Diambulula dia mu Kalasa ka Mudimu wa Teokrasi

Diambulula edi nedienzeke ne mikanda mibuikila, pa biena-bualu bilonga mu Kalasa ka Mudimu wa Teokrasi kutuadija ku lumingu lua dia 3 Tshiongo too ne lua dia 17 Tshisanga 2000.

[Dimanyisha: Padi diambulula dienzeka, wenze mudimu amu ne Bible nkayende. Mikanda mitela idi kunyima kua lukonko luonso neyikuambuluishe mu makebulula ebe nkayebe. Nimero ya mabeji ne ya bikoso ki mmifila yonso bua makebulula ebe mu Tshibumba tshia Nsentedi to.]

Andamunayi Bulelela peshi Dishima ku biambilu bidi bilonda ebi:

1. Imue misangu tudi ne bua kuindila bua kupeta mabenesha a Yehowa, bualu Yehowa mmumanye nsombelu wetu ne udi ukumbaja tshionso tshitudi tukengela dîba dikalatshi mua kutamba kutukuatshisha. (Mus. 145:16; Yak. 1:17) [w98 1/1 dib. 23 tshik. 6]

2. Dikalaku patupu dia mushete wa tshipungidi munkatshi muabu kadivua dijadikila bena Isalele bua kutshimuna to. Bua kupeta mabenesha a kudi Yehowa, bantu bavua ne mushete eu bavua ne bua kuikala ne ngikadilu muimpe wa mu nyuma, kumutumikila ne kushala ne lulamatu. (Yosh. nshap. 7) [Dibala dia Bible dia ku lumingu luonso; tangila it-1-F dib. 160 tshik. 3.]

3. Tudi tudiishibua mu nyuma lelu’eu pa kubala patupu mêyi a Yehowa. (Dut. 8:3) [Dibala dia Bible dia ku lumingu luonso; tangila w85-F 15/6 dib. 17 bik. 15, 17.]

4. Dîyi-diludiki didi Mikenji ya Mose ifila mu Dutelonome 23:20 didi dileja ne: muena Kristo udi ulomba tshia-kasombela padiye usombeshangana makuta kêna ne dinanga to. [Dibala dia Bible dia ku lumingu luonso; tangila it-1-F dib. 1200 bik. 7-8; it-2-F dib. 653 tshik. 8; w86-F 15/10 dib. 12 tshik. 9.]

5. Luapolo luimpe lua Yoshua ne Kaleba luvua lushindamene pa ditabuja diabu dikole divuabu nadi mu dikanda ne dipangadika dia bena Isalele dia kutshimuna bionso bivua mua kubapangisha bua kubuela mu Buloba Bulaya. (Nom. 13:30) [w98 1/2 dib. 5 tshik. 4]

6. Pakakulaye bua “dipa” mu 1 Timote, Paulo uvua uvuluija Timote bua manyi a spiritu munsantu avuabu bamuele ne difutu dia kuikala mu diulu divua dimuindile. (1 Tim. 4:14, MM) [w98 15/2 dib. 25 tshik. 1]

7. Mukanda wa Yoshua kawena wakula muaba nansha umue bua diledibua dia Dimiinu dia Bukalenge. [si-F dib. 46 tshik. 24]

8. Mukanda wa Balumbuluishi mmuyuki wa bantu bavua bena Isalele basungule ne bateke bua kukokesha ditunga kumpala kua tshikondo tshia bakalenge. [si-F dib. 47 tshik. 2]

9. Dilomba dia Gideona diumvuija mu Balumbuluishi 6:37-39, didi dileja ne: uvua ne budimu bua bungi ne uvua ne mpata. [Dibala dia Bible dia ku lumingu luonso; tangila w88-F 1/4 dib. 30 tshik. 6.]

10. Pakambila Yezu bayidi bende bua ‘kabedi muntu muoyo musangu mule mu njila,’ uvua usua kuleja bulenga bua kuikala ne mitalu mu mudimu wa buambi mubapeshe ne kuleja muvuabi bikengela kuwangata ne mushinga wa bungi. (Luka 10:4) [w98 1/3 dib. 30 tshik. 5]

Andamunayi ku nkonko idi ilonda eyi:

11. Bua tshinyi bidi bikengela bua mêyi a Yehowa kuikalawu mu mitshima ya baledi? (Dut. 6:5, 6) [Dibala dia Bible dia ku lumingu luonso; tangila w98 1/6 dib. 20 tshik. 4.]

12. Mmunyi mudi mfumu wa dîku mua kutumikila dîyi didi mu Dutelonome 11:18, 19? [Dibala dia Bible dia ku lumingu luonso; tangila fy dib. 70 tshik. 14.]

13. Mbualu kayi budi buleja mu Mifundu ne: Onesimo, mupika uvua munyeme, ukavua musombe ne mupostolo Paulo mutantshi kumpala kua Paulo kufundilaye Filemona? [w98 15/1 dib. 30 tshik. 2]

14. Padi makenga atufikila anyi afikila bantu bakuabu, ntshinyi tshitudi mua kuenza bua kubenga kuteketa mu mikolo peshi kubipisha malu? [w98 1/2 dib. 6 bik. 2-3]

15. Mmunyi muvua Yoshua ne Gideona baleje muvuabu banemeka bikole mikenji ya Nzambi? (Dut. 20:8, 15-18) [si-F dib. 41 tshik. 32]

16. Mmunyi mudi malu adi mumvuija mu Yoshua 10:10-14 afuanangana ne tshitudi mua kutekemena ku Armagedone? [Dibala dia Bible dia ku lumingu luonso; tangila w86-F 15/12 dib. 23 tshik. 12–dib. 24 tshik. 14.]

17. Tela malu mimpe asatu adi disamuna muntu ne muoyo umue bua ngikadilu muimpe mua kutuala. (Tangila Nsumuinu 15:23.) [w98 1/2 dib. 31 bik. 5-6]

18. Mu diumvuangana ne Yoshua 20:4, mmunyi mudi muntu mua kunyemena mu tshimenga tshia disokomena lelu? [Dibala dia Bible dia ku lumingu luonso; tangila w86-F 15/12 dib. 24 tshik. 16.]

19. Mmunyi mudi Balumbuluishi 5:31 uleja ne: mushindu uvua Mulumbuluishi Balaka mutshimune biluilu binene bia Sisela mu lupongo lua Kishona udi ne diumvuija dia mushinga mukole bua matuku etu aa? [Dibala dia Bible dia ku lumingu luonso; tangila w86-F 15/2 dib. 21 tshik. 4.]

20. Mbafunde mu Balumbuluishi 7:21 ne: ‘Bakimana muntu pa muaba wende muntu pa muaba wende.’ Mmunyi mutudi mua kuangata ne mushinga dîyi didi mu tshiambilu etshi? [Dibala dia Bible dia ku lumingu luonso; tangila w82-F 1/9 dib. 25 tshik. 17.]

Kumbajayi miaba idi mishale patupu mu biambilu bidi bilonda ebi:

21. Bua kupeta dibenesha dia kudi Yehowa, tudi ne bua kutungunuka ne ․․․․․․․․ ne kusengelela Yehowa bua atuambuluishe bua ․․․․․․․․ malongesha adi mu Dîyi diende dienzeja ku spiritu. (1 Tim. 4:8, 9) [w98 1/1 dib. 24 tshik. 6]

22. Dilabidila didi ditamba kubungamija Yehowa bualu ndisaka kudi ․․․․․․․․ kadiena dia ․․․․․․․․ peshi ․․․․․․․․ ne nangananga ․․․․․․․․ [w98 1/2 dib. 30 bik. 2-3]

23. Dîna dia Yoshua didi diumvuija: ․․․․․․․․ ne mu tshiprofete uvua tshimfuanyi tshia ․․․․․․․․ [si-F dib. 43 tshik. 5]

24. Mu diumvuangana ne mufuanu wa Yezu udi mu Matayo 7:24-27, baledi ba budimu badi mua kuambuluisha bana babu bua kutantamena malu adi abatatshisha, adi mafuane mpepele mikole, pa kubapetesha ․․․․․․․․ biabambuluisha bua kushala ․․․․․․․․ [w98 15/2 dib. 9 tshik. 1]

25. Malu adibu bafunde mu mukanda wa Balumbuluishi adi angata tshikondo tshijima tshia kubangila ku lufu lua ․․․․․․․․ too ne ku tshikondo tshia ․․․․․․․․ angata bidimu bitue ku ․․․․․․․․ [si-F dib. 47 tshik. 5]

Sungulayi diandamuna dijalame mu tshionso tshia ku biambilu bidi bilonda ebi:

26. Kuangata mapangadika bua muntu washala ne bintu biebe dîba dia lufu (mbualu budi butangila tshisumbu; mbualu buebe nkayebe; mbualu budibu balombe bena Kristo balelela). (Gal. 6:5) [w98 15/1 dib. 19 tshik. 6]

27. Paulo wakalomba Filemona bua kuakidila (Onama; Onesifolo; Onesimo) bilenga, kadi kakenza mudimu ne bukenji bua bupostolo ne kakamutumina dîyi bua kumuakidilaye bilenga anyi bua apeshe mupika wende budikadidi to. (Filem. 21) [w98 15/1 dib. 31 tshik. 1]

28. Tshilema tshinene tshidi tshiumvuika mu muyuki udi wakula bua bena nsudi bavua Yezu muondape tshivua (dipanga ditabuja; dipanga butumike; dibenga kuikala ne dianyisha). (Luka 17:11-19) [w98 15/2 dib. 5 tshik. 1]

29. Bu muvua Nzambi muanyishe tshivua Lahaba (Rahab) muenze, mêyi avuaye muambile bantu ba mu Yeleko bavua bakeba bua kukuata batentekedi bena Isalele adi aleja ne: (kushima mbualu budi butangila muntu ne muntu; muntu ki mmuenzejibue bua kutandula amue malu malelela kudi bantu badi kabayi bakumbanyine bua kuamanya to; kavua muanji kushintulula nsombelu wende wa buena panu to). (Yosh. 2:3-5; tangila Lomo 14:4.) [Dibala dia Bible dia ku lumingu luonso; tangila w93 15/12 dib. 25 tshik. 1.]

30. Bu mudibu bafunde mu Yone 13:5, dilongesha dinene divua Yezu mufile didi dileja (bulenga; luse; budipuekeshi), ngikadilu udi usaka muntu ku dikuatshila bakuabu mudimu mupuekele menemene. [w98 15/3 dib. 7 tshik. 6]

Suikakajayi mvese idi ilonda eyi ku biambilu bifila kuinshi eku:

Dut. 7:3, 4; 17:7; 25:11, 12; 28:3; Yel. 15:20

31. Bu mudi Mufuki wangata bitupa bia lulelu ne mushinga wa bungi, bidi ne bua kuikala biambuluisha muena Kristo padiye wangata dipangadika pa bidi bitangila mushindu muakanyine wa dikanda lulelu. [Dibala dia Bible dia ku lumingu luonso; tangila w99 15/6 dib. 28 bik. 1-4.]

32. Tudi mua kueyemena Yehowa bua atukuatshishe patudi tukumbaja mudimu wetu wa kuyisha lumu luimpe lua Bukalenge bua Nzambi. [w98 1/3 dib. 28 tshik. 1]

33. Kuteleja didimuija dia mu Bible kudi kutuepula ku bipeta bibi bitu bimueneka misangu mivule padi muena Kristo uselangana ne muntu udi kayi muena kuitabuja. [Dibala dia Bible dia ku lumingu luonso; tangila w89-F 1/11 dib. 20 tshik. 11.]

34. Katuena tupeta mabenesha a kudi Nzambi bilondeshile muaba utudi basombele anyi utudi tusadila peshi tshitudi tuenza mu mudimu wa Nzambi to. [Dibala dia Bible dia ku lumingu luonso; tangila w96 15/6 dib. 15 tshik. 15.]

35. Bua kujadika mêyi ende adi mu 1 Kolinto nshapita 5 bua dipata muntu mu tshisumbu, Paulo udi utela Mikenji ya Yehowa. [Dibala dia Bible dia ku lumingu luonso; tangila si-F dib. 213 tshik. 24.]