluishi bende bonso.

 6 Udi udiambila mu muoyo wende ne: “Kabakunnyukula nansha;*

Bualu mu bipungu ne bipungu bia bantu,

Tshiakumona dikenga nansha.”+

 7 Mukana muende mmuwule tente ne milawu, ne mashimi, ne difunyinangana;+

Muinshi mua ludimi luende mudi tshimvundu ne malu mabi.+

 8 Udi walaminangana pabuipi ne misoko;

Udi ushipela muntu udi kayi ne bualu muaba udiye musokomene.+

Udi ukuata muntu udi kayi

mua kudisungila padiye ukoka bukondo buende ukanga.+

10 Udi mukuatshibue au badi bamuzaza, bamuela panshi;

Bena diakabi badi bapona mu nzadi yende.*

Kuudi wewe nkudi muena diakabi udibu benzele bibi unyemena;+

Udi muambuluishi wa muana udi kayi ne tatuende.*+

15 Tshibula diboko dia muntu mubi ne muenji wa malu mabi,+

Bua pawakeba bubi buende,

Kuakubupeta kabidi nansha.

18 Neukose biakane tshilumbu tshia bana badi bafuishe batatuabu ne bantu badibu bazaze,+

Bua muntu ufuafua wa pa buloba kamonyi mua kubatshinyisha kabidi nansha.+

 2 Mona mudi bantu babi banana buta buabu bua mikete;

Badi bapayika mukete wabu mu mulemu,

Bua kuashila bantu badi balulame mu muoyo wabu mu mîdima.

 3 Padibu bashimbula bishimikidi,*

Ntshinyi tshidi bantu bakane mua kuenza?”

 5 Yehowa udi ukonkonona muntu muakane kabidi ne muntu mubi;+

Yeye* udi ukina muntu yonso udi munange tshikisu.+

 6 Nealokeshile bantu babi mateyi;*

Kapia ne sufre+ ne lupepele

lua kapia kakole nebikale tshitupa tshia diabu dikopo.

12 Yehowa wanyi, umpandishe, bualu muena lulamatu kenaku kabidi to;

Bena lulamatu mbajimine munkatshi mua bantu.

 2 Badi bambilangana malu a dishima;

Badi babombangana ne mishiku* yabu ne bakula ne mioyo ya dishima.*+

 3 Yehowa neumbushe mishiku yonso idi ibombangana

Ne ludimi ludi luamba malu manene a diditumbisha,+

 4 Bobu badi bamba ne: “Netutshimune ne ndimi yetu.

Tudi tuakula ne mishiku yetu bu mutudi basue;

Nnganyi wikala mfumu wetu?”+

 5 “Bu mudibu bakengesha bakengi

Ne bua mikemu ya bapele,+

Nenjuke bua kuenza bualu,” ke mudi Yehowa wamba.

 6 Mêyi a Yehowa mmakezuke;+

Adi bu tshiamu tshia arjan tshilengejila mu mfulu wa buloba,* tshikezula misangu muanda mutekete.

 7 Yehowa, wewe neubalame;+

Neukube yonso wa kudibu kudi bantu ba tshipungu etshi bua kashidi.

 8 Bantu babi badi bendakana badilekelele,

Bualu bana ba bantu badi batumbisha bikadilu binyanguke.+

 2 Nentate* ne lungenyi too ne dîba kayi,

Ne kanyinganyinga mu muoyo wanyi dituku dionso?

Upeshe mêsu anyi butoke, bua tshiladi tulu mu lufu,

 4 Bua muena lukuna wanyi kalu kuamba ne: “Ngamutshimunyi!”

 5 Kadi meme, ndi mueyemene dinanga diebe dia lulamatu;+

Muoyo wanyi newusanke bua bienzedi biebe bia lupandu.+

Bienzedi biabu mbinyanguke, ne ngenzelu yabu ya malu mmibipe;

Kakuena muntu udi wenza malu mimpe.+

 3 Buonso buabu mbapambuke;+

Buonso buabu mbanyanguke muomumue.

Kakuena udi wenza malu mimpe,

Nansha umue.

 5 Kadi nebuwujibue ne buôwa bukole menemene,+

Bualu Yehowa udi ne tshipungu tshia bantu bakane.

 6 Nuenu benji ba malu mabi nudi nukeba kupangisha malu adi muntu mupuekele mulongolole,

Kadi Yehowa udi tshinyemenu tshiende.+

Padi Yehowa upingaja bantu bende badi bakuatshibue,

Yakoba ikale ne disanka, Isalele asanke.

 2 Mmuntu udi wenda kayi kalema,*+

Wenza malu adi makane,+

Ne wamba bulelela mu muoyo wende.+

 3 Yeye kena ushiminyinangana malu ne ludimi luende,+

Kena wenzela mukuende bualu bubi,+

Ne kena unyangila balunda bende lumu.*+

 4 Udi ubenga muntu yonso udi muakanyine kupetudibua,+

Kadi udi unemeka badi batshina Yehowa.

 5 Kena usombeshangana makuta ende bua kupeta tshia kasombela,+

Ne kena witaba mbuejilu bua kupisha muntu udi kayi ne bualu.+

 3 Ne bansantu badi pa buloba,

Bantu banene, badi bangenza disanka dia bungi.”+

Tshiakupongolola milambu yayi ya bia kunua ya mashi nansha,

Anyi mishiku yanyi kayakutela mêna ayi nansha.+

Kumpala kuebe* kudi disanka dipite bungi;+

Ku tshianza tshiebe tshia balume kudi diakalenga* bua kashidi.

17 Yehowa wanyi, teleja dilomba dianyi dia kulumbuluisha kuakane;

Teya ntema ku muadi wanyi wa dilomba diambuluisha;

Teleja disambila dianyi dienza kakuyi dishima.+

 2 Ukose tshilumbu tshianyi biakane;+

Mêsu ebe amone tshidi tshiakane.

 3 Udi mukonkonone muoyo wanyi, udi munkenkete butuku;+

Udi mundengeje;+

Neusangane ne: tshiena mupangadije bualu bubi nansha,

Mukana muanyi ki mmushipe mikenji to.

 4 Kadi bua bienzedi bia bantu,

Bilondeshile dîyi dia ku mishiku yebe, ndi ngepuka njila ya muivi.+

 5 Bidia bia makasa anyi bishale anu mu njila yebe,

Bua makasa anyi kaalu kutetuka.+

 7 Leja dinanga diebe dia lulamatu mu mushindu wa dikema,+

Wewe Mupandishi wa badi bakebela tshinyemenu ku tshianza tshiebe tshia balume

Kudi bantu badi bakutombokela.

 8 Undame bu kamonyi ka dîsu diebe;+

Unsokoke mu mundidimbi wa mapuapua ebe.+

 9 Undame kudi bantu babi badi bambunda,

Kudi bena lukuna banyi bafuafua* badi banjingile.+

10 Mbalue bena muoyo mupape;*

Ne mukana muabu, badi bakula ne diambu;

11 Mpindieu badi batujingila;+

Badi batangila bakeba mpunga wa kutushindisha.*

12 Yeye udi bu ntambue udi uzuka bua kusunsulula tshidiye ukuata,

Bu muana wa ntambue udi mubutame mualamine.

13 Yehowa wanyi, juka bua kuluishangana nende+ ne kumuela panshi;

Unsungile* kudi bantu babi ne muele webe wa mvita;

14 Unsungile ne tshianza tshiebe, Yehowa wanyi,

Kudi bantu ba mu buloba ebu* badi tshiabu tshitupa tshikale mu muoyo eu,+

Bobu baudi ukutshisha ne bintu bimpe biudi ufila,+

Badi bashila bana babu ba bungi bumpianyi.

15 Kadi meme, nemmone mpala webe mu buakane;

Ndi ne disanka dia kutabala kumpala kuebe.*+

Nzambi wanyi ndibue dianyi+ kundi nyemena,

Ngabu wanyi ne lusengu* lua lupandu luanyi,* tshinyemenu tshianyi tshikole.*+

 3 Ndi mbila Yehowa udi muakanyine butumbi,

Ne nempandishibue kudi bena lukuna banyi.+

 4 Mionji ya lufu ivua minjingile;+

Dipasalala dia mâyi a bungi dia mu tshintuluntulu dia bantu tshianana divua dinkuatshishe buôwa bukole.+

 5 Mionji ya Lukita* ivua minyunguluke;

Mateyi a lufu avua mangimanyine kumpala.+

 6 Mu dikenga dianyi ngakabila Yehowa,

Kudi Nzambi wanyi ngakatungunuka ne kudila ndomba diambuluisha.

Wakatelejila dîyi dianyi mu ntempelo wende,+

Muadi wanyi wa kumulomba diambuluisha wakafika mu matshi ende.+

 7 Ke buloba kutuadija kunyukuka ne kukanka;+

Bishimikidi bia mikuna biakazakala

Ne biakatenkakana, bualu bavua bamufiikishe munda.+

 8 Muishi wakabanda ufuma mu mimpempe yende,

Kapia kadi kashidisha kakapatuka mukana muende;+

Makala adi akenka ne kapia akatema afumina kudiye.

 9 Wakinamija diulu pavuaye upueka,+

Ne mifitu mikole ivua muinshi mua makasa ende.+

11 Pashishe wakadibuikila mîdima,+

Nseke yende yonso bu muaba wa kueyema,

Mâyi mafiikuluke ne matutu a mifitu.+

12 Mu bukenke bua kumpala kuende

Muakapatuka mvula wa mabue ne makala a kapia bivua bipande matutu.

13 Pashishe Yehowa wakatuadija kukungula mu diulu;+

Mutambe Bunene wakenza bua dîyi diende diumvuike+

Ne mabue a mvula ne makala a kapia.

14 Wakela mikete yende, kubatangalajaye;+

Wakakupa mipenyi yende, kubabuejaye mu kayumbayumba.+

15 Panshi pa misulu* pakamueneka;+

Bishimikidi bia buloba biakedibua patoke bua kutanda kuebe, wewe Yehowa,

Bua dipatuka dia mupuya mu mimpempe yebe.+

16 Yeye muulu wakobokela panshi;

Wakankuata, kumpatulaye mu mâyi male.+

17 Wakansungila kudi muena lukuna wanyi wa bukole,+

Kudi badi bankine, bavua bampite bukole.+

18 Bakanduisha mu dituku dia dikenga dianyi,+

Kadi Yehowa uvua mukuatshishi wanyi.

19 Wakampatula kuya nanyi muaba udi kawuyi njiwu;*

Wakansungila bualu uvua usanka bua bualu buanyi.+

20 Yehowa udi umfuta bilondeshile buakane buanyi;+

Udi umfuta bilondeshile bianza bianyi bidi kabiyi ne bualu.*+

21 Bualu ndi mulame njila ya Yehowa,

Tshiena mulekele Nzambi wanyi mu bubi to.

22 Mêyi ende onso a dilumbuluisha adi kumpala kuanyi;

Tshiakulengulula mêyi ende mafunda.

23 Nenshale tshiyi ne kalema kumpala kuende,+

Nendilame bua tshienji tshilema.+

24 Yehowa amfute bilondeshile buakane buanyi,+

Bilondeshile bianza bianyi bidi kabiyi ne bualu kumpala kuende.+

25 Muntu udi ne lulamatu, wewe udi umuenzela malu ne lulamatu;+

Muntu udi kayi ne kalema, wewe udi umuenzela malu kakuyi kalema;+

26 Kudi muntu udi mukezuke, wewe udi udileja mukezuke,+

Kadi kudi muntu udi ne malu makonyangale, wewe udi udileja mudimuke.+

27 Bualu wewe udi upandisha badi bapuekele,*+

Kadi udi upuekesha badi badibandisha.*+

28 Bualu wewe ke udi utemesha muendu wanyi, Yehowa wanyi;

Nzambi wanyi udi utokesha mîdima yanyi.+

29 Ku diambuluisha diebe ndi mua kudiela mudi tshisumbu tshia benzavi;+

Ku bukole bua Nzambi ndi mua kubanda pa tshimanu.+

30 Njila wa Nzambi mulelela mmupuangane;+

Dîyi dia Yehowa ndilengejibue.+

32 Nzambi mulelela ke eu udi umvuadika bukole,+

Ne yeye neavuije njila wanyi mupuangane.+

33 Yeye udi uvuija makasa anyi bu bikono bia ngulungu;

Udi ungimanyika pa miaba mitumbuke.+

34 Yeye udi ulongesha bianza bianyi bua kuluangana mvita;

Maboko anyi adi mua kunana buta bua mikete bua tshiamu tshia mitaku.

35 Wewe udi umpesha ngabu webe wa lupandu,+

Tshianza tshiebe tshia balume tshidi tshinkuatshisha,*

Ne didipuekesha diebe didi dimvuija muntu munene.+

36 Wewe udi walabajila bidia bia makasa anyi njila;

Makasa* anyi kaakuselemuka to.+

37 Nendondakaje bena lukuna banyi ne nembakuate;

Tshiakupingana too ne padibu bajimijibua.

38 Nembazaze bua kabamonyi mua kujuka;+

Nebadishinde muinshi mua makasa anyi.

39 Neumpaye ne bukole bua mvita;

Neukuluishe baluishi banyi muinshi muanyi.+

40 Neupingajije bena lukuna banyi tshianyima bumbuka kundi,*

Nenshikije* badi bankine.+

41 Badi badila balomba diambuluisha, kadi kakuena muntu wa kubapandisha;

Badi badidila too ne Yehowa, kadi kena ubandamuna.

42 Nembatue mbabotesha anu bu lupuishi mu lupepele;

Nembimanshe anu bu bitotshi mu misesu.

44 Pumvuabu anu lumu tshianana nebantumikile;

Bantu ba ku babende nebalue kudibomba bua kunkokela.+

45 Bantu ba ku babende nebajimije dikima;*

Nebafumine mu miaba yabu mikolesha ya kusokomena benda bazakala.

47 Nzambi mulelela udi usombuela bantu bua bualu buanyi;+

Udi uteka bukua bisamba ku bukokeshi buanyi.

48 Yeye udi unsungila kudi bena lukuna banyi badi ne tshiji;

Wewe udi umbandisha muulu pa mutu pa badi bambunda;+

Udi umpandisha kudi muena tshikisu.

49 Ke bualu kayi nenkutumbishe munkatshi mua bisamba, Yehowa wanyi,+

Nengimbe misambu ya kutumbisha nayi* dîna diebe.+

50 Yeye udi wenzela mukalenge wende bienzedi binene bia lupandu;*+

Udi uleja dinanga dia lulamatu kudi muela manyi wende,+

Kudi Davidi ne bana bende* bua kashidi.+

19 Diulu didi diamba butumbi bua Nzambi;+

Bia mu diulu* bidi bimanyisha mudimu wa bianza biende.+

 2 Ku dituku ne ku dituku, muakulu wabi udi upongoloka,

Ne butuku buonso, bidi bisokolola dimanya.

 3 Kakuena muakulu, kakuena mêyi;

Dîyi diabi kadiena diumvuika.

 4 Kadi tshiona* tshiabi ntshipatuke tshiye pa buloba bujima,

Ne mukenji wabi mmuye too ne ku ntengu ya buloba budi bantu basombele.*+

Yeye mmuashile dîba ntenta mu diulu;

 5 Didi bu musedianganyi udi upatuka mu nzubu wende wa munda;

Didi disanka bu tshilobo tshidi tshinyemena mu njila watshi.

 6 Didi dipatukila ku ditengu dimue dia diulu,

Ne didi dinyunguluka too ne ku ditengu diadi dikuabu;+

Ne kakuena tshintu nansha tshimue tshidi tshisokome ku munya wadi.

 8 Mêyi matuma a kudi Yehowa mmakane, adi asankisha muoyo;+

Mukenji wa Yehowa mmukezuke, udi ukenkesha mêsu.+

10 Mbia kunanga kupita or,

Kupita or wa bungi mutambe buimpe,*+

Ne mbishême bikole kupita buitshi,+ buitshi budi bumata ku dipula.*

11 Muena mudimu webe mmudimujibue kudibi;+

Kubilama kudi ne difutu dinene.+

13 Kanda muena mudimu webe ku bienzedi bia dikamakama;+

Kubilekedi bimpita bukole.+

Nunku nengikale mukumbanangane,+

Tshiyi ne bualu mu mpekatu mienza ne tshikama.*

14 Mêyi a mukana muanyi ne meji andi ngelangana mu muoyo wanyi

Akusankishe,+ Yehowa wanyi, Dibue dianyi+ ne Mupikudi wanyi.+

 2 Akutumine diambuluisha difumina muaba wa tshijila+

Ne akukuatshishe ne dikuatshisha difumina ku Siona.+

 3 Avuluke milambu yebe yonso ya kupa;

Yeye itabe mulambu webe wa kuosha ne disanka.* (Sela)

 4 Yeye akukumbajile majinga a muoyo webe,+

Alubuluje malu ebe onso audi mulongolole.*

 5 Netuele mbila ne disanka bua bienzedi biebe bia lupandu;+

Netubandishe mabendele etu mu dîna dia Nzambi wetu.+

Udi umuandamuina mu diulu diende dia tshijila

Ne lupandu lunene* ku tshianza tshiende tshia balume.+

 7 Bamue badi beyemena matempu ne bakuabu beyemena tubalu,+

Kadi tuetu tudi tubila dîna dia Yehowa Nzambi wetu.+

 8 Mbapueke ne badishinde,

Kadi tuetu tudi bajuke kuulu ne bajalamijibue kabidi.+

21 Yehowa, mukalenge udi usankila mu bukole buebe;+

Ke mudiye usankila bikole mu bienzedi biebe bia lupandu nunku!+

 2 Wewe udi mumukumbajile dijinga dia muoyo wende,+

Kuena mumupale dilomba dia ku mishiku yende to. (Sela)

 3 Bualu udi umuakidila ne mabenesha manene;

Udi wasa tshifulu tshia butumbi tshia or mutambe buimpe* ku mutu wende.+

 4 Yeye uvua mukulombe muoyo, wewe wakamupeshawu,+

Muoyo wa matuku a bungi,* kashidi ne tshiendelele.

 6 Wewe udi umuvuija mubeneshibue bua kashidi;+

Udi umusankisha ne disanka dia dikalaku diebe.*+

 7 Bualu mukalenge udi weyemena Yehowa;+

Bua dinanga dia lulamatu dia Mutambe Bunene, kakunyukudibua nansha.*+

 8 Tshianza tshiebe netshipete bena lukuna bebe bonso;

Tshianza tshiebe tshia balume netshipete badi bakukina.

10 Neubutule tunkanunuina tuabu* pa buloba,

Ne bana babu mu bana ba bantu.

11 Bualu bobu bavua bele meji a kukuenzela bibi;+

Mbaluke mayele ikala kaayi mua kukumbana.+

12 Bualu wewe neubapingajije tshianyima+

Paudi uludika buta* buebe bua mikete kudibu.*

Bua tshinyi udi kule ne kumpandisha,

Kule ne miadi yanyi ya kanyinganyinga?+

 2 Nzambi wanyi, ndi ntungunuka ne kubikila mu munya, wewe kuena wandamuna;+

Ne butuku tshiena nshala mupuwe to.

 3 Kadi wewe udi wa tshijila,+

Munyunguluka kudi* mêyi a butumbi a Isalele.

 4 Wewe ke uvua batatuetu beyemene;+

Bavua bakueyemene, wewe wakatungunuka ne kubasungila.+

 5 Bakadila kuudi, bakapandishibua;

Bakakueyemena, ne kabakedibua mâyi ku makasa.*+

 6 Kadi meme ndi tshishi, tshiena muntu,

Ndi mupepejibue kudi* bantu ne mupetudibue kudi bantu.+

 7 Bonso badi bammona badi banseka;+

Badi bambuidia, bakupa mitu yabu ne kapeja bamba ne:+

 9 Wewe ke Yeye uvua mumpatule mu difu dia mamuanyi,+

Yeye uvua muenze bua meme kudiumvua mu bukubi ku mabele a mamuanyi.

10 Ndi mufidibue ku bulami buebe* katshia anu ku diledibua;

Wewe udi Nzambi wanyi katshia anu mu difu dia mamuanyi.

11 Kuikadi kule nanyi, bualu lutatu ludi pabuipi+

Ne tshiena ne muambuluishi mukuabu.+

12 Bana balume ba ngombe ba bungi mbannyunguluke;+

Ngombe milume ya bukole ya mu Bashana mminjingile.+

13 Badi bambuluila mukana muabu bikole,+

Bu ntambue udi ukungula udi usunsulula tshidiye mukuate.+

14 Ndi mupongolodibue bu mâyi;

Mifuba yanyi yonso mmipawuke mu manungu.

Muoyo wanyi mmulue bu dipula* dia buitshi;+

Udi wenguluka munda muanyi menemene.+

15 Bukole buanyi mbume bu tshiyoyi;+

Ludimi luanyi ndulamate ku binyanganyanga bianyi;+

Wewe udi umpuekesha too ne mu lupuishi lua lufu.+

16 Bualu mbua mminnyunguluke;+

Idi intshintshimika bu tshisumbu tshia benji ba malu mabi,+

Idi ku bianza bianyi ne ku makasa anyi bu ntambue.+

18 Badi babanyangana bilamba bianyi,

Ne badi belela bilamba bianyi nshobo.+

20 Umpandishe* ku muele wa mvita,

Upandishe muoyo wanyi wa mushinga* ku makama a* mbua;+

21 Umpandishe mukana mua ntambue+ ne ku nsengu ya ngombe ya tshisuku;

Ungandamune, umpandishe.

22 Nemmanyishe bana betu dîna diebe;+

Munkatshi mua tshisumbu tshia bantu, nenkutumbishe.+

24 Bualu yeye ki mmupetule anyi mukine makenga a muntu udi mukengeshibue;+

Yeye ki mmumusokoke mpala wende to.+

25 Nenkutumbishe mu tshisumbu tshinene tshia bantu;+

Nenkumbaje mitshipu yanyi kumpala kua badi bamutshina.

26 Bena bupuekele nebadie, nebukute;+

Badi bakeba Yehowa nebamutumbishe.+

28 Bualu bumfumu mbua Yehowa;+

Udi ukokesha pa bisamba.

29 Babanji* bonso ba pa buloba nebadie, nebiname panshi;

Bonso badi bapueka mu lupuishi nebamutuile binu;

Muntu nansha umue wa kudibu kena mua kulama mioyo* yabu to.

30 Tunkanunuina* tuabu netumuenzele mudimu;

Nebambile bantu ba tshipungu tshitshidi tshilua bualu bua Yehowa.

 2 Udi undadika mu miaba ya kudishila nyama idi ne bisonsa bia bungi;

Udi undombola mu miaba ya kuikishila idi ne mâyi a bungi.*+

 4 Nansha mundi ngendela mu tshibandabanda tshia mîdima mikole,+

Tshiena ntshina bualu bubi,+

Bualu wewe udi nanyi;+

Tshibonge tshiebe ne mulangala webe bidi binkolesha ku muoyo.*

Udi utalaja* mutu wanyi ne manyi;+

Dikopo dianyi ndiuwuja bimpe.+

 6 Kakuyi mpata, buimpe ne dinanga dia lulamatu nebindonde matuku onso a muoyo wanyi,+

Ne nensombele mu nzubu wa Yehowa matuku anyi onso.+

24 Buloba ne bintu bionso bidipu mbia Yehowa,+

Buloba budi bumenesha bintu ne badi basombelapu.

 2 Bualu mmubujalamije bikole pa mbuu+

Ne mubujadike bikole pa misulu.

 4 Mmuntu yonso udi ne bianza bidi kabiyi ne bualu ne muoyo mukezuke,+

Udi kayi muditshipe kudi muoyo Wanyi* ne mutshipu wa dishima,

Anyi kayi muditshipe ne mashimi.+

 5 Neapete mabenesha kudi Yehowa+

Ne buakane* kudi Nzambi wende wa lupandu.+

 6 Etshi ntshipungu tshia bantu badi bamukeba,

Tshia badi bakeba mpala webe, wewe Nzambi wa Yakoba. (Sela)

 7 Bandululayi mitu yenu, nuenu biibi;+

Kangukayi,* nuenu bibuelelu bia kale,

Bua Mukalenge wa butumbi abuele!+

N’Yehowa, udi ne bukole ne makanda,+

N’Yehowa, udi ne bukole mu mvita.+

 9 Bandululayi mitu yenu, nuenu biibi,+

Kangukayi, nuenu bibuelelu bia kale,

Bua Mukalenge wa butumbi abuele!

 2 Nzambi wanyi, ndi mukueyemene wewe;+

Kundekedi mfuishibua bundu.+

 3 Bushuwa, kakuena muntu udi utekemena kuudi wafuishibua bundu,+

Kadi bundu mbuindile bantu badi batungilangana kakuyi bualu.+

 4 Mmanyisha njila yebe, Yehowa wanyi;+

Ndongesha tujila tuebe.+

 5 Ngendesha mu bulelela buebe ne ndongesha,+

Bualu wewe udi Nzambi wanyi wa lupandu.

Umvuluke bilondeshile dinanga diebe dia lulamatu,+

Bua bualu bua buimpe buebe, Yehowa wanyi.+

 9 Nealombole bena bupuekele mu malu adi makane,*+

Nealongeshe bena bupuekele njila wende.+

10 Njila yonso ya Yehowa idi dinanga dia lulamatu pamue ne lulamatu

Bua bantu badi batumikila tshipungidi tshiende+ ne mavuluija ende.+

11 Bua bualu bua dîna diebe, Yehowa wanyi,+

Umbuikidile tshilema tshianyi, nansha muditshi tshinene.

13 Yeye* neapete malu adi mimpe,+

Ne tunkanunuina* tuende netupiane buloba.+

14 Bulunda bukole ne Yehowa mbua badi bamutshina,+

Udi ubamanyisha tshipungidi tshiende.+

15 Mêsu anyi mmatangija kudi Yehowa misangu yonso,+

Bualu neasulule makasa anyi mu bukondo.+

16 Tangija mpala webe kundi, undeje luse,

Bualu ndi nkayanyi ne tshiena mua kudisungila.

17 Makenga a muoyo wanyi mmavulangane;+

Ngumbusha mu kanyinganyinga kanyi.

18 Tangila dikenga dianyi ne lutatu luanyi,+

Umfuile luse bua mpekatu yanyi yonso.+

19 Tangila mudi bena lukuna banyi bungi tshianana

Ne mudi lukinu luabu kundi luikale lua tshikisu tshikole.

21 Muoyo mutoke ne bululame binkube,+

Bualu ditekemena dianyi didi kuudi wewe.+

26 Ndumbuluisha, Yehowa wanyi, bualu ndi muende mu muoyo wanyi mutoke;+

Ndi mueyemene Yehowa tshiyi ntenkakana.+

 2 Nkonkonona, Yehowa wanyi, untete;

Lengeja meji a munda muanyi menemene* ne muoyo wanyi.+

 3 Bualu dinanga diebe dia lulamatu didi kumpala kuanyi misangu yonso,

Ndi ngendela mu bulelela buebe.+

 4 Tshiena ndamatangana* ne bena mashimi,+

Ndi ngepuka badi basokoka tshidibu.*

 5 Ndi nkina dingumba dia benji ba malu mabi,+

Ne ndi mbenga kulamatangana* ne bantu babi.+

 6 Nengowe bianza bianyi tshiyi ne bualu,

Nennyunguluke ku tshioshelu tshiebe, Yehowa wanyi,

 7 Bua kuenza bua dîyi dia disakidila diumvuike+

 8 Yehowa, ndi munange nzubu uudi musombele,+

Muaba udi butumbi buebe busombele.+

 9 Kunjimiji* pamue ne benji ba mpekatu+

Ne kumbushi muoyo wanyi pamue ne bena tshikisu,*

10 Badi bianza biabu biditua mu tshikadilu tshia bundu,

Badi tshianza tshiabu tshia balume tshiuwule tente ne mbuejilu.

12 Dikasa dianyi ndimane pa muaba mulandakane;+

Mu tshisumbu tshinene tshia bantu,* meme nentumbishe Yehowa.+

 2 Pavua benji ba malu mabi bambunde bua kudia mubidi wanyi,+

Baluishi banyi ne bena lukuna banyi ke bavua batetuke ne badishinde.

 3 Nansha tshiluilu mua kuasa tshitudilu bua kunduisha,

Muoyo wanyi kawakutshina to.+

Nansha mvita mua kunjukila,

Nansha dîba adi, nenshale anu ne muoyo mukole.

 4 Bualu bumuepele mbundi mulombe Yehowa,

Buobu ke bungakeba,

Mbua mmone mua kusomba mu nzubu wa Yehowa matuku onso a muoyo wanyi,+

Bua kubandila bulengele bua Yehowa

Ne bua kutangila ne kuanyisha* ntempelo* wende.+

 5 Bualu neansokoke mu muaba wende wa kupengama mu dituku dia dikenga;+

Neansokoke mu muaba musokome wa mu ntenta wende;+

Neanteke kuulu pa mutu pa dibue dinene.+

 6 Mpindieu mutu wanyi udi kuulu pa mutu pa bena lukuna banyi badi bannyunguluke;

Nemfile milambu ku ntenta wende ne mbila ya disanka;

Nengimbe misambu ya kutumbisha nayi* Yehowa.

 7 Yehowa wanyi, unteleje pandi ngela dîyi;+

Undeje luse, ungandamune.+

Wewe udi muambuluishi wanyi;+

Kundekeledi anyi kundekedi, Nzambi wanyi wa lupandu.

10 Nansha biandekelabu kudi tatuanyi ne mamuanyi,+

Yehowa yeye neangakidile kuende.+

11 Yehowa wanyi, ndongesha njila webe;+

Ndombola mu njila wa bululame bua bualu bua baluishi banyi.

12 Kumfidi mu bianza bia baluishi banyi,*+

Bualu bantemu ba dishima mbanjukile,+

Badi bamfunyina ne tshikisu.

13 Nkuepi kumvua mua kuikala bu meme tshiyi ne ditabuja

Dia ne: mvua mua kumona buimpe bua Yehowa mu buloba bua badi ne muoyo?*+

14 Tekemena kudi Yehowa;+

Ikala ne dikima ne muoyo mukole.+

28 Kuudi wewe nkundi ntungunuka ne kuela lubila, Yehowa Dibue dianyi;+

Kunkangidi matshi ebe.

Wewe mushale mumpuwe,

Nendue bu bantu badi bapueka mu dijimba.*+

 2 Teleja mitendekenu yanyi pandi nkudidila ndomba diambuluisha,

Pandi mbandisha bianza bianyi bitangija ku nzubu wa munda menemene mua muaba webe munsantu.+

 3 Kungumbushi pamue ne bantu babi, pamue ne batu benza malu mabi,+

Badi bambila muinabu mêyi a ditalala eku malu mabi mikale mu mioyo yabu.+

 4 Ubafute bua malu adibu benza,+

Bilondeshile bienzedi biabu bibi.

Ubafute bua mudimu wa bianza biabu,

Bilondeshile malu adibu benze.+

 5 Bualu kabena bateya ntema ku bienzedi bia Yehowa+

Anyi ku mudimu wa bianza biende to.+

 6 Yehowa atumbishibue,

Bualu mmuteleje mitendekenu yanyi ya dilomba diambuluisha.

 7 Yehowa udi bukole buanyi+ ne ngabu wanyi;+

Muoyo wanyi udi umueyemena.+

Ndi mupete diambuluisha diende, ne muoyo wanyi udi usanka,

Nunku, nemmutumbishe ne musambu wanyi.

 8 Yehowa udi bukole bua bantu bende;

Udi tshisokomenu, upetesha muela manyi wende lupandu lunene.+

29 Peshayi Yehowa tshidi bu tshiende, nuenu bana ba bantu ba bukole,

Peshayi Yehowa tshidi bu tshiende bua butumbi buende ne bukole buende.+

 3 Dîyi dia Yehowa didi diumvuika pa mutu pa mâyi;

Nzambi wa butumbi udi ukungula.+

 4 Dîyi dia Yehowa ndia bukole;+

Dîyi dia Yehowa ndia butumbi.

 5 Dîyi dia Yehowa didi ditshibula mitshi ya sedre;

Ee, Yehowa udi utayisha mitshi ya sedre ya mu Lebanona.+

 6 Udi wenzeja Lebanona* bua kuenda kutumpika bu kana ka ngombe

Ne Sileona+ bua kuenda kutumpika bu muana wa ngombe wa tshisuku.

 7 Dîyi dia Yehowa didi dituta ne ndimi ya kapia;+

 8 Dîyi dia Yehowa didi dizakeja tshipela;+

Yehowa udi uzakeja tshipela tshia Kadeshe.+

 9 Dîyi dia Yehowa didi dizakeja ngulungu ne udi ulela,

Ne dishiya metu munda mutupu.+

10 Yehowa mmusombe mu nkuasa wa bukalenge pa mutu pa mâyi a bungi adi apasalala;*+

Yehowa mmusombe mu nkuasa wa bukalenge bu Mukalenge bua kashidi.+

30 Nenkutumbishe, Yehowa wanyi, bualu udi mumbandishe;*

Kuvua mulekele bena lukuna banyi basanka bua dikuluka dianyi to.+

 4 Imbayi misambu ya kutumbisha nayi* Yehowa, nuenu bena lulamatu bende,+

Elayi dîna* diende dia tshijila tuasakidila;+

 5 Bualu kuikala mu tshiji tshiende kudi anu bua tshitupa tshîpi,+

Kadi kuikala muanyishibue kudiye* kudi bua matuku onso a muoyo.+

 8 Yehowa wanyi, ngakatungunuka ne kuela dîyi kuudi;+

Ngakatungunuka ne kutendekena Yehowa bua anganyishe.

11 Udi mukudimune muadi wanyi mulue kuja kua maja;

Udi munkopole tshilamba tshianyi tshikayabale, ne udi umvuadika disanka,

12 Bua meme* mmone mua kuimba misambu ya kukutumbisha nayi tshiyi nshala mupuwe.

Ulue kundi mukuna wa kusokomena,

Muaba mukolesha bua kumpandisha.+

 3 Bualu wewe udi mukuna wanyi wa dibue ne muaba wanyi wa kusokomena;+

Neundombole+ ne neundudike bua bualu bua dîna diebe.+

 4 Neunsulule mu bukondo budibu bangelele mu musokoko,+

Bualu wewe ke muaba wanyi mukolesha.+

 6 Ndi nkina badi badifila ku mpingu ya patupu idi kayiyi ne mushinga,

Kadi meme, ndi mueyemene Yehowa.

 7 Nensankile mu dinanga diebe dia lulamatu bikole,

Bualu wewe udi mumone lutatu luanyi;+

Udi mumanye dikenga dianyi dikole.*

 8 Kuena mumfile mu bianza bia muena lukuna to,

Kadi udi ungimanyika muaba udi kawuyi njiwu.*

10 Muoyo wanyi mmubutuke ne kanyinganyinga+

Ne bidimu bianyi ne ditua dia mikemu.+

Bukole buanyi budi bukepela bua tshilema tshianyi;

Mifuba yanyi idi iteketa.+

11 Ndi mupetudibue kudi baluishi banyi bonso,+

Nangananga bena mutumba banyi.

Bandi mumanyangane nabu bakadi bangumvua buôwa bukole;

Padibu bammona pa bantu, badi bannyema.+

12 Mbangumbushe mu muoyo wabu* ne bampue muoyo, bienze bu ne: nkavua mufue;

Ndi bu mulondo mutayike.

13 Ndi mumvue manunganyi mabi a bungi;

Buôwa bukole mbunjingile.+

Padibu badisanga pamue bu muntu umue bua kunduisha,

Badi baluka meji a kujimija muoyo* wanyi.+

Bantu babi bafuishibue bundu;+

Bapuwishibue mu Lukita.*+

18 Mishiku idi ishima ipangile muakulu,+

Mishiku idi yakula bua bantu bakane ne diambu, ne didibandisha ne dipetu.

Udi mubulamine badi bakutshina,+

Udi mubuleje kumpala kua bantu bonso, bua badi banyemena kuudi.+

20 Neubasokoke muaba musokome udi kumpala kuebe+

Ku mayele adi bantu baluka;

Neubasokoke muaba webe wa kupengama

Ku dibundangana dibi.*+

21 Yehowa atumbishibue,

Bualu mmundeje dinanga diende dia lulamatu mu mushindu wa dikema+ mu tshimenga tshidibu batshintshimike.+

Yehowa udi ukuba bena lulamatu,+

Kadi muntu yonso udi uleja didibandisha, udi umufuta bibi bitambe.+

24 Ikalayi ne dikima, ne muoyo wenu wikale mukole,+

Nuenu bonso badi bindila Yehowa.+

 2 Wa diakalenga mmuntu udi Yehowa kayi ubanda ne tshilema,+

Udi kayi ne dishima mu lungenyi luende.

 5 Ndekelu wa bionso ngakatonda mpekatu wanyi kuudi;

Tshivua musokoke tshilema tshianyi to.+

 6 Ke bualu kayi muena lulamatu yonso neakulombe mu disambila+

Patshidiku mushindu wa kukupeta.+

 7 Wewe udi muaba wa tshisokomenu kundi;

Neunkube ku dikenga.+

 9 Kulu bu kabalu anyi mpunda udi kayi ne lungenyi to,+

Udibu ne bua kukanda divumakana diende ne lukanu lua mu mbanga anyi ne mionji ya ku mbanga

Kumpala kua yeye kusemena pabuipi nebe.”

10 Tunyinganyinga tua bantu babi ntua bungi;

Kadi muntu udi weyemena Yehowa mmunyunguluka kudi dinanga Diende dia lulamatu.+

11 Sankilayi mu Yehowa ne nuikale ne disanka, nuenu bantu bakane;

Elayi mbila ne disanka, nuenu bonso badi balulame mu muoyo wenu.

 2 Elayi Yehowa tuasakidila ne lunzenze;

Muimbilayi misambu ya kumutumbisha nayi* ne tshiombelu tshia nshinga dikumi.

  3 Muimbilayi musambu mupiamupia;+

Imbayi nshinga ne dimanya dionso, pamue ne mbila ya disanka.

 4 Bualu dîyi dia Yehowa ndilulame,+

Ne tshionso tshidiye wenza ntshikumbane kutshieyemena.

 6 Ku dîyi dia Yehowa diulu diakafukibua,+

Ne ku nyuma* wa mukana muende bionso bidimu* biakafukibua.

 7 Udi ukunguija mâyi a mu mbuu bu nkila;+

Udi wela mâyi a mavuala makole mu mayeba.

 9 Bualu wakakula, biobi kufika ku dikalaku;+

Wakatuma dîyi, biobi kuimana tendee.+

10 Yehowa mmutatakaje ngenyi idibu baluka kudi* bisamba;+

Mmupangishe malu adibu balongolole* kudi bukua bantu.+

11 Kadi mapangadika a* Yehowa neashalaku kashidi;+

Meji a mu muoyo wende adiku bua bipungu ne bipungu bia bantu.

12 Tshisamba tshia diakalenga ntshidi Nzambi watshi muikale Yehowa,+

Bantu badiye musungule bu tshintu tshiende yeye.+

13 Yehowa mu diulu udi utangila panshi;

Udi umona bana ba bantu bonso.+

14 Mu muaba wende udiye musombele

Mmudiye ujojela bantu badi basombe pa buloba.

15 Yeye ke udi ufumba mioyo ya bonso;

Udi ukonkonona malu onso adibu benza.+

16 Kakuena mukalenge udi upandishibua kudi tshiluilu tshinene tshia basalayi;+

Tshilobo katshiena tshipandishibua ku bukole buatshi bua bungi nansha.+

17 Kabalu nditekemena dia lupandu* dia dishima;+

Bukole buaku kabuena bujadika dipanduka to.

18 Mona! Dîsu dia Yehowa didi ditangila badi bamutshina,+

Badi bindila dinanga diende dia lulamatu,

19 Bua kubasungila* ku lufu

21 Mioyo yetu idi isankila mu yeye,

Bualu tudi beyemene dîna diende dia tshijila.+

22 Yehowa wetu, dinanga diebe dia lulamatu dikale pambidi petu+

Patudi tushala bakuindile wewe.+

34 Nentumbishe Yehowa dîba dionso;

Butumbi buende nebuikale ku mishiku yanyi misangu yonso.

 2 Meme* nenditumbishile mu Yehowa;+

Bena bupuekele nebumvue, nebasanke.

 3 Samunayi Yehowa pamue nanyi;+

Tutumbishayi dîna diende tshiapamue.

 5 Bavua batangile kudiye bakabalakana ne disanka;

Mpala yabu kayivua mua kufuishibua bundu to.

 7 Muanjelu wa Yehowa udi wasa tshitudilu tshinyunguluke bantu badi bamutshina,+

Ne udi ubasungila.+

 8 Labulayi, numone ne: Yehowa mmuimpe;+

Wa diakalenga mmuntu udi unyemena kudiye.

 9 Tshinayi Yehowa, nuenu bansantu bende bonso,

Bualu badi bamutshina kabena bapangila tshintu nansha tshimue.+

10 Nansha bana ba ntambue badi ne makanda* mbafike ku disomba ne nzala,

Kadi bantu badi bakeba Yehowa kabakupangila tshintu tshimpe nansha tshimue.+

11 Luayi, bana banyi, ntelejayi;

Nennulongeshe ditshina dia Yehowa.+

12 Nnganyi wa munkatshi muenu udi usanka bua muoyo

Ne udi munange kumona matuku a bungi mimpe?+

13 Nunku, lama ludimi luebe ku malu adi mabi,+

Mishiku yebe ku diakula malu a dishima.+

14 Umbuka ku malu mabi, enza malu mimpe;+

Keba ditalala ne udilonde.+

15 Mêsu a Yehowa adi kudi bantu bakane,+

Ne matshi ende adi ateleja muadi wabu wa dilomba diambuluisha.+

16 Kadi mpala wa Yehowa mmutangija kudi badi benza malu mabi

Bua kukupula tshivulukilu tshiabu tshionso pa buloba.+

17 Bakela lubila, Yehowa wakabateleja;+

Wakabasungila ku makenga abu onso.+

18 Yehowa udi pabuipi ne badi ne muoyo musunsuke;+

Udi upandisha badi bazajibue mu lungenyi luabu.*+

19 Ntatu ya* muntu muakane nya bungi,+

Kadi Yehowa udi umusungila kudiyi yonso.+

20 Udi ulama mifuba yende yonso;

Kakuena umue wa kudiyi udibu batshibule.+

21 Tshipupu netshishipe bantu babi;

Badi bakina bantu bakane nebapishibue.

22 Yehowa udi upikula muoyo* wa bena mudimu bende;

Kakuena umue wa ku badi banyemena kudiye wapishibua to.+

35 Yehowa wanyi, ngakuila mu tshilumbu tshianyi ne baluishi banyi;+

Uluishe badi banduisha.+

 2 Ambula ngabu webe mukese* ne ngabu webe munene,+

Ne juka bua kunduila mvita.+

 5 Balue bu bisote mu lupepele;

Muanjelu wa Yehowa abipate.+

 6 Njila wabu ikale ne mîdima ne busenu

Padi muanjelu wa Yehowa wenda ubalondakaja.

 7 Bualu mbasokoke bukondo bua kunkuata kakuyi bualu;

Mbangumbuile* dijimba kakuyi bualu.

 8 Tshipupu tshimukuate mu tshimpitshimpi;

Bukondo budiye musokoke bumukuate;

Akulukamu, abutudibue.+

 9 Kadi meme* nensankile mu Yehowa;

Nengikale ne disanka bua bienzedi biende bia lupandu.

Wewe udi usungila badi kabayi mua kudisungila kudi badi babatambe bukole,+

Udi usungila badi kabayi mua kudisungila ne bapele kudi badi babapawula.”+

11 Bantemu ba muoyo mubi badi balua,+

Bangebeja malu andi tshiyi mumanye bualu buawu nansha bumue.

12 Badi bampingajila bubi ku buimpe,+

Banshiya* mu tshinyongopelu.

13 Kadi pavuabu basama, ngakavuala bilamba bikayabale;

Ngakadikengesha* ne kujila kua biakudia,

Ne pavua masambila anyi apingana kaayi mandamuna,*

14 Mvua mutue eku ne eku ndila bu udi udila mulunda anyi umue wa ku bana betu;

Ngakinama ne kanyinganyinga bu muntu udi udila mamuende.

15 Kadi pangakatetuka, bakasanka ne kudisangabu pamue;

Bakadisanga pamue bangalamine bua kungenzela bibi;

Bakansunsula tupese tupese, ne kabakashala bapuwe to.

16 Bantu badi kabayi batumikila Nzambi badi banseka ne dipetu,*

Badi bandiila mênu.+

Unsungile* ku mvita idibu bangela,+

Usungile muoyo wanyi wa mushinga mukole* kudi bana ba ntambue.*+

18 Nunku, nenkuele tuasakidila mu tshisumbu tshinene tshia bantu;+

Nenkutumbishe munkatshi mua misumba ya bantu.

19 Kulekedi badi bena lukuna banyi kakuyi bualu basanka bua dikenga dianyi;

Kulekedi badi bankine kakuyi bualu+ bavinya mêsu abu ne muoyo mubi.+

20 Bualu kabena bamba mêyi a ditalala to,

Kadi badi belela bena ditalala ba mu buloba meji mabi ne dishima dionso.+

21 Badi babalula mukana muabu bikole bua kumbanda,

Bamba ne: “Woloo! Woloo! Mêsu etu mmamone bualu ebu.”

23 Tabala, juka bua kungakuila,

Nzambi wanyi, Yehowa, ngakuila mu tshilumbu tshianyi.

24 Undumbuluishe bilondeshile buakane buebe,+ Yehowa Nzambi wanyi;

Kubalekedi basanka bua dikenga dianyi to.

26 Buonso buabu bafuishibue bundu, bapuekeshibue milongo

Bobu badi basanka bua dikenga dianyi.

27 Kadi badi basanka bua buakane buanyi bele mbila ne disanka;

Bambe misangu yonso ne:

28 Nunku, ludimi luanyi nelulondele bantu* buakane buebe+

Ne nelukutumbishe dituku dijima.+

36 Dishipa dia mikenji didi diambila muntu mubi malu munda menemene mua muoyo wende;

Kakuena ditshina dia Nzambi ku mêsu kuende to.+

 2 Bualu yeye udi udibomba ku mêsu kuende nkayende upitshisha,

Kayi mua kujingulula tshilema tshiende ne kutshikina to.+

 3 Mêyi a mukana muende mmabi ne nga dishima;

Kena uleja busunguluji bua kuenza malu adi mimpe to.

Mmushindame mu njila udi kayi muimpe;

Kena ulekela malu adi mabi to.

 5 Yehowa, dinanga diebe dia lulamatu ndifike too ne mu diulu,+

Lulamatu luebe ndufike too ne mu matutu.

 6 Buakane buebe budi bu mikuna minene;*+

Mêyi ebe a dilumbuluisha adi bu mâyi manene male.+

Mu mundidimbi wa mapuapua ebe

mmudi bana ba bantu banyemena.+

 8 Badi banua bintu bilenga bia bungi* bia mu nzubu muebe bukuta,+

Ne udi ubanuisha musulu wa masanka ebe.+

 9 Kuudi wewe nkudi mpokolo wa muoyo;+

Ku butoke buebe, tudi tumona butoke.+

10 Tungunuka ne kuleja badi bakumanye dinanga diebe dia lulamatu,+

Ne buakane buebe, kudi badi balulame mu muoyo wabu.+

11 Kulekedi dikasa dia badibandishi dindiatakaja,

Anyi tshianza tshia bantu babi tshingipata.

12 Kuoku aku benji ba malu mabi mbakuluke;

Mbabakulule panshi, kabena mua kujuka to.+

37 Kufiiki munda* bua bantu babi

Anyi kualakanyi benji ba malu mabi to.+

 2 Nebafubidile ne lukasa bu tshisonsa,+

Nebuminyine bu tshisonsa tshibishi tshitshidi tshitolokelaku.

 3 Eyemena Yehowa ne enza malu adi mimpe;+

Somba mu buloba* ne enza malu ne lulamatu.+

 4 Ikala ne disanka dipite bungi* mu Yehowa,

Yeye neakukumbajile majinga a muoyo webe.

 5 Teka njila webe kudi* Yehowa;+

Mueyemena, ne yeye neenze tshienzedi bua bualu buebe.+

 6 Neenze bua buakane buebe bukenke bu pa kabundubundu,

Neavuije kulumbuluisha kuebe kuakane bu dîba dia munda munya.

 7 Shala mupuwe kumpala kua Yehowa,+

Umuindile ne muoyo kuulu kuulu.*

Kufiiki munda bua muntu

Udi ufika ku dikumbaja ngenyi idiye uluka.+

 8 Umbusha tshiji ne lekela luonji;+

Kufiiki munda ne kulu kuenza malu mabi.*

 9 Bualu bantu babi nebabutudibue,+

Kadi badi batekemena kudi Yehowa nebapiane buloba.+

10 Mu katupa kîpi patupu, bantu babi kabakuikalaku kabidi to;+

Neutangile muaba uvuabu,

Kabakuikalaku to.+

11 Kadi bena bupuekele nebapiane buloba,+

Nebikale ne disanka dipite bungi mu ditalala divule.+

12 Muntu mubi udi welela muntu muakane tshifufu;+

Udi umudiila mênu.

13 Kadi Yehowa neamuseke,

Bualu Yeye mmumanye ne: dituku diende nedilue.+

14 Bantu babi badi bapatula miele yabu ya mvita ne banana* mata abu a mikete

Bua kukulula bakengi ne bapele,

Bua kushipa badi njila wabu mululame.

15 Kadi muele wabu wa mvita newutubule muoyo wabu bobu bine;+

Mata abu a mikete neatshibuke.

16 Kakese ka muntu muakane nkimpe

Kapite divulangana dia bintu bia bantu babi ba bungi.+

17 Bualu nebatshibule maboko a bantu babi,

Kadi Yehowa neakuatshishe bantu bakane.

18 Yehowa mmumanye malu adi bantu badi kabayi mua kubandibua bapetangana nawu,*

Ne bumpianyi buabu nebushalaku kashidi.+

19 Kabakufuishibua bundu mu

tshikondo tshia tshipupu to;

Mu tshikondo tshia tshiyole tshia nzala, nebikale ne bintu bia bungi.

20 Kadi bantu babi nebajimine;+

Bena lukuna ba Yehowa nebajimine bu mpata milengele ya bisonsa;

Nebajimine anu bu muishi.

21 Muntu mubi udi usomba bintu ne kena ufuta,

Kadi muntu muakane mmuena tshipapayi* ne udi upeshangana bintu.+

22 Badiye mubeneshe nebapiane buloba,

Kadi badiye muele mulawu nebabutudibue.+

23 Yehowa udi uludika* bidia bia makasa a muntu+

Padi njila wa muntu au umusankisha.+

24 Nansha yeye mua kudishinda, kabakumukuma panshi nansha,+

Bualu Yehowa udi umukuata ku tshianza.*+

25 Mvua nsonga, mpindieu nkadi mukulakaje,

Kadi tshiena muanji kumona muntu muakane mulekelela,+

Peshi bana bende benda bakeba tshiakudia* to.+

26 Yeye udi usombeshangana bintu tshianana misangu yonso,+

Bana bende mbafuane kupeta dibenesha.

27 Umbuka ku malu mabi, enza malu adi mimpe,+

Neushalaku kashidi.

28 Bualu Yehowa mmunange kulumbuluisha kuakane,

Yeye kakulekela bena lulamatu bende nansha.+

Nebikale bakubibue misangu yonso;+

Kadi tunkanunuina tua bantu babi netubutudibue.+

29 Bantu bakane nebapiane buloba,+

Nebasombapu bua kashidi.+

30 Mukana mua muntu muakane mudi mupeteshangana meji,*

Ludimi luende ludi luakula

bua kulumbuluisha kuakane.+

31 Mukenji wa Nzambi wende udi mu muoyo wende;+

Makasa ende kaakutetuka to.+

32 Muntu mubi udi utentekela muntu muakane,

Ukeba bua kumushipa.

33 Kadi Yehowa kakumulekela mu tshianza tshia muntu au+

Anyi kumupisha padibu bamulumbuluisha to.+

34 Tekemena kudi Yehowa, londa njila wende,

Ne yeye neakubandishe bua wewe kupiana buloba.

35 Ndi mumone muntu mubi udi kayi ne luse

Udiunda bu mutshi udi musampile bikole mu buloba budiwu mutolokele.+

36 Kadi wakajimina diakamue ne kavuaku to;+

Ngakatungunuka ne kumukeba, kadi kavua mua kumueneka to.+

37 Tangila bimpe muntu udi kayi mua kubandibua,*

Shala mutangile muena bululame,+

Bualu matuku atshilualua a muntu au neikale a ditalala.+

38 Kadi bashipi ba mikenji bonso nebabutudibue;

Matuku atshilualua a bantu babi neakoshibue.+

39 Lupandu lua bantu bakane ludi lufumina kudi Yehowa;+

Yeye ke muaba wabu mukolesha mu tshikondo tshia dikenga.+

Yeye neabasungile kudi bantu babi ne neabapandishe,

Bualu badi banyemena kudiye.+

38 Yehowa wanyi, kuntandishi paudi mufiike munda,

Anyi kumbedi paudi mu tshiji tshikole.+

 2 Bualu mikete yebe mmimbuele munda menemene,

Ne tshianza tshiebe tshidi tshinshindamena.+

 4 Bualu bilema bianyi mbindiundile pa mutu wanyi;+

Bu bujitu bunene, bidi bipite bungi bundi mua kuambula.

 5 Mputa yanyi idi inunka ne mmibole

Bua butshimbakane buanyi.

 6 Ndi mu dikenga ne mu dibungama dipite bukole;

Ndi ngenda nnyunguluka mubungame dituku dijima.

 7 Munda muanyi mudi muosha;*

Mubidi wanyi mujima udi usama.+

 8 Ndi mukuatshike tukulakaja* ne mulue muzajike yonso;

Muoyo wanyi udi ukengakana udi untuishisha mikemu ne dîyi dikole.*

 9 Yehowa wanyi, majinga anyi onso adi kumpala kuebe,

Ne ditua dianyi dia mikemu ki ndikusokoka to.

10 Muoyo wanyi udi ututa lubilu, bukole buanyi mbupatuke,

Ne butoke bua mêsu anyi mbumbuke kundi.+

11 Balunda banyi ne bena dianyi badi bangepuka bua disama dianyi dikole,

Bantu bandi mumanyangane nabu bikole badi bimanyina pa bule.

12 Bakebi ba muoyo wanyi* badi bangela mateyi;

Badi bakeba bua kungenzela bibi badi bakula bua kabutu;+

Badi banungana malu a dishima dituku dijima.

13 Kadi bu mpudi matshi, tshivua ngumvua to;+

Bu kamama, tshivua nkangula mukana muanyi to.+

14 Ndi mulue bu muntu udi kayi mua kumvua,

Udi mukana muende kamuyi ne tshia kuamba bua kudilumbuluila.

15 Bualu wewe ke umvua muindile, Yehowa wanyi,+

Ne wewe wakangandamuna, Yehowa Nzambi wanyi.+

16 Bualu ngakamba ne: “Kabasanki bua dikenga dianyi

Anyi kabaditumbishi bua bualu buanyi biaselemuka dikasa dianyi.”

17 Bualu nkavua ngamba kukuluka,

Ne bivua binsama bivua nanyi misangu yonso.+

18 Ngakatonda tshilema tshianyi;+

Mpekatu wanyi uvua untatshisha.+

19 Kadi bena lukuna banyi badi ne makanda* ne bukole,*

Badi bankina kakuyi bualu mbalue kupita bungi.

20 Bakampingajila bubi ku buimpe;

Bavua banduisha bua dilonda malu mimpe.

22 Luaku lukasa bua kungambuluisha,

Yehowa wanyi, lupandu luanyi.+

39 Ngakamba ne: “Nendame dikasa dianyi

Bua kuepuka dienza mpekatu ne ludimi luanyi.+

Nendame mukana muanyi ne tshintu tshia kumujika natshi+

Padi muntu mubi muikale kumpala kuanyi.”

 2 Mvua mushale kamama, mupuwe;+

Ngakashala talalaa nansha bua bualu budi buimpe,

Kadi kanyinganyinga kanyi kavua kakole.*

 4 “Yehowa wanyi, ngambuluishaku bua mmanye tshikala nshikidilu wanyi,

Ne tshipiminu tshia matuku anyi,+

Bua mmanye buîpi bua muoyo wanyi.*

 5 Bushuwa, udi muvuije matuku anyi anu makese patupu;*+

Ne bule bua muoyo wanyi kabuena bu tshintu kumpala kuebe.+

 9 Ngakashala kamama;

Tshivua mua kukangula mukana muanyi,+

Bualu etshi tshivua tshienzedi tshiebe.+

11 Wewe udi ubela muntu ne dinyoka bua tshilema tshiende;+

Udi udia bintu bidiye wangata ne mushinga anu bu mutu tshishi tshia mbumbu tshidia.

12 Yehowa wanyi, umvua disambila dianyi,

Teleja muadi wanyi wa dilomba diambuluisha.+

Bualu ndi anu muntu musombe buenyi kuudi,+

Muena luendu udi upita,* anu bu bankambua banyi bonso.+

13 Umbusha mêsu ebe makole kundi bua mmone mua kusangala

Kumpala kua meme kujimina ne kuya.”

40 Mvua mutekemene Yehowa ne muoyo mujima,*

Ne yeye wakinyika ditshi diende kundi,* wakateleja muadi wanyi wa dilomba diambuluisha.+

 2 Wakampatula mu dijimba dia mukungulu,

Mu bitotshi bia lunteke.

Wakajadika makasa anyi pa mukuna wa dibue;

Wakajalamija makasa anyi bimpe.

 3 Pashishe wakateka musambu mupiamupia mukana muanyi,+

Butumbi kudi Nzambi wetu.

Bantu ba bungi nebatangile ne ditshina,

Ne nebeyemene Yehowa.

 4 Wa diakalenga mmuntu udi weyemena Yehowa,

Udi kayi utekemena kudi bena mutu mukole anyi kudi bena mafi.*

 5 Bintu bungibi nunku biudi muenze,

Yehowa Nzambi wanyi,

Midimu yebe ya kukema ne meji audi utuelela!+

Kakuena udi mua kufuanyikijibua nebe;+

Bu meme mua kuteta bua kubiamba ne kuakula bualu buabi,

Nebikale bungi tshianana bundi tshiyi mua kulondelangana!+

 6 Kuvua mujinge* mulambu ne dipa,+

Kadi wakakangula matshi anyi bua kutelejawu.+

 8 Kuenza disua diebe, Nzambi wanyi, ke disanka* dianyi,+

Mukenji webe udi munda muanyi menemene.+

Mona! Tshiena nkanda mishiku yanyi,+

Anu muudi wewe mumanye bimpe, Yehowa wanyi.

Bilema bianyi bungi tshianana mbimpite tshiyi mua kumona njila wanyi;+

Bidi bungi tshianana kupita nsuki ya ku mutu wanyi,

Ne ndi mutekeshibue ku muoyo.

14 Bonso badi bakeba kuangata muoyo* wanyi

Bafuishibue bundu ne bapuekeshibue milongo.

Badi basanka bua dikenga dianyi

Bapingane tshianyima bapuekeshibue milongo.

16 Kadi badi bakukeba+

Basanke bikole ne bikale ne disanka bua bualu buebe.+

17 Kadi tshiena mua kudisungila, ndi mupele;

Yehowa atumaku ntema yende kundi.

Wewe udi muambuluishi wanyi ne musungidi wanyi;+

Nzambi wanyi, kujingakanyi to.+

41 Wa diakalenga mmuntu yonso udi utabalela muntu mupuekele;+

Yehowa neamusungile mu dituku dia dikenga.

Neabikidibue ne: mmuena diakalenga pa buloba;+

Kuakumufila ku disua* dia bena lukuna bende nansha.+

 3 Yehowa neamukuatshishe pa bulalu buende bua disama;+

Mu disama diende, wewe neushintulule bulalu buende buonso.

Udi ukeba bua kupeta bualu bubi bua kuambaye;

Pashishe udi upatuka, ubutangalaja miaba yonso.

 7 Bonso badi bankine badi banungenangana;

Badi balukakaja ngenyi ya bualu bubi bua kungenzela, bamba ne:

 8 “Bualu butambe bubi mbumukuate;

Mpindieu udiye panshi, kakujuka kabidi to.”+

 9 Nansha muntu uvua nanyi mu ditalala, muntu umvua ngeyemena,+

Uvua udia diampa dianyi, mmunjudile tshikankanyi tshiende.*+

10 Kadi wewe, Yehowa wanyi, undeje luse luebe ne unjule,

Bua mmone mua kubapingajila difutu.

12 Kadi meme, udi untua mpanda bua muoyo wanyi mutoke;+

Neundame kumpala kuebe kashidi.+

13 Yehowa, Nzambi wa Isalele, atumbishibue

Kashidi ne tshiendelele.*+

42 Anu bu ngulungu udi ujinga tusulu tua mâyi ne muoyo mujima,

Ke mundi panyi nkujinga ne muoyo mujima,* Nzambi wanyi.

 3 Binsonji bianyi ke tshianyi

tshiakudia munya ne butuku;

Bantu badi banyobola dituku dijima bamba ne: “Nzambi webe udi penyi?”+

 4 Ndi mvuluka malu aa, ne ndi mpumuna anyima* wanyi,

Bualu ngakenda kale pamue ne musumba wa bantu;

Mvua ne tshibidilu tshia kuenda mazengu* kumpala kuabu mutangile ku nzubu wa Nzambi,

Ne mêyi a disanka ne a diela nawu tuasakidila,

A musumba wa bantu bikale basekelela tshibilu.+

Indila Nzambi,+

Bualu nengikale anu mua kumutumbisha kabidi bu Mupandishi wanyi Munene.+

Ke bualu kayi ndi nkuvuluka,+

Kumbukila ku buloba bua Yadene ne ku nsongo ya mukuna wa Hêmona,

Kumbukila ku mukuna wa Misâ.*

 7 Mâyi male adi ela mâyi male lubila

Ku tshiona tshia bibila biebe bia mâyi.

 8 Mu munya, Yehowa neandeje dinanga diende dia lulamatu,

Ne butuku, musambu wende newikale nanyi, disambila kudi Nzambi wa muoyo wanyi.+

10 Bena lukuna banyi badi banyobola* ne lukuna lua dishipangana nalu;*

Badi banyobola dituku dijima bamba ne: “Nzambi webe udi penyi?”+

Indila Nzambi,+

Bualu nengikale anu mua kumutumbisha kabidi bu Mupandishi wanyi Munene ne Nzambi wanyi.+

43 Nzambi wanyi, ndumbuluisha,+

Ungakuile mu tshilumbu tshindi natshi+ ne tshisamba tshidi katshiyi ne lulamatu.

Biobi ebi bindombole;+

Biye nanyi too ne ku mukuna webe wa tshijila ne ku ntenta webe munene wa tshitendelelu.+

 4 Nunku nendue ku tshioshelu tshia Nzambi,+

Kudi Nzambi, disanka dianyi dipite bungi.

Indila Nzambi,+

Bualu nengikale anu mua kumutumbisha kabidi bu Mupandishi wanyi Munene ne Nzambi wanyi.+

44 Nzambi wanyi, tudi badiumvuile ne matshi etu,

Bankambua betu mbatulondele,+

Malu awakenza mu matuku abu,

Matuku a kale kale.

 2 Wewe wakipata bisamba ne tshianza tshiebe+

Ne wakateka bankambua betu muaba au.+

 3 Ki nku muele wabu wa mvita kuvuabu bangate buloba abu to,+

Ne diboko diabu kadivua dibafikishe ku ditshimuna to.+

Kadi nku tshianza tshiebe tshia balume, ne ku diboko diebe,+ ne ku butoke bua mpala webe,

Bualu uvua mubanyishe.+

 4 Nzambi wanyi, wewe ke Mukalenge wanyi;+

Tuma dîyi bua* Yakoba ikale ne ditshimuna dionso dijima.*

 5 Ku bukole buebe netualuje baluishi betu tshianyima;+

Mu dîna diebe netudiatakaje badi bajuka bua kutuluisha.+

 6 Bualu tshiena ngeyemena buta buanyi bua mikete,

Ne muele wanyi wa mvita kawena mua kumpandisha.+

 7 Wewe ke uvua mutupandishe kudi baluishi betu,+

Wewe uvua mupuekeshe badi batukine milongo.

 8 Nzambi ngutuapesha butumbi dituku dijima,

Ne netuele dîna diebe tuasakidila bua kashidi. (Sela)

 9 Kadi mpindieu udi mutulekele ne mutupuekeshe milongo,

Kuena upatuka ne biluilu bietu.

10 Udi utungunuka ne kutupingajija tshianyima kumpala kua muluishi wetu;+

Badi batukine badi bangata tshionso tshidibu basue.

11 Udi utufila bua kutudiabu bu mikoko;

Udi mututangalaje munkatshi mua bisamba.+

12 Udi upana bantu bebe bu bafila patupu;+

Kuyi upeta makasa ku dibapana.*

13 Udi utuvuija bu tshipendu kudi bena mutumba netu,

Bu tshintu tshia kuseka ne kupepeja kudi bonso badi batunyunguluke.

14 Udi utuvuija tshintu tshia kupetula* munkatshi mua bisamba,+

Tshintu tshia bukua bantu kukupilabu mitu yabu.

15 Ndi ndiumvua mupuekeshibue milongo dituku dijima,

Ne bundu buanyi mbumpite bukole,

16 Bua mutoyi wa mayobo abu ne bipendu biabu,

Bua bualu bua muena lukuna wetu udi wenda udisombuela.

17 Bionso ebi mbitufikile, kadi katuena bakupue muoyo to,

Katuena bashipe tshipungidi tshiebe to.+

18 Muoyo wetu ki mmusesuke to;

Makasa etu kaena apambuka mu njila webe nansha.

19 Kadi wewe udi mutuzajile muaba utu mibuabua isombela;

Udi mutubuikidije ne mundidimbi mukole.

20 Bituikala bapue dîna dia Nzambi wetu muoyo,

Anyi bituoluela nzambi wa ku babende bianza mu disambila,

21 Nzambi kakusokolola bualu ebu anyi?

22 Bua bualu buebe, tudi tushipibua dituku dijima;

Tudi bangatshibue bu mikoko ya kushipabu.+

23 Juka. Yehowa wanyi, bua

tshinyi utshidi anu mulale?+

25 Bualu tudi* bapuekeshibue too ne mu lupuishi;

Mibidi yetu mmishindikila mu buloba.+

 3 Suika muele webe wa mvita+ ku lubese luebe, wewe muntu wa bukole,+

Mu bunême buebe ne butumbi buebe.+

 4 Mu butumbi buebe ndaku

mutangile ku ditshimuna;*+

Banda pa kabalu kebe bua bualu bua bulelela ne budipuekeshi ne buakane,+

Tshianza tshiebe tshia balume netshienze* malu a kukema.

 5 Mikete yebe mmitue, ikulula bukua bantu kumpala kuebe;+

Idi itubula mioyo ya bena lukuna ba mukalenge.+

 6 Nzambi ke nkuasa webe wa bukalenge kashidi ne tshiendelele;+

Dikombo dia bukalenge buebe ndikombo dia bululame.*+

 8 Bilamba biebe bionso bidi ne dipembu dia mire, dia mutshi wa alowe, ne dia wa kasia;

Muadi wa biombelu bia nshinga udi ufumina mu dibalasa dinene dia mibanga udi ukusankisha.

10 Teleja, wewe muananyi wa bakaji, teya ntema ne inyika ditshi diebe;

Puaku bantu ba kuenu ne nzubu wa tatuebe muoyo.

11 Mukalenge neajinge bulengele buebe ne muoyo mujima,

Bualu yeye udi mukalenge webe,

Nunku umuinamine.

12 Muana wa bakaji wa Tulo nealue ne dipa;

Balume badi ne bubanji bupite bua bakuabu bonso nebakebe bua kukulengelela.*

13 Munda mua dibalasa,* muana wa bakaji wa mukalenge udi ne bulengele buonso bukumbane;

Bilamba biende mbilengeja ne* or.

15 Nebalue nabu ne kusangala ne disanka;

Nebabuele mu dibalasa dia mukalenge.

46 Nzambi udi tshinyemenu tshietu ne bukole buetu,+

Diambuluisha didi dipeteka lukasa bikondo bia dikenga.+

 2 Ke bualu kayi katuakutshina to, nansha mudi buloba bushintuluka,

Nansha mudi mikuna itenkakana, ikuluka mu ndondo wa mbuu,+

 3 Nansha mudi mâyi awu akungula ne enza ntutu,+

Nansha mudi mikuna ikanka bua dituta diawu dikole dia mavuala. (Sela)

 4 Kudi musulu udi tusulu tuawu tusankisha tshimenga tshia Nzambi,+

Ntenta munene wa tshijila wa tshitendelelu wa Mutambe Bunene.

 6 Bisamba bivua mu diyoyo, makalenge akatonkodibua;

Yeye wakabandisha dîyi diende, buloba buakenguluka.+

 7 Yehowa wa biluilu udi netu;+

Nzambi wa Yakoba udi tshinyemenu tshietu tshikole.* (Sela)

 8 Luayi, numone midimu ya Yehowa,

Mushindu udiye muenze malu a kukema pa buloba.

Udi utshibula buta bua mikete ne usunsula difuma;

Udi wosha matempu a basalayi* ne kapia.

Nentumbishibue munkatshi mua bisamba;+

Nentumbishibue pa buloba.”+

11 Yehowa wa biluilu udi netu;+

Nzambi wa Yakoba udi tshinyemenu tshikole kutudi.+ (Sela)

 2 Bualu Yehowa Mutambe Bunene udi ukuatshisha buôwa;+

Yeye udi Mukalenge munene pa mutu pa buloba bujima.+

 3 Yeye udi uteka bukua bantu ku bukokeshi buetu;

Udi uteka bisamba muinshi mua makasa etu.+

 4 Yeye udi utusunguila buetu bumpianyi,+

Kudisua kua Yakoba udiye munange.+ (Sela)

 5 Nzambi mmubande munkatshi mua mbila ya disanka;

Yehowa mmubande munkatshi mua muadi wa mpungi.*

 7 Bualu Nzambi udi Mukalenge wa buloba bujima;+

Imbayi misambu ya kumutumbisha nayi, ne lejayi busunguluji.

 9 Balombodi ba bukua bantu mbadisangishe pamue

Ne bantu ba Nzambi wa Abalahama.

48 Yehowa udi munene ne udi mutambe kuakanyina butumbi

Mu tshimenga tshia Nzambi wetu, mu mukuna wende wa tshijila.

 2 Mulengele mu butumbuke buawu, disanka dia buloba bujima,+

Mmukuna wa Siona udi kule ku nord,

Tshimenga tshia Mukalenge Munene.+

 3 Mu bibumba biatshi bikolesha,

Nzambi mmumanyishe ne: yeye udi tshinyemenu tshikole.*+

 4 Bualu, tangilayi! Bakalenge mbadisangishe;*

Mbaye kumpala tshiapamue.

 6 Luzakalu luakabakuatshilaku,

Didinyenga bu dia mukaji pa lulelu.

 8 Bituvua bumvue, mpindieu tudi badimuenenabi nkayetu

Mu tshimenga tshia Yehowa wa biluilu, mu tshimenga tshia Nzambi wetu.

 9 Nzambi wetu, tudi tuelangana meji a dinanga diebe dia lulamatu+

Munda mua ntempelo webe.

10 Anu bu dîna diebe, Nzambi wetu, butumbi buebe

Budi bufika too ne ku ntengu ya buloba.+

11 Mukuna wa Siona+ usanke,

Bimenga bia* Yuda bikale ne disanka, bua mêyi ebe a dilumbuluisha.+

12 Endayi nunyunguluka Siona; munyungulukayi yonso;

Balayi bungi bua bibumba biende.+

Kenketayi bibumba biende bikolesha,

Bua numone mua kulondela bena mu bipungu bia bantu bialua bualu buende.

Teyayi ntema, nuenu bonso badi basombele pa buloba,*

 2 Bakese ne banene,*

Babanji ne bapele muomumue.

 3 Mukana muanyi nemuakule malu a meji,

Ne meji andi ngelangana mu muoyo wanyi+ nealeje dijingulula dia malu.

 4 Nenteye ntema ku lusumuinu;

Nengumvuije kasumuinu kanyi ne lunzenze.

 5 Bua tshinyi ndi mua kutshina mu bikondo bia ntatu+

Pandi munyunguluka kudi malu mabi a* badi bakeba kuntonkola?

Ne badi baditumbisha bua biuma biabu bivule,+

 7 Kakuena nansha umue wabu udi mua kukuula muanabu,

Anyi kupesha Nzambi tshia kumupikula natshi,+

 8 (Mushinga wa kupikula* nawu muoyo* wabu mmukole menemene

Kabayi mua kuwukumbaja musangu nansha umue);

 9 Bua yeye ikale ne muoyo bua kashidi, bua kamonyi dijimba.*+

10 Yeye udi umona ne: nansha bena meji badi bafua;

Batatakane ne badi kabayi ne meji badi bajimina pamue,+

Ne badi ne bua kushila bantu bakuabu bubanji buabu.+

11 Dijinga dia munda muabu ndia ne: nzubu yabu neyishalaku kashidi,

Ntenta yabu neyishalaku ku tshipungu ne ku tshipungu tshia bantu.

12 Kadi muntu, nansha yeye munemekibue, kakushalaku to;+

Yeye ki mmupite nyama idi ijimina to.+

13 Eu ke njila wa bantu batatakane+

Ne wa badi babalonda badi basue kuteleja mêyi abu a patupu. (Sela)

Lufu neluikale mulami wabu;

Bena bululame nebabakokeshe+ mu dinda.

Tshimanyinu tshiabu tshionso netshijimine;+

Pamutu pa dibalasa, Lukita*+ ke luikala nzubu wabu.+

15 Kadi Nzambi neankuule* ku bukole bua* Lukita,*+

Bualu yeye neankuate. (Sela)

16 Kutshinyi bualu muntu udi ulua mubanji,

Bualu butumbi bua nzubu wende budi buvula to,

17 Bualu padiye ufua kena mua kuya ne tshintu nansha tshimue to;+

Butumbi buende kabuakupueka nende nansha.+

20 Muntu udi kayi ujingulula bualu ebu, nansha yeye munemekibue,+

Ki mmupite nyama idi ijimina to.

50 Yehowa, Nzambi wa banzambi,*+ mmuakule;

Udi ubikila buloba

Kumbukila ku dipatuka dia dîba too ne ku dibuela diadi.*

Kumpala kuende kudi kapia kadi kosha,+

Ne tshipepele tshikole tshidi tshituta tshimunyunguluke.+

 4 Yeye udi ubikila diulu didi muulu ne buloba kabidi,+

Bua kulumbuluisha bantu bende ne:+

 5 “Sangishayi bena lulamatu banyi kundi,

Bobu badi badia nanyi tshipungidi ku diambuluisha dia mulambu.”+

 6 Diulu didi dimanyisha buakane buende,

Bualu Nzambi muine udi Mulumbuluishi.+ (Sela)

 7 “Telejayi, nuenu bantu banyi, meme nengakule;

Isalele, nenkutuishe.+

 8 Tshiena nkubela bua milambu yebe,

Peshi bua milambu yebe ya kuosha mijima idi misangu yonso kumpala kuanyi to.+

 9 Tshiena dijinga ne kuangata ngombe mulume mu nzubu muebe,

Anyi mbuji* mu bikumbi biebe to.+

10 Bualu nyama yonso ya tshisuku idi muitu nyanyi,+

Nansha nyama idi pa mikuna tshinunu.

11 Ndi mumanye nyunyi yonso ya ku mikuna;+

Nyama ya mu mpata idi bungi kabuyi kubala nyanyi.

12 Bu meme ne nzala, tshivua mua kukuambila to,

Bualu buloba budi bumenesha bintu mbuanyi ne bionso bidipu.+

13 Nendie munyinyi wa ngombe

Ne nennue mashi a mbuji anyi?+

14 Fila kusakidila bu mulambu webe kudi Nzambi,+

Ne kumbaja mitshipu yebe kudi Mutambe Bunene;+

15 Umbile mu tshikondo tshia dikenga.+

“Mbukenji kayi buudi nabu bua kulondelangana mêyi ne mikandu yanyi+

Anyi bua kuakula bua tshipungidi tshianyi?+

17 Bualu wewe udi mukine dinyoka,*

Ne udi utungunuka ne kuela mêyi anyi nyima.*+

18 Paudi umona muivi, udi umuanyisha,*+

Ne udi usomba ne bena masandi.

19 Udi wakula ne mukana muebe bua kutangalaja malu adi mabi,

Ne dishima ndisuikila ku ludimi luebe.+

20 Udi usomba ne wakula bibi bua muanenu;+

Udi usokolola bilema bia* muana wa mamuebe.

21 Pauvua muenze malu aa, mvua mushale mupuwe,

Ke wewe kuela meji ne: mvua mua kuikala anu bu wewe.

Kadi mpindieu nenkubele,

Ne nengele tshilumbu tshindi nebe patoke.+

22 Elayi koku meji a bualu ebu, nuenu badi bapua Nzambi muoyo,+

Bua meme tshinusunsudi, kakuyi muntu wa kunusungila.

23 Muntu udi ufila kusakidila bu mulambu wende udi untumbisha,+

Kadi bua muntu udi ulonda njila mumana kuteka,

Nengenze bua yeye amone lupandu lua kudi Nzambi.”+

 2 Nsukula ku tshilema tshianyi tshionso,+

Nkezula ku mpekatu wanyi.+

 3 Bualu ndi mumanye bimpe matomboka anyi,

Ne mpekatu wanyi udi misangu yonso kumpala kuanyi.*+

 4 Undi muenzele mpekatu nguewe, nguewe nkayebe;*+

Tshidi tshibi ku mêsu kuebe ke tshindi muenze.+

Nunku, wewe udi muakane paudi wakula,

Udi muakane mu dilumbuluisha diebe.+

 5 Mona! Mvua muledibue ne tshibawu tshia tshilema,

Ne mamu wanyi uvua mungimite mu mpekatu.*+

 6 Mona! Wewe udi wanyisha bulelela budi nabu muntu munda;+

Longesha tshindi munda menemene* meji malelela.

 7 Unkezule ku mpekatu wanyi ne tshisonsa tshia izope, nunku nengikale mukezuke;+

Unsukule, nunku nengikale mutoke kupita neje.+

 8 Ndekela ngumvue mbila ya disanka ne musangelu,

Bua mifuba iuvua muzaze ilue kusanka.+

 9 Umbusha mpala webe* ku mpekatu yanyi,+

Ne kupula* bilema bianyi bionso.+

10 Fuka muoyo mukezuke munda muanyi, Nzambi wanyi,+

Teka nyuma mupiamupia munda muanyi,+ eu udi mushindame.

11 Kungipatshi kumpala kuebe;

Kumbushi nyuma muimpe* webe kundi to.

12 Mpingajila disanka dia lupandu luebe;+

Jula munda muanyi dijinga dia kukutumikila.*

13 Nendongeshe bashipi ba mikenji njila yebe,+

Nunku benji ba mpekatu nebapingane kuudi.

14 Umpandishe ku dibanza dia mashi,+ Nzambi wanyi, Nzambi wa lupandu luanyi,+

Bua ludimi luanyi lumone mua kumanyisha buakane buebe ne disanka.+

15 Yehowa, kangula mishiku yanyi,

Bua mukana muanyi mumone mua kumanyisha butumbi buebe.+

16 Bualu wewe kuena ukeba mulambu, tshianana mvua mua kuwufila;+

Kuena usanka bua mulambu wa kuosha mujima.+

17 Milambu idi isankisha Nzambi idi lungenyi ludi luzengele;

Muoyo udi musunsuke ne muzajike, Nzambi wanyi, kuakuwubenga* to.+

18 Mu muoyo webe muimpe, enzela Siona malu mimpe;

Ibaka bimanu bia Yelushalema.

19 Pashishe neusanke bua milambu ya buakane,

Milambu ya kuosha ne milambu ya kufila mijima;

Pashishe nebafile bimpanga bia ngombe pa tshioshelu tshiebe.+

 2 Ludimi luebe, lutue bu kapaya,+

Ludi lulukakaja bua kuenzelangana bibi ne luenza malu ne dishima.+

 3 Udi munange malu mabi bikole kupita malu mimpe,

Munange kushima kupita kuamba malu adi makane. (Sela)

 4 Udi munange dîyi dionso didi ditapa,

Wewe ludimi ludi ludinga!

 5 Ke bualu kayi Nzambi neakuupule musangu umue bua kashidi;+

Neakukuate ne neakupatule mu ntenta webe;+

Neakujomone mu buloba bua badi ne muoyo.+ (Sela)

 6 Bantu bakane nebamone bualu ebu, nebuwujibue ne ditshina,+

Ne nebamuseke.+

 7 “Monayi muntu uvua kayi muvuije Nzambi tshinyemenu tshiende,*+

Kadi uvua mueyemene bubanji buende bua bungi+

Ne mueyemene* ngenyi yende mibi ivuaye upangadija.”*

 8 Kadi meme nengikale bu mutshi wa olive udi musampile bikole mu nzubu wa Nzambi;

Ndi mueyemene dinanga dia lulamatu dia Nzambi,+ kashidi ne tshiendelele.

 9 Nenkutumbishe kashidi bua muudi muenze bualu;+

Kumpala kua bena lulamatu bebe,

Nentekemene dîna diebe,+ bualu mbimpe.

Bienzedi biabu bidi kabiyi biakane mbinyanguke ne mbibipe;

Kakuena muntu udi wenza malu mimpe.+

 2 Kadi Nzambi mu diulu udi utangila bana ba bantu panshi+

Bua kumona ni kudi muntu udi ne lungenyi lutue, ni kudi muntu udi ukeba Yehowa.+

 3 Buonso buabu mbasesuke;

Buonso buabu mbanyanguke muomumue.

Kakuena udi wenza malu mimpe,

Nansha umue.+

 5 Kadi nebuwujibue ne buôwa bukole menemene,

Buôwa bukole butubu katshia kabayi banji kumvua,*

Bualu Nzambi neatangalaje mifuba ya badi bakubunda.*

Padi Yehowa upingaja bantu bende badi bakuatshibue,

Yakoba ikale ne disanka, Isalele asanke.

54 Nzambi wanyi, mpandisha mu dîna diebe,+

Ne mbingisha*+ ne bukole buebe.

 2 Nzambi wanyi, teleja koku disambila dianyi;+

Teya ntema ku mêyi a mukana muanyi.

 3 Bualu benyi badi banjukila,

Ne bantu badi kabayi ne luse badi bakeba muoyo* wanyi.+

 4 Monayi! Nzambi udi muambuluishi wanyi;+

Yehowa udi ne badi bankuatshisha.*

 5 Yeye neapingajile baluishi banyi+ bubi buabu;

Mu lulamatu luebe, ubatuishe ku ndekelu.*+

 7 Bualu yeye udi umpandisha ku dikenga dionso,+

Ne meme nentangile bena lukuna banyi ne mêsu a ditshimuna.+

55 Nzambi wanyi, teleja koku disambila dianyi,+

Ne kubengi kuteleja dilomba dianyi dia luse.*+

Bualu budi buntonde kabuena bungikishisha,+

Ne ndi ndubakana mu meji

 3 Bua malu adi muena lukuna wamba

Ne dintshintshimika dia muntu mubi.

Bualu badi bangunguijila lutatu,

Ne padibu ne tshiji, badi bandamina lukuna munda.+

 4 Muoyo wanyi udi ukengakana munda muanyi,+

Ne buôwa bukole bua lufu mbumpite bukole.+

 5 Buôwa ne luzakalu mbilue kundi,

Ne lukanku lukole ndunkuate.

 8 Mvua mua kuya lubilu muaba wa kupengama

Kule ne mvunde, kule ne tshipepele tshikole.”

 9 Yehowa wetu, bakondakaja ne tatakaja malu adibu balongolola bua kuenza,*+

Bualu ndi mumone tshikisu ne dikokangana mu tshimenga.

10 Munya ne butuku, badi benda banyunguluka pa bimanu biatshi;

Munda muatshi mudi muoyo mubi ne tshimvundu.+

11 Kabutu kadi munkatshi muatshi;

Dikengeshangana ne dishima kabiena biumbuka muaba watshi wa tshinsangansanga nansha.+

12 Bualu udi umbunda* ki mmuena lukuna to;+

Tshianana mvua mua kulengulula bualu abu.

Udi munjukile ki mmuluishi to;

Tshianana mvua mua kumusokoma.

13 Kadi nguewe, muntu bu meme,*+

Muena dianyi undi mumanye bimpe.+

14 Tuvua mu bulunda buimpe;

Tuvua tuenda pamue ne tshisumbu tshia bantu bua kuya kubuela mu nzubu wa Nzambi.

Bapueke mu Lukita* ne muoyo;

Bualu malu mabi mmasombe munkatshi muabu ne munda muabu.

16 Kadi meme nembikile Nzambi,

Ne Yehowa neampandishe.+

17 Dilolo ne dinda ne munda munya, ndi ndubakana ne ndi ntua mikemu,*+

Ne yeye udi umvua dîyi dianyi.+

18 Yeye neansungile* kudi badi banduisha ne neampeteshe* ditalala,

Bualu misumba ya bantu idi induila ne mvita.+

19 Nzambi neumvue ne neabandamune,+

Yeye udi musombe mu nkuasa wa bukalenge katshia ku kale.+ (Sela)

Nebabenge bua kushintuluka,

Bobu badi kabayi batshine Nzambi.+

20 Yeye* wakabunda bavua nende mu ditalala;+

Wakashipa tshipungidi tshiende.+

21 Mêyi ende mmabotakane kupita manteka,+

Kadi dikokangana didi mu muoyo wende.

Mêyi ende adi ne bufinu kupita mafuta,

Kadi adi bu miele ya mvita mipatula mu bizubu.+

22 Upuila Yehowa bujitu buebe,+

Ne yeye neakuambuluishe.+

 2 Baluishi banyi badi batungunuka ne kungamba mêyi a luonji dituku dijima;

Bantu ba bungi badi banduisha ne diambu dionso.

 4 Ndi ngeyemena Nzambi, muena dîyi dindi ntumbisha;

Ndi ngeyemena Nzambi; tshiena ntshina to.

 5 Dituku dijima badi banyanga malu anyi;

Meji abu adi anu a kungenzela bibi.+

 6 Badi basokoma bua kumbunda,

Badi batentekela tshidia tshianyi tshionso,+

Batekemene bua kuangata muoyo wanyi.*+

10 Ndi ngeyemena Nzambi, muena dîyi dindi ntumbisha;

Ndi ngeyemena Yehowa, muena dîyi dindi ntumbisha;

11 Ndi ngeyemena Nzambi; tshiena ntshina to.+

12 Ndi musuikibue kuudi ku mitshipu yanyi, wewe Nzambi;+

Nenkupeshe milambu ya kukuela nayi tuasakidila.+

13 Bualu wewe udi munsungile* ku lufu+

Ne mukande makasa anyi bua kaatetuki,+

Bua mmone mua kuenda kumpala kua Nzambi mu butoke bua badi ne muoyo.+

57 Ngambuluisha, Nzambi wanyi, ngambuluisha,

Bualu ndi nyemena* kuudi,+

Ne ndi nyemena mu mundidimbi wa mapuapua ebe too ne papita ntatu.+

 2 Ndi mbikila Nzambi Mutambe Bunene,

Nzambi mulelela udi uyimfikishila ku ndekelu.

 4 Ndi* munyunguluka kudi ntambue;+

Ndi ne bua kulala munkatshi mua bantu badi bakeba kundia,

Badi ne mênu mikale mafuma ne mikete

Ne badi ne ludimi luikale muele wa mvita mutue.+

 5 Nzambi wanyi, tumbishibua pa mutu pa diulu;

Butumbi buebe buikale pa mutu pa buloba bujima.+

 6 Mbalongolole bukondo bua kuteya makasa anyi;+

Ndi* mukobame ne dikenga.+

Mbumbule dijimba kumpala kuanyi,

Kadi mbakulukamu bobu nkayabu.+ (Sela)

 7 Muoyo wanyi mmushindame, Nzambi wanyi,+

Muoyo wanyi mmushindame.

 9 Yehowa wanyi, nenkutumbishe munkatshi mua bukua bantu;+

Nenkuimbile misambu ya kukutumbisha nayi* munkatshi mua bisamba.+

10 Bualu dinanga diebe dia lulamatu ndinene, ditumbuke anu bu diulu,+

Ne lulamatu luebe ndufike too ne mu biululu.

11 Nzambi wanyi, tumbishibua pa mutu pa diulu;

Butumbi buebe buikale pa mutu pa buloba bujima.+

 2 Pamutu pa kuenza nanku, nudi nulukakaja malu adi kaayi makane mu mioyo yenu,+

Ne bianza bienu bidi bibueja tshikisu mu ditunga.+

 3 Bantu babi mbapambuke* katshia anu ku diledibua diabu;*

Mbantomboji, bena mashimi katshia anu ku tshikondo tshidibu baledibua.

 4 Lulengu luabu ludi anu bu lulengu lua nyoka;+

Mbampudi matshi anu bu nyoka wa kobra udi ujika ditshi diende.

 5 Kakumvua dîyi dia bena mupongo wa ntekesha,

Nansha malu abu a mipongo owu makole mushindu kayi.

 8 Bobu bikale bu nyonga udi wenguluka padiye wenda udikoka;

Bu muana udibu balele mufue kudi mamu, udi kayi umona dîba nansha kakese.

 9 Kumpala kua ngesu yenu kayiyi mianji kukuata kapia ka tumitshi tua mêba,

Yeye neumbushe tumatamba tubishi ne tudi ne kapia, anu bu mu tshipepele tshikole.+

10 Muntu muakane neasanke bualu mmumone disombuela;+

Makasa ende neikale matote ne mashi a bantu babi.+

59 Nzambi wanyi, nsungila kudi bena lukuna banyi;+

Nkuba kudi bantu badi bajuka bua kunduisha.+

 2 Nsungila kudi badi benza malu mabi,

Ne mpandisha kudi bena tshikisu.*

 3 Mona! Mbangalamine;*+

Bantu ba bukole badi bangela mvita,

Yehowa wanyi, ki mbualu ndi mutomboke anyi muenze mpekatu to.+

 6 Badi bapingana dilolo dionso;+

Badi bakungula* bu mbua+ ne babembela benda banyunguluka tshimenga.+

 7 Tangila bidi bipongoloka* mukana muabu;

Mishiku yabu idi anu bu miele ya mvita,+

Bualu badi bamba ne: “Nnganyi udi uteleja?”+

 8 Kadi wewe, Yehowa, neubaseke;+

Neupetule bisamba bionso.+

 9 Wewe Bukole buanyi, nenshale mutabale bua kukuindila;+

Bualu Nzambi ntshinyemenu tshianyi tshikole.*+

10 Nzambi udi undeja dinanga dia lulamatu nealue kungambuluisha;+

Nzambi neenze bua ntangile baluishi banyi ne mêsu a butshimunyi.+

Ubatambakaje ku bukole buebe;

Yehowa wanyi, wenze bua batonkoke, wewe ngabu wetu.+

12 Bua mpekatu wa mukana muabu, dîyi dia ku mishiku yabu,

Bakuatshibue mu buteyi bua lutambishi luabu,+

Bua milawu ne mashimi bidibu bamba.

13 Bajikija mu tshiji tshiebe;+

Bajikija bua kabikadiku kabidi to;

Wenze bua bamanye ne: Nzambi udi ukokesha mu Yakoba too ne ku ntengu ya buloba.+ (Sela)

14 Bapingane dilolo;

Bakungule* bu mbua ne babembele benda banyunguluka tshimenga.+

15 Batambakane bua kupeta tshiakudia;+

Kubalekedi bukuta anyi bapeta muaba wa kutudila.

16 Kadi meme nengimbe bua bukole buebe;+

Mu dinda, nengambe bualu bua dinanga diebe dia lulamatu ne disanka.

Bualu wewe udi tshinyemenu tshianyi tshikole+

Ne muaba wanyi wa kunyemena mu tshikondo tshia dikenga.+

17 Wewe Bukole buanyi, nenkuimbile misambu ya kukutumbisha nayi,*+

Bualu Nzambi ntshinyemenu tshianyi tshikole, Nzambi mundeji wa dinanga dia lulamatu.+

 4 Fila* tshimanyinu kudi badi bakutshina

Bua banyeme ne bepele buta bua mikete. (Sela)

 5 Bua bantu bebe baudi munange basungidibue,

Tupandisha ne tshianza tshiebe tshia balume ne tuandamuna.+

“Nensanke bikole, nemfile Shekeme bu bumpianyi,+

Nempime Tshibandabanda* tshia Sukota.+

 7 Gilada nguanyi anu bu mudi Manashe wanyi,+

Efelayima ntshifulu* bua mutu wanyi;

Yuda ndikombo dianyi dia bumfumu.+

10 Ki nguewe, Nzambi wanyi, udi mutulekele,

Nzambi wetu, udi katshiyi upatuka ne biluilu bietu anyi?+

11 Tuambuluisha mu dikenga dietu,

Bualu lupandu lua kudi bantu ludi patupu.+

12 Netupetele bukole kudi Nzambi,+

Ne yeye neadiatakaje baluishi betu.+

 2 Kumbukila ku ntengu ya buloba, nengele lubila kuudi

Padi muoyo wanyi mushikile.*+

 3 Bualu wewe udi tshinyemenu tshianyi,

Tshibumba tshikole tshidi tshinkuba kudi muena lukuna.+

 4 Nentudile mu ntenta webe kashidi;+

Nenyemene muaba wa kupengama* wa mu mapuapua ebe.+ (Sela)

 6 Neusakidile matuku ku muoyo wa* mukalenge,+

Ne bidimu biende nebikalaku mu bantu ba tshipungu ne tshipungu tshionso.

 7 Yeye neasombe mu nkuasa wa bukalenge* kashidi kumpala kua Nzambi;+

Mupesha* dinanga dia lulamatu pamue ne lulamatu, bua biobi ebi bimukube.+

 8 Nunku nengimbe misambu ya kutumbisha nayi* dîna diebe kashidi+

Pandi nkumbaja mitshipu yanyi ku dituku ne ku dituku.+

 2 Bushuwa, yeye udi dibue dianyi ne lupandu luanyi, tshinyemenu tshianyi tshikole;*+

Kabakunnyukula bikole musangu nansha umue to.+

 4 Bualu badi bumvuangana bua kumukulula ku muaba wende mubandile;*

Mbasue kushima.

 5 Bushuwa, ndi muindile Nzambi mupuwe talalaa,*+

Bualu ditekemena dianyi didi difumina kudiye.+

 6 Bushuwa, yeye udi dibue dianyi ne lupandu luanyi, tshinyemenu tshianyi tshikole;

Kabakunnyukula musangu nansha umue to.+

 9 Bana ba bantu badi anu mupuya wa patupu,

Bana ba bantu badi anu tshidingishilu.+

10 Kanueyemenyi dinyengangana bintu,

Kanuikadi nansha ne ditekemena dia dishima mu buivi.

11 Nzambi mmuakule musangu umue, meme kumvua bualu ebu misangu ibidi,

Ne: bukole mbua Nzambi.+

12 Kabidi, dinanga dia lulamatu ndiebe, wewe Yehowa,+

Bualu udi ufuta muntu yonso bilondeshile bienzedi biende.+

Ndi* mufue ne dikujinga ne muoyo mujima,

Mu buloba bume ne bukamakane mudi kamuyi mâyi.+

 2 Nunku ndi mukutangile mu muaba wa tshijila;

Meme kumona bukole buebe ne butumbi buebe.+

 3 Bu mudi dinanga diebe dia lulamatu dimpe kupita muoyo,+

Mishiku yanyi meme neyikutumbishe.+

 4 Ke bualu kayi nenkutumbishe matuku anyi onso a muoyo;

Nengele bianza muulu mu dîna diebe.

 5 Ndi* mukute ne tshitupa tshitambe buimpe ne tshitambe bulengele,*

Nunku mukana muanyi nemukutumbishe ne disanka ku mishiku yanyi.+

 6 Ndi nkuvuluka pandi pa bulalu buanyi;

Ndi ngelangana meji a bualu buebe mu bikondo bia bilu bia butuku.+

 7 Bualu wewe udi muambuluishi wanyi,+

Ne ndi ngela mbila mu mundidimbi wa mapuapua ebe ne disanka.+

 8 Ndi mukulamate* bikole;

Tshianza tshiebe tshia balume ntshinkuate bikole.+

 9 Kadi badi bakeba kubutula muoyo wanyi*

Nebapueke mu ndondo ya buloba.

10 Nebafidibue ku bukokeshi bua muele wa mvita;

Nebalue biakudia bia mibuabua.*

Muntu yonso udi uditshipa mu dîna Diende neasanke bikole,*

Bualu mukana mua badi bashima nemupuwishibue.

 2 Nsokoka ku bifufu bidi bantu babi bela mu musokoko,+

Kudi musumba wa benji ba malu mabi.

 3 Badi basakisha ludimi luabu anu bu muele wa mvita;

Badi baludika mêyi abu a tshikisu anu bu mikete,

 4 Bua kuasabu muntu udi kayi ne bualu kumbukila miaba idibu basokome;

Badi bamuasa diakamue kayi mutekemene, kakuyi buôwa.