ਹੋਰ ਵਧੀਆ ਪ੍ਰਚਾਰਕ ਬਣੋ—ਦਿਖਾਓ ਕਿ ਬਾਈਬਲ ਕੀ ਸਿਖਾਉਂਦੀ ਹੈ? ਕਿਤਾਬ ਜਾਂ ਖ਼ੁਸ਼ ਖ਼ਬਰੀ ਬਰੋਸ਼ਰ ਵਰਤ ਕੇ ਬਾਈਬਲ ਸਟੱਡੀ ਕਿਵੇਂ ਕੀਤੀ ਜਾਂਦੀ ਹੈ

ਇਸ ਤਰ੍ਹਾਂ ਕਰਨਾ ਕਿਉਂ ਜ਼ਰੂਰੀ ਹੈ: ਬਹੁਤ ਸਾਰੇ ਲੋਕਾਂ ਨੂੰ ਸ਼ਾਇਦ ਸਾਡੀ ਗੱਲ ਸਮਝ ਨਾ ਆਵੇ ਜਦੋਂ ਅਸੀਂ ਉਨ੍ਹਾਂ ਨੂੰ ਮੁਫ਼ਤ ਵਿਚ ਬਾਈਬਲ ਸਟੱਡੀ ਦੀ ਪੇਸ਼ਕਸ਼ ਕਰਦੇ ਹਾਂ। ਉਹ ਸ਼ਾਇਦ ਸੋਚਣ ਕਿ ਉਨ੍ਹਾਂ ਨੂੰ ਸ਼ਾਇਦ ਕਿਸੇ ਸਟੱਡੀ ਗਰੁੱਪ ਵਿਚ ਸ਼ਾਮਲ ਹੋਣਾ ਪਵੇਗਾ ਜਾਂ ਚਿੱਠੀ-ਪੱਤਰ ਰਾਹੀਂ ਕੋਈ ਕੋਰਸ ਕਰਨਾ ਪਵੇਗਾ। ਇਸ ਲਈ ਉਨ੍ਹਾਂ ਨੂੰ ਸਟੱਡੀ ਕਰਨ ਲਈ ਕਹਿਣ ਦੀ ਬਜਾਇ, ਕਿਉਂ ਨਾ ਉਨ੍ਹਾਂ ਨੂੰ ਦਿਖਾਓ ਕਿ ਸਟੱਡੀ ਕਿਵੇਂ ਕੀਤੀ ਜਾਂਦੀ ਹੈ? ਘਰ-ਮਾਲਕ ਦੇ ਘਰ ਦੇ ਬਾਹਰ ਖੜ੍ਹੇ-ਖੜ੍ਹੇ ਤੁਸੀਂ ਕੁਝ ਹੀ ਮਿੰਟਾਂ ਵਿਚ ਉਸ ਨੂੰ ਦਿਖਾ ਸਕਦੇ ਹੋ ਕਿ ਬਾਈਬਲ ਦੀ ਸਟੱਡੀ ਕਰਨੀ ਕਿੰਨੀ ਆਸਾਨ ਹੈ ਤੇ ਇਸ ਵਿਚ ਕਿੰਨਾ ਮਜ਼ਾ ਆਉਂਦਾ ਹੈ।

ਇਸ ਤਰ੍ਹਾਂ ਕਿਵੇਂ ਕਰੀਏ:

ਆਪਣੇ ਬਾਰੇ ਦੱਸਣ ਤੋਂ ਬਾਅਦ ਘਰ-ਮਾਲਕ ਨੂੰ ਪੁੱਛੋ: ਕੀ ਤੁਸੀਂ ਭਵਿੱਖ ਦੀ ਚਿੰਤਾ ਕਰਦੇ ਹੋ?
ਦੱਸੋ ਕਿ ਬਹੁਤ ਸਾਰੇ ਲੋਕ ਇਸੇ ਤਰ੍ਹਾਂ ਦੀਆਂ ਚਿੰਤਾਵਾਂ ਦਾ ਸਾਮ੍ਹਣਾ ਕਰ ਰਹੇ ਹਨ। ਉਸ ਨੂੰ ਬਾਈਬਲ ਕੀ ਸਿਖਾਉਂਦੀ ਹੈ? ਕਿਤਾਬ ਜਾਂ ਖ਼ੁਸ਼ ਖ਼ਬਰੀ ਬਰੋਸ਼ਰ ਦੀ ਵਿਸ਼ਾ-ਸੂਚੀ ਦਿਖਾਓ। ਦੱਸੋ ਕਿ ਇਸ ਕਿਤਾਬ ਜਾਂ ਬਰੋਸ਼ਰ ਵਿਚ ਦੱਸੀਆਂ ਗੱਲਾਂ ਸਮਝਣੀਆਂ ਬਹੁਤ ਸੌਖੀਆਂ ਹਨ। ਇਸ ਵਿਚ ਦੱਸਿਆ ਗਿਆ ਹੈ ਕਿ ਬਾਈਬਲ ਭਵਿੱਖ ਅਤੇ ਹੋਰ ਵਿਸ਼ਿਆਂ ਬਾਰੇ ਕੀ ਸਿਖਾਉਂਦੀ ਹੈ। ਫਿਰ ਉਸ ਨੂੰ ਪੁੱਛੋ ਕਿ ਉਸ ਨੂੰ ਕਿਹੜਾ ਅਧਿਆਇ ਜਾਂ ਪਾਠ ਪਸੰਦ ਹੈ।
ਉਸ ਨੂੰ ਕਿਤਾਬ ਜਾਂ ਬਰੋਸ਼ਰ ਦਿਓ। ਉਸ ਦੀ ਪਸੰਦ ਦਾ ਅਧਿਆਇ ਜਾਂ ਪਾਠ ਖੋਲ੍ਹਣ ਵਿਚ ਉਸ ਦੀ ਮਦਦ ਕਰੋ। ਦੱਸੋ ਕਿ ਅਧਿਆਇ ਦੇ ਸ਼ੁਰੂ ਵਿਚ ਦਿੱਤੇ ਸਵਾਲਾਂ ਜਾਂ ਪਾਠ ਦੇ ਸਿਰਲੇਖ ਵਿਚ ਦਿੱਤੇ ਸਵਾਲ ਦਾ ਜਵਾਬ ਪੈਰਿਆਂ ਵਿਚ ਹੈ।
ਜੇ ਉਸ ਨੂੰ ਕੋਈ ਦਿੱਕਤ ਨਾ ਹੋਵੇ, ਤਾਂ ਉਸ ਨੂੰ ਪਹਿਲਾ ਪੈਰਾ ਪੜ੍ਹਨ ਲਈ ਕਹੋ। ਫਿਰ ਸਵਾਲ ਪੜ੍ਹੋ ਅਤੇ ਉਸ ਨਾਲ ਮਿਲ ਕੇ ਪੈਰੇ ਵਿੱਚੋਂ ਜਵਾਬ ਦੇਖੋ। ਜਵਾਬ ਨਾਲ ਜੁੜੀਆਂ ਆਇਤਾਂ ʼਤੇ ਚਰਚਾ ਕਰੋ। ਉਸ ਨੂੰ ਦਿਖਾਓ ਕਿ ਤੁਸੀਂ ਆਪਣੀ ਕਿਤਾਬ ਜਾਂ ਬਰੋਸ਼ਰ ਵਿਚ ਜਵਾਬ ʼਤੇ ਕਿਵੇਂ ਨਿਸ਼ਾਨੀ ਲਗਾਈ ਹੈ।
ਫਿਰ ਅਗਲੇ ਪੈਰੇ ʼਤੇ ਚਰਚਾ ਕਰੋ। ਪਰ ਇਸ ਵਾਰ ਘਰ-ਮਾਲਕ ਨੂੰ ਕਹੋ ਕਿ ਉਹ ਆਪਣੇ ਸ਼ਬਦਾਂ ਵਿਚ ਜਵਾਬ ਦੇਣ ਦੀ ਕੋਸ਼ਿਸ਼ ਕਰੇ।
ਉਸ ਦੀ ਤਾਰੀਫ਼ ਕਰੋ ਅਤੇ ਦੁਬਾਰਾ ਮਿਲ ਕੇ ਅਗਲੇ ਕੁਝ ਪੈਰਿਆਂ ʼਤੇ ਚਰਚਾ ਕਰਨ ਦਾ ਇੰਤਜ਼ਾਮ ਕਰੋ।
ਜੇ ਤੁਹਾਨੂੰ ਸਹੀ ਲੱਗੇ, ਤਾਂ ਉਸ ਨੂੰ jw.org ʼਤੇ ਦਿੱਤੇ ਵੀਡੀਓ ਤੁਸੀਂ ਬਾਈਬਲ ਦਾ ਗਿਆਨ ਕਿਵੇਂ ਲੈ ਸਕਦੇ ਹੋ? ਬਾਰੇ ਦੱਸੋ।

ਇਸ ਮਹੀਨੇ ਇੱਦਾਂ ਕਰਨ ਦੀ ਕੋਸ਼ਿਸ਼ ਕਰੋ:

ਯਹੋਵਾਹ ਨੂੰ ਪ੍ਰਾਰਥਨਾ ਕਰੋ ਕਿ ਉਹ ਬਾਈਬਲ ਸਟੱਡੀ ਸ਼ੁਰੂ ਕਰਨ ਦੀਆਂ ਤੁਹਾਡੀਆਂ ਕੋਸ਼ਿਸ਼ਾਂ ʼਤੇ ਬਰਕਤ ਪਾਵੇ।—ਫ਼ਿਲਿ. 2:13.
ਪ੍ਰਚਾਰ ਦੌਰਾਨ ਘੱਟੋ-ਘੱਟ ਇਕ ਵਾਰ ਘਰ-ਮਾਲਕ ਨੂੰ ਬਾਈਬਲ ਕੀ ਸਿਖਾਉਂਦੀ ਹੈ? ਕਿਤਾਬ ਜਾਂ ਖ਼ੁਸ਼ ਖ਼ਬਰੀ ਬਰੋਸ਼ਰ ਵਰਤ ਕੇ ਦਿਖਾਓ ਕਿ ਬਾਈਬਲ ਸਟੱਡੀ ਕਿਵੇਂ ਕੀਤੀ ਜਾਂਦੀ ਹੈ ਜਾਂ ਉਸ ਨੂੰ ਤੁਸੀਂ ਬਾਈਬਲ ਦਾ ਗਿਆਨ ਕਿਵੇਂ ਲੈ ਸਕਦੇ ਹੋ? ਨਾਂ ਦਾ ਵੀਡੀਓ ਦਿਖਾਓ।