Ndongamu wa Bisangilu bia Mudimu

Lumingu lua dia 11 Luishi

Musambu 168

Min. 10: Mamanyisha a mu tshisumbu. Angata ngenyi idi mu dibeji dia 8 anyi mikuabu idi miakanyine teritware wenu ne enzeja nayi dinaya dia tshilejilu dia mua kufila Tshibumba tshia Nsentedi tshia dia 1 Luishi ne Réveillez-vous! wa Luishi.

Min. 15: Udiku mua kuya muaba udibu dijinga ne bamanyishi ba Bukalenge ba bungi anyi? Muyuki ne diyukidilangana ne bateleji bilondeshile Tshibumba tshia Nsentedi tshia dia 15 Kashipu 2003 dibeji dia 20. Sakidila kabidi ngenyi idi mu mukanda wa Bulongolodi dibeji dia 111 tshikoso tshia 1 too ne ku dibeji dia 112 tshikoso tshia 1. Ebeja mu tshikoso muntu yonso uvua mua kuikala muye muaba uvuabu dijinga ne bamanyishi ba bungi. Ntatu kayi ivuaye mupete ne mmushindu kayi uvuaye muyitantamene? Mmalu mimpe kayi avuaye mupete?

Min. 20: Ambuluisha bapiabapia bua kuluabu bamanyishi bimpe. Panyima pa mêyi a ntuadijilu mu munite mushadile ku umue, tuadija kuela nkonko ya dilonga idi mu Tshibumba tshia Nsentedi tshia dia 1 Tshisua-munene 2005 dibeji dia 31. Panudi nujikija tshikoso tshia 18, enzeja dinaya dia tshilejilu mudi muntu wela mumanyishi mupiamupia udi uyisha ne mumanyishi wa kale lukonko lukole. Mumanyishi mupiamupia au udi upanga mua kuluandamuna ne muena kumbelu udi ukosesha muyuki. Padibu bumbuka kumbelu kua muntu au, mumanyishi wa kale udi wela mupiamupia kalumbandi bua mudiye mudienzeje bua kuandamuna ne umuleja mudiye mua kuandamuna lukonko alu ne mukanda wa Comment raisonner.

Musambu 50

Lumingu lua dia 18 Luishi

Musambu 17

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge.

Min. 10: Majinga a tshisumbu.

Min. 25: “Tshijadiki tshia ditabuja dikole”a Mutangidi wa mudimu ke wenza tshitupa etshi. Jikija ne malu mimpe unudi benze mu buambi mu tshisumbu tshienu tshidimu tshia mudimu tshishale.

Musambu 194

Lumingu lua dia 25 Luishi

Musambu 81

Min. 10: Mamanyisha a mu tshisumbu. Vuluija bamanyishi bua kufila luapolo lua mudimu lua ngondo muibidi. Bala luapolo lua konte ne mukanda udibu banutumine kudi biro bua kunuela tuasakidila. Leja mushindu wa kubikila mulela wetu anyi muena mutumba ne dibeji dia kubikila nadi bantu mu Tshivulukilu.

Min. 20: “Tuvuluke mulambu wa Yezu ne dianyisha”b Bilondeshile dîba diudi nadi, lomba bateleji bua kumvuija mvese idibu bafile mu bikoso.

Min. 15: Tudilongolole bua kufila bibejibeji bipiabipia. Diyukidilangana ne bateleji. Wewe mumane kukonkonona mu tshikoso malu adi mu Tshibumba tshia Nsentedi tshia 1 Luabanya ne Réveillez-vous! wa Luabanya, lomba bateleji bua baleje biena-bualu bidi mua kusankisha bena mu teritware wenu, ne tshidibi mua kubasankishila. Balomba bua baleje malu masunguluke adi mu biena-bualu bidibu balongolole bua kuleja bantu. Nkonko kayi idibu mua kuela bua kutuadija kuyukila ne bantu? Mmvese kayi udi mu tshiena-bualu atshi udibu mua kubadila muntu? Bilondeshile ngenyi idi mu dibeji dia 8, enzeja dinaya dia tshilejilu dia mua kufila Tshibumba tshia Nsentedi tshia dia 1 Luabanya ne Réveillez-vous! wa Luabanya.

Musambu 119

Lumingu lua dia 3 Luabanya

Musambu 223

Min. 10: Mamanyisha a mu tshisumbu. Konkonona malu adi mu kazubu ka “Malu a kuvuluka bua Tshivulukilu.”

Min. 20: Udiku mua kutuadija kulonga Bible ne muntu mu ngondo muisatu anyi? Diyukidilangana ne bateleji. Mu ngondo muisatu, netupeshe bantu mukanda wa Bible ulongesha ne tshipatshila tshia kutuadija kulonga nabu Bible. Akulayi bua amue malu mimpe adi mu mukanda eu. Akulayi bua mushindu unudi mua kuupesha muntu uvua munuakidile bimpe panuvua balue kumushila dibeji dia dibikila bua Tshivulukilu; muntu unuvua bashile bibejibeji ne panudi nuyisha ku nzubu ne ku nzubu panyima pa dituku dia 22 Luabanya (Tangila km 8/07 dib. 3; km 3/06 dib. 1, tshik. 3; km 1/06 dib. 3-6.) Enzeja dinaya dia tshilejilu dimue anyi abidi.

Min. 15: Andamuna nkonko idibu bakuela ne Bible. Muyuki ne diyukidilangana ne bateleji bilondeshile mukanda wa Kalasa ka mudimu, dibeji dia 143-144. Enzeja dinaya dia tshilejilu mudibu bela mumanyishi lukonko lutubu batamba kunuela mu teritware wenu ne pashishe uluandamuna ne Bible.

Musambu 145

[Mêyi adi kuinshi]