Ndongamu wa Bisangilu bia Mudimu

Lumingu lua dia 12 Lumungulu

Musambu 1

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji dia ndekelu, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Lumungulu ne Réveillez-vous! wa dia 22 Lumungulu, binuikala nabi, kadi bikalabi kabiyiku nuenze ne bia kale. Mu dinaya dionso, nebaleje muntu bibejibeji ebi bionso bibidi musangu umue, nansha bikalabu bamumvuije anu bualu bua tshibejibeji tshimuepele. Wambile muntu bualu bua mapa a budisuile.

Min. 20: Baledi: Ambuluishayi bana benu bua kuya kumpala. Muyuki pa malu manene mangatshila mu mukanda wa Kalasa ka Mudimu dibeji dia 9-12 ne dia 21-38. Wambile baledi bua bikale babueja amue a ku malu au mu dilonga diabu dia mu dîku, bikale ne tshipatshila tshia kulongesha bana babu bua bapiluke mu mudimu wa buambi. Koka ntema ya bantu ku malu masunguluke adi mua kuambuluisha bana bua bapete mamanya adi ne mushinga.

Min. 15: “Mbatupeshe bukenji bua kuamba lumu luimpe.”a Dianjila kulongolola bua mumanyishi umue anyi babidi bumvuije mu tshikoso muvuabu balongolole malu abu bua kumona mua kuvudija dipatuka diabu mu mudimu wa buambi.

Musambu 46 ne disambila dia nkomenu.

Lumingu lua dia 19 Lumungulu

Musambu 62

Min. 15: Mamanyisha a mu tshisumbu. Luapolo lua konte. Diyukidilangana pa tshiena-bualu etshi: “Diasa dia Nzubu ya Bukalenge pa buloba bujima mu amue matunga a ku Mputu.” Manyisha ne: diasa dia Nzubu ya Bukalenge mu matunga adi ne bumonyi bukese ne mu etu adi filiale wetu utangila didi diya kumpala ku diambuluisha dia mapa mafila bua luibaku lua Nzubu ya Bukalenge.

Min. 15: Majinga a mu tshisumbu.

Min. 15: “Tutumbishayi Yehowa pa kuyisha mu mpukapuka.” Muyuki ne diyukidilangana ne bateleji. Panudi nufika mu tshikoso 3, ebeja bateleji pa tshitudi mua kuamba bua kutuadija diyuki ne muntu pa Bible mu imue nsombelu idi ilonda eyi: (1) patudi mu disumba dia bintu, (2) patudi mu mashinyi, (3) kudi muena mutumba padiye wenza mudimu mu lupangu luende, (4) kudi muena mudimu netu muaba utudi tuenzela mudimu, (5) kudi mulongi netu mu kalasa ne (6) mu nsombelu mikuabu ya muaba utudi. Dianjila kulongolola bualu bumonamona mu teritware wenu budi buleja mushindu uvua mumanyishi mufile bumanyishi bua mu mpukapuka.

Musambu 135 ne disambila dia nkomenu.

Lumingu lua dia 26 Lumungulu

Musambu 174

Min. 10: Mamanyisha a mu tshisumbu. Vuluija bantu bonso bua kufilabu luapolo luabu lua mudimu lua ngondo muitanu. Ku diambuluisha dia ngenyi mifila mu dibeji dia 8, enzayi manaya a tshilejilu abidi mashilangane pa mushindu wa kufila Tshibumba tshia Nsentedi tshia dia 1 Kabalashipu ne Réveillez-vous! wa dia 8 Kabalashipu. Mu dinaya dionso, nebaleje muntu bibejibeji ebi bionso bibidi musangu umue, nansha bikalabu bamumvuije anu bualu bua tshibejibeji tshimuepele. Ku ndekelu kua dileja dimue, ushile muntu udi mubenge kuangata bibejibeji trakte wa Aimeriez-vous en savoir plus sur la Bible?

Min. 10: Mandamuna ku nkonko yenu. Muyuki. Konkononayi kabidi mu tshikoso imue ngenyi ivuabu bafile bua diyishila ku telefone idi mu Mudimu wetu wa Bukalenge wa ngondo muibidi 2001 dibeji 6, tshikoso tshia 12-15, anyi ngenyi mikuabu idi miambuluishe mu teritware wenu. Pikala malu a telefone kaayiku mu teritware wenu, konkononayi mu tshikoso mandamuna a nkonko ibidi ayi ne uleje mushindu wa kumvuija bualu bua difila dia mapa a budisuile.​—km 1/00 dib. 1.

Min. 25: “Dîyi dia Nzambi mbulelela.”b Wele nkonko idibu bafile. Lomba bateleji bua kumvuija mushindu uvuabu babambuluishe bua kumanya bulelela pavua bamanyishi bandamuna nkonko yabu ku diambuluisha dia Bible. Panudi nufika mu tshikoso 4, lomba mumanyishi umue mupiluke bua aleje mushindu wa kuenza mudimu ne Bible mu diyikilangana dia kumpala ne muntu, ku diambuluisha dia imue ngenyi idi mu tshiena-bualu tshia: “Manyisha Dîyi dia Nzambi bimpe menemene.”​—km 12/01 dib. 1 tshik. 3-4.

Musambu 188 ne disambila dia nkomenu.

Lumingu lua dia 2 Kabalashipu

Musambu 210

Min. 10: Mamanyisha a mu tshisumbu. Konkononayi kabidi mbuelelu umue anyi ibidi ya mu tshisakidila tshia mu Mudimu wetu wa Bukalenge wa Tshiongo 2002 mudibu baleje mua kufila broshire wa Utulomba ne mukanda wa Dimanya.

Min. 20: Dibaka dia lumu mbualu budi Nzambi ulomba. Muyuki ne diyukidilangana ne bateleji. Mu matunga a bungi mudi tshibidilu tshia balume ne bakaji basomba pamue kabayi bafundishe dibaka kua mbulamatadi. Bamue badi bamba ne: bidi biambuluisha. Umvuija mmuenenu wa Bible udi uleja ne: dibaka mbualu bulongolola kudi Nzambi. (rs-F dib. 224-225) Padi bantu basomba pamue kabayi baselangane, badi bikale benda masandi. (fy dib. 17) Makebulula adi aleja ne: bishilangane ne mudi bantu ba bungi bela meji, kusomba pamue bangabanga ne kuselangana kudi mua kulua kukepeshisha disanka munda mua dibaka. (g02-F 8/3 dib. 29; g92-F 8/9 dib. 28; g91-F 8/5 dib. 28) Bena Kristo badi batumbisha Yehowa pa kutumikila mêyi ende. Padibu batumikila nanku bidi bibambuluisha.​—Yesh. 48:17, 18.

Min. 15: Mmunyi mudibi bikuambuluisha? Diyukidilangana ne bateleji dienzabu kudi mutangidi wa kalasa. Katshia ku ngondo wa kumpala, tudi tulonda ngenzelu mupiamupia wa Kalasa ka Mudimu wa Nzambi. Konkonona mu tshikoso bimue bia ku bitupa bipiabipia bia mu kalasa. Umvuija bipeta bimpe bikadi bimueneke too ne mpindieu. Lomba bua balongi ba bungi badifundishe mu kalasa? Bantu mbalejeku dijinga dikole dia kuenza midimu mu kalasa anyi? Mmushindu kayi udi mfidilu mupiamupia wa mibelu wambuluisha balongi? Lomba bateleji bua bumvuije mudibi bibambuluishe buobu bine too ne lelu ne mudibu bamone ne: ndongamu mupiamupia eu neabambuluishe matuku adi kumpala.

Musambu 225 ne disambila dia nkomenu.

[Mêyi adi kuinshi]