• Jeremia 6:13, 14
    Ny Soratra Masina—Fandikan-tenin’ny Tontolo Vaovao

    • 13 “Samy maka tombony azo amin’ny tsy marina+ ny olona, hatramin’ny kely indrindra ka hatramin’ny lehibe indrindra.

      Ary samy mamitaka na ny mpaminany na ny mpisorona.+

      14 Miezaka manasitrana ny ratran’ny* vahoakako izy ireo nefa ataony zara fa vita izany, ka hoy izy ireo:

      ‘Fiadanana! Fiadanana!’

      Nefa tsy misy fiadanana akory.+

  • Jeremia 23:16, 17
    Ny Soratra Masina—Fandikan-tenin’ny Tontolo Vaovao

    • 16 Izao no lazain’i Jehovah Tompon’ny tafika:

      “Aza mihaino ny tenin’ireo mpaminany milaza faminaniana aminareo.+

      Mamitaka* anareo fotsiny izy ireo.

      Fahitana avy ao am-pony no lazainy,+

      Fa tsy avy amin’ny vavan’i Jehovah.+

      17 Izao no averimberiny amin’ireo tsy manaja ahy:

      ‘Izao no lazain’i Jehovah: “Hiadana ianareo.”’+

      Ary izay rehetra mikiry manao izay tian’ny fony kosa ataony hoe:

      ‘Tsy hisy loza hanjo anareo.’+