Isaayyaas
62 Qajeelummaan ishii akkuma ifa guddaatti hamma ifutti,+
Fayyinni ishiis akkuma gucaatti hamma bobaʼutti,+
Ani Xiyooniif jedhee calluma hin jedhu,+
Yerusaalemiif jedhees calluma jedhee hin taaʼu.
Atis maqaa haaraa,
Isa afaan Yihowaatiin siif moggaafamuun ni waamamta.+
3 Ati harka Yihowaa keessatti gonfoo miidhaginaa,
Barruu Waaqa keetii keessattis marata mataa mootii ni taata.
4 Ati kana booda dubartii dhiifamte jedhamtee hin waamamtu,+
Biyyi kees kana booda ona jedhamtee hin waamamtu.+
Kanaa mannaa, ati Ishii Ani Itti Gammadu jedhamtee waamamta,+
Biyyi kees Ishii Heermute jedhamtee waamamti.
Sababiin isaas, Yihowaan sitti ni gammada,
Biyyi kees akkuma dubartii heerumtee ni taati.
5 Akkuma dargaggeessi durba fuudhutti,
Ilmaan kees si fuudhu.
Akkuma misirrichi misirrittiitti gammadutti,
Waaqni kees sitti gammada.+
6 Yaa Yerusaalem, ani dallaawwan kee irratti waardiyyoota muudeera.
Isaan guyyaa guutuu fi halkan guutuu yeroo hundumaa calluma jechuu hin qaban.
Isin warri waaʼee Yihowaa dubbattan,
Hin boqotinaa,
7 Hamma inni Yerusaalemiin cimsee dhaabutti,
Eeyyee, hamma inni namoonni lafa irra jiraatan hundi akka ishii jajatan godhutti boqonnaa tokko iyyuu isaaf hin kenninaa.”+
8 Yihowaan harka isaa isa mirgaa, irree isaa isa jabaas kaasee akkana jedhee kakateera:
“Kana booda nyaata akka isaaniif taʼuuf midhaan kee diinotaaf hin kennu,
Namoonni biyya ormaas daadhii wayinii kee isa haaraa isa itti dhamaate hin dhugan.+
9 Haa taʼu malee, warri midhaanicha sassaaban isa nyaatanii Yihowaa ni jajatu;
Warri firii wayinii walitti qabanis mooraa koo isa qulqulluu keessatti daadhii wayinii ni dhugu.”+
10 Darbaa, karricha keessa darbaa.
Sabichaaf daandii qopheessaa.+
Ijaaraa, daandii guddaa ijaaraa.
Dhagoota isa irraa kaasaa.+
Uummatichaaf mallattoo* tokko dhaabaa.+
11 Kunoo, Yihowaan hamma andaara lafaatti akkana jedhee labseera:
“Intala Xiyooniin,
‘Kunoo, fayyinni kee ni dhufa.+
Kunoo, badhaasni isaa isa bira jira,
Gatiin inni kaffalus isa dura jira’ jedhaa.”+