YESHAYA

 2 Teleja, wewe diulu, ne teya ntema wewe buloba,+

Bualu Yehowa mmuakule ne:

“Bana bandi mudiishe ne mukoleshe,+

Kadi bobu mbantombokele.+

 3 Ngombe mmumanye bimpe udi mumusumbe,

Mpunda mmumanye bimpe tshidilu tshia mfumuende;

Kadi Isalele ki mmummanye meme* to,+

Bantu banyi kabena benza malu ne dijingulula dia malu nansha.”

 4 Diakabi dikale kudi tshisamba tshia mpekatu,+

Bantu badi banemeshibue bujitu kudi tshilema,

Ndelanganyi ya bantu babi, bana banyanguke!

Mbalekele Yehowa;+

Mbenzele Wa Tshijila wa Isalele malu kakuyi kanemu;

Mbamuele nyima.

Mutu mujima udi usama,

Ne muoyo mujima udi ne bubedi.+

Kudi mputa ne mibundabunda ne mputa ya milengu,

Ki mbayondope* anyi bayijingile tshilamba anyi bayitekeshe ne mafuta to.+

 8 Mbashiye muana wa bakaji wa Siona bu muaba wa kueyema* mu budimi bua tumuma tua mvinyo,

Bu mutanda mu budimi bua konkombre,

Bu tshimenga tshidibu batshintshimike.+

 9 Bu Yehowa wa biluilu kayi mutushile ndambu wa bantu badi bapanduke,

Tuvua mua kuikala balue anu bu Sodoma,

Ne tuvua mua kuikala bafuanangane ne Amola.+

Nkadi mutshioke milambu yenu ya kuosha ya bimpanga bia mikoko+ ne mafuta a nyama midisha bimpe,+

Ne tshiena nsanka bua mashi+ a bana ba ngombe+ ne a bana ba mikoko ne a mbuji to.+

12 Panudi nulua bua kumueneka kumpala kuanyi,+

Nnganyi udi munulombe bua kuenza bualu ebu:

Kusekelela kua dibala dia ngondo,+ nsabatu,+ ne kubueja kua masangisha manene,+

Tshiena mua kuanyisha dienza dia malu a mupongo+ pamue ne disangisha dienu dinene nansha.

Mbilue bujitu kundi;

Ndi mutshioke ne dibitangila ne mêsu.

15 Panudi nuolola bianza bienu,

Ndi nnusokoka mêsu anyi.+

Nansha munudi nuenza masambila a bungi,+

Tshiena nteleja to;+

Bianza bienu mbiuwule tente ne mashi.+

16 Owayi mâyi, dikezulayi;+

Umbushayi bienzedi bienu bibi ku mêsu kuanyi;

Lekelayi kuenza malu mabi.+

17 Longayi mua kuenza malu mimpe, kebayi kulumbuluisha kuakane,+

Pingajayi mukengeshanganyi mu njila,

Akuilayi manême a muana udi kayi ne tatuende,*

Ne lumbuluilayi mukaji mukamba.”+

Nansha mudi mpekatu yenu mikunze kunzuu,

Neyivuijibue mitoke anu bu neje;+

Nansha mudiyi mikunze tshididii bu tshilamba tshikunze,

Neyilue mitoke bu miosa ya mikoko.

19 Nuenu bitabe ne bateleje,

Nenudie bintu bimpe bia mu ditunga.+

20 Kadi nuenu babenge ne batomboke,

Nebanubutule ku muele wa mvita,+

Bualu mukana mua Yehowa mmuambe bualu ebu.”

Uvua muwule tente ne kulumbuluisha kuakane;+

Buakane buvua busombele munda muende,+

Kadi mpindieu mudi bashipianganyi.+

22 Biamu biebe bia arjan mbikuate manyanu,+

Ne maluvu ebe* mmatekesha ne mâyi.

Kabena babingisha bana badi bafuishe batatuabu,*

Ne tshilumbu tshia mukaji mukamba katshiena tshifika kudibu nansha.+

24 Ke bualu kayi Mukalenge mulelela, Yehowa wa biluilu,

Wa Bukole wa Isalele, udi wamba ne:

“Tangilayi! Nendiumbushile baluishi banyi,

Ne nendisombuele kudi bena lukuna banyi.+

25 Nenkudimune tshianza tshianyi bua kukuluisha,

Nengengulule manyanu ebe bu mengulula ne buanga bua nsabanga,

Ne nengumbushe bukoya buebe buonso.+

26 Nempingaje balumbuluishi bebe bu ku ntuadijilu

Ne bafidi bebe ba ngenyi bu ku mbangilu.+

27 Nebapikule Siona ne kulumbuluisha kuakane,+

Ne bantu bende badi bapingana, nebabapikule ne buakane.

28 Bantomboji ne benji ba mpekatu nebabatshibule tshiapamue,+

Ne bantu badi balekela Yehowa nebafike ku ndekelu wabu.+

29 Bualu nebumvue bundu bua mitshi idi ne bukole inudi nujinga,+

Ne nenufuishibue bundu bua madimi* anudi nusungula.+

30 Bualu wewe neulue bu mutshi munene udi ne mabeji adi afubidila,+

Bu budimi budi kabuyi ne mâyi.

31 Muntu wa bukole nealue tshikamfu,*

Ne mudimu wende newulue ditudika dia kapia;

Buonso buabi nebilakuke kapia pamue

Kakuyi udi mua kubijima.”

 2 Ku ndekelu kua matuku,*

Mukuna wa nzubu wa Yehowa

Newujadikibue bikole ku mutu kua nsongo ya mikuna minene,+

Ne newubandishibue ku mutu kua mikuna mikese,

Ne bisamba bionso nebipuilaku.+

“Luayi, tubande ku mukuna wa Yehowa,

Ku nzubu wa Nzambi wa Yakoba.+

Yeye neatulongeshe njila yende,

Ne tuetu netuendele mu njila yende.”+

Bualu mukenji* newupatuke mu Siona,

Ne dîyi dia Yehowa nedipatuke mu Yelushalema.+

 4 Yeye neakose bilumbu munkatshi mua bisamba

Ne nealulamije malu* adi atangila bukua bantu buvule.

Nebafule miele yabu ya mvita kuyivuija nkasu ya kudima nayi

Ne mafuma abu kuavuija miele ya kusonza nayi mitshi.+

Tshisamba katshiakujudila tshisamba tshikuabu muele wa mvita,

Kabakulonga kabidi mvita nansha.+

 5 Wewe nzubu wa Yakoba, luaku,

Tuendele mu butoke bua Yehowa.+

 6 Bualu wewe udi mulekele bantu bebe, nzubu wa Yakoba,+

Bualu bobu mbuwule tente ne bintu bia ku Est;

Badi benza malu a majimbu+ bu bena Peleshete,

Ne badi ne bana ba bantu ba ku babende bungi tshianana.

 7 Buloba buabu mbuwule tente ne arjan ne or,

Ne biuma biabu kabiena ne ndekelu.

Buloba buabu mbuwule tente ne tubalu,

Ne matempu abu kaena ne ndekelu.+

Badi binamina mudimu wa bianza biabu,

Binamina bintu bidi minu yabu mienze.

 9 Nunku muntu udi winama panshi, udi upueka panshi,

Ne wewe kuena mua kubafuila luse.

10 Buela mu dibue, sokoma mu lupuishi

Bua dikalaku dia Yehowa didi dienza buôwa

Ne butumbi buende bunene.+

11 Mêsu a didibandisha a muntu neapuekeshibue,

Ne diambu dia bantu nediname.*

Didi dilua kudi muntu yonso udi ne didibandisha ne didisua,

Kudi muntu yonso, mubandishibue anyi mupuekeshibue.+

13 Didi dilua pa mitshi yonso ya sedre ya ku Lebanona idi mile ne mitumbuke

Ne pa mitshi ya nsanga yonso ya ku Bashana,

14 Pa mikuna minene mile yonso

Ne pa mikuna mikese yonso idi mitumbuke,

15 Pa tshibumba tshionso tshile ne tshimanu tshionso tshikolesha,

16 Pa mazuwa onso a ku Tâshishi+

Ne pa matu onso adi malengele.

17 Didibandisha dia muntu nedipuekeshibue panshi,

Ne diambu dia bantu nediname.*

19 Nunku bantu nebabuele mu nyongolo ya mu mabue

Ne mu mena a mu buloba,+

Bua dikalaku dia Yehowa didi dienza buôwa

Ne butumbi buende bunene,+

Padiye ujuka bua kukankisha buloba ne buôwa.

20 Dituku adi bantu nebangate nzambi yabu ya patupu ya arjan ne ya or

Ivuabu badienzele bua kuyinamina,

Nebayikupile tupelekese* ne midima,+

21 Bua kubuela mu mena a mu mabue

Ne mu mitanta ya mikuna ya mabue,

Bua dikalaku dia Yehowa didi dienza buôwa

Ne butumbi buende bunene,

Padiye ujuka bua kukankisha buloba ne buôwa.

22 Bua diakalenga dienu, lekelayi kueyemena muntu wa patupu,

Udi anu mupuya mu mimpempe yende patupu.*

3 Bualu tangila! Mukalenge mulelela, Yehowa wa biluilu,

Udi umbusha mishindu yonso ya diambuluisha ne ya bintu bidibu bakengela mu Yelushalema ne mu Yuda,

Diambuluisha dionso dia biakudia ne mâyi,+

 2 Tshilobo ne muena mvita,

Mulumbuluishi ne muprofete,+ muena lubuku ne mukulu,

 3 Mfumu wa bantu 50,+ muntu wa bunême, ne mufidi wa ngenyi,

Muena majimbu wa dilambu ne muena mupongo wa ntekesha mupiluke.+

 4 Nemvuije bana ba balume batekete bakalenge babu,

Ne bantu badi kabayi bashindame* nebabakokeshe.

 5 Bantu nebakengeshangane,

Muntu yonso ne muinende.+

Muana wa balume neabunde muntu mukole,

Ne muntu udibu balengulule neafunyine udibu banemeka.+

“Tshiakuikala munondopi wa mputa* to;

Tshiena ne biakudia anyi bilamba mu nzubu muanyi nansha.

 8 Bualu Yelushalema mmulenduke,

Ne Yuda mmukuluke,

Bualu badi baluisha Yehowa ku mêyi ne bienzedi;

Badi benza malu ne buntomboji mu mêsu a butumbi buende.*+

 9 Tshilunji tshia mpala yabu tshidi tshibatuisha,

Ne bobu badi bakula bua mpekatu wabu anu bu Sodoma;+

Kabena bakeba bua kumusokoka to.

10 Ambilayi bantu bakane ne: malu abu neende bimpe;

Nebapete difutu bua bidibu benza.*+

Dikenga nedimukuate,

Bualu malu adi bianza biende bienze nebamuenzelawu!

12 Kadi bua bantu banyi, bafidi babu ba midimu mikole badi ne tshikisu,

Ne bakaji badi babakokesha.

Bantu banyi, balombodi benu badi banulalula,

Ne badi batatakaja njila yenu inudi nuyila.+

13 Yehowa udi wangata muaba wende bua kuasa tshilumbu;

Udi wimana bua kukosela bukua bantu tshibawu.

“Nuenu nudi boshe budimi buonso bua tumuma tua mvinyo,

Ne bintu binudi bibe bapele bidi mu nzubu yenu.+

15 Mmunyi munudi nupeta dikamakama dia kuzaza bantu banyi

Ne dia kuvingila mpala ya bapele mu lupuishi?”+ ke mudi Mukalenge Mutambe Bunene, Yehowa wa biluilu ukonka.

16 Yehowa udi wamba ne: “Bu mudi bana ba bakaji ba Siona badibandisha,

Benda bele mitu yabu muulu,*

Bambishangana ne mêsu abu, batua ngendu bazunzuka,

Badidisha bikanu bia mu tupombo tuabu,

17 Yehowa neatue kabidi mutu wa bana ba bakaji ba Siona disama dia mbâmba,

Ne Yehowa neashiye mpala yabu tshianana.+

18 Dituku adi Yehowa neumbushe bulengele bua bikanu biabu,

Mikaba ya bilamba ya ku mutu ne bilengejilu bidi bibendame,+

19 Tukanu tua ku matshi,* bikanu bia ku maboko, ne bilamba bia kubuikila ku mutu,

20 Bitambala, shene ya mu tupombo, ne bikaba bia pa tshiadi,*

Tulondo tua manananshi* ne bijimba,*

21 Tukanu tua ku minu ne tukanu tua ku diulu,

22 Nkanzu ya bibilu, mizabi ya pa mutu, bizaku, ne tubuta,

23 Mmuenu ya ku bianza+ ne bilamba bia line,*

Bilamba bia kujingila ku mutu ne bilamba bia kubuikila ku mutu.

24 Pamutu pa mafuta a bome,+ nekuikale mupuya mubole;

Pamutu pa mukaba, nekuikale muonji;

Pamutu pa nsuki milongolola bimpe, nekuikale dibala;+

Pamutu pa tshilamba tshia mushinga mukole, nekuikale tshilamba tshikayabale;+

Ne nekuikale nsalu mitapa pamutu pa bulengele bua mpala.

25 Bantu bebe nebakuluke ku muele wa mvita,

Ne bilobo biebe nebikuluke mu mvita.+

26 Bibuelelu biende nebidile ne nebikale ne kanyinganyinga,+

Ne yeye neasombe panshi kayi tshintu.”+

“Netudie biakudia bietu tuetu

Ne netuvuale bilamba bietu tuetu;

Kadi lekela tubikidibue anu ku dîna diebe

Bua kutumbusha bundu.”*+

5 Ngimbile koku munanga wanyi

Musambu bua munanga wanyi ne budimi buende bua tumuma tua mvinyo.+

Wakakunamu muonji muimpe mukunze wa tumuma tua mvinyo,

Kuibakaye tshibumba munkatshi muabu,

Ne wakumbulamu tshikaminu tshia mvinyo.+

Nunku, uvua mutekemene bua bumupatuile tumuma tua mvinyo,

Kadi buakapatula anu tumuma tua mvinyo tua tshisuku.+

 3 “Mpindieu, nuenu badi basombele mu Yelushalema ne bantu ba mu Yuda,

Kosayiku tshilumbu tshidi pankatshi panyi ne budimi buanyi bua tumuma tua mvinyo.+

 4 Ntshinyi tshikuabu tshimvua mua kuenzela budimi buanyi bua tumuma tua mvinyo

Tshindi tshiyi muanji kuenza?+

Bua tshinyi pamvua mutekemene tumuma tua mvinyo,

Buobu buvua bupatule anu tumuma tua mvinyo tua tshisuku?

 5 Mpindieu, ndekelayi nnuambile

Tshingenzela budimi buanyi bua tumuma tua mvinyo:

Nengumbushe lupangu luabu,

Ne nebabuoshe.+

Nengupule tshimanu tshiabu tshia mabue,

Ne nebabudiatakaje.

 6 Nembuvuije budimi buatuke;+

Kabakubusonza anyi kubuipila.

Nebabubuidikije kudi tumitshi tua mêba ne bisuku,+

Nentumine matutu dîyi bua kaatumimu mvula nansha mukese.+

 7 Bualu budimi bua tumuma tua mvinyo bua Yehowa wa biluilu nnzubu wa Isalele;+

Bantu ba mu Yuda badi budimi buvuaye* munange bikole.

Uvua mutekemene kulumbuluisha kuakane,+

Kadi monayi! Kuvua anu dikosa dibi dia bilumbu;

Uvua mutekemene buakane,

Kadi monayi! Kuvua anu muadi wa dikenga.”+

 8 Diakabi dikale kudi bantu badi basakidila nzubu umue ku mukuabu+

Ne badi bakumbajija budimi bumue ku bukuabu+

Too ne padiku kakuyi kushala kaba,

Ne nudi nudisombela nkayenu mu buloba!

 9 Yehowa wa biluilu mmuditshipe mu matshi anyi

Ne: nzubu ya bungi, nansha mudiyi minene ne milenga,

Neyilue tshintu tshidi tshikuatshisha buôwa,

Kayiyi ne muntu musombamu.+

10 Bualu hektare inayi ya* budimi bua tumuma tua mvinyo neyipatule anu tshipiminu tshimue tshia bata,*

Ne tshipiminu tshimue tshia homer* netshipatule anu efa* umue.+

11 Diakabi dikale kudi bantu badi babika mu dinda menemene bua kunua maluvu makole,+

Badi banenga too ne mu mîdima ya dilolo too ne padi mvinyo ubalundula!

12 Badi ne lunzenze ne tshiombelu tshia nshinga,

Ne ngoma wa ku bianza, ne lushiba ne mvinyo mu bibilu biabu bia masanka;

Kadi kabena belangana meji a mudimu wa Yehowa,

Ne kabena bamona mudimu wa bianza biende to.

13 Nunku nebakuate bantu banyi nebaye nabu ku babende

Bua dipangila dia dimanya;+

Bantu babu ba butumbi nebafue nzala,+

Ne bantu babu bonso nebakenge ne nyota.

14 Nunku Lukita* ndudiunde*

Ne ndubulule mukana mualu bikole kamuyi ndekelu;+

Ne bulengele buende,* misumba yende ya bena mutoyi, ne banangi ba masanka bende

Nebapuekamu bushuwa.

15 Nunku, muntu neiname,

Muntu neapuekeshibue,

Ne mêsu a bena didibandisha neapuekeshibue.

16 Yehowa wa biluilu neatumbishibue ku dilumbuluisha diende;*

Nzambi mulelela, Wa Tshijila,+ neadileje mudiye wa tshijila ku buakane buende.+

17 Nunku, bana ba mikoko nebadie bu badi badiila mu mpata wabu wa didiila bisonsa;

Bantu badi basombe buenyi nebadiile mu miaba idi mishale tshianana ya nyama midisha bimpe.

18 Diakabi dikale kudi bantu badi bakoka dipila diabu ne mionji ya didinga

Ne mpekatu wabu ne nshinga ya ditempu;

19 Aba badi bamba ne: “Yeye endeshe mudimu wende lukasa;

Wowu ulue lukasa bua tuwumone.

Disua dia* Wa Tshijila wa Isalele dienzeke

Bua tudimanye!”+

20 Diakabi dikale kudi badi bamba bualu buimpe ne: mbubi, bualu bubi ne: mbuimpe,+

Badi bapingaja mîdima pa muaba wa butoke ne butoke pa muaba wa mîdima,

Badi bangata bintu bia bululu ne: mbishême ne bishême ne: mbia bululu!

21 Diakabi dikale kudi badi badimona bena meji ku mêsu kuabu

Ne badimona badimuke ku mêsu kuabu!+

22 Diakabi dikale kudi badi ne bukole mu dinua dia mvinyo

Ne bantu badi bapiluke mu disambakaja dia maluvu makole,+

23 Badi babingisha bantu babi bua mbuejilu+

Ne badi bapala bantu bakane kulumbuluisha kuakane!+

24 Nunku, anu mudi ludimi lua kapia lubutula bisonsa

Ne bisonsa biume bioshika mu ndimi ya kapia,

Miji yabu mene neyibole,

Ne bilongo biabu nebitangalake bu kapuishipuishi,

Bualu bavua babenge mukenji wa* Yehowa wa biluilu

Ne babenge kunemeka dîyi dia Wa Tshijila wa Isalele.+

25 Ke bualu kayi tshiji tshia Yehowa tshidi tshitemena bantu bende,

Ne yeye neolole tshianza tshiende bua kubaluisha ne neabakume.+

Mikuna neyikanke,

Ne bitalu biabu nebikale bu bintu bia bukoya mu misesu.+

Bua malu onso aa, tshiji tshiende ki ntshipingane to,

Kadi tshianza tshiende tshidi anu tshiolola bua kukuma.

26 Mmuimanyike tshimanyinu* bua tshisamba tshia kule;+

Mmubeele kashiba bua bafumine ku ntengu ya buloba;+

Ne monayi! Badi balua lubilu lukole menemene.+

Mukaba wa mu tshimono tshiabu ki mmusuluke,

Nansha mikaba ya ku sandala yabu ki mmikoseke.

28 Mikete yabu yonso mmitue,

Ne mata abu a mikete mmanana.*

Bikono bia tubalu tuabu bidi bu dibue dikole,

Ne nkata yabu idi bu tshipepele tshikole.+

29 Mukungulu wabu udi bu wa nyama wa ntambue;

Badi bakungula bu bana ba ntambue.*+

Nebashiye tshiona ne nebakuate tshia kudia

Ne nebaye natshi kakuyi muntu wa kutshisungila.

30 Mu dituku adi nebatshielele tshiona

Bu tshiona tshia mbuu.+

Muntu yonso udi utangila buloba abu neamone mîdima idi inyingalaja;

Nansha butoke mbulue mîdima bua bualu bua matutu.+

Nkadi anu mumane kufua,*

Bualu ndi muntu udi ne mishiku kayiyi mikezuke,

Ne ndi musombele munkatshi mua bantu badi ne mishiku kayiyi mikezuke;+

Bualu mêsu anyi mmamone Mukalenge, Yehowa wa biluilu muine!”

Tshibawu tshiebe ntshiumbushibue,

Ne mpekatu webe mmubuikidibue.”

‘Nenuteleje misangu ne misangu,

Kadi kanuakujingulula bualu to;

Nenumone misangu ne misangu,

Kadi kanuakupeta dimanya nansha.’+

10 Vuija muoyo wa bantu aba mupape,+

Vuija matshi abu mapape,+

Ne kanga ne mêsu abu,

Bua kabamonyi ne mêsu abu

Ne kabumvu ne matshi abu,

Bua muoyo wabu kawujinguludi bualu

Ne kabalu kupingana ne kuondopibua.”+

“Too ne padi bimenga bibutuka kamutshiyi muntu musombelamu

Ne nzubu kayitshiyi ne bantu

Ne padi buloba bubutuka, bulua tshipela;+

12 Too ne padi Yehowa umbusha bantu ubatuma kule+

Ne dishala dia buloba munda mutupu dialabala bikole menemene.

“Bualu ebu kabuakukumbana to,

Ne kabuakuenzeka to.

 8 Bualu Damaseke ke mutu wa Sulia,

Ne Lesine ke mutu wa Damaseke.

Mu bidimu 65 tshianana

Efelayima neasunsudibue yonso ne kakuikala kabidi tshisamba to.+

 9 Samalea ke mutu wa Efelayima,+

Ne muana wa Lemalaya ke mutu wa Samalea.+

Anu wewe muikale ne ditabuja dikole,

Tshianana kuakujadikibua bikole to.”’”

 6 “Bu mudi bantu aba babenge mâyi a mu Shiloa* adi apueka bitekete bitekete+

Ne basanka bua Lesine ne muana wa Lemalaya,+

 7 Nunku mona! Yehowa neabatumine

Mâyi adi ne bukole ne a bungi a Musulu,*

Mukalenge wa Ashû+ ne butumbi buende buonso.

Neabande pa njila yende ya mâyi

Ne neasapalale pa mielelu yende yonso

 8 Ne neakombe mu Yuda.

Neuwuje ne neapite, ufika too ne mu nshingu;+

Mapuapua ende adi mabalula neuwuje buloba buebe mu butshiama,

Wewe Emanuele!”*+

Ambayi tshinudi basue, kadi katshiakukumbana to,

Bualu Nzambi udi netu!*+

Kanutshinyi tshidibu batshina to;

Kanuzakadi bua bualu buatshi to.

13 Yehowa wa biluilu, yeye ke unudi ne bua kuangata bu wa tshijila,+

Yeye ke unudi ne bua kutshina,

Ne yeye ke udi ne bua kunuzakeja.”+

14 Nealue bu muaba munsantu,

Kadi bu dibue dia kudikumaku

Ne bu dibue dinene dia kutondokaku+

Kudi nzubu yonso ibidi ya Isalele,

Bu buteyi ne bukondo

Kudi badi basombele mu Yelushalema.

15 Ba bungi ba kudibu nebalenduke, nebakuluke ne nebatshibuke;

Nebapiike mu buteyi ne nebakuatshibue.

16 Vunga tshijadiki tshifunda;*

Tuaku mukenji* tshitampi munkatshi mua bayidi banyi!

 2 Bantu bavua bendela mu mîdima

Mbamone butoke bunene.

Bua badi basombele mu buloba bua mîdima mikole,

Butoke mbubatokeshe.+

 3 Udi muvuije tshisamba etshi tshinene;

Udi muvuije disanka diatshi dinene.

Bobu badi basanka kumpala kuebe

Bu mutu bantu basanka tshikondo tshia dinowa,

Bu aba badi babanyangana bintu binyenga ne disanka.

 4 Bualu udi musunsule tshikokedi tshia bujitu buabu tupese tupese,

Mutshi udi pa makaya abu, dikombo dia mufidi wa midimu mikole,

Bu mu dituku dia Midiyana.+

 5 Tshisabata* tshionso tshidi tshinyukula buloba paditshi tshienda

Ne tshilamba tshionso tshitua mu mashi

Nebikale bintu bia kutemesha nabi kapia.

 6 Bualu mbatulelele muana,+

Mbatupeshe muana wa balume;

Ne bukokeshi nebuikale* pa dikaya diende.+

 7 Bua kuvula kua bukokeshi buende*

Ne bua ditalala, kakuakuikala ndekelu+

Pa nkuasa wa bukalenge wa Davidi+ ne pa bukalenge buende

Bua kubujadika bikole+ ne kubushindika

Ku diambuluisha dia kulumbuluisha kuakane+ ne buakane,+

Kutuadijila ku mpindieu too ne kashidi.

 8 Yehowa wakatuma dîyi bua bualu buafikila Yakoba,

Ne ndikuate Isalele.+

 9 Ne bantu bonso nebadimanye,

Efelayima ne bantu badi basombele mu Samalea,

Badi bamba mu didibandisha ne mu dipanga malu dia muoyo wabu ne:

10 “Madioto mmupuke,

Kadi netuibake ne mabue masonga.+

Mbakose mitshi ya tshikuyi,

Kadi netupingaje mitshi ya sedre pa muaba wayi.”

11 Yehowa neajule baluishi ba Lesine bua kumuluisha

Ne neasonsole bena lukuna bende bua kuenza bualu,

12 Sulia luseke lua ku est ne bena Peleshete luseke lua ku ouest,*+

Nebadie Isalele ne mukana mubulula.+

Bua malu onso aa, tshiji tshiende ki ntshipingane to,

Kadi tshianza tshiende tshidi anu tshiolola bua kukuma.+

13 Bualu bantu ki mbapingane kudi Yeye udi ubakuma to;

Ki mbakebe Yehowa wa biluilu to.+

14 Yehowa neakose ku Isalele

Mutu ne mukila, lutonga ne tshisonsa tshia ndawu,* mu dituku dimue.+

15 Mukulu ne muntu udibu banemeka bikole ke mutu,

Ne muprofete udi ufila dilongesha dia dishima ke mukila.+

16 Bantu badi balombola bena mu tshisamba etshi badi babapambuisha,

Ne bantu badibu balombola badi batatakanangana.

17 Ke bualu kayi Yehowa kakusanka bua bansongalume babu,

Ne kakumvuila bana babu badi bafuishe batatuabu,* ne bakaji babu bakamba luse to,

Bualu, buonso buabu mbatontolodi ne benji ba malu mabi+

Ne mukana muonso mudi muakula biakulakula.

Bua malu onso aa, tshiji tshiende ki ntshipingane to,

Kadi tshianza tshiende tshidi anu tshiolola bua kukuma.+

18 Bualu malu mabi adi osha bu kapia,

Abutula tumitshi tua mêba ne bisuku.

Neatue bipuka bia mu ditu kapia,

Ne nebibande mu matutu a muishi.

19 Mu tshiji tshia Yehowa wa biluilu,

Buloba mbutua kapia,

Ne bantu nebalue bintu bia kutemesha nabi kapia.

20 Muntu neakose ku dia balume

Kadi neikale anu ne nzala;

Ne muntu neadie ku dia bakaji

Kadi kakukuta to.

Muntu yonso neadie munyinyi wa ku diboko diende yeye,

21 Manashe neadie Efelayima,

Ne Efelayima neadie Manashe.

Bua malu onso aa, tshiji tshiende ki ntshipingane to,

Kadi tshianza tshiende tshidi anu tshiolola bua kukuma.+

10 Diakabi dikale kudi bantu badi bela mêyi ne mikandu bibi,+

Badi misangu yonso bafunda mikenji idi ikengeshishangana,

 2 Bua kubenga kuteleja tshilumbu tshia bapele,

Bua kupala bantu bapuekele badi munkatshi mua bantu banyi kulumbuluisha kuakane,+

Bavuija bakaji bakamba bintu biabu bia kunyenga

Ne bana badi bafuishe batatuabu* tshintu tshiabu tshia kupawula!+

 3 Nenuenze tshinyi dituku dia dilumbuluisha,*+

Palua kabutu kafumina kule?+

Nenunyemene kudi nganyi bua anuambuluishe,+

Ne nkuepi kunuashiya bubanji* buenu?

 4 Kakuena tshidi tshishale anu kuzonzama munkatshi mua bena buloko

Anyi kukuluka munkatshi mua badi bashipibue.

Bua malu onso aa, tshiji tshiende ki ntshipingane to,

Kadi tshianza tshiende tshidi anu tshiolola bua kukuma.+

 5 “Tangila, muena Ashû!+

Mutshi wa kuleja nawu tshiji tshianyi+

Ne dikombo didi mu tshianza tshiabu bua meme kupishangana nadi!

 6 Nemmutume bua kuluisha tshisamba tshia batontolodi,+

Bua kuluisha bantu badi bamfiikisha munda bikole;

Nemmutumine dîyi bua kunyenga bintu bia bungi ne kupawula bintu bia bungi

Ne bua kubadiatakaja bu bitotshi mu misesu.+

 7 Kadi yeye kakuikala ne lungenyi lua nunku to,

Ne muoyo wende kawakulukakaja meji a nunku to;

Bualu mu muoyo wende mudi anu kubutula,

Kushipa bisamba bia bungi, ki mbikese to.

 8 Bualu udi wamba ne:

‘Bakokeshi banyi bonso ki mbakalenge anyi?+

10 Tshianza tshianyi ntshikuate makalenge a nzambi ya patupu,

Ivua ne mpingu misonga mipite ya Yelushalema ne ya Samalea ku bungi!+

11 Tshiakuenzela kabidi Yelushalema ne mpingu yende malu

Anu bu mundi muenzele Samalea ne nzambi yende ya patupu anyi?’+

12 “Padi Yehowa ujikija mudimu wende wonso pa mukuna wa Siona ne mu Yelushalema, neapeshe mukalenge wa Ashû dinyoka* bua dipanga malu dia muoyo wende ne ditangilangana diende dia lutambishi ne dia diambu.+ 13 Bualu udi wamba ne:

‘Nengenze bualu ebu ku bukole bua tshianza tshianyi

Ne meji anyi, bualu ndi muena meji.

Nengumbushe mikalu ya bukua bantu+

Nempawule mabanji abu,+

Ne nenkokeshe bantu bu muntu wa bukole.+

14 Anu bu muntu udi wobokela mu disua,

Tshianza tshianyi netshikuate mabanji a bukua bantu;

Ne bu muntu udi usangisha mayi malekelela,

Nensangishe buloba bujima!

16 Nunku Mukalenge mulelela, Yehowa wa biluilu,

Neanyanyishe bantu bende* ba manyi,+

Ne muinshi mua butumbi buende neatemeshamu kapia kadi kalakuka.+

17 Butoke bua Isalele+ nebulue kapia,+

Ne Wa Tshijila wende ludimi lua kapia;

Nekalakuke ne nekoshe bisuku biende* ne tumitshi tuende tua mêba mu dituku dimue.

18 Neumbushe kashidi* butumbi bua ditu diende ne bua budimi buende bua mitshi ya bimuma;

Nebikale anu bu padi muntu udi usama wenda unyana.+

19 Mitshi ya mu ditu diende yashala

Neyikale mikese menemene, too ne muana udi mua kufunda bungi buayi.

20 Mu dituku adi bashadile ba mu Isalele

Ne badi bapanduke ba mu nzubu wa Yakoba

Kabakueyemena kabidi muntu uvua mubakume to;+

Kadi nebeyemene Yehowa,

Wa Tshijila wa Isalele, ne lulamatu.

21 Anu ndambu wa bashadile ke wapingana,

Bashadile ba Yakoba, kudi Nzambi wa Bukole.+

22 Bualu nansha bantu bebe, wewe Isalele,

Bikale bu nsenga ya ku mbuu,

Anu ndambu wa bashadile ba kudibu ke wapingana.+

Dishipibua dikadi dimana kufunda,+

Ne kulumbuluisha kuakane nekubamine.*+

23 Eyowa, dishipibua dikadi dimana kufunda kudi Mukalenge Mutambe Bunene, Yehowa wa biluilu,

Nedienjibue mu buloba bujima.+

27 Mu dituku adi bujitu buende nebumbuke pa dikaya diebe,+

Ne tshikokedi tshiende netshiumbuke pa nshingu pebe,+

Ne nebatshibule tshikokedi+ bua bualu bua mafuta.”

28 Yeye mmulue ku Ayata;+

Mmupitshile mu Migelona;

Ku Mikemasha+ udi utula mabuki ende.

29 Bakapitshila pa tshisabu;

Bakapitshishila butuku ku Geba;+

Lama udi uzakala, Gibea+ wa Shaula mmuye lubilu.+

Udi unyungisha mbata wende bua mukuna munene wa muana wa bakaji wa Siona,

Mukuna mukese wa Yelushalema.

33 Tangila! Mukalenge mulelela, Yehowa wa biluilu,

Udi ukosa matamba a mitshi ne mukuma wa dikema;+

Mitshi mile menemene idi ikoshibua,

Ne idi mitumbuke idi ipuekeshibua panshi.

34 Yeye udi ukosa bipuka bia mu ditu ne tshiamu,*

Nebakulule Lebanona kudi muntu wa bukole.

11 Lutonga+ nelupatuke ku tshikuku tshia Yishai,+

Ne mutoloku+ wa* ku miji yende newukuame mamuma.

 2 Nyuma wa Yehowa neashale pambidi pende,+

Nyuma wa meji+ ne wa dijingulula dia malu,

Nyuma wa mubelu ne wa bukole,+

Nyuma wa dimanya ne wa ditshina dia Yehowa.

Kakulumbuluisha anu bua malu adi amueneka ku mêsu kuende,

Anyi kubela anu bilondeshile malu adi matshi ende umvua to.+

 4 Nealumbuluishe bapuekele biakane,*

Ne neafile mubelu bua bualu bua bena bupuekele ba pa buloba ne bululame.

Neakume buloba ne mutshi wa mukana muende+

Ne neashipe benji ba malu mabi ne mupuya* wa ku mishiku yende.+

 5 Buakane nebuikale mukaba mu tshimono tshiende,

Ne lulamatu mukaba wa mu tshifuka tshiende.+

 6 Mbua wa ditu neasombe bua tshikondo kampanda ne muana wa mukoko,+

Ne nkashama nealale pamue ne muana wa mbuji,

Ne muana wa ngombe ne ntambue* ne nyama wa manyi nebikale bionso kaba kamue;*+

Ne muana mutekete neabilombole.

 7 Ngombe mukaji ne nyama wa urse nebidie kaba kamue,

Ne bana babi nebalale kaba kamue.

 8 Muana utshidi wamua dibele neanayile pa buina bua nyoka wa kobra,

Ne muana ukadi mulekele dibele neateke tshianza tshiende pa buina bua nyoka wa lulengu.

 9 Kabiakuenzelangana bibi+

Anyi kukebesha tshinyangu mu mukuna wanyi wonso wa tshijila to,+

Bualu buloba nebuwule tente bushuwa ne dimanya dia Yehowa

Bu mudi mâyi abuikila mbuu.+

Bisamba nebiye kudiye bua kupeta bulombodi,*+

Ne muaba wende wa kuikishila neulue wa butumbi.

13 Mukawu wa Efelayima newikale mujike,+

Ne badi baluisha Yuda nebikale bashipibue.

Efelayima kakumvuila Yuda mukawu to,

Ne Yuda kakuluisha Efelayima to.+

14 Nebapueke pa mpulumuku ya* bena Peleshete ku ouest;

Bonso pamue nebapawule bantu ba ku Est.

Nebolole tshianza tshiabu bua kuluisha* Edome+ ne Moaba,+

Ne bena Amona nebalue bantu babu.+

15 Yehowa neapandulule* tshinkonya tshia* mbuu wa bena Ejipitu,+

Neakupakaje tshianza tshiende pa mutu pa Musulu.*+

Neawukume mu tusulu tuawu* muanda mutekete ne mupuya* wende udi wosha,

Ne neenze bua basabuke ne sandala yabu ku makasa.

16 Nekuikale tshibeba+ tshifumina mu Ashû bua bashadile ba bantu bende badi bashale,+

Bu muvuabi bua Isalele mu dituku divuaye mupatuke mu buloba bua Ejipitu.

“Ndi nkusakidila, Yehowa wanyi,

Bualu nansha muuvua munkuatshile tshiji,

Tshiji tshiebe tshiakapueka ku kakese ku kakese, ne wakansamba.+

Nemmueyemene ne tshiakumvua buôwa to;+

Bualu Yah* Yehowa udi bukole buanyi ne makanda anyi,

Ne yeye mmulue lupandu luanyi.”+

 3 Nenusune mâyi ne disanka

Mu mpokolo ya lupandu.+

“Elayi Yehowa tuasakidila, bilayi dîna diende,

Manyishayi bienzedi biende munkatshi mua bukua bantu!+

 6 Ela dîyi ne ela lubila lua disanka, wewe udi musombele* mu Siona,

Bualu munene udi munkatshi muebe udi Wa Tshijila wa Isalele.”

Belayi dîyi, kupakajayi tshianza,

Bua balue kubuela mu bibuelelu bia bantu banene.

Ndi mubikidishe bena mvita banyi bua kuleja tshiji tshianyi,

Bantu banyi badi basanka bikole ne kudisua.

 4 Umvuayi! Musumba wa bantu ku mikuna;

Bidi biumvuika bu bantu bapite bungi!

Umvuayi! Diyoyo dia makalenge,

Dia bisamba bisangisha pamue!+

 5 Badi bafumina mu ditunga dia kule,+

Ku ditengu dia diulu,

Yehowa ne bia mvita bia tshiji tshiende tshikole,

Bua kubutula buloba buonso.+

 7 Ke bualu kayi bianza bionso nebitekete,

Ne muoyo wa muntu yonso newenguluke ne buôwa.+

Disubakana ne kusama mbibakuate,

Bu mukaji udi udinyenga bua kulela.

Badi batangilangana ne buôwa bukole,

Ne mpala mitemesha kapia kudi kanyinganyinga.

 9 Tangilayi! Dituku dia Yehowa didi dienda dilua,

Dibi menemene dikale ne luonji ne tshiji tshikole,

Bua kuvuija buloba tshintu tshidi tshikuatshisha buôwa,+

Ne bua kubutula mu buloba benji ba mpekatu badimu.

10 Bualu mitoto ya mu diulu ne bisumbu biayi*+

Kabiakufila butoke buabi to;

Dîba nedikale difiike padidi dipatuka,

Ne ngondo kakufila butoke buende to.

11 Nendumbuluishe buloba budi bantu basombele bua malu mabi abu,+

Ne bantu babi bua tshilema tshiabu.

Nentuishe lutambishi lua bena dikamakama ku ndekelu,

Ne nempuekeshe kudibandisha kua bakengeshanganyi.+

12 Nemvuije muntu ufuafua kayi utamba kumueneka kupita ne or mulengeja,+

Ne bantu kabayi batamba kumueneka kupita ne or wa ku Ofî.+

13 Ke bualu kayi nenkankishe diulu,

Ne buloba nebunyukuke bumbuka pa muaba wabu+

Ku tshiji tshikole tshia Yehowa wa biluilu mu dituku dia tshiji tshiende tshikole.

14 Bu kabuluku kadibu balembe ne bu tshisumbu tshia nyama idi kayiyi ne muntu wa kuyisangisha,

Muntu yonso neapingane mu tshisamba tshiabu;

Muntu yonso neanyemene mu buloba buabu.+

15 Muntu yonso wasanganabu nebamutubule,

Ne muntu yonso wakuatabu neakuluke ku muele wa mvita.+

16 Nebasunsule bana babu tupese tupese mu mêsu abu,+

Nebapawule nzubu yabu,

Ne nebalale ne bakaji babu ku bukole.

17 Monayi, ndi mbajudila bena Madayi,+

Badi bamona arjan bu tshintu tshianana

Ne badi or kayi usankisha.

18 Mata abu a mikete neasunsule bansongalume;+

Kabakumvuila mamuma a mu difu dia mamu luse

Anyi kumvuila bana luse to.

19 Ne Babilona, bukalenge butambe kutumba mu* makalenge onso,+

Bulengele ne lutambishi lua bena Kasada,+

Neikale bu Sodoma ne Amola pavua Nzambi mubibutule.+

20 Bantu kabakusombelamu nansha kakese,

Ne kakuikala muaba wa kusombela mu bipungu bionso bia bantu.+

Muena Arabe kakuasamu ntenta wende,

Ne balami ba mikoko kabakuikishishamu mikoko yabu to.

21 Bifukibua bia mu tshipela nebilalamu;

Nzubu yabu neyuwule ne nyunyi ya bipungulu.

Nyunyi ya mfiondo neyisombelamu,+

Ne mbuji ya tshisuku* neyitumpikamu.

22 Bifukibua bidi biela mikunda nebididile mu bibumba biende,

Ne mibuabua mu mabalasa ende a mushinga mukole.

 5 Yehowa mmutshibule mutshi wa bantu babi,

Dikombo dia bamfumu,+

 6 Yeye udi ukuma bukua bantu ne tshiji tshikole ne bisusu bidi kabiyi bijika,+

Yeye udi ukokesha bisamba ne tshiji ne dikengeshangana didi kadiyi ne ndekelu.+

 8 Nansha mitshi ya jenevriye idi isanka bua bualu buebe,

Pamue ne mitshi ya sedre ya mu Lebanona.

Idi yamba ne: ‘Katshia wakuluka,

Kakuena mukoshi wa mitshi udi ubanda bua kutukosa.’

 9 Nansha Lukita* ludi muinshi ndujukile kuulu

Bua kukuakidila paudi ulua.

Bua bualu buebe, ludi lujula badi kabayi ne bukole mu lufu,

Balombodi bonso badi bakengeshangana ba* pa buloba.

10 Buonso buabu badi bakula, bakuambila ne:

‘Udi pebe mulue mutekete bu tuetu anyi?

11 Lutambishi luebe ndupuekeshibue too ne mu Lukita,*

Muadi wa biombelu biebe bia nshinga.+

Bikusu mbidiadije muinshi muebe bu bulalu,

Ne binya ke tshia kudibuikila tshiebe.’

12 Ke muudi mukuluke mu diulu nunku,

Wewe udi ukenka, muana wa lunkelu!

Ke mudibu bakukose, mukuluke pa buloba nunku,

Wewe uvua mutshimune bisamba!+

Nembandishe nkuasa wanyi wa bukalenge pa mutu pa mitoto ya Nzambi,+

Ne nensombe pa mukuna wa masangisha,

Miaba ya kule menemene ya ku nord.+

14 Nembande muulu pa mutu pa matutu;

Nendivuije mufuanangane ne Mutambe bunene.’

15 Kadi neupuekeshibue too ne mu Lukita,*

Mu miaba ya kule menemene ya mu tshina.

16 Bantu badi bakumona nebakutuishile mêsu;

Nebakukenkete bimpe bimpe, bamba ne:

‘Eu ke muntu uvua unyukula buloba,

Uvua muzakeje makalenge,+

17 Uvua muvuije buloba budi bantu basombele bu tshipela

Ne mukulule bimenga biabu,+

Uvua ubenga kulekela bena buloko bende bua kupinganabu ku mabu anyi?’+

18 Bakalenge bakuabu bonso ba bisamba,

Eyowa, buonso buabu, badi balala mu butumbi,

Muntu ne muntu mu lukita luende.*

19 Kadi wewe mbakuimanshe kuyi ne lukita,

Bu lutonga lupetula,*

Muvuadika bitalu bia bantu bavuabu batape ne muele wa mvita,

Badi bapueka too ne mu mabue a mu tshina,

Anu bu tshitalu tshidiatakaja muinshi mua makasa.

20 Kuakudisanga kudibu mu lukita to,

Bualu uvua mubutule buloba buebe,

Uvua mushipe bantu bebe.

21 Longoluelayi bana bende tshishipelu

Bua bualu bua bubi bua bankambua babu,

Nunku kabakujuka ne kukuata buloba

Ne kuwuja bimenga biabu mu ditunga.”

“Anu mundi ngela meji bua kuenza, ke muenzekabi,

Ne anu mundi mupangadije malu, ke muikalawu mua kukumbana.

25 Nenzaze muena Ashû mu buloba buanyi,

Ne nemmudiatakaje pa mikuna yanyi.+

Tshikokedi tshiende netshiumbushibue kudibu,

Ne bujitu buende nebumbushibue pa dikaya diabu.”+

26 Ebu ke bualu budibu bapangadije* bua kuenzela buloba buonso,

Ne etshi ke tshianza tshidi tshiolola* bua kukuma bisamba bionso.

27 Bualu Yehowa wa biluilu mmupangadije bualu,

Nnganyi udi mua kubupangisha?+

Tshianza tshiende ntshiolola,

Nnganyi udi mua kutshipingaja?+

29 “Kusanki, wewe Peleshete, muntu nansha umue wa kuudi,

Anu bualu dikombo dia muntu udi ukukuma nditshibuke.

Bualu ku muji wa nyoka+ nekufume nyoka wa lulengu,+

Ne muanende neikale nyoka udi ubuuka ne wosha bu kapia.*

30 Padi banabute ba bantu bapuekele badia

Ne bapele balala talalaa,

Nenshipe muji webe ne nzala,

Ne tshidi tshishala tshia kuudi netshishipibue.+

Bualu muishi udi ufumina ku nord,

Ne kakuena bantu badi bajanguluka mu milongo yende.”

Nebabandamune ne: Yehowa mmuase tshishimikidi tshia Siona,+

Kabidi ne: bapuekele ba bantu bende nebanyemene munda muende.

Bualu mbamubutule mu butuku bumue,

Ale+ wa mu Moaba mmupuwisha.

Bualu mbamubutule mu butuku bumue,

Kî+ wa mu Moaba mmupuwisha.

 2 Yeye mmubande ku Nzubu* ne ku Dibona,+

Ku miaba mitumbuke bua kudila.

Pa mitu ya nzubu yabu ne mu miaba yabu ya tshinsangansanga, bonso badi bela kabobo ka muadi;

Badi bapueka benda badila.+

 4 Heshebona ne Eleale+ badi bela mbila;

Dîyi diabu didi diumvuika too ne ku Yahasa.+

Pa kakuna ka Luhita badi babanda benda badila;

Mu njila wa ku Holonayima badi bela mbila bua dikenga.+

 6 Bualu mâyi a Nimelima mmakame;

Bisonsa bibishi mbiume,

Bisonsa mbijimine ne kakuena tshintu tshibishi tshidi tshishale.

 7 Ke bualu kayi badi bangata bintu bidi bishale mu bilaminu biabu bia bintu ne mabanji abu baya nabi;

Badi basabuka tshibandabanda tshia* mitshi ya pepiliye.

Kabobo ka muadi kadi kafika too ne ku Egelayima;

Kabobo ka muadi kadi kafika too ne ku Bê-elima.

 9 Bualu mâyi a Dimone mmuwule tente ne mashi,

Ne ndi mulamine Dimone malu a bungi:

Nyama wa ntambue bua bena Moaba badi bapanduke

Ne bua aba badi bashale mu ditunga.+

16 Tuminayi mfumu wa buloba tshimpanga tshia mukoko,

Kumbukila ku Sela kupitshila mu tshipela

Too ne ku mukuna wa muana wa bakaji wa Siona.

 2 Bu nyunyi udibu bipate mu disua diende,+

Ke muikala bana ba bakaji ba Moaba ku bisabu bia Ânona.+

Mukengeshanganyi neafike ku ndekelu wende,

Kabutu nekatue ku ndekelu,

Ne badi badiatakaja bakuabu nebajimine pa buloba.

Eu udi usombamu, mu ntenta wa Davidi neikale muena lulamatu;+

Nealumbuluishe biakane ne neakumbaje buakane ne lukasa.”+

 6 Tudi bumvue bualu bua lutambishi lua Moaba, mmuena lutambishi wa dikema,+

Didibandisha diende ne lutambishi luende ne luonji luende;+

Kadi biakulakula biende kabiakuenza bualu to.

 7 Nunku Moaba neele kabobo ka muadi bua Moaba;

Bonso nebele kabobo ka muadi.+

 8 Bualu mabula a Heshebona+ mmafubidile,

Muonji wa tumuma tua mvinyo wa Sibema,+

Bakokeshi ba bisamba mbadiatakaje matamba ende makunzubile;*

Mmafike too ne ku Yazê;+

Mmaye too ne mu tshipela.

Nenkuboleshe ne binsonji bianyi, wewe Heshebona ne Eleale,+

Bualu diela mbila bua mamuma ebe a mu muvu wa luya lukole* ne bua dinowa diebe nditue ku ndekelu.*

10 Disanka ne musangelu mbiumbushibue mu budimi bua mitshi ya bimuma,

Ne kakuena misambu ya disanka anyi mbila mu madimi a tumuma tua mvinyo.+

Mudiatshi kena udiata kabidi bua kukama mvinyo mu bikaminu,

Bualu ndi mukoseshe mbila.+

11 Ke bualu kayi munda muanyi muine mudi musaba bua Moaba,+

Bu dizakala dia nshinga ya lunzenze,

Ne munda muanyi menemene mudi musaba bua Kî-halaseta.+

“Mona! Damaseke kakuikala kabidi tshimenga to,

Nealue mushiki wa bintu bibumbula.+

 2 Bimenga bia Aloê+ nebabilekelele;

Nebilue miaba ya kuladila ya bisumbu bia nyama

Kakuyi muntu wa kubitshinyisha.

 3 Bimenga bikolesha nebijimine mu Efelayima,+

Ne bukalenge mu Damaseke;+

Ne bantu badi bashala ba mu Sulia

Nebikale bu butumbi bua bena Isalele,”* ke mudi Yehowa wa biluilu wamba.

 4 “Mu dituku adi butumbi bua Yakoba nebukepele,

Ne mubidi wende wa bukole newunyane.*

 5 Nebikale anu bu padi munowi usangisha ntete idi mimane

Ne diboko diende dinowa miepu ya ntete,

Bu padi muntu upumbulula ntete mu Tshibandabanda* tshia bena Lefa.+

 6 Anu bintu bia kupumbulula ke biashiyabu,

Bu padibu banyukula mutshi wa olive:

Anu tumuma tua olive tubobe tubidi anyi tusatu ke tudi tushala ku ditamba didi muulu mule,

Anu tunayi anyi tutanu ku matamba adi akuama tumuma,”+ ke mudi Yehowa Nzambi wa Isalele wamba.

 9 Mu dituku adi bimenga biende bikolesha nebilue bu muaba mulekelela muitu,+

Bu ditamba dia mutshi divua dilekelela kumpala kua bena Isalele;

Newulue buloba buatuke.

10 Bualu udi mupue Nzambi wa lupandu luebe muoyo;+

Udi mupangile bua kuvuluka Dibue+ dia muaba webe mukolesha.

Ke bualu kayi udi ukuna mitshi mimpe*

Ne udi utekamu lutonga lua muenyi.*

11 Mu munya udi wenzela budimi buebe lupangu bimpe,

Mu dinda udi utoluesha mamiinu ebe,

Kadi bintu binowa nebijimine mu dituku dia disama ne dia bintu bidi bisama bidi kabiyi bijika.+

12 Telejayi! Kudi tshimvundu tshia bantu ba bungi,

Badi basaba bu mbuu!

Kudi diyoyo dia bisamba,

Bidi mutoyi wabi muikale bu mukungulu wa mâyi a bukole!

Neabikanyine, ne nebinyeme kule,

Bipatshibue bu bisote bia ku mikuna kumpala kua lupepele,

Bu tshisonsa tshia mêba tshinyunguluka kumpala kua tshipepele tshikole.

Etshi ke tshiapeta badi batupawula

Ne ke difutu dia badi batunyenga bintu.

18 Diakabi dikale kudi buloba bua masala a bishi adi adila

Mu tshitupa tshia buloba tshia misulu ya Etshiopi!+

 2 Budi butuma batumibue dia mbuu,

Pa mâyi mu matu a papirise, buamba ne:

“Ndayi, nuenu batuadi ba mukenji badi baya lubilu lukole,

Kudi tshisamba tshia bantu bale badi ne dikoba disenene,*

Kudi bantu badibu batshina miaba yonso,+

Kudi tshisamba tshia bukole tshidi tshitshimunangana,*

Bena buloba budibu bapuekeshe kudi misulu.”

 3 Nuenu bonso badi basombele mu ditunga ne nuenu badi basombele pa buloba,

Tshinudi numona netshikale bu tshimanyinu* tshimanyika pa mikuna,

Ne nenumvue muadi bu wa diela dia mpungi.

“Nenshale talalaa ne nentangile* muaba wanyi mujadika,

Bu luya ludi lufukuka pamue ne bukenke bua dîba,

Bu ditutu dia lumuma mu luya lua tshikondo tshia dinowa.

 5 Bualu kumpala kua dinowa,

Padi bilongo bitutuka ne tshilongo tshilua kamuma ka mvinyo kadi kaboba,

Nebakose ntonga ne muele wa kusonza nawu

Ne nebakose mionji itu idijingila ne nebayumbushe.

 6 Buonso buabi nebabishile nyunyi ya ku mikuna itu idia minyinyi

Ne nyama ya pa buloba.

Nyunyi itu idia minyinyi neyipitshishile muvu wa luya lukole* pambidi pabi,

Ne nyama yonso ya pa buloba neyipitshishile tshikondo tshia dinowa pambidi pabi.

 7 Tshikondo atshi nebatuadile Yehowa wa biluilu dipa,

Difumina kudi tshisamba tshia bantu bale badi ne dikoba disenene,*

Kudi bantu badibu batshina miaba yonso,

Kudi tshisamba tshia bukole tshidi tshitshimunangana,*

Bena buloba budibu bapuekeshe kudi misulu,

Diya muaba udi ne dîna dia Yehowa wa biluilu, mukuna wa Siona.”+

Nzambi ya tshianana ya mu Ejipitu neizakale kumpala kuende,+

Ne muoyo wa Ejipitu newenguluke munda muende.

 2 “Nensake bena Ejipitu bua kuluishangana ne bena Ejipitu,

Ne nebaluangane umue ne mukuabu,

Muntu yonso uluisha muanabu, uluisha ne muinende,

Tshimenga tshiluisha tshimenga tshikuabu, bukalenge buluisha bukalenge bukuabu.

 3 Ne nyuma wa Ejipitu neatatakane munda muende,

Ne nentatakaje malu adiye mulongolole bua kuenza.+

Nebanyemene kudi nzambi ya tshianana,

Kudi bena mupongo wa ntekesha ne kudi bena mbuku ne kudi bambidianganyi ba malu atshilualua.+

 4 Nemfile Ejipitu mu tshianza tshia mfumu wa malu makole,

Ne mukalenge wa tshikisu neabakokeshe,”+ ke mudi Mukalenge mulelela, Yehowa wa biluilu wamba.

 5 Mâyi a mbuu neume,

Ne musulu newuminyine ne newukame.+

 6 Misulu neyinunke mupuya mubi;

Minkoloji ya musulu wa Nile wa mu Ejipitu neyipueke ne neyuminyine.

 7 Bikunyibua bidi kumpenga kua musulu wa Nile, ku mushiku wa musulu wa Nile,

Ne buloba buonso budibu bakune ntete kumpenga kua musulu wa Nile+ nebiume.+

 8 Ne balobi nebadile,

Bantu badi bela ndobo mu musulu wa Nile nebadilakane,

Ne badi bela makondo abu pa mâyi nebakepele.

 9 Bantu badi benza mudimu ne buanda bua line bupunga+

Ne badi benza bilamba bitoke ne tshiamu tshia kuluka natshi bilamba nebafuishibue bundu.

10 Baluki bende ba manda nebazajibue;

Bantu bonso badibu bangate ku mudimu nebanyingalale bikole.*

“Ndi muana wa bena meji,

Muana wa bakalenge ba kale”?

13 Bakokeshi ba Soana mbenze malu kabayi meji;

Bakokeshi ba Nofa*+ mbadingibue;

Bamfumu ba bisa biende mbapambuishe Ejipitu.

14 Yehowa mmumuitshikijile nyuma wa tshibuejakaji;+

Mbapambuishe Ejipitu mu tshionso tshidiye wenza,

Bu muntu mukuatshike udi utetuka mu bilushi biende.

15 Ejipitu kakuikala ne mudimu nansha umue wa kuenza,

Nansha bua mutu anyi bua mukila, bua lutonga anyi bua ndawu.*

Tshintu tshidi tshilua bu tshipepele tshikole tshidi tshikomba ku sud,

Tshifumina mu tshipela, mu buloba budi buenza buôwa.+

Mutungidianganyi udi wenza malu a tshitungu,

Ne mubutudi udi ubutula.

Disubakana ndinkuate,

Bu dia mukaji pa lulelu.

Ndi ne dibungama dikole, tshiyi mua kumvua;

Ndi mu dilubakana dikole, tshiyi mua kumona to.

 7 Nunku yeye wakamona ditempu dia mvita dikale ne tshisumbu tshia tubalu,

Ditempu dia mvita dikale ne mpunda,

Ditempu dia mvita dikale ne tumelu.

“Yehowa, ndi ngimana pa tshibumba tshia nsentedi misangu yonso mu munya,

Ne badi bangimanyika muaba wanyi wa butentekedi butuku buonso.+

10 Wewe tshisamba tshianyi tshidibu bashipule,

Bintu bia* muaba wanyi wa kushipuila,+

Ndi munuambile tshindi mumvue kudi Yehowa wa biluilu, Nzambi wa Isalele.

Nenupitshishile butuku mu ditu, mu mpata wa tshipela,

Nuenu bisumbu bia bena ngendu bia ku Dedana.+

14 Luayi ne mâyi bua kutuilangana ne muntu udi ne nyota,

Nuenu badi basombele mu buloba bua Tema,+

Ne luayi ne biakudia bua muntu udi unyema.

15 Bualu mbanyeme miele ya mvita, mbanyeme muele mutula,

Mbanyeme buta bua mikete bunana, ne mbanyeme tshikisu tshia mvita.

 2 Wewe uvua muwule tente ne kayumbayumba,

Tshimenga tshia mutoyi wa bungi, tshimenga tshia masanka a bungi.

Bantu bebe bavuabu bashipe kabavua babashipe ku muele wa mvita,

Anyi bafue mu mvita to.+

Bonso bakasanganabu bakabakuata mu buloko,+

Nansha muvuabu banyeme baye kule.

 4 Ke bualu kayi ngakamba ne: “Umbushayi mêsu enu kundi,

Ne nendile bikole menemene.+

Kanusuminyinyi ne kunsamba

Bua dibutuka dia muana wa bakaji wa* tshisamba tshianyi.+

 5 Bualu ndituku dia tshimvundu, dia ditshimunyibua ne dia dipampakana,+

Dia kudi Mukalenge Mutambe Bunene, Yehowa wa biluilu,

Mu Tshibandabanda tshia Tshikena kumona.

Kudi diupula dia tshimanu+

Ne muadi ku mukuna.

 6 Elama+ udi wangata nsapu wende wa mikete

Ne matempu a bantu ne tubalu,*

Ne Kî+ udi ubulula* ngabu.

 7 Bibandabanda* biebe bitambe buimpe

Nebiuwule tente ne matempu a mvita,

Ne tubalu netuele* mualu wa mvita ku tshiibi,

 8 Ne nebumbushe tshibuikilu tshia* Yuda.

12 Mu dituku adi, Mukalenge Mutambe Bunene, Yehowa wa biluilu,

Neabikile muadi ne madilu,+

Mitu mikungula ne divuala dia tshilamba tshikayabale.

13 Kadi, kudi ditshionkomoka ne masanka,

Dishipa dia ngombe ne dishipa dia mikoko,

Didia dia munyinyi ne dinua dia mvinyo.+

 3 Ntete ya* ku Shihô*+ yakayila pa mâyi a bungi,

Bintu binowa bia ku musulu wa Nile, lupetu luende,

Yipetesha bisamba makasa.+

 4 Umvue bundu, wewe Sidona, wewe muaba wa kusokomena wa mbuu,

Bualu mbuu mmuambe ne:

“Tshitu muanji kumvua mutubi bisama pa kulela, ne tshiena mulele,

Anyi mukoleshe bansongalume anyi bansongakaji* to.”+

 5 Anu bu pavuabu bumvue lumu lua bualu bua Ejipitu,+

Bantu nebikale ne kanyinganyinga bua lumu lua bualu bua Tulo.+

 8 Nnganyi udi mupangadije bualu ebu bua Tulo,

Mupeshanganyi wa bifulu bia butumbi,

Muena bangenda mushinga bavua bakokeshi,

Muena bapanyishanganyi ba bintu bavuabu banemeka mu buloba bujima?+

 9 Yehowa wa biluilu muine mmupangadije bualu ebu,

Bua kunyanga lutambishi luende bua bulengele buende buonso,

Bua kupuekesha bonso bavuabu banemeka pa buloba bujima milongo.+

11 Mmuolole tshianza tshiende pa mbuu;

Mmunyukule makalenge.

12 Yeye udi wamba ne: “Kuakusanka kabidi to,+

Wewe udibu bakengeshe, muana wa bakaji wa Sidona utshidi kamama.

Etshi ke tshisamba, Ashû+ kavua tshisamba to,

Bavua bamuvuije muaba wa nyama itu iya mu tshipela.

Mbimanyike bibumba biabu bia kutshintshimikangana nabi;

Mbashimbule bibumba biende bikolesha,+

Bamuvuija muaba wa bikulu.

14 Elayi kabobo ka muadi, nuenu mazuwa a Tâshishi,

Bualu mbabutule muaba wenu wa kusokomena.+

Imba lunzenze luebe bimpe menemene;

Imba misambu ya bungi,

Bua bakuvuluke.”

Bua bantu ne bua muakuidi kabidi,

Bua muena mudimu ne bua mfumuende,

Bua muena mudimu mukaji ne bua mukalenge wende mukaji,

Bua musumbi ne bua musumbishi,

Bua musombeshi ne bua musombi,

Bua mufidi wa dibanza ne bua muangatshi wa dibanza.+

 3 Nebashiye buloba munda mutupu menemene;

Nebabupawule buonso bujima,+

Bualu Yehowa mmuambe dîyi edi.

 5 Mbanyange buloba kudi badi basombelamu,+

Bualu mbasambuke mikenji,+

Bashintulule mêyi ne mikandu,+

Ne bashipe tshipungidi tshia kashidi.*+

 6 Ke bualu kayi mulawu udi ubutula buloba,+

Ne badi basombelamu badi ne dipila.

Ke bualu kayi badi basombele mu buloba mbakepele,

Ne bantu bakese menemene ke badi bashale.+

 7 Mvinyo mupiamupia udi udila,* muonji wa tumuma tua mvinyo udi ufubidila,+

Ne bena muoyo wa disanka bonso badi batua mikemu.+

 8 Disanka dia ngoma ya ku bianza ndijike;

Mutoyi wa banangi ba masanka mmutue ku ndekelu;

Tshiona tshia disanka tshia lunzenze ntshijike.+

 9 Badi banua mvinyo kakuyi musambu,

Ne maluvu makole adi alua bululu kudi badi baanua.

10 Tshimenga tshidi tshishale munda mutupu ntshiupuke;+

Nzubu yonso mmukange bua muntu nansha umue kabuedimu.

Masanka onso mmajimine;

Disanka dia buloba ndijike.+

12 Tshimenga ntshishale anu bibundu;

Mbazaze tshiibi tshilue mushiki wa bisunsukile.+

Bu padibu banyukula mutshi wa olive,+

Bu dipumbulula padi dipuola dia tumuma tua mvinyo ditua ku ndekelu.+

14 Nebabandishe dîyi diabu,

Nebele mbila ne disanka.

15 Ke bualu kayi nebatumbishe Yehowa mu tshitupa tshia buloba tshia butoke;*+

Mu bidiila* bia mu mbuu nebatumbishe dîna dia Yehowa Nzambi wa Isalele.+

Diakabi dianyi! Batungidianganyi mbenze malu a tshitungu;

Ne tshitungu, batungidianganyi mbenze malu a tshitungu.”+

18 Muntu udi unyema tshiona tshia buôwa bukole neakuluke mu dijimba,

Ne muntu udi upatuka mu dijimba neakuatshibue mu buteyi.+

Bualu nebakangule biibi bia mâyi a bungi bia muulu,

Ne bishimikidi bia buloba nebikanke.

19 Buloba mbupandike bipese;

Buloba mbunyukudibue;

Buloba budi busuba bikole menemene.+

20 Buloba budi butetuka bu muntu mukuatshike maluvu,

Ne budi butua panyima butua kumpala bu kamutanda mu lupepele.

Dishipa diabu dia mikenji ndibunemene bujitu bikole,+

Ne nebukuluke, bua kabujuki kabidi nansha.

21 Mu dituku adi Yehowa neatume ntema yende kudi tshiluilu tshia muulu mutumbuke

Ne kudi bakalenge ba buloba pa buloba.

22 Nebabasangishe kaba kamue

Bu bena buloko basangisha mu tshina,

Ne nebabakangile mu buloko bua muinshi mua buloba;

Panyima pa matuku a bungi nebatume ntema kudibu.

23 Ngondo udi tshitongatonga neumvue bundu,

Ne dîba didi dikenka nediumvue bundu,+

Bualu Yehowa wa biluilu mmulue Mukalenge+ mu mukuna wa Siona+ ne mu Yelushalema,

Muikale ne butumbi kumpala kua bakulu ba tshisamba tshiende.*+

Ndi nkusamuna, ndi ntumbisha dîna diebe,

Bualu udi muenze malu a kukema,+

Malu malongolola* katshia ku bikondo bia kale,+

Mu lulamatu,+ mu kueyemenyibua.

 2 Bualu udi muvuije tshimenga mushiki wa mabue,

Muvuije tshimenga tshikolesha bikulu bidi bienda bivingutuka.

Tshibumba tshia muntu wa ku babende katshiena kabidi tshimenga to;

Kabakutshibakulula kabidi nansha.

 3 Ke bualu kayi tshisamba tshia bukole netshikutumbishe;

Tshimenga tshia bisamba bia tshikisu netshikutshine.+

 4 Bualu udi mulue muaba mukolesha wa kusokomena kudi mupuekele,

Muaba mukolesha wa kusokomena kudi mupele mu dikenga diende,+

Muaba wa kunyemena mvula wa tshipupu,

Ne dileji ku munya mukole.+

Padi ditayika dia bena tshikisu dikale bu mvula wa tshipupu ututa ku tshimanu,

 5 Bu luya mu buloba bume,

Wewe udi utalaja diyoyo dia benyi.

Anu mudi dileji dia ditutu ditalaja luya,

Ke mudibu bakoseshe musambu wa bena tshikisu.

 6 Mu mukuna eu+ Yehowa wa biluilu nealongoluele bukua bantu buonso

Didia dia disanka dia biakudia bimpe menemene,+

Didia dia disanka dia mvinyo muimpe menemene,*

Dia biakudia bimpe menemene biuwule ne buongo bua mu mifuba,

Dia mvinyo muimpe menemene mutaata.

 7 Mu mukuna eu yeye neumbushe* tshilamba tshidi tshibuikila bukua bantu buonso

Ne tshibuikilu* tshidi tshilukila pa bisamba bionso.

 8 Neamine* lufu kashidi,+

Ne Mukalenge Mutambe Bunene Yehowa neakupule binsonji ku mêsu kua bantu bonso.+

Neumbushe bundu bua bantu bende pa buloba bujima,

Bualu Yehowa muine mmuambe bualu ebu.

Tudi bamutekemene,+

Ne yeye neatupandishe.+

10 Bualu tshianza tshia Yehowa netshikale pa mukuna eu,+

Ne Moaba neadiatakajibue mu muaba wende+

Bu tshisonsa tshidiatakaja mu mushiki wa tumvi.

11 Neatutamu bianza biende

Bu mudi muowedi ututa bianza biende bua kuowela,

Ne yeye neapuekeshe didibandisha diende+

Ne dinyungisha dipiluke dia bianza biende.

12 Tshimenga tshikolesha, pamue ne bimanu biebe bile bia bukubi,

Neatshiele panshi;

Neatshikulule mu buloba, mu lupuishi mene.

 2 Kangula biibi+ bua tshisamba tshia buakane tshimone mua kubuela,

Tshisamba tshidi tshilame bienzedi bia lulamatu.

 3 Neukube badi bakueyemena ne muoyo mujima;*

Neubapeshe ditalala didi kadiyi dijika,+

Bualu badi bakueyemena wewe.+

 4 Eyemenayi Yehowa bua kashidi,+

Bualu Yah* Yehowa udi Dibue dia tshiendelele.+

Udi utshipuekesha panshi,

Udi utshipuekesha panshi pa buloba;

Udi utshiela panshi mu lupuishi.

 6 Dikasa neditshidiate,

Makasa a bakengi, bidia bia makasa a bapuekele.”

Bualu wewe udi muena bululame,

Neulandakaje njila wa bantu bakane.

 8 Yehowa wetu, patudi tulonda njila wa mêyi ebe a dilumbuluisha,

Ditekemena dietu didi kuudi.

 9 Butuku, meme yonso mujima* ndi nkujinga bikole,

Eyowa, muoyo* wanyi udi utungunuka ne kukukeba;+

Bualu padiku mêyi a dilumbuluisha adi afuma kuudi bua buloba,

Badi basombele mu buloba badi balonga buakane.+

10 Nansha bobu baleje muntu mubi bulenga,

Kakulonga buakane nansha.+

Nansha mu buloba bua bululame, yeye neenze malu mabi,+

Ne kakumona butumbi bua Yehowa to.+

12 Yehowa wetu, neutupeshe ditalala,+

Bualu malu onso atudi benze

Wewe udi mutukumbajilawu.

13 Yehowa Nzambi wetu, bamfumu bakuabu mbatukokeshe,+

Kadi tudi tutela anu dîna diebe.+

Bualu wewe udi mutume ntema yebe kudibu

Bua kubabutula ne kujimija tshivulukilu tshiabu tshionso.

15 Yehowa wetu, udi mudiundishe tshisamba,

Udi mudiundishe tshisamba;

Udi muditumbishe.+

16 Yehowa wetu, bakalua kuudi pavuabu mu dikenga;

Bavua bupumune masambila abu banungana pauvua mubanyoke.+

17 Anu bu mukaji udi ne difu udi ukeba kulela

Muikale ne didinyenga dia pa kulela ne wela mbila mu didinyenga,

Ke mutudi bua bualu buebe, Yehowa wetu.

18 Tuvua bimite mafu, tuetu kumvua bitusama bua kulela,

Kadi bidi anu bu ne: tuvua balele lupepele.

Katuena bapeteshe buloba lupandu,

Ne muntu nansha umue ki mmuledibue bua kusombela mu buloba to.

Tabalayi ne elayi mbila ne disanka,

Nuenu badi basombele mu lupuishi!+

Bualu lumuma luebe ludi bu lumuma lua mu dinda,*

Ne buloba nebulekele badi kabayi ne bukole mu lufu bapingana ku muoyo.*

20 Ndayi, nuenu bantu banyi, buelayi mu nzubu yenu ya munda,

Ne kangayi biibi panyima penu.+

Sokomayi bua mutantshi mukese

Too ne padi tshiji tshikole tshipita.*+

21 Bualu monayi! Yehowa udi ufumina muaba wende

Bua kulumbuluisha badi basombele mu buloba bua tshilema tshiabu,

Ne buloba nebuele diela diabu dia mashi panshi patoke

Ne kabuakubuikila kabidi bashipibue babu nansha.”

27 Mu dituku adi Yehowa, muikale ne muele wende wa mvita mukole, munene ne wa bukole,+

Neatume ntema yende kudi Leviyatane,* nyoka udi ufinunuka,

Kudi Leviatane, nyoka udi wenda uditonya,

Ne neashipe nyama munene wa mu mbuu.

Ndi mmukuba butuku ne munya,

Bua muntu nansha umue kamuenzedi bibi to.+

Akebe nanyi ditalala;

Akebe nanyi ditalala.”

 6 Mu matuku atshilualua Yakoba neele miji,

Isalele neele bilongo ne neasampile,+

Ne nebuwuje buloba ne bia pa madimi.+

 9 Nunku, mu mushindu eu nebabuikile tshilema tshia Yakoba,+

Ne etshi ke tshikala tshipeta tshionso padi mpekatu wende umbushibua:

Neavuije mabue onso a tshioshelu

Bu mabue a lupemba adibu bavingutule,

Ne kabakushiya makunji a tshijila* anyi bioshelu bia musenga wa manananshi to.+

10 Bualu tshimenga tshikolesha netshishale munda mutupu;

Nebalekele mpata ya kudishila nyama ne nebayishiye bu tshipela.+

Muomu amu muana wa ngombe neadie mashinde ne nealalamu

Ne neadie matamba a mitshi yende.+

11 Padi tumatamba tuende tuma,

Bakaji nebalue ne nebatukose,

Batemesha natu kapia.

Ke bualu kayi Mufuki wabu kakubafuila luse to,

Ne Yeye uvua mubenze kakubaleja bulenga to.+

28 Diakabi dikale kudi tshifulu tshia butumbi* tshia didileja* tshia bakuatshiki ba maluvu ba Efelayima+

Ne kudi tshilongo tshidi tshifubidila tshia bulengele bua butumbi buatshi,

Tshidi pa mutu wa tshibandabanda tshia bufuke tshia bantu badi mvinyo mupite bukole!

Bu mvula mukole wa mabue ne makubakuba, tshipepele tshikole tshidi tshibutula,

Bu mvula mukole wa mâyi a bungi wa mipenyi ne makubakuba,

Yeye neatshizake panshi pa buloba ne bukole bua bungi.

 3 Bifulu bia bukalenge bia didileja* bia bakuatshiki ba maluvu ba Efelayima

Nebabidiatakaje muinshi mua makasa.+

 4 Ne tshilongo tshidi tshifubidila tshia bulengele bua butumbi buatshi,

Tshidi pa mutu wa tshibandabanda tshia bufuke,

Netshilue bu kamuma ka mfigi ka ntuadijilu kumpala kua muvu wa luya lukole.*

 7 Nansha bantu aba kabidi badi bapambuka bua mvinyo;

Maluvu abu makole adi abatetuisha.

Muakuidi ne muprofete badi bapambuka bua maluvu makole;

Mvinyo udi ubatatakaja,

Ne badi batetuka bua maluvu abu makole;

Tshikena kumona tshiabu tshidi tshibapambuisha,

Ne badi balenduka mu dilumbuluisha.+

 8 Bualu mêsa abu mmuwule tente ne bilushi bia bukoya,

Kakuena muaba udibi kabiyipu.

 9 Muntu neapeshe nganyi dimanya,

Ne muntu neumvuije nganyi mukenji eu?

Mbadibu bafuma ku dilekesha dibele,

Badibu bafuma ku diumbusha ku mabele anyi?

10 Bualu eu udi “mukenji pa mukenji, mukenji pa mukenji,

Nshinga pa nshinga, nshinga pa nshinga,*+

Ndambu apa, ndambu papa.”

“Mukenji pa mukenji, mukenji pa mukenji,

Nshinga pa nshinga, nshinga pa nshinga,*+

Ndambu apa, ndambu papa,”

Bua padibu benda,

Nebatetuke, nebadishinde tshianyima,

Nebatshibuke, nebakuluke mu buteyi ne nebakuatshibue.+

14 Nunku telejayi dîyi dia Yehowa, nuenu baditumbishi,

Nuenu bamfumu ba bantu aba ba mu Yelushalema,

15 Bualu nuenu balumiana nudi nuamba ne:

“Tudi badie tshipungidi ne Lufu,+

Ne tudi bapunge dîyi* ne Lukita.*

Padi mâyi a nkuaka mukole adi apasalala apita,

Kaakufika kutudi,

Bualu tudi bavuije dishima tshinyemenu tshietu

Ne tudi basokome mu mafi.”+

“Tangilayi ndi nteka dibue diteta bu tshishimikidi mu Siona,+

Dibue dia mu ditumba+ dia mushinga mukole dia tshishimikidi tshikole.+

Mvula wa mabue neakombe tshinyemenu tshia mashimi,

Ne mâyi neuwule muaba wa kusokomena.

18 Nebashipe tshipungidi tshinudi badie ne Lufu,

Ne dîyi dinudi bapunge ne Lukita* kadiakuimana.+

Padi mâyi a nkuaka mukole adi apasalala apita,

Neanuboze.

19 Misangu yonso idiwu apita,

Neanukombe;+

Bualu neapite ku dinda ne ku dinda,

Mu munya ne butuku.

20 Bualu bulalu mbuîpi bikole bua kudiololapu,

Ne tshilamba tshiluka tshia kudibuikila ntshikese bikole bua kudivungilamu.

21 Bualu Yehowa neajuke bu muakajukaye ku mukuna wa Pelasima;

Neajukile kuulu bu muakenzaye mu tshibandabanda* tshidi pabuipi ne Gibeona,+

Bua amone mua kuenza tshienzedi tshiende, tshienzedi tshiende tshia dikema,

Ne bua amone mua kukumbaja mudimu wende, mudimu wende utu kawuyi muanji kuenzeka.+

22 Nunku kanuseki to,+

Bua kabalu kukolesha kabidi nkanu idibu banusuike,

Bualu ndi mumvue bualu ebu kudi Mukalenge Mutambe Bunene, Yehowa wa biluilu,

Ne: mbapangadijile ditunga dijima* kabutu.+

23 Filayi matshi, telejayi dîyi dianyi;

Teyayi ntema, umvuayi tshindi ngamba.

25 Padiye mumane kulandakaja pa mutu pabu,

Kena umiamina ntete ya kimen mufiike ne ukuna tshisonsa tshia kimen anyi?

Ne yeye kena ukuna ntete ya blé, ya mponda, ne ya orje mu miaba yayi

Ne umiamina ntete ya epotre*+ ku mielelu anyi?

26 Bualu Yeye udi umulongesha* mu mushindu muimpe;

Nzambi wende udi umuyisha.+

27 Bualu kabatu bazaaza kimen mufiike ne tshintu tshia kushipula natshi to,+

Ne kabatu bapitshishila lukata lua ditempu pa kimen to.

Kadi, batu batuta kimen mufiike ne mutshi,

Ne batuta kimen ne mulangala.

Tòo, kena uyishipula anu kuyishipula to;+

Padiye ubungulujilapu lukata lua ditempu diende ne tubalu tuende,

Kena uyizaza to.+

29 Bualu ebu kabidi budi bufumina kudi Yehowa wa biluilu,

Muena lungenyi ludi lukemesha,*

Udi muenze malu adi manene.*+

Tungunukayi ku tshidimu ne ku tshidimu;

Dilondangana dia bibilu bia masanka+ ditungunuke.

 2 Kadi nentumine Aliele dikenga,+

Ne nekuikale madilu ne muadi,+

Ne yeye nealue kundi bu dîku dia tshioshelu tshia Nzambi.+

 3 Nengase tshitudilu tshinyunguluke ku nseke yonso bua kukuluisha,

Ne nenkutshintshimike ne lupangu lua mitshi

Nenkuimanyikile bintu bia kukutshintshimika nabi.+

 4 Neupuekeshibue;

Newakuile panshi pa buloba,

Ne malu awamba lupuishi neluapangishe bua kumvuikawu.

Dîyi diebe nedifumine panshi pa buloba+

Bu dîyi dia muena lubuku,

Ne mêyi ebe neafumine mu lupuishi bu miadi ya tunyunyi.

 5 Musumba wa bena lukuna* bebe newikale bu kapuishipuishi kafinunuke,+

Musumba wa bakokeshi ba tshikisu anu bu bisote bidi bipepuka.+

 6 Yehowa wa biluilu neatume ntema yende kuudi

Ne makubakuba ne dikanka dia buloba ne mutoyi mukole,

Ne mvula wa tshipupu ne tshipepele tshikole ne ndimi ya kapia kadi kabutula.”+

 7 Pashishe musumba wa bisamba bionso bidi biela Aliele mvita,+

Bonso badi bamuela mvita,

Bibumba bia kumutshintshimika nabi,

Ne badi bamukebela dikenga,

Neulue bu tshilota, tshikena kumona tshia butuku.

 8 Eyowa, nebikale anu bu padi muntu udi ne nzala ulota ne: udi wenda udia,

Kadi udi utabala muikale ne nzala,*

Ne bu padi muntu muikale ne nyota ulota ne: udi wenda unua mâyi,

Kadi udi utabala mutshioke ne muikale ne nyota.*

Ke muenzekelabi musumba wa bisamba bionso

Bidi biela mukuna wa Siona mvita.+

 9 Katshilayi ne kemayi;+

Difofomijayi ne ikalayi bampofu.+

Mbakuatshike, kadi ki mbakuatshike mvinyo to;

Badi benda batetuka, kadi ki mbua maluvu makole to.

10 Bualu Yehowa mmunuitshikijile nyuma wa tulu tukole;+

Mmukange mêsu enu, baprofete,+

Ne mmubuikile mitu yenu, bamonyi ba bikena kumona.+

13 Yehowa udi wamba ne: “Bantu aba badi basemena kundi ne mukana muabu

Ne badi bannemeka ne mishiku yabu,+

Kadi muoyo wabu udi kule menemene nanyi;

Ne kuntshina kuabu nkuimanyine pa mikenji ya bantu idibu babalongeshe.+

14 Nunku, meme ke Yeye wenza kabidi malu a kukema ne bantu aba,+

Bualu bua kukema pa bualu bua kukema;

Ne meji a bena meji babu neajimine,

Ne dijingulula dia malu dia bantu babu badi badimuke nedisokokibue.”+

Bienzedi biabu badi babienzela muaba wa mîdima,

Padibu bamba ne: “Nnganyi udi utumona?

17 Mu katupa kîpi patupu, nebavuije Lebanona budimi bua mitshi ya bimuma,+

Ne nebangate budimi bua mitshi ya bimuma abu bu ditu.+

18 Dituku adi bampudi matshi nebumvue mêyi a mu mukanda au,

Ne mêsu a bampofu neamone mu mifitu ne mu mîdima.+

19 Bena bupuekele nebasankile bikole mu Yehowa,

Ne bapele badi munkatshi mua bantu nebikale ne disanka mu Wa Tshijila wa Isalele.+

20 Bualu mukokeshi wa tshikisu kakuikalaku kabidi to,

Muntu udi utumbisha neatue ku ndekelu wende,

Ne bonso badi bashale batabale bua kuenzelangana bibi nebabutudibue,+

21 Aba badi bapisha bakuabu ne dîyi dia dishima,

Badi belela muntu udi wakuila bakuabu* mateyi mu tshiibi tshia tshimenga,+

Ne badi bakula malu a tshianana bua kupala muntu muakane kulumbuluisha kuakane.+

“Yakoba kakufuishibua kabidi bundu to,

Ne mpala wende kakutokoloka kabidi nansha.*+

23 Bualu padiye umona bana bende,

Badi mudimu wa bianza bianyi, munkatshi muende,+

Nebajidile dîna dianyi;

Eyowa, nebajidile Wa Tshijila wa Yakoba,

Ne bobu nebatshine Nzambi wa Isalele.+

24 Badi ne lungenyi lua buenzavi nebapete dijingulula dia malu,

Ne badi badilakana nebitabe dilongesha.”

30 “Diakabi dikale kudi bana badi ne mutu mukole”+ ke mudi Yehowa wamba,

“Badi benza malu adibu balongolole adi kaayi anyi,+

Badi bapunga bipungidi,* kadi kabiyi ku nyuma wanyi,

Bua kusakidila mpekatu ku mpekatu mukuabu.

 2 Badi bapueka mu Ejipitu+ kabayi bangebeja bualu,*+

Bua kuya kusokomena mu bukubi bua Palô*

Ne kunyemena mu mundidimbi wa Ejipitu!

 3 Kadi bukubi bua Palô nebulue kunudi bualu bua bundu,

Ne dinyemena mu mundidimbi wa Ejipitu nedilue bualu budi bunupuekeshisha milongo.+

 4 Bualu bakokeshi bende badi mu Soana,+

Ne batumibue bende mbafike ku Hanesa.

 5 Bonso nebabafuishe bundu

Kudi tshisamba tshidi katshiyi mua kubapetesha diakalengele,

Tshidi katshiyi tshifila dikuatshisha anyi diakalengele,

Kadi anu bundu ne dipuekeshibua milongo.”+

Kupitshila mu buloba bua ntatu ne makenga,

Bua ntambue, ntambue udi ukungula,

Bua nyoka wa lulengu ne nyoka udi ubuuka ne wosha bu kapia,*

Badi bambuila bubanji buabu pa nyima ya mpunda

Ne bintu biabu pa tutonta tua nyama ya tumelu.

 8 “Mpindieu ndaku, ufunde bualu ebu pa dibaya mu mêsu muabu,

Ne ubufunde mu mukanda,+

Bua bumone mua kuambuluisha dituku ditshidi dilua

Bu bujadiki bua tshiendelele.+

 9 Bualu bobu badi tshisamba tshia bantomboji,+ bana ba mashimi,+

Bana badi kabayi basue kuteleja mukenji wa* Yehowa.+

“Bu munudi nubenga dîyi edi,+

Nueyemena dibila ne dishima

Ne nutekemena malu aa,+

13 Nunku tshilema etshi netshikale bu tshimanu tshikoseke,

Bu tshimanu tshile tshituntamane tshikeba kupuka.

14 Netshisunsuke bu mulondo munene wa mufumbi,

Musunsuke wonso kakuyi kushala kapese nansha kamue mu bisunsukile biawu

Bua kuokola naku kapia muiku

Anyi kutunta naku mâyi mu tshijibajiba.”*

“Panudi nualukila kundi ne nuikisha, nenupandishibue;

Bukole buenu nebuikale mu dishala talalaa ne dikala ne dieyemena.”+

Nunku bua kunyema nenunyeme.

“Ne netubande pa tubalu tua lubilu lukole!”+

17 Bantu tshinunu nebazakale bua difuna dia muntu umue;+

Bua difuna dia bantu batanu nenunyeme

Too ne padi badi bashala ba kunudi balua bu mutshi wa tshilamba tshitubu baludika natshi mazuwa pa lusongo lua mukuna munene,

Bu mutshi wa tshimanyinu pa mukuna mukese.+

18 Kadi Yehowa mmuindile ne lutulu luonso* bua kunuleja bulenga,+

Ne yeye neajuke bua kunuleja luse.+

27 Tangilayi! Dîna dia Yehowa didi difuma kule,

Ditema ne tshiji tshiende ne matutu a bujitu.

Mishiku yende mmiuwule tente ne tshiji,

Ne ludimi luende ludi bu kapia kadi kabutula.+

28 Nyuma* wende neikale bu mâyi a nkuaka mukole adi apasalala adi afika too ne mu nshingu,

Bua kunyukulula bisamba mu munyingu wa kabutu;*

Ne bukua bantu nebuikale ne lukanu ludi lubapambuisha mu mbanga yabu.+

29 Kadi musambu wenu newikale bu musambu muimba butuku

Paudi udilongolola* bua tshibilu tshia disanka,+

Ne muoyo webe newusanke bu muntu

Udi wenda ne* lushiba

Uya mutangile ku mukuna wa Yehowa, ku Dibue dia Isalele.+

30 Yehowa neenze bua dîyi diende dia bunême+ diumvuike

Ne neasokolole diboko diende+ padidi dipueka mu kapia ka tshiji,+

Ne ludimi lua kapia kadi kabutula,+

Ne mvula udi witshikila+ ne mvula wa makubakuba ne mabue a mvula.+

31 Bua dîyi dia Yehowa, Ashû neakuatshike buôwa bukole;+

Neamukume ne mulangala.+

32 Nanku, diela dionso dia mulangala wende wa dinyoka

Dialua Yehowa kuela Ashû

Nedikale dishindikija kudi ngoma ya ku bianza ne nzenze+

Padiye ubajudila diboko diende bua kuluangana nabu mvita.+

33 Bualu Tofete* wende+ ukadi mumana kulongolola;

Ukadi kabidi mulongoluela mukalenge.+

Yeye mmuele mushiki wa nkunyi muye muinshi ne munene,

Ne kapia kapite bungi ne nkunyi.

Mupuya wa Yehowa, udi bu musulu wa sufre wa nkuaka mukole,

Newumutue kapia.

31 Diakabi dikale kudi badi bapueka mu Ejipitu bua kukeba diambuluisha,+

Badi betekemena tubalu,+

Badi beyemena matempu a mvita bualu adi a bungi,

Ne beyemena tubalu tua mvita* bualu tudi ne bukole.

Kadi kabena batangila kudi Wa Tshijila wa Isalele,

Ne kabena bakeba Yehowa to.

 2 Kadi yeye udi kabidi ne meji ne neatume dikenga,

Ne yeye kakupingaja mêyi ende to.

Neajuke bua kuluisha nzubu wa benji ba malu mabi

Ne badi bambuluisha benji ba malu mabi.+

 3 Kadi bena Ejipitu mbantu betu ba tshianana aba, kabena Nzambi to;

Tubalu tuabu mmusunyi, ki nnyuma to.+

Padi Yehowa wolola tshianza tshiende,

Muntu yonso udi ufila diambuluisha nealenduke

Ne muntu yonso udibu bambuluisha neakuluke;

Bonso nebajimine tshikondo tshimue.

“Anu mudi ntambue, muana wa ntambue wa bukole,* ukungula bua tshiakudia tshiende,

Padibu basangisha tshisumbu tshijima tshia balami ba mikoko bua kumuluisha,

Ne mêyi abu kaayi amutshinyisha

Anyi disumpakana diabu dimutekesha,

Ke muapueka Yehowa wa biluilu bua kuluangana mvita

Bua mukuna wa Siona ne bua mukuna wende mukese.

 8 Ne muena Ashû neakuluke ku muele wa mvita, ki nku wa muntu to;

Ne muele wa mvita newumubutule, ki ngua bantu to.+

Neanyeme bua muele wa mvita,

Ne bansongalume bende nebababueje ku bukole ku mudimu mukole.

 9 Mukuna wende wa dibue newupite bua buôwa bua tshianana,

Ne bakokeshi bende nebatshine bua mutshi wa tshimanyinu,” ke mudi Yehowa wamba,

Muena butoke budi* mu Siona ne muena tshikutu tshia kapia tshidi mu Yelushalema.

32 Monayi! Mukalenge+ neakokeshe bua buakane,+

Ne bakokeshi nebakokeshe bua kulumbuluisha kuakane.

 2 Nunku, muntu yonso neikale bu muaba wa kusokomena* tshipepele,

Muaba wa kupengama* mvula wa tshipepele,

Bu tusulu tua mâyi mu buloba budi kabuyi ne mâyi,+

Bu dileji dia mukuna munene wa dibue mu buloba bume.

 3 Nunku mêsu a badi bamona kabakualamika kabidi bua kuakanga nansha,

Ne matshi a badi bumvua neateye ntema.

 4 Muoyo wa badi balubakana newelangane meji bikole bua dimanya,

Ne ludimi ludi lukukumina neluakule bipepele ne mu mushindu mutoke.+

 5 Kabakubikila kabidi muntu mutshimbakane ne: mupeshanganyi wa bintu,

Ne kabakubikila muntu musenji ne: muntu munene to;

 6 Bualu muntu mutshimbakane neakule malu matshimbakane,

Ne muoyo wende newulukakaje malu mabi,+

Bua kumuangalaja butontolodi* ne bua kuamba Yehowa mêyi mabi,

Bua kulekela muntu udi ne nzala* ufua ne nzala,

Ne kupala muntu udi ne nyota tshia kunua.

 7 Bintu bidi muntu musenji wenza nabi mudimu mbibi;+

Udi utungunuja tshikadilu tshia bundu

Bua kuenzela mukengi bibi ne mashimi,+

Nansha padi mupele wamba malu makane.

 8 Kadi mupeshanganyi wa bintu udi ne lungenyi lua dipeshangana bintu,

Ne udi unanukila mu didienzeja bua kupeshangana bintu.*

10 Mu tshidimu tshijima ne ndambu, nuenu badi kabayi batshiuka bualu nenukanke,

Bualu kamuma nansha kamue kakakuikala kasangisha padi tshikondo tshia dipuola dia tumuma tua mvinyo tshijika.+

Vulayi bilamba, nushale butaka,

Ne dijingilayi tshilamba tshikayabale mu bimono bienu.+

12 Dilayi nudikuma mu tshiadi

Bua madimi malenga ne muonji wa tumuma tua mvinyo udi ukuama bikole.

13 Bualu nebabuikile buloba bua bantu banyi kudi mêba ne tumitshi tua mêba;

Nebibuikile nzubu yonso ya masanka,

Eyowa, tshimenga tshia disanka dikole.+

14 Bualu tshibumba tshikolesha ntshilekela;

Tshimenga tshia mutoyi ntshilekelela.+

Ofele+ ne tshibumba tshia nsentedi mbilue buloba bua munda mutupu bua kashidi,

Disanka dia mpunda ya tshisuku,

Mpata wa kudiila wa bimuna,+

15 Too ne padibu batuitshikijila nyuma ufuma muulu,+

Ne tshipela tshilua budimi bua mitshi ya bimuma,

Ne bamona budimi bua mitshi ya bimuma bu ditu.+

16 Nunku kulumbuluisha kuakane nekusombe mu tshipela,

Ne buakane nebusombele mu budimi bua mitshi ya bimuma.+

17 Tshipeta tshia buakane bulelela netshikale ditalala,+

Ne mamuma a buakane bulelela neikale bupole ne bukubi bia tshiendelele.+

18 Bantu banyi nebasombele muaba udi ditalala dia kashidi,

Mu miaba ya kusombela ya bukubi ne mu miaba ya kuikishila ya bupole.+

19 Kadi mvula wa mabue neupule ditu,

Ne tshimenga tshionso tshijima netshilandakajibue.

20 Nudi ba diakalenga nuenu badi bakuna mamiinu ku mielelu ya mâyi onso,

Badi basulula* ngombe ne mpunda.”+

33 Diakabi diebe, wewe mubutudianganyi udi kayi mubutudibue;+

Wewe mutungidianganyi udibu kabayi batungile!

Ulue bukole buetu*+ mu dinda dionso,

Eyowa, lupandu luetu mu tshikondo tshia dikenga.+

 4 Bu mutu mpasu ya mikumbi idi ibutula idisangisha, ke muasangishabu bintu bienu bidibu banunyenga;

Bantu nebadielapu bu bisumbu bia mpasu ya mikumbi.

 5 Yehowa neatumbishibue,

Bualu yeye mmusombele mu miaba mitumbuke ya muulu.

 6 Yeye udi dishindama dia bikondo biebe;

Divulangana dia lupandu,+ meji, dimanya, ne ditshina dia Yehowa,+

Etshi ke tshiuma tshiende.

 7 Monayi! Bilobo biabu bidi bidila mu musesu;

Batuadi ba mukenji wa ditalala badi badila bikole menemene.

 8 Bibeba mbishale munda mutupu;

Kakuena muntu udi wendela mu tujila.

Yeye* mmushipe tshipungidi;

Mmubenge bimenga;

Kena utua muntu ufuafua mushinga to.+

Shalona mmulue bu tshipela,

Bashana ne Kâmele badi batutula mabeji abu.+

10 Yehowa udi wamba ne: “Mpindieu nenjuke,

Mpindieu nenditumbishe;+

Mpindieu nendipeshe bunême.

14 Benji ba mpekatu badi mu Siona badi ne buôwa;+

Lukanku ndukuate batontolodi:

15 Mmuntu udi wenda mu buakane budi kabuyi bujika,+

Udi wakula malu malulame,+

Udi ubenga dishima, ne bintu bipeta mu mafi,

Udi ne bianza bidi bibenga mbuejilu pamutu pa kumubakula,+

Udi ujika ditshi diende ku muyuki wa diela dia mashi panshi,

Ne udi ukanga mêsu ende bua kubenga kumona malu mabi,

16 Yeye neasombele mu miaba mitumbuke;

Tshinyemenu tshiende tshikole* netshikale mu miaba ya kusokomena ya mabue,

Nebamupeshe biakudia biende,

Ne mâyi ende kaakujika nansha kakese.”+

17 Mêsu ebe neatangile mukalenge mu bulengele buende;

Neamone buloba budi kule.

19 Kuakumona kabidi bantu bapange malu to,

Tshisamba tshidi ne muakulu mukodiakane* bua kuwumvua,

Tshidi ne ngakuilu wa tshikukumina uudi kuyi mua kumvua.+

Mêsu ebe neamone Yelushalema bu muaba wa kusombela wa bupole,

Ntenta udibu kabayi mua kumbusha,+

Kabakutula mpopo ya ntenta wende nansha,

Ne kabakukosa muonji nansha umue wa ku mionji yende.

21 Kadi muomu amu Mutambe Bunene, Yehowa,

Neikale kutudi buloba bua misulu, bua minkoloji minene ya mâyi,

Muikala matu adibu bita ne nkaya* kaayi mua kuyila

Ne mazuwa manene kaayi mua kupitshila.

22 Bualu Yehowa udi Mulumbuluishi wetu,+

Yehowa udi Mutueledi wa mikenji,+

Yehowa udi Mukalenge wetu;+

Yeye ke watupandisha.+

23 Mionji yebe neyisuluke;

Kayakukuata mutshi wa kusuikila tshilamba tshitubu baludika natshi mazuwa peshi kubalula tshilamba tshia kuludika natshi mazuwa to.

Tshikondo atshi nebabanyangane bintu bia bungi binyenga;

Too ne balema nebangate bintu bia bungi bipawula.+

34 Semenayi pabuipi bua kumvua, nuenu bisamba,

Ne teyayi ntema, nuenu bukua bantu.

Buloba ne bionso bidipu biteleje,

Buloba ne bionso bidibu bupatula.

 2 Bualu Yehowa mmufiikile bisamba bionso munda,+

Ne mmukuatshile tshiluilu tshiabu tshionso tshiji tshikole.+

Neabibutule;

Neabifile bua babishipe.+

 3 Nebimanshe bantu babu badi bashipibue,

Ne mupuya mubi wa bitalu biabu newubande muulu;+

Mikuna neyenguluke bua bualu bua mashi abu.*+

 4 Musumba wonso wa bia mu diulu newubole,

Ne nebavunge diulu bu muvungu.

Musumba wabu wonso newufubidile,

Bu mudi dibeji difubidile dikuluka ku muonji wa tumuma tua mvinyo

Ne mfigi mufubidile ukuluka ku mutshi wa mfigi.

Newupueke pa Edome bua kulumbuluisha,+

Pa bantu bamvua mufundile kabutu.

Newikale mutote ne mafuta,+

Ne mashi a bimpanga bia mikoko bitshidi biana ne mbuji,

Ne mafuta a tuonyi tua bimpanga bia mikoko.

Bualu Yehowa udi ne mulambu mu Bosela,

Dishipa dinene mu buloba bua Edome.+

 7 Ngombe ya tshisuku neyipueke nayi,

Bana balume ba ngombe pamue ne ngombe ya bukole.

Buloba buabu nebuboleshibue ne mashi,

Ne lupuishi luabu neluwule ne mafuta.”

 8 Bualu Yehowa udi ne dituku dia disombuela,+

Tshidimu tshia kufuta bua tshilumbu tshia bualu bua Siona.+

 9 Tusulu tuende* netukudimuke kabudimbu,

Ne lupuishi luende nelukudimuke sufre,

Ne buloba buende nebulue bu kabudimbu kadi katema kapia.

10 Butuku anyi mu munya kabuakujima to;

Muishi wabu newutungunuke ne kubanda kashidi.

Neashale mubutula ku tshipungu ne ku tshipungu tshia bantu;

Muntu kakupitshila munda muende kashidi ne tshiendelele.+

11 Nyunyi wa mukuekue ne nkese nebimupiane,

Ne bipungulu bia matshi male ne bikololo nebisombele munda muende.

Yeye neolole nshinga wa kupima nende bule wa muaba mutupu pa mutu pende

Ne nshinga wa tshiamu tshia plomb wa* kabutu.

12 Kabakubikila muntu wende munene nansha umue mu bukalenge,

Ne bakokeshi bende bonso nebalue tshianana.

13 Mêba neatoloke mu bibumba biende bikolesha,

Mpesa ne bisonsa bia mêba nebitoloke mu miaba yende mikolesha.

Nealue tshisombedi tshia mibuabua,+

Tshipangu tshia nyunyi ya mfiondo.

14 Bifukibua bia mu tshipela nebituilangane ne nyama idi yela mikunda,

Ne mbuji wa tshisuku* neele muena diende dîyi.

15 Muomu amu nyoka wa mbuka neenzelamu disua diende ne neelelamu mayi,

Ne neaatoye ne neaasangishe mu mundidimbi wende.

Nansha umue wa kudiyi kakupangika;

Nansha umue wa kudiyi kakupangila muena diende,

Bualu mukana mua Yehowa ke mudi mutume dîyi edi,

Ne nyuma wende ke udi muyisangishe pamue.

17 Yeye ke udi muyelele nshobo,

Ne bianza biende mbipime muaba udibu bayipeshe.*

Neyiwupiane bua kashidi;

Neyisombelamu mu bipungu bionso bia bantu.

35 Tshipela ne buloba bume nebisanke bikole,+

Ne mpata wa tshipela neikale ne disanka ne neele bilongo bu bilongo bia safran.+

 2 Kakuyi mpata netshiele bilongo;+

Netshisanke, netshiele mbila ya disanka.

Nebatshipeshe butumbi bua Lebanona,+

Bulengele bua Kâmele+ ne bua Shalona.+

 3 Koleshayi bianza bidi bitekete,

Ne koleshayi binu bidi bikanka.+

Monayi! Nzambi wenu nealue ne disombuela,

Nzambi nealue ne difutu.+

 5 Mu tshikondo atshi mêsu a bampofu neatabale,+

Ne matshi a bampudi matshi neajikuke.+

 6 Mu tshikondo atshi mulema neatumpike bu ngulungu,+

Ne ludimi lua kamama neluele mbila ya disanka.+

Bualu mâyi neapatuke mu tshipela,

Ne tusulu tua mâyi mu mpata wa tshipela.

 7 Buloba budi buosha kudi munya nebulue dijiba didi ne malenge,

Ne buloba budi kabuyi ne mâyi nebulue mishimi ya mâyi.+

Miaba ivua mibuabua yikishila,+

Neyikale mashinde mabishi, ne malenge ne nyandu.*

 8 Nekuikale tshibeba,+

Eyowa, njila udibu babikila ne: Njila wa Bunsantu.

Mmulamina muntu udi wendela mu njila;

Muntu mutshimbakane nansha umue kakupambuka, kuyilamu to.

 9 Ntambue nansha umue kakuikalamu to,

Ne nyama ya tshisuku ya luonji kayakuluamu to.

Kabakuyisanganamu nansha;+

Anu bantu badibu bapikule ke bendelamu.+

Disanka dikole ne masanka nebikale biabu,

Kanyinganyinga ne kutua kua mikemu nebinyeme.+

Uudi mubandishile dîyi diebe+

Ne mubandishile mêsu ebe a diambu nnganyi?

24 Udi muyobole Yehowa ku butuangaji bua bena mudimu bebe,+ muambe ne:

‘Ne matempu anyi a mvita bungi tshianana,

Nembande miaba mitumbuke ya ku mikuna,+

Bitupa bia kule menemene bia Lebanona.

25 Nengumbule bina ne nennue mâyi;

Nengumishe tusulu* tua Ejipitu ne bidiatshidi bia makasa anyi.’

27 Bantu badi basombelamu kabakuikala ne wa kubasungila;

Nebikale ne buôwa bukole ne nebafuishibue bundu.

Nebalue bu bikunyibua bia mu budimi ne bu bisonsa bibishi,

Bu bisonsa bia pa misaka ya nzubu bidibu bumishe kudi lupepele lua ku est.

28 Kadi ndi mumanye bimpe paudi usomba, paudi upatuka, paudi ubuela,+

Ne paudi unkuatshila tshiji tshikole,+

29 Bualu tshiji tshiebe tshikole tshiudi munkuatshile+ ne dikungula diebe mbifike ku matshi anyi.+

Nunku nengele ndobo wanyi mu diulu diebe ne muonji wanyi+ pankatshi pa mishiku yebe,

Ne nenkupingaje mu njila uuvua muluile.”

“Yeye kakubuela mu tshimenga etshi+

Anyi kuasamu mukete

Anyi kuluangana natshi ne ngabu

Anyi kutshielela tshibumba tshikole tshia kutshitshintshimika natshi nansha.”’+

34 ‘Neapinganyine mu njila uvuaye muluile;

Kakubuela mu tshimenga etshi to,’ ke mudi Yehowa wamba.

35 ‘Nenduile tshimenga etshi+ mvita ne nentshipandishe bua bualu buanyi meme+

Ne bua bualu bua muena mudimu wanyi Davidi.’”+

10 Ngakamba ne: “Munkatshinkatshi mua matuku anyi a muoyo

Ndi ne bua kubuela mu biibi bia Lukita.*

Tshiakutangila kabidi bukua bantu

Pandi pamue ne badi basombele muaba udi malu onso imana.

12 Mbatule tshisombelu tshianyi, mbatshiumbushe kundi+

Bu ntenta wa mulami wa mikoko.

Ndi muvunge muoyo wanyi bu muluki wa bilamba;*

Yeye udi unkosa bu manda a tshilamba a mu bule.

Bu ntambue, yeye udi utungunuka ne kutshibula mifuba yanyi yonso;

Kubangila ku dinda too ne padi butuku buila wewe udi utungunuka ne kuya nanyi too ne ku ndekelu.+

14 Bu nyunyi wa kandindi anyi wa mutendi,* ke mundi ntungunuka ne kudila;+

Ndi ntungunuka ne kudila bu nyunyi wa nkutshi.+

‘Yehowa wanyi, ndi mu dikenga dikole;

Ikala mukuatshishi wanyi!’*+

Nengende ne budipuekeshi* bidimu bianyi bionso

Bua dikenga dikole dindi nadi.*

16 ‘Yehowa wanyi, muntu yonso udi ne muoyo bua malu aa,*

Ne munda muawu ke mudi muoyo wa nyuma wanyi.

17 Tangila! Pamutu pa ditalala, mvua ne kanyinganyinga kakole;

Kadi bua muudi munnange* bikole,

Uvua munkube ku tshina tshia kabutu.+

18 Bualu Lukita* kaluena mua kukutumbisha,+

Lufu kaluena mua kukusamuna to.+

19 Muntu udi ne muoyo, muntu udi ne muoyo udi mua kukutumbisha,

Anu bu mundi ngenza dituku edi.

20 Yehowa wanyi, umpandishe,

Netuimbe misambu yanyi ne biombelu bia nshinga+

Matuku etu onso a muoyo mu nzubu wa Yehowa.’”+

 2 “Ambilayi muoyo wa Yelushalema,*

Mumanyishayi ne: mudimu udibu bamuenzeja ku bukole wakumbanyi,

Ne: mbafute bua tshibawu tshiende.+

 4 Tshibandabanda tshionso tshibandishibue,

Ne mukuna munene wonso ne mukuna mukese wonso ipuekeshibue.

Buloba bua bibungubungu budi ne bua kulandakana,

Ne buloba budi ne binina budi ne bua kulua mpata wa mu tshibandabanda.+

 5 Butumbi bua Yehowa nebusokolodibue,+

Ne bantu bonso nebabumone* tshiapamue,+

Bualu mukana mua Yehowa mmuakule.”

 7 Bisonsa bibishi bidi biuma,

Bilongo bidi bifubidila,+

Bualu mupuya* wa Yehowa udi ubituta.+

 8 Bisonsa bibishi bidi biuma,

Bilongo bidi bifubidila,

Kadi dîyi dia Nzambi wetu didi dishala kashidi.”+

 9 Banda pa mukuna mule,

Wewe mukaji udi ulua ne lumu luimpe bua Siona.+

Bandisha dîyi diebe ne bukole buonso,

Wewe mukaji udi ulua ne lumu luimpe bua Yelushalema.

10 Tangila! Mukalenge Mutambe Bunene Yehowa nealue muikale ne bukole,

Ne diboko diende nedikokeshe buende yeye.+

Tangila! Difutu diende didi kudiye,

Ne difutu didiye ufuta didi kumpala kuende.+

Neasangishe bana ba mikoko pamue ne diboko diende,

Neabambule mu tshiadi tshiende.

12 Nnganyi udi mupime mâyi munda mua tshianza tshiende+

Ne muangate bipimu bia* diulu ne ntanta wa tshianza tshiende tshibalula?*

Nnganyi udi musangishe lupuishi lua buloba mu tshipiminu+

Anyi mupime bujitu bua mikuna minene mu tshipiminu tshia bujitu

Ne bua mikuna mikese mu tshipiminu tshia bujitu?

13 Nnganyi udi mupime bunene bua* nyuma wa Yehowa,

Ne nnganyi udi mua kumubela bu mumupeshi wa ngenyi?+

14 Nnganyi uvuaye mulombe lungenyi bua kupetaye dijingulula dia malu,

Anyi nnganyi udi umulongesha njila wa kulumbuluisha kuakane,

Anyi udi umulongesha dimanya,

Anyi udi umuleja njila wa dijingulula dia malu dilelela?+

15 Monayi! Bisamba bidi bu dimata dia mâyi difuma mu mbeketshi,

Yeye udi ubimona bu tupuishipuishi pa tshipimu.+

16 Nansha Lebanona kena ukumbana bua kulama kapia katema,*

Ne nyama yende ya tshisuku kayena ikumbana bua mulambu wa kuosha.

17 Bisamba bionso bidi bu tshintu tshidi katshiyiku kumpala kuende;+

Udi ubimona bu bintu bidi kabiyiku, bu tshintu tshia dishima.+

19 Nsenda udi wenza lupingu,*

Mufudi wa biamu udi ululamika or,+

Udi ufula shene ya arjan.

20 Udi usungula mutshi bu dipa diende,+

Mutshi wikala kawuyi mua kubola.

Udi ukeba nsenda mupiluke

Bua kulongolola lupingu lusonga luikala kaluyi mua kukuluka.+

22 Kudi muntu udi musombele pa mutu pa tshijengu tshia* buloba,+

Ne badi basombelapu badi bu mpasu.

Yeye udi wolola diulu bu tshilamba tshimpe tshidi tshimuenesha dia muamua,

Ne udi ubalula diulu bu ntenta wa kusombela.+

23 Udi uvuija bakokeshi banene tshintu tshidi katshiyiku

Ne uvuija balumbuluishi* ba pa buloba tshintu tshia dishima.

24 Mbafume ku dibakuna,

Mbafume ku dibamiamina,

Tshitaku tshiabu tshitshidi tshielelaku miji mu buloba,

Badi babapepula, badi buma,

Ne tshipepele tshidi tshiya nabu bu nsona.+

Nyeye udi upatula musumba wabi ku bungi buabi;

Udi ubibikila bionso ku dîna diabi.+

Bua ngulu yende bungi tshianana ne bukole buende bua dikema,+

Kakuena nansha tshimue tshidi tshipangike.

‘Njila wanyi mmusokome ku mêsu kua Yehowa,

Ne tshiena mpeta kulumbuluisha kuakane kudi Nzambi’?+

29 Udi upesha muntu udi mutshioke bukole,

Upesha badi kabayi ne bukole* dikanda dionso.+

30 Bana ba balume nebatshioke, nebapungile,

Ne bansongalume nebatondoke, nebadishinde,

31 Kadi badi batekemena kudi Yehowa nebapetulule bukole.

Nebanyeme lubilu, kabakupungila to;

Nebende, kabakutshioka to.”+

41 “Ntelejayi talalaa,* nuenu bidiila;*

Bisamba bipetulule bukole buabi.

 2 Nnganyi udi mujule muntu wa kudi dîba dipatukila,*+

Umubikila mu buakane ku makasa Ende,*

Bua kufila bisamba ku tshianza tshiende

Ne bua kumupesha bukokeshi bua kukokesha bakalenge?+

Nnganyi udi mubavuije lupuishi kumpala kua muele wende wa mvita,

Bu lusona lupepula kudi lupepele kumpala kua buta buende bua mikete?

 3 Yeye udi ubalondakaja, upita kakuyi lutatu

Mu tujila mudi makasa ende kaayi manji kuendela.

 4 Nnganyi udi muenze bualu ebu ne mubukumbaje,

Ubikidisha bipungu bia bantu katshia ku tshibangidilu?

Meme, Yehowa, ndi Wa kumpala;+

Ne kudi ba ndekelu ndi muomumue.”+

 6 Muntu yonso udi wambuluisha muinende,

Udi wambila muanabu ne: “Ikala ne bukole.”

 7 Nunku nsenda udi ukolesha mufudi wa biamu;+

Muntu udi ubatalaja ne nyindu wa kufula nende

Udi ukolesha muntu udi ututa bintu pa tshiamu tshia mu ditanda.

 8 “Kadi wewe, Isalele, udi muena mudimu wanyi,+

Wewe, Yakoba, undi musungule,+

Bana ba* Abalahama mulunda wanyi,+

 9 Wewe umvua muangate kumbukila ku ntengu ya buloba,+

Ne wewe umvua mubikile kumbukila miaba yabu ya kule menemene.

Mvua mukuambile ne: ‘Udi muena mudimu wanyi;+

Ndi mukusungule; tshiena mukubenge to.+

Nenkukoleshe, eyowa, nenkuambuluishe,+

Nenkukuate bushuwa ne tshianza tshianyi tshia balume tshia buakane.’

12 Neukebe bantu badi baluangana nebe, kadi kuakubapeta to;

Bantu badi baluangana nebe mvita nebalue bu tshintu tshidi katshiyiku, bu tshintu tshia tshianana.+

13 Bualu meme, Yehowa Nzambi webe, ndi nkuata tshianza tshiebe tshia balume bikole,

Yeye udi ukuambila ne: ‘Kutshinyi to. Nenkuambuluishe.’+

14 Kutshinyi, wewe Yakoba tshishi,*+

Nuenu bantu ba Isalele, nenkuambuluishe,” ke mudi Yehowa, Mupikudi webe,+ Wa Tshijila wa Isalele wamba.

15 “Mona! Ndi mukuvuije tshintu tshia kushipula natshi,+

Tshintu tshipiatshipia tshia kushipula natshi tshikale ne mênu masakisha nseke ibidi.

Neudiatakaje mikuna minene, neuyizaze

Ne neuvuije mikuna mikese bu bisote.

16 Neuyipepule,

Ne lupepele neluye nayi;

Tshipepele tshia mvula netshiyitangalaje.

Wewe neusankile mu Yehowa,+

Ne neuditumbishile mu Wa Tshijila wa Isalele.”+

18 Nengenze bua misulu ipueke pa mikuna mikese idi kayiyi ne tshintu+

Ne mishimi mu mpata ya bibandabanda.+

Nemvuije tshipela dijiba dia mâyi didi ne malenge

Ne nemvuije buloba budi kabuyi ne mâyi mishimi ya mâyi.+

19 Nenkune mutshi wa sedre mu tshipela,

Mutshi wa musese ne mutshi wa mirte ne mutshi wa sapen.+

Nenkune mutshi wa jenevriye mu mpata wa tshipela,

Pamue ne mutshi wa frene ne mutshi wa sipré,+

20 Bua bantu bonso bamone ne bamanye,

Bateye ntema ne bajingulule

Ne: tshianza tshia Yehowa ke tshidi tshienze bualu ebu,

Ne Wa Tshijila wa Isalele ke udi mubufuke.”+

Tuambilayi malu a kale,*

Bua tuelelangane meji a malu aa,* bua tumanye tshipeta tshiawu.

23 Tuambilayi tshienzeka mu matuku atshilualua,

Bua tuetu tumanye ne: nudi nzambi.+

Eyowa, enzayi bualu, buimpe anyi bubi,

Bua tukatshile patudi tubumona.+

24 Monayi! Nudi tshintu tshidi katshiyiku,

Ne bualu bunudi nuenza budi tshianana.+

25 Ndi mujule muntu wa ku nord, nealue,+

Muntu wa kudi dîba dipatukila*+ wabila dîna dianyi.

Neadiatakaje bamfumu* anu bu ne: bavua diima,+

Bu mufumbi udi udiata diima ditalale.

26 Nnganyi uvua muambe bualu ebu katshia ku tshibangidilu, bua tumanye,

Anyi katshia ku bikondo bia kale, bua tuambe ne: ‘Mmuambe bulelela’?+

28 Kadi ngakatungunuka ne kutangila, ne kakuvua muntu nansha umue;

Kakuvua muntu munkatshi muabu bua kufila lungenyi.

Ndi muele nyuma wanyi munda muende;+

Neatuadile bisamba kulumbuluisha kuakane.+

 2 Kakuela lubila anyi kubandisha dîyi diende,

Ne kakuenza bua dîyi diende diumvuike mu musesu.+

 3 Kakutshibula dilenge didi dizajike,

Ne kakujima mukaba wa muendu udi ufuima.+

 4 Kakuteketa anyi kuzajibua too ne padiye ujadika kulumbuluisha kuakane pa buloba;+

Ne bidiila* bidi bitungunuka ne kuindila mukenji wende.*

 5 Mona tshidi Nzambi mulelela, Yehowa,

Mufuki wa diulu ne Munene uvua mudiolole,+

Yeye udi mualabaje buloba ne bintu bidibu bupatula,+

Yeye udi upesha bantu badipu mueyelu+

Ne upesha badi bendelapu nyuma,+ wamba:

 6 “Meme, Yehowa, ndi mukubikile mu buakane;

Ndi mukukuate ku tshianza tshiebe.

Nenkulame, nenkufile bu tshipungidi bua bantu+

Ne bu butoke bua bisamba,+

 7 Bua wewe kutabeja mêsu a bampofu,+

Bua kupatula bena lukanu mu buloko bua muinshi mua buloba

Ne kupatula badi basombe mu mîdima mu lukanu.+

 8 Meme ndi Yehowa. Adi ndîna dianyi;

Tshiena mfila butumbi buanyi kudi muntu mukuabu,*

Anyi kutumbishibua kuanyi kudi mpingu misonga.+

 9 Monayi, malu a kumpala apitshi;

Mpindieu ndi nnuambila malu mapiamapia.

10 Imbilayi Yehowa musambu mupiamupia,+

Imbayi butumbi buende kumbukila ku ntengu ya buloba,+

Nuenu badi bapueka ku mbuu ne bionso bidi biuwulamu,

Nuenu bidiila* ne badi basombelamu.+

11 Tshipela ne bimenga biatshi bibandishe dîyi diabi,+

Miaba ya kusombela idi Kedâ+ musombele.

Badi basombele ku mukuna wa dibue bele mbila ne disanka;

Belele mbila pa nsongo ya mikuna.

12 Bapeshe Yehowa butumbi

Ne bamanyishe butumbi buende mu bidiila.*+

Neele dîyi, eyowa, neashiye lubila lua mvita;

Neadileje muena bukole kupita bena lukuna bende.+

Bu mukaji pa lulelu,

Nentue mikemu, nempuyakane lubilu lubilu ne nenkoke mioyo ya munda musangu umue.

15 Nembutule mikuna minene ne mikuna mikese

Ne nengumishe bikunyibua biayi bionso.

Nenkudimune misulu ilua bidiila*

Ne nengumishe majiba a mâyi adi ne malenge.+

16 Nendombole bampofu mu njila udibu kabayi bamanye,+

Nengenze bua bendele mu tujila tudibu kabayi bibidile.+

Nemvuije mîdima idi kumpala kuabu butoke+

Ne nemvuije muaba wa binina buloba bulandakane.+

Aba badi beyemena mpingu misonga,

Aba badi bambila mpingu ya tshiamu* ne: “Nudi nzambi yetu.”+

18 Telejayi nuenu bampudi matshi;

Tangilayi numone, nuenu bampofu.+

19 Nnganyi udi mpofu bikalaye kayi muena mudimu wanyi,

Mpudi matshi menemene bu mutuadi wa mukenji undi mutume?

Nnganyi udi mpofu menemene bu muntu uvuabu bafute,

Mpofu menemene bu muena mudimu wa Yehowa?+

21 Bua bualu bua buakane buende,

Yehowa udi usanka bua dibandisha mukenji* ne diwuvuija wa butumbi.

22 Kadi aba mbantu badibu banyenge bintu ne bapawule;+

Buonso buabu mbakuatshibue mu majimba ne mbasokoka mu maloko.+

Mbabanyenge bintu kakuyi muntu wa kubasungila,+

Ne mbabapawule kakuyi muntu udi mua kuamba ne: “Bapingajayi!”

24 Nnganyi udi mufile Yakoba bua dipawula

Ne Isalele kudi banyengi?

Bavua babenge bua kuendela mu njila yende,

Ne bavua babenge bua kutumikila mukenji* wende.+

25 Nunku Yeye wakatungunuka ne kumupumuina tshiji tshiende tshikole,

Tshiji tshiende ne luonji lua mvita.+

43 Mpindieu mona tshidi Yehowa,

Mufuki webe, wewe Yakoba, Yeye uvua mukuenze, wewe Isalele,+ wamba:

 2 Paudi upitshila mu mâyi, meme nengikale nebe,+

Ne paudi upitshila mu misulu, kayakukubuikila.+

Paudi wendela mu kapia, kuakupia,

Peshi ndimi ya kapia kayakukuosha to.

 3 Bualu meme ndi Yehowa Nzambi webe,

Wa Tshijila wa Isalele, Mupandishi webe.

Ndi mufile Ejipitu bu tshintu tshia kukupikula natshi,

Ndi mufile Etshiopi ne Seba bua kukushintakaja nabu.

 4 Bualu wewe wakalua tshintu tshia mushinga mukole ku mêsu kuanyi,+

Wakapeshibua bunême, ndi mukunange.+

Nunku nemfile bantu pa muaba webe

Ne bisamba bua kushintakaja ne muoyo* webe.

Nendue ne bana* bebe mfumina nabu ku est,

Nenkusangishe pamue kumbukila ku ouest.+