Laqgħat tas-Servizz għal Marzu
Ġimgħa li Tibda 2 taʼ Marzu
8 min: Avviżi lokali. Avviżi magħżulin minn Il-Ministeru tas-Saltna.
15 min: “Agħmlu Dan b’Tifkira Tiegħi.” Taħdita minn anzjan. Ikkummenta fil-qosor mill-ktieb Our Ministry, paġni 80-1, billi tenfasizza l-importanza taʼ l-attendenza għall-Mafkar.
22 min: “Nissel f’Oħrajn it-Tama taʼ Ħajja taʼ Dejjem.” Diskussjoni taʼ l-artiklu maʼ l-udjenza.
Spjega fil-qosor kif il-mistoqsijiet jistgħu jintużaw b’mod effettiv biex titkompla konversazzjoni. Agħti xi eżempji kemm taʼ mistoqsijiet li jwasslu għal konklużjoni u kemm taʼ mistoqsijiet li jitolbu l-ħarsa taʼ l-individwu u li jistgħu jintużaw f’xi preżentazzjoni. (Ara l-iSchool Guidebook, paġni 51-2, paragrafi 10-12.) Ipprepara lil xi pubblikatur kapaċi biex juri waħda mill-preżentazzjonijiet inizjali li huma ssuġġeriti flimkien maż-żjara lura, billi turi studju tal-Bibbja qed jinbeda. Semmi wkoll fil-qosor l-arranġament tad-donazzjoni meta l-inkwilin jistaqsi dwar il-prezz.
Għanja 88 u talba taʼ l-għeluq.
Ġimgħa li Tibda 9 taʼ Marzu
8 min: Avviżi lokali. Rapport tal-kontijiet.
15 min: Ibbenefika Bis-Sħiħ Min-1998 Yearbook. Missier jirrevedi paġni 3-6, 31 mal-familja tiegħu, billi jiġbed l-attenzjoni lejn kisbiet teokratiċi tas-sena li għaddiet minn madwar id-dinja. Ikkunsidra l-benefiċċji gawduti mill-familja meta jaqraw u jiddiskutu t-test tal-jum u porzjonijiet mill-Yearbook flimkien waqt ħin l-ikel, iddeterminati li jibqgħu jagħmlu dan matul is-sena.
22 min: “Se Nerġgħu Nagħmluh?” (Paragrafi 1-11) Mistoqsijiet u tweġibiet. Irrakkonta xi ġrajjiet prinċipali tal-kampanja li saret fir-rebbiegħa li għaddiet għax-xogħol taʼ pijunier awżiljarju, bħalma ġie rrapportat fin-1998 Yearbook. Semmi n-numru taʼ pijunieri awżiljarji lokali matul dak il-perijodu. Iddiskuti l-benefiċċji persunali immedjati li niksbu talli nkunu pijunieri, u uri kif dan l-isforz miżjud jikkontribwixxi għall-progress tal-kongregazzjoni. Enfasizza l-arranġamenti tas-servizz ippjanati lokalment għal April u Mejju biex jgħinu lil iktar uħud jagħmlu x-xogħol taʼ pijunier. Il-pubblikaturi jistgħu jiksbu l-applikazzjonijiet wara l-laqgħa.
Għanja 195 u talba taʼ l-għeluq.
Ġimgħa li Tibda 16 taʼ Marzu
8 min: Avviżi lokali. Stieden lil dawk kollha li juru interess biex jattendu għat-taħdita pubblika speċjali fid-29 taʼ Marzu. It-taħdita hi intitolata “Għala Tistaʼ Tafda l-Bibbja.”
15 min: Bżonnijiet lokali
22 min: “Se Nerġgħu Nagħmluh?” (Paragrafi 12-19) Mistoqsijiet u tweġibiet. Irrevedi l-kwalifiki mniżżlin fil-ktieb Our Ministry, paġni 113-14. Spjega kif ix-xogħol taʼ pijunier awżiljarju jipprepara lil dak li jkun għas-servizz taʼ pijunier regulari. Stieden lil xi wħud li għamlu x-xogħol taʼ pijunier awżiljarju fir-rebbiegħa li għaddiet biex jgħidu kif irranġaw l-iskeda tagħhom sabiex jilħqu l-ħtieġa taʼ 60 siegħa. Liema skeda mogħtija bħala eżempju fl-aħħar paġna taʼ l-insert irnexxiet l-iktar għalihom? Skond kemm jippermetti l-ħin, irrakkonta l-esperjenzi fin-1987 Yearbook, paġni 48-9, 245-6. Inkuraġġixxi lill-pubblikaturi biex jiksbu l-applikazzjonijiet wara l-laqgħa.
Għanja 224 u talba taʼ l-għeluq.
Ġimgħa li Tibda 23 taʼ Marzu
10 min: Avviżi lokali. Inkuraġġixxi lil kulħadd biex jibda jistieden lil uħud interessati għall-Mafkar, fil-11 taʼ April. Uri kopja taʼ l-invit, u ħeġġeġ lil kulħadd biex jakkwista provvista u jibda jqassamhom din il-ġimgħa. Ħabbar l-ismijiet tal-pijunieri awżiljarji kollha għal April. Spjega li m’huwiex tard wisq biex tintefaʼ l-applikazzjoni. Semmi d-dettalji taʼ l-iskeda kollha kemm hi għal-laqgħat tas-servizz ippjanati għal April.
20 min: Ipprepara lil Uħud Ġodda għas-Servizz taʼ l-Għalqa. Taħdita u diskussjoni maʼ l-udjenza. Dawk li jikkonduċu studju mill-ktieb Għarfien għandhom jikkunsidraw li jippreparaw lill-istudent tagħhom biex jieħu sehem fis-servizz taʼ l-għalqa. Indika dak li jingħad fil-ktieb Għarfien, f’paġni 105-6, paragrafu 14, u f’paġna 179, paragrafu 20. Irrevedi l-proċedura fit-Torri taʼ l-Għassa tal-15 taʼ Frar, 1989, paġni 12-13, paragrafi 7-10, biex uħud ġodda jiġu rrikonoxxuti bħala pubblikaturi mhux mgħammdin. Ikkunsidra s-suġġerimenti fl-insert taʼ Il-Ministeru tas-Saltna taʼ Ġunju 1996, paragrafu 19, dwar kif ngħinu lil pubblikaturi ġodda mhux mgħammdin jibdew fis-servizz.
15 min: Kaxxa għall-Mistoqsija. Mistoqsijiet u tweġibiet. Anzjan jirrevedi l-materjal fil-ktieb Our Ministry, paġna 131, paragrafi 1 u 2.
Għanja 47 u talba taʼ l-għeluq.
Ġimgħa li Tibda 30 taʼ Marzu
12 min: Avviżi lokali. Fakkar lil kulħadd biex jitfaʼ r-rapport tiegħu tas-servizz taʼ l-għalqa għal Marzu. Uri l-ħarġiet kurrenti tar-rivisti, issuġġerixxi liema artikli tistaʼ turi meta tkun qed toffrihom, u semmi xi punti taʼ konversazzjoni speċifiċi. Irrevedi “Tfakkiriet għall-Mafkar,” u indika l-arranġamenti lokali għall-Mafkar. Kulħadd għandu jagħmel il-pjanijiet finali biex jgħin lill-istudenti tal-Bibbja u oħrajn li juru interess ħalli jattendu. Fakkar lil kulħadd biex ikun ċert li jsegwi l-qari tal-Bibbja għall-Mafkar ippjanat mis-6 sal-11 taʼ April, bħalma hu indikat f’Neżaminaw L-Iskrittura Kuljum.
13 min: “Tfal—Intom il-Ferħ Tagħna!” Mistoqsijiet u tweġibiet. Irrakkonta l-esperjenza fil-Watchtower taʼ l-1 taʼ Awissu, 1987, paġna 25.
20 min: Xi Modi biex Tiġġieled Kontra l-Għejja Spiritwali. Żewġ anzjani jiddiskutu l-kaxxa fit-Torri taʼ l-Għassa tal-15 taʼ April, 1986, paġna 16. Għal kull wieħed mis-“Sintomi taʼ l-Għejja,” spjegaw Skritturalment kif wieħed jistaʼ jibbenefika mill-“Għajnuniet biex Nissaportu,” li jikkorrispondu. Imbagħad intervistaw żewġ pubblikaturi li jikkummentaw fuq kif l-applikazzjoni taʼ punti bħal dawn għenuhom jibqgħu b’saħħithom spiritwalment.
Għanja 140 u talba taʼ l-għeluq.