Schema gi a Diniwroko Konmakandra

Hori na prakseri: Wi Kownukondre diniwroko sa abi wan Diniwroko Konmakandra programa gi ibri wiki na ini den mun te fakansi de. Te a de fanowdu den gemeente kan kenki a programa so taki den kan go na a „Gi yesi na Gado” Distrikt Kongres. Pe a de fanowdu, gebroiki 15 miniti fu a lasti Diniwroko Konmakandra bifo a kongres, fu luku den rai baka nanga den sani di wi musu hori na prakseri di skrifi na ini na inibere pisi fu a Kownukondre diniwroko disi. Wán, noso tu mun baka a kongres, unu kan gebroiki 15 te go miti 20 miniti na a Diniwroko Konmakandra (kande unu kan gebroiki a pisi „Sani di a gemeente abi fanowdu”) fu luku baka san ben de den edeprakseri fu a kongres di ben yepi den preikiman bun na ini a preikiwroko. A spesrutu pisi fu a Diniwroko Konmakandra dati sa gi wi na okasi fu fruteri fa wi e gebroiki den sani di wi leri na a kongres èn fa den sani dati yepi wi fu preiki moro bun.

Wiki di e bigin 11 april

Singi 4

15 min: Wan tu sani fu a gemeente. Wan tu sani di teki puru fu Wi Kownukondre diniwroko. Efu a fiti gi a kontren fu yu, dan yu kan gebroiki den rai na tapu bladzijde 8 fu hori demonstrâsi di e sori fa wi kan pristeri A Waktitoren fu 15 maart nanga na Ontwaakt! fu 22 maart. Yu kan gebroiki tra demonstrâsi tu di e sori fa sani e waka trutru na ini a preikiwroko. Sori na ini wan fu den demonstrâsi fa wan preikiman e du stratiwroko.

15 min: „Horidoro na ini a preikiwroko”.a Efu ten de ete, dan aksi den arkiman fu gi piki tapu den bijbeltekst di skrifi.

15 min: „Du bun èn prati sani nanga trawan”.b Sori fa wi kan fiti den sani di skrifi, na ini a kontren fu wi, èn sori tu na sortu bun fasi wi kan yepi trawan.

Singi 47 nanga lasti begi.

Wiki di e bigin 18 april

Singi 76

10 min: Wan tu sani fu a gemeente.

20 min: „Hori bijbelstudie di e go na fesi​—Pisi 8”.c Hori wan syatu demonstrâsi pe wan preikiman e gi wan nyun bijbelstudenti wan fu den brochure di nen Jehovah’s Getuigen—Wie zijn zij? Wat geloven zij? A preikiman e poti prakseri na a prenki na tapu bladzijde 20 fu a brochure èn a e fruteri syatu fa a Publiki Konmakandra e hori. A preikiman e fruteri fa a publikitaki nen di o hori a tra leisi èn a e gi a studenti wan kari fu kon.

15 min: De nanga krin frustan na ini wan ten pe furu sma e gebroiki Internet (Tit. 2:11, 12). Wan lezing di teki puru fu Wi Kownukondre diniwroko fu september 2002, bladzijde 8, paragraaf 1-7, nanga Wi Kownukondre diniwroko fu november 1999, bladzijde 5, paragraaf 24-26, nanga bladzijde 6, paragraaf 35, 36. Efu ten de ete, dan yu kan gebroiki tra tori fu na inibere pisi fu Wi Kownukondre diniwroko fu november 1999 efu dati fiti gi a gemeente.

Singi 169 nanga lasti begi.

Wiki di e bigin 25 april

Singi 111

15 min: Wan tu sani fu a gemeente. Leisi a raportu fu moni afersi èn sosrefi den buweisi di a bijkantoro seni fu sori taki den kisi den bijdrage. Memre den preikiman fu gi den preikiwroko raportu fu a mun april. Efu a fiti gi a kontren fu yu, dan yu kan gebroiki den eksempre na tapu bladzijde 8 fu hori demonstrâsi di e sori fa wi kan pristeri A Waktitoren fu 1 april nanga na Ontwaakt! fu 8 april. Yu kan gebroiki tra demonstrâsi tu di e sori fa sani e waka trutru na ini a preikiwroko. Sori na ini wan fu den demonstrâsi fa fu du te wan sma e pruberi fu tapu a takimakandra fu di a e taki „Mi no abi belangstelling” (Luku a pikin buku Fa foe bigin èn go doro nanga bijbel takimakandra, blz. 8). Taki fu artikel di kan hari a prakseri fu moro sma na ini a kontren.

30 min: „Prèise Yehovah na ini a bigi gemeente”.d A gemeente sekretarsi musu hori a pisi disi. Fruteri na sortu kongres a gemeente o go. Hori a pisi pe den paragraaf abi wan nomru neleki fa a Waktitoren-studie e hori. Gi wan brada a frantwortu fu leisi den paragraaf. Luku a faki baka di nen „Sani di wi musu hori na prakseri gi a distrikt kongres”.

Singi 8 nanga lasti begi.

Wiki di e bigin 2 mei

Singi 148

10 min: Wan tu sani fu a gemeente. Luku na artikel syatu di nen „Wi o studeri a Tan na ai!-brochure”, na tapu bladzijde 6. Fruteri taki a pisi disi e sori a schema di wi sa gebroiki fu studeri a brochure. Gi ala sma a deki-ati fu sreka densrefi bun èn fu teki prati na a studie ibri wiki. Wi o bigin studeri a brochure disi na ini a wiki fu 23 mei.

15 min: Sani di a gemeente abi fanowdu.

20 min: „Ala sortu sma sa kisi frulusu”.e Sori fa den arkiman kan fiti den sani di skrifi, na ini a kontren drape.

Singi 112 nanga lasti begi.

[Futuwortu]