• Jeremia 8:10-12
    Ny Soratra Masina—Fandikan-tenin’ny Tontolo Vaovao

    • 10 Koa homeko ho an’olon-kafa ny vadiny,

      Ary ny sahany ho lasan’olona,+

      Satria samy maka tombony azo amin’ny tsy marina+ izy ireo, hatramin’ny kely indrindra ka hatramin’ny lehibe indrindra.

      Ary samy mamitaka na ny mpaminany na ny mpisorona.+

      11 Miezaka manasitrana ny ratran’ny* zanakavavin’ny fireneko izy ireo nefa ataony zara fa vita izany, ka hoy izy ireo:

      “Fiadanana! Fiadanana!”

      Nefa tsy misy fiadanana akory.+

      12 Mba menatra ve izy ireo noho ny zavatra maharikoriko ataony?

      Tsy menatra mihitsy izy ireo.

      Tsy hainy akory na dia ny atao hoe henatra aza!+

      Koa ho lavo miaraka amin’izay lavo izy ireo.

      Ho tafintohina izy ireo rehefa manasazy azy ireo aho’,+ hoy i Jehovah.

  • Mika 3:11
    Ny Soratra Masina—Fandikan-tenin’ny Tontolo Vaovao

    • 11 Ny mpitarika* eo aminy mitsara mba hahazoana kolikoly,+

      Ny mpisorony mampianatra mba hahazoana karama,+

      Ary ny mpaminaniny misikidy mba hahazoana vola.*+

      Mbola miantehitra amin’i Jehovah* ihany anefa izy ireo, ka milaza hoe:

      “Angaha moa tsy eto amintsika i Jehovah?+

      Tsy hisy loza hanjo antsika.”+