Zokumbutsa za Chikumbutso

Chikumbutso chaka chino chidzachitika Lachinayi, pa April 1. Akulu ayenera kusamalira zinthu izi:

◼ Poika nthaŵi ya msonkhano, onetsetsani kuti zizindikiro zisayendetsedwe dzuŵa lisanaloŵe.

◼ Aliyense, kuphatikizapo wokamba nkhani, ayenera kudziŵitsidwa nthaŵi yeniyeni ndi malo a chochitikachi.

◼ Muyenera kupezeratu mkate ndi vinyo woyenera komanso zikhale zokonzeka.—Onani Nsanja ya Olonda ya February 15, 1985, tsamba 17.

◼ Mbale, matambula, tebulo yabwino ndi nsalu zabwino zoyala patebulo ziyenera kubweretsedwa msanga ku holo ndi kuziikiratu m’malo ake.

◼ Nyumba ya Ufumu kapena malo ena alionse osonkhanapo ayenera kuyeretsedwa bwino pasadakhale.

◼ Muyenera kusankhiratu akalinde ndi otumikira ndipo alangizirenitu mmene adzayendetsera zinthu ndi ntchito yawo.

◼ Mupange makonzedwe okaperekera zizindikirozo kwa wodzozedwa aliyense wathanzi lofooka amene sangathe kupezekapo.

◼ Ngati mipingo ingapo idzagwiritsa ntchito Nyumba ya Ufumu imodzi, mipingoyo iyenera kugwirizana bwino, kotero kuti pasadzakhale kupanikizana kwa anthu pakhonde, pakhomo, m’tinjira, ndi koimika galimoto.