11 Zedeeqiyaan+ yommuu mootii taʼetti umuriin isaa waggaa 21 ture; inni Yerusaalem keessa taaʼee waggaa 11f ni bulche.+

13 Kana malees, inni Nebukadnezaar Mooticha isa maqaa Waaqayyootiin isa kakachiisee ture irratti fincila kaase;+ didaa* fi mata jabeessa taʼuu isaa itti fufe; gara Yihowaa Waaqa Israaʼelitti deebiʼuus ni dide.

12 Kana malees, ani Zedeeqiyaa+ mootii Yihudaatiinis akkana nan jedhe: “Morma kee waanjoo mootii Baabilon jala galchiitii isaa fi saba isaa tajaajili, atis lubbuudhaan ni jiraatta.+

17 Achiis Ermiyaas Zedeeqiyaadhaan akkana jedhe: “Waaqa Israaʼel kan taʼe Yihowaan Waaqni raayyaa akkana jedha: ‘Ati bulchitoota mootii Baabilonitti yoo harka kennite,* lubbuun kee siif oola;* magaalaan kunis ibiddaan hin gubamtu; atii fi maatiin kees lubbuudhaan ni ooltu.+

12 “Maaloo, warra finciltoota taʼan sanaan, ‘Hiika wantoota kanaa hin hubattanii?’ jedhi. Akkana isaaniin jedhi: ‘Kunoo, mootiin Baabilon gara Yerusaalem dhufee mootii ishii fi bulchitoota ishii fudhatee gara Baabilonitti deebiʼeera.+ 13 Kana malees, inni sanyii mootii keessaa isa tokko erga fudhatee+ booda isaa wajjin kakuu gale, akkasumas isa kaksiise.+ Achiis namoota biyyattii warra beekamoo taʼan fudhate;+ 14 kanas kan godhe mootummichi akka kufu, kaʼuus akka hin dandeenyeef ture; mootummichi itti fufuu kan dandaʼu sabichi kakuu sana yoo eege qofa ture.+ 15 Dhuma irratti garuu mootichi fardeenii fi raayyaa waraanaa guddaa isaan irraa argachuuf+ ergamtoota isaa gara Gibxiitti+ erguudhaan isa irratti ni fincile.+ Isaaf ni milkaaʼaa? Inni wantoota kana raawwate adaba jalaa ni miliqaa? Inni kakuu kana cabsee miliquu ni dandaʼaa?’+