Overzicht gi a theokrasia diniwroko-skoro
Overzicht nanga tapu buku, di abi en fondamenti tapu a materiaal fu a theokrasia diniwroko-skoro fu den wiki fu 6 september te nanga 20 december 1999. Gebroiki wan aparti pisi papira fu skrifi den piki fu someni aksi di yu man piki na ini a ten di den gi yu pasi fu du dati.
[Wan tu sani fu hori na prakseri: Soso Bijbel wan sma mag gebroiki fu gi piki tapu ibri aksi na ini a ten fu a schriftelijk overzicht. Den bodoi di tanapu baka den aksi de fu yu ondrosuku sani yusrefi. Den bodoi di e sori na sortu Waktitoren yu musu go, no e kari ala ten den bladzijde nanga den paragraaf.]
Gi piki tapu ibriwan fu den fruklari di e kon now efu den Bun noso Fowtu:
1. Yehovah Gado gi libisma na okasi fu tiri sondro taki den ben abi fu gi yesi na a tiri fu en, èn nanga dati a ben wani buweisi taki a fasi fa a e tiri de ala ten a moro bun wan èn a moro regtfardiki wan (Deut. 32:4; Yob 34:10-12; Yer. 10:23). [w97 15/2 blz. 5 par. 3]
2. Bijbel e sori taki Gado e krutu ala fasi fu kragi. [w97 1/12 blz. 30 par. 3, 4]
3. Papa nanga mama e si a banti di den abi nanga den pikin fu den di trow kaba, na a yoisti fasi fu di den e erken den gronprakseri di Gado poti gi na edeman-wroko èn gi bun orde (Gen. 2:24; 1 Kor. 11:3; 14:33, 40). [fy blz. 164 par. 6]
4. Markus 6:31-34 e sori taki soso a siki di na ipi ben siki nanga na pôtifasi fu den ben meki taki Yesus ben sari nanga den. [w97 15/12 blz. 29 par. 1]
5. Efu wan Kresten fu a grupu fu den tra skapu no man de na a Memrefesa fu a dede fu Yesus, dan a kan hori dati wan mun baka dati, akruderi a gronprakseri di de fu feni na ini Numeri 9:10, 11 (Yohanes 10:16). [Alawiki leisipisi fu Bijbel; luku w93 1/2 blz. 31 par. 9.]
6. Ala di granpapa nanga granmama no e teki a frantwortu fu a papa nanga a mama abra fu stampu den waarheid fu Bijbel go na ini den pikin fu den, toku den kan yepi na wan tumusi bun fasi fu meki wan pikin gro na yeye fasi (Deut. 6:7; 2 Tim. 1:5; 3:14, 15). [fy blz. 168 par. 15]
7. Odo 6:30 e sori taki a fufuru di wan sma e fufuru kan bun noso kan de wan reti sani na ini son situwâsi. [gO97 8/11 blz. 19 par. 2]
8. Na ini 1530, William Tyndale ben de a fosi sma di ben gebroiki a nen fu Gado, Yehovah, na ini wan vertaling fu den Hebrew Buku fu Bijbel ini Ingrisitongo. [w97 15/9 blz. 28 par. 3]
9. Na ini a ten disi, na agersi loweman foto na a sani di Gado seti fu kibri wi fu dede te wi e handri kontrari a komando fu en di e sori taki brudu na wan santa sani (Num. 35:11). [Alawiki leisipisi fu Bijbel; luku w95 1/11 blz. 27 par. 8.]
10. A nen Deuteronomium di wani taki „A Di fu Tu Wet”, de yoisti fu di a bijbelbuku disi e taki soso fu a Wet. [Alawiki leisipisi fu Bijbel; luku siO blz. 36 par.
Piki den aksi di e kon now:
11. San a e prenki te a granpriester ben òfer tu brede di abi srudeki na a ten fu a Pinksterfesa? (Lef. 23:15-17) [Alawiki leisipisi fu Bijbel; luku w98 1/3 blz. 13 par. 21.]
12. O ten a Kresten Prisiri-Yari ben bigin, èn sortu fri a ben tyari na a ten dati? (Lef. 25:10) [Alawiki leisipisi fu Bijbel; luku w95 1/5 blz. 31 par. 14.]
13. Soleki fa a tori na ini a buku Numeri e sori, dan fu sortu dri sani a tan di wan sma e tan na libi, e anga? [siO blz. 30 par. 1]
14. Na sortu fasi Moses ben de wan bun eksempre fu wan sma di ben sori taki a no ben dyarusu? (Num. 11:29) [Alawiki leisipisi fu Bijbel; luku w95 1/9 blz. 28 par. 11.]
15. Fa a tori fu Korak, Datan nanga Abiram e sori taki, a no ala leisi te wan sma e si wan sani, dati e meki taki a e bribi? [w97 15/3 blz. 4 par. 2]
16. Sortu tu sani di e sori taki wi musu gi grani na wi owru papa nanga mama, e kon na krin na Mateus 15:3-6 nanga 1 Timoteus 5:4? [fy blz. 173-175 par. 2-5]
17. Sortu prenspari sani tyari kon na krin na Numeri 26:64, 65? [Alawiki leisipisi fu Bijbel; luku gO95 8/8 blz. 10, 11 par. 5-8.]
18. Fa na eksempre fu Pinehas e yepi wi fu frustan san a gi di wi e gi wisrefi abra na Yehovah wani taki? (Num. 25:11) [Alawiki leisipisi fu Bijbel; luku w95 1/3 blz. 19, 20, par. 12, 13.]
19. Fa wan sma di de na ini na agersi loweman foto ben sa kan ’go dorosei fu a grens fu a foto’? (Num. 35:26) [Alawiki leisipisi fu Bijbel; luku w95 1/11 blz. 30 par. 20.]
20. Na sortu fasi a Codex Sinaiticus ben de wan wini di ben kon na a yoisti ten gi a vertaal di den ben vertaal Bijbel? [w97 15/10 blz. 11 par. 2]
Poti a (den) wortu noso a pisi fu a prakserilin di de fanowdu fu klari ibriwan fu den fruklari di e kon now:
21. Yehovah gi pasi meki ogri de fu sori krinkrin a prenspari waarheid taki en wawan na a ․․․․․․․ èn taki a de prenspari fu ․․․․․․․ na den wet fu en so taki ala den sani di a kria kan abi vrede èn de koloku doronomo (Ps. 1:1-3; Odo 3:5, 6; Preik. 8:9). [w97 15/2 blz. 5 par. 4]
22. A buku Lefitikus e meki wi si na wan heri moi fasi taki brudu na wan ․․․․․․․ sani fu di a e sori taki a wan-enkri fasi fa wi kan gebroiki en, na fu ․․․․․․․ [siO blz. 29 par. 33]
23. Soleki fa Psalm 144:15b e sori, dan trutru koloku na wan fasi fa na ati tan, di gron tapu trutru ․․․․․․․ èn tapu wan bun ․․․․․․․ nanga Yehovah. [w97 15/3 blz. 23 par. 7]
24. Sma ben kon sabi a Bijbel di ben kon fu a vertaling fu a Hebrew Bijbel na ini a gewoon Grikitongo, èn di ben kaba wan sani fu 150 b.G.T., leki a ․․․․․․․; sma ben kon sabi a vertaling fu Bijbel fu Hièronimus na ini Latijntongo, leki a ․․․․․․․, èn a ben kaba wan sani fu 400 G.T. [w97 15/8 blz. 9 par. 1; blz. 10 par. 4]
25. Fu di Yudas ben gebroiki den tori fu Bileam nanga Korak soleki fa den skrifi na ini a buku Numeri, meki a ben warskow den Kresten fu luku bun gi den trapu fu ․․․․․․․ nanga ․․․․․․․ [15, siO blz. 35 par. 35]
Teki a yoisti piki na ini ibriwan fu den fruklari di e kon now:
26. Wán tron wan yari, na a (Wiwirikampu-fesa; Verzoendei; Paskafesa), a heri nâsi Israèl, so srefi den doroseisma di ben libi na ini a kondre èn di ben anbegi Yehovah, ben musu (tapu nanga ala wroko; pai den di fu tin pisi; gi den fosi froktu leki ofrandi) èn faste (Lef. 16:29-31). [Alawiki leisipisi fu Bijbel; luku w96 1/7 blz. 9 par. 12.]
27. Wan fu den marki fu a Vertaalkomte fu a Nyun-Grontapu Bijbel ben de fu meki wan vertaling di ben (taki sani someni leki den kan soleki fa a ben skrifi trutru; taki sani tra fasi leki fa den tongo di den ben gebroiki biginbigin ben du dati; kruderi nanga wan seiker kerkileri) fu gi a leisiman na okasi fu frustan moro krin fa sani ben taki na ini den tongo di ben gebroiki biginbigin fu skrifi en èn na sortu fasi sma ben prakseri. [w97 15/10 blz. 11 par. 5]
28. Soleki fa Hebrewsma 13:19 e sori, dan a begi di kompe-bribiman e begi doronomo kan abi krakti tapu (den sani di Gado e gi pasi fu den pasa; o ten Gado e handri; a fasi fa Gado sa seti afersi). [w97 15/4 blz. 5 par. 1]
29. Den Israelsma ben musu abi wan „blaw titei na tapusei a lanki fu a zoom di abi franya” leki wan (moimoi sani di ben santa; marki di ben sori taki den ben de bescheiden; sani di den ben kan si èn di ben memre den fu hori densrefi aparti fu grontapu leki a pipel fu Yehovah) (Num. 15:38, 39). [Alawiki leisipisi fu Bijbel; luku w83 15/10 blz. 10 par. 16.]
30. A pisi ten di a buku Deuteronomium e taki fu dati, na (tu mun; wan yari; tu yari), èn den ben kaba skrifi en na a bigin fu (1513; 1473; 1467) b.G.T. [siO blz. 36 par. 6]
Suku a yoisti tekst gi ibriwan fu den fruklari dya na ondrosei:
Num. 16:41, 49; Mat. 19:9; Luk. 2:36-38; Kol. 2:8; 3:14
31. A strak di wan sma strak tumusu gi ensrefi no e meki en kon de santa na wan spesrutu fasi èn a no sa gi en trutru frulekti [gO97 8/10 blz. 21 par. 3]
32. Soleki fa Bijbel e sori, dan hurudu na a wan-enkri sani di kan meki taki sma brokotrow èn di e gi den na okasi fu trow baka [fy blz. 159 par. 15]
33. A de di wan sma de fayafaya srefisrefi na ini theokrasia wroko, srefi te a kon owru, kan yepi en fu tyari a lasi di a lasi wan trowpatna na ini dede [fy blz. 171 par. 21]
34. A kan abi takru bakapisi gi wi, efu wi e krutu a fasi fa Yehovah e gebroiki den futuboi fu en di a poti na wroko, fu gi strafu [Alawiki leisipisi fu Bijbel; luku w96 1/6 blz. 28 par. 13.]
35. Lobi pe trowpatna no e denki densrefi nomo, sa tai den na makandra èn a sa meki taki den wani du san de moro bun gi makandra èn gi den pikin fu den [fy blz. 187 par. 11]