Isaayyaas
2 Tokkoon tokkoon isaaniis bakka bubbee jalaa itti dhokatan,*
Bakka bokkaa yandoo jalaa dahoo itti argatan* ni taʼu;
Biyya bishaan hin qabne keessatti akkuma yaaʼaawwan bishaanii,+
Biyya waxalame keessattis akkuma gaaddisa qarsaa guddaa ni taʼu.
3 Yeroo sanatti ijji warra arganii hin dunuunfatu,
Gurri warra dhagaʼaniis xiyyeeffannaadhaan ni dhaggeeffata.
4 Garaan namoota jarjaranii beekumsa irratti ni xiinxala,
Arrabni giingaʼus akka gaariittii fi qulqulleessee ni dubbata.+
5 Kana booda namni hubannaa hin qabne arjaa hin jedhamu,
Namni seera hin qabnes guddaa hin jedhamu;
6 Namni hubannaa hin qabne, gantummaa babalʼisuu* fi wanta sirrii hin taane Yihowaa irratti dubbachuuf,
Isa beelaʼe* garaa duwwaa gadhiisuuf,
Isa dheebotes wanta dhugamu dhowwachuuf,
Wallaalummaa ni dubbata,
Garaan isaas wantoota miidhaa geessisan ni qopheessa.+
7 Malli namni seera hin qabne qopheessu hamaa dha;+
Hiyyeessi wanta sirrii taʼe yommuu dubbatutti illee,
Inni sobatti fayyadamee isa cunqurfame balleessuuf,+
Gocha qaanessaa taʼe ni babalʼisa.
8 Namni arjaan garuu arjummaa jaallata,
Arjummaa argisiisuuf* carraaqqii gochuu isaas itti fufa.
9 “Isin dubartoonni yaaddoo hin qabne, kaʼaatii sagalee koo dhaggeeffadhaa!
Isin ijoolleen durbaa dantaa hin qabne,+ wantan dubbadhu dhagaʼaa!
10 Yeroon makaraa firii wayinii yommuu xumuramutti firiin tokko illee waan hin sassaabamneef,
Isin warri dantaa hin qabne waggaan tokko akkuma dhumeen ni raafamtu.+
11 Isin dubartoonni yaaddoo hin qabne, jeeqamaa!
Isin warri dantaa hin qabne, raafamaa!
Uffata of irraa baasaa,
Uffata gaddaas marxifadhaa.+
12 Maasiiwwan babbareedoo fi muka wayinii firii hedduu godhatuuf,
Gaddaan qoma keessan rurrukutaa.
13 Sababiin isaas, lafti saba kootii qoree fi sokorruudhaan ni uwwifama;
Wantoonni kun manneen gammachuu hundumaa,
Eeyyee, magaalaa gammachuu ni uwwisu.+
14 Masaraan cimaan dhiifameera;
Magaalaan waccus onteetti.+
Ofeelii+ fi masaraan eegumsaa yeroo hundumaatiif lafa onaa taʼaniiru,
Bakka harroonni bosonaa keessa burraaqan,
Bakka bushaayeewwan keessa dheedanis taʼaniiru;+
15 Kunis, hamma hafuurri gubbaadhaa nu irratti dhangalaʼutti,+
Hamma lafti onaan maasii fuduraa taʼutti,
Akkasumas hamma maasiin fuduraa akka bosonaatti ilaalamutti dha.+
16 Achiis haqni lafa onaa keessa,
Qajeelummaanis maasii fuduraa keessa ni jiraata.+
17 Buʼaan qajeelummaa dhugaa, nagaa,+
Firiin qajeelummaa dhugaas, tasgabbii fi boqonnaa dhaabbataa ni taʼa.+
18 Sabni koo iddoo dhaabbataa nagaa qabu keessa,
Iddoowwan jireenyaa amansiisoo fi iddoowwan boqonnaa tasgabbii qaban keessa ni jiraata.+
19 Haa taʼu malee, cabbiin bosonicha ni mancaasa,
Magaalattiinis guutummaatti ni diigamti.