-
Jeremia 6:12-15Ny Soratra Masina—Fandikan-tenin’ny Tontolo Vaovao
-
-
12 Ho lasan’olon-kafa ny tranon’izy ireo
Sy ny sahany ary ny vadiny.+
Fa hanatsotra ny tanako hamely ny mponin’ilay tany aho”, hoy i Jehovah.
13 “Samy maka tombony azo amin’ny tsy marina+ ny olona, hatramin’ny kely indrindra ka hatramin’ny lehibe indrindra.
Ary samy mamitaka na ny mpaminany na ny mpisorona.+
14 Miezaka manasitrana ny ratran’ny* vahoakako izy ireo nefa ataony zara fa vita izany, ka hoy izy ireo:
‘Fiadanana! Fiadanana!’
Nefa tsy misy fiadanana akory.+
15 Mba menatra ve izy ireo noho ny zavatra maharikoriko ataony?
Tsy menatra mihitsy izy ireo.
Tsy hainy akory na dia ny atao hoe henatra aza!+
Koa ho lavo miaraka amin’izay lavo izy ireo.
Ho tafintohina izy ireo rehefa manasazy azy ireo aho”, hoy i Jehovah.
-
-
Jeremia 27:9Ny Soratra Masina—Fandikan-tenin’ny Tontolo Vaovao
-
-
9 “‘“‘Koa aza mihaino an’ireo mpaminany, mpisikidy, mpanonofy, mpimasy, ary ireo mpilalao ody eo aminareo, izay milaza hoe: “Tsy hanompo ny mpanjakan’i Babylona ianareo!”
-
-
Ezekiela 22:28Ny Soratra Masina—Fandikan-tenin’ny Tontolo Vaovao
-
-
28 Manarontsarona ny zavatra ataony anefa ny mpaminany ao aminao, hoatran’ny hoe manisy lalotra fotsy amin’ny rindrina. Mahita fahitana sandoka izy ireo,+ sady maminany lainga avy amin’ny sikidy, ka milaza hoe: “Izao no tenin’i Jehovah Tompo Fara Tampony”, nefa i Jehovah tsy niteny an’izany akory.
-