സങ്കീർത്തനം

ആസാഫ്‌+ രചിച്ച ശ്രുതിമധുരമായ ഗാനം.

82 ദൈവം തന്റെ സഭയിൽ നിലയുറപ്പിച്ചിരിക്കുന്നു;+

അത്യുന്നതൻ ദൈവങ്ങളുടെ* മധ്യേ വിധിക്കുന്നു:+

2 “ഇനിയും എത്ര നാൾ നിങ്ങൾ ഇങ്ങനെ നീതിരഹിതമായി വിധിക്കും?+

എത്ര നാൾ നിങ്ങൾ ദുഷ്ടന്റെ പക്ഷം പിടിക്കും?+ (സേലാ)

3 എളിയവർക്കും അനാഥർക്കും* വേണ്ടി വാദിക്കുക.*+

നിസ്സഹായർക്കും അഗതികൾക്കും നീതി നടത്തിക്കൊടുക്കുക.+

4 എളിയവരെയും ദരിദ്രരെയും രക്ഷിക്കുക;

ദുഷ്ടന്റെ കൈയിൽനിന്ന്‌ അവരെ മോചിപ്പിക്കുക.”

5 അവർക്ക്‌* ഒന്നും അറിയില്ല, ഒന്നും മനസ്സിലാകുന്നുമില്ല;+

അവർ ഇരുട്ടിൽ നടക്കുന്നു;

ഭൂമിയുടെ അടിസ്ഥാനങ്ങളെല്ലാം ഇളകിയാടുകയാണ്‌.+

6 “ഞാൻ പറഞ്ഞു: ‘നിങ്ങൾ ദൈവങ്ങളാണ്‌,*+

അത്യുന്നതന്റെ മക്കൾ.

7 പക്ഷേ മറ്റു മനുഷ്യരെപ്പോലെ നിങ്ങളും മരിക്കും;+

മറ്റു പ്രഭുക്കന്മാരെപ്പോലെ നിങ്ങളും വീഴും!’”+

8 ദൈവമേ എഴുന്നേൽക്കേണമേ, ഭൂമിയെ വിധിക്കേണമേ;+

സകല ജനതകളും അങ്ങയുടേതല്ലോ.