Бафснай йӕ
Уацамынды ныхас райдайӕн куыд ис
Ацы уынаффӕтӕ дын баххуыс кӕндзысты ацы мӕй литературӕ парахат кӕнгӕйӕ.
«Ахуыр кӕн Номдзыд Ахуыргӕнӕгӕй» (уыр.)
«Куыд хъуыды кӕныс, цард фӕхуыздӕр уаид, ам куыд фыст у, адӕм афтӕ куы цӕриккой, уӕд? [Бакӕс Матфейы 7:12а. Бауадз ӕй йӕ хъуыды зӕгъын.] Ацы чиныджы ис, ӕппӕты номдзыддӕр ахуыргӕнӕг цы бирӕ зондамындтӕ ныууагъта, уыдон». 17 сӕры цы нывтӕ ис, уыдоныл ӕрныхас кӕн ӕмӕ бакӕс, сӕ бынмӕ цы фыстытӕ ис, уыдон.
«Абон бирӕ ныййарджытӕ архайынц сӕ сывӕллӕтты хорзыл сахуыр кӕнын. Дӕумӕ гӕсгӕ, уый ахсджиаг у? [Бауадз ӕй йӕ хъуыды зӕгъын. Уый фӕстӕ бакӕс Ӕмбисӕндтӕ 22:6.] Хъус ӕрдаринаг у, ныййарджытӕн кӕй уынаффӕ кӕнынц сӕ сывӕллӕтты хӕрз гыццылӕй ахуыр кӕнын райдайын. Уый тыххӕй рауагътой ацы чиныг». 15 кӕнӕ 18 сӕрты цы нывтӕ ис, уыдоныл ӕрныхас кӕн ӕмӕ бакӕс, сӕ бынмӕ цы фыстытӕ ис, уыдон.
«Арӕх ныййарджытӕ сӕ сывӕллӕтты фарстытыл бадис кӕнынц. Ӕмӕ уыцы фарстытӕй иуӕй-иутӕн цы дзуапп радтой, уый нӕ фӕзонынц. Афтӕ нӕу? [Бауадз ӕй йӕ хъуыды зӕгъын. Уый фӕстӕ бакӕс Ефесӕгтӕм 6:4.] Ацы чиныг ныййарджытӕн ӕххуыс кӕны абон сӕ сывӕллӕтты фарстытӕн дзуапп дӕттын». 11 ӕмӕ 12 кӕнӕ 34 – 36 сӕрты цы нывтӕ ис, уыдонӕй искӕцыйыл ӕрныхас кӕн ӕмӕ бакӕс, сӕ бынмӕ цы фыстытӕ ис, уыдон.
«Ӕнувыд Сфӕлдисӕг уӕвы?»
«Ӕппӕты зындӕр хъуыддӕгтӕ аскъуыддзаг кӕнынӕн хуыздӕр уынаффӕ ссарын нӕ бон кӕм у? [Бауадз ӕй йӕ хъуыды зӕгъын. Уый фӕстӕ бакӕс Матфейы 7:28, 29.] Ацы ныхӕстӕй бӕрӕг у, Йесо Чырысти хохыл адӕмы куы ахуыр кодта, уӕд сыл уый куыд бандӕвта. Дӕ хъус ма ӕрдар, иннӕтӕ дӕр цы загътой, уымӕ. [Равдис ын 152 фарсыл цы хъуыдытӕ ис, уыдон.] Ацы сӕры дзырдӕуы Йесойы цард ӕмӕ ахуырӕдты тыххӕй».
«Никуы ахъуыды кодтай, кӕд Хуыцау ис, уӕд искуы зӕххӕй фыдӕбӕттӕ ӕмӕ ӕнӕрастдзинад фесафдзӕн? [Бауадз ӕй йӕ хъуыды зӕгъын. Уый фӕстӕ бакӕс Раргомад 21:3, 4.] Ацы чиныг ӕмбарын кӕны, Хуыцау цы сараздзӕн, цӕмӕй фыдӕбӕттӕн кӕрон скӕна ӕмӕ сын сӕ аххосаг аиуварс кӕна». Равдис ын 10 сӕр.
«Ӕнусон цардмӕ кӕнӕг базонынад»
«Исчи дӕ ахӕм рӕсугъд ран цӕрынмӕ куы хонид, уӕд сразы уаис? [Равдис ын 4, 5 фӕрстыл ныв, ӕмӕ йӕ бауадз йӕ хъуыды зӕгъын.] Ӕркӕс ма, Хуыцауы Ныхас цы зӕгъы, амондджынӕй ӕнустӕм цӕрынӕн цы хъӕуы, уый тыххӕй. [Бакӕс Иоанны 17:3.] Ацы чиныг дын баххуыс кӕндзӕн ӕнусон цардмӕ кӕнӕг базонынад райсын». Дӕ ныхас афтӕ сараз, цӕмӕй иннӕ хатт 1 сӕрӕй фыццаг 5 абзацыл аныхас кӕнай.
Чиныджы 188, 189 фӕрстыл ныв бакӕн, цы ныхӕстӕ дзы ис, уыдон бакӕс ӕмӕ адӕймаджы бафӕрс: «Ныфс дӕ ис, адӕм иууылдӕр Хуыцауы куы зоной, уӕд Дзӕнӕты кӕй цӕрдзынӕ? [Бауадз ӕй йӕ хъуыды зӕгъын. Уый фӕстӕ бакӕс Исай 11:9.] Ацы чиныг дын баххуыс кӕндзӕн базонын, Библи Дзӕнӕты тыххӕй цы зӕгъы ӕмӕ дзы нӕ бон куыд у цӕрын». Дӕ ныхас афтӕ сараз, цӕмӕй иннӕ хатт 1 сӕрӕй 11–16 абзацтыл аныхас кӕнай.
«Ӕппӕты номдзыддӕр адӕймаг»
«Ацы афон бирӕтӕ фӕхъуыды кӕнынц Йесойыл. Фӕлӕ дунейы афтӕ бирӕ фыддзинад кӕй ис, уый тыххӕй иуӕй-иутӕ дызӕрдыг кӕнынц, Чырысти ныл кӕй ауды, ууыл. Ды та цы хъуыды кӕныс уый тыххӕй?» Бауадз ӕй йӕ хъуыды зӕгъын. Бакӕн 24 сӕр ӕмӕ цыбыртӕй ӕрныхас кӕн, Йесо зӕхмӕ цӕмӕн ӕрцыд. Стӕй бакӕс Иоанны 15:13 ӕмӕ йын фенын кӕн, Йесо адӕмы зӕрдиагӕй кӕй уарзы.
«Иуӕй-иутӕ Йесо Чырыстийы тыххӕй куы фехъусынц, уӕд сӕ цӕстытыл ауайы ноггуырд сывӕллон кӕнӕ та хъизӕмаргӕнӕг адӕймаг. Уыдон зонынц ӕрмӕст йӕ райгуырд ӕмӕ йӕ мӕлӕты тыххӕй. Зӕххыл куы уыд, уӕд цы дзырдта ӕмӕ цы арӕзта, уыдон та арӕх рохуаты баззайынц. Йесо цы сарӕзта, уый зӕххыл цӕрӕг адӕмӕй алкӕуылдӕр ӕндавы. Уый тыххӕй ахсджиаг у, цӕмӕй нӕ хӕрзӕбонӕн цы диссаджы хъуыддӕгтӕ сарӕзта, уыдон, нӕ бон цас у, уыйбӕрц ахуыр кӕнӕм». Бакӕс Иоанны 17:3. Бакӕн разныхасы фыццаг фарс ӕмӕ цыппӕрӕм абзац бакӕс.
«Баввахс у Иегъовӕмӕ»
«Хуыцауыл чи ӕууӕнды, уыдонӕй бирӕты фӕнды, куы йӕм баввахсдӕр уаиккой. Зоныс ӕй, Хуыцауӕн йӕхи кӕй фӕнды, цӕмӕй йӕм баввахс уӕм? [Бакӕс Иаковы 4:8.] Ацы чиныджы руаджы адӕймаг йӕхи Библийӕ базондзӕн, куыд ис уый гӕнӕн, ӕмӕ Хуыцаумӕ баввахс уа». Бакӕс 16 фарсыл 1 абзац.
«Абон дунейы хӕрам хъуыддӕгтӕ тынг арӕх сты. Растдӕр ам куыд фыст у, афтӕ. [Бакӕс Екклесиаст 8:9ӕ.] Бирӕтӕ дызӕрдыг кӕнынц, Хуыцау сыл ӕцӕгӕй кӕй тыхсы, ууыл. [Бакӕс 119 фарсыл 4 абзацӕй фыццаг дыууӕ хъуыдыйады.] Ацы сӕр ӕмбарын кӕны, Хуыцау хӕрам хъуыддӕгтӕ рӕстӕгмӕ цӕмӕн уадзы».
«Библи – Хуыцауы ныхас у ӕви адӕймаджы?» (уыр.)
«Мах цӕрӕм ахӕм рӕстӕджы, адӕмӕн сӕ фылдӕр стыр зындзинӕдтыл куы ӕмбӕлынц. Бирӕтӕ алы рӕтты агурынц разамынд. Иуӕй-иутӕ та психологты ӕххуыс дӕр бацагурынц. Куыд дӕм кӕсы, чи нын фӕахъаз уыдзӕн, ахӕм уынаффӕ кӕм ссарӕм? [Бауадз ӕй йӕ хъуыды зӕгъын.] Библи нын не ’ргом здахы, не ’ппӕтдӕр кӕй хъуамӕ ӕмбарӕм, ахӕм ахсджиаг хъуыддагмӕ. [Бакӕс 2 Тимофеймӕ 3:16. Бакӕн 187 фарс ӕмӕ бакӕс 9 абзац.] Ацы чиныг дын баххуыс кӕндзӕн, Библийы уынаффӕтӕ ӕххӕст кӕнын алкӕддӕр пайда кӕй вӕййы, уый бамбарын».
«Кувут Иунӕг Ӕцӕг Хуыцауӕн»
«Царды сагъӕстӕ фӕрогдӕр кӕнынӕн ӕххуыс кӕм ссарӕм? [Бауадз ӕй йӕ хъуыды зӕгъын. Уый фӕстӕ бакӕс Ромӕгтӕм 15:4.] Дӕ хъус ма ӕрдар, зындзинӕдтӕ сфӕразынӕн нын, Хуыцауы Ныхас зонд кӕй амоны, кӕй нӕ фидар кӕны ӕмӕ нын ныфс кӕй дӕтты, уымӕ. Ацы чиныджы ис хорз уынаффӕтӕ, Библи кӕсын нын иууыл тынгдӕр куыд фӕахъаз уа, уымӕн». 30 фарсыл цы цыппар хъуыдыйы ис, уыдон ын равдис.
«Йесо Чырысти зӕххыл куы уыд, уӕдӕй нырмӕ бирӕтӕ кувынц, цӕмӕй Хуыцауы Паддзахад ӕрцӕуа. Искуы ахъуыды кодтай, уыцы Паддзахад куы ӕрцӕуа, уӕд адӕмӕн цы ӕрхӕсдзӕн, ууыл? [Бауадз ӕй йӕ хъуыды зӕгъын. Бакӕс Данелы 2:44.] Ацы чиныг ӕмбарын кӕны, цы у Хуыцауы Паддзахад, цы сараздзӕн ӕмӕ нын йӕ рӕстаг хицаудзинад хорзӕй цы ӕрхӕсдзӕн». Равдис ын 92, 93 фӕрстыл ныв.
«Ма бафынӕй ут!»
«Абон бирӕ адӕмӕн ӕнцой нӕ дӕттынц куырмӕлхынцъ фарстатӕ ӕмӕ зӕрдӕриссӕн хабӕрттӕ. [Цӕвиттонӕн ӕрхӕсс исты зонгӕ хабар.] Зыдтай йӕ, ахӕм хабӕрттӕ ууыл дзурӕг кӕй сты, ӕмӕ рӕхджы Хуыцауы Паддзахад зӕххы хъуыддӕгтӕм кӕй ӕркӕсдзӕн? [Бауадз ӕй йӕ хъуыды зӕгъын. Уый фӕстӕ йын бакӕс стих, зӕгъӕм Матфейы 24:3, 7, 8; Лукайы 21:7, 10, 11; кӕнӕ 2 Тимофеймӕ 3:1–5.] Ацы брошюрӕйы дзырдӕуы, уӕлдай тынгдӕр нӕ хъус цӕмӕн хъуамӕ дарӕм, уыцы хабӕрттӕ абон цы нысан кӕнынц, уымӕ».
«Абон адӕм ӕнамонд хабӕрттӕ хъусынц кӕнӕ та сӕхи сӕр ӕвзары дудгӕбӕттӕ. Уымӕ гӕсгӕ иуӕй-иутӕ фӕрсынц, Хуыцау цӕуылнӕ исты бакӕны, зӕгъгӕ. Библи нын фидарӕй зӕгъы, тагъд Хуыцау адӕмы сӕ фыдӕбонӕй кӕй фервӕзын кӕндзӕн. [Бакӕс Раргомад 14:6, 7.] Дӕ хъус ма ӕрдар, Хуыцау адӕмӕн цы стӕрхон кодта. [Бакӕс 2 Петры 3:10, 13.] Ацы брошюрӕйы фылдӕр дзырдӕуы ацы ахсджиаг фарстайыл».
«Раргомад – йӕ диссаджы сӕххӕст хӕстӕг у!» (уыр.)
«Куыннӕ фехъуыстаис [исты хабар ракӕн]. Исчи цӕрынхъуагӕй куы амӕлы, уӕд бирӕтӕ нӕ фӕзонынц, зианджынты куыд бафидар кӕной, уый. Ды та цы хъуыды кӕныс?» Бауадз ӕй йӕ хъуыды зӕгъын. Бакӕн 299 фарс ӕмӕ равдис мӕрдтӕ кӕй райгас уыдзысты, уый. Стӕй йын зӕгъ: «Бирӕтӕ бадис кодтой, куы базыдтой, рӕстгӕнджытӕ ӕмӕ ӕнӕрӕстгӕнджытӕ дӕр кӕй райгас уыдзысты зӕххыл Дзӕнӕты цӕрынмӕ. [Чиныджы 297 фарсыл 9 абзацы бакӕс Куыстытӕ 24:15. Уый фӕстӕ 10 абзацы цы фыст ис, уый йын радзур.] Ацы чиныджы дзырд цӕуы, Хуыцаумӕ фидӕны тыххӕй цы фӕнд ис, уый фӕдыл бирӕ ӕндӕр цымыдисаг хабӕрттӕ».
«Хуыцау нӕ цы домы?»
«Цы хъуыды кӕныс, Хуыцауы фӕндон уыд, цӕмӕй абон зындзинӕдтӕ ӕвзарӕм? [Бауадз ӕй йӕ хъуыды зӕгъын. Стӕй бакӕс Матфейы 6:10.] Зоныс, цы у Хуыцауы Паддзахад?» Бакӕн 6 урок ӕмӕ дзы райдианы цы фарстытӕ ис, уыдон бакӕс. Урокыл ныхас кӕнын райдай кӕнӕ та иннӕ хатмӕ баныхас кӕн.
«Кӕд адӕмӕн царды алы фӕзилӕнты бирӕ ӕнтыстытӕ бафтыд сӕ къухы, уӕддӕр низ ӕмӕ мӕлӕт адӕмӕн рис ӕмӕ маст ӕвзарын кӕнынц. Зоныс ӕй, рынчынтӕн, ацӕргӕтӕн ӕмӕ чи амарди, суанг уыдонӕн дӕр, Йесо Чырысти цы сараздзӕн?» Бауадз ӕй йӕ хъуыды зӕгъын. Кӕд ӕй дзуапп базонын фӕнда, уӕд бакӕн 5 урок ӕмӕ 5, 6 абзацтӕм цы фарстытӕ ис, уыдон бакӕс. Абзацтӕ равзар кӕнӕ баныхас кӕн, цӕмӕй сыл иннӕ хатт ӕрдзурат.
«Цард – куыд фӕзынд? Эволюцийы уылты ӕви сфӕлдыстады уылты?» (уыр.)
«Абон иууылдӕр тыхсынц, нӕ алыварс фыддзинад ӕмӕ тыхми кӕй сарӕх сты, уымӕй. Куыд хъуыды кӕныс, ацы хъуыддаджы искӕй бон исты фӕивын у? [Бауадз ӕй йӕ хъуыды зӕгъын.] Хуыцау та зоны, цы кӕнын хъӕуы». Бакӕн 196 фарс., 19 абзацы бакӕс ӕмӕ бамбарын кӕн Ӕмбисӕндты 2:21, 22. Равдис ын 16 сӕры ном ӕмӕ йын чиныг ратт.
Бакӕн 6 фарс ӕмӕ зӕгъ: «Бирӕты хъуыдымӕ гӕсгӕ, нӕ диссаджы зӕхх ӕмӕ йыл цард фӕзындысты ӕнӕнхъӕлӕджы. Ды та куыд бамбарын кӕнис, цард куыд фӕзынд? [Бауадз ӕй йӕ хъуыды зӕгъын.] Библийы ис тынг бирӕ бӕлвырдгӕнӕнтӕ, Сфӕлдисӕг стыр тыхы хицау кӕй у, ӕмӕ нӕ тынг бирӕ кӕй уарзы. Уый у ӕцӕг Хуыцау ӕмӕ йӕ ном у Иегъовӕ». Бакӕс Псалом 82:19 ӕмӕ цыбыртӕй бамбарын кӕн, Хуыцауы фӕнд кӕй у, ӕгас зӕххӕй дӕр дзӕнӕт саразын.