Laqgħat tas-Servizz għal Frar
Ġimgħa Li Tibda 3 Taʼ Frar
10 min: Avviżi lokali. Avviżi magħżulin minn Il-Ministeru Tas-Saltna.
15 min: “Ħu Sehem Fix-Xogħol Li Qatt Ma Se Jerġaʼ Jseħħ.” Mistoqsijiet u tweġibiet. Skond ma jippermetti l-ħin, inkludi xi punti minn “Keeping on the Watch—How?” f’paġni 714-15 tal-ktieb Proclaimers.
20 min: “Nippreżentaw L-Aħbar Tajba B’Sens T’Urġenza.” (Paragrafi 1-5) Wara xi kummenti qosra fuq paragrafu 1, iċ-chairman jiddiskuti paragrafi 2-5 maʼ tnejn jew tliet pubblikaturi. Huma jirrevedu xi punti prinċipali mill-preżentazzjonijiet issuġġeriti u jikkummentaw fuq għala preżentazzjonijiet bħal dawn jew oħrajn bħalhom jistgħu jkunu effettivi fit-territorju lokali. Il-pubblikaturi jipprattikaw wieħed wieħed il-preżentazzjonijiet. Iċ-chairman ifaħħarhom, fil-waqt li jissuġġerixxi modi kif dawn jistgħu jsiru iktar effettivi, u jagħti tfakkiriet fuq il-bżonn li nsemmu l-arranġament tad-donazzjoni kull meta l-inkwilin jistaqsi minn fejn inġibu l-flus għax-xogħol tagħna madwar id-dinja. Hu mbagħad jistaqsi lill-udjenza għal modi taʼ kif tistaʼ tintlaħaq il-mira taʼ li nibdew studji. Jagħti ideat speċifiċi taʼ kif eventwalment għandu jinbeda studju fil-ktieb Għarfien.
Għanja 34 u talba taʼ l-għeluq.
Ġimgħa Li Tibda 10 Taʼ Frar
5 min: Avviżi lokali. Rapport tal-kontijiet.
10 min: “Nippreżentaw L-Aħbar Tajba B’Sens T’Urġenza.” (Paragrafi 6-8) Agħmel turija tal-preżentazzjonijiet f’paragrafi 6-7. Enfasizza l-bżonn li ssir żjara lura kulfejn jintwera xi interess.
30 min: “Hemm Bżonn—55 Pijunier Awżiljarju.” Mgħoddi bħala mistoqsija u tweġiba mill-indokratur tas-servizz. Enfasizza l-kaxxa f’paġna 3. Irrevedi l-eżempji taʼ l-iskeda f’paġna 6. Kull pubblikatur mgħammed għandu jikkunsidra personalment u bit-talb jekk hu jistax jieħu sehem għal xi xahar jew iktar. Pubblikaturi mhux mgħammdin jistgħu jżidu sehemhom fil-ministeru billi jistabbilixxu l-mira tagħhom stess taʼ sigħat kull xahar.
Għanja 43 u talba taʼ l-għeluq.
Ġimgħa Li Tibda 17 Taʼ Frar
10 min: Avviżi lokali. Semmi xi punti interessanti li nistgħu nitkellmu dwarhom fir-rivisti taʼ l-aħħar li jistgħu jintużaw fis-servizz din il-ġimgħa.
13 min: “Il-Mafkar—Ġrajja Taʼ Importanza Kbira!” Mistoqsijiet u tweġibiet. Offri inkuraġġiment biex nagħmlu x-xahar kollu taʼ Marzu wieħed speċjali billi nagħmlu x-xogħol taʼ pijunier awżiljarju. Enfasizza l-użu taʼ l-inviti tal-Mafkar.
22 min: Nibdew Studji tal-Bibbja fid-Djar. F’dawn l-aħħar xhur, ġew imqassmin mijiet taʼ kotba llegati. Dan jipprovdi bażi għalxiex nibdew ħafna iktar studji tal-Bibbja fid-dar. Irrevedi xi twettaq lokalment fit-tqassim tal-kotba u letteratura oħra. Inkuraġġixxi lill-pubblikaturi biex imorru lura kulfejn ikunu sabu xi interess. Ħejji għadd taʼ pubblikaturi biex jirrakkontaw b’mod speċifiku dwar l-isforz li kien meħtieġ min-naħa tagħhom biex jibdew studji ġodda tal-Bibbja fid-djar. Enfasizza li parti integrali mill-inkarigu tagħna hi li nagħmlu dixxipli. (Matt. 28:19, 20) Dan jistaʼ jsir b’mod effettiv jekk nistinkaw biex napplikaw is-suġġerimenti murijin fl-insert taʼ Il-Ministeru Tas-Saltna taʼ Ġunju 1996.
Għanja 47 u talba taʼ l-għeluq.
Ġimgħa Li Tibda 24 Taʼ Frar
18 min: Avviżi lokali. Ħabbar l-ismijiet kollha taʼ dawk li se jkunu pijunieri awżiljarji f’Marzu. Spjega li m’huwiex tard wisq biex wieħed jitfaʼ applikazzjoni. Inkuraġġixxi lil kulħadd biex ikollu sehem sħiħ fis-servizz taʼ l-għalqa nhar is-Sibt, l-1 taʼ Marzu. Semmi x’arranġamenti oħrajn għal-laqgħat tas-servizz qegħdin isiru lokalment matul ix-xahar. Irrevedi bir-reqqa l-Kaxxa Għall-Mistoqsija.
12 min: “Xi Ngħidu Għal Qrabatek?” Raġel u mara miżżewġin jiddiskutu l-artiklu flimkien u jiddeċiedu fuq kif għandhom javviċinaw bl-aħbar tajba lill-qrabat mhux kredenti.—Ara l-Watchtower tal-15 taʼ Frar, 1990, paġni 25-7.
15 min: Irrevedi l-Offerta tal-Letteratura għal Marzu—Is-Sigriet Taʼ L-Hena Fil-Familja. Iddiskuti fil-qosor ir-raġunijiet għala qegħdin jitfarrku l-familji fis-soċjetà moderna. (Ara l-Watchtower tal-15 t’Ottubru, 1992, paġni 4-7.) Irrevedi l-werrej tal-ktieb, f’paġna 3. Stieden lill-udjenza biex jagħżlu xi kapitli li jistgħu jipprovdu bażi għal preżentazzjoni. Iġbed l-attenzjoni lejn il-kaxxa taʼ tagħlim li hija utli u li tidher fl-aħħar taʼ kull kapitlu. Fakkar lil kulħadd biex jiġbor il-kopji għall-użu fi tmiem din il-ġimgħa u biex ifittex opportunitajiet addattati biex isemmi l-arranġament tad-donazzjoni meta tipplejsjahom.
Għanja 48 u talba taʼ l-għeluq.