മൊണാർക്ക്‌ ചിത്ര​ശ​ല​ഭ​ങ്ങ​ളു​ടെ കൊല​ക്ക​ള​ങ്ങ​ളാ​യി മാറിയ പ്രകൃതി സംരക്ഷിത മേഖലകൾ

കാനഡ​യി​ലോ ഉത്തര ഐക്യ​നാ​ടു​ക​ളി​ലോ വേനൽക്കാ​ലം ചെലവ​ഴി​ക്കുന്ന മൊണാർക്ക്‌ ചിത്ര​ശ​ല​ഭങ്ങൾ, ഓറഞ്ചും കറുപ്പും കലർന്ന ചിറകു​കൾ വിരി​ച്ചു​കൊണ്ട്‌ വിസ്‌മ​യ​ക​ര​മായ ഒരു ദേശാ​ന്ത​ര​ഗ​മ​ന​പ്പ​റ​ക്ക​ലിൽ, കാനഡ​യിൽനിന്ന്‌ ഐക്യ​നാ​ടു​കൾക്കു കുറുകെ സഞ്ചരിച്ചു പടിഞ്ഞാ​റൻ മെക്‌സി​ക്കോ​യി​ലെ ഒരു പ്രത്യേക സ്ഥലത്ത്‌ ഒരുമി​ച്ചു​ചേ​രു​ന്നു. 3,400 മീറ്റർ ഉയരമുള്ള, ഫിർ മരങ്ങൾ നിറഞ്ഞ പർവത​മു​ക​ളിൽ 1986-ൽ മെക്‌സി​ക്കൻ ഗവൺമെൻറ്‌ അഞ്ചു പ്രകൃതി സംരക്ഷിത മേഖലകൾ സ്ഥാപിച്ചു. 1994-ലെ ഒരു സെൻസസ്‌ പ്രകാരം കുറഞ്ഞ​പക്ഷം ആറു കോടി മൊണാർക്കു​ക​ളെ​ങ്കി​ലും ഈ സംരക്ഷിത മേഖല​ക​ളിൽ ശീതകാ​ലം ചെലവ​ഴി​ക്കു​ന്നുണ്ട്‌.

ആ മരങ്ങൾ, ചിത്ര​ശ​ല​ഭ​ങ്ങൾക്കു തണുത്ത മഴയിൽനി​ന്നും മഞ്ഞിൽനി​ന്നും സംരക്ഷ​ണ​മേ​കുന്ന ഒരു കനത്ത മേൽവി​താ​ന​മാ​യി വർത്തി​ക്കു​ന്ന​തി​നാൽ ഫിർ മരങ്ങ​ളോ​ടു മൊണാർക്കു​കൾക്കു പ്രത്യേക താത്‌പ​ര്യ​മാണ്‌. ഈ അഞ്ചു സംരക്ഷിത മേഖല​ക​ളിൽ മരം​വെട്ടൽ നിരോ​ധി​ച്ചി​ട്ടു​ണ്ടെ​ങ്കി​ലും അതു നിയമ​വി​രു​ദ്ധ​മായ മരം​വെ​ട്ട​ലിന്‌ അറുതി വരുത്തു​ന്നില്ല. “ഗവൺമെൻറി​ന്റെ നിരോ​ധ​ന​ങ്ങ​ളെ​ല്ലാ​മു​ണ്ടാ​യി​രുന്നി​ട്ടും മെക്‌സി​ക്കൻ സംരക്ഷിത മേഖല​ക​ളിൽ നടക്കുന്ന ഫിർമരം വെട്ടൽ മൊണാർക്കു​കളെ ശക്തമായ കൊടു​ങ്കാ​റ്റു​ക​ളാ​ലും തണുപ്പി​നാ​ലും കൂടുതൽ നാശം സംഭവി​ക്കാ​വുന്ന അവസ്ഥക​ളി​ലാ​ക്കു​ന്നു. . . . വൃക്ഷങ്ങ​ളു​ടെ​യും അവയുടെ വിതാ​ന​ങ്ങ​ളു​ടെ​യും നഷ്ടം ചിത്ര​ശ​ല​ഭ​ങ്ങളെ മഴയും മഞ്ഞും ഏൽക്കാ​നി​ട​യാ​ക്കു​ന്നു,” എന്നതു സംബന്ധി​ച്ചു ചിത്ര​ശലഭ ശാസ്‌ത്ര​ജ്ഞ​ന്മാർ ഉത്‌ക​ണ്‌ഠാ​കു​ല​രാണ്‌. മരം​വെട്ടൽ ഈ സംരക്ഷ​ണാ​ത്മക വിതാനം തകർക്കു​ന്നു. ജെയിൻസ്‌വി​ല്ലി​യി​ലെ ഫ്‌ളോ​റിഡ സർവക​ലാ​ശാ​ല​യി​ലെ ജന്തുശാ​സ്‌ത്ര​ജ്ഞ​നായ ലിങ്കൺ ബ്രോവർ മൊണാർക്കു​ക​ളു​ടെ ഈ സംരക്ഷ​ണാ​ത്മക കവച​ത്തെ​ക്കു​റിച്ച്‌ ഇങ്ങനെ പറഞ്ഞു: “ഈ കാടുകൾ എത്രമാ​ത്രം ക്ഷയിക്കു​ന്നു​വോ അത്രമാ​ത്രം അവയുടെ കരിമ്പ​ട​ത്തിൽ തുളകൾ വീണു​കൊ​ണ്ടി​രി​ക്കും.”

“മോശ​മായ കാലാ​വ​സ്ഥ​യും മരങ്ങൾ മുറി​ച്ചു​ക​ള​യു​ന്ന​തും ചിത്ര​ശ​ല​ഭ​ങ്ങ​ളു​ടെ വിനാ​ശ​ത്തി​നു ഹേതു​വാണ്‌” എന്നു ദ ന്യൂ​യോർക്ക്‌ ടൈംസ്‌ പറഞ്ഞു. 1995 ഡിസംബർ 30-ാം തീയതി രാത്രി​യി​ലു​ണ്ടായ ഹിമപാ​ത​ത്തെ​ക്കു​റിച്ച്‌ അതു കൂടു​ത​ലാ​യി ഇങ്ങനെ റിപ്പോർട്ടു​ചെ​യ്‌തു: “സംരക്ഷിത മേഖല​ക​ളിൽ ചുറ്റി​സ​ഞ്ച​രിച്ച സർക്കാർ വനസം​രക്ഷണ ഉദ്യോ​ഗ​സ്ഥ​രും ജീവശാ​സ്‌ത്ര​ജ്ഞ​രും, ആയിര​ക്ക​ണ​ക്കി​നു തണുത്തു​റഞ്ഞ മൊണാർക്കു​കൾ മൂടി​ക്കി​ട​ക്കുന്ന മഞ്ഞുകൂ​മ്പാ​രങ്ങൾ അവി​ടെ​യു​ണ്ടാ​യി​രു​ന്നു​വെ​ന്നും വളരെ​യേറെ ചിത്ര​ശ​ല​ഭങ്ങൾ മഞ്ഞിൽ കുഴി​ച്ചു​മൂ​ട​പ്പെ​ട്ടി​രി​ക്കു​ക​യാ​ണെ​ന്നും പറഞ്ഞു.”

ഈ പേജിന്റെ മുകളിൽ കൊടു​ത്തി​രി​ക്കുന്ന ചിത്രം ദുഃഖ​പ​ര്യ​വ​സാ​യി​യായ ആ കഥയുടെ വാസ്‌ത​വി​കത തെളി​യി​ക്കു​ന്നു.

[31-ാം പേജിലെ ചിത്ര​ത്തിന്‌ കടപ്പാട്‌]

Jorge Nunez/Sipa Press