U-ISAYA
1 Lo ngumbono owabonwa ngu-Isaya*+ indodana ka-Amozi. Wawumayelana lelizwe lakoJuda leJerusalema ezinsukwini zika-Uziya,+ loJothamu,+ lo-Ahazi,+ loHezekhiya,+ amakhosi akoJuda:+
2 Zwanini lina mazulu, ulalele lawe mhlaba,+
Ngoba uJehova usekhulumile:
3 Inkabi iyamazi umnikazi wayo,
Lobabhemi uyasazi isibaya asilungiselwe ngumnikazi,
Okwenziwa ngabantu bami kutshengisa ukuthi kabazwisisi.”
4 Maye kuso isizwe esonayo,+
Abantu abasindwa ngamacala,
Usendo lwabantu abaxhwalileyo, abantwana abonakeleyo!
5 Pho khathesi ngizalitshaya ngaphi njengoba lilokhu liqhubeka lingihlamukela?+
Ikhanda lonke ligcwele amanxeba,
Lenhliziyo yonke ilomkhuhlane.+
6 Akukho okuphilileyo kusukela ngaphansi konyawo kuze kuyefika ekhanda.
Ngamanxeba lemvimvinya lezilonda kuphela!
Akuzange kwelatshwe, akuzange kubotshwe futhi akuzange kugcotshwe ngamafutha.+
7 Ilizwe lenu aliselalutho.
Amadolobho enu atshiswe ngomlilo.
Abezizweni batshabalalisa ilizwe lenu phambi kwenu.+
Khathesi ilizwe lenu selinjengendawo engelalutho echithwe ngabezizweni.+
8 Indodakazi yaseZiyoni isisele injengedumba ensimini yamagilebisi,
Njengokuyindlwana okusensimini yamakhukhamba,
Lanjengedolobho elivinjezelweyo.+
9 Aluba uJehova wamabutho kenzanga ukuthi kusale abalutshwana abasindileyo,
Besizakuba njengeSodoma,
Sifanane leGomora.+
10 Zwanini ilizwi likaJehova lina babusi beSodoma+ abangontandokayiphikiswa.
Lalelisisani umthetho* kaNkulunkulu lina bantu beGomora.+
11 “Imihlatshelo yenu eminengi inginceda ngani?”+ kutsho uJehova.
“Sengidiniwe ngeminikelo yenu yokutshiswa yezinqama,+ lamafutha ezifuyo ezinonileyo.+
Angithokozi ngegazi+ lamajongosi+ enu lelemvana zenu kanye lelembuzi zenu.+
13 Yekelani ukuletha iminikelo yamabele engancediyo.
Linanza ukuthwasa kwenyanga,+ ligcine amasabatha,+ limemezele lemihlangano.+
Kodwa ngeke ngiwabekezelele amasalamusi+ eliwenzayo ngapha lisenza umhlangano ongcwele.
14 Ngiyayizonda imikhosi yenu yokuthwasa kwenyanga lamadili enu.
Ingumthwalo osindayo kimi,
Sengidiniwe ngokuyithwala.
15 Nxa liphakamisela izandla zenu phezulu,
Ngiyalifihlela amehlo ami.+
17 Fundani ukwenza okuhle njalo lahlulele kuhle,+
Qondisani ocindezela abanye,
Lwelani amalungelo entandane,
Limele lodaba lomfelokazi.”+
18 “Wozani khathesi silungisise izindaba phakathi kwethu,” kutsho uJehova.+
“Lanxa izono zenu zibomvu gebhu,
Zizakwenziwa zibe mhlophe njengongqwaqwane.+
Lanxa zibomvu njengegazi,
Zizakuba mhlophe nke njengoboya bezimvu.
19 Nxa lingazimisela njalo lilalele,
Lizakudla okuhle kwelizwe.+
21 Idolobho leli ebelithembekile+ seliphenduke laba yisifebe!+
22 Isiliva sakho sesibe yingcekeza,+
Lotshwala bakho buhlanganiswe lamanzi.
23 Abakhokheli benu bayiziqholo njalo bazwanana lamasela.+
Bonke bathanda ukufunjathiswa futhi bazifuna ngamehlo abomvu izipho.+
Abazahluleli kuhle izintandane,
Njalo abalilaleli icala elimangalwa ngumfelokazi.+
24 Ngakho iNkosi yeqiniso, uJehova wamabutho,
UNkulunkulu wako-Israyeli olamandla uthi:
“Zwanini! Ngizabaqeda bonke abamelana lami,
Ngizaphindisela ezitheni zami.+
25 Isandla sami sizamelana lawe,
Ngizancibilikisa yonke ingcekeza yakho,
Ngisuse konke okungcolileyo kuwe.+
Ngemva kwalokho uzabizwa ngokuthi uliDolobho Lokulunga langokuthi uliDolobho Elithembekileyo.+
27 IZiyoni izahlengwa ngokwahlulela okuhle,+
Labantu bayo abaphendukayo bazahlengwa ngokulunga.
29 Bazayangeka ngezihlahla zabo ezinkulu ababezithanda,+
30 Bazakuba njengesihlahla esikhulu esilamahlamvu asebuna,+
Babe njengengadi engelamanzi.
31 Indoda eqinileyo izakuba njengotshani obomileyo,
Lomsebenzi wayo uzakuba njengenhlansi,
Kokubili kuzadliwa ngamalangabi omlilo,
Kuswelakale loyedwa ongawacitsha.”
2 Nanku okwabonwa ngu-Isaya indodana ka-Amozi, mayelana lelizwe lakoJuda leJerusalema:+
Intaba yendlu kaJehova
Izamiswa iqine phezu kweziqongo zezintaba,+
Izaphakanyiswa yedlule amaqaqa,
Izizwe zonke zizathululeka zisiya kuyo.+
3 Abantu bezizwe ezinengi bazahamba bathi:
“Wozani siqanse entabeni kaJehova,
Siye endlini kaNkulunkulu kaJakhobe.+
Uzasifundisa izindlela zakhe,
Njalo sizahamba ezindleleni zakhe.”+
Bazakhanda inkemba zabo zibe yizikali zamakhuba okulima,
Lemikhonto yabo ibe zingqamu zokuthena izihlahla.+
Akulasizwe esizaphakamisela esinye inkemba,
Njalo azisoze ziphinde zifundele ukulwa impi.+
5 Awu ndlu kaJakhobe buya,
Kasihambe ekukhanyeni kukaJehova.+
6 Usubatshiyile abantu bakho, indlu kaJakhobe,+
Ngoba sebelandela imikhuba eminengi yaseMpumalanga,
Benza amasalamusi+ njengamaFilisti,
Njalo phakathi kwabo kugcwele abantwana bezizweni.
7 Ilizwe labo ligcwele isiliva legolide,
Amagugu abo manengi kakhulu.
Ilizwe labo ligcwele amabhiza,
Izinqola zabo zinengi kakhulu.+
8 Ilizwe labo ligcwele onkulunkulu abangelancedo.+
Abantu bakhothamela lokho abakwenze ngezandla zabo,
Izinto abazenze ngeminwe yabo.
9 Ngakho umuntu uzikhipha isithunzi futhi uzayangeka.
Awusoze uphongubaxolela nje.
10 Ngenani ezimbalwini zamadwala, licatshe ethulini
Ngenxa yolaka lukaJehova olwesabekayo,
Lobukhulu bakhe obumangalisayo.+
11 Amehlo omuntu oziphakamisayo azayangeka,
Labantu abazikhukhumezayo bazacwila phansi.*
UJehova nguye kuphela ozaphakanyiswa ngalolosuku.
12 Ngoba lusuku lukaJehova wamabutho.+
Luzakwehlela bonke abazikhukhumezayo labaziphakamisayo,
Phezu kwabo bonke abaphakemeyo labaphansi,+
13 Laphezu kwazo zonke izihlahla zemisedari yaseLebhanoni ezinde njalo eziphakemeyo
Laphezu kwazo zonke izihlahla zom-okhi eziseBhashani,
14 Laphezu kwazo zonke izintaba ezinde,
Laphezu kwawo wonke amaqaqa aphakemeyo,
15 Laphezu kwayo yonke imiphotshongo ephakemeyo, lakuyo yonke imiduli eqinileyo,
16 Phezu kwayo yonke imikhumbi yeThashishi,+
Laphezu kwazo zonke izikepe ezinhle.
17 Umuntu oziphakamisayo uzakwehliswa,
Labantu abazikhukhumezayo bazakwehliselwa phansi.*
UJehova nguye kuphela ozaphakanyiswa ngalolosuku.
18 Onkulunkulu abangelancedo bazaphela du!+
19 Abantu bazangena ezimbalwini zamadwala
Lasemilindini esemhlabathini,+
Ngenxa yolaka lukaJehova olwesabekayo,
Lobukhulu bakhe obumangalisayo,+
Nxa esesukuma ukuze enze umhlaba uqhaqhazele ngokwesaba.
20 Ngalelolanga abantu bazathatha onkulunkulu babo besiliva legolide abangelancedo,
Ababezenzele bona ukuze babakhothamele.
Bazabalahlela kubontswebe labomalulwane.+
21 Ngemva kwalokho abantu laba bazangena ezimbalwini,
Lasezingoxweni zamadwala,
Ngenxa yolaka lukaJehova olwesabekayo,
Lobukhulu bakhe obumangalisayo,
Nxa esesukuma ukuze enze umhlaba uqhaqhazele ngokwesaba.
22 Yekelani ukuthemba umuntu,
Ngoba laye uphila ngomoya awuphefumula ngamakhala akhe.
Manje kungani kumele aqakathekiswe?
3 Khangelani! INkosi yeqiniso, uJehova wamabutho,
Isikususa konke okuthenjiweyo eJerusalema kanye lakoJuda lalokho abaphila ngakho,
Sonke isinkwa lamanzi,+
2 Isusa indoda elamandla leqhawe,
Umahluleli lomphrofethi,+ umdala lalowo otshela abantu ngekusasa,
3 Induna yabantu abangamatshumi amahlanu,+ umhlonitshwa lomeluleki,
Ingcitshi yamasalamusi lesanuse.+
4 Ngizakwenza abafana babe yizikhulu zabo,
Bazabuswa ngabantu abaguquguqukayo.*
5 Abantu bazacindezelana,
Umuntu athwalise nzima umakhelwane wakhe.+
Umfana uzahlasela indoda endala,
Lomuntukazana adelele umuntu ohloniphekayo.+
6 Umuntu uzabamba umfowabo endlini kayise athi:
“Wena ogaxe ilembu, woba ngumkhokheli wethu,
Ubuse endaweni le esingamanxiwa.”
7 Kodwa ngalolosuku yena uzakwala athi:
“Angisoze ngibhanditshe izilonda zenu,*
Endlini yami akulakudla lezigqoko.
Linganginiki isikhundla sokuba ngumkhokheli wabantu.”
8 IJerusalema ikhubekile,
Lelizwe lakoJuda seliwile,
Ngoba abantu bamelane loJehova ngamazwi langezenzo,
Maye kubo ngoba bazithezela olulenkume!
11 Maye kulowo owenza okubi!
Uzakwehlelwa luhlupho,
Lokho akwenzileyo kuzakwenziwa lakuye.
12 Abantu bami bathwele nzima ngenxa yabofolomane babo,
Abesifazana bayababusa.
Bantu bami, abakhokheli benu benza lihlanhlathe,
Benza lingazi indlela eyiyo.+
13 UJehova usekulungele ukuthonisisa abantu,
Uyasukuma ukuze agwebe izizwe.
14 UJehova uzakwahlulela abadala labakhokheli babantu bakhe.
“Insimu yamagilebisi liyitshisile,
Njalo ezindlini zenu kulezinto elizitshontshele abayanga.+
15 Lisithatha ngaphi isibindi sokuchoboza abantu bami
Lesokucholela abayanga enhlabathini?”+ kutsho iNkosi Enkulu uJehova wamabutho.
16 UJehova uthi: “Ngenxa yokuthi amadodakazi aseZiyoni ayazigqaja,
Ahamba elule intamo,
Ayahuga ngamehlo awo njalo ahamba ezitshila,
Ekhencezisa amasongo awagqoke enqagaleni,
17 UJehova uzatshaya amakhanda amadodakazi aseZiyoni abe lezikhwekhwe,
Njalo uJehova uzakwenza amakhanda awo abe lempabanga.+
18 Ngalolosuku uJehova uzaqeda ubuhle bamasongo awo agqokwa enqagaleni,
Lobemiqhele lemigqizo ebunjwe yafanana lenyanga eseseluzipho,+
19 Obamacici lamasongo agqokwa engalweni lobamaveyili,
20 Obezembozo lobamangqongqo agqokwa enqagaleni lobemigaxo ececisiweyo,
Lobamambodlela alamakha anukelelayo, lobezintebe,
21 Lobezindandatho zeminwe lendandatho zamakhala,
22 Lobezigqoko zemikhosi, lezembatho, lamajazi kanye lezikhwama ezincane,
23 Lobezibuko ezincane+ lobezigqoko zelineni,
Lobamaqhiye kanye lobamaveyili.
24 Kulokuthi kunukelele amafutha ebhalisamu+ kuzakuba lephunga elibi,
Esikhundleni sebhanti kuzakuba lentambo,
Esikhundleni senwele ezilungiswe kuhle kuzakuba lempabanga,+
Esikhundleni selembu elilohlonzi kuzakuba lesembatho sesaka,+
Esikhundleni sobuhle kuzakuba lomtshiso.*
25 Abantu bakho bazakuwa ngenkemba,
Lamadoda alamandla awe empini.+
4 Ngalelolanga abesifazana abayisikhombisa bazagagadlela indoda eyodwa+ bathi:
2 Ngalelolanga lokho uJehova azakwenza kuhlume kuzakuba kuhle njalo kukhazimule, futhi isithelo selizwe sizakuba yikuziqhenya kanye lobuhle ebantwini bako-Israyeli abazasinda.+ 3 Labo abazasala eZiyoni labazatshiywa eJerusalema bazabizwa ngokuthi bangcwele, bonke nje abaseJerusalema okubhalwe ukuthi baqhubeke bephila.+
4 Lapho uJehova esegezisa ingcekeza yamadodakazi aseZiyoni+ futhi esehlambulula ukuchithwa kwegazi okuseJerusalema ngomoya wokwahlulela langomoya wokutshisa,+ 5 uJehova uzakwenza lokuthi kuyo yonke intaba iZiyoni lasendaweni yayo yemihlangano kube leyezi kanye lentuthu emini, lokuthi ebusuku kube lokukhanya kwamalangabi omlilo.+ Kuzakuba lomthunzi phezu kwakho konke okukhazimulayo. 6 Emini kuzakuba ledumba elilomthunzi ovala ukutshisa+ futhi lizabe liyindawo yokuphephela leyokucatshela isiphepho lezulu.+
5 Ngicela ukuhlabelela lowo engimthandayo
Ingoma emayelana lalowo engimthandayo kanye lensimu yakhe yamagilebisi.+
Lowo engimthandayo wayelensimu yamagilebisi eqaqeni oluvundileyo.
2 Wayigebha wakhipha amatshe kuyo,
Wasehlanyela izihlahla ezinhle ezithela amagilebisi abomvu,
Wakha lomphotshongo phakathi laphakathi kwayo,
Wayelokhu ekhangelele ukuthi izathela amagilebisi amahle,
Kodwa yona yakhipha amagilebisi amabi kuphela.+
3 “Khathesi lina zakhamizi zeJerusalema lani bantu bakoJuda,
Ngicela lahlulele phakathi kwami lensimu yami yamagilebisi.+
4 Kuyini okunye engingakakwenzi+
Obekumele ngikwenze ensimini yami yamagilebisi?
Kungani ithele amagilebisi amabi kuphela,
Mina ngilindele amagilebisi amahle?
5 Khathesi ngicela ukulitshela
Engizakwenza ensimini yami yamagilebisi:
Ngizasusa uthango lwayo,
Njalo izatshiswa ilobe.+
Ngizadiliza umduli wayo wamatshe,
Njalo izanyathenyathelwa.
6 Ngizayenza ibe yindawo engelalutho,+
Ayisoze ihlakulwe futhi lezihlahla zamagilebisi ezikuyo azisoze zithenwe.
7 Insimu yamagilebisi kaJehova wamabutho yindlu ka-Israyeli,+
Abantu bakoJuda bebeyinsimu yakhe ayithandayo.
Wayekhangelele ukuthi kube lokwahlulela okuhle,+
Kodwa ukwahlulela okuhle akubanga khona;
Wayekhangelele ukuthi kube lokulunga,
Kodwa abantu babekhala ngenxa yokuphathwa kubi.”+
8 Maye kulabo abaqhubeka besengezelela inani lezindlu zabo,*+
Labaqhubeka beqhelisa amasimu bewahlanganisa+
Kuze kusale kungelandawo,
Besebehlala bodwa elizweni.
9 UJehova wamabutho ufunge ngizizwela ngezami
Ukuthi lanxa izindlu ezinengi zizinkulu futhi zizinhle
Zizakuba ngamanxiwa angakhangelekiyo,
Njalo akula loyedwa ozahlala kuzo.+
10 Indima* ezilitshumi zensimu yamagilebisi zizakhipha iwayini eligcwala ibhathi* elilodwa nje,
Lenhlanyelo egcwala ihomeri* izakhipha i-efa* eyodwa kuphela.+
11 Maye kwabavuka ekuseni kakhulu besiyanatha utshwala,+
Abanatha iwayini kuze kube sebusuku, badakwe baze bacine bengasaboni lutho.
12 Emadilini abo kulehabhu* lesiginci,
Lethamborini lefluthi kanye lewayini,
Kodwa abalandaba lemisebenzi kaJehova,
Njalo kabawuboni umsebenzi wezandla zakhe.
13 Ngakho abantu bami bazathunjwa
Ngenxa yokuswela ulwazi;+
Izikhulu zabo zizalamba,+
Labantu babo bonke bazakoma ngenxa yokuswela amanzi.
14 Ingcwaba lizivule laba likhulu,
Lakhamisa umlomo walo wavuleka kakhulu,+
Ubuhle* bedolobho lelo, lamaxuku alo alomsindo kanye labaxokozelayo
Bazangena sibili engcwabeni.
15 Umuntu uzakhothama,
Indoda izatshona phansi,
Labaziphakamisayo bazakhangela phansi ngenxa yokuyangeka.
16 UJehova wamabutho uzaphakanyiswa ngenxa yokwahlulela kwakhe,*
UNkulunkulu weqiniso, yena oNgcwele+ uzazingcwelisa ngokulunga.+
17 Imvana zizakudla angathi zisemadlelweni azo,
Labezizweni bazakudla ezindaweni ezingamanxiwa ezazihlala izinyamazana ezazigcinwe kuhle.
18 Maye kulabo abadonsa icala labo ngentambo zobuqili,
Lesono sabo ngentambo zokudonsa izinqola,
19 Labo abathi: “Kawuphangisise umsebenzi wakhe;
Kawubuye masinyane siwubone.
20 Maye kulabo abathi okuhle kubi, lokubi kuhle,+
Abathi ubumnyama yikukhanya, ukukhanya yibumnyama,
Abathi okubabayo kumnandi, okumnandi kuyababa.
21 Maye kulabo abazitshela ukuthi bahlakaniphile,
Labazibona bekhaliphile.+
22 Maye kulabo abazintshantshu zokunatha iwayini,
Lalabo abazingcitshi ekuhlanganiseni utshwala obutshiyeneyo,+
23 Lalabo abakhulula abenza okubi ngokufunjathiswa,+
Labangamahluleli kuhle olungileyo.+
24 Njengoba nje ilangabi lomlilo litshisa amahlanga alobe,
Lotshani obomileyo buphelela phakathi kwamalangabi,
Impande zabo lazo zizabola,
Lamaluba abo azaphephuka* njengothuli,
Ngoba bawulahlile umthetho* kaJehova wamabutho,
Kabalihloniphanga ilizwi loNgcwele ka-Israyeli.+
25 Yikho uJehova ebathukuthelele abantu bakhe,
Uzaphakamisa isandla sakhe simelane labo, abatshaye.+
Intaba zizanyikinyeka,
Lezidumbu zabo zibe njengezibi emigwaqweni.+
Ulaka lwakhe alukabohli ngenxa yakho konke lokhu,
Ulokhu ephakamise isandla sakhe ukuze abatshaye.
26 Usephakamisele abantu besizwe esikhatshana isibonakaliso,*+
Wabatshayela ukhwelo ukuze babuye bevela emikhawulweni yomhlaba;+
Njalo babuya ngesiqubu esikhulu.+
27 Phakathi kwabo akula odiniweyo kumbe okhubekayo.
Kakho owozelayo kumbe oleleyo.
Ibhanti elisekhalweni lwabo kalixegi,
Lentambo zamanyathela abo kaziqamukanga.
Amasondo amabhiza abo anjengelitshe eliqine nko,
Amaviri enqola zabo anjengesivunguzane.+
29 Babhonga njengesilwane,
Lanjengezilwane ezilamandla.+
Bazahwabha, babambe inyamazana,
Njalo kakho ongabathathela nxa sebeyibambile.
30 Ngalolosuku bazayihwabhela,
Bahwabhe njengokuduma kolwandle.+
Loba ngubani okhangela ilizwe uzabona ubumnyama obesabekayo,
Lokukhanya sekutshintshe kwaba mnyama ngenxa yamayezi.+
6 Ngomnyaka iNkosi u-Uziya eyafa ngawo+ ngabona uJehova ehlezi esihlalweni sobukhosi esiphezulu njalo esiphakemeyo.+ Umphetho wesembatho sakhe wawuchayeke wagcwala ithempeli. 2 Amaserafi ayemi ngaphezulu eduze kwakhe, ngalinye lalilempiko eziyisithupha futhi lalivale ubuso balo ngempiko ezimbili, lavala lenyawo zalo ngezinye ezimbili njalo linye ngalinye laliphapha ngempiko ezimbili.
3 Ngalinye lalimemeza elinye lisithi:
“Ungcwele, ungcwele, ungcwele uJehova wamabutho.+
Umhlaba wonke ugcwele inkazimulo yakhe.”
4 Kwathi kuzwakala umsindo wokumemeza lokho,* imigubazi yeminyango yanyikinyeka futhi intuthu yagcwala endlini.+
5 Ngasengisithi: “Maye babo!
Ngafa mina,
Ngoba ngingumuntu olezindebe ezingcolileyo,
Njalo ngihlala phakathi kwabantu abakhuluma izinto ezingcolileyo,*+
Amehlo ami asebone iNkosi, uJehova wamabutho ngokwakhe!”
6 Kusenjalo, elinye iserafi laphapha labuya kimi lithwele ilahle elivuthayo+ elalilithethe e-alithareni+ ngodlawu.* 7 Lathinta umlomo wami ngalo lathi:
“Khangela! Lokhu sekuthinte izindebe zakho.
Icala lakho selisusiwe,
Lesono sakho sesihlawulelwe.”
8 Ngasengisizwa ilizwi likaJehova lisithi: “Ngizathuma bani njalo ngubani ozasihambela?”+ Ngasengiphendula ngathi: “Ngilapha! Thuma mina!”+
9 Yena waphendula wathi, “Hamba uyetshela abantu laba uthi:
10 Yenza inhliziyo zabantu laba zibe lukhuni,+
Wenze indlebe zabo zibe buthundu,+
Uvale lamehlo abo
Ukuze bangaboni ngamehlo abo,
Futhi bangezwa ngendlebe zabo,
Ukwenzela ukuthi bangazwisisi ngezinhliziyo zabo,
Njalo bangaphenduki basiliswe.”
11 Ngasengisithi: “Awu Jehova, kuze kube nini?” Yena wathi:
“Amadolobho aze adilike kusale kungela ngitsho lesisodwa isakhamuzi,
Lezindlu zisale zingaselabantu,
Lelizwe lisale lingamanxiwa futhi lingelalutho;+
12 UJehova aze abaxotshele khatshana abantu,+
Lomumo welizwe lelo eselingamanxiwa usumubi kakhulu.
13 “Kodwa elizweni kuzabe kulokhu kulabalutshwana abaseleyo* njalo kuzaphinda kube lokutshiswa. Abantu laba bazakuba njengesihlahla esikhulu lesihlahla som-okhi, ezithi zingaganyulwa kusale isidindi. Inhlanyelo* engcwele izakuba yisidindi leso.”
7 Ngensuku zika-Ahazi+ inkosi yakoJuda, indodana kaJothamu, indodana ka-Uziya, kwafika uRezini inkosi yeSiriya kanye loPhekha+ inkosi yako-Israyeli owayeyindodana kaRemaliya bezohlasela iJerusalema kodwa abazange bayinqobe.* + 2 Kwafika umbiko endlini kaDavida usithi: “Amabutho eSiriya asebambane lamabutho ako-Efrayimi.”
U-Ahazi labantu bakhe bafikelwa yikwesaba, baqhuqha njengezihlahla ezinyikinywa ngumoya eguswini.
3 UJehova wasesithi ku-Isaya: “Ngicela uhambe lendodana yakho uSheyari-jashubi*+ liyebona u-Ahazi ekucineni komgelo wamanzi ovela echibini elingaphezulu,+ eduze komgwaqo omkhulu endaweni yabawatshayo. 4 Kumele umtshele uthi, ‘Nanzelela uhlaliseke. Ungesabi njalo ungapheli amandla ngenxa yezikhunyana lezi ezimbili ezithunqayo; ngenxa yolaka oluvuthayo lukaRezini lolweSiriya kanye lendodana kaRemaliya.+ 5 Phela iSiriya lo-Efrayimi kanye lendodana kaRemaliya sebebumbe icebo lokukuhlasela, bathi: 6 “Asambeni siyehlasela ilizwe lakoJuda silidabudabule njalo silinqobe libe ngelethu, besesibeka indodana kaThabheli ukuthi ibe yinkosi yalo.”+
7 “‘INkosi Enkulu uJehova ithi:
“Lokhu akusoze kuphumelele,
Njalo akusoze kwenzakale.
8 Ngoba inhloko yeSiriya yiDamaseko,
Lenhloko yeDamaseko nguRezini.
Ngeminyaka engu-65 nje kuphela
U-Efrayimi uzabhuqwa aphele nya, isizwe sakhe sitshabalale.+
Nxa lingelalo ukholo oluqinileyo,
Kalisoze lime liqine.”’”
10 UJehova waqhubeka ekhuluma lo-Ahazi wathi: 11 “Cela isibonakaliso kuJehova uNkulunkulu wakho;+ lanxa singatshona njengengcwaba kumbe siphakame njengesibhakabhaka.” 12 Kodwa u-Ahazi wathi: “Kangisoze ngicele futhi angisoze ngimlinge uJehova.”
13 U-Isaya wasesithi: “Ngicela lilalele lina bantu bendlu kaDavida. Akwenelanga yini ukuthi lilinga abantu baze baphelelwe yisineke? Kambe selingaze lilinge loNkulunkulu aze aphelelwe yisineke?+ 14 Ngakho uJehova uqobo uzalinika isibonakaliso: Intombi izazithwala ibelethe indodana+ futhi izayinika ibizo elithi Imanuweli.*+ 15 Umntwana lo uzabe esesidla ulaza loluju engakakhuli okokuthi usengenelisa ukukhetha okuhle lokwala okubi. 16 Uzathi engakakwazi ukukhetha okuhle lokwala okubi, ilizwe lamakhosi amabili owesabayo lizatshiywa lisale lingelamuntu.+ 17 UJehova uzakwenza ukuthi wena labantu bakho kanye lendlu kayihlo lifikelwe yisikhathi esinzima esingakaze sibe khona selokhu u-Efrayimi wabhazuka kuJuda,+ ngoba uzathumela inkosi yase-Asiriya+ izokuhlasela.
18 “Ngalelolanga uJehova uzatshaya ukhwelo abize impukane ezivela ezifuleni ezikhatshana zeNayili yaseGibhithe kanye lenyosi eziselizweni le-Asiriya, 19 zonke zizabuya zizohlala ezigodini* ezitshonayo, lasezingoxweni zamadwala, lakuzo zonke izihlahla zameva lasezindaweni zonke ezilamanzi.
20 “Ngalelolanga uJehova uzakuphuca ikhanda lehwanqa elisembaleni esebenzisa ireza ebolekwe esabelweni esiseduze komfula,* yona kanye inkosi yase-Asiriya+ njalo izagela lendevu zakho ziphele du.
21 “Ngalelolanga umuntu uzasala egcine ithokazi elilodwa enkomeni zakhe kanye lezimvu ezimbili. 22 Uzakudla ulaza ngenxa yobunengi bochago njalo bonke abaseleyo elizweni bazakudla ulaza loluju.
23 “Ngalelolanga zonke izindawo ezazilezihlahla zamagilebisi ezingu-1 000 ezingathengwa ngenhlamvu zesiliva ezingu-1 000 zizasala zilokhula lezihlahla zameva kuphela. 24 Abantu bazakuya khona bethwele amadandili* lemitshoko ngoba ilizwe lonke liyabe seligcwele izihlahla zameva lokhula. 25 Awusoze usondele kuzo zonke izintaba lapho okwakucentwa khona ngamakhuba ngoba uyabe usesaba izihlahla zameva lokhula. Izintaba lezo zizakuba ngamadlelo enkomo lezimvu.”
8 UJehova wathi kimi: “Thatha ilitshe elikhulu eliyisibhebhedu+ ubhale kulo amabala alula ngosiba uthi, ‘Maheri-shalali-hashi-bhazi.’* 2 Ozakubhala ngizakwenza ukuthi kufakazelwe* ngofakazi abathembekileyo, u-Uriya+ umphristi loZakhariya indodana kaJebherekhiya.”
3 Ngemva kwalokho ngalala lomphrofethikazi* wazithwala futhi ngokuya kwesikhathi wabeletha indodana.+ UJehova wasesithi kimi: “Yinike ibizo elithi Maheri-shalali-hashi-bhazi 4 ngoba umfana engakenelisi ukuthi, ‘Baba!’ lokuthi ‘Mama!’ inotho yeDamaseko lempahla yeSamariya izathathwa phambi kwenkosi yase-Asiriya.”+
5 UJehova waphinda wakhuluma lami wathi:
6 “Ngenxa yokuthi abantu laba bawalile amanzi aseShilowa*+ ageleza kuhle,
Bathokoza ngoRezini lendodana kaRemaliya,+
7 UJehova uzakwehlisela phezu kwabo
Amanzi omfula* amanengi lalamandla,
Yona kanye inkosi yase-Asiriya+ layo yonke inkazimulo yayo.
Izagcwala kuzo zonke izifula zayo
Igcwale ize iyefika emakhunjini ayo wonke,
8 Izafohlela elizweni lakoJuda,
Ikhukhule njalo ikhwele ize iyefika entanyeni,+
Impiko zayo ezeluliweyo zizafika ezindaweni zonke zelizwe lakho,
9 Dalani umonakalo lina zizwe kodwa lizaphahlazwa libe yizicucu.
Lalelani lina abavela ezindaweni ezikhatshana zomhlaba!
Lungiselelani impi kodwa lizaphahlazwa libe yizicucu!+
Lungiselelani impi kodwa lizaphahlazwa libe yizicucu!
10 Bumbani icebo kodwa lizafadalala!
11 UJehova wakhuluma lami isandla sakhe esilamandla siphezu kwami, engixwayisa ukuthi ngingalandeli indlela yabantu laba, wathi:
12 “Nxa abantu laba besithi kulecebo elibi, lingalandeli lokho abakutshoyo.
Lingakwesabi abakwesabayo;
Lingakuqhuqhi.
13 UJehova wamabutho nguye okumele likwazi ukuthi ungcwele,+
Nguye okumele limesabe,
Njalo nguye okumele limhloniphe.”+
14 Uzakuba yindawo engcwele,
Aphinde abe njengelitshe abantu abazakhubeka kulo,
Lanjengedwala eliwisayo+
Kuzo zombili izindlu zako-Israyeli.
Uzakuba njengesifu* lomjibila
Kuzakhamizi zeJerusalema.
15 Abanengi babo bazakhubeka bawe baqamuke,
Bazathiywa babanjwe.
16 Goqela ubufakazi obubhaliweyo,
Uwuvale ngci umthetho,* ube phakathi kwabafundi bami.
17 Ngizaqhubeka ngimlindele ngabomvu uJehova,+ yena ofihlele indlu kaJakhobe+ ubuso bakhe njalo ngizathembela kuye.
18 Mina labantwana uJehova anginike bona+ sinjengezibonakaliso+ lezimangaliso ko-Israyeli, ezivela kuJehova wamabutho ohlala entabeni iZiyoni.
19 Nxa besithi kini: “Buzani kwabalamadlozi lakulabo abalomoya wokutshela abantu ngekusasa, abakhuluma benyenyeza njalo bengunguna,” lizakwenza yini lokho? Abantu akumelanga babuze kuNkulunkulu wabo yini? Kambe okwabaphilayo kumele kubuzwe kwabafileyo?+ 20 Hatshi! Abantu kumele bahlole umthetho lobufakazi obubhaliweyo.
Nxa bekhuluma okungahambelani lelizwi leli, kabalakho ukukhanya.+ 21 Umuntu ngamunye uzadlula elizweni ephakathi kosizi njalo elambile;+ uzakhangela phezulu athuke inkosi yakhe loNkulunkulu wakhe ngoba uyabe elambile futhi ezonde kakhulu. 22 Uzakhangela phansi abone usizi lobumnyama kuphela, ubumnyama obukhulu lobunzima, umnyama owesabekayo hatshi ukukhanya.
9 Kodwa ubumnyama lobu abusoze bufanane lalobo obabukhona ngesikhathi ilizwe lisebunzimeni, ngezikhathi zakuqala lapho ilizwe lakoZebhuloni lelakoNafithali lisakhangelelwa phansi.+ Kodwa ngokuhamba kwesikhathi uzakwenza ukuthi indawo leyo ihlonitshwe, yona kanye indlela eya elwandle esabelweni seJodani, iGalile yabezizweni.
2 Abantu ababehamba emnyameni
Sebebone ukukhanya okukhulu.
Labo abahlala elizweni lobumnyama,
Ukukhanya sekufikile kubo.+
3 Ususikhulisile isizwe;
Wenza abantu baso bathokoza kakhulu.
Bayathokoza phambi kwakho,
Njengabantu abajabulayo ngesikhathi sokuvuna
Lanjengalabo ababelana inotho ethunjiweyo bethokoza.
4 Usuphahlaze ijogwe abalithweleyo laba zimvava,
Waphahlaza lentonga esemahlombe abo, yona kanye induku yalabo ababacindezelayo
Njengasosukwini lukaMidiyani.+
5 Wonke amajambo anyathela umhlaba usale unyikinyeka
Lazo zonke izigqoko ezigxanyuzwe egazini,
Kuzakuba yikudla komlilo.
Izabizwa ngokuthi nguMeluleki Omangalisayo,+ uNkulunkulu Olamandla,+ uBaba Waphakade langokuthi nguMbusi Wokuthula.
7 Ukwanda kombuso wayo* akuyikuba lomkhawulo,
Lokuthula akusoze kuphele+
Esihlalweni sobukhosi sikaDavida+ lasembusweni wayo.
Ukuze umiswe uqine+ njalo usekelwe
Ngokulunga+ langokwahlulela okuhle+
Kusukela khathesi kuze kube nini lanini.
UJehova wamabutho uzatshisekela ukukwenza lokho.
8 UJehova uthumele ilizwi exwayisa uJakhobe
Njalo selifikile ku-Israyeli.+
9 Lizafika ezindlebeni zabantu bonke,
Abako-Efrayimi labantu beSamariya
Abakhuluma beziphakamisa beqholoza besithi:
10 “Lanxa izitina seziwile
Thina sizakwakha ngamatshe abaziweyo,+
Lanxa izihlahla zomsikhamori seziganyuliwe
Thina sizasebenzisa ezomsedari.”*
11 UJehova uzakwenza izitha zikaRezini zimelane laye,*
Uzakwenza izitha zakhe zimsusele amanqe,
12 ISiriya izathutsha ivela empumalanga, amaFilisti athutshe evela entshonalanga,*+
Bazavula imilomo yabo badlithize u-Israyeli.+
Ulaka lwakhe alukabohli ngenxa yakho konke lokhu,
Ulokhu ephakamise isandla sakhe ukuze abatshaye.+
13 Phela abantu kababuyelanga kulowo obatshayayo,
Kabazange bamdinge uJehova wamabutho.+
15 Ikhanda leli ngumuntu osekhulile ohlonitshwa kakhulu,
Umsila wona ngumphrofethi otshela abantu izinto ezingamanga.+
16 Abakhokheli babantu laba benza bahlanhlathe,
Lalabo abakhokhelwayo kabakwazi lokuthi okuyikho yikuphi.
17 Yikho uJehova engasoze athokoze ngamajaha abo,
Njalo kasoze azizwele isihawu izintandane zabo labafelokazi babo
Ngoba bonke bangabahlamuki futhi benza okubi.+
Imilomo yabo bonke ikhuluma izinto ezingelangqondo.
Ulaka lwakhe alukabohli ngenxa yakho konke lokhu,
Ulokhu ephakamise isandla sakhe ukuze abatshaye.+
18 Ububi butshisa njengomlilo,
Butshisa bulobise inkotha lezihlahla zameva.
Buzalumathisa lezihlahla eguswini,
Zitshe kuqubuke amayezi entuthu.
19 Ilizwe selithungelwe ngomlilo
Ngenxa yolaka lukaJehova wamabutho,
Njalo abantu bazakuba yikudla komlilo.
Kakho loyedwa ozanceda umfowabo.
20 Omunye uzasika inyama kwesokudla
Kodwa asale elambile;
Omunye uzakudla inyama kwesenxele
Kodwa kasoze asuthe.
Umuntu ngamunye uzakudla inyama yengalo yakhe,
21 UManase uzakudla u-Efrayimi,
Lo-Efrayimi adle uManase.
Bobabili bazamelana loJuda.+
Ulaka lwakhe alukabohli ngenxa yakho konke lokhu,
Ulokhu ephakamise isandla sakhe ukuze abatshaye.+
10 Maye kulabo ababeka imilayo eyingozi,+
Abaqhubeka bebhala imithetho ecindezelayo,
2 Behlose ukuthathela abayanga amalungelo abo,*
Lokwahlulela kubi abantukazana abaphakathi kwabantu bami,+
Bethathela abafelokazi impahla yabo,
Bethumba impahla yezintandane.+
4 Akula okunye okungenziwa ngaphandle kokuguqa phakathi kwezibotshwa,
Kumbe ukuwela phakathi kwababuleweyo.
Ulaka lwakhe alukabohli ngenxa yakho konke lokhu,
Ulokhu ephakamise isandla sakhe ukuze abatshaye.+
5 “Nango um-Asiriya,+
Intonga engizatshengisa ngayo ulaka lwami,+
Ngizajezisa ngenduku esesandleni sakhe!
6 Ngizamthuma ukuthi ayemelana lesizwe esihlamukayo,+
Amelane labantu abangithukuthelisileyo,
Ngizamthuma ukuthi athumbe okunengi, athathe lempahla enengi,
Lokuthi abavoxe njengodaka olusemigwaqweni.+
7 Kodwa ayisikho azabe efuna ukukwenza,
Ayisikho azabe ekuhlosile enhliziyweni yakhe,
Ngoba okusenhliziyweni yakhe yikuthi atshaye abhuqe,
Atshabalalise izizwe ezinengi hatshi ezilutshwana nje.
8 Ngoba uthi,
‘Izikhulu zami zonke kazisiwo makhosi yini?+
9 IKhalino+ ayifanani leKharikhemishi+ yini?
IHamathi+ ayifanani le-Ariphadi+ yini?
ISamariya+ ayifanani leDamaseko+ yini?
10 Sengiyithethe ngesandla sami imibuso yabonkulunkulu abangelancedo,
Ebilezithombe ezibaziweyo ezinengi ukwedlula ezeJerusalema lezeSamariya.+
11 Lokho engikwenze eSamariya lakubonkulunkulu bayo abangelancedo,
Ayisikho yini engizakwenza eJerusalema lasezithombeni zayo?’+
12 “Nxa uJehova eseqedile wonke umsebenzi wakhe entabeni iZiyoni laseJerusalema, uzayijezisa* inkosi yase-Asiriya ngenxa yobuqholo bayo lokuzigqaja kanye lokuziphakamisa kwamehlo ayo,+ 13 ngoba inkosi le ithi,
‘Ngizakwenza lokho ngesandla sami esilamandla,
Langokuhlakanipha kwami ngoba ngikhaliphile.
14 Isandla sami sizathatha impahla yezizwe,
Njengomuntu olalamela isidleke;
Ngizaqoqa umhlaba wonke,
Njengalowo oqoqa amaqanda atshiyiweyo.
Kakho ozatshaya amaphiko akhe loba avule umlomo kumbe atshiyoze.’”
15 Kambe ihloka lingazithi lingcono kulalowo ogamula ngalo yini?
Isaha ingazithi ingcono kulalowo oyisebenzisayo na?
Induku+ ingamnyikinya yini lowo oyithwalayo?
Intonga ingamphakamisa yini lowo ongenziwanga ngesigodo?
16 Yikho-ke, iNkosi yeqiniso uJehova wamabutho,
Izakwenza ukuthi abantu bayo* abazimukileyo bacake babe ngamathambo,+
Ilumathise umlilo ovuthayo ngaphansi kwenkazimulo yayo.+
17 Ukukhanya* kuka-Israyeli+ kuzakuba ngumlilo,+
ONgcwele wakhe uzakuba lilangabi,
Lizalavuka litshise lilobise ukhula lwakhe lezihlahla zakhe zameva ngelanga elilodwa.
18 Uzabuqeda du bonke ubuhle begusu lakhe lobesivande sakhe,
Buzafanana lomuntu ogulayo olokhu ecikizeka.+
19 Izihlahla ezisele eguswini lakhe
Zizakuba zilutshwana okokuthi umfanyana angazibala aziqede.
20 Ngalelolanga abaseleyo ko-Israyeli
Labasindileyo endlini kaJakhobe,
Kabasoze baqhubeke bebambelele kulowo owabatshayayo,+
Kodwa bazabambelela kuJehova,
Bathembeke kuye oNgcwele ka-Israyeli.
21 Kuzabuyela abalutshwana kuphela,
Abaseleyo bakaJakhobe yibo abazabuyela kuNkulunkulu olamandla.+
22 Lanxa abantu bakho wena Israyeli
Bebanengi njengetshebetshebe yolwandle,
Kuzabuyela abalutshwana abaseleyo.+
23 Ukubhujiswa lokhu okumiswe yiNkosi Enkulu uJehova wamabutho,
Kuzakuba khona elizweni lonke.+
24 Yikho-ke nanku okutshiwo yiNkosi Enkulu uJehova wamabutho: “Bantu bami abahlala eZiyoni, lingamesabi um-Asiriya obejayele ukulitshaya ngentonga futhi obeliphakamisela induku+ yakhe njengalokho okwakusenziwa yiGibhithe.+ 25 Ngesikhatshana nje ukujeziswa lokho kuzaphela, ulaka lwami ngizaluqondisa kuye aze atshabalale.+ 26 UJehova wamabutho uzamphakamisela umchilo+ njengalokho akwenza ngesikhathi enqoba uMidiyani edwaleni le-Orebhi.+ Intonga yakhe izakuba phezu kolwandle futhi uzayiphakamisa njengalokho akwenza eGibhithe.+
27 Ngalelolanga umthwalo wakhe uzasuswa emahlombe akho,+
Lejogwe lakhe lisuswe entanyeni yakho,+
Njalo ijogwe lelo lizakwephulwa+ ngenxa yamafutha.”
30 Khala uhlabe umkhosi we ndodakazi yaseGalimi!
Lalela wena Layisha!
Lawe Anathothi+ ozihawulelayo!
31 IMadimena isibalekile.
Izakhamizi zeGebhimi sezidinge indawo yokucatsha.
32 Uzakuma eNobhi+ ilanga lingakatshoni,
Uzaphakamisa inqindi yakhe akhombele intaba yendodakazi yaseZiyoni,
Uqaqa lwaseJerusalema.
33 Khangela! INkosi yeqiniso uJehova wamabutho,
Iquma ingatsha kuzwakale umsindo owesabekayo,+
Izihlahla ezinde kakhulu ziyaganyulwa,
Lalezo eziphakemeyo ziwiselwa phansi.
34 Igamula izihlahla eziseguswini ngehloka,*
ILebhanoni izawiswa ngulowo olamandla.
2 Umoya kaJehova uzahlala phezu kwakhe,+
Umoya wokuhlakanipha+ lowokuzwisisa,
Umoya wokweluleka lowamandla+
Umoya wolwazi lowokwesaba uJehova.
3 Ukwesaba uJehova kuzamthokozisa.+
Kasoze ahlulele ngalokho akubona ngamehlo akhe,
Kumbe akhuze kusiya ngalokho akuzwe ngendlebe zakhe.+
5 Ukulunga kuzakuba libhanti ekhalweni lwakhe,
Lokuthembeka lakho kube libhanti ekhalweni lwakhe.+
6 lzinyane lemvu leganyana kuzaphumula ndawonye,*+
Ingwe ilale ndawonye lezinyane lembuzi,
lsilwane lethole kanye lenyamazana enonileyo kuzakuba ndawonye,*+
Njalo kuzakhokhelwa ngumfana omncane.
7 Inkomo lebhere kuzakudla ndawonye,
Amathole enyamazana lezi alale ndawonye.
Isilwane sizakudla utshani njengenkunzi.+
8 Umntwana omunyayo uzadlalela lapho okulomlindi wephimpi khona,
Lomntwana okhutshwe ebeleni uzafaka isandla sakhe emlindini wenyoka eyingozi.
Loba kudilize kuyo yonke intaba yami engcwele,+
Ngoba emhlabeni kuzagcwala ulwazi olumayelana loJehova
Njengamanzi agcwele ulwandle.+
10 Ngalelolanga impande kaJese+ izakuma ibe yisibonakaliso* ebantwini.+
11 Ngalelolanga uJehova uzakwelula isandla sakhe okwesibili ukuze abuyise abaseleyo bakhe abalokhu bese-Asiriya,+ eGibhithe,+ ePhatrosi,+ eKhushi,+ e-Elami,+ eShinari,* eHamathi kanye lasezihlengeni zolwandle.+ 12 Uzaphakamisela izizwe isibonakaliso, aqoqe abako-Israyeli+ abasabaleleyo njalo abuthanise abakoJuda abahlakazekileyo emagumbini amane omhlaba.+
13 Umhawu ka-Efrayimi uzaphela,+
Lalabo abamelana loJuda bazatshabalaliswa.
U-Efrayimi kasoze abe lomhawu ngoJuda,
LoJuda kasoze amelane lo-Efrayimi.+
14 Bazakwehla behwitha ezindaweni ezehlileyo zamaFilisti, ngasentshonalanga;
Bazabambana bathumbe impahla yabantu baseMpumalanga.
Uzatshaya izifudlana zawo eziyisikhombisa* ngomoya wakhe otshisa bhe,
Enze ukuthi abantu bachaphe begqoke amanyathela abo.
16 Kuzakuba lomgwaqo omkhulu+ ophuma e-Asiriya owenzelwe abantu bakhe abaseleyo,+
Njengoba nje kwakulomgwaqo owawenzelwe ama-Israyeli ngelanga aphuma ngalo elizweni leGibhithe.
12 Ngalelolanga wena uzakuthi:
2 UNkulunkulu ungumsindisi wami.+
Ngizamthemba ngingesabi lutho,+
Ngoba uJah,* uJehova ungamandla ami lesivikelo sami,
Njalo usebe yinsindiso yami.”+
3 Lizawakha lithokoza amanzi
Asemithonjeni yensindiso.+
4 Ngalelolanga lizakuthi:
“Bongani uJehova libize ibizo lakhe,
Litshele izizwe ngemisebenzi yakhe!+
Memezelani ukuthi ibizo lakhe liphakeme.+
5 Hlabelani lidumise uJehova+ ngoba wenze izinto ezinkulu.+
Litshele umhlaba wonke ngalokho akwenzileyo.
6 Phakamisa ilizwi umemeze ngokuthokoza wena sakhamuzi seZiyoni,
Ngoba mkhulu oNgcwele ka-Israyeli ophakathi kwenu.”
13 Nansi isimemezelo salokho okuzakwehlela iBhabhiloni+ esabonwa ngu-Isaya+ indodana ka-Amozi embonweni:
2 “Phakamisa isibonakaliso*+ phezu kwentaba engelazihlahla.
Baphakamisele isandla ubamemeze,
Ukuze babuye bangene eminyango yabahlonitshwa.
3 Sengibanike umlayo labo engibakhethileyo.*+
Sengibize amaqhawe ami ukuze ngitshengise ulaka lwami,
Sengibize abantu bami abathokoziswa yikuzigqaja.
4 Lalelani! Kulexuku ezintabeni,
Umsindo walo ungathi ngowabantu abanengi!
Lalelani! Imibuso iyaxokozela,
Izizwe ezibuthene ndawonye ziyaxokozela!+
UJehova wamabutho uqoqa ibutho elizakuya empini.+
5 UJehova lezikhali zolaka lwakhe
Sebesiza bevela elizweni elikhatshana,+
Bevela emikhawuleni yamazulu,
Bezobhidliza umhlaba wonke.+
6 Hlabani umkhosi ngoba usuku lukaJehova selusondele,
Ukubhujiswa okuvela kuSomandla kuzafika ngalolosuku.+
8 Abantu sebebanjwe ngumhedehede.+
Sebebanjwe yinkantsho futhi basebuhlungwini,
Njengowesifazana ohelelwayo.
Bayakhangelana bemangele,
Ngobuso obugcwele usizi.*
9 Usuku lukaJehova luyeza,
Luzabe lulesihluku lolaka oluvuthayo lentukuthelo etshisa bhe.
Luzakwenza ilizwe libe yinto engakhangelekiyo,+
Lutshaye luthanyele izoni eziselizweni.
10 Izinkanyezi zamazulu kanye lamaqembu ezinkanyezi+
Akusoze kukhanyise,
Ilanga lizaphuma limnyama,
Lenyanga ayisoze ikhiphe ukukhanya kwayo.
11 Ngizajezisa umhlaba wonke ngenxa yobubi bawo,+
Ngijezise lababi ngenxa yeziphambeko zabo.
Ngizakuqeda du ukuzigqaja kwamaqhalaqhala,
Ngehlise lokuzikhukhumeza kwalabo abacindezela abanye.+
12 Ngizakwenza abantu babe balutshwana kulegolide elicengiweyo,+
Ngibenze babe balutshwana kulegolide lase-Ofiri.+
13 Ngizakwenza amazulu anyikinyeke,
Lomhlaba uzazanyazanyiswa usuke endaweni yawo+
Ngenxa yokuthukuthela kukaJehova wamabutho ngosuku lolaka lwakhe oluvuthayo.
14 Njengempala ezingelwayo lanjengomhlambi ongelamelusi,
Umuntu ngamunye uzabuyela ebantwini bakibo,
Ngamunye abalekele elizweni lakhe.+
15 Loba ngubani ozatholakala uzagwazwa,
Futhi loba ngubani ozabanjwa uzabulawa ngenkemba.+
16 Abantwababo bazataklazelwa phansi phambi kwabo,+
Lamakhosikazi abo abanjwe iganyavu.
Izindlu zabo zizagqekezwa.
17 Sengibavusela amaMede+ ukuthi ayemelana labo.
Phela kuwo isiliva asitsho lutho,
Legolide kawalandaba lalo.
18 Amadandili* awo azachoboza amajaha,+
Ngeke azwele loba yiluphi usana,
Njalo ngeke abe lesihawu ebantwaneni.
19 IBhabhiloni umbuso owawukhazimula ukwedlula yonke,+
Indawo amaKhaledi ayezigqaja ngobuhle bayo,+
Izafanana lamadolobho eSodoma leGomora lapho echithwa nguNkulunkulu.+
Kakho um-Arabhu ozamisa itende lakhe kuyo
Labelusi abasoze baphumuze imihlambi yabo kuyo.
21 Izinyamazana zenkangala zizalala kuyo;
Izindlu zabo zizagcwala izikhova.
22 Izinyamazana ezitshaya umkhulungwane zizabanga umsindo emiphotshongweni yayo,
Lamakhanka azakhala ezigodlweni zayo ezinhle.
Isikhathi sayo sesiseduze njalo amalanga ayo awasoze angezelelwe.”+
14 UJehova uzakuba lesihawu kuJakhobe+ njalo uzaphinda amkhethe u-Israyeli.+ Uzabahlalisa* elizweni labo+ futhi abezinye izizwe bazabambana labo bazihlanganise lendlu kaJakhobe.+ 2 Abantu bezinye izizwe bazathatha ama-Israyeli bawabuyisele endaweni yawo futhi wona azabenza babe yizinceku zabo zesilisa lezesifazana+ elizweni likaJehova. Labo ababewathumbile bazakuba yizigqili zawo bawasebenzele.
3 Ngelanga uJehova azakuphumuza ngalo ebuhlungwini lasebunzimeni kanye lasebugqilini obulukhuni,+ 4 nansi inkondlo ozayitsho* ngenkosi yaseBhabhiloni:
“Lowo obesebenzisa abantu ngenkani sekuze kwamfica laye!
Awu kwaze kwaphela ukucindezelwa!+
5 UJehova useyephulile intonga yababi,
Induku yababusi,+
6 Useyephulile intonga yalowo obetshaya abantu ngolaka, ebatshaya ngezibhakela ezingapheliyo,+
Lowo obenqoba izizwe ngokuthukuthela langesihluku esingapheliyo.+
7 Khathesi umhlaba wonke usuphumule, sekulokuhlaliseka.
Abantu bayamemeza ngentokozo.+
8 Izihlahla zomjunipha ziyathokoza ngokukwehleleyo,
Lezihlahla zemisedari zaseLebhanoni zithabile.
Zithi, ‘Selokhu wawa,
Akulamuntu ogamula izigodo osihlaselayo.’
9 Lengcwaba liyanyakaza khonale phansi
Ukuze likuhlangabeze nxa usubuya.
Liyabavusa abafileyo ngenxa yakho,
Bonke abakhokheli bomhlaba abalesihluku.
Lenza wonke amakhosi ezizwe asukume ezihlalweni zawo zobukhosi.
10 Bonke bayakhuluma bathi kuwe,
‘Kanti lawe awuselamandla njengathi?
Usufanana lathi yini?
11 Ukuzigqaja kwakho sekwehliselwe phansi engcwabeni
Kanye lomsindo weziginci zakho.+
Impethu zendlalwe ngaphansi kwakho zaba njengombheda,
Wembathiswa ngenhlavane.’
12 Ukhithikile uvela ezulwini
Ndodana yokusa, wena okhanyisayo!
Usuganyuliwe wawela phansi,
Wena obutshaya izizwe uzibhuqe.+
13 Ubusithi enhliziyweni yakho, ‘Ngizakwenyuka ngiye emazulwini.+
Ngizaphakamisa isihlalo sami sobukhosi siye ngaphezu kwezinkanyezi zikaNkulunkulu,+
Ngihlale phansi entabeni yokuhlangana,
Ezindaweni ezikhatshana ezisenyakatho.+
14 Ngizakhwela ngiye phezu kwamayezi,
Ngizenze ngifanane loPhezukonke.’
15 Kodwa uzakwehliselwa phansi engcwabeni,
Khonale ekucineni kwegodi.
16 Abakubonayo bazakuthi nhlo ngamehlo,
Bazakukhangelisisa bathi,
‘Le yiyo yini indoda ebinyikinya umhlaba,
Ebisenza imibuso iqhuqhe,+
17 Isenza lokuthi umhlaba wonke ube angathi yinkangala,
Ibhidliza lamadolobho awo,+
Njalo isala ukuthi izibotshwa zayo zibuyele kibo?’+
18 Wonke amanye amakhosi ezizwe,
Wonke nje, angcwatshwa ngendlela elesithunzi,
Yinye ngayinye ethuneni layo.*
19 Kodwa wena awulalo ingcwaba, ulahlelwe egcekeni
Njengehlumela elenyanyekayo.*
Wembathe ababuleweyo, abagwazwe ngenkemba,
Abalahlelwa egodini eligcwele amatshe,
Njengesidumbu esigxotshwagxotshwe ngenyawo.
20 Awusoze uhlangane labo engcwabeni,
Ngoba wazibhidlizela ilizwe lakho,
Wazibulalela labantu bakho.
Amabizo abantwana balabo abenza okubi azatshabalala.
21 Lungisani indawo yokubulalela amadodana akhe,
Ngenxa yecala labokhokho bawo,
Ukuze angavuki awuthathe umhlaba,
Abesegcwalisa ilizwe ngamadolobho awo.”
22 “Ngizamelana labo,”+ kutsho uJehova wamabutho.
“Ngizatshabalalisa ibizo kanye labaseleyo, ngitshabalalise izizukulwane kanye losendo lwabo eBhabhiloni,”+ kutsho uJehova.
23 “Ngizakwenza ukuthi ibe yindawo ehlala inungu,* ibe yindawo yamaxhaphozi njalo ngizayithanyela ngomthanyelo otshabalalisayo,”+ kutsho uJehova wamabutho.
24 UJehova wamabutho usefungile wathi:
“Engikuhlosileyo yikho kanye okuzakwenzakala,
Lalokho engikhethe ukukwenza kuzakwenzakala njengoba kunjalo.
25 Ngizachoboza um-Asiriya elizweni lami,
Ngimgxobagxobe ezintabeni zami.+
Ijogwe lakhe lizasuswa kubo,
Lomthwalo wakhe ususwe emahlombe abo.”+
26 Lokhu yikho osekumiselwe umhlaba wonke,
Lesi yiso isandla eseluliweyo* ukuze simelane lezizwe zonke.
27 UJehova wamabutho usekuhlelile,
Kambe ngubani ongakuvimba?+
Useselulile isandla sakhe,
Kambe ngubani ongasibuyisela emuva?+
28 Nansi isimemezelo esenziwa ngomnyaka iNkosi u-Ahazi eyafa ngawo:+
29 “Wena Filisti labo bonke abangabakho ungathokozi
Ngokuthi induku yalowo obekutshaya isiyephukile,
Ngoba empandeni yenyoka+ kuzaphuma inyoka elobuhlungu obuyingozi,+
Inzalo yayo izakuba yinyoka ephaphayo elobuhlungu obutshisayo.
30 Amazibulo abantukazana azakudla asuthe,
Labayanga bahlale bevikelekile,
Kodwa ngizakwenza ukuthi impande yakho ife ngendlala,
Abaseleyo bakho bazabulawa.+
31 Hlaba umkhosi, we gedi! Ukhale lawe dolobho!
Bonke abantu bakho bazaphela amandla, wena Filisti!
Ngoba kuza intuthu evela enyakatho,
Phakathi kwebutho lesitha kakho ozehlukanisa labanye.”
32 Kumele baziphendule njani izithunywa zesizwe?
Kumele bazitshele ukuthi uJehova usesakhile isisekelo seZiyoni,+
Lokuthi abantu bakhe abakhangelelwa phansi bazaphephela kuyo.
15 Nansi isimemezelo salokho okuzakwehlela iMowabi:+
I-Ari+ yaseMowabi isithulisiwe
Ngoba ibhidlizwe ngobusuku obubodwa nje.
IKhiri+ yaseMowabi isithulisiwe
Ngoba ibhidlizwe ngobusuku obubodwa nje.
IMowabi ikhalela iNebho+ leMedebha.+
Wonke amakhanda aphuciwe+ lazo zonke indevu zigeliwe.+
3 Bahamba emigwaqweni yayo begqoke izembatho zamasaka.
Bonke bayakhala bephezu kwezindlu lasemagcekeni edolobho,
Behla beqhinqa isililo.+
Yikho amadoda akoMowabi ahlomileyo eqhubeka ememeza.
Ilizwe liyaqhuqha.
5 Inhliziyo yami ikhalela iMowabi.
Abantu bayo ababalekayo sebeze bayafika eZowari+ lase-Egilathi-shelishiya.+
Baqansa umqanso waseLuhithi bekhala ezimathonsi,
Bayabubula besendleleni eya eHoronayimi ngenxa yomonakalo osubehlele.+
6 Amanzi aseNimirimi asetshile,
Utshani obebuluhlaza sebomile,
Akuselatshani futhi konke okuluhlaza sekuphelile.
7 Yikho sebehamba lakho konke okusele eziphaleni zabo lasenothweni yabo
Sebechapha isigodi sezihlahla zomphophula.
8 Kuzwakala umkhosi kulo lonke ilizwe lakoMowabi.+
Isililo sizwakala khonale e-Egilayimi,
Sizwakala khonale eBheri-elimi.
9 Amanzi aseDimoni agcwele igazi,
Njalo kusesekunengi engizakwehlisela indawo yaseDimoni:
Isilwane sizabamba abakoMowabi abaphunyukayo,
Lalabo abaseleyo elizweni.+
16 Thumela inqama kumbusi welizwe,
Isuke eSela, idabule enkangala
Ize iyefika entabeni yendodakazi yaseZiyoni.
3 “Sicebise, yenza osukukhethile.
Yenza isithunzi sakho sibe njengobusuku emini libalele.
Fihla abasabaleleyo njalo ungabathengisi ababalekayo.
4 Akuthi abantu bami abasabaleleyo bahlale kuwe, wena Mowabi.
Woba yindawo yabo yokucatshela lowo otshabalalisayo.+
Umcindezeli laye kuzamfica,
Ukutshabalaliswa kuzaphela,
Labagxobagxoba abanye bazaphela du emhlabeni.
5 Ngemva kwalokho isihlalo sobukhosi sizamiswa siqine ngothando oluqotho.
Lowo ozahlala kuso etendeni likaDavida uzabe ethembekile,+
Uzakwahlulela kuhle alethe ukulunga ngokuphangisa.”+
6 Sizwile ngokuzigqaja kukaMowabi, uyaziphakamisa sibili.+
Sizwile ngokuzikhukhumeza kwakhe lokuzigqaja kanye lolaka lwakhe,+
Kodwa amazwi akhe angatsho lutho azaphelela emoyeni.
7 AbakoMowabi bazayikhalela iMowabi,
Bonke bazalila.+
Abatshayiweyo bazakhalela amakhekhe aseKhiri-haresethi+ enziwe ngamagilebisi awonyisiweyo.
Ababusi bezizwe sebegxobagxobe ingatsha zaso ezilamagilebisi abomvu gebhu,
Besezikhule zaze zayafika eJazeri,+
Zaqhubeka zikhula zaze zayafika enkangala.
Amahlumela aso abesenabe aze ayafika elwandle.
9 Ngakho ngizasililela isihlahla samagilebisi saseSibhima ngendlela engililela ngayo iJazeri.
Awu Heshibhoni lawe Eliyale,+ ngizalimanzisa ngezinyembezi zami,
Ngoba sekuphelile ukumemezela kwenu isithelo sehlobo kanye lesivuno senu.*
10 Ukuthaba lokuthokoza sekususiwe esivandeni,
Akuselazingoma zokuthokoza kanye lokumemeza emasimini amagilebisi.+
11 Yikho ingaphakathi yami ikhalela iMowabi,+
Njengentambo zehabhu.*
Ingaphakathi yami iyalila ngenxa yeKhiri-haresethi.+
12 Lanxa uMowabi ezidinisa ngokukhonza endaweni ephakemeyo njalo esiyathandaza endaweni yakhe engcwele, akwenzayo akusoze kumncede ngalutho.+
13 Leli yilo ilizwi elalike lakhulunywa nguJehova mayelana leMowabi. 14 Khathesi uJehova uthi: “Ngeminyaka emithathu nje, iminyaka ezabalwa njengeyomuntu oqhatshiweyo,* inkazimulo yakoMowabi izakwenziwa ibe lihlazo kube lokuxokozela okukhulu. Abaseleyo bazabe bebalutshwana futhi bengelamandla.”+
17 Nansi isimemezelo salokho okuzakwehlela iDamaseko:+
3 Amadolobho avikelwe ngemiduli azanyamalala ko-Efrayimi,+
Lombuso unyamalale eDamaseko.+
Inkazimulo yabantu beSiriya abaseleyo
Izakuba njengenkazimulo yama-Israyeli,”* kutsho uJehova wamabutho.
4 “Ngalelolanga inkazimulo kaJakhobe izaphela nya.
Lanxa ubezimukile uzacaka.
5 Kuzakuba njengalapho umuntu evuna amabele amileyo,
Evuna izikhwebu zamabele ngesandla sakhe,
Njengalapho umuntu edobha amabele asele kuvunwa esigodini seRefayimi.+
6 Kuzasala okutshiywe ngabavuni kuphela,
Njengalapho isihlahla sama-oliva sibhulwa,
Kusale ama-oliva avuthiweyo amabili loba amathathu egatsheni oluphezulu,
Kusale amane kumbe amahlanu ezingatsheni zaso ezithela izithelo,”+ kutsho uJehova uNkulunkulu ka-Israyeli.
7 Ngalelolanga umuntu uzathembela kuMenzi wakhe njalo amehlo akhe azakhangela koNgcwele ka-Israyeli. 8 Kasoze athembele ema-alithareni+ azenzele wona ngezandla zakhe+ njalo kasoze akhangele lokho akwenze ngeminwe yakhe, kungaba yizithombe zika-Ashera* kumbe ama-alithare empepha.*
9 Ngalelolanga amadolobho akhe avikelwe ngemiduli azakuba njengendawo edeliweyo egangeni elikhulu,+
Njengogatsha olwatshiywa ngenxa ka-Israyeli.
Kuzasala kuyindawo engelalutho,
10 Ngoba usumkhohliwe uNkulunkulu+ wensindiso yakho,
Wehlulekile ukukhumbula iDwala+ eliyinqaba yakho.
Yikho ulima izivande ezinhle,
Uhlanyela kuzo amahlumela avela ezizweni.*
11 Emini ubiya uvitshe isivande sakho,
Ekuseni wenze ukuthi inhlanyelo yakho imile,
Kodwa isivuno sizanyamalala nxa usugula kakhulu futhi usulobuhlungu obungelaphekiyo.+
12 Lalela! Kulokuxokozela kwabantu abanengi,
Bayahlokoma njengokuduma kolwandle.
Kuzwakala umsindo wezizwe,
Umsindo wazo unjengokuhuba kwamanzi amanengi!
13 Izizwe zizakwenza umsindo onjengokuhuba kwamanzi amanengi.
UNkulunkulu uzazikhuza zibaleke ziye khatshana,
Zixotshwe kube angathi ngumule ophetshulwa ngumoya phezu kwezintaba,
Kube angathi yisihlahla sameva esiphetshulwa ngumoya wesiphepho.
14 Ntambama kuyesabeka.
Kungakasi abantu sebenyamalele.
Lesi yisabelo salabo abathumba izinto zethu,
Lomvuzo walabo abasithathela impahla yethu.
18 Maye kulo ilizwe elilomsindo wokukhala kwempiko zezibungu,
Ilizwe eliseduze lemifula yaseTopiya,+
2 Elithumela izithunywa ngolwandle,
Ukuthi zichaphe amanzi ngezikepe ezenziwe ngemihlanga, lisithi:
“Hambani lina zithunywa ezilesiqubu,
Liye esizweni sabantu abade, abalejwabu elibutshelezi,
Abantu abesatshwa kuyo yonke indawo,+
Liye esizweni esilamandla esinqobayo,
Elizweni elikhukhulwa yimifula.”
3 Lonke lina zakhamizi zelizwe, lani abahlala emhlabeni,
Lizakuzwa umsindo onjengokukhala kophondo.
Elizakubona kuzakuba njengesibonakaliso* esimiswe phezu kwezintaba.
4 Nanku uJehova angitshele khona:
“Njengokutshisa okuhangulayo lokukhanya kwelanga,
Njengamazolo akhithika ngesikhathi sokuvuna nxa kutshisa,
Ngizaqhubeka ngihlalisekile ngikhangele indawo* yami emiswe yaqina,
5 Ngoba isikhathi sokuvuna singakafiki,
Lapho ukuqhakaza sekuphelile njalo iluba selisiba ligilebisi elivuthiweyo,
Amahlumela azaqunywa ngengqamu zokuthena izihlahla,
Lokuthandelayo kuzaqunywa kukhitshwe.
6 Izidumbu zabo zizatshiyelwa inyoni ezisezintabeni ezidla inyama,
Zitshiyelwe lezilo zomhlaba.
Inyoni ezidla inyama zizakudla izidumbu lezo kuze kuphele ihlobo,
Njalo zonke izilo zomhlaba zizakudla izidumbu lezo kuze kuphele isikhathi sokuvuna.
7 Ngalesosikhathi kuzalethwa isipho kuJehova wamabutho,
Sivela esizweni sabantu abade, abalejwabu elibutshelezi,
Abantu abesatshwa kuyo yonke indawo,
Sivela esizweni esilamandla esinqobayo,
Elizweni elikhukhulwa yimifula,
Silethwe endaweni elebizo likaJehova wamabutho, entabeni iZiyoni.”+
19 Nansi isimemezelo salokho okuzakwehlela iGibhithe:+
Zwanini, uJehova uyeza eGibhithe egade iyezi eligijima ngesiqubu esikhulu.
Onkulunkulu beGibhithe abangelancedo bazaqhuqha phambi kwakhe,+
Inhliziyo zabantu beGibhithe ziphele amandla.*
2 “Ngizakwenza umGibhithe amelane lomGibhithe,
Bazakulwa bodwa.
Umuntu ngamunye uzahlasela umfowabo lomakhelwane wakhe,
Idolobho lihlasele idolobho, lombuso uhlasele umbuso.
3 AbaseGibhithe bazaphithana amakhanda,
Ngizaphambanisa amacebo abo.+
Bazadanela kubonkulunkulu babo abangelancedo,
Kuzanuse, kwabalamadlozi labalomoya wokutshela abantu ngekusasa.+
4 Ngizanikela abaseGibhithe enkosini elukhuni,
Bazabuswa yinkosi elesihluku,”+ kutsho iNkosi yeqiniso uJehova wamabutho.
5 Amanzi olwandle azacitsha,
Lomfula uzakutsha wome qha!+
6 Kuzanuka phu emifuleni;
Imisele yeNayili yaseGibhithe izabohla itshe.
Imihlanga lemizi kuzabola.+
7 Konke okumile eduze kwalapho umfula uNayili othela khona kuzakutsha,
Lazo zonke izindawo ezilinyiweyo eziseduze kukaNayili+ zizakoma.+
Konke kuzaphephuka kungaphindi kube khona.
8 Abagoli benhlanzi bazakhala,
Abaphosela amawuka enhlanzi kuNayili bazalila,
Lalabo abaphosela amambule* abo emanzini bazakuba balutshwana.
9 Abenza amalembu ngelineni+
Lalabo abenza amalembu amhlophe esigodweni sokweluka bazayangeka.
10 Abeluki bayo* bazadana,
Zonke izisebenzi eziqhatshiweyo zizakuba phakathi kosizi.
11 Izikhulu zaseZowani+ ziyizithutha,
Labeluleki bakaFaro abahlakaniphe ukwedlula bonke, bakhuluma amacebo angelangqondo.+
Limyengelani uFaro lisithi:
“Ngiyisizukulwane sabahlakaniphileyo,
Isizukulwane samakhosi asendulo”?
12 Bangaphi khathesi abantu bakho abahlakaniphileyo?+
Abakutshele nxa bekwazi lokho uJehova wamabutho afuna ukukwenza eGibhithe.
13 Izikhulu zaseZowani zenze ubuthutha,
Izinduna zezizwana zeGibhithe ziyiphambukisile.
14 UJehova useyiphithanise ingqondo.+
Benze iGibhithe yahlanhlatha kukho konke ekwenzayo
Njengesidakwa esidiyazela phezu kwamahlanzo aso.
15 IGibhithe izasala ingaselamsebenzi wokwenza,
Njalo akulalutho oluzakwenziwa likhanda kumbe ngumsila, loba ihlumela kumbe imizi.*
16 Ngalelolanga iGibhithe izakuba njengabesifazana. Izakwesaba kakhulu iqhaqhazele ngenxa yesandla sikaJehova wamabutho esiphakanyisiweyo ukuze simelane layo. + 17 Ilizwe lakoJuda lizakwenza iGibhithe idlele evalweni. Bazaqhuqha nxa besizwa ngalo ngenxa yalokho uJehova wamabutho asemise ukubehlisela khona.+
18 Ngalelolanga kuzakuba lamadolobho amahlanu elizweni laseGibhithe akhuluma ulimi lwaseKhenani+ njalo azafunga ukuthi aqotho kuJehova wamabutho. Elinye lakhona lizabizwa ngokuthi liDolobho Lokudiliza.
19 Ngalelolanga kuzakuba le-alithare likaJehova phakathi laphakathi kwelizwe laseGibhithe, kube lensika kaJehova emngceleni walo. 20 Kuzakuba luphawu kanye lobufakazi mayelana loJehova wamabutho elizweni laseGibhithe; ngoba bazakhala kuJehova ngenxa yalabo ababacindezelayo abesebathumela umsindisi omkhulu ozabahlenga. 21 UJehova uzakwenza abantu baseGibhithe bamazi, abaseGibhithe bazamazi uJehova ngalelolanga. Bazanikela imihlatshelo lezipho, benze lesifungo kuJehova basigcwalise. 22 UJehova uzayitshaya iGibhithe,+ ayitshaye aphinde ayelaphe. Abantu bakhona bazabuyela kuJehova, yena uzalalela ukukhala kwabo abelaphe.
23 Ngalelolanga kuzakuba lomgwaqo omkhulu+ osuka eGibhithe usiya e-Asiriya. I-Asiriya izabuya eGibhithe, leGibhithe iye e-Asiriya. IGibhithe le-Asiriya zizakhonza uNkulunkulu ndawonye. 24 Ngalelolanga u-Israyeli uzabambana leGibhithe le-Asiriya,+ kube yisibusiso emhlabeni, 25 ngoba uJehova uyabe esebabusisile wathi: “Kayibusiswe iGibhithe, bona kanye abantu bami, le-Asiriya, umsebenzi wezandla zami, lo-Israyeli, ilifa lami.”+
20 Ngomnyaka inkosi yase-Asiriya uSagoni eyathuma ngawo uTharithani* e-Ashidodi,+ uTharithani wafika walihlasela idolobho lelo walithumba.+ 2 Ngalesosikhathi ilizwi likaJehova lafika ku-Isaya+ indodana ka-Amozi, lathi: “Hamba uyekhipha isembatho sesaka esisekhalweni lwakho, ukhiphe lamanyathela asenyaweni zakho.” Ngakho wakwenza lokhu wasehamba enqunu futhi engagqokanga lutho enyaweni.
3 UJehova wasesithi: “Njengoba nje inceku yami u-Isaya ibihamba nqunu njalo ingagqokanga lutho enyaweni okweminyaka emithathu ukuze kube yisixwayiso+ lesibonakaliso salokho okuzakwenzakala eGibhithe+ laseTopiya,+ 4 inkosi yase-Asiriya izakhokhela abaseGibhithe abathunjiweyo+ labaseTopiya abaxotshwe elizweni labo, abadala labafana. Bazahamba benqunu njalo bengagqokanga lutho enyaweni, izihlalo zisegcekeni, ubunqunu beGibhithe busegcekeni.* 5 Labo abathemba iTopiya labazigqaja ngeGibhithe bazabanjwa ngumhedehede bayangeke. 6 Ngalelolanga abantu abahlala eduze kolwandle bazakuthi, ‘Khangelani ukuthi sekwenzakaleni ethembeni lethu, lapho ebesibalekela khona nxa sifuna uncedo kanye lokukhululwa enkosini yase-Asiriya! Pho sesizaphephela ngaphi?’”
21 Isimemezelo salokho okuzakwehlela inkangala enjengolwandle:*+
Kukhona okuza njengomoya wesiphepho ovunguza usuka eningizimu, Kuza kuvela enkangala, elizweni elesabekayo.+
2 Ngitshengiswe umbono ozwisa usizi:
Oliqili uyaqila,
Lobhubhisayo uyabhubhisa.
Hlasela we Elami! Uvimbezele lawe Mede!+
Ngizakuqeda konke ukububula ekubangeleyo.*+
3 Ngiphakathi kobuhlungu ngenxa yombono lo.*+
Ngisebuhlungwini
Njengomama obelethayo.
Ngikhathazeke kakhulu okokuthi ngeke ngizwe lutho,
Ngihlupheke kakhulu okokuthi angisaboni.
4 Inhliziyo yami iphela amandla, ngiyaqhuqha ngokwesaba.
Ukuhlwa ebengikufisa kungenza ngiqhaqhazele.
5 Lungisani itafula, lilungise lezitulo!
Dlanini linathe!+
Sukumani lina zikhulu, gcobani ihawu.
6 Nanku uJehova angitshele khona:
“Hamba uyebeka umlindi ubususithi abike lokho akubonayo.”
7 Ngakho umlindi wabona inqola yempi eyayidonswa ngamabhiza,
Lenqola yempi eyayidonswa ngobabhemi,
Lenqola yempi eyayidonswa ngamakamela.
Wakhangelisisa ngonanzelelo, ngelihlo lokhozi.
8 Ngemva kwalokho wamemeza njengesilwane esibhongayo wathi:
“Awu Jehova ngiqhubeka ngimi phezu kwenqabayokulinda imini yonke,
Ubusuku ngabunye ngiyabe ngimi endaweni yami yokulinda.+
9 Khangela okuzayo:
Amadoda asenqoleni yempi edonswa ngamabhiza.”+
Wasesithi:
“Isiwile! IBhabhiloni isiwile!+
Bonke onkulunkulu bayo ababaziweyo usebaphahlazele phansi.”+
10 O bantu bami eselibhulwe njengamabele,
Lina eliyisivuno sesiza sami,*+
Sengilitshelile lokho engikuzwe ngoJehova wamabutho, uNkulunkulu ka-Israyeli.
11 Isimemezelo salokho okuzakwehlela iDuma:*
Kulomuntu ongimemezayo eSeyiri,+ esithi:
“Mlindi, ubusuku buyaphela nini?
Mlindi, ubusuku buyaphela nini?”
12 Umlindi wathi:
“Ukusa kuyeza lobusuku buyeza.
Nxa lifuna ukubuza, buzanini.
Liphinde libuye futhi.”
13 Isimemezelo salokho okuzakwehlela indawo elugwadule:
Ebusuku lizalala egangeni endaweni elugwadule,
Lina qembu lezihambi zaseDedani.+
15 Ngoba babalekele izinkemba, inkemba esilungele ukugwaza,
Babalekela ledandili* elilungele ukutshoka* kanye lesihluku sempi.
16 Nanku uJehova angitshele khona: “Yonke inkazimulo yeKhedari+ izaphela ngomnyaka owodwa nje, njengeminyaka yomuntu oqhatshiweyo.* 17 Amabutho aseKhedari athwala imitshoko azasala emalutshwana ngoba uJehova uNkulunkulu ka-Israyeli usekhulumile.”
22 Isimemezelo esimayelana lesigodi sombono:*+
Uhlutshwa yini osekwenze abantu bakho bonke bakhwela phezu kwezindlu?
2 Bekugcwele ingxabangxoza kuwe,
Ubulidolobho elixokozelayo lelithaba kakhulu.
Ababuleweyo bakho ababulawanga ngenkemba,
Njalo abafelanga empini.+
3 Bonke ababusi bakho abalesihluku babaleke ndawonye.+
Bathunjiwe babotshwa kungeladandili.*
Bonke abatholakeleyo babotshiwe,+
Lanxa bebebaleke baya khatshana.
4 Yikho ngithe: “Ungangikhangeli,*
Ungazami ukungiduduza.
5 Ngoba leli lilanga lokuxokozela lokunqotshwa lokwethuka,+
Okulethwe yiNkosi Enkulu uJehova wamabutho,
Esigodini sombono.
Umduli uyadilizwa,+
Umsindo wokukhala ufika entabeni.
IKhiri+ isililungisile* ihawu.
7 Izigodi zakho ezinhle kakhulu
Zizagcwala izinqola zempi.
Amabhiza azakuma* ezindaweni zawo egedini,
8 Isivikelo sikaJuda sisuswe.
“Ngalolosuku wena uzathemba izikhali eziseNdlini yeGusu,+ 9 futhi lizabona izikhala ezinengi emdulini wedolobho likaDavida.+ Lizakukha amanzi liwagcine echibini elingaphansi.+ 10 Lizabala izindlu zeJerusalema, lidilize ezinye zazo ukuze liqinise umduli. 11 Lizakwakha indawo phakathi laphakathi kwemiduli emibili ukuze ligcinele kuyo amanzi echibi elidala kodwa akulamuntu ozakhangela kuMenzi walo omkhulu njalo kalisoze limbone lowo owalenza kudala.
12 Ngalolosuku iNkosi Enkulu uJehova wamabutho
Izakuthi abantu bakhale njalo balile,+
Amakhanda aphucwe, kugqokwe izembatho zamasaka.
13 Kodwa bona bayazikholisela futhi bayajabula,
Inkomo ziyabulawa lezimvu ziyahlatshwa,
Kudliwa inyama kunathwe lewayini.+
Bathi: ‘Kasidleni sinathe ngoba kusasa sizakufa.’”+
14 Ngemva kwalokhu ngezwa ilizwi likaJehova wamabutho lisithi: “‘Isono lesi elisenzileyo kasisoze sihlawulelwe lize life lina bantu,’+ kutsho iNkosi Enkulu uJehova wamabutho.”
15 Nanku okutshiwo yiNkosi Enkulu uJehova wamabutho: “Hamba uyebona umphathi okuthiwa nguShebhina+ okhangela indlu yenkosi,* uthi kuye, 16 ‘Ufunani lapha, njalo ngubani okunike imvumo yokuthi uzigebhele ingcwaba?’ Phela uShebhina usezigebhela ingcwaba endaweni ephezulu, uzigebhela indawo yokuphumula edwaleni. 17 Ngakho wothi kuye, ‘Zwana wena ndoda! UJehova uzakutaklazela phansi, akuxhakalaze. 18 Uzakugoqa akubophe mfi, akuphose njengebhora elizweni elibanzi. Uzafela khona, izinqola zakho ezikhazimulayo zizasala khonale, kube lihlazo endlini yenkosi yakho. 19 Ngizakukhipha esikhundleni sakho, ngikuxotshe emsebenzini owenzayo.
20 “‘Ngalelolanga ngizabiza inceku yami u-Eliyakhimu,+ indodana kaHilikhiya. 21 Ngizamgqokisa isembatho sakho, ngithathe ibhanti lakho ngimbophe ngalo ngiqinise,+ besengifaka umbuso wakho* esandleni sakhe. Uzakuba ngubaba ezakhamizini zeJerusalema lasendlini kaJuda. 22 Ngizafaka ikhiye yendlu kaDavida+ ehlombe lakhe. Uzavula kungabi lovalayo, avale kungabi lovulayo. 23 Ngizambethela njengesikhonkwane endaweni eqinileyo futhi uzakuba njengesihlalo sobukhosi esilenkazimulo endlini kayise. 24 Yonke inkazimulo yendlu kayise izaphanyekwa phezu kwakhe, izizukulwane kanye labantwana, lazo zonke izitsha ezincane leziyingubhe, lazo zonke imbiza ezinkulu.
25 “‘Ngalelolanga,’ kutsho uJehova wamabutho, ‘isikhonkwane esibethelwe endaweni eqinileyo sizakhitshwa+ siqunywe siwele phansi. Umthwalo obuphezu kwaso uzakuwa ubhidlike ngoba uJehova usekhulumile.’”
23 Isimemezelo esimayelana leThire:+
Hlabani umkhosi lina mikhumbi yeThashishi!+
Ngoba itheku* selidiliziwe, akusangeneki kulo.
Laselizweni laseKhithimu+ sekuveziwe lokhu.
2 Thulani lina zakhamizi eziseduze kolwandle.
Abathengisi baseSidoni+ abadabula olwandle sebelenze lanotha kakhulu.
3 Amabele aseShihori*+ abehanjiswa ngemikhumbi phezu kwamanzi amanengi,
Isivuno seNayili ebesinika iThire imali,
Silethela izizwe inzuzo.+
4 Yangeka Sidoni wena oyinqaba yolwandle,
Ngoba ulwandle luthe:
“Angikaze ngihelelwe njalo kangikaze ngibelethe.
Kangikaze ngikhulise amajaha kumbe izintombi.”*+
5 Abantu bazakuzwa ubuhlungu nxa besizwa umbiko ngeThire,+
Kuzakuba njengamhla besizwa umbiko ngeGibhithe.+
6 Chaphani liye eThashishi!
Hlabani umkhosi lina zakhamizi eziseduze kolwandle!
7 Leli yilo yini idolobho lenu ebelilenjabulo kusukela kudala ezikhathini zalo zakuqala?
Inyawo zabantu balo bezibafikisa emazweni akhatshana ukuze bayehlala khona.
8 Ngubani osekhethe ukwenza lokhu ngeThire?
Yona ebisethesa imiqhele,
Ilabantu abathengisayo abayizikhulu
Njalo ilabathengisi abahlonitshwayo kuwo wonke umhlaba.+
9 UJehova wamabutho nguye osekhethe ukwenza lokhu,
Ukuze aqede ukuzigqaja kwayo ngobuhle bayo bonke,
Ayangise bonke abahlonitshwayo emhlabeni wonke.+
10 Awu ndodakazi yeThashishi dabula elizweni lakho usabalale njengomfula uNayili,
Ngoba indawo yokufikela imikhumbi ayisekho.*+
11 Welulele isandla sakhe phezu kolwandle,
Usenyikinye imibuso.
UJehova usethe izinqaba zeFenikhiya zitshabalaliswe.+
12 Uthi: “Awusoze uphinde uthokoze+
Wena ocindezelweyo, ndodakazi eyintombi egcweleyo yaseSidoni.
Sukuma uchaphele eKhithimu.+
Lakhonale awusoze ukuthole ukuphumula.”
13 Khangela ilizwe lamaKhaledi.+
Amisa imiphotshongo yawo yokuvimbezela,
Atshiya imiduli yayo evikelweyo isegcekeni,+
Ayitshiya ilunxiwa.
14 Hlabani umkhosi lina mikhumbi yeThashishi,
Ngoba inqaba yenu isidiliziwe.+
15 Ngalelolanga iThire kayisoze ikhunjulwe okweminyaka engu-70,+ isikhathi esilingana lesokuphila kwenkosi eyodwa. Ngemva kweminyaka engu-70 okuzakwenzakala eThire kuzafanana lalokho okutshiwo yingoma emayelana lesifebe, ethi:
16 “Thatha ihabhu* uhambahambe edolobheni wena sifebe ebesesingasakhunjulwa.
Tshaya ihabhu lakho kamnandi,
Hlabela ingoma ezinengi,
Ukuze bakukhumbule.”
17 Ngemva kweminyaka engu-70 uJehova uzayikhumbula iThire njalo izabuyela kulokho ebiziphilisa ngakho futhi izafeba layo yonke imibuso yomhlaba. 18 Kodwa inzuzo yayo lembadalo yayo izakuba ngcwele kuJehova. Kayisoze ilondolozwe kumbe igcinwe ngoba imbadalo leyo izakuba ngeyabantu bakaJehova,* ukuze badle basuthe, bagqoke lezigqoko ezinhle kakhulu.+
24 Khangela! UJehova uyalichitha ilizwe* alitshiye lingelalutho.+
Uyaligenqula,+ enze izakhamizi zalo zihlakazeke.+
2 Abantu bonke bazasala befanana:
Abantu lomphristi,
Inceku lenkosi yayo,
Incekukazi lowesifazana oyiqhatshileyo,
Umthengi lothengisayo,
Obolekayo lobolekisayo,
Olesikwelede lokweledisayo.+
4 Ilizwe liyalila*+ njalo selitshabalala.
Ilizwe elithelayo liyabuna futhi seliphelile.
Abantu belizwe abadumileyo abaselamandla.
6 Yikho ilizwe selibhidlika ngenxa yesiqalekiso,+
Labahlala kulo balecala.
Yikho izakhamizi zelizwe sezizilutshwana,
Sekusele abantu abalutshwana kakhulu.+
7 Iwayini elitsha liyalila,* lesihlahla samagilebisi siyabuna,+
Bonke abachelesileyo enhliziyweni sebebubula.+
8 Umsindo othokozisayo wamathamborini usuphelile,
Umsindo wabaxokozelayo awusekho,
Lomsindo othokozisayo wokukhala kwehabhu* usuphelile.+
9 Banatha iwayini kungelangoma ezihlatshelwayo
Utshwala bubaba gamu kwababunathayo.
10 Idolobho elingelamuntu selidilikile,+
Indlu ngayinye ivalwe ngci ukuze kungangeni muntu.
11 Bakhalela iwayini besemigwaqweni.
Ukuthaba konke sekuphelile,
Intokozo ebiselizweni ayisekho.+
12 Idolobho selisele lingamanxiwa;
Igedi selidiliziwe lasala liyinqumbi yezibi.+
13 Nanku okuzakwenzakala phakathi kwabantu elizweni:
Kuzakuba njengalapho isihlahla sama-oliva sibhulwa,+
Kube njengamagilebisi amalutshwana aseleyo, lapho ukuvuna sekuphelile.+
14 Bazakhweza ilizwi labo,
Bamemeze ngentokozo.
Bazamemezela ubukhulu bukaJehova beselwandle.*+
15 Bazamkhazimulisa uJehova besesabelweni sokukhanya,*+
Bakhazimulise ibizo likaJehova uNkulunkulu ka-Israyeli besezihlengeni zolwandle.+
16 Sizwa izingoma ezivela emikhawulweni yomhlaba:
“Kakhazinyuliswe Lowo Olungileyo!”+
Kodwa ngithi: “Angiselamandla, angiselamandla!
Maye babo! Abangamaqili benze ubuqili,
Amaqili aqila ngobuqili.”+
17 Wena sakhamuzi selizwe ulindelwe yikwesaba lamagodi lemijibila.+
18 Loba ngubani obalekela umsindo owesabekayo uzawela egodini,
Lalowo ophuma egodini uzabanjwa ngumjibila.+
Amagedi ezimpophoma zasezulwini azavulwa,
Izisekelo zelizwe zizanyikinyeka.
20 llizwe liyadiyazela njengomuntu odakiweyo,
Liyazunguzeka njengendlu ezunguzwa ngumoya.
Lisindwa yisiphambeko salo,+
Lizakuwa lingaphindi livuke.
21 Ngalelolanga uJehova uzakwahlulela ibutho elisezindaweni eziphezulu,
Kanye lamakhosi asemhlabeni.
22 Bazabuthaniswa ndawonye
Njengezibotshwa ezivalelwe egodini.
Bazavalelwa ejele,
Ngemva kwezinsuku ezinengi bazahlolwa.
23 Inyanga* egcweleyo izayangiswa,
Lelanga elicazimulayo lizakuba lenhloni,+
Ngoba uJehova wamabutho useyiNkosi+ entabeni iZiyoni+ laseJerusalema,
25 Awu Jehova, wena unguNkulunkulu wami.
Ngiyakuphakamisa njalo ngiyalidumisa ibizo lakho,
Ngoba wenze izinto ezinhle kakhulu,+
Izinto owawuhlose ukuzenza kusukela ezikhathini zasendulo,+
Ngokuthembeka+ langobuqotho.
2 Wenze idolobho laba yinqwaba yamatshe,
Wenza idolobho elivikelweyo laba lunxiwa.
Umphotshongo wabezizweni kawuseyilo idolobho,
Njalo kalisoze liphinde lakhiwe.
3 Yikho abantu abalamandla bezakunika udumo,
Idolobho lezizwe ezilolunya lizakwesaba.+
4 Ngoba usube yinqaba yomuntukazana,
Inqaba yomyanga ekuhluphekeni kwakhe,+
Isiphephelo sokucatshela izulu elina ngamandla,
Lomthunzi wokucatshela ukutshisa.+
Lapho ulaka oluvuthayo lwabalesihluku lunjengesiphepho esitshaya emdulini,
5 Lanjengokutshisa elizweni elomileyo,
Uyakuqeda ukuxokozela kwabantu bezizweni.
Ingoma yabalesihluku iyathuliswa,
Njengokutshisa okuvalwa ngumthunzi weyezi.
6 Entabeni le+ uJehova wamabutho uzakwenzela abantu bonke
Idili elilezibiliboco,+
Idili elilewayini elimnandi,
Lokudla okuhlabusayo okulenyama enonileyo,*
Lewayini elimnandi elicengekileyo.
8 Uzakuqeda* ukufa kungasaphindi kube khona,+
INkosi Enkulu uJehova izakwesula izinyembezi ebusweni babantu bonke.+
Izasusa ihlazo elisebantwini bayo kuwo wonke umhlaba,
Ngoba uJehova ngokwakhe usekhulumile.
9 Ngalelolanga bazakuthi:
“Lo nguye uNkulunkulu wethu!+
Lo nguJehova!
Sithembele kuye.
Kasithokozeni sijabule ngenxa yensindiso yakhe.”+
10 Isandla sikaJehova sizakuba phezu kwentaba le,+
IMowabi izanyathelwa isendaweni yayo+
Njengotshani obomileyo obunyathelelwa enqumbini yomquba.
11 Uzakwelula isandla sakhe ayitshaye iMowabi
Njengomuntu obhukutshayo otshaya amanzi ngezandla zakhe.
Uzakuqeda ukuziphakamisa kwayo+
Ngezandla zakhe ezilobungcitshi.
12 Uzalidiliza
Idolobho elivikelwe ngemiduli yakho* emide,
Uzaliwisela phansi, khona kanye ethulini.
26 Ngalelolanga elizweni lakoJuda+ kuzahlatshelwa ingoma le:+
“Siledolobho eliqinileyo.+
Wenza insindiso ibe yimiduli yalo kanye lezivikelo zalo.+
2 Vulani amagedi+ ukuze isizwe esilungileyo singene,
Isizwe esithembekileyo kukho konke esikwenzayo.
3 Labo abathembela kuwe ngokupheleleyo uzabagcina,
Uzabanika ukuthula okungapheliyo,+
Ngenxa yokuthi bayakuthemba.+
5 Usebehlisele phansi labo abahlala esiqongweni, edolobheni eliphakemeyo.
Uyalehlisa idolobho,
Alehlisele phansi emhlabeni,
Aliphosele phansi ethulini.
6 Lizanyathenyathelwa ngonyawo,
Ngenyawo zabahluphekayo, wona amanyathelo abantukazana.”
7 Indlela yolungileyo iqondile.
Wena uthembekile,
Yikho uzakwenza indlela yolungileyo ibe butshelezi.
8 Awu Jehova ithemba lethu likuwe,
Njengoba sihamba endleleni yokwahlulela kwakho okuhle,
Siyalithanda ibizo lakho njalo siyafisa ukubona likhunjulwa.*
9 Ebusuku ngicabanga ngawe ngomphefumulo wami wonke,
Njalo ngikudinga ngabomvu,+
Ngoba nxa ukwahlulela kwakho kukhona emhlabeni,
Izakhamizi zelizwe ziyakufunda ukulunga.+
10 Lanxa omubi engenzelwa umusa,
Kasoze afunde ukulunga.+
11 Awu Jehova, isandla sakho siphakanyisiwe kodwa kabasiboni.+
Bazakubona ukuthi awubathontisi* abantu bakho, besebeyangeka.
Umlilo uzatshisa izitha zakho zilobe.
13 Awu Jehova Nkulunkulu wethu sesike sabuswa ngamanye amakhosi ngaphandle kwakho,+
Kodwa ibizo lakho yilo lodwa esikhuluma ngalo.+
14 Bafile, abasoze baphile.
Abasoze bavuke ngoba abaselamandla.+
Usuqedelane labo,
Wababhubhisa wenza lokuthi bangasakhunjulwa futhi.
Uyiqhelise kakhulu yonke imingcele yelizwe.+
16 Bathi sebedubekile beza kuwe Jehova,
Wathi usubajezisile bakhuleka kuwe ngelizwi eliphansi.+
17 Njengoba nje owesifazana ozithweleyo osezabeletha
Ehelelwa njalo ekhaliswa yibuhlungu,
Lathi sesinjalo ngenxa yakho, awu Jehova.
18 Sazithwala sahelelwa,
Kodwa kufanana lokuthi sabeletha umoya.
Kasizange silethe ukusindiswa elizweni,
Njalo akula ozalelwa ukuhlala elizweni.
19 “Abafileyo bakho bazaphila.
Izidumbu zabantu bami abafileyo* zizavuka.+
Vukani limemeze ngentokozo
Lina abahlala ethulini!+
Ngoba amazolo enu anjengamazolo ekuseni,
Umhlaba uzabakhipha abafileyo baphinde baphile.
Licatshe okwesikhatshana
Ulaka luze ludlule,+
21 Ngoba uJehova uyeza evela endaweni yakhe
Ukuze azokwahlulela izakhamizi zelizwe ngenxa yecala lazo,
Ilizwe lizaveza egcekeni igazi elachithwa kulo,
Njalo kalisoze libafihle abantu balo ababuleweyo.”
27 Ngalelolanga uJehova uzathatha inkemba yakhe enkulu,+ eqinileyo leyesabekayo,
Ajezise uLeviyathani* inyoka ehubayo,
ULeviyathani inyoka egoqanayo.
Uzasibulala isilo saselwandle.
2 Mhlabeleleni* ngalelolanga lithi:
“Insimu yewayini eliphuphumayo!+
3 Mina Jehova, yimi engimlindayo.+
Ngiyamthelela ngaso sonke isikhathi,+
Ngimlinda ubusuku lemini,
Ukuze kungabi khona omlimazayo.+
4 Angisamzondelanga.+
Nxa umuntu angafaka izihlahla zameva lokhula phambi kwami empini,
Ngizakugxobagxoba konke ngikutshise ngomlilo futhi ngizakulwa laye.
5 Yena angakwenza yikubambelela enqabeni yami.
Kenze ukuthi mina laye sibe lokuthula,
Enze kube lokuthula phakathi kwami laye.”
6 Ezinsukwini ezizayo uJakhobe uzakuba lempande,
Abako-Israyeli bazahluma baqhakaze,+
Bazagcwalisa ilizwe ngezithelo.+
7 Kumele atshaywe ngulowo omtshayayo yini?
Kumele abulawe ngendlela ababuleweyo bakhe ababulawa ngayo yini?
8 Uzathi usumxotsha ulwisane laye ngomsindo owethusayo.
Uzamsusa ngomoya wakho owesabekayo ngosuku lomoya wempumalanga.+
9 Ngakho icala likaJakhobe lizahlawulelwa kanje,+
Futhi lesi yiso sonke isithelo esizakuba khona nxa isono sakhe sesisusiwe:
Wonke amatshe e-alithare
Uzawenza abe njengamatshoko acholiweyo,
Akusoze kusale izithombe zika-Ashera* loba ama-alithare empepha.*+
10 Idolobho elivikelweyo lizasala lingaselamuntu;
Amadlelo alo azatshiywa asale engelalutho njengenkangala.+
Ithole lizakudla khona futhi lilale khona,
Lidle liqede ingatsha zezihlahla.+
11 Ingatsha zakhe zizathi sezomile,
Abesifazana babuye baziqamuqamule,
Babase ngazo umlilo.
Phela abantu laba kabazwisisi.+
Yikho uMenzi wabo engasoze abazwele isihawu,
Lowo owababumbayo kasoze abe lomusa kubo.+
12 Ngalelolanga uJehova uzabhula izithelo kusukela emfuleni* ogelezayo kusiya esihotsheni* seGibhithe,+ njalo lina bantu bako-Israyeli lizabuthwa munye ngamunye wenu. + 13 Ngalelolanga kuzatshaywa uphondo olukhulu,+ futhi labo asebefana lofileyo elizweni le-Asiriya+ labasabaleleyo eGibhithe+ bazabuya bezokhothamela uJehova entabeni engcwele eJerusalema.+
28 Maye ngomqhele* wokuzikhukhumeza* wezidakwa zako-Efrayimi!+
Ubuhle bawo obukhazimulayo buliluba elibunayo nje
Elisendaweni ephezulu, esigodini esivundileyo lapho okulabantu abakhulelwa liwayini.
2 UJehova uzathuma umuntu oqinileyo njalo olamandla.
Uzawuphosela phansi ngamandla umqhele,
Njengesiphepho esilesiqhotho, umoya wesiphepho otshabalalisayo,
Lanjengezulu elinengi elilezikhukhula zamanzi ezilolaka.
4 Ubuhle obukhazimulayo buliluba elibunayo
Elisendaweni ephezulu, esigodini esivundileyo.
Buzakuba njengekhiwane elivuthwa kuqala kungakabi lihlobo.
Nxa umuntu elibona uhle alikhe alidle, aliginye masinyane.
5 Ngalelolanga uJehova wamabutho uzakuba ngumqhele okhazimulayo, abe ngumqhele wamaluba omuhle ebantwini bakhe abaseleyo.+ 6 Uzakwenza abahluleli bahlulele kuhle* njalo uzakuba ngumthombo wamandla kulabo abalwisana labahlaselayo egedini.+
7 Abaphristi labaphrofethi bayaphambuka ngenxa yewayini,
Utshwala babo benza badiyazele.
Bayaphambuka ngenxa yotshwala,
Iwayini libaphambanisa ingqondo.
Bayadiyazela ngenxa yotshwala babo,
Umbono abawubonayo wenza baphambuke,
Njalo bayakhubeka nxa besahlulela.+
8 Amatafula abo agcwele amahlanzo enyanyekayo,
Kugcwele amahlanzo yonke indawo.
9 Bathi: “Umuntu uzalupha bani ulwazi?
Uzawuchazela bani umbiko?
Uzawuchazela abalunyuliweyo yini,
Labo abasanda kukhitshwa ebeleni?
10 Ngoba ngumlayo phezu komlayo, umlayo phezu komlayo,
Umzila ngomzila, umzila ngomzila,*+
Okuncane lapha, okuncane laphaya.”*
11 Ngakho uzakhuluma labantu laba esebenzisa abagagasayo kanye labakhuluma ulimi lwezizweni.+ 12 Wake wabatshela wathi: “Le yindawo yokuphumula; odiniweyo kaphumule. Le yindawo yokubethwa ngumoya,” kodwa kabazange balalele.+ 13 Kubo ilizwi likaJehova lizakuba,
“Ngumlayo phezu komlayo, umlayo phezu komlayo,
Umzila ngomzila, umzila ngomzila,*+
Okuncane lapha, okuncane laphaya,”
14 Zwanini ilizwi likaJehova lina bantu elizitshaya izifuba,
Lina elibusa abantu laba abaseJerusalema.
15 Ngoba lina lithi:
“Sesenze isivumelwano lokufa,+
Senza isivumelwano lengcwaba.
Nxa isikhukhula esilolaka sidlula,
Kasisoze sifike kithi,
Ngoba senze amanga aba yisiphephelo sethu
Sazifihla emangeni.”+
16 Ngakho nanku okutshiwo yiNkosi Enkulu uJehova:
“Khangelani, ngibeka ilitshe elihloliweyo ukuthi libe yisisekelo eZiyoni,+
Ilitshe eliyisiqokoqela leliligugu,+ elesisekelo esiqinileyo.+
Akulamuntu otshengisa ukuthi ulokholo ozakwethuka.+
Izulu lesiqhotho lizakhukhula isiphephelo samanga,
Lamanzi agcwale endaweni yokucatsha.
18 Isivumelwano elasenza lokufa sizachithwa,
Lesivumelwano elasenza lengcwaba asisoze sime.+
Isikhukhula esilolaka sizathi sidlula,
Silitshabalalise.
19 Lapho esizadlula khona kanenginengi,
Sizalikhukhula;+
Ngoba sizadlula nsuku zonke ekuseni,
Lemini lebusuku.
Ukwesaba yikho okuzabenza bazwisise umbiko okhulunyiweyo.”*
20 Umbheda mfitshane kakhulu ukuthi umuntu azelule kuwo,
Lelembu lincane kakhulu ukuthi azigoqele ngalo.
21 UJehova uzaphakama njengasentabeni iPherazimi,
Uzakuba ledlabuzane njengasesigodini esiseduze leGibhiyoni,+
Ukuze enze isenzo sakhe, isenzo sakhe esiyisimanga,
Enze lomsebenzi wakhe, umsebenzi wakhe ongajayelekanga.+
22 Khathesi lingakhulumeli eceleni,+
Ukuze amaketane enu angaphindi aqiniswe,
Ngoba iNkosi Enkulu uJehova wamabutho
Ingitshele ukuthi isimise ukuthi itshabalalise ilizwe lonke.*+
23 Thiyani indlebe lilalele ilizwi lami;
Lalelisisani lizwe engikutshoyo.
24 Umlimi angaqhubeka elima ilanga lonke engahlanyeli yini?
Angaqhubeka ephendula umhlabathi ewulevula yini?+
25 Nxa esewulungise kuhle umhlabathi wakhe,
Kayihazi yini inhlanyelo yekhumini* emnyama ahlanyele lekhumini ejayelekileyo?
Kahlanyeli yini ingqoloyi lenyawuthi lebhali ezindaweni zazo?
Emingceleni yensimu yakhe kahlanyeli yini omunye umhlobo wengqoloyi?*+
26 UNkulunkulu uyamfundisa ngendlela eqondileyo;
UNkulunkulu wakhe uyamlaya.+
27 Phela ikhumini emnyama kayibhulwa ngesileyi sokubhula,*+
Leviri lenqola kalihanjiswa phezu kwekhumini.
Kodwa ikhumini emnyama ibhulwa ngentonga,
Ikhumini ejayelekileyo ibhulwa ngenduku.
28 Nxa umuntu ebhula ingqoloyi yokupheka isinkwa, uyayibhula ize isale iyimpuphu yini?
Hayi, kayibhuli kokuphela,+
Kanti njalo nxa ehambisa iviri lenqola yakhe edonswa ngamabhiza phezu kwayo,
Kayicholi.+
29 Lalokhu kuvela kuJehova wamabutho,
Yena ohlose okuhle
Njalo owenza izinto ezinkulu.+
29 “Maye kuyo i-Ariyeli,* i-Ariyeli idolobho uDavida amisa kulo isihonqo sakhe.+
Qhubekani minyaka yonke;
Lihlale lisenza imikhosi yenu.+
2 Kodwa ngizakwenza ukuthi i-Ariyeli ihlupheke,+
Kuzakuba lokukhala lokulila,+
Izakuba njengeziko le-alithare kimi.+
3 Ngizakugombolozela ngezihonqo zami emaceleni wonke,
Ngikuvimbezele ngothango lwezigodo ezicijileyo
Ngiphinde ngikuvalele ngemiduli.+
4 Uzakwehliselwa phansi,
Ukhulume usemhlabathini,
Ozakutsho kuzaphelela ethulini.
Ilizwi lakho lizazwakala emhlabathini+
Njengelizwi lomuntu oledlozi.
Ilizwi lakho lizatshiyoza ethulini.
5 Amaxuku ezitha zakho azakuba njengothuli olucolekileyo,+
Amaxuku alabo abalesihluku abe njengomule ophephukayo.+
Lokhu kuzakwenzakala masinyane, ngokucwayiza kwelihlo.+
6 UJehova wamabutho uzakukhulula.
Nxa esekwenza lokhu kuzakuba lomdumo wezulu lokuzamazama komhlaba kanye lomsindo omkhulu,
Kube lomoya olamandla lesiphepho esilolaka lomlilo otshabalalisayo.”+
7 Ngemva kwalokhu ixuku lezizwe zonke lizalwisana le-Ariyeli,+
Bonke abalwa layo,
Lemiphotshongo yokuyivimbezela emisiweyo,
Kanye lalabo abayicindezelayo
Bazakuba njengephupho, umbono webusuku.
8 Kuzakuba njengomuntu olambileyo ophupha esidla,
Kodwa avuke elokhu elambile,
Kube njengomuntu owomileyo ophupha enatha,
Kodwa avuke elokhu ewomile njalo ediniwe.
Yikho okuzakwenzakala exukwini lezizwe zonke
Elihlasela intaba iZiyoni.+
Badakiwe kodwa abadakwanga liwayini,
Bayadiyazela kodwa akubangelwanga butshwala.
10 UJehova usethululele umoya wobuthongo obukhulu phezu kwenu,+
Uselivale amehlo lina baphrofethi,+
Waligubuzela amakhanda lina elibona imibono.+
11 Yonke imibono kini iba njengebhuku elivaliweyo.+ Nxa ibhuku lelo bangalipha umuntu okwazi ukubala besebesithi: “Sicela ubalele phezulu,” yena uzakuthi: “Angenelisi ngoba livaliwe.” 12 Besekusithi nxa ibhuku lelo bangalipha umuntu ongenelisiyo ukubala, bathi: “Sicela ulibale,” yena uzakuthi: “Angikwazi ukubala.”
13 UJehova uthi: “Abantu laba bangikhonza ngemilomo yabo kuphela,
Bangidumisa ngezindebe zabo kuphela,+
Kodwa inhliziyo zabo zikhatshana kakhulu lami,
Bangesaba ngenxa yemilayo abayifundiswe ngabantu.+
14 Ngakho yimi engizaphinda ngenze izinto ezimangalisayo ebantwini laba,+
Kube yisimanga phezu kwesimanga,
Ukuhlakanipha kwezihlakaniphi zabo kuzatshabalala,
Lokuzwisisa kwabantu babo abakhaliphileyo kuzafihlwa.”+
15 Maye kulabo abazama ngazo zonke izindlela ukufihlela uJehova amacebo abo.+
Izenzo zabo bazenza emnyameni,
Besithi: “Kambe ngubani osibonayo?
Ngubani okwaziyo esikwenzayo?”+
16 Litshila izinto sibili!
Umbumbi kungathiwa ufanana lebumba yini?+
Okwenziweyo kungakhuluma yini ngomenzi wakho kuthi,
“Kangenzanga”?+
Lokubunjiweyo kungakhuluma yini ngalowo okubumbileyo kuthi,
“Kazwisisi”?+
19 Abamnene bazathokoza kakhulu ngenxa kaJehova,
Labayanga bathokoze ngenxa yoNgcwele ka-Israyeli.+
20 Ngoba olesihluku uzabe engasekho,
Lozikhukhumezayo uzatshabalala,
Bonke abahlala belindele ukwenza okubi bazabhujiswa,+
21 Bonke abenza abanye babe lecala ngokukhuluma ilizwi elingamanga,
Abafaka imijibila yokuthiya lowo owethula udaba lwakhe egedini ledolobho,+
Labahlulela kubi olungileyo ngezimpikiswano ezingelancedo bazabhujiswa.+
22 Ngakho uJehova, yena owahlenga u-Abrahama+ uthi kwabendlu kaJakhobe:
23 Uzathi ebona abantwabakhe
Abangumsebenzi wezandla zami bebuthene kuye,+
Balingcwelise ibizo lami;
Bazamngcwelisa sibili oNgcwele kaJakhobe,
Njalo bazamesaba uNkulunkulu ka-Israyeli.+
24 Abaphambukileyo bazazwisisa,
Labasolayo bazavuma ukufundiswa.”
30 “Maye kuwo amadodana ayiziqholo,”+ kutsho uJehova.
“Azenzela okusemakhanda awo, okungaveli kimi,+
Enza izivumelwano* kodwa engazenzi ngomoya wami,
Ukuze angezelele isono phezu kwesono.
3 Kodwa ukuvikelwa nguFaro kuzalenza libe lenhloni,
Lokuphephela emthunzini weGibhithe kuzalenza liyangeke,+
4 Ngoba iziphathamandla seziye eZowani,+
Izithunywa sezifike eHanesi.
5 Bonke bazayangeka
Ngenxa yabantu abangeke babancede ngalutho,
Abantu abangasizi ngalutho labangelanzuzo,
Kodwa abathelela inhloni lehlazo kuphela.”+
6 Isimemezelo salokho okuzakwehlela izilo zaseningizimu:
Badabula elizweni lokuhlupheka lobunzima,
Elilezilwane, izilwane ezibhongayo,
Elilamabululu lezinyoka eziphaphayo ezilobuhlungu obutshisayo,
Bethwele inotho yabo emihlane yabobabhemi,
Lempahla yabo ngamalunda amakamela.
Kodwa izinto lezi azisoze zibancede abantu.
7 Uncedo lweGibhithe ngeke lusebenze ngitsho.+
Yikho ngiyibiza ngokuthi: “URahabi+ ohlezi enganyikinyeki.”
8 “Khathesi hamba uyekubhala lokhu elitsheni* eliyisicecedu, ukubhale bekhangele.
10 Bathi kubaboni, ‘Lingaboni,’
Kwababona imibono bathi, ‘Lingasitsheli imibono eliqiniso.+
Sitsheleni okuzasiqumbaqumba, bonani imibono engamanga.+
11 Phambukani endleleni, sukani emgwaqweni.
Yekelani ukusitshela ngoNgcwele ka-Israyeli.’”+
12 Yikho-ke, nanku akutshoyo oNgcwele ka-Israyeli:
“Njengoba lingalamukeli ilizwi leli,+
Lithemba ukudlelezela lobuqili,
Njalo libambelele ezintweni lezi,+
13 Selinjengomduli olomkenke ngenxa yecala lenu,
Njengomduli omude futhi otshekileyo osuzakuwa.
Uzakuwa masinyane ngokucwayiza kwelihlo,
14 Udilike njengembiza enkulu yombumbi,
Ephahlazeka kusale kungela ngitsho lolulodwa udengezi
Lokokha amalahle avuthayo eziko,
Loba isiqephu sokukha amanzi echibini.”*
15 Nanku okutshiwo yiNkosi Enkulu uJehova, oNgcwele ka-Israyeli:
“Nxa lingaphenduka kimi njalo liphumule, lizasindiswa,
Lizakuba lamandla nxa lingahlaliseka futhi lingithembe.”+
Kodwa lina belingafuni.+
16 Esikhundleni salokho lithe: “Hatshi, sizabaleka ngamabhiza!”
Lakanye lizabaleka sibili.
Lathi: “Sizagada amabhiza agijima ngesiqubu esikhulu!”+
Yikho abalixotshanisayo bazabe begijima ngesiqubu esimangalisayo.+
17 Abayinkulungwane bazaqhuqha ngenxa yomuntu oyedwa obasongelayo,+
Lizabaleka ngenxa yabantu abahlanu abalisongelayo,
Kuze kuthi abaseleyo benu babe njengensika esesiqongweni sentaba,
Lanjengogodo oluyisibonakaliso oluphezu koqaqa.+
Ngoba uJehova nguNkulunkulu owahlulela kuhle.+
Bayathokoza bonke abaqhubeka bemlindele.*+
19 Nxa abantu sebehlala eZiyoni, khona kanye eJerusalema,+ awusoze ukhale loba sekutheni.*+ Uzathi ekuzwa ukhalela uncedo akwenzele umusa, uzakuphendula esanda kukuzwa nje.+ 20 Lanxa uJehova ezakupha ukuhlupheka kube yisinkwa, lokuhlukuluzwa kube ngamanzi okunatha,+ uMfundisi wakho omkhulu kasoze aphinde azifihle njalo uzambona ngamehlo akho uMfundisi wakho omkhulu.+ 21 Nxa lingaphambuka liye kwesokudla loba kwesenxele,+ ngamunye wenu uzakuzwa ilizwi ngemva kwakhe lisithi, “Le yiyo indlela.+ Hambani ngayo.”
22 Lizangcolisa izithombe zenu ezibazwe zahuqwa ngesiliva kanye lezithombe zenu zensimbi ezinanyekwe ngegolide.+ Lizazilahlela khatshana njengelembu elisetshenziswe ngowesifazana osesikhathini, lithi kuzo, “Hambani khatshana!”*+ 23 UNkulunkulu uzakwenza izulu line ukuze inhlanyelo eliyihlanyele emhlabathini imile+ futhi amabele aphuma emhlabathini azakhipha isinkwa esinengi esakha umzimba.+ Ngalolosuku izifuyo zenu zizakudla emadlelweni abanzi.+ 24 Inkomo labobabhemi elilima ngakho kuzakudla ukudla okuhlanganisiweyo okuhle kakhulu, okuyelwe ngefotsholo langefologwe. 25 Kanti njalo ngelanga lokubulawa okukhulu lapho imiphotshongo isiwa kuzakuba lezifula lemisele yamanzi+ kuzo zonke izintaba ezinde lakuwo wonke amaqaqa aphakemeyo. 26 Ukukhanya kwenyanga egcweleyo kuzakuba njengokukhanya kwelanga. Lokukhanya kwelanga kuzakuba lamandla aphindwe kasikhombisa,+ njengokukhanya kwamalanga ayisikhombisa, ngosuku uJehova azabopha ngalo ukwephuka kwabantu bakhe,+ elaphe lenxeba elikhulu elabangelwa yikubatshaya kwakhe.+
27 Khangelani! Ibizo likaJehova liyeza livela khatshana,
Ngokutshisa kolaka lwakhe langamayezi ajiyileyo.
Indebe zakhe zigcwele intukuthelo,
Ulimi lwakhe lunjengomlilo otshabalalisayo.+
28 Umoya wakhe unjengesifula esigcweleyo esilamanzi akhawula entanyeni,
Unyikinya izizwe phakathi kwesefa yokubhubhisa,
Izizwe zizafakwa amatomu emihlathini yazo+ ukuze ziphanjulwe.
29 Kodwa ingoma yenu izakuba njengengoma ehlatshelwa ebusuku,
Inhliziyo zenu zizathokoza njengomuntu
Ohamba ethwele ifluthi
Esiya entabeni kaJehova, yena oliDwala lika-Israyeli.+
30 UJehova uzakwenza ilizwi lakhe elikhulu+ lizwakale,
Uzaveza ingalo yakhe+ nxa isisehla ngolaka oluvuthayo,+
Langelangabi lomlilo otshabalalisayo,+
Langezulu elikhulu+ langesiphepho kanye lamatshe esiqhotho.+
32 Kuzakuthi loba nini lapho uJehova etshaya ama-Asiriya
Ngentonga yakhe yokujezisa,
Kuzazwakala umsindo wamathamborini lamahabhu,*+
Ngesikhathi ephakamisa ingalo yakhe ukuze amelane labo empini.+
Indawo yokubuthelela inkuni iyatshona futhi ibanzi,
Ilomlilo omkhulu kanye lenkuni.
Umoya kaJehova onjengesifula sesalufa
Uzayilumathisa ngomlilo.
31 Maye kulabo abaya eGibhithe besiyadinga uncedo,+
Labo abathemba amabhiza,+
Abathembe inqola zempi ngoba zizinengi,
Lamabhiza empi* ngoba elamandla.
Kabathembeli koNgcwele ka-Israyeli,
Njalo kabamdingi uJehova.
2 Kodwa laye uhlakaniphile futhi uzabehlisela okubi,
Amazwi akhe kawasoze awele phansi.
Uzasukuma ahlasele indlu yalabo abenza okubi
Lalabo abancedisa izigangi.+
3 Phela amaGibhithe ngabantu nje, kawafanani loNkulunkulu,
Amabhiza awo zinyamazana nje, kawafanani lezidalwa zomoya.+
Lapho uJehova eseselula isandla sakhe,
Loba ngubani oncedisayo uzakhubeka,
Loba ngubani oncediswayo uzakuwa,
Bonke bazatshabalala kanye kanye.
4 Ngoba nanku uJehova angitshele khona:
“UJehova wamabutho uzabuya azokulwa impi
Ukuze avikele intaba iZiyoni loqaqa lwayo,
Njengesilwane esilamandla esibhongayo sisala lenyamazana esiyibambileyo
Nxa iqembu labelusi libizwa ukuthi lizosihlasela,
Kasethuswa ngamazwi abo
Njalo kasiwesabi umsindo wabo.
5 UJehova wamabutho uzavikela iJerusalema njengenyoni ebuya ihwitha ivule impiko ukuze ivikele amaphuphu ayo.+
Uzayivikela ayisindise,
Ayilwele futhi ayikhulule.”
6 “Ukuhlamuka kwenu sekukukhulu lina bantu bako-Israyeli, buyelani kulowo elimhlamukeleyo.+ 7 Ngalelolanga umuntu ngamunye uzalahla onkulunkulu bakhe besiliva abangelancedo labonkulunkulu bakhe begolide abangasizi ngalutho elibenze ngezandla zenu, lisona.
8 Um-Asiriya uzabulawa ngenkemba engasiyo yomuntu
Uzadliwa yinkemba engasiyo yomuntu.+
Uzayibalekela inkemba,
Amajaha akhe azasetshenziswa ngenkani.
9 Idwala lakhe lizanyamalala ngenxa yokwesaba,
Izikhulu zakhe zizabanjwa ngumhedehede ngenxa yogodo oluyisibonakaliso,” kutsho uJehova,
Yena olokukhanya* eZiyoni kanye lesithando somlilo eJerusalema.
2 Ngamunye uzakuba njengendawo yokucatshela umoya,
Abe yisiphephelo sokucatshela* izulu elina ngamandla,
Njengezifula zamanzi elizweni elingelamanzi,+
Lanjengomthunzi wedwala elikhulu elizweni elomileyo.
3 Amehlo alabo ababonayo kawasoze avalwe,
Lendlebe zabezwayo zizalalelisisa.
4 Inhliziyo zabalamawala zizacabangisisa ngolwazi,
5 Umuntu ongelangqondo kasayikubizwa ngokuthi uyaphana,
Lomuntu oxhwalileyo kasoze abizwe ngokuthi ungumhlonitshwa,
6 Ongelangqondo uzakhuluma izinto ezingaqedakaliyo,
Inhliziyo yakhe izabumba amacebo ayingozi,+
Ukuze akhuthaze ukuhlamuka* futhi akhulume kubi ngoJehova,
Enze olambileyo angatholi ukudla
Lowomileyo angatholi okokunatha.
7 Amacebo omuntu oxhwalileyo mabi,+
Ukhuthaza ukuziphatha okulihlazo ngokukhuluma amanga+
Ukuze achithe ohluphekayo,
Lanxa ongumyanga ekhuluma okuqondileyo.
8 Kodwa ophanayo uyahlela ukupha abanye izinto,
Njalo uqhubeka engumuntu ophanayo.
9 “Lina besifazana abanganaki lutho, sukumani lilalele ilizwi lami.
Lina madodakazi angazikhathazi ngalutho+ lalelani engikutshoyo!
10 Kusanda kwedlula umnyaka owodwa nje, lina elingazikhathazi ngalutho lizathuthumela,
Ngoba kuzabe kungelasithelo esibuthiweyo nxa ukuvunwa kwamagilebisi sekuphelile.+
11 Qhuqhani lina besifazana abanganaki lutho!
Thuthumelani lina elingazikhathazi ngalutho!
12 Tshayani izifuba zenu
Likhalele amasimu amahle lezihlahla zamagilebisi ezithelayo.
13 Ngoba umhlabathi wabantu bami uzagcwala ameva lezihlahlakazana zameva;
Konke lokhu kuzagcwala kuzo zonke izindlu zokujabula,
Khona kanye edolobheni lentokozo.+
14 Inqaba eqinileyo isideliwe,
Idolobho elilomsindo selitshiyiwe,+
I-Ofeli+ kanye lenqabayokulinda sekusele kuyindawo ezahlala ingelalutho,
Indawo esithandwa ngobabhemi beganga,
Esingamadlelo emihlambi,+
15 Kuze kube yisikhathi lapho umoya ovela phezulu uthululelwa kithi,+
Lenkangala isiba yisivande,
Lesivande sekuthiwa ligusu.+
16 Ngemva kwalokho ukwahlulela okuhle kuzahlala enkangala,
Ukulunga kuhlale esivandeni.+
17 Ukulunga kweqiniso kuzaletha ukuthula.+
Isithelo sokulunga kweqiniso sizakuba yikuthula okungapheliyo lokuvikeleka.+
18 Abantu bami bazahlala endaweni elokuthula,
Ezindaweni ezivikelekileyo lasezindaweni zokuphumula ezilokuthula.+
19 Kodwa isiqhotho sizatshabalalisa igusu,
Idolobho lidilizelwe phansi.
20 Liyathokoza lina elihlanyela inhlanyelo eceleni kwezindawo zonke ezilamanzi,
33 Maye kuwe mbhubhisi ongabhujiswanga,+
Wena mthengisi ongathengiswanga!
Nxa usuqedile ukubhubhisa lawe uzabhujiswa.+
Nxa usuqedile ukuthengisa abanye lawe uzathengiswa.
2 Awu Jehova, woba lomusa kithi.+
Ithemba lethu likuwe.
3 Abantu bayabaleka nxa besizwa umsindo owesabekayo.
Wena uthi ungasukuma izizwe zisabalale.+
4 Abantu bazabutha inotho yenu ethunjiweyo njengentethe ezitshaya zibhuqe konke okusendleleni yazo,
Bazagijimela kuyo njengomtshitshi wentethe.
5 UJehova uzadunyiswa,
Ngoba uhlala endaweni ephakemeyo.
Uzagcwalisa iZiyoni ngokwahlulela okuhle langokulunga.
6 Nguye okwenza uhlaliseke empilweni yakho,*
Okugcwalisa ngensindiso,+ lokuhlakanipha, lolwazi kanye lokwesaba uJehova,+
Lokhu kuyinotho yakhe.
7 Khangelani! Amaqhawe abo ahlaba umkhosi emgwaqweni,
Izithunywa zokuthula zikhala kabuhlungu.
8 Imigwaqo emikhulu ayiselabantu,
Akuselamuntu ohamba ezindleleni.
9 Ilizwe liyalila* futhi liyabuna.
ILebhanoni isiyangekile,+ isibolile.
ISharoni isinjengenkangala,
IBhashani leKhameli sekukhithiza amahlamvu akho.+
10 “Khathesi ngizasukuma,” kutsho uJehova,
“Khathesi ngizatshengisa ubukhulu bami,+
Khathesi ngizazikhazimulisa.
11 Lizithwala isisu sotshani obomileyo libelethe amahlanga.
Imicabango yenu emibi izalitshisa njengomlilo.+
12 Abantu bazakuba njengomlotha osala nxa kutshiswa ikalaga,
Bazathungelwa ngomlilo njengamahlahla ameva aganyuliweyo.+
13 Zwanini engizakwenza lina elikhatshana!
Lani eliseduze vumani ukuthi ngilamandla!
14 Izoni eziseZiyoni zithithibele;+
Abahlamuki bayaqhuqha bathi:
‘Ngubani phakathi kwethu ongahlala lapho okulomlilo oqothulayo?+
Ngubani phakathi kwethu ongahlala emalangabini angacitshekiyo?’
15 Ngulowo oqhubeka ehamba ngokulunga,+
Okhuluma okuqotho,+
Ongemukeli inzuzo etholwa ngobuqili lokungathembeki,
Olezandla ezingavumiyo ukufunjathiswa,+
Ovala indlebe zakhe ukuze angezwa amacebo okubulala,
Avale lamehlo akhe ukuze angaboni okubi,
16 Uzahlala endaweni eziphakemeyo,
Isiphephelo sakhe esiqinileyo sizakuba sezinqabeni ezilamatshe.
Uzalethelwa isinkwa,
Lamanzi akhe awasoze aphele.”+
17 Amehlo akho azabona inkosi isenkazimulweni yayo,
Azabona ilizwe elikhatshana.
18 Inhliziyo yakho izakhumbula* owawukwesaba:
“Ungaphi umabhalani?
Ungaphi lowo owayekala umthelo?+
Ungaphi lowo owayebala imiphotshongo?”
19 Awusoze uphinde ubabone abantu abayiziqholo,
Abantu abakhuluma ulimi okunzima kakhulu ukuluzwisisa,*
Ongeke ubazwisise ngenxa yokugagasa kwabo.+
20 Khangela iZiyoni, idolobho lemikhosi yethu!+
Amehlo akho azabona iJerusalema isiyindawo yokuhlala elokuthula,
Itende elingasoze lisuswe endaweni yalo.+
Izikhonkwane zalo kazisoze zisitshunwe,
Lentambo zalo kazisoze ziqunywe.
21 Kodwa khonale, lowo oMkhulu uJehova,
Uzakuba yindawo yethu elemifula lemisele yamanzi ebanzi,
Akulamikhumbi yempi ezasondela kuyo,
Njalo akulamikhumbi emikhulu ezadlula khona.
22 Ngoba uJehova unguMahluleli wethu,+
UJehova nguye osinika imithetho,+
UJehova uyiNkosi yethu,+
Nguye ozasisindisa.+
23 Intambo zakho zizaxega zilenge,
Kazisoze ziyibambe insika yomkhumbi kumbe zelule iseyili.
Ngalesosikhathi kuzakwabiwa inotho enengi ethunjiweyo,
Labantu abagogekileyo bazabutha okunengi.+
24 Akulamuntu ohlala khona ozakuthi: “Ngiyagula.”+
Abantu abahlala elizweni bazathethelelwa izono zabo.+
34 Sondelani eduze lizokuzwa lina zizwe,
Lalelisisani lina bantu.
Akuthi umhlaba lakho konke okugcwele kuwo kulalele,
Ilizwe kanye lakho konke okuvela kulo.
2 Ngoba uJehova uthukuthelele izizwe zonke,+
Ulaka lwakhe lumelene lawo wonke amabutho azo.+
Uzazibhubhisa ngokupheleleyo,
Uzazibulala.+
3 Ababuleweyo bazo bazalahlelwa khatshana,
Iphunga lezidumbu zabo lizakwenyuka,+
Izintaba zincibilike ngenxa yegazi* labo.+
4 Lonke ibutho elisemazulwini lizabola,
Amazulu agoqwe njengencwadimgoqwa.
Lonke ibutho lawo lizabuna,
Lizakuba njengehlamvu elibunileyo elikhithika esihlahleni samagilebisi,
Lanjengamakhiwane aswabileyo akhithika esihlahleni.
5 “Ngoba inkemba yami izagava igazi emazulwini.+
Izakwehlela phezu kwe-Edomi ukuze yahlulele+
Abantu engibanikele ekubhujisweni.
6 UJehova ulenkemba, izagcwala igazi.
Ngoba uJehova ulomhlatshelo azawenza eBhozira,
Kuzabulawa izifuyo ezinengi elizweni lako-Edomi.+
7 Inkunzi zeganga zizakwehla kanye lazo,
Amajongosi azakwehla labalamandla.
Ilizwe labo lizagcwala igazi,
Lomhlabathi wabo uzakuba manzi ngamafutha.”
8 Ngoba uJehova ulelanga azaphindisela ngalo,+
Umnyaka azajezisa ngawo ukuze alwele udaba lweZiyoni.+
9 Izifula zayo* zizatshintshwa zibe yingcino,
Lothuli lwayo lube yisalufa,
Ilizwe layo lizakuba njengengcino etshayo.
10 Kaliyikucitshwa ebusuku loba emini;
Intuthu yalo izaqhubeka iqansa kuze kube nini lanini.
Lizahlala lilunxiwa kusukela kwesinye isizukulwane kusiya kwesinye,
Kakho ozadabula phakathi kwalo kuze kube nini lanini.+
UNkulunkulu uzakwelula intambo yokulinganisa phezu kwalo ukuze atshengise ukuthi lizasala lingelalutho,
Elule lentambo yokuqondisa ukuze atshengise ukuthi lizatshabalala.
12 Akula loyedwa umhlonitshwa walo ozabizwa ebukhosini,
Zonke iziphathamandla zalo zizakuba yize.
13 Ameva azamila ezinqabeni zalo eziqinileyo,
Ezinqabeni zalo kuzagcwala ukhula oluhlabayo lezihlahla zameva.
Lizakuba yindawo yamakhanka,+
Libe yindawo ehlala izintshe.
14 Inyamazana zenkangala zizahlangana lenyamazana ezitshaya umkhulungwane,
Igogo* lizakhalela umngane walo.
Idahwa* lizahlala khona lithole indawo yokuphumula.
15 Inyoka izalungisa indawo yokuhlala* kuleyondawo ibekele amaqanda ayo,
Izawachamisela iwabuthelele ngaphansi komthunzi wayo.
Imizwazwa izabuthana khonapho, yilowo lalowo lomngane wawo.
16 Dingisisani ebhukwini likaJehova, libalele phezulu:
Akukho lokukodwa okuzaswelakala;
Kayikho leyodwa ezaswela umngane,
Ngoba umlayo lo uphuma emlonyeni kaJehova,
Njalo umoya wakhe yiwo ozibuthanise ndawonye.
17 Nguye ophose inkatho yalokho ezizakuthola,
Isandla sakhe yiso esilinganise indawo yazo eziyinikiweyo.
Izakuba ngeyazo kokuphela;
Zizahlala kuyo kusukela kwesinye isizukulwane kusiya kwesinye.
2 Izaqhakaza loba sekutheni,+
Ijabule futhi imemeze ngentokozo.
Abantu bazayibona inkazimulo kaJehova, ubuhle bukaNkulunkulu wethu.
3 Qinisani izandla ezibuthakathaka,
Liqinise lamadolo axegayo.+
4 Khulumani labakhathazekileyo* lithi kubo:
“Qinani, lingesabi.
UNkulunkulu wenu uzabuya ezophindisela,
UNkulunkulu uzabuya ezojezisa.+
Uzabuya azolisindisa.”+
Amanzi azampompoza enkangala,
Lezifula zigeleze endaweni elugwadule.
7 Umhlabathi otshisa bhe uzakuba lichibi lamanzi elilemihlanga,
Lomhlabathi owomileyo ube lemithombo empompoza amanzi.+
Ezindaweni amakhanka ayephumula kuzo+
Kuzakuba lotshani obuluhlaza lemihlanga lemizi.
8 Kuzakuba lomgwaqo omkhulu,+
Umgwaqo lo uzabizwa ngokuthi yiNdlela yobuNgcwele.
Akulamuntu ongcolileyo ozahamba ngaleyondlela.+
Igcinelwe lowo oyilandelayo,
Kakho oyisiphukuphuku ozahamba kuyo.
9 Akusoze kutholakale isilwane kuyo,
Njalo akulanyamazana zeganga eziyingozi ezizasondela kuyo.
10 Abahlengwe nguJehova bazaphenduka,+ bazafika eZiyoni bememeza ngentokozo.+
Intokozo engapheliyo izakuba ngumqhele emakhanda abo.+
Ukujabula lokuthaba kuzakuba ngokwabo,
Futhi usizi lokububula kuzanyamalala.+
36 Ngomnyaka wesi-14 wokubusa kweNkosi uHezekhiya, kwafika uSenakheribhi inkosi ye-Asiriya,+ wahlasela wonke amadolobho akoJuda avikelwe ngemiduli wawathumba.+ 2 Inkosi ye-Asiriya yasithuma uRabhishakhe*+ lebutho elikhulu ukuthi baye enkosini uHezekhiya eJerusalema besuka eLakhishi.+ Bafika bama emgelweni wamanzi ovela echibini elingaphezulu,+ ngasemgwaqweni omkhulu endaweni yabawatshayo.+ 3 U-Eliyakhimu+ indodana kaHilikhiya owayengumphathi wendlu yenkosi,* loShebhina+ unobhala, loJowa indodana ka-Asafi owayebhala okwakusenzakala, baphuma baya kuye.
4 URabhishakhe wathi kubo: “Ngicela litshele uHezekhiya lithi, ‘Nanku okutshiwo yinkosi enkulu, inkosi ye-Asiriya: “Kanti uthembeni?+ 5 Uthi wena ulecebo kanye lamandla okulwa impi, kodwa uyaziyenga. Uthembe bani okwenza ube lesibindi sokungihlamukela?+ 6 Uthembe ukuthi uzasekelwa yiGibhithe, umhlanga owephukileyo othi nxa umuntu angabambelela kuwo umhlabe utshone esandleni! Unjalo uFaro inkosi yeGibhithe kubo bonke abathembele kuye.+ 7 Nxa usithi kimi, ‘Thina sithembe uJehova uNkulunkulu wethu,’ kanti kayisuye yini olezindawo eziphakemeyo lama-alithare okwadilizwa nguwe Hezekhiya+ usithi ebantwini bakoJuda leJerusalema, ‘Kumele likhothame phambi kwe-alithare leli’?”’+ 8 Khathesi ngicela wenze isivumelwano lenkosi yami, inkosi ye-Asiriya.+ Ngizakunika amabhiza angu-2 000 nxa usenelisa ukuthola abantu abeneleyo abangawagada. 9 Manje nxa ungahlaselwa ngumbusi* oyedwa, omncane kulazo zonke izinceku zenkosi yami, ungamehlula yini wena uthembe ukuthi iGibhithe izakunika izinqola labagadi bamabhiza? 10 Kanti uJehova kayisuye yini ongiphe imvumo yokuthi ngizohlasela ilizwe leli ngilitshabalalise? UJehova nguye othe kimi, ‘Hamba uyehlasela ilizwe leli ulitshabalalise.’”
11 U-Eliyakhimu loShebhina+ loJowa bathi bekuzwa lokhu bathi kuRabhishakhe:+ “Sicela ukhulume lezinceku zakho ngesi-Aramu*+ ngoba siyasizwa. Ungakhulumi lathi ngolimi lwamaJuda abantu laba abaphezu komduli besizwa.”+ 12 Kodwa uRabhishakhe wathi: “Licabanga ukuthi inkosi yami ingithume ukuthi ngizokhuluma lani lenkosi yenu kuphela? Ingithume lasebantwini laba abahlezi emdulini, abazakudla ingcekeza yabo banathe lemichemo yabo ndawonye lani.”
13 Ngemva kwalokho uRabhishakhe wama wamemeza ngolimi lwamaJuda+ wathi: “Zwanini ilizwi lenkosi enkulu, inkosi ye-Asiriya.+ 14 Nanku okutshiwo yinkosi, ‘Lingavumi ukuyengwa nguHezekhiya ngoba ngeke enelise ukulikhulula.+ 15 Lingavumi lokuthi uHezekhiya aliyenge ukuthi lithembe uJehova+ esithi: “UJehova uzasikhulula loba sekutheni njalo idolobho leli alisoze linikelwe esandleni senkosi ye-Asiriya.” 16 Lingamlaleli uHezekhiya ngoba inkosi ye-Asiriya ithi: “Yenzani ukuthula lami, lizinikele kimi. Lingenza njalo, ngamunye wenu uzakudla izithelo zesihlahla sakhe samagilebisi lezesihlahla sakhe somkhiwa, anathe lamanzi emgodini wakhe, 17 ngize ngibuye ngizolithatha ngilise elizweni elifanana lelenu,+ ilizwe elilamabele lewayini elitsha, ilizwe elilesinkwa kanye lamasimu amagilebisi. 18 Lingavumi uHezekhiya eliyenga esithi, ‘UJehova uzasikhulula.’ Phakathi kwabonkulunkulu bezizwe, ukhona yini oseke wakhulula ilizwe lakhe esandleni senkosi ye-Asiriya?+ 19 Bangaphi onkulunkulu beHamathi labe-Ariphadi?+ Bangaphi onkulunkulu beSefavayimi?+ Bayikhulula yini iSamariya esandleni sami?+ 20 Phakathi kwabo bonke onkulunkulu bamazwe la nguphi oseke wakhulula ilizwe lakhe esandleni sami? Pho uJehova yena angenelisa yini ukukhulula iJerusalema esandleni sami?”’”+
21 Kodwa bona baqhubeka bethule, abazange bamphendule ngoba inkosi yayibatshele yathi, “Lingamphenduli.”+ 22 U-Eliyakhimu umphathi wendlu yenkosi* owayeyindodana kaHilikhiya, loShebhina+ unobhala kanye loJowa indodana ka-Asafi owayebhala okwakusenzakala, baya kuHezekhiya izigqoko zabo zidabukile bafika bamtshela amazwi kaRabhishakhe.
37 INkosi uHezekhiya yathi ikuzwa lokho yadabula izigqoko zayo yagqoka isembatho sesaka yasisiya endlini kaJehova.+ 2 Ngemva kwalokho yathuma u-Eliyakhimu owayengumphathi wendlu yenkosi,* loShebhina unobhala, labaphristi abakhokhelayo ukuthi baye kumphrofethi u-Isaya+ indodana ka-Amozi. Bahamba begqoke izembatho zamasaka. 3 Bafika bathi kuye: “Nanku okutshiwo nguHezekhiya, ‘Leli lilanga lokuhlupheka lokuchothozwa kanye lehlazo. Sifanana lowesifazana osekumele abelethe kodwa ongelawo amandla okubeletha.+ 4 Engxenye uJehova uNkulunkulu wakho uzawezwa amazwi kaRabhishakhe othunywe yinkosi yakhe, inkosi ye-Asiriya ukuthi azochothoza uNkulunkulu ophilayo,+ abesemjezisa ngenxa yawo wonke amazwi uJehova uNkulunkulu wakho awazwileyo. Ngakho thandazela+ abasindileyo abasele elizweni.’”+
5 Izinceku zeNkosi uHezekhiya zafika ku-Isaya,+ 6 u-Isaya wasesithi kuzo: “Nanku okumele likutshele inkosi yenu, ‘UJehova uthi: “Ungethuswa+ ngamazwi owazwileyo, amazwi akhulunywe yizinceku zenkosi ye-Asiriya+ zingithethisa. 7 Ngizafaka umcabango engqondweni yayo.* Izakuzwa umbiko ibuyele elizweni layo+ njalo ngizakwenza ukuthi ibulawe ngenkemba elizweni layo.”’”+
8 URabhishakhe wathi esezwile ukuthi inkosi ye-Asiriya isisukile eLakhishi, wabuyela kuyo wayithola isilwa leLibhina.+ 9 Inkosi ye-Asiriya yasisizwa ukuthi uThirihakha inkosi yaseTopiya uzokulwa layo. Yathi isikuzwile lokhu yaphinda yathuma izithunywa kuHezekhiya+ isithi: 10 “Nanku okumele likutshele uHezekhiya inkosi yakoJuda, ‘Ungavumi ukuthi uNkulunkulu wakho omthembileyo akuyenge esithi: “IJerusalema ayisoze inikelwe esandleni senkosi ye-Asiriya.”+ 11 Ngithemba uzwile ukuthi amakhosi e-Asiriya asetshaye abhuqa zonke izizwe azitshabalalisa.+ Pho wena nguwe ongasila yini? 12 Onkulunkulu bezizwe ezatshabalaliswa ngokhokho bami benelisa yini ukukhulula lezozizwe?+ Ingaphi iGozani, leHarani,+ leRezefi kanye labantu base-Edeni ababeseTheli-asari? 13 Ingaphi inkosi yeHamathi, lenkosi ye-Ariphadi, lenkosi yamadolobho eSefavayimi,+ lenkosi yeHena leye-Iva?’”
14 UHezekhiya wathatha izincwadi ezazibuye lezithunywa wazibala. Ngemva kwalokho wahamba lazo endlini kaJehova wazichaya phambi kukaJehova.+ 15 UHezekhiya waseqalisa ukuthandaza kuJehova+ wathi: 16 “Awu Jehova wamabutho,+ Nkulunkulu ka-Israyeli, wena ohlezi esihlalweni sobukhosi ngaphezu* kwamakherubhi. Nguwe wedwa uNkulunkulu weqiniso kuyo yonke imibuso esemhlabeni. Nguwe owenza amazulu lomhlaba. 17 Awu Jehova lalela uzwe!+ Vula amehlo akho ubone,+ awu Jehova! Zwana wonke amazwi athunyelwe nguSenakheribhi echothoza uNkulunkulu ophilayo.+ 18 Awu Jehova, kuliqiniso sibili ukuthi amakhosi e-Asiriya asetshabalalise zonke izizwe+ kanye lelizwe lawo. 19 Asephosele onkulunkulu bazo emlilweni+ ngoba bebengayisibo onkulunkulu beqiniso kodwa bebeyizigodo lamatshe, izinto ezibazwe ngezandla zomuntu.+ Yikho bebatshabalalisile. 20 Kodwa khathesi awu Jehova Nkulunkulu wethu, sisindise esandleni sakhe ukuze yonke imibuso esemhlabeni yazi ukuthi nguwe wedwa uNkulunkulu, awu Jehova.”+
21 U-Isaya indodana ka-Amozi wathumela ilizwi kuHezekhiya esithi: “Nanku okutshiwo nguJehova uNkulunkulu ka-Israyeli, ‘Ngenxa yokuthi ukhuleke kimi ungitshela ngoSenakheribhi inkosi ye-Asiriya,+ 22 nanti ilizwi elikhulunywe nguJehova mayelana laye:
“Intombi egcweleyo yaseZiyoni iyakweyisa njalo iyakuhoza.
Indodakazi yeJerusalema iyakukhangela inikine ikhanda.
23 Ngubani omchothozileyo+ wamthethisa?
Ngubani omphakamisele ilizwi,+
Wamphakamisela lamehlo akho uzikhukhumeza?
Lokhu ukwenze koNgcwele ka-Israyeli!+
24 Uthume izinceku zakho ukuthi zichothoze uJehova,+ wathi,
‘Ngizaqansa ngiyefika eziqongweni zezintaba,+
Ngikhwele ngiye ezindaweni ezikhatshana zeLebhanoni
Ngilezinqola zami zempi ezinengi.
Ngizagamula imisedari yayo emide, lezihlahla zayo zomjunipha ezinhle.
Ngizahamba ngize ngiyefika eziqongweni zayo, emaguswini ayo amnyama.
25 Ngizagebha imigodi yamanzi, nginathe amanzi amanengi,
Ngizakomisa izifula zeGibhithe* ngenyawo zami.’
26 Kanti awuzwanga yini? Lokhu kwamiswa* kudaladala.
Ngakulungiselela* kusukela ezinsukwini ezadlulayo,+
Khathesi sengizakuletha.+
Wena uzakwenza amadolobho avikelwe ngemiduli abe ngamanxiwa.+
27 Abantu abahlala kuwo bazaswela lokuthi babambe ngaphi.
Bazabanjwa ngumhedehede babe lenhloni.
Bazakuba njengezimila zeganga lotshani obuluhlaza,
Babe njengotshani obumile ephahleni obutshiswe ngumoya wempumalanga.
28 Kodwa mina ngikwazi mhlophe, ngiyakwazi nxa uhlala kumbe uphuma loba ungena+
Lalapho ungithukuthelele,+
29 Ngoba sengikuzwile ukubhonga kwakho lokuthukuthela kwakho.+
Yikho ngizafaka iwuka yami emakhaleni akho, ngikufake lamatomu ami+ emlonyeni,
Ngikuqhube ngikubuyisele ngendlela obuye ngayo.”
30 “‘Nanku ozabona* ngakho ukuthi lokhu kuzakwenzakala: Lonyaka lizakudla amabele azimilele wodwa,* besekusithi ngomnyaka olandelayo lidle amabele azihlumele wodwa. Kodwa ngomnyaka wesithathu lizahlanyela livune, lilime amasimu amagilebisi lidle izithelo zawo.+ 31 Abantu bendlu yakoJuda abaseleyo+ elizweni bazatshonisa impande zabo phansi njalo bathele izithelo, 32 ngoba abaseleyo bazaphuma eJerusalema, labasindileyo bazaphuma entabeni iZiyoni.+ UJehova wamabutho uzatshisekela ukukwenza lokho.+
33 “‘Ngakho nanku okutshiwo nguJehova ngenkosi ye-Asiriya:+
“Ayisoze ingene edolobheni leli,+
Loba itshoke umtshoko kulo,
Ayisoze ibuye ithwele ihawu,
Loba yakhe idundulu lokulihlasela.”’+
34 ‘Izabuyela ngendlela ebuye ngayo;
Ayisoze ingene edolobheni leli,’ kutsho uJehova.
35 ‘Ngizalivikela idolobho leli+ ngilisindise ngenxa yebizo lami,+
Langenxa yenceku yami uDavida.’”+
36 Ngakho-ke ingilosi kaJehova yafika yabulala amadoda angu-185 000 enkambeni yama-Asiriya. Abantu bathi bevuka ekuseni babona sekuyizidumbu zodwa.+ 37 USenakheribhi inkosi yase-Asiriya wasesuka wabuyela eNiniva+ wayahlala khona.+ 38 Ngelinye ilanga wathi esakhotheme ekhonza endlini kankulunkulu* wakhe uNizirokhi, amadodana akhe u-Adrameleki loSharezeri ambulala ngenkemba,+ asebaleka aya elizweni le-Ararathi.+ Ngemva kwalokho indodana yakhe u-Esa-hadoni+ yathatha ubukhosi.
38 Ngalezonsuku uHezekhiya wagula wabangwa lezibi.+ Umphrofethi u-Isaya+ indodana ka-Amozi wasefika kuye wamtshela wathi: “UJehova uthi, ‘Layezela abemuli yakho* ngoba awusoze usile, uzakufa.’”+ 2 UHezekhiya wathi ekuzwa lokho watshibilika wakhangela emdulini, wasekhuleka kuJehova wathi: 3 “Awu Jehova, ngiyakuncenga, ngicela ukhumbule+ ukuthi bengihamba phambi kwakho ngenhliziyo yami yonke+ futhi ngithembekile, ngisenza okuhle phambi kwakho.” UHezekhiya wasekhala kabuhlungu.
4 Ngemva kwalokho ilizwi likaJehova lafika ku-Isaya lathi: 5 “Buyela kuHezekhiya uthi kuye,+ ‘Nanku okutshiwo nguJehova uNkulunkulu kakhokho wakho uDavida: “Ngiwuzwile umthandazo wakho,+ lenyembezi zakho ngizibonile.+ Ngakho sengisengezelela iminyaka engu-15 empilweni yakho.*+ 6 Ngizakukhulula wena ledolobho leli esandleni senkosi ye-Asiriya njalo ngizalilwela idolobho leli.+ 7 Nansi isibonakaliso esivela kuJehova esizakutshengisa ukuthi uJehova uzakwenza lokho akukhulumileyo:+ 8 Ngizakwenza umthunzi welanga owehla emasitephisini* ka-Ahazi ubuyele emuva ngamasitephisi alitshumi.”’”+ Ngakho umthunzi welanga wabuyela emuva ngamasitephisi alitshumi emasitephisini owawusudlule kuwo.
9 La ngamazwi abhalwa nguHezekhiya inkosi yakoJuda aze agule njalo asile emkhuhlaneni wakhe.
10 Ngathi: “Kuzamele ngiye emagedini engcwaba
Ngingakagugi lokuguga.
Ngizathathelwa iminyaka yami eseleyo.”
11 Ngathi: “Kangisoze ngimbone uJah,* kangisoze ngimbone uJah elizweni labaphilayo.+
Kangisoze ngiphinde ngibakhangele abantu
Nxa sengilalabo abahlala elizweni elingelampilo.
12 Indawo yami yokuhlala isidiliziwe yasuswa kimi+
Njengetende lomelusi.
Sengigoqe impilo yami njengelembu eligoqwe ngumuntu olungisa amalembu,
UNkulunkulu uyangiquma njengohali oluqunywa kulokho okuthungwayo.
Kusukela emini kuze kube sebusuku, uqhubeka engifikisa ekucineni.+
13 Ngiyazama ukuhlaliseka kuze kube sekuseni.
Uqhubeka evodloza wonke amathambo ami njengesilwane,
Kusukela emini kuze kube sebusuku, uqhubeka engifikisa ekucineni.+
Amehlo ami asediniwe ngokukhangela phezulu:+
‘Awu Jehova, ngikhathazeke kakhulu,
Ngicela ungisize.’+
15 Pho kuyini okunye engingakutsho?
Usekhulume lami futhi usekwenzile akutshoyo.
Ngizahamba ngokuzithoba okwempilo yami yonke
Ngenxa yobuhlungu obukhulu engiphakathi kwabo.*
Wena uzangipha impilakahle, ulondoloze impilo yami.+
17 Bengisizwa ubuhlungu obukhulu kulokuthi ngibe lokuthula,
Kodwa ungivikele ukuze ngingangeni egodini lokufa,+
Ngenxa yokuthi uyangithanda.
Izono zami zonke usuziphosele ngemva kwakho.*+
Labo abangena phansi egodini ngeke bakubone ukuthembeka kwakho.+
19 Abaphilayo yibo bodwa abenelisa ukukudumisa,
Njengoba lami ngisenza lamuhla.
Obaba bayenelisa ukupha amadodana abo ulwazi olumayelana lokuthembeka kwakho.+
20 Awu Jehova, ngisindisa,
Ngizahlabela izingoma zami ngitshaya iziginci labanye,+
Endlini kaJehova kuzo zonke insuku zokuphila kwethu.’”+
21 U-Isaya wasesithi: “Lethani ikhekhe elenziwe ngamakhiwane awonyisiweyo, beselilininda phezu kwethumba lakhe ukuze asile.”+ 22 Phela uHezekhiya wayebuze wathi: “Ngizabona ngani ukuthi ngizakuya endlini kaJehova?”+
39 Ngalesosikhathi inkosi yaseBhabhiloni uMerodakhi-bhaladani, indodana kaBhaladani yathumela izincwadi lesipho kuHezekhiya+ ngoba yayizwile ngokugula lokusila kwakhe.+ 2 UHezekhiya wabemukela ngazo zombili* abantu ababethunywe kuye wabatshengisa okwakusendlini okwakugcinelwa kuyo inotho yakhe.+ Wabatshengisa isiliva, legolide, lamafutha ebhalisamu* lamanye amafutha aligugu, lezikhali zakhe zonke kanye lakho konke okwakutholakala enothweni yakhe. Akulalutho uHezekhiya angazange abatshengise lona endlini yakhe* lasembusweni wakhe wonke.
3 Ngemva kwalokho umphrofethi u-Isaya wafika enkosini uHezekhiya wayibuza wathi: “Abantu laba batheni futhi bebevela ngaphi?” UHezekhiya wathi: “Bebevela khatshana khonale elizweni laseBhabhiloni.”+ 4 U-Isaya wasebuza wathi: “Baboneni endlini yakho?”* UHezekhiya waphendula wathi: “Babone konke okusendlini yami.* Akulalutho engingazange ngibatshengise lona kuyo yonke inotho yami.”
5 U-Isaya wasesithi kuHezekhiya: “Zwana ilizwi elivela kuJehova wamabutho, 6 ‘Ziyeza insuku lapho okuzathathwa khona konke okusendlini yakho* lakho konke okwabuthelelwa ngokhokho bakho kuze kube lamuhla. Kuzahanjiswa eBhabhiloni, akulalutho oluzasala,’+ kutsho uJehova.+ 7 ‘Amanye amadodana ozakuba lawo azathathwa ayekuba yiziphathamandla esigodlweni senkosi yaseBhabhiloni.’”+
8 UHezekhiya wasesithi ku-Isaya: “Ilizwi likaJehova olikhulumileyo lilungile.” Waqhubeka wathi: “Ngoba kuzakuba lokuthula lokuhlaliseka* ngesikhathi ngisaphila.”*+
40 “Duduzani abantu bami, baduduzeni,” kutsho uNkulunkulu wenu.+
2 “Khulumani okuzaduduza iJerusalema,*
Limemezele kuyo ukuthi ukucindezelwa kwayo sekuphelile,
Lokuthi icala layo selihlawulelwe.+
UJehova useyiphe umvuzo wayo ogcweleyo* ngenxa yazo zonke izono zayo.”+
3 Ilizwi lalowo omemeza esenkangala lithi:
Lungiselani uNkulunkulu wethu umgwaqo omkhulu oqondileyo,+ odabula enkangala.+
4 Zonke izigodi kaziphakanyiselwe phezulu,
Zonke izintaba lamaqaqa akwehliswe.
Umhlabathi olamagodigodi kawendlaleke,
Lendawo elamatshe kayibe ligceke.+
6 Lalela! Kulomuntu othi: “Memeza!”
Omunye uyabuza uthi: “Ngimemeze ngisithini?”
“Bonke abantu babutshani* obuluhlaza.
Uthando lwabo* lonke lunjengokuqhakaza kweluba leganga.+
Abantu babutshani obuluhlaza sibili.
8 Utshani obuluhlaza buyoma,
Leluba liyabuna
Kodwa ilizwi likaNkulunkulu wethu lihlala kuze kube nini lanini.”+
9 Wena wesifazana oletha izindaba ezinhle eZiyoni,+
Qansa uye phezu kwentaba ephakemeyo.
Wena wesifazana oletha izindaba ezinhle eJerusalema,
Khweza ilizwi lakho umemeze ngamandla
Likhweze, ungesabi.
Bika emadolobheni akoJuda uthi: “Nangu uNkulunkulu wenu.”+
Umvuzo ewunikayo usesandleni sayo,
Lomholo ewuholisayo uphambi kwayo.+
11 Uzakwelusa* umhlambi wakhe njengomelusi,+
Aqoqe* imvana,
Azithwale esifubeni sakhe.
Lezimvu ezimunyisayo uzazikhokhela kuhle.+
12 Ngubani ongathwala wonke amanzi olwandle ngesandla sakhe?+
Ngubani oseke walinganisa amazulu ngobubanzi besandla* sakhe?
Ngubani oseke wafaka uthuli esikalini?+
Ngubani oseke wafaka izintaba ezilinganisweni,
Kumbe amaqaqa ezikalini?
14 Ngubani ake wambuza efuna ukuzwisisa?
Ngubani omfundisa indlela yokwahlulela kuhle?
Ngubani ongamfundisa ukuze abe lolwazi?
Ngubani ongamtshengisa indlela yokuzwisisa?+
15 Izizwe zinjengethonsi lamanzi enkonxeni,
Zibalwa njengothuli olungatsho lutho oluphezu kwezikali.+
Uphakamisa izihlenge angathi luthuli olucolekileyo.
16 ILebhanoni kayeneli ukugcina umlilo ubhebha,*
Izinyamazana zeganga ezikuyo kazeneli umnikelo wokutshiswa.
17 Phambi kwakhe zonke izizwe zifanana lento engekhoyo,+
Uzibona zingatsho lutho njalo zingasilutho.+
18 Kambe ngubani elingamqathanisa loNkulunkulu?+
Kuyini elingakumisa eceleni kwakhe lithi ufanana lakho?+
20 Umuntu ukhetha isihlahla ukuthi sibe ngumnikelo wakhe,+
Isihlahla esingasoze sibole.
Udinga ingcitshi yomsebenzi
Ukuze ibaze isithombe esingasoze siwe.+
21 Kalikwazi yini?
Kalizwanga yini?
Kalikutshelwanga yini kusukela ekuqaliseni?
Kalikuzwisisanga yini kusukela kubekwa izisekelo zomhlaba?+
Welula amazulu njengelembu elilula,
Awelule njengetende lokuhlala.+
23 Wehlisa iziphathamandla zisale zingasilutho,
Enze amakhosi omhlaba abe* yinto engatsho lutho.
24 Bathi besanda kugxunyekwa,
Besanda nje kuhlanyelwa,
Isiqu sabo singakajulisi impande emhlabathini,
Bayaphephethwa ngumoya, bome qha!
Umoya uyabaphephula ubathwale njengamahlanga awomileyo.+
25 “Kambe ukhona yini elingamfanisa lami lithi ulingana lami?” kutsho oNgcwele.
26 “Phakamisani amehlo enu likhangele phezulu.
Ngubani odale izinto zonke lezi?+
Ngulowo okhokhela ibutho lazo, abale yinye ngayinye;
Azibize zonke ngamabizo azo.+
27 Awu Jakhobe kungani usitsho njalo, We Israyeli kungani usithi,
‘Indlela yami ifihlakele phambi kukaJehova,
UNkulunkulu kalandaba lokuthi ngiphathwa kubi’?+
28 Kalikwazi yini? Kalizwanga yini?
UJehova, uMdali wemikhawulo yomhlaba unguNkulunkulu kuze kube nini lanini.+
Kadinwa njalo kapheli amandla.+
Akulamuntu ongaqedisisa ukuzwisisa kwakhe.+
30 Abafana bazadinwa baphele amandla,
Lamajaha azakhubeka awe,
31 Kodwa labo abathemba uJehova bazaphinda babe lamandla.
Bazaphapha baqonge angathi balempiko njengezinkozi.+
Bazagijima kodwa bangadinwa,
Bazahamba kodwa bangapheli amandla.”+
41 “Thulani lingilalele* lina zihlenge,
Izizwe azivuselele amandla azo.
Kazisondele zikhulume.+
Asihlanganeni enkundleni yokwahlulela.
2 Ngubani ovuse lowo ovela empumalanga?+
Embizela enyaweni zakhe* ukuthi alethe ukulunga,
Lokuthi anikele izizwe kuye,
Njalo amenze anqobe amakhosi?+
Ngubani ozawabhuqa ngenkemba yakhe awatshiye eluthuli,
Awabhuqe ngedandili* lakhe abe njengamahlanga aphetshulwa ngumoya?
3 Uyazixotshanisa izizwe adlule kungelalutho olumvimbelayo
Ehamba ezindleleni angakaze anyathele kuzo ngenyawo zakhe.
4 Ngubani osukumileyo wakwenza lokhu,
Obize izizukulwane kusukela ekuqaleni?
5 Izihlenge zikubonile lokhu zesaba,
Imikhawulo yomhlaba yaqalisa ukuqhuqha.
Abantu bayasondela eduze.
6 Omunye lomunye unceda umngane wakhe,
Athi kumfowabo: “Qina.”
Uthi okunuselweyo kuhle.
Ngemva kwalokho okukhandiweyo kuyabethelwa ngezipikili ukuze kungawi.
8 “Kodwa wena Israyeli uyinceku yami,+
Wena Jakhobe engikukhethileyo,+
Nzalo ka-Abrahama umngane wami,+
9 Wena engakuthatha emikhawulweni yomhlaba,+
Wena engakubiza ezindaweni zawo ezikhatshana kakhulu.
Ungakhathazeki ngoba nginguNkulunkulu wakho.+
11 Bonke abakuzondelayo bazayangiswa babe lenhloni.+
Abalwa lawe bazabhujiswa baphele du.+
12 Abantu abalwisana lawe uzabadinga kodwa awusoze ubathole,
Lalabo abalwa lawe bazakuba yize, into engekhoyo.+
13 Ngoba mina Jehova, uNkulunkulu wakho, ngibambe isandla sakho sokudla,
Ngithi kuwe, ‘Ungesabi. Ngizakunceda.’+
14 Ungesabi Jakhobe, wena oliwemusi,*+
Wena Israyeli, ngizakunceda,” kutsho uJehova uMhlengi wakho,+ yena oNgcwele ka-Israyeli.
Uzanyathela izintaba uzichole,
Wenze lamaqaqa abe njengomule.
16 Konke uzakwela,
Kuphetshulwe ngumoya,
Kuzathathwa yisivunguzane kugcwale yonke indawo.
17 “Abaswelayo labayanga badinga amanzi kodwa kawakho.
Ulimi lwabo lome qha ngenxa yokoma.+
Mina Jehova ngizabaphendula.+
Mina Nkulunkulu ka-Israyeli kangisoze ngibatshiye.+
18 Ngizakwenza imifula igeleze emaqaqeni angelalutho+
Lemithombo impompoze ezindaweni ezingamagceke.+
Ngizatshintsha indawo ewomileyo ibe lichibi lamanzi elilemihlanga,
Lelizwe elingelamanzi libe yimithombo yamanzi.+
19 Ngizahlanyela isihlahla somsedari enkangala,
Ngihlanyele lesinga lesihlahla sommethile lesephayini.+
Lasendaweni elugwadule ngizahlanyela isihlahla somjunipha,
Lesom-ashi lesomsayiphresi,+
20 Ukuze abantu bonke babone njalo bakwazi,
Balalelisise futhi bazwisise
Ukuthi isandla sikaJehova sikwenzile lokhu,
Lokuthi oNgcwele ka-Israyeli nguye okulethileyo.”+
21 “Yethulani udaba lwenu,” kutsho uJehova.
“Vezani izizatho zenu,” kutsho iNkosi kaJakhobe.
22 “Lethani ubufakazi, lisitshele izinto ezizakwenzakala.
Sitsheleni ngezinto zakuqala,
Ukuze sicabangisise ngazo, sikwazi ukuthi zizaphetha ngani.
Kumbe lisitshele okuzakwenzakala.+
23 Sitsheleni okuzakwenzakala ngesikhathi esizayo,
Ukuze sikwazi ukuthi lingonkulunkulu sibili.+
Yenzani okuthile, okuhle loba okubi,
Ukuze simangale nxa sikubona.+
24 Zwanini! Liyazifananela nje lento engasizi ngalutho,
Lomsebenzi wenu awusilutho.+
Loba ngubani okhetha ukulikhonza uyenyanyeka.+
Uzagxobagxoba ababusi angathi bangumdaka,+
Njengombumbi ovoxa umdaka.
26 Ngubani owakhuluma lokhu kusukela ekuqaleni ukuze sikwazi?
Ngubani owakukhulumayo kusukela ezinsukwini ezadlulayo ukuze sithi, ‘Akutshoyo kuqondile’?+
Kakho loyedwa owakubikayo!
Kakho owakukhulumayo!
Kakho owezwa loba yini evela kini!”+
27 Yimi engaqala ukutshela iZiyoni ngathi: “Khangelani okuzakwenzakala!”+
Ngizathuma lowo ozakuza ephethe izindaba ezinhle eJerusalema.+
28 Kodwa ngaqhubeka ngikhangele, kangibonanga muntu,
Kakho loyedwa phakathi kwabo owayengaba ngumeluleki.
Lanxa ngaqhubeka ngicela ukuthi baphendule, akulamuntu owaphendulayo.
29 Bonke bayiziphamaso nje.
Imisebenzi yabo kayincedi ngalutho.
Lezithombe zabo ezenziwe ngensimbi zizifananela lomoya njalo ziyize.+
42 Le yinceku yami+ engiyincedisayo!*
Okhethiweyo wami+ esengimamukele!+
Uzaletha ukulunga ngokuthembeka.+
4 Ukukhanya kwakhe akusoze kufiphale futhi kasoze ahlifizwe aze enze ukuthi kube lokulunga emhlabeni,+
Izihlenge ziqhubeka ziwulindele umthetho* wakhe.
5 Nanku okutshiwo nguJehova uNkulunkulu weqiniso, uMdali wamazulu,
Onguye Omkhulu, yena owelula amazulu,+
Owendlala umhlaba lakho konke okukuwo,+
Onika abantu abakuwo ukuphefumula,+
Labahamba kuwo umoya:+
6 “Mina Jehova ngikubize ngokulunga,
Ngakubamba ngesandla sakho.
Ngizakulinda njalo ngizakwenza ube yisivumelwano phakathi kwami labantu,+
Ngikwenze ube yikukhanya kwezizwe,+
7 Ukuze uvule amehlo angaboniyo,+
Ukhiphe isibotshwa entolongweni,
Njalo ubakhiphe ejele labo abahlezi emnyameni.+
8 NginguJehova. Leli yilo ibizo lami,
Inkazimulo yami ngeke ngiyinike omunye,*
Lodumo lwami ngeke ngilunike izithombe ezibaziweyo.+
9 Khangela, izinto zakuqala sezenzakele,
Khathesi sengimemezela izinto ezintsha.
Ngikutshela ngazo zingakenzakali.”+
10 Hlabelelani uJehova ingoma entsha,+
Limdumise ngengoma kuze kuyefika emikhawulweni yomhlaba,+
Lina elehlela phansi elwandle kanye lakho konke okukulo,
Lina zihlenge lalabo abahlala kuzo.+
Akuthi izakhamizi ezihlala ezindaweni ezilamadwala zimemeze ngentokozo,
Labaphezulu ezintabeni kabamemeze.
12 Bonke kabamkhazimulise uJehova,
Bamdumise lasezihlengeni.+
13 UJehova uzaphuma njengendoda elamandla.+
Uzavuselela ukutshiseka kwakhe njengeqhawe.+
Uzakhwaza, enze umsindo wempi,
Atshengise ukuthi ulamandla ukwedlula izitha zakhe.+
14 “Sengilesikhathi eside ngithule.
Bengilokhu ngithule njalo ngizibamba.
Ngizabubula, ngikhefuzele futhi ngiphefuzele,
Njengowesifazana obelethayo.
15 Ngizadiliza izintaba lamaqaqa,
Ngomise konke okumila phezu kwazo.
Ngizatshintsha imifula ibe yizihlenge,
Ngomise lamachibi alemihlanga.+
Ngizatshintsha ubumnyama obuphambi kwazo bube yikukhanya,+
Ngitshintshe lendawo elamagodigodi ibe yindawo echayileyo.+
Lokhu yikho engizakwenza kuzo njalo kangisoze ngizitshiye.”
17 Labo abathembe izithombe ezibaziweyo,
Abathi ezithombeni zensimbi: “Lingonkulunkulu bethu,”+
Bazabuyela emuva futhi bazayangeka baswele lokuthi bangene ngaphi.
18 Lalelani lina zacuthe,
Khangelani libone lina ziphofu.+
19 Ngubani oyisiphofu ngaphandle kwenceku* yami,
Oyisacuthe njengesithunywa engisithumayo?
Ngubani oyisiphofu njengalowo othole umvuzo,
Oyisiphofu njengenceku kaJehova?+
20 Wena ubona izinto ezinengi kodwa kawuqhubeki ulindile.
Uyazivula indlebe zakho kodwa awulaleli.+
21 Ngenxa yokulunga kwakhe,
UJehova ukuthandile ukukhulisa umthetho* lokuwenza ukhazimule.
22 Kodwa laba ngabantu abakhuthuziweyo bathathelwa impahla yabo ngenkani,+
Bathathelwe inotho yabo njalo akulamuntu ongabakhulula,+
Bathethwe futhi kakho othi: “Baphendukiseni!”
23 Ngubani phakathi kwenu ozakuzwa lokhu?
Ngubani ozathiya indlebe alalelisise ukuze ancedakale ngesikhathi esizayo?
24 Ngubani obangele ukuthi uJakhobe athunjwe,
Wanikela abako-Israyeli kubaphangi?
Kayisuye yini uJehova esamonelayo?
Abavumanga ukuhamba ezindleleni zakhe,
Abawulalelanga umthetho* wakhe.+
25 Yikho waqhubeka ethululela ulaka lwakhe kubo,
Lentukuthelo yakhe kanye lempi evuthayo.+
Yatshaya yalobisa konke okwakuseduze kwabo kodwa kabazange babe lendaba.+
Yavutha phezu kwabo kodwa akuzange kuthi thiki kubo.+
43 Nanku okutshiwo nguJehova,
UMdali wakho wena Jakhobe, yena owakubumbayo, wena Israyeli:+
“Ungesabi ngoba sengikuhlengile.+
Sengikubize ngebizo lakho.
Wena ungowami.
Lapho uhamba phakathi komlilo awusoze utshe,
Ilangabi kalisoze likuhaqaze.
3 Ngoba nginguJehova uNkulunkulu wakho,
ONgcwele ka-Israyeli, uMsindisi wakho.
Senginikele iGibhithe ukuthi ibe yinhlawulo yakho,
Nganikela ngeTopiya leSebha ukuze uhlengwe.
Ngakho ngizanikela abantu ukuze ngikusindise,
Nginikele langezizwe ukuze ngihlenge impilo yakho.
5 Ungesabi ngoba ngilawe.+
6 Inyakatho ngizakuthi kuyo, ‘Bayekele bahambe,’+
Ngitshele leningizimu ngithi, ‘Ungabavimbeli.
Lethani amadodana ami asezindaweni ezikhatshana kanye lamadodakazi ami asemikhawulweni yomhlaba,+
7 Wonke umuntu obizwa ngebizo lami,+
Engamdalela inkazimulo yami,
Engambumbayo njalo ngamenza.’+
8 Lethani abantu abayiziphofu lanxa belamehlo,
Abayizacuthe lanxa belendlebe.+
9 Zonke izizwe kazibuthane endaweni eyodwa,
Abantu bonke kababuthane ndawonye.+
Ngubani phakathi kwabo ongakukhuluma lokhu?
Ngubani kubo ongenza sizwe izinto zakuqala?*+
Kabalethe ofakazi babo ukuze kukhanye ukuthi baqinisile,
Abanye labo kabezwe bathi, ‘Liqiniso sibili.’”+
10 “Lingofakazi bami,”+ kutsho uJehova,
“Inceku yami engiyikhethileyo,+
Ukuze likwazi njalo likholwe kimi,*
Lizwisise lokuthi angitshintshi.+
Ngaphambi kwami kakho uNkulunkulu owayekhona,
Langemva kwami kakho omunye oseke waba khona.+
11 Mina, mina uqobo nginguJehova+ njalo akula omunye umsindisi ngaphandle kwami.”+
12 “Yimi engabikayo, ngasindisa njalo ngenza kwaziwa
Ngesikhathi kungela loyedwa unkulunkulu wezizweni phakathi kwenu.+
Yikho lingofakazi bami,” kutsho uJehova, “njalo mina nginguNkulunkulu.+
Nxa sengisenza okuthile ngubani ongakuvimba?”+
14 Nanku okutshiwo nguJehova, uMhlengi wakho,+ oNgcwele ka-Israyeli:+
“Ngizathumela ibutho eBhabhiloni ngisenzela lina futhi ngizawisela phansi imigoqo yamagedi,+
AmaKhaledi azakhala kabuhlungu ngenxa yosizi esemikhunjini yawo.+
15 NginguJehova, oNgcwele wenu,+ uMdali ka-Israyeli+ njalo ngiyiNkosi yenu.”+
16 Nanku okutshiwo nguJehova,
Yena ovula indlela elwandle
Avule lomgwaqo emanzini ageleza ngamandla,+
17 Okhipha inqola yempi kanye lebhiza,+
Akhiphe ibutho kanye lamaqhawe alamandla:
“Bazalala bangavuki,+
Bacitshwe njengentambo yesibane ebhebhayo.”
18 “Lingakhumbuli izinto zakuqala,
Lingabi lilokhu licabanga ngezinto ezenzakala kudala.
19 Khangelani! Sengisenza okutsha,+
Lakhathesi sekuqalisile ukwenzakala.
Kanti alikuboni yini?
20 Inyamazana zeganga zizangipha udumo,
Amakhanka lezintshe lakho kuzangipha udumo,
Ngoba ngenza kube lamanzi enkangala,
Kanye lemifula ezindaweni ezilugwadule,+
Ukuze abantu bami abakhethiweyo+ banathe,
21 Abantu engazibumbela bona
Ukuze bangidumise.+
23 Kawuzange ungiphathele izimvu zomnikelo wakho wokutshiswa ogcweleyo,
Kawuzange ungikhazimulise ngemihlatshelo yakho.
Angizange ngikubambe ngamandla ukuthi ungiphathele isipho,
Kangizange ngikudine ngokukutshela ukuthi ungilethele inhlaka yokwenza impepha.+
24 Kawuzange ungithengele umhlanga onukelelayo* ngemali yakho,
Kawuzange ungenze ngisuthiseke ngamafutha emihlatshelo yakho.+
Kodwa wangithwalisa nzima ngezono zakho
Wangidinisa ngamacala akho.+
25 Mina, mina uqobo yimi engizesulayo iziphambeko zakho*+ ngenxa yebizo lami,+
Njalo kangisoze ngizikhumbule izono zakho.+
26 Ngikhumbuza; kasihlafune udaba esimangalelana ngalo,
Landisa eyakho indaba ukuze utshengise ukuthi awulacala.
28 Ngakho ngizangcolisa izikhulu zendawo engcwele,
Ngizakwenza ukuthi uJakhobe atshabalaliswe,
Ngenze u-Israyeli athukwe.+
44 “Khathesi lalela wena Jakhobe nceku yami,
Wena Israyeli engikukhethileyo.+
4 Bazahluma angathi baphakathi kotshani obuluhlaza,+
Njengezihlahla zomphophula eziseduze lezifula zamanzi.
5 Omunye uzakuthi: “NgingokaJehova.”+
Omunye uzazinika ibizo likaJakhobe,
Omunye abhale esandleni sakhe athi: “NgingokaJehova,”
Njalo uzathatha ibizo lika-Israyeli.’
‘Ngingowokuqala futhi ngingowokucina.+
Kakho omunye uNkulunkulu ngaphandle kwami.+
7 Ngubani onjengami?+
Kamemezele, akukhulume lokho njalo angitshengise ubufakazi bakhe.+
Kusukela ngisenza ukuthi abantu basendulo babekhona,
Ukhona yini ongakhuluma izinto ezizabuya,
Aphinde atsho ezisazokwenzakala?
8 Lingatshaywa luvalo,
Lingathithibali ngenxa yokwesaba.+
Kangilitshelanga kudala yini ngalibikela konke?
Lingofakazi bami.+
Ukhona yini omunye uNkulunkulu ngaphandle kwami?
Hatshi, kalikho elinye iDwala;+ Kalikho elinye engilaziyo.’”
9 Bonke abenza izithombe ezibaziweyo kabasilutho,
Lezinto zabo abaziqakathekisayo kazisoze zibancede.+
10 Kambe kulomuntu olengqondo ongabumba unkulunkulu
Kumbe enze isithombe sensimbi esingancedi ngalutho?+
11 Bonke abangane bakhe bazayangiswa.+
Labo ababaza izithombe bangabantu nje.
Kababuthane bonke bame ezindaweni zabo.
Bazabanjwa ngumhedehede bayangiswe bendawonye.
12 Umkhandi wensimbi utshisa insimbi emalahleni ayisebenze ngethuluzi lakhe.
Uyikhanda ngezando zakhe,
Ayisebenze ngesandla sakhe esilamandla.+
Ngemva kwalokho uyalamba, aphele amandla,
Kanathi amanzi futhi ucina esediniwe.
13 Umbazi wezigodo welula intambo yokulinganisa phezu kwesigodo, alandelele umdwebo ngetshoko ebomvu.
Uyasibaza ngetshizela abesesidweba ngethuluzi lokudweba.*
14 Ukhona olomsebenzi wokugamula izihlahla zomsedari.
Ukhetha isihlahla esithile, isihlahla som-okhi,
Asiyekele sikhule size siqine phakathi kwezihlahla zeganga.+
Uhlanyela isihlahla somloreli besesikhuliswa lizulu.
15 Ngemva kwalokho siba zinkuni umuntu abasa ngazo umlilo.
Uthatha ingxenye yaso othe ukuze akhudumale,
Ubasa umlilo apheke isinkwa.
Kodwa uphinda enze unkulunkulu ngaso abesemkhonza.
Wenza ngaso isithombe esibaziweyo abesesikhothamela.+
16 Ubasa umlilo ngengxenye yaso,
Awose inyama, adle asuthe nti.
Uphinda azikhudumeze abesesithi:
“Ya! Ngaze ngakhudumala emlilweni lo engiwothayo.”
17 Kodwa esiseleyo wenza ngaso unkulunkulu, sibe yisithombe sakhe esibaziweyo.
Uyasikhothamela asikhonze,
Akhuleke kuso athi:
“Ngisindisa ngoba ungunkulunkulu wami.”+
18 Abakwazi lutho njalo kabazwisisi lutho,+
Ngoba amehlo abo avalwe ngci, ababoni,
Inhliziyo zabo kazilakho ukuqedisisa.
19 Kakho ocabangisisayo enhliziyweni yakhe,
Loba ololwazi kumbe ozwisisayo othi:
“Ingxenye yaso ngibase ngayo umlilo,
Ngapheka isinkwa ngosa lenyama ngamalahle aso.
Kambe sengingenza okusele kuso kube yinto eyenyanyekayo?+
Sengingaze ngikhonze isigodo sesihlahla yini?”
20 Udla umlotha.
Inhliziyo yakhe emqilayo isimphambukisile.
Kenelisi ukuzisindisa njalo katsho ukuthi:
“Lokhu okusesandleni sami sokudla yinto engasizi lutho.”*
21 “Khumbula izinto lezi Jakhobe, wena Israyeli,
Ngoba uyinceku yami.
Ngakubumba futhi uyinceku yami.+
Kangisoze ngikukhohlwe Israyeli.+
22 Ngizacitsha iziphambeko zakho, kube angathi zivalwe liyezi,+
Ngesule izono zakho ngeyezi elijiyileyo.
Phenduka kimi ngoba ngizakuhlenga.+
23 Memezani ngentokozo lina mazulu,
Ngoba uJehova usethethe inyathelo.
Memezani ngenjabulo lina zindawo ezitshonayo zomhlaba!
Memezani ngokuthokoza lina zintaba,+
Lawe gusu lazo zonke izihlahla ezikuwe.
Ngoba uJehova usemhlengile uJakhobe,
Utshengisa ubuhle bakhe ku-Israyeli.”+
24 Nanku okutshiwo nguJehova uMhlengi wakho+
Owakubumba usesesiswini:
“NginguJehova, owenza zonke izinto.
Ngubani owayelami ngikwenza lokho?
25 Ngifadalalisa izibonakaliso zalabo abakhuluma okungasizi ngalutho,*
Yimi engenza abahlahlulayo benze njengeziphukuphuku,+
Ngingulowo ophithanisa amakhanda ezihlakaniphi,
Ngenze ukuthi ulwazi lwazo lube yibuphukuphuku.+
26 Ngingulowo owenza ilizwi lenceku yakhe ligcwaliseke,
Ogcwalisa konke okubikwe yizithunywa zakhe ukuthi kuzenzakala,+
Lowo othi ngeJerusalema, ‘Kuzahlalwa kuyo,’+
Athi ngamadolobho akoJuda, ‘Azakwakhiwa kutsha,+
Ngizavuselela amanxiwa ayo,’+
27 Lowo othi enzikini yamanzi, ‘Tshana,
Ngizawomisa yonke imifula yakho,’+
28 Lowo othi ngoKhoresi,+ ‘Ungumelusi wami,
Uzakwenza konke engikufunayo,’+
Lowo othi ngeJerusalema, ‘Izakwakhiwa kutsha,’
Akhulume ngethempeli athi, ‘Isisekelo sakho sizabekwa.’”+
45 Nanku okutshiwo nguJehova kogcotshiweyo wakhe uKhoresi,+
Lowo ambambe isandla sokudla+
Ukuze anqobe izizwe eziphambi kwakhe,+
Athathele amakhosi izikhali zawo,
Avule leminyango elezivalo ezimbili phambi kwakhe,
Ukuze amagedi angavalwa:
Ngiphahlaze izivalo zekhopha zibe yizicucu,
Ngiqume lemigoqo yensimbi.+
3 Ngizakunika amagugu asezindaweni ezimnyama,
Lamagugu afihlwe ezindaweni ezicatshileyo,+
Ukuze ukwazi ukuthi nginguJehova,
UNkulunkulu ka-Israyeli okubiza ngebizo lakho.+
4 Ngikubiza ngebizo lakho,
Ngisenzela inceku yami uJakhobe, yena u-Israyeli engimkhethileyo.
Ngikunika ibizo elihloniphekayo lanxa ubungangazi.
5 NginguJehova kakho omunye.
Akula omunye uNkulunkulu ngaphandle kwami.+
Ngizakuqinisa lanxa ubungangazi,
6 Ukuze abantu bakwazi
Kusukela empumalanga kusiya entshonalanga*
Ukuthi kakho omunye ngaphandle kwami.+
NginguJehova kakho omunye.+
7 Ngenza ukukhanya,+ ngidale lobumnyama,+
Ngiletha ukuthula,+ ngidale lomonakalo;+
Mina Jehova, yimi engizenzayo zonke lezizinto.
8 Lina mazulu yenzani ukuthi izulu line,+
Amayezi kawathulule ukulunga.
Lomhlaba kawuvuleke uthele izithelo zensindiso,
Wenze lokuthi ukulunga kube khona ngasikhathi sinye.+
Mina Jehova ngikudalile lokhu.”
9 Maye kulowo oxabana loMenzi wakhe,*
Ngoba yena ulucezu nje lwesitsha esibunjiweyo
Oluphakathi kwezinye incezu zaso eziphansi!
Kambe ibumba lingabuza uMbumbi walo* lithi: “Kanti wenzani?”+
Into oyenzileyo ingakhuluma yini ithi:* “Kalazandla”?
10 Maye kulowo othi kubaba womuzi: “Uzakuba ngubaba womntwana onjani?”
Athi kowesifazana: “Kuyini ozakubeletha?”
11 Nanku okutshiwo nguJehova, oNgcwele ka-Israyeli,+ yena onguMbumbi wakhe:
“Alingithembi yini nxa ngilitshela ngezinto ezizayo?
Lingangitshela okokwenza yini ngamadodana ami+ langomsebenzi wezandla zami?
12 Yimi engadala umhlaba,+ ngadala labantu abakuwo.+
Nguye ozangakhela idolobho lami,
Akhulule labathunjiweyo bami+ kungelambadalo kumbe ukufunjathiswa,”+ kutsho uJehova wamabutho.
14 Nanku okutshiwo nguJehova:
“Inzuzo yaseGibhithe* lempahla ethengiswayo yaseTopiya* kanye lamaSabhini, amadoda amade,
Konke kuzabuya kuwe kube ngokwakho.
Bazahamba ngemva kwakho bebotshwe ngamaketane.
Bazakuza bakukhothamele.+
Bakhulume lawe ngenhlonipho bathi, ‘UNkulunkulu ulawe sibili,+
Kakho omunye, kakho omunye uNkulunkulu.’”
15 Kuyacaca ukuthi wena unguNkulunkulu ogcina izindlela zakhe zifihlakele,*
Wena Msindisi, Nkulunkulu ka-Israyeli.+
16 Bonke bazayangiswa babe lenhloni,
Bonke abenza izithombe bazasuka beyangekile.+
17 Kodwa wena Israyeli, uJehova uzakusindisa ngensindiso engapheliyo.+
Awusoze uyangiswe loba wenziwe ube lenhloni kuze kube nini lanini.+
18 Nanku okutshiwo nguJehova,
UMdali wamazulu,+ uNkulunkulu weqiniso,
Lowo owabumba umhlaba, uMenzi wawo owawumisa waqina,+
Ongawudalelanga ukuthi ungabi lalutho kodwa owawubumba ukuze kuhlalwe kuwo:+
“NginguJehova, kakho omunye.
19 Kangizange ngikhulume ngisendaweni ecatshileyo,+ elizweni lobumnyama,
Kangizange ngithi ebantwaneni bakaJakhobe,
‘Ake lingidinge lanxa lingasoze lingithole.’
NginguJehova, ngikhuluma okulungileyo ngimemezele okuqotho.+
20 Buthanani ndawonye libuye.
Lina lonke elibaleke ezizweni sondelani.+
Labo abahamba bethwele izithombe ezibaziweyo kabazilutho,
Bakhuleka kunkulunkulu ongeke abasindise.+
21 Lethani umbiko wenu, yethulani udaba lwenu.
Hlanganisani amakhanda.
Ngubani owazikhulumayo izinto lezi endulo,
Wazimemezela kusukela kudaladala?
Kayisimi yini uJehova?
Kakho omunye uNkulunkulu ngaphandle kwami,
NginguNkulunkulu olungileyo loMsindisi,+ kakho omunye ngaphandle kwami.+
Wonke amadolo azangiguqela,
Bonke abantu bazafunga ukuthi baqotho kimi,+
24 Bathi, ‘UJehova ulungile sibili njalo ulamandla.
Bonke abamzondeleyo bazakuza kuye beyangekile.
25 Kuzakhanya ukuthi bonke abantwana baka-Israyeli* balungile ngenxa kaJehova,+
Bazaziqhenya ngezinto azenzileyo.’”
46 UNebho uyakhothama, loBheli* uyakhothama aze ayefika phansi.+
Izithombe zabo zifakwe phezu kwezinyamazana ezisetshenziswa ukuthwala imithwalo,+
Sezingumthwalo osinda izinyamazana ezidiniweyo.
2 Bayakhothama baye phansi, bakhothama kanye kanye,
Kabenelisi ukuhlenga imithwalo,*
Njalo labo bayathunjwa.
3 “Ngilalelani lina abendlu kaJakhobe, lina lonke abaseleyo endlini ka-Israyeli,+
Lina engilincede kusukela lizalwa ngalithwala kusukela lisesiswini.+
4 Lizaze liguge ngilokhu nginjalo,+
Ngizaqhubeka ngilithwele lize libe lenwele ezimhlophe.
Ngizaliphakamisa ngilithwale njalo ngilihlenge njengoba bengivele ngisenza.+
5 Kambe ngubani elingangifanisa laye kumbe lingilinganise laye?+
Ukhona yini ofanana lami elingangiqathanisa laye?+
6 Kulabanye abathulula igolide elinengi elisesikhwameni sabo,
Balinganise isiliva esikalini.
Baqhatsha umkhandi wensimbi, abesebumba unkulunkulu ngaso.+
Besebekhothama kuye bamkhonze.+
7 Bayasiphakamisa basifake emahlombe abo,+
Basithwale basifake endaweni yaso njalo sihlala khonapho singanyikinyeki.
Kasisuki lapho esifakwe khona.+
Bayasimemeza kodwa kasiphenduli,
Kasenelisi ukuhlenga loba ngubani osebunzimeni.+
8 Kukhumbuleni lokho libe lesibindi.
Kufakeni ezinhliziyweni zenu lina bantu abenza okubi.
9 Khumbulani izinto zakuqala, ezenzakala endulo,
Ukuthi nginguNkulunkulu kakho omunye.
NginguNkulunkulu kakho ofanana lami.+
10 Kusukela ekuqaleni ngihle ngibike lokho okuzakwenzakala ekucineni,
Kusukela endulo ngimemezela izinto ezingakenzakali.+
11 Ngibiza inyoni evela empumalanga edla inyama,+
Indoda evela elizweni elikhatshana ukuze yenze engikukhethileyo.*+
Sengikhulumile njalo ngizakwenza lokhu.
Sengilibumbile icebo lami futhi ngizalenza liphumelele.+
12 Ngilalelani lina bantu abalenhliziyo ezilukhuni,
Lina bantu abakhatshana lokulunga.
Ngizaletha insindiso eZiyoni kanye lenkazimulo yami ko-Israyeli.”+
47 Yehla uhlale phansi ethulini,
Wena ndodakazi emsulwa yeBhabhiloni+
Hlala phansi emhlabathini lapho okungelasihlalo sobukhosi,+
Wena ndodakazi yamaKhaledi,
Ngoba abantu abasoze baphinde bathi uyatotozwa, uphethwe njengeqanda.
2 Thatha ilitshe lokuchola wenze ifulawa.
Khipha iveyili yakho.
Khipha isembatho sakho ukhwince isiketi sakho,
Uchaphe imifula.
3 Ubunqunu bakho buzavezwa egcekeni.
Ihlazo lakho lizakwembulwa.
Ngizaphindisela+ njalo kakho ozangivimba.*
5 Hlala khonapho uthule zwi, ube semnyameni,
Wena ndodakazi yamaKhaledi;+
Abasoze baphinde bakubize ngokuthi uyiNdlovukazi yeMibuso.+
6 Ngabazondela kakhulu abantu bami,+
Kodwa awuzange ube lesihawu kubo,+
Wethesa abakhulileyo ijogwe elinzima.+
7 Wathi: “Ngizahlala ngiyiNdlovukazi kuze kube nini lanini.”+
Awuzange uzihluphe ngezinto lezi enhliziyweni yakho
Kawuzange ucabangisise ngokuthi indaba le izaphetha ngani.
8 Khathesi zwana wena othanda injabulo,+
Wena ohlezi uvikelekile usithi enhliziyweni yakho:
“Kakho omkhulu kulami.+
Angisoze ngaba ngumfelokazi.
Kangisoze ngafa ngabuzwa ubuhlungu bokufelwa ngabantwana.”+
9 Kodwa nanzi izinto ezimbili ezizakujuma, zikwehlele ngelanga elilodwa:+
Ukufelwa ngabantwana lokuba ngumfelokazi.
10 Ubusenza okubi uzitshela ukuthi akulalutho olubi oluzakwehlela.
Ubusithi: “Kakho ongibonayo.”
Ukuhlakanipha kwakho lolwazi olalo yikho okwenze waphambuka,
Ukhulumela enhliziyweni usithi: “Kakho omkhulu kulami.”
11 Kodwa uzakwehlelwa luhlupho
Ongasoze wenelise ukuluvimba ngamasalamusi akho.
Umonakalo uzakwehlela, awusoze wenelise ukuwuvika.
Uzavelelwa yingozi ongakaze uyibone.+
12 Qhubeka ngamaphoso akho kanye lobuthakathi bakho obukhulu,+
Owawubukhuthalele kusukela ebutsheni bakho.
Mhlawumbe ungancedakala,
Mhlawumbe ungatshiya abantu bethithibele.
13 Usudiniwe ngenxa yabeluleki bakho abanengi.
Kabasukume khathesi bakukhulule,
Bona abakhonza izinto ezisemazulwini,* abahlola izinkanyezi,+
Abanika abantu ulwazi nxa inyanga ithwasile
Bekhuluma ngalokho okuzakwehlela kuwe.
14 Banjengamahlanga awomileyo.
Umlilo uzabatshisa baphele du.
Kabasoze bazisindise emandleni elangabi elivuthayo.
Ilangabi lelo kalifanani lamalahle okotha,
Kalifanani lomlilo umuntu angahlala kuwo awothe.
15 Bazakuba njalo kuwe abantu bakho abenza imilingo,
Owawusebenza labo nzima kusukela ebutsheni bakho.
Bazazulazula, omunye lomunye esiya le lale.*
Kakho loyedwa ozakusindisa.+
48 Zwanini lokhu lina abendlu kaJakhobe,
Lina elizibiza ngebizo lika-Israyeli,+
Eliyizizukulwane zikaJuda.
Lina elifunga ngebizo likaJehova,+
Elikhuleka kuNkulunkulu ka-Israyeli,
Lanxa lingakwenzi ngeqiniso langokulunga.+
2 Lina elizibiza ngokuthi lingabedolobho elingcwele,+
Elidinga uncedo kuNkulunkulu ka-Israyeli.+
UJehova wamabutho yilo ibizo lakhe.
3 “Izinto zakuqala ngalitshela ngazo kudala.
Zaphuma khona kanye emlonyeni wami,
Ngenza ukuthi zaziwe.+
Ngathatha inyathelo ngokuphangisa, zasezisenzakala.+
4 Ngoba ngangikwazi ukuthi ulenkani,
Lokuthi umsipha wentamo yakho unjengensimbi, lebunzi lakho liyikhopha.+
5 Ngakutshela kudala.
Ngenza ukuthi ukuzwe lokhu kungakenzakali,
Ukuze ungathi, ‘Kwenziwe yisithombe sami,
Kukhulunywe yisithombe sami sensimbi lesithombe sami esibaziweyo.’
6 Ukuzwile wakubona konke lokhu.
Awusoze ukutshele abanye yini?+
Kusukela khathesi sengimemezela izinto ezintsha kuwe,+
Izinto owawungazazi ezazigcinwe ziyimfihlo.
7 Izinto lezi kazenzakalanga kudala kodwa sezisenzakala khathesi,*
Ubungakaze uzizwe kuze kufike lamuhla,
Ukuze ungathi, ‘Bengivele ngizazi.’
8 Kawuzange uzwe+ njalo ubungakwazi,
Futhi kusukela kudala ubungazivulanga indlebe zakho.
9 Kodwa ngizalubamba ulaka lwami ngenxa yebizo lami,+
Ngizazibamba ngenxa yodumo lwami
Kangisoze ngikutshabalalise.+
10 Khangela sengikucengile kodwa hatshi njengesiliva.+
Ngakuhlola* esithandweni somlilo wokuhlupheka.+
11 Ngenxa yebizo lami, ngithi ngenxa yebizo lami ngizathatha inyathelo,+
Kambe ngingavuma ukuthi ibizo lami lingcoliswe?+
Ngeke nginike omunye* inkazimulo yami.
12 Awu Jakhobe ngilalela, wena Israyeli engikubizileyo.
Ngilokhu nginguye.+ Ngingowokuqala futhi ngingowokucina.+
Nxa ngikubiza konke kuyasukuma kanye kanye.
14 Buthanani ndawonye lonke lilalele.
Ngubani phakathi kwabo obike izinto lezi?
UJehova umthandile lowomuntu.+
15 Mina ngokwami sengikhulumile njalo sengimbizile.+
Sengimlethile futhi akwenzayo kuzaphumelela.+
16 Sondelani eduze kwami, lizwe lokhu.
Kusukela ekuqaleni kangizange ngikhulumele ensitha.+
Ngangikhona kusukela kusenzakala.”
Khathesi iNkosi Enkulu uJehova ingithumile kanye lomoya wayo.
17 Nanku okutshiwo nguJehova, uMhlengi wakho, oNgcwele ka-Israyeli:+
18 Aluba ubungayilalela imithetho yami,+
19 Abantwabakho bebezakuba banengi* njengetshebetshebe,
Lezizukulwane zakho zibe njengenhlamvu zayo.+
Ibizo labo belingasoze lisuswe kumbe litshabalaliswe phambi kwami.”
20 Phumani eBhabhiloni!+
Balekani lisuke kumaKhaledi!
Kubikeni ngentokozo lokhu! Kumemezeleni!+
Lithi: “UJehova useyihlengile inceku yakhe uJakhobe.+
Kwenzeni kwaziwe lasemikhawulweni yomhlaba.+
21 Abazange bome ngesikhathi ebakhokhela bedabula ezindaweni eziyinkangala.+
Wenza ukuthi amanzi ageleze ephuma edwaleni esenzela bona,
22 “Abenza okubi kabalakho ukuthula,” kutsho uJehova.+
49 Ngilalelani lina zihlenge,
Lithiye indlebe lina zizwe ezikhatshana.+
UJehova wangibiza ngingakazalwa.*+
Waqamba ibizo lami ngisesesiswini sikamama.
2 Wenze umlomo wami waba njengenkemba ebukhali,
Ungifihle ngaphansi komthunzi wesandla sakhe.+
Ungenze ngaba ngumtshoko ololiweyo,
Wangifihla emxhakeni wakhe wemitshoko.
4 Kodwa mina ngathi: “Ngisebenzele ize.*
Ngiqedele amandla ami entweni engekhoyo, engelancedo.
5 Khathesi uJehova, yena owangibumbayo esiswini ukuthi ngibe yinceku yakhe
Ungitshele ukuthi ngibuyisele uJakhobe kuye,
Ukuze u-Israyeli aqoqelwe kuye.+
Ngizakhazinyuliswa phambi kukaJehova,
LoNkulunkulu wami uzabe esengamandla ami.
6 Yena wathi: “Akwenelanga ukuthi uyinceku yami
Ezavusa izizwana zikaJakhobe,
Ibuyisele abalondoloziweyo bako-Israyeli.
Sengiphinde ngakwenza waba yikukhanya kwezizwe,+
Ukuze insindiso yami ifike emikhawulweni yomhlaba.”+
7 UJehova uMhlengi ka-Israyeli, iNkosi yakhe eNgcwele,+ utshela lowo okhangelelwa phansi,+ ozondwa yisizwe njalo oyinceku yamakhosi athi:
“Amakhosi azabona asukume,
Iziphathamandla zizakhothama
Ngenxa kaJehova yena othembekileyo,+
ONgcwele ka-Israyeli osekukhethile.”+
8 Nanku okutshiwo nguJehova:
“Ngakuphendula ngesikhathi sami sokuba lomusa,+
Ngakunceda ngelanga lensindiso,+
Ngaqhubeka ngikulindile ukuze ube yisivumelwano phakathi kwami labantu,+
Ukuze ilizwe lilungiswe,
Lokuthi bathole ilifa labo elaselideliwe.+
9 Izibotshwa zizatshelwa ukuthi, ‘Phumani!’+
Labasemnyameni batshelwe ukuthi,+ ‘Phumani libe segcekeni!’
Bazakudla ezindleleni,
Lamadlelo abo azakuba kuzo zonke izindlela ezihanjwa ngabanengi.*
11 Ngizakwenza zonke izintaba zami zibe ngumgwaqo,
Lemigwaqo yami emikhulu izaphakanyiswa.+
12 Khangelani! Laba bavela khatshana,+
Abanye bavela enyakatho, abanye entshonalanga,
Abanye bavela elizweni leSinimi.”+
13 Memezani ngokuthaba lina mazulu, jabula lawe mhlaba.+
Izintaba kazithokoze ngomsindo wokujabula.+
14 Kodwa iZiyoni ibilokhu isithi:
“UJehova usengitshiyile,+ uJehova usengikhohliwe.”+
15 Kambe owesifazana angamkhohlwa yini umntanakhe omunyayo?
Angayekela yini ukuyizwela indodana ayithwala ngesisu sakhe?
Lanxa owesifazana engakhohlwa, mina kangisoze ngalikhohlwa loba sekutheni.+
16 Sengikubhale entendeni zezandla zami.
Imiduli yakho ihlala iphambi kwami.
17 Abantwabakho sebebuyela ngokuphangisa.
Labo ababekudilizile bakubhidliza bazasuka kuwe.
18 Phakamisa amehlo akho ukhangele yonke indawo.
Bonke sebebuthana ndawonye.+
Sebesiza kuwe.
“Ngifunga ngokuphila kwami,” kutsho uJehova,
“Uzabagqoka bonke njengemiceciso,
Ucece ngabo njengalokho okwenziwa ngumakoti.
19 Lanxa izindawo zakho zachithwa zasala zingelalutho, lelizwe lakho lasala lingamanxiwa,+
Khathesi ilizwe lizaminyana, abahlala kulo baswele indawo,+
Labo ababekuchitha*+ bazakuba khatshana lawe.+
20 Abantwana abazelwe ngemva kokuba usufelwe ngabantwabakho bazakhuluma usizwa bathi,
‘Indawo le incane kakhulu kithi.
Sinikeni indawo lapha ukuze sihlale.’+
21 Wena uzakhulumela enhliziyweni uthi,
‘Ngubani ubaba wabantwana laba esengibaphiwe
Njengoba mina ngingowesifazana owafelwa ngabantwana njalo nginjengongazalanga?
Phela ngathunjwa ngaba yisibotshwa.
Pho ngubani okhulise abantwana laba?+
22 Nanku okutshiwo yiNkosi Enkulu uJehova:
23 Amakhosi azakugcina,+
Lamakhosazana awo akondle.
Azakuthi mbo phansi akukhothamele,+
Akhothe uthuli enyaweni zakho.+
Kuzamele ukwazi ukuthi nginguJehova,
Abangithembayo kabasoze bayangeke.”+
24 Abantu asebethunjiwe bangathathwa yini endodeni elamandla?
Abathunjwe ngumuntu olesihluku bona bangakhululwa yini?
25 Kodwa nanku okutshiwo nguJehova:
Ngizahlasela abantu abakuhlaselayo,+
Ngizasindisa amadodana akho.
26 Ngizakwenza ukuthi abakuphatha kubi badle inyama yabo,
Bazadakwa ligazi labo angathi badakwe liwayini elimnandi.
Abantu bonke kuzamele bakwazi ukuthi nginguJehova,+
UMsindisi wakho+ loMhlengi wakho,+
UNkulunkulu kaJakhobe, olamandla.”+
50 Nanku okutshiwo nguJehova:
“Ingaphi incwadi yokudivosa+ engayipha unyoko ngesikhathi ngimxotsha?
Ngake ngalithengisela abantu engangibakweleda yini?
2 Pho kungani ngingatholanga muntu lapha ngesikhathi ngifika?+
Kungani bekungelamuntu osabelayo ngesikhathi ngibiza?
Kambe isandla sami sifitshane yini ukuthi ngilihlenge?+
Kangilawo yini amandla okulikhulula?
Inhlanzi ezikuyo zibole ngenxa yokutshelwa ngamanzi,
Zife ngenxa yokuswela amanzi.
3 Amazulu ngiwagqokisa ubumnyama,+
Ngenze amasaka abe yisembeso sawo.”
4 INkosi Enkulu uJehova inginike ulimi lwabafundisiweyo,*+
Ukuze ngikwazi ukuphendula* odiniweyo ngelizwi elifaneleyo.*+
Ingivusa ekuseni nsuku zonke,
Ivusa indlebe yami ukuze ilalele njengabafundisiweyo.+
5 INkosi Enkulu uJehova isivule indlebe yami.
Kangizange ngihlamuke,+
Kangizange ngiphambukele eceleni.+
6 Umhlane wami ngawunika ababengitshaya,
Lezihlathi zami ngazinika labo abangicutha indevu.*
Kangizange ngifihle ubuso bami lapho ngiyangiswa futhi ngikhafulelwa.+
7 Kodwa iNkosi Enkulu uJehova izanginceda.+
Yikho ngingasoze ngiyangeke.
Yikho ngenze ubuso bami baba njengelitshe eliqine nko,+
Ngiyakwazi ukuthi angisoze ngibe lenhloni.
8 Lowo othi ngilungile useduze.
Kasukume siqondane.
Ngubani ongimangalelayo?
Kabuye kimi.
9 INkosi Enkulu uJehova izanginceda.
Ngubani ozakuthi ngilecala?
Bonke bazaguga njengesigqoko,
Badliwe yisibungu* baphele.
10 Ngubani phakathi kwenu omesabayo uJehova,
Olalela ilizwi lenceku yakhe?+
Ngubani odabule emnyameni owesabekayo ongelakho ukukhanya?
Lowomuntu kathembe ibizo likaJehova, abambelele* kuNkulunkulu wakhe.
11 “Zwanini lina lonke elibasa umlilo
Lisenza inhlansi zigcwale emoyeni,
Hambani ekukhanyeni komlilo wenu,
Phakathi kwenhlansi elizenza zichachambe emoyeni.
Nanku elizakwamukela esandleni sami:
Lizalala phansi lifuthelwa.
51 “Ngilalelani lina elidinga ukulunga,
Lina elidinga uJehova.
Khangelani edwaleni elacezulwa kulo,
Lasegodini elagejwa kulo.
Ngoba u-Abrahama wayeyedwa zwi ngesikhathi ngimbiza,+
Ngasengimbusisa, ngenza ukuthi abantwabakhe bande.+
3 UJehova uzayiduduza iZiyoni.+
Uzaduduza wonke amanxiwa ayo,+
Enze inkangala yayo ibe njenge-Edeni,+
Lendawo yayo elugwadule ibe njengensimu kaJehova.+
Ukuthokoza lokujabula kuzatholakala kuyo,
Lokubonga kanye lengoma ezimnandi.+
4 Awu bantu bami ngilalelani,
Ngicela indlebe zenu bantu besizwe sami.+
Ngoba kuzakuba lomthetho ovela kimi,+
Ngizaletha ukwahlulela kwami okuhle kube yikukhanya ebantwini.+
5 Ukulunga kwami kuyasondela.+
6 Phakamiselani amehlo enu emazulwini,
Likhangele laphansi emhlabeni.
Ngoba amazulu azanyamalala njengentuthu,
Umhlaba uguge njengesigqoko,
Abahlala kuwo bazakufa njengeminyane.
Kodwa insindiso yami izahlala ikhona kuze kube nini lanini,+
Lokulunga kwami akusoze kuphele.*+
Lingesabi ukuchothozwa ngabantu,
Lingethuswa yikuthuka kwabo.
8 Ngoba isibungu* sizabadla ngendlela esidla ngayo isigqoko,
Isibungu esidla amalembu sizabadla sibaqede njengewulu.+
Kodwa ukulunga kwami akusoze kuphele,
Insindiso yami izahlala ikhona kuzo zonke izizukulwane.”+
9 Vuka! Vuka! Ugqoke amandla,
Wena ngalo kaJehova!+
Vuka njengasezinsukwini zakudala, njengasezizukulwaneni ezadlulayo.
10 Ayisuwe yini owenza ulwandle loma qha, womisa amanzi atshona kakhulu?+
Ayisuwe yini owenza inziki yolwandle yaba ngumgwaqo ukuze abahlengiweyo bachaphe?+
11 Abahlengiweyo bakaJehova bazaphenduka.+
Bazahlala bethokoza futhi bejabula,
Usizi kanye lokububula kunyamalale.+
12 “Mina uqobo yimi engikududuzayo.+
Kungani kumele wesabe umuntu ozazifela nje,+
Lendodana yomuntu ezabuna njengotshani obuluhlaza?
Ubutshaywe luvalo ilanga lonke usesaba ulaka lomuntu obekucindezela,
Angathi ubelawo amandla okukubhubhisa.
Lungaphi khathesi ulaka lwalowo obekucindezela?
14 Lowo obotshwe ngamaketane uzakhululwa masinyane nje,+
Kasoze afe futhi kasoze angene egodini,
Ngeke akuswele ukudla.
15 Kodwa mina nginguJehova uNkulunkulu wakho,
Lowo odunga ulwandle, enze amagagasi alo ahlokome.+
Ibizo lami nguJehova wamabutho.+
16 Ngizafaka amazwi ami emlonyeni wakho,
Ngikwembese ngomthunzi wesandla sami,+
Ukuze ngimise amazulu, ngibeke lesisekelo somhlaba,+
Lokuthi ngithi kuyo iZiyoni, ‘Lingabantu bami.’+
17 Vuka! Vuka! Sukuma wena Jerusalema,+
Wena onathe enkomitshini yolaka lukaJehova evela esandleni sakhe.
Usunathe okuphakathi kwenkezo,
Usutshaye wavala okusenkomitshini ebangela ukudiyazela.+
18 Kuwo wonke amadodana owazeleyo kayikho leyodwa engakukhokhela,
Kuwo wonke amadodana owakhulisileyo kayikho leyodwa ekubambe ngesandla.
19 Uzakwehlelwa yizinto ezimbili.
Ukubhujiswa lokutshabalaliswa; indlala lenkemba.+
Ngubani ozakuzwela?
Ngubani ozakududuza?+
20 Abantwabakho sebeqalekile.+
Balele phansi kuwo wonke amakhona emigwaqo
Njengemvu yeganga ebanjwe ngumambule wokuthiya inyamazana.
Sebethululelwe lonke ulaka lukaJehova lokukhuza kwakhe.”
21 Yikho-ke lalela uzwe,
Wena wesifazana ohluphekileyo futhi odakiweyo, lanxa ungadakwanga liwayini.
22 Nanku okutshiwo yiNkosi yakho uJehova, uNkulunkulu olwela abantu bakhe:
“Ngizathatha inkomitsho esesandleni sakho ebangela ukudiyazela,+
Yona kanye inkezo, inkomitsho yami yolaka,
Awusoze uphinde unathe kuyo.+
23 Ngizayifaka esandleni salabo ababekuhlukuluza,+
Labo ababesithi kuwe, ‘Lala phansi ukuze sihambe phezu kwakho.’
Yikho wenze umhlane wakho waba njengenhlabathi,
Waba njengomgwaqo ukuze bahambe kuwo.”
52 Vuka! Vuka! Ugqoke amandla+ wena Ziyoni!+
Gqoka izigqoko zakho ezinhle+ wena Jerusalema, dolobho elingcwele.
Ngoba abangasokanga labangcolileyo kabasoze baphinde bangene kuwe.+
2 Thintitha uthuli, usukume uhlale esitulweni wena Jerusalema.
Thukulula intambo ezisentanyeni yakho wena ndodakazi yaseZiyoni ethunjiweyo.+
3 Nanku okutshiwo nguJehova:
4 INkosi Enkulu uJehova ithi:
“Ekuqaliseni abantu bami bahamba eGibhithe bayahlala khonale baba ngabezizweni;+
Ngemva kwalokho, i-Asiriya yabahlukuluza kungelasizatho.”
5 “Manje kuyini osekumele ngikwenze khathesi?” kubuza uJehova.
“Phela abantu bami bathathwa kungelambadalo.
Ababusi babo baqhubeka bezitshaya isifuba ngakho,”+ kutsho uJehova,
“Ibizo lami liqhubeka lichothozwa ilanga lonke.+
6 Ngenxa yalesosizatho, abantu bami bazalazi ibizo lami,+
Ngenxa yalesosizatho, bazakwazi ngalelolanga ukuthi yimi engikhulumayo.
Yimi sibili!”
7 Ayisibuhle benyawo zalowo owehla ezintabeni eletha izindaba ezinhle,+
Lowo omemezela ukuthula,+
Oletha izindaba ezinhle zalokho okungcono,
Omemezela insindiso,
Othi kuyo iZiyoni: “UNkulunkulu wakho useyiNkosi!”+
8 Zwana! Abalindi bakho baphakamisa amazwi abo.
Bayamemeza ngentokozo kanyekanye,
Ngoba bazazibonela ngawabo nxa uJehova eseyiqoqa iZiyoni.
9 Lina manxiwa aseJerusalema, jabulani limemeze ngentokozo kanyekanye,+
Ngoba uJehova usebaduduzile abantu bakhe;+ useyihlengile iJerusalema.+
10 UJehova useveze ingalo yakhe engcwele phambi kwamehlo ezizwe zonke;+
Yonke imikhawulo yomhlaba izayibona insindiso kaNkulunkulu* wethu.+
11 Sukani, sukani, phumani kuleyondawo,+ lingathinti lutho olungcolileyo!+
12 Kalisoze lisuke liphaphatheka,
Njalo akusoze kudingeke ukuthi libaleke,
Ngoba uJehova uzahamba phambi kwenu,+
UNkulunkulu ka-Israyeli uzakuba ngemva kwenu ukuze alivikele.+
13 Khangelani! Inceku yami+ izakuba lokuqedisisa.
Izaphakanyiselwa phezulu,
Iphakanyiswe inikwe isikhundla esikhulu.+
14 Abanengi babeyikhangele bemangele
Ngoba indlela eyayikhangeleka ngayo yonakaliswa ukwedlula eyabantu bonke,
Lobuhle bayo baphambaniseka ukwedlula obabantu.
15 Kodwa izaphinda imangalise izizwe ezinengi.+
Acabangisise ngalokho angakaze akuzwe.+
53 Ngubani osekukholiwe lokho abakuzwa ngathi?*+
Ngubani osevezelwe+ ingalo kaJehova?+
2 Uzahluma njengogatsha+ phambi kwakhe,* lanjengempande elizweni elomileyo.
Kamangalisi njalo ubuhle bakhe abukhanyi,+
Lanxa simbona, indlela akhangeleka ngayo ayisisondezi kuye.
3 Weyiswa waninelwa khatshana ngabantu,+
Waba ngumuntu obaziyo ubuhlungu, wajayelana lokugula.
Kwakungani sibufihlelwe ubuso bakhe.*
Weyiswa futhi samphatha njengento engelancedo.+
Kodwa thina samthatha njengomuntu ojezisiweyo,* ohluphekileyo njalo otshaywe nguNkulunkulu.
6 Sonke sihlanhlathile njengezimvu ezilahlekileyo,+
Umuntu ngamunye uphambukile wangena eyakhe indlela,
Kodwa uJehova uthethe icala lethu sonke wamethesa lona.+
Walethwa njengemvu esisiyahlatshwa.+
Wayenjengemvukazi ethuleyo phambi kwalabo abayigela uboya,
Kazange awuvule umlomo wakhe.+
8 Wathathwa* ngenxa yokucindezelwa lokwahlulelwa kubi,
Ngubani ozazihlupha ngezinto ezimayelana lesizukulwane sakhe?*
9 Waphiwa indawo yokungcwatshwa kanye labaxhwalileyo,+
Ekufeni kwakhe wangcwatshwa lezinothi*+
Lanxa kwakungelalutho olubi alwenzileyo,*
Njalo kungazange kube lobuqili emlonyeni wakhe.+
10 Kodwa kwakuyikuthanda kukaJehova* ukumchoboza lokumvumela ukuthi agule.
Nxa unganikela ukuphila kwakhe kube ngumnikelo wecala,+
11 Ngemva kokuhlupheka kabuhlungu, uzabona akwenzileyo asuthiseke.
Inceku yami elungileyo izasebenzisa ulwazi lwayo,+
Ukuze incede abanengi ukuthi babe ngabalungileyo+
Njalo izathwala amacala abo.+
12 Ngenxa yalokho ngizayinika isabelo phakathi kwabanengi,
Izakwabelana labalamandla impahla ethunjiweyo,
Ngoba yanikela ngempilo yayo,*+
Yabalwa ndawonye lezoni,+
Yathwala isono sabantu abanengi,+
Yancengela abantu abayizoni.+
54 “Memeza ngentokozo wena wesifazana oyinyumba, ongazalanga.+
Thaba umemeze ngenjabulo+ wena ongazange uhelelwe,+
Ngoba abantwana balowo* otshiyiweyo banengi kakhulu
2 “Qhelisa indawo yetende lakho ibe banzi kakhulu.+
Yelula amalembu etende lethabanikeli lakho elikhulu.
Ungami, qhubeka uselula intambo zetende lakho,
Uqinise lezikhonkwane zalo.+
3 Ngoba uzaqhela uye kwesokudla lakwesenxele.
Abantwabakho bazabusa izizwe,
Bazahlala emadolobheni ayesengamanxiwa.+
Uzakukhohlwa ukuyangeka kobutsha bakho,
Lehlazo lokuba ngumfelokazi awusoze uphinde ulikhumbule.”
5 “Ngoba uMenzi wakho Omkhulu+ unjengomyeni wakho,*+
Ibizo lakhe nguJehova wamabutho,
ONgcwele ka-Israyeli unguMhlengi wakho,+
Yena uzabizwa ngokuthi nguNkulunkulu womhlaba wonke.+
6 Lapho uJehova ekubiza wawungathi ungumfazi olahliweyo, ophakathi kosizi,*+
Wawunjengomfazi owathathwa esesemncane waphinda waliwa,” kutsho uNkulunkulu wakho.
7 “Ngakutshiya okwesikhatshana,
Kodwa ngizakubuyisela ngesihawu esikhulu.+
8 Ngakufihlela ubuso bami okwesikhatshana ngiphuphuma ngolaka,+
Kodwa ngizakuba lesihawu kuwe,+ ngoba ngilothando oluqotho olungapheliyo,” kutsho uMhlengi wakho+ uJehova.
9 “Lokhu kunjengasezinsukwini zikaNowa.+
Njengoba nje ngafunga ukuthi amanzi kawasoze aphinde asibekele umhlaba njengasesikhathini sikaNowa,+
Ngiyafunga ukuthi angisoze ngiphinde ngikuzondele kumbe ngikusole.+
10 Lanxa izintaba zingasuswa,
Lamaqaqa anyikinywe,
Uthando lwami oluqotho alusoze lususwe kuwe,+
Lesivumelwano sami sokuthula kasisoze sinyikinywe,”+ kutsho uJehova, lowo olesihawu kuwe.+
11 “Awu wena wesifazana ohluphekileyo,+ ophoselwe le lale yisiphepho njalo ongaduduzwanga,+
Sengikwakha ngamatshe lesamende esiqinileyo,
Sengibeka isisekelo sakho ngamatshe esafire.+
12 Imithangala yakho ngizayenza ngamatshe abomvu aligugu,*
Ngenze amagedi akho ngamatshe acazimulayo,
Lemingcele yakho yonke ngamatshe aligugu.
14 Uzamiswa uqine ekulungeni.+
Ukucindezelwa kuzakuba khatshana lawe,+
Awusoze wesabe lutho njalo awusoze ube lesizatho sokwethuka,
Ngoba akulalutho olwesabekayo oluzasondela kuwe.+
15 Loba ngubani ozakuhlasela
Uyabe engathunywanga yimi.
Loba ngubani ozakuhlasela kasoze aphumelele.”+
16 “Phela yimi engadala umkhandi wensimbi,
Ovuthela amalahle omlilo,
Alungise isikhali emsebenzini wakhe.
Yimi engadala indoda etshabalalisayo ukuze idilize.+
17 Akulasikhali esilungiselwe ukukuhlasela esizaphumelela,+
Loba nguphi umuntu ozama ukukwahlulela uzambeka icala.*
Leli lilifa lezinceku zikaJehova,
Lokulunga kwazo kuvela kimi,” kutsho uJehova.+
55 Wozani lina lonke elomileyo,+ wozani emanzini.+
Lina elingelamali wozani lizothenga lidle.
Wozani sibili lithenge iwayini lochago+ lingakhiphanga mali loba imbadalo.+
2 Kungani liqhubeka likhipha imali lithenga lokho okungasikudla?*
Kungani liqedela iholo lenu* entweni engasuthisiyo?
3 Thiyani indlebe libuye kimi.+
Lalelani liqhubeke liphila.
Ngizakwenza isivumelwano esingapheliyo lani,+
Esimayelana lothando oluqotho engalutshengisa uDavida, futhi sona sithembekile.+
5 Uzabiza isizwe ongasaziyo,
Labantu besizwe ebesingakwazi bazagijimela kuwe,
Ngenxa kaJehova uNkulunkulu wakho,+ oNgcwele ka-Israyeli,
Ngoba uzakupha udumo.+
6 Dingani uJehova esatholakala.+
Mbizeni eseseduze.+
7 Owenza okubi katshiye indlela yakhe,+
Loxhwalileyo atshiye imicabango yakhe,
Kabuyele kuJehova, yena uzakuba lesihawu kuye,+
Abuyele kuNkulunkulu wethu ngoba uzamthethelela ngendlela enkulu.*+
8 “Imicabango yami kayifanani leyenu,+
Lezindlela zami zitshiyene lezenu,” kutsho uJehova.
9 “Njengoba amazulu ephakeme kulomhlaba,
Izindlela zami ziphakeme kulezenu,
Lemicabango yami iphakeme kuleyenu.+
10 Njengoba nje izulu longqwaqwane okwehla kuvela phezulu
Kungabuyeli kungazange kuwumanzise umhlaba, kwawenza wahluma futhi wathela,
Kwanika lomhlanyeli inhlanyelo kanye lokudla kulowo odlayo,
Kalisoze liphenduke kimi lingafezanga lutho,+
Kodwa lizakwenza loba yini engiyifunayo.*+
Loba sekutheni, ilizwi lami lizaphumelela kulokho engilithuma ukuthi likwenze.
Izintaba lamaqaqa kuzajabula phambi kwenu, kumemeze ngentokozo,+
Zonke izihlahla zeganga zizaqakeza izandla.+
13 Endaweni yezihlahla zameva kuzamila isihlahla somjunipha,+
Lalapho obekulokhula oluhlabayo kuzamila isihlahla sommethile.
Lokhu kuzakwenza uJehova athole udumo,+
Kube yisibonakaliso saphakade esingasoze sitshabalale.”
56 Nanku okutshiwo nguJehova:
“Qhubekani lisahlulela kuhle+ njalo lenze okulungileyo,
Ngoba insindiso yami iyeza masinyane,
Lokulunga kwami kuzabonakaliswa.+
2 Uyajabula umuntu okwenzayo lokhu,
Lendodana yomuntu ebambelela kukho,
Egcina iSabatha ingalingcolisi,+
Ebamba isandla sayo ukuze singenzi loba yini embi.
3 Umuntu wesinye isizwe osebuye kuJehova+ akumelanga athi,
‘UJehova uzangehlukanisa labantu bakhe sibili.’
Lomthenwa akumelanga athi, ‘Mina ngiyisihlahla esomileyo.’”
4 Nanku okutshiwo nguJehova: “Abathenwa abagcina amasabatha ami, abakhetha ukwenza okungithokozisayo bebambelela esivumelwaneni sami,
5 Ngizabenza babe lebizo kanye lesikhumbuzo endlini yami langaphakathi kwemiduli yami,
Izinto ezingcono ukwedlula amadodana lamadodakazi.
Ngizabanika ibizo elizahlala kuze kube nini lanini,
Ibizo elingasoze litshabalale.
6 Labezinye izizwe ababuya kuJehova ukuze bazomkhonza,
Bathande ibizo likaJehova,+
Lokuthi babe zinceku zakhe,
Bonke abagcina iSabatha bangalingcolisi,
Ababambelela esivumelwaneni sami,
7 Labo ngizabaletha entabeni yami engcwele,+
Ngibenze bathokoze endlini yami yokuthandazela.
Iminikelo yabo yokutshiswa egcweleyo lemihlatshelo yabo izakwamukelwa e-alithareni lami.
Ngoba indlu yami izabizwa ngokuthi yindlu yokuthandazela yabantu bezizwe zonke.”+
8 INkosi Enkulu uJehova, yona ebuthelela abako-Israyeli abasabaleleyo+ ithi:
“Ngizaqoqela abanye kubo ngaphandle kwalabo abavele sebeqoqiwe.”+
9 Lina lonke zinyamazana zeganga buyani lizokudla,
Lonke lina zinyamazana zeganga eziseguswini.+
10 Abalindi bakhe bayiziphofu,+ kakho loyedwa onanzelelayo.+
Bonke bayizinja eziyizimungulu, ezingenelisiyo ukukhonkotha,+
Ezikhefuzela zilele phansi, ezithanda ukuwozela.
11 Bayizinja eziyizihwaba,
Ezingasuthiyo.
Bangabelusi abangazwisisiyo.+
Bonke bazihambela ngendlela yabo,
Ngamunye wabo uzidingela inzuzo ngobuqili athi:
12 “Wozani, kahle ngibuye lewayini,
Asibubhudleni sibusuthe utshwala.+
Kusasa kuzakuba njengalamuhla kodwa kuzabe kulilanga elihle kakhulukazi!”
57 Olungileyo usetshabalele,
Kodwa akulamuntu ozihlupha ngakho.
2 Usethole ukuthula.
Bonke abahamba ngobuqotho bayaphumula emibhedeni* yabo.
3 “Kodwa lina sondelani eduze,
Lina bantwana bomthakathikazi,
Lina bantwana besifebe kanye lewule:
4 Ngubani elimenza inhlekisa?
Ngubani lo elimvulele umlomo kangaka limhoza lize limkhiphele lolimi phandle?
Kanti lina kalisibo bantwana abayizoni yini,
Abantwana abangamaqili?+
5 Ayisini yini elitshiswa yimizwa lingaphansi kwezihlahla ezinkulu,+
Ngaphansi kwazo zonke izihlahla eziluhlaza,+
Libulalela abantwabenu ezigodini,+
Ezingoxweni zamadwala?*
6 Isabelo sakho ngamatshe abutshelezi asesigodini.+
Yiwo kanye owaphiweyo.
Uthela kuwo iminikelo yokunathwayo uwaphe lezipho.+
Kambe kumele ngisuthiswe yizinto* lezi yini?
7 Walungisa umbheda wakho entabeni ende njalo ephakemeyo,+
Waqansa wayanikela umhlatshelo khonale phezulu.+
8 Wamisa isikhumbuzo* sakho ngemva kwesivalo lomgubazi.
Wangitshiya futhi wazinqunula;
Waqansa wayaqhelisa umbheda wakho.
Wenza isivumelwano lezithandwa zakho.
9 Wehla waya kuMeleki* ulamafutha
Lamakha amanengi.
Wathumela izithunywa zakho khatshana,
Waze wehlela engcwabeni.
10 Wasebenza nzima uhamba ngezindlela zakho ezinengi,
Kodwa awuzange uthi, ‘Lokhu akuncedi lutho!’
Wavuselela amandla akho.
Yikho ungakhalali.*
11 Ngubani owawumesaba futhi umqhuqha
Waze waqalisa lokuqamba amanga?+
Kawuzange ungikhumbule.+
Akulalutho owawulufaka enhliziyweni yakho.+
Bengilokhu ngizithulele ngivale owami.+
Yikho ungazange ungesabe.
12 Ngizakuveza egcekeni ukulunga kwakho+ kwamanga kanye lemisebenzi yakho,+
Njalo akusoze kukuncede.+
13 Izithombe zakho owaziqoqayo kazisoze zikukhulule+
Nxa usukhalela usizo.
Zonke zizaphetshulwa ngumoya,
Zizaphetshulwa ngokungumoyana nje okungatsho lutho,
Kodwa lowo ophephela kimi uzathola ilifa lelizwe,
Intaba yami engcwele izakuba ngeyakhe.+
14 Kuzathiwa, ‘Lungisani, lungisani umgwaqo! Lungisani indlela!+
Susani loba yini engagwenxa abantu bami endleleni yabo.’”
“Ngihlala endaweni ephakemeyo lengcwele,+
Kodwa ngihlala labadabukileyo labathobekileyo emoyeni,
Ukuze ngivuselele umoya wabathobekileyo
Ngivuselele inhliziyo zalabo abadabukileyo,+
16 Phela kangisoze ngimelane labo kuze kube nini lanini
Kangisoze ngihlale ngizondile,+
Ngoba umuntu angaphela amandla ngenxa yami,+
Lezidalwa eziphefumulayo engazenzayo.
17 Ngangimzondele ngenxa yesono sakhe sokuthanda inzuzo yobuqili,+
Yikho ngamtshaya ngamfihlela ubuso bami ngithukuthele.
Kodwa waqhubeka ephila njengomhlamuki,+ elandela lokho okufunwa* yinhliziyo yakhe.
19 “Sengisenza kube lezithelo zezindebe.
Ukuthula okungapheliyo kuzaphiwa oseduze kanye lalowo okhatshana kakhulu,”+ kutsho uJehova,
“Njalo ngizamsilisa.”
20 “Kodwa abenza okubi bafanana lolwandle olugubhazela lungathuli,
Olulamanzi aqhubeka ekhafula ingcekeza lodaka.
21 Abenza okubi kabalakho ukuthula,”+ kutsho uNkulunkulu wami.
58 “Memeza ngelizwi elikhulu, ungayekeli.
Khweza ilizwi lakho lizwakale njengophondo.
Tshela abantu bami ngokuhlamuka kwabo,+
Utshele abendlu kaJakhobe ngezono zabo.
2 Bayangidinga nsuku zonke,
Bathi kuyabathokozisa ukwazi izindlela zami,
Angathi bayisizwe ebesisenza okulungileyo,
Esingazange sitshiye ukwahlulela okuhle kukaNkulunkulu waso.+
Bacela ukuthi ngibahlulele ngendlela elungileyo,
Angathi kuyabathokozisa ukusondela kuNkulunkulu.+
3 Bathi: ‘Kungani ungaboni nxa sizila ukudla?+
Kungani ungananzeleli nxa sizithoba?’+
4 Ukuzila kwenu kuphetha ngokuxabana lokulwa,
Lokutshayana ngezibhakela ezivuthayo.*
Ngeke lizile ngendlela le, beselikhangelela ukuthi amazwi enu azwakale ezulwini.
5 Le yiyo yini indlela engifuna lizile ngayo?
Kambe kumele kube lilanga lokuthi umuntu azikhalale yini,
Akhothamise ikhanda njengemizi,*
Alale phezu kwamasaka lomlotha?
Yikho yini lokhu elikubiza ngokuthi yikuzila langokuthi lilanga elithokozisa uJehova?
6 Elikwenzayo ayisikho! Nansi indlela engifuna lizile ngayo:
Khiphani amaketane obubi,
Lithukulule izitilobho ejogweni,+
Likhulule abacinde- zelweyo,+
Lephule lejogwe ngalinye libe zingxenye ezimbili,
7 Labelane isinkwa senu labalambileyo,+
Lingenise abaswelayo ezindlini zenu, labangelandawo zokuhlala,
Ligqokise onqunu nxa lingambona+
Lingafulatheli izihlobo zenu.
8 Lingenza njalo, ukukhanya kwenu kuzakhanya njengokusa,+
Lisiliswe masinyane.
Ukulunga kwenu kuzahamba phambi kwenu,
Lenkazimulo kaJehova izakuba ngemva kwenu.+
9 Lizabiza, uJehova asabele;
Lizakhalela uncedo, yena athi, ‘Ngilapha!’
Nxa lingasusa ijogwe phakathi kwenu,
Liyekele ukukhombela ngomunwe lokukhuluma izinto ezilimazayo,+
10 Nxa linganika abalambileyo lokho lina elikufunayo,+
Lisuthise abahluphekayo,
Ukukhanya kwenu kuzakhanya lasemnyameni,
Lobumnyama benu bube njengemini enkulu.+
11 UJehova uzahlala elikhokhela
Alenze lisuthiseke lanxa liselizweni elome qha;+
Uzaqinisa amathambo enu.
Lizakuba njengengadi ethelelwa kuhle,+
Lanjengomthombo ohlala ugobhoza.
12 Bazavuselela amanxiwa akudala besenzela wena,+
Njalo uzakwakha kutsha izisekelo zezizukulwane ezadlulayo.+
Uzabizwa ngokuthi ungumakhi wemiduli edilikileyo,+
Langokuthi ungumvuseleli wemigwaqo ukuze abantu bahlale eduze kwayo.
13 Nxa ungayekela ukuzenzela okufunayo* ngeSabatha, ilanga lami elingcwele,+
Ubususithi iSabatha lilanga lokuthokoza okukhulu, ilanga likaJehova elingcwele, ilanga okumele likhazinyuliswe,+
Ulikhazimulise kulokuthi uzenzele okufunayo kumbe ukhulume amazwi angelancedo,
14 Lapho-ke uzathokoza kakhulu ngenxa kaJehova,
Ngizakwenza ubuse ezindaweni zomhlaba eziphezulu,+
59 Isandla sikaJehova kasisifitshane ukuthi singehluleka ukusindisa,+
2 Amacala enu yiwo aselehlukanise loNkulunkulu wenu.+
Izono zenu sezenze walifihlela ubuso bakhe,
Kafuni kulizwa.+
3 Ngoba lingcolise izandla zenu ngegazi+
Langcolisa iminwe yenu ngamacala.
Izindebe zenu zikhuluma amanga,+ ulimi lwenu luhlebeza izinto ezingalunganga.
4 Akulamuntu omemezela ukulunga,+
Kakho ofika akhulume iqiniso emthethwandaba.
Bathemba izinto eziyize*+ futhi bakhuluma izinto ezingancediyo.
Bazithwala isisu sohlupho, babelethe izinto ezilimazayo.+
5 Bachamisela amaqanda enyoka elobuhlungu obuyingozi,
Iqanda elicacadiweyo likhipha ibululu,
Loba ngubani odla amaqanda ayo uyafa.
Beluka ubulembu besayobe,+
6 Ubulembu ababelukayo abusoze bube yizigqoko,
Kabasoze bazembathise ngalokho abakwenzileyo.+
Imisebenzi yabo iyalimaza,
Izenzo zodlakela zisezandleni zabo.+
7 Inyawo zabo zigijimela ukuyakwenza okubi,
Bagijimela ukuchitha igazi labantu abamsulwa.+
Imicabango yabo yimicabango elimazayo,
Baphilela ukulimaza abanye lokubahlukuluza.+
8 Abayazi indlela yokuthula,
Ukwahlulela kuhle akukho ezindleleni zabo.+
9 Yikho okwenza ukwahlulela kuhle kube khatshana lathi,
Lokulunga kungafiki kithi.
Siqhubeka silindele ukukhanya kodwa sibona ubumnyama kuphela,
Silindele ukukhanya kodwa siqhubeka sihamba emnyameni.+
10 Sihamba siphumputha umduli njengeziphofu,
Siqhubeka siphumputha njengabantu abangaboniyo.+
Sikhubeka emini libalele angathi sihamba emnyameni,
Nxa siphakathi kwabalamandla siyabe sinjengabafileyo nje.
11 Sonke siqhubeka sibhonga njengamabhere,
Sikhala kabuhlungu njengamajuba.
Silindele ukwahlulela okuhle kodwa akukho,
Silindele ukusindiswa kodwa kukhatshana kakhulu lathi.
Ukuhlamuka kwethu sikwazi mhlophe,
Siwazi mhlophe amacala ethu.+
13 Siphambukile, samphika uJehova,
Simfulathele uNkulunkulu wethu.
Ukucindezela lokuhlamuka bekusemilonyeni yethu,+
Sibumbe amanga sangunguna amazwi angamanga asuka enhliziyweni.+
14 Ukwahlulela kuhle kubuyiselwa emuva,+
Lokulunga kumi khatshana le,+
Ngoba iqiniso likhubekile* egcekeni ledolobho,
Okuqotho kuyehluleka ukungena.
15 Iqiniso selinyamalele,+
Loba ngubani otshiya okubi uthathelwa impahla yakhe.
16 Wabona ukuthi kwakungelamuntu,
Kwammangalisa ukuthi kakho owayebancengela,
Ngakho ingalo yakhe yaletha insindiso,*
Lokulunga kwakhe kwamsekela.
18 Uzabanika umvuzo walokho abakwenzileyo:+
Ulaka kwabamzondayo, lokujeziswa ezitheni zakhe.+
Anike lezihlenge imbadalo yazo.
19 Bazalesaba ibizo likaJehova kusukela entshonalanga,
Bazayesaba inkazimulo yakhe kusukela empumalanga,
Ngoba uzakuza njengomfula ogeleza ngesiqubu,
Ufuqwa ngumoya kaJehova.
20 “UMhlengi+ uzabuya eZiyoni,+
Abuye kuzizukulwane zikaJakhobe ezitshiya isiphambeko sazo,”+ kutsho uJehova.
21 “Nansi-ke isivumelwano sami engisenze labo,”+ kutsho uJehova. “Umoya wami okuwe kanye lamazwi engiwafake emlonyeni wakho, akusoze kukhitshwe emlonyeni wakho lasemilonyeni yabantwabakho loba emilonyeni yabazukulu bakho,” kutsho uJehova, “kusukela khathesi kuze kube nini lanini.”
60 “Vuka wena wesifazana;+ khanyisa ngoba ukukhanya kwakho sekufikile.
Inkazimulo kaJehova isikhanya kuwe.+
2 Ngoba ubumnyama buzagubuzela umhlaba,
Umnyama wempisi ugubuzele izizwe,
Kodwa uJehova uzakhanya phezu kwakho,
Inkazimulo yakhe izabonakala kuwe.
4 Vusa amehlo akho ukhangele kuyo yonke indawo eduze kwakho.
Bonke sebebuthanisiwe, sebesiza kuwe.
5 Ngalesosikhathi uzakubona lokhu ujabule,+
Inhliziyo yakho ichelese iphuphume ngentokozo,
Ngoba inotho yaselwandle izalethwa kuwe,
Lempahla yezizwe izabuya kuwe.+
6 Elizweni lakho kuzagcwala imihlambi yamakamela,
Amakamela alamandla avela eMidiyani lase-Efa.+
Bonke abantu abavela eShebha bazabuya,
Bazabuya bethwele igolide kanye lenhlaka yokwenza impepha.
Bazamemezela izindumiso zikaJehova.+
7 Yonke imihlambi yaseKhedari+ izabuthelwa kuwe.
Inqama zaseNebhayothi+ zizakusiza.
Zizabuya e-alithareni lami zamukelwe ngazo zombili,+
Ngizakwenza indlu yami ekhazimulayo ibenhle kakhulu.+
8 Ngobani laba abeza begijima njengamayezi,
Abaphapha njengamajuba aya ezidlekeni zawo?
9 Izihlenge zizathembela kimi,+
Imikhumbi yeThashishi iyakhokhela,
Izoletha abantwabakho abavela khatshana,+
Baphethe isiliva legolide labo
Ukuze bazodumisa ibizo likaJehova uNkulunkulu wakho, oNgcwele ka-Israyeli,
10 Abantu bezinye izizwe bazakwakha imiduli yakho,
Amakhosi abo azakusebenzela.+
Lanxa ngakutshaya ngithukuthele,
Ngomusa wami ngizakuba lesihawu kuwe.+
11 Amagedi akho azahlala evuliwe kokuphela;+
Kawasoze avalwe emini lebusuku,
Ukuze kulethwe kuwe impahla evela ezizweni,
Njalo amakhosi azo azakhokhela phambili.+
12 Loba yisiphi isizwe, loba yiwuphi umbuso ongasoze ukusebenzele uzatshabalala,
Lezozizwe zizabhujiswa ziphele nya.+
13 Inkazimulo yaseLebhanoni izafika kuwe,+
Isihlahla somjunipha lesom-ashi lesomsayiphresi zizabuya zindawonye,+
Ukuze zenze indawo yami engcwele ibenhle,
Ngizayikhazimulisa indawo yezinyawo zami.+
14 Abantwana balabo ababekuhlukuluza bazabuya bakhothame phambi kwakho,
Bonke ababekudelela kumele bazokhothama enyaweni zakho,
Kuzamele bakubize ngokuthi ulidolobho likaJehova,
IZiyoni yoNgcwele ka-Israyeli.+
15 Lanxa ubudeliwe futhi uzondwa, kungelamuntu obedabula phakathi kwakho,+
Ngizakwenza ube yilokho abantu abazaziqhenya ngakho kuze kube nini lanini,
Ube yisizatho sokuthokoza kuzo zonke izizukulwane.+
16 Uzalunatha sibili uchago lwezizwe,+
Umunye ebeleni lamakhosi,+
Uzakwazi mhlophe ukuthi mina Jehova nginguMsindisi wakho,
Lokuthi uNkulunkulu kaJakhobe olamandla unguMhlengi wakho.+
17 Esikhundleni sekhopha ngizaletha igolide,
Esikhundleni sensimbi ngilethe isiliva,
Esikhundleni sesigodo ngizaletha ikhopha,
Esikhundleni samatshe ngilethe insimbi,
Ngizabeka ukuthula kube ngababonisi bakho,
Ngibeke ukulunga kube ngofolomane bakho.+
18 Udlakela alusoze luphinde luzwakale elizweni lakho,
Lasemingceleni yakho akusoze kuphinde kube lokutshabalalisa lokubhidliza.+
Imiduli yakho uzayibiza ngokuthi yiNsindiso,+ amagedi akho uwabize ngokuthi yiNdumiso.
19 Ilanga alisoze liphinde likukhanyisele emini,
Lokukhazimula kwenyanga akusoze kukukhanyisele,
Ngoba uJehova uzakuba yikukhanya okungapheliyo kuwe,+
UNkulunkulu wakho uzakuba yibuhle bakho.+
20 Ilanga lakho kalisoze liphinde litshone,
Lenyanga yakho kayisoze ifiphale,
Ngoba uJehova uzakuba yikukhanya okungapheliyo kuwe,+
Izinsuku zokulila kwakho zizabe seziphelile.+
21 Bonke abantu bakho bazakuba ngabalungileyo,
Ilizwe lizakuba ngelabo kuze kube nini lanini.
Mina Jehova ngizakuphangisisa lokhu ngesikhathi sakho.”
61 Umoya weNkosi Enkulu uJehova uphezu kwami,+
Ngoba uJehova ungigcobile ukuthi ngitshumayele izindaba ezinhle kwabamnene.+
Ungithume ukuthi ngibophe inhliziyo zabadabukileyo,
Ngimemezele ukukhululwa kwabathunjiweyo,
Lokuvulwa kwamehlo ezibotshwa.+
2 Ukuthi ngimemezele umnyaka womusa kaJehova,
Losuku lokuphindisela kukaNkulunkulu wethu,+
Ngiduduze bonke abalilayo,+
3 Lokuthi ngincede labo abakhalela iZiyoni,
Ngibanike iqhiye yentokozo esikhundleni somlotha,
Ngibaphe lamafutha enjabulo esikhundleni sokulila,
Lesigqoko sokudumisa esikhundleni sokudana.
Bazabizwa ngokuthi bayizihlahla ezinkulu zokulunga,
Izihlahla ezihlanyelwe nguJehova ukuze akhazinyuliswe.+
4 Bazakwakha kutsha amanxiwa akudala,
Bavuse izindawo zakudala ezasezidilikile.+
Bazavuselela amadolobho ayedilikile,+
Izindawo ezasezingamanxiwa okweminyaka eminengi.+
5 “Abemzini bazasukuma beluse imihlambi yenu,
Abezinye izizwe+ bazakuba ngabalimi benu, basebenze lasemasimini enu amagilebisi.+
6 Kodwa lina lizabizwa ngokuthi lingabaphristi bakaJehova,+
Bazalibiza ngokuthi lizinceku zikaNkulunkulu wethu.
7 Kulokuthi libe lehlazo lizathola isabelo esiphindwe kabili.
Kulokuthi babe lenhloni bazamemeza ngentokozo ngenxa yesabelo sabo.
Bazasithola sibili isabelo esiphindwe kabili elizweni labo.+
Intokozo engapheliyo izakuba ngeyabo,+
8 Ngoba mina Jehova ngithanda ukwahlulela kuhle,+
Ngiyabuzonda ubugebenga lakho konke okungalunganga.+
10 Ngizathokoza kakhulu ngoJehova.
Umphefumulo wami uzajabula* ngoNkulunkulu wami,+
Ngoba usengigqokise izigqoko zensindiso.+
Usengigoqele ngejazi* lokulunga,
Njengomyeni ogqoke iqhiye enjengeyomphristi,+
Lanjengomakoti ogqoke imiceciso yakhe.
11 Njengoba nje umhlabathi usenza ukuthi izinto zihlume,
Lengadi isenza okuhlanyelwe kuyo kuhlume,
INkosi Enkulu uJehova
Layo izakwenza ukulunga+ lokudumisa kuhlume+ phambi kwazo zonke izizwe.
62 Angisoze ngiqhubeke ngithule ngenxa yeZiyoni,+
Kangisoze ngiqhubeke ngigoqe izandla ngenxa yeJerusalema,
Ukulunga kwayo kuze kukhanye njengokukhanya okukhulu,+
Lensindiso yayo ibhebhe njengesibane.+
Uzabizwa ngebizo elitsha,+
Ibizo elizaphuma emlonyeni kaJehova.
3 Uzakuba ngumqhele wobuhle esandleni sikaJehova,
Ube yiqhiye yesikhosini esandleni sikaNkulunkulu wakho.
4 Awusoze uphinde ubizwe ngokuthi ungowesifazana olahliweyo,+
Lelizwe lakho kalisoze liphinde libizwe ngokuthi lunxiwa.+
Kodwa uzabizwa ngokuthi, iNjabulo Yami Ikuye,+
Ilizwe lakho libizwe ngokuthi, Otshadileyo.
Ngoba uJehova uzajabula ngawe,
Lelizwe lakho lizafanana lalowo otshadileyo.
5 Amadodana akho azatshada lawe,
Njengejaha elitshada lentombi egcweleyo.
UNkulunkulu wakho uzathokoza ngawe,
Njengomyeni ethabela umakoti wakhe.+
6 Sengifake abalindi emidulini yakho wena Jerusalema.
Imini yonke lobusuku bonke akumelanga bathule.
Lingaphumuli
Lina elikhuluma ngoJehova.
7 Lingamphumuzi aze ayimise iqine iJerusalema,
Aze enze ukuthi idunyiswe emhlabeni wonke.”+
8 UJehova usefunge ngesandla sakhe sokudla, ngayo kanye ingalo yakhe elamandla wathi:
“Angisoze ngiphinde nginike izitha zakho amabele akho ukuthi ziwadle,
Abezinye izizwe kabasoze balinathe iwayini lakho elitsha olisebenzele nzima.+
9 Kodwa abavuna amabele yibo abazawadla futhi bazadumisa uJehova,
Lalabo ababutha amagilebisi yibo abazanatha iwayini emagumeni ami angcwele.”+
10 Phumani, phumani emagedini.
Vulelani abantu indlela.+
Yakhani, yakhani umgwaqo omkhulu.
Susani amatshe kuwo.+
Phakamiselani izizwe uphawu.*+
11 UJehova usememezele lasemikhawulweni yomhlaba wathi:
“Tshelani indodakazi yaseZiyoni lithi,
‘Khangela! Ukusindiswa kwakho kuyeza.+
Umvuzo awunikayo usesandleni sakhe,
Lomholo awuholisayo uphambi kwakhe.’”+
12 Abahlengwe nguJehova bazabizwa ngokuthi ngabantu abangcwele,+
Wena ubizwe ngokuthi ungoDingiweyo, iDolobho Elingatshiywanga.+
63 Ngubani lo ovela ko-Edomi,+
Ovela eBhozira+ egqoke izembatho ezilemibalabala,*
Olezigqoko ezinhle kakhulu,
Omatsha ngamandla amakhulu?
“Yimi kanye engikhuluma ngokulunga,
Lowo olamandla amakhulu okusindisa.”
2 Kungani izigqoko zakho zibomvu?
Kungani izembatho zakho zinjengezalowo ovoxa amagilebisi esikhamelweni sewayini?*+
3 “Nginyathenyathele okusegodini lokukhamela amagilebisi ngingedwa.
Kakho loyedwa obelami.
Bengilokhu ngibagxobagxoba ngizondile,
Ngaqhubeka ngibavoxavoxa ngolaka lwami.+
Izembatho zami zachaphakelwa ligazi labo,
Konke engikugqokileyo sekungcolile.
4 Usuku lokuphindisela lusenhliziyweni yami,+
Umnyaka wabahlengiweyo bami usufikile.
5 Ngakhangela kodwa kwakungelamuntu owayenganceda,
Kwangimangalisa ukuthi kakho owayefuna ukuncedisa.
6 Ngagxobagxoba izizwe ngizondile,
Ngazenza zadakwa ngolaka lwami,+
Ngathululela igazi lazo emhlabathini.”
7 Ngizakhuluma ngezenzo zikaJehova zothando oluqotho,
Izenzo okumele uJehova adunyiswe ngazo,
Ngenxa yakho konke uJehova asenzele khona,+
Izinto ezinengi ezinhle azenzele abendlu ka-Israyeli,
Ngenxa yesihawu sakhe lothando lwakhe oluqotho.*
8 Wathi: “Ngeqiniso bangabantu bami, amadodana azahlala eqotho.”*+
Yikho waba nguMsindisi wabo.+
9 Kulo lonke usizi lwabo, laye waba losizi.+
Isithunywa sakhe sabasindisa.*+
Wabahlenga ngenxa yothando lwakhe lozwelo lwakhe,+
Wabaphakamisa wabathwala kuzo zonke izinsuku zakudala.+
10 Kodwa bahlamuka,+ badabukisa* umoya wakhe ongcwele.+
11 Basebekhumbula izinsuku zakudala,
Insuku zenceku yakhe uMosi, bathi:
“Ungaphi lowo owabachaphisa elwandle+ kanye labelusi bomhlambi wakhe?+
Ungaphi lowo owafaka umoya wakhe ongcwele kuye,+
12 Owenza ukuthi ingalo yakhe ekhazimulayo iphelekezele isandla sokudla sikaMosi,+
Wehlukanisa amanzi phambi kwabo+
Ukuze azenzele ibizo laphakade?+
13 Ungaphi lowo owabenza badabula ezinzikini zamanzi,
Bahamba bengakhubeki,
Njengebhiza elihamba endaweni eligceke?*
14 Umoya kaJehova wabenza baphumula+
Njengezifuyo ezehlela emagcekeni.”
15 Khangela phansi usezulwini ubone,
Khangela usendaweni yakho ephakemeyo, engcwele lekhazimulayo.*
Kungaphi ukutshiseka kwakho lamandla akho?
Lungaphi uzwelo* lwakho+ lesihawu sakho?+
Konke ngikufihlelwe.
16 Wena unguBaba wethu;+
Lanxa kungenzakala ukuthi u-Abrahama angasazi
Lo-Israyeli angasinanzeleli,
Wena Jehova unguBaba wethu.
Kusukela kudala ubulokhu ubizwa ngokuthi unguMhlengi wethu.+
17 Awu Jehova, kungani uvumela ukuthi siphambuke* ezindleleni zakho?
Kungani uvumela ukuthi inhliziyo zethu zibe lukhuni, sicine singasakwesabi?+
Phenduka ubuye ngenxa yezinceku zakho,
Izizwana ezililifa lakho.+
18 Ilizwe laba ngelabantu bakho abangcwele okwesikhatshana.
Izitha zethu sezinyathenyathele indawo yakho engcwele.+
19 Sesilesikhathi eside sinjengabantu ongakaze ubabuse,
Lanjengabantu abangakaze babizwe ngebizo lakho.
64 Aluba ubudabule amazulu wehlela phansi,
Ukuze izintaba zinyikinyeke ngenxa yakho,
2 Aluba ububuye njengomlilo otshisa incwathi,
Lomlilo obilisa amanzi,
Izitha zakho bezizalazi ibizo lakho,
Lezizwe ziqhaqhazele phambi kwakho!
3 Ngesikhathi usenza izinto ezesabekayo esasingazilindelanga ngitsho,+
Wehlela phansi, izintaba zanyikinyeka phambi kwakho.+
4 Kusukela kudala kakho osezwile kumbe ovule indlebe,
Kalikho ilihlo eselibone omunye uNkulunkulu ngaphandle kwakho,
Wena onceda labo abaqhubeka bekulindele ngesineke.+
5 Usuhlangane labathokoziswa yikwenza okulungileyo,+
Abakukhumbulayo futhi abalandela izindlela zakho.
Wathukuthela lapho siqhubeka sisona,+
Sakwenza lokho okwesikhathi eside.
Pho kumele sisindiswe yini?
6 Sonke sesinjengomuntu ongcolileyo,
Yonke imisebenzi yethu elungileyo ifanana lelembu elisetshenziswa ngowesifazana osesikhathini.+
Sonke sizabuna njengehlamvu,
Amacala ethu azasiphephula njengomoya.
7 Akulamuntu obiza ibizo lakho,
Kakho ozwa kusithi abambelele kuwe,
Ngoba ususifihlele ubuso bakho,+
Usenza siphele amandla* ngenxa yamacala ethu.
8 Kodwa wena Jehova unguBaba wethu.+
9 Awu Jehova ungathukutheli kakhulu,+
Ungalikhumbuli kokuphela icala lethu.
Siyacela, sikhangele ngoba sonke singabantu bakho.
10 Amadolobho akho angcwele aseyinkangala.
IZiyoni isiyinkangala,
IJerusalema isiyindawo engelalutho.+
11 Indlu yethu* yenkazimulo* lobungcwele
Lapho okhokho bethu ababekudumisa khona,
Isithungelwe ngomlilo,+
Zonke izinto ezaziligugu kithi sezingamanxiwa.
12 Pho uzabe ulokhu ugoqe izandla yini Jehova?
Uzabe ulokhu uthule yini usiyekela sihlupheka kangaka?+
65 “Sengivumele ukuthi abantu ababengabuzi ngami bangidinge,
Ngenza lokuthi ababengangidingi bangithole.+
Ngathi esizweni esasingabizi ibizo lami, ‘Ngilapha, ngilapha!’+
2 Ilanga lonke bengibavulele izandla zami abantu abayiziqholo,+
Labo abahamba ngendlela engalunganga,+
Belandela imicabango yabo,+
3 Abantu abaqhubeka bengicaphula ngikhangele,+
Besenza imihlatshelo ezingadini,+ bethunqisa intuthu yemihlatshelo ezitineni.
4 Abantu abahamba bayehlala emangcwabeni,+
Abaqeda ubusuku bonke besezindaweni ezicatshileyo,
Besidla inyama yengulube,+
5 Bathi, ‘Hlala wedwa, ungasondeli kimi,
Ngoba ngingcwele ukwedlula wena.’*
Abantu laba bayintuthu emakhaleni ami, lomlilo obhebha ilanga lonke.
6 Kubhaliwe phambi kwami,
Kangisoze ngigoqe izandla,
Kodwa ngizabajezisa,+
Ngizabanika umvuzo ogcweleyo sibili,
7 Ngenxa yamacala abo lamacala abokhokho babo,”+ kutsho uJehova.
“Ngizaqala ngibabhadale wonke umholo wabo obafaneleyo,
Ngoba bathunqise intuthu yemihlatshelo ezintabeni,
Bangithuka emaqaqeni.”+
8 Nanku okutshiwo nguJehova:
“Njengoba nje iwayini elitsha litholakala elixheni lamagilebisi,
Omunye abesesithi, ‘Ungalitshabalalisi ngoba kukhona okuhle* kulo,’
Lami ngizakwenza njalo ngenxa yezinceku zami,
Angisoze ngizitshabalalise zonke.+
9 Ngizakwenza ukuthi kube lomntwana ozaphuma* kuJakhobe,
LakuJuda ngiveze lowo ozathatha ilifa lezintaba zami,+
Abakhethiweyo bami bazalithatha ilizwe libe ngelabo,
Izinceku zami zizahlala khona.+
Lokhu kuzakwenzelwa abantu bami abangidingayo.
11 Kodwa lina liphakathi kwalabo abatshiya uJehova,+
Labo abakhohlwa intaba yami engcwele,+
Abalungisela unkulunkulu wenhlanhla itafula yokudla,
Labagcwalisa iwayini emankomitshini besenzela unkulunkulu ohlela ikusasa.
12 Ngakho ngizalimisela inkemba,+
Lonke lizakhothama ukuze libulawe,+
Ngoba ngalibiza kodwa alisabelanga,
Ngakhuluma kodwa alilalelanga.+
Laqhubeka lisenza okubi phambi kwami,
Lakhetha ukwenza izinto engingazithandiyo.”+
13 Yikho-ke nanku okutshiwo yiNkosi Enkulu uJehova:
“Izinceku zami zizakudla kodwa lina lizalamba.+
Izinceku zami zizanatha+ kodwa lina lizakoma.
Izinceku zami zizathokoza+ kodwa lina lizayangeka.+
14 Izinceku zami zizamemeza ngentokozo ngenxa yokuchelesa kwenhliziyo,
Kodwa lina lizakhala ngenxa yobuhlungu benhliziyo
Lizahlaba umkhosi ngenxa yokudabuka emoyeni.
15 Ibizo lenu lizasala lisetshenziswa ngabakhethiweyo bami nxa beqalekisa.
INkosi Enkulu uJehova izabulala munye ngamunye wenu,
Kodwa izabiza izinceku zayo ngelinye ibizo,+
16 Ukuze kuthi loba ngubani ofuna ukuthola isibusiso emhlabeni,
Abusiswe nguNkulunkulu weqiniso,*
Loba ngubani owenza isifungo emhlabeni,
Inhlupho zakuqala zizakhohlakala,
Zisuswe emehlweni ami,+
17 Ngoba sengidala amazulu amatsha lomhlaba omutsha,+
Izinto zakuqala kazisoze ziphinde zikhunjulwe,
Njalo kazisoze zifike enhliziyweni.+
18 Ngakho thokozani lithabe kokuphela ngenxa yalokho esengikudala.
Ngoba ngidala iJerusalema ukuze ibe yisizatho sokuthokoza,
Labantu bayo babe yisizatho sokujabula.+
19 Ngizathokoza ngeJerusalema, ngijabule ngabantu bami,+
Akusoze kuphinde kuzwakale kuyo umsindo wokulila njalo akusoze kube lokukhala okubangelwa yikukhathazeka.”+
20 “Endaweni leyo akusoze kuphinde kube losane oluphila insuku ezilutshwana,
Kumbe ixhegu elehluleka ukugcwalisa izinsuku zalo.
Loba ngubani ofa eleminyaka engu-100 uzabe elokhu ekhanya engumfana omncane nje,
Lesoni sizaqalekiswa lanxa sesileminyaka engu-100.*
22 Abasoze bakhe besekuhlala omunye umuntu,
Kumbe balime kudle abanye abantu.
Ngoba insuku zabantu bami zizakuba njengensuku zesihlahla,+
Abakhethiweyo bami bazawukholisa kakhulu* umsebenzi wezandla zabo.
24 Ngizabaphendula bengakangibizi lokungibiza,
Bazakuthi besakhuluma nje ngibezwe.
25 Iganyana kanye lezinyane lemvu kuzakudla ndawonye,
Isilwane sizakudla utshani njengenkunzi,+
Inyoka idle uthuli.
Kazisoze zilimaze loba zibangele umonakalo kuyo yonke intaba yami engcwele,”+ kutsho uJehova.
66 Nanku okutshiwo nguJehova:
“Amazulu ayisihlalo sami sobukhosi, umhlaba uyisenabelo* senyawo zami.+
2 “Konke lokhu kwenziwe yisandla sami,
Le yiyo indlela konke okwabakhona ngayo,” kutsho uJehova.+
3 Ohlaba inkunzi ufanana lalowo obulala umuntu.+
Owenza umhlatshelo ngemvu ufanana lomuntu owephula intamo yenja.+
Onikela ngesipho ufanana lomuntu onikela ngegazi lengulube.+
Onikela umnikelo wesikhumbuzo ngenhlaka yokwenza impepha+ ufanana lalowo obusisa ngokukhuluma amazwi emilingo.*+
Sebekhethe ukulandela izindlela zabo
Bayakuthanda ukwenza izinto ezenyanyekayo.
4 Yikho ngizakhetha indlela engizabajezisa ngazo,+
Ngibehlisele zona kanye izinto abazesabayo,
Ngoba kakho owasabelayo ngesikhathi ngibiza,
Kakho loyedwa owalalelayo ngesikhathi ngikhuluma.+
Babeqhubeka besenza okubi phambi kwami,
Bekhetha lokwenza izinto engingazithandiyo.”+
5 Zwanini ilizwi likaJehova lina elilesabayo* ilizwi lakhe:
“Abafowenu abalizondayo njalo abalininela khatshana ngenxa yebizo lami bathi, ‘Kakhazinyuliswe uJehova.’+
Kodwa yena uzabonakala kini alenze lithokoze,
Bona basale beyangekile.”+
6 Kuzwakala umsindo wokuxokozela edolobheni, umsindo ovelela ethempelini,
Ngumsindo kaJehova esephindisela ezitheni zakhe ngalokho okuzifaneleyo.
7 Wabeletha engakahelelwa.+
Wazala umntwana ongumfana engakabuzwa ubuhlungu bemihelo.
8 Ngubani owake wezwa into enjalo?
Ngubani owake wazibona izinto ezinjalo?
Kambe ilizwe lingazalwa ngelanga elilodwa nje?
Isizwe singazalwa ngesikhatshana yini?
Kodwa iZiyoni yathi isanda kuhelelwa, yahle yabeletha amadodana ayo.
9 “Kambe ngingavumela ukuthi isikhathi sokubeletha umntwana sifike besengimvalela angaphumi?” kutsho uJehova.
“Kambe ngingenza owesifazana aqale ukukhululeka, besengivala isibeletho sakhe?” kutsho uNkulunkulu wakho.
10 Jabulani leJerusalema lithabe kanye layo,+ lonke lina abayithandayo.+
Thokozani layo kakhulu lonke lina abayikhalelayo,
11 Ngoba lizamunya emabeleni ayo enduduzo lize lisuthe nti,
Lizanatha likholwe lithokoziswe yinkazimulo yayo enkulu.
12 Ngoba nanku okutshiwo nguJehova:
“Khathesi sengisenza ukuthi ibe lokuthula njengomfula,+
Lokuthi inkazimulo yezizwe ize kuyo njengesifula esigcwele phamu.+
Lizamunya liphethwe,
Lidlalidlaliswe liphethwe enyaweni.
14 Lizakubona lokhu inhliziyo zenu zithokoze,
Amathambo enu azavuselelwa ahlume njengotshani obuluhlaza.*
UJehova uzakwenza izinceku zakhe zibone isandla sakhe,*
Kodwa ulaka lwakhe uzalubonakalisa ezitheni zakhe.”+
15 “Phela uJehova uzakuza njengomlilo,+
Izinqola zakhe zinjengesivunguzane,+
Ukuze azophindisela ngolaka oluvuthayo,
Akhuze ngamalangabi omlilo.+
16 UJehova uzakwahlulela ngomlilo,
Uzabahlulela sibili bonke abantu* ngenkemba yakhe,
Ababulewe nguJehova bazakuba banengi.
17 “Labo abazingcwelisayo labazihlambululayo ukuze bangene ezingadini*+ belandela lowo ophakathi laphakathi, abadla inyama yengulube+ lamagundwane+ lezinye izinto ezenyanyekayo, bonke bazabhubha kanye kanye,” kutsho uJehova. 18 “Ngiyeza ukuzoqoqa abantu bezizwe zonke lezindimi ngoba ngiyayazi imisebenzi yabo lemicabango yabo, bazabuya bayibone inkazimulo yami.”
19 “Ngizabeka uphawu phakathi kwabo, abanye balabo abazama ukuphunyuka ngizabathumela ezizweni, eThashishi+ lePhuli laseLudi,+ khona kanye ebantwini abazingcitshi zokusebenzisa idandili.* Ngizabathumela eThubhali laseJavani+ lasezihlengeni ezikhatshana, ebantwini abangakaze bazwe umbiko ngami labangakaze bayibone inkazimulo yami. Bazamemezela inkazimulo yami phakathi kwezizwe.+ 20 Bazaletha bonke abafowenu bevela kuzo zonke izizwe+ babe yisipho kuJehova. Bazabaletha eJerusalema, entabeni yami engcwele behamba ngamabhiza, lezinqola, langezimbongolo,* lezinqola ezivaleke phezulu lamakamela alesiqubu esikhulu,” kutsho uJehova, “futhi kuzakuba njengalapho abantu bako-Israyeli beletha isipho sabo endlini kaJehova besiphethe ngesitsha esihlambulukileyo.”
21 “Ngizathatha abanye ngibenze babe ngabaphristi lamaLevi,” kutsho uJehova.
22 “Njengoba nje amazulu amatsha lomhlaba omutsha+ engikwenzayo kuzahlala kukhona phambi kwami,” kutsho uJehova, “labantwabenu* lebizo lenu lakho kuzahlala kukhona.”+
23 “Kusukela kokunye ukuthwasa kwenyanga kusiya kokunye ukuthwasa kwayo, kusukela kwelinye isabatha kusiya kwelinye,
Abantu bonke bazabuya bakhothame phambi kwami,”*+ kutsho uJehova.
24 “Bazaphuma bayebona izidumbu zabantu bonke abangihlamukelayo,
Ngoba impethu eziphezu kwazo azisoze zife,
Lomlilo ozitshisayo awusoze ucitshwe,+
Zizakuba yinto eyenyanyekayo kubo bonke abantu.”
Ibizo leli litsho ukuthi, “Insindiso kaJehova.”
Kumbe, “kayazi inkosi yakhe.”
Kumbe, “umlayo.”
Khangela iNgcazelo Yamabala.
Kumbe, “Ngizabuyisela.”
Lapha kungabe kutshiwo izihlahla lamasimu ababesenzela kuwo imikhuba yabo yokukhonza izithombe.
Kumbe, “Ekucineni kwezinsuku.”
Kumbe, “Umlayo uzavela.”
Kumbe, “Aqondise izinto.”
Kumbe, “bazathotshiswa.”
Kumbe, “bazathotshiswa.”
Kumbe, “abathanda ukutshintsha ingqondo.”
Kumbe, “ngilelaphe.”
NgesiHebheru, “emehlweni enkazimulo yakhe.”
NgesiHebheru, “Bazakudla isithelo sezenzo zabo.”
Lapha kutshiwo uphawu olwalutshiselwa emzimbeni wesigqili kumbe owesibotshwa.
Kumbe, “isinkwa sethu.”
Lapha kutshiwo ihlazo lokungatshadi lokuswela inzalo.
Lapha kutshiwo indawo okuvoxelwa kuyo amagilebisi.
Kumbe, “bebambanisa izindlu.”
Kumbe, “Ama-ekha.”
Khangela iSengezo ku-B14.
Khangela iSengezo ku-B14.
Khangela iSengezo ku-B14.
Ihabhu lichacho elilentambo ezifanana lezekatali.
Kumbe, “Abahlonitshwa.”
Kumbe, “yokwahlulela kwakhe okuhle.”
Kumbe, “Icebo loNgcwele.”
Kumbe, “Impoko zabo zizaphephuka.”
Kumbe, “umlayo.”
Kumbe, “ugodo oluyisibonakaliso.”
Khangela iNgcazelo Yamabala.
NgesiHebheru, “agotshisiwe.”
NgesiHebheru, “ilizwi lalowo owayememeza.”
Kumbe, “abalezindebe ezingcolileyo.”
Lapha kutshiwo insimbi yokubambisa amalahle esasigelo.
Kumbe, “kulengxenye eyodwa etshumini eseleyo.”
Kumbe, “Inzalo.”
Ezinye inguqulo zithi, “kazange ayinqobe.”
Ibizo leli litsho ukuthi, “Kuzaphenduka abaseleyo kuphela.”
Ibizo leli litsho ukuthi, “UNkulunkulu ulathi.”
Kumbe, “ezihotsheni.”
Lapha kutshiwo umfula uYufrathe.
Khangela iNgcazelo Yamabala.
Ibizo leli lingabe lisitsho ukuthi, “Ukugijimela okuthunjiweyo.”
Kumbe, “kuqiniswe.”
Lapha kutshiwo umka-Isaya.
IShilowa yayingumgelo wamanzi.
Lapha kutshiwo umfula uYufrathe.
Khangela amabala angaphansi ku-Isy 7:14.
Ibizo lesiHebheru elihunyutshwe ngokuthi “uNkulunkulu ulathi” ngelithi Imanuweli. Khangela amabala angaphansi ku-Isy 7:14 lo-8:8.
Isifu yilokho okusetshenziswa ukuthiya inyoni.
Kumbe, “umlayo.”
Kumbe, “Uhulumende; Ubukhosi.”
Kumbe, “kukahulumende wayo; kobukhosi bayo.”
Ezinye inguqulo zithi, “sizahlanyela imisedari endaweni yazo.”
Lapha kutshiwo u-Israyeli.
NgesiHebheru, “evelela emuva.”
Lapha kutshiwo umhlobo wotshani obude. Ezinye inguqulo zithi, “ugatsha lwelala lomhlanga.”
Kumbe, “ukucindezela abayanga abafuna usizo emthethwandaba.”
Kumbe, “Lizalutshiya ngaphi udumo lwenu?”
NgesiHebheru, “ngizayijezisa.”
Lapha kutshiwo i-Asiriya.
Lapha kutshiwo uJehova.
Kumbe, “Lokwahlulela okuhle.”
Izibuko yindawo lapho okuchatshwa khona umfula.
Kumbe, “ngethuluzi lensimbi.”
Kumbe, “ngokulunga.”
Kumbe, “ngamazwi omlomo wakhe.”
Kumbe, “kuzahlala ndawonye okwesikhatshana.”
Ezinye inguqulo zithi, “Ithole kanye lesilwane kuzakudla ndawonye.”
Kumbe, “lugodo oluyisibonakaliso.”
Kumbe, “Izizwe zizamdinga.”
Lapha kutshiwo ilizwe leBhabhiloni.
Kumbe, “Bazakwenza ukuthi amandla abo afike.”
Ezinye inguqulo zithi, “uzakomisa.”
NgesiHebheru, “ulimi lolwandle.”
Lapha kutshiwo umfula uYufrathe.
Ezinye inguqulo zithi, “Uzawutshaya wehlukane ube yizifudlana eziyisikhombisa.”
Lesi yisifitshaniso sebizo elithi Jehova ngesiHebheru.
Kumbe, “ugodo oluyisibonakaliso.”
NgesiHebheru, “abangcwele bami.”
NgesiHebheru, “zizancibilika ngokwesaba.”
Kumbe, “amalangabi osizi.”
Khangela iNgcazelo Yamabala.
Kumbe, “Lembuzi zeganga.” Ezinye inguqulo zithi, “Amadimoni aphose afanane lembuzi.”
Kumbe, “ayeqayeqe.”
Kumbe, “Uzabanika ukuphumula.”
Kumbe, “amazwi okukloloda ozawatsho.”
NgesiHebheru, “endlini yayo.”
Kumbe, “Njengogatsha olwenyanyekayo.”
Inungu yinyamazana yeganga elensiba ezihlabayo.
Kumbe, “esilungele ukutshaya.”
Kumbe, “ethempelini.”
Izibuko yindawo lapho okuchatshwa khona umfula.
Ezinye inguqulo zithi, “Ngoba umkhosi wempi wehlele phezu kwezithelo zenu zehlobo kanye lesivuno senu.”
Lapha kutshiwo indawo okuvoxelwa kuyo amagilebisi.
Ihabhu lichacho elilentambo ezifanana lezekatali.
Kumbe, “iminyaka yakhe izabalwa ngonanzelelo njengalokho okwenziwa yisisebenzi esiqhatshiweyo,” okutsho ukuthi kuzabe kuyiminyaka emithathu ngqe.
Kumbe, “yinqumbi yamanxiwa.”
NgesiHebheru, “yamadodana ka-Israyeli.”
Khangela iNgcazelo Yamabala.
Khangela iNgcazelo Yamabala.
Kumbe, “amahlumela kankulunkulu wezizweni.”
Kumbe, “njengogodo oluyisibonakaliso.”
Ezinye inguqulo zithi, “ngikhangele ngisendaweni.”
NgesiHebheru, “zincibilike ngokwesaba.”
Kumbe, “amanethi.”
Lapha kutshiwo iGibhithe.
Kumbe, “zaseMemfisi.”
Lapha kutshiwo umhlobo wotshani obude. Ezinye inguqulo zithi, “ugatsha lwelala loba umhlanga.”
Kumbe, “induna yamabutho.”
Kumbe, “kube lihlazo leGibhithe.”
Kukhanya indawo le ngeyeBhabhiloni yasendulo.
Lapha kungabe kutshiwo iBhabhiloni.
NgesiHebheru, “Ukhalo lwami lubuhlungu kakhulu.”
Khangela iNgcazelo Yamabala.
Ibizo leli litsho ukuthi, “Ukuthula.”
Khangela iNgcazelo Yamabala.
NgesiHebheru, “eligotshisiweyo.”
Kumbe, “iminyaka yakhe izabalwa ngonanzelelo njengalokho okwenziwa yisisebenzi esiqhatshiweyo,” okutsho ukuthi kuzabe kungumnyaka owodwa ngqe.
Lapha kungabe kutshiwo iJerusalema.
Khangela iNgcazelo Yamabala.
Kumbe, “Susa amehlo akho kimi.”
Lokhu yikwenza samuntu okusankondlo mhlawumbe okutshengisa uzwelo loba isihawu.
Kumbe, “labagadi bamabhiza.”
NgesiHebheru, “isilikhiphile.”
Kumbe, “Abagadi bamabhiza bazakuma.”
Kumbe, “okhangela isigodlo.”
Kumbe, “amandla akho.”
Itheku yindawo okufikela khona imikhumbi.
IShihori ngumsele wamanzi ophuma emfuleni uNayili.
NgesiHebheru, “izintombi ezigcweleyo.”
Ezinye inguqulo zithi, “itheku kalisekho.”
Lapha kungabe kutshiwo iThire.
Ihabhu lichacho elilentambo ezifanana lezekatali.
NgesiHebheru, “ngeyalabo abahlala phambi kukaJehova.”
Kumbe, “uyawuchitha umhlaba.”
Ezinye inguqulo zithi, “liyoma.”
Kumbe, “sasendulo.”
Ezinye inguqulo zithi, “liyoma.”
Ihabhu lichacho elilentambo ezifanana lezekatali.
Kumbe, “besentshonalanga.”
Kumbe, “besempumalanga.”
Lapha kutshiwo inyanga ekhanyisayo emkhathini.
NgesiHebheru, “phambi kwabadala bakhe.”
Kumbe, “Lokudla okuhlabusayo okulomnkantsho.”
NgesiHebheru, “uzaginya.”
Kumbe, “iveyili.”
NgesiHebheru, “Uzakuginya.”
Kukhanya kutshiwo iMowabi.
Lesi yisifitshaniso sebizo elithi Jehova ngesiHebheru.
Lapha kutshiwo ukukhumbula uNkulunkulu kanye lebizo lakhe lokwenza ukuthi laziwe.
Kumbe, “uyabatshisekela.”
NgesiHebheru, “Izidumbu zami.”
Khangela iNgcazelo Yamabala.
Lapha kungabe kutshiwo u-Israyeli njalo ufaniswa lowesifazana kanye lensimu yamagilebisi.
Khangela iNgcazelo Yamabala.
Khangela iNgcazelo Yamabala.
Lapha kutshiwo umfula uYufrathe.
Khangela iNgcazelo Yamabala.
Kukhanya kutshiwo idolobho elikhulu, iSamariya.
Kumbe, “wokuzigqaja.”
Kumbe, “yokuzigqaja.”
Kumbe, “umoya wakhe ube phezu kwabahluleli.”
Kumbe, “Umzila wokulinganisa ngomzila wokulinganisa, umzila wokulinganisa ngomzila wokulinganisa.”
Abakhokheli benkolo babesizwa umbiko ka-Isaya uyinkulumo yobuntwana njalo uyikuphindaphinda.
Kumbe, “Umzila wokulinganisa ngomzila wokulinganisa, umzila wokulinganisa ngomzila wokulinganisa.”
Kumbe, “nyovane.”
Ezinye inguqulo zithi, “Bazathuthumela bangazwisisa.”
Kumbe, “umhlaba wonke.”
Ikhumini yisihlahlakazana esilinywayo esifakwa ekudleni ukuze kube mnandi.
NgesiHebheru, “isipelithi.” Lo ngumhlobo wengqoloyi ongelahlonzi owawulinywa eGibhithe yasendulo.
Khangela iNgcazelo Yamabala ebaleni elithi, “Ukubhula; Indawo yokubhulela.”
Ibizo leli lingabe lisitsho ukuthi, “Iziko le-alithare likaNkulunkulu” njalo kungabe kutshiwo iJerusalema.
Buhloba ngenxa yokuyangeka lobuhlungu benhliziyo.
NgesiHebheru, “Athulula iminikelo yokunathwayo.” Lokho kwakungabe kuyindlela yokwenza isivumelwano.
NgesiHebheru, “enqabeni kaFaro.”
Kumbe, “epulankeni.”
Kumbe, “umlayo.”
Ezinye inguqulo zithi, “emgodini.”
Kumbe, “bemlindele ngabomvu.”
NgesiHebheru umutsho lo usebunyeni.
Ezinye inguqulo zithi, “lizibize ngokuthi zingcolile.”
Kumbe, “lizingcwelisela.”
Ihabhu lichacho elilentambo ezifanana lezekatali.
“IThofethi” lapha isetshenziswe njengendawo yokutshisa, emela ukubhujiswa.
Kumbe, “Labagadi bamabhiza.”
Kumbe, “olomlilo.”
Kumbe, “yindawo yokucatshela.”
NgesiHebheru, “Lolimi lwabagagasayo.”
Kumbe, “Ukuze enze izinto ezingelanhlonipho.”
Kumbe, “Zinqunuleni.”
Kumbe, “elikhulula.”
Kumbe, “ngamandla ethu.”
NgesiHebheru, “ezikhathini zakho.”
Lapha kutshiwo isitha.
Ezinye inguqulo zithi, “liyoma.”
Kumbe, “izacabangisisa ngalokho.”
NgesiHebheru, “olujulileyo.”
Kumbe, “zizageleza igazi.”
Lapha kungabe kutshiwo iBhozira, idolobho elikhulu lako-Edomi.
Le yinyoni enkulu elomlomo omude.
Inungu yinyamazana yeganga elensiba ezihlabayo.
Kumbe, “Imbuzi yeganga.” Ezinye inguqulo zithi, “Amadimoni aphose afanane lembuzi.”
Le yinyoni ephapha ntambama ehambelana lesikhova.
NgesiHebheru, “izakwenza isidleke sayo.”
Isafroni liluba.
Kumbe, “labakhathazekileyo enhliziyweni.”
Ibala lesiHebheru elisetshenziswe lapha litsho inyamazana ehambelana lempala.
NgesiHebheru, “Lolimi lwesimungulu luzamemeza.”
Kumbe, “umphathinkezo omkhulu.”
Kumbe, “wesigodlo senkosi.”
Kumbe, “ngugavena.”
Kumbe, “ngesiSiriya.”
Kumbe, “wesigodlo senkosi.”
Kumbe, “wesigodlo senkosi.”
NgesiHebheru, “umoya kuyo.”
Ezinye inguqulo zithi, “phakathi.”
Kumbe, “imisele yeNayili yaseGibhithe.”
NgesiHebheru, “kwenziwa.”
Kumbe, “Ngakubumba.”
Lapha kukhulunywa loHezekhiya.
Kumbe, “umkhukhuzela.”
Kumbe, “ethempelini likankulunkulu.”
Kumbe, “abesigodlo sakho.”
NgesiHebheru, “ezinsukwini zakho.”
Kumbe, “emakhwelelweni.” Kungenzakala ukuthi la kwakungamasitephisi ayesetshenziswa ukubala isikhathi.
Lesi yisifitshaniso sebizo elithi Jehova ngesiHebheru.
Kumbe, “yobuhlungu bomphefumulo wami.”
Lapha kutshiwo amazwi kaNkulunkulu lezenzo zakhe.
Kumbe, “umoya wami uthola ukuphila kuzo.”
Kumbe, “usuzisusile phambi kwakho.”
NgesiHebheru, “wabathabela.”
Khangela iNgcazelo Yamabala.
Kumbe, “esigodlweni sakhe.”
Kumbe, “esigodlweni sakho.”
Kumbe, “okusesigodlweni sami.”
Kumbe, “okusesigodlweni sakho.”
Kumbe, “leqiniso.”
NgesiHebheru, “ngezinsuku zami.”
NgesiHebheru, “Khulumani lenhliziyo yeJerusalema.”
Kumbe, “useyiphe okuphindwe kabili.”
Kumbe, “Candani.”
NgesiHebheru, “Yonke inyama ibutshani.”
Kumbe, “Uthando lwabo oluqotho.”
Kumbe, “izabusela yona.”
Kumbe, “Uzanakekela.”
Kumbe, “Azibuthelele ngengalo yakhe.”
Lapha kutshiwo ububanzi besandla kusukela kucikilicane kusiyafika esithupheni nxa isandla sivuliwe. Khangela iSengezo ku-B14.
Ezinye inguqulo zithi, “osewuzwisisile.”
Kumbe, “kayilazo inkuni ezeneleyo.”
Kumbe, “kwendingilizi; komhlaba onjengebhora.”
Kumbe, “ababusi bomhlaba babe.”
Kumbe, “Zonke zisezindaweni zazo.”
Kumbe, “Thulani zwi phambi kwami.”
Lapha kutshiwo ukuthi ambizele ukuthi azomkhonza.
Khangela iNgcazelo Yamabala.
Kumbe, “Ngizakusekela.”
Lapha kutshiwo ukuthi kenelisi ukuzivikela njalo ungumuntu ophansi.
Khangela iNgcazelo Yamabala ebaleni elithi, “Ukubhula; Indawo yokubhulela.”
Kumbe, “engiyisekelayo.”
Kumbe, “umlayo.”
Kumbe, “ngiyabelane lomunye.”
Kukhanya kutshiwo isizwe sako-Israyeli.
Kumbe, “umlayo.”
Kumbe, “bafihlwa.”
Kumbe, “umlayo.”
Kumbe, “inzalo yakho ivela.”
Lapha kutshiwo izinto ezizakuza kuqala esikhathini esizayo.
Kumbe, “lingithembe.”
Akwaziwa ukuthi ibizo lomhlanga lo eliqondileyo yiliphi sibili.
Kumbe, “izenzo zakho zokuhlamuka.”
Kungenzeka kutshiwo abafundisi boMthetho.
Kumbe, “uzalwa.”
Ibizo leli litsho ukuthi, “Oqotho,” njalo libizo lika-Israyeli lokuhlonipha.
Kumbe, “ilizwe elomileyo.”
Kumbe, “kwenzalo yakho.”
Kumbe, “ngekhampasi yokudweba.”
Kumbe, “yamanga.”
Kumbe, “zabaphrofethi bamanga.”
Kumbe, “ekuphumeni kwelanga kusiya ekutshoneni kwalo.”
Kumbe, “lalowo owambumbayo.”
Kumbe, “lowo owalibumbayo.”
Kumbe, “Umsebenzi wakho uthi.”
Kumbe, “lonke ibutho lawo ngilipha.”
Kumbe, “Sengivuse.”
Ezinye inguqulo zithi, “Izisebenzi zaseGibhithe.”
Ezinye inguqulo zithi, “labathengisi baseTopiya.”
Kumbe, “unguNkulunkulu ozifihlayo sibili.”
Kumbe, “yonke inzalo ka-Israyeli ilungile.”
UNebho loBheli ngonkulunkulu baseBhabhiloni.
Lapha kutshiwo izithombe ezithwelwe zinyamazana.
Kumbe, “Isinqumo sami sizaphumelela.”
Kumbe, “igcwalise injongo yami.”
Ezinye inguqulo zithi, “Angisoze ngibe lomusa kuloba ngubani engizahlangana laye.”
Ezinye inguqulo zithi, “Labo abehlukanisa amazulu; Izazi zezinkanyezi.”
NgesiHebheru, “esabelweni sakhe.”
NgesiHebheru, “Izinto lezi zidalwe khathesi nje, hatshi endulo.”
Ezinye inguqulo zithi, “Ngakukhetha.”
Kumbe, “Ngeke ngabele omunye umuntu.”
Kumbe, “okufundisa okuzakusiza.”
Kumbe, “okuqondisa.”
Kumbe, “Inzalo yakho ibizakuba nengi.”
Kumbe, “Wadabula.”
NgesiHebheru, “ngisesibelethweni.”
Kumbe, “amahala.”
Kumbe, “Lomvuzo wami ukuNkulunkulu.”
Ezinye inguqulo zithi, “kuwo wonke amaqaqa angelalutho.”
Kumbe, “ababekuginya.”
Kumbe, “ugodo oluyisibonakaliso.”
NgesiHebheru, “ezifubeni.”
Kumbe, “oluqeqetshwe kuhle.”
Ezinye inguqulo zithi, “ukuqinisa.”
NgesiHebheru, “ngelizwi.”
Kumbe, “abazicutha zasala zingelalutho.”
Kumbe, “ongamelana lami?”
Ibala lesiHebheru elisetshenziswe lapha litsho izibungu eziphaphayo ezidla amalembu.
Kumbe, “athembele.”
Kumbe, “owalibeletha ngobuhlungu bemihelo.”
Kumbe, “amandla ami.”
Kumbe, “kuchithwe.”
Kumbe, “umlayo.”
Ibala lesiHebheru elisetshenziswe lapha litsho izibungu eziphaphayo ezidla amalembu.
Khangela iNgcazelo Yamabala.
NgesiHebheru, “izakuba semakhanda abo.”
Kumbe, “izakubona ukunqoba kukaNkulunkulu.”
Kumbe, “azaphelelwa ngamazwi.”
Ezinye inguqulo zithi, “osekukholiwe esikuzwileyo?”
Lapha kutshiwo omunye umuntu nje ombonayo loba uNkulunkulu.
Ezinye inguqulo zithi, “Lowo abantu abamfihlela ubuso babo.”
Kumbe, “ohlaselwe ngumkhuhlane.”
Kumbe, “Wathwala isijeziso.”
Lokhu kungabe kusitsho ukuthi wabulawa kumbe ukuthi wathathwa ukuze ayebulawa.
Kumbe, “ngendlela ayephila ngayo.”
Kumbe, “Watshaywa wafa.”
NgesiHebheru, “lomuntu onothileyo.”
Kumbe, “kwakungeladlakela alwenzayo.”
Kumbe, “kwamthokozisa uJehova.”
Kumbe, “uzayibona inzalo yakhe.”
Kumbe, “okuthokozisa uJehova kuzaphumelela.”
NgesiHebheru, “yathulula impilo yayo kwaze kwaba sekufeni.”
Kumbe, “amadodana alowo.”
Kumbe, “olenkosi.”
Kumbe, “unjengenkosi yakho.”
Kumbe, “odabukileyo emoyeni.”
Kumbe, “ngamarubhi.”
Kumbe, “Wonke amadodana akho azafundiswa.”
Kumbe, “kwamadodana akho.”
Kumbe, “Loba yiluphi ulimi olukumangalelayo uzalubeka.”
Kumbe, “okungasisinkwa.”
Kumbe, “iholo lenu elilisebenzele nzima.”
Kumbe, “okwakha umzimba.”
Kumbe, “ngesihle.”
Kumbe, “engiyithandayo.”
Kumbe, “bayathathwa.”
Ezinye inguqulo zithi, “Ukuze angaluboni uhlupho.”
Lapha kutshiwo engcwabeni.
Kumbe, “Ngaphansi kwezingoxo zamadwala.”
Kumbe, “ngiziduduze ngezinto.”
Lokhu kungabe kwakuyisithombe sokukhonza kwamanga.
Lapha kungabe kutshiwo izithombe zesitho sesilisa ezazisetshenziswa ekukhonzeni kwamanga.
Ezinye inguqulo zithi, “enkosini.”
NgesiHebheru, “ungadinwa.”
Kumbe, “indlela efunwa.”
Kumbe, “elikuthandayo.”
NgesiHebheru, “zobubi.”
Lapha kutshiwo umhlobo wotshani obude.
Kumbe, “okuthandayo.”
Kumbe, “ukholise.”
NgesiHebheru, “kayisindi.”
Kumbe, “ezingekhoyo.”
Kumbe, “akwazi ukuthula.”
Kumbe, “ukuthembeka kukhubekile.”
NgesiHebheru, “kwakukubi emehlweni akhe.”
Kumbe, “yamlethela ukunqoba.”
Kumbe, “yokunqoba.”
Kumbe, “ngejazi elingelamikhono.”
Kumbe, “ekukhanyeni kwakho kokusa.”
Kumbe, “ephethwe engaseceleni.”
Kumbe, “uzakwenza ube muhle.”
Kumbe, “Oyingcosana uzakuba.”
Kumbe, “ngenotho.”
Kumbe, “imbadalo yabo.”
Kumbe, “Inzalo yabo izakwaziwa.”
Kumbe, “bayinzalo ebusiswe.”
Kumbe, “Ikonke yami izajabula.”
Kumbe, “ngejazi elingelamikhono.”
NgesiHebheru, “wesifazana.”
Kumbe, “ugodo oluyisibonakaliso.”
Ezinye inguqulo zithi, “ezibomvu gebhu.”
Lapha kutshiwo indawo okuvoxelwa kuyo amagilebisi.
Kumbe, “ukunqoba.”
Kumbe, “lobukhulu bothando lwakhe oluqotho.”
Kumbe, “angasoze angilahlise.”
Kumbe, “Ingilosi yobukhona bakhe yabasindisa.”
Kumbe, “badanisa.”
Kumbe, “eyinkangala?”
Kumbe, “elilodumo.”
Kumbe, “lenhle.”
Kumbe, “Kungaphi ukuqubuka kozwelo.”
Kumbe, “usiyekela siphambuka.”
Kumbe, “sicikizeke.”
Kumbe, “ungulowo owasibumbayo.”
Kumbe, “Ithempeli.”
Kumbe, “yobuhle.”
Kumbe, “ezingcolileyo.”
Ezinye inguqulo zithi, “ngingakupha ubungcwele bami.”
NgesiHebheru, “kulesibusiso.”
Kumbe, “lenzalo ezaphuma.”
Kumbe, “othembekileyo.”
Kumbe, “othembekileyo.”
Ezinye inguqulo zithi, “Ongafikisi iminyaka engu-100 uzakhangelwa njengoqalekisiweyo.”
Kumbe, “ngokupheleleyo.”
Kumbe, “baginqele.”
Kumbe, “amahala.”
Kumbe, “Bayinzalo ebusiswe.”
Isenabelo kulapho umuntu abeka khona inyawo zakhe nxa ehlezi esitulweni.
Kumbe, “oliqhuqhayo.”
Ezinye inguqulo zithi, “lalowo odumisa isithombe.”
Kumbe, “eliqhuqha.”
Kumbe, “njengohlaza.”
Kumbe, “amandla akhe.”
Kumbe, “Uzayahlulela sibili yonke inyama.”
Lapha kutshiwo izingadi ezazisetshenziswa ekukhonzeni izithombe.
Khangela iNgcazelo Yamabala.
Imbongolo yinyamazana ezalwa libhiza lobabhemi.
Kumbe, “lenzalo yenu.”
Kumbe, “bangikhonze.”