O Del sostar mukhel o nasulimo thaj e dukh?

1. Sostar si nasulimo?

Sakofelo kathar kodo si, ke o Beng xoxadas. O Beng anglunes bidoshako sas, de „chi tordyilas zurales ando chachipe” (Janoshesko 8:44). Kodo kamlas les te rudyin, so feri le Devleske phirel. Xoxadas la angluna zhuvlyake, la Evake, thaj opre las la pe kodo, te kerel kodo so voj kamel. O Adam pasha Eva xutyildas, thaj vi voj le Devleske gelas. So o Adam kerdas nasulimasa, thaj meripesa phirdas. Dikh: Genezarimaski (1Mózes) 3:1–6, 19.

Kana o Beng xoxadas la Evake, te na kerel kodo, so o Del mangel, chi patyivindas le Devleski kris. But manusha pasha o Beng tordyile, thaj shude pendar le Devles. Kade o Beng kerdyilas la lumako kraj. Dikh: Janoshesko 14:30; 1Janoshesko 5:19.

2. Doshaleske kerdas o Del la luma?

Le Devleski sako butyi bidoshalo si. Kade kerdas le manushen, thaj le andyalon, ke te zhanen ande sakofelo kodo te keren, so voj kamel (Dujto Krisaki [5Mózes] 32:4, 5). Shaj keras kodo so kamas, shaj keras vi nasul vi lasho. Kado slobodipe, zhutil amenge, te shaj sikavas avri amaro kamipe karing o Del. Dikh: Jakabesko 1:13–15; 1Janoshesko 5:3.

3. Sostar mukhlas zhi kade o Del e dukh?

O Jehova na butaig mukhel, ke le manusha te boldenpe lestar. Sostar? Te sikavel, ke feri kade si lasho le manushenge, sar voj kamel (Predikatoreski 7:29; 8:9). Le manushengi 6000 bersha kado sikaven. Chi jekh manush chi zhanglas te nacharel o maripe, le bezexa, o bichachipe, thaj o nasvalipe. Dikh: Jeremiasheski 10:23; Romaicko 9:17.

O Del zhanel shukar luma te kerel na le manusha, kodolenge kon shunen leski vorba (Izajasheski 48:17, 18). O Jehova na butara nacharel le manushengo intrego krajipe. Numa kodola ashena pe phuv, kon pasha o Del tordyon (Izajasheski 11:9). Dikh: Danieleske 2:44.

Dikh o filmo: Sostar mukhel o Del o nasulimo?

4. Sar si amenge mishto, ke o Del kasavo pachako si?

O Beng kodo phendas, ke le manusha anda kodo si pasha o Del, ke mistho te avel lenge. Shaj sikavas andre ke kado naj chaches? Ova, shaj. Le Devleski pacha zhutil amen, pasha kaste te ashas, pasha leste vaj pasha manusha. Amare trajosa shaj sikavas avri kado. Dikh: Jobeski 1:8–12; Parabolengi (Példabeszédek) 27:11.

5. Sar zhanas avri te sikavas, ke amaro kraj o Del si?

Kade, ke sityuvas e Biblia, pinzharas savo si o chacho patyamo, thaj vi kade keras (Janoshesko 4:23). Vi ame, sar o Jezush, chi las reso ande politika, thaj ande le themengo maripe, kadalesa sikavas kodo, ke sudas amendar le Bengesko krajipe. Dikh: Janoshesko 17:14.

O Beng lasheske sikavel o nasulimo. Te mukhasa kadala nasulimata, amare nipura, amare amala, prassana, thaj xojajvena pe amende (1Peteresko 4:3, 4). Te pushas amendar: pasha kodola ashas kon kamen le Devles, thaj kodo keren so voj kamel? Te kamas, atunchi andre sikavas ke xoxadas o Beng, kana kodo phendas, tela o pharipe, khonyik chi kerel so o Del kamel. Dikh: 1Korintushicko 6:9, 10; 15:33.

Ke o Del kamel le manushen nacharela e dukh. Kon avri sikaven pengo patyamo, shaj trajin pe phuv, thaj chi meren. Dikh: Janoshesko 3:16.