Liboka Tsa Tšebeletso Tsa March
Beke e Qalang ka la 2 March
8 mets: Litsebiso tsa phutheho. Litsebiso tse khethiloeng ho Tšebeletso ea Rōna ea ’Muso. Hopotsa bahoeletsi ho tlaleha tšebeletso ea bona ea tšimo ea February kapele-pele.
15 mets: “Le ’ne le Etse Sena ho Nkhopola.” Puo ka moholo. Bua ka bokhutšoanyane ka buka ea Tšebeletso ea Rōna, leqephe la 80-1, hatella bohlokoa ba ho ba teng Sehopotsong.
22 mets: “Kenya ka ho ba Bang Tšepo ea Bophelo bo sa Feleng.” Sehlooho se buisanoa le bamameli. Ka bokhutšoanyane hlalosa kamoo lipotso li ka sebelisoang ka katleho ho ntšetsa puisano pele. Fana ka mehlala e itseng ea lipotso tse tataisang le tse batlang maikutlo tse ka sebelisoang nehelanong. (Bona Buka ea Tataiso ea Sekolo, leqepheng la 51-2, serapeng sa 10-12.) E-re mohoeletsi ea nang le bokhoni a etse pontšo ka e ’ngoe ea litlhahiso tse fanoeng bakeng sa leeto la pele le leeto la ho boela, a bontše kamoo ho qalisoang thuto ea Bibele kateng.
Pina 88 le thapelo e koalang.
Beke e Qalang ka la 9 March
8 mets: Litsebiso tsa phutheho. Tlaleho ea lichelete.
15 mets: Lebokose la Lipotso. Lipotso le likarabo. Moholo o hlahloba boitsebiso bo bukeng ea Tšebeletso ea Rōna, leqepheng la 131, serapeng sa 1 le 2.
22 mets: “Na re ka Boela ra ho Etsa?” (Serapa sa 1-11) Lipotso le likarabo. Pheta lintlha-khōlō tsa phutuho ea bopula-maliboho bo thusang ba selemong se fetileng joalokaha li tlalehiloe ho Buka ea Selemo ea 1998 haeba e fumaneha. Bolela lenane la bo-pula-maliboho ba thusang phuthehong nakong eo. Bua ka melemo ea botho ea nakong eo e fumanehang bopula-malibohong bo thusang, ’me u bontše kamoo boiteko bona bo eketsehileng bo tlatsetsang kateng khatelo-peleng ea phutheho. Bolela litokisetso tsa tšebeletso tse hlophisitsoeng phuthehong ka April le ka May ho thusa ba bangata ho bula maliboho. Bahoeletsi ba ka fumana liforomo tsa kōpo ka mor’a seboka.
Pina 195 le thapelo e koalang.
Beke e Qalang ka la 16 March
8 mets: Litsebiso tsa phutheho. Memela bohle ba thahasellang ho ba teng puong e khethehileng ka la 29 March. Sehlooho sa puo se re “Lebaka la Hore U Tšepe Bibele.”
15 mets: Litlhoko tsa phutheho.
22 mets: “Na re ka Boela ra ho Etsa?” (Serapa sa 12-19) Lipotso le likarabo. Hlahloba litšoaneleho tse boletsoeng bukeng ea Tšebeletso ea Rōna, leqepheng la 113-14. Hlalosa kamoo bopula-maliboho bo thusang bo lokisetsang motho ho ba pula-maliboho oa kamehla. Mema ba bang bao e bileng bo-pula-maliboho ba thusang selemong se fetileng hore ba bolele kamoo ba ileng ba hlophisa kemiso ea bona kateng ho finyella lihora tse hlokahalang tse 60. Ke sampole efe e leqepheng la ho qetela la kenyelletso e bileng molemo ka ho fetisisa? Ha nako e lumela, pheta liphihlelo tse ho 1987 Yearbook, leqepheng la 48-9, 245-6. Khothalletsa bahoeletsi ho iphumanela liforomo tsa kōpo ka mor’a seboka.
Pina 224 le thapelo e koalang.
Beke e Qalang ka la 23 March
10 mets: Litsebiso tsa phutheho. Khothalletsa bohle ho qala ho memela batho ba thahasellang Sehopotsong ka la 11 April. Bontša kopi ea sememo, ’me u khothalletse bohle ho iphumanela tsona le ho qala ho li aba bekeng ena. Tsebisa mabitso a bohle bao e leng bo-pula-maliboho ba thusang ka April. Hlalosa hore nako e sa le teng bakeng sa ho etsa kōpo ea bopula-maliboho bo thusang. Bolela kemiso eohle ea liboka tsa tšebeletso e reretsoeng April.
20 mets: Lokisetsa ba Bacha Bakeng sa Tšebeletso ea Tšimo. Puo le puisano hammoho le bamameli. Ba khannang lithuto ka buka ea Tsebo ba lokela ho nahanela ho lokisetsa liithuti tsa bona ho kopanela tšebeletsong ea tšimo. Ba bontše se boletsoeng bukeng ea Tsebo, leqepheng la 105-6, serapeng sa 14, le leqepheng la 179, serapeng sa 20. Hlahloba mehato ea sena ho Molula-Qhooa oa November 15, 1988, leqepheng la 16-17, serapeng sa 7-10, bakeng sa ba bacha ’neteng hore e be bahoeletsi ba sa kolobetsoang. Hlahloba litlhahiso tse kenyelletsong ea Tšebeletso ea Rōna ea ’Muso ea June 1996, serapeng sa 19, bakeng sa ho thusa bahoeletsi ba bacha ’neteng ho qalisa tšebeletsong.
15 mets: Rua Molemo ka Botlalo ho Buka ea Selemo ea 1998. Ntate o hlahloba leqephe la 3-6, 31 le lelapa la hae, o totobatsa mesebetsi ea puso ea Molimo e finyeletsoeng lefatšeng lohle selemong se fetileng. Hlahloba melemo e thabeloang ke lelapa ka ho bala le ho buisana ka temana ea letsatsi le ho bala likarolo tsa Buka ea Selemo hammoho linakong tsa lijo, ’me ba ikemiselitse ho etsa joalo ho pholletsa le selemo. Haeba Buka ea Selemo e e-s’o fumanehe, bua ka litlhoko tsa phutheho.
Pina 47 le thapelo e koalang.
Beke e Qalang ka la 30 March
12 mets: Litsebiso tsa phutheho. Hopotsa bohle ho tlisa litlaleho tsa bona tsa tšebeletso ea tšimo tsa March. Bontša litokollo tsa morao-rao tsa limakasine, fana ka tlhahiso ea hore na ke lihlooho life tse ka buelloang ha ho nehelanoa ka limakasine tsena, bolela lintlha tse tobileng tse ka buelloang. Hlahloba “Likhopotso Tsa Sehopotso,” ’me u bolele litokisetso tsa phutheho bakeng sa Sehopotso. Bohle ba lokela ho etsa litokisetso tsa ho qetela tsa ho thusa liithuti tsa Bibele le batho ba bang ba thahasellang ho ba teng. Hopotsa bohle ho etsa bonnete ba hore ba latela ’malo oa Bibele oa Sehopotso bakeng sa la 6-11 April, joalokaha o bontšitsoe ho Ho Hlahlobisisa Mangolo Kamehla.
13 mets: “Bana—Le Mohloli oa Thabo ea Rōna!” Lipotso le likarabo. Pheta phihlelo e tsoang ho Molula-Qhooa oa August 1, 1987, leqepheng la 25.
20 mets: Litsela Tsa ho Loantša Mokhathala oa Moea. Baholo ba babeli ba buisana ka lebokose le leng ho Molula-Qhooa oa January 15, 1986, leqepheng la 19. Bakeng sa le leng le le leng la “Matšoao a Mokhathala,” bontša ka Mangolo kamoo motho a ka ruang molemo kateng ho “Lithuso tsa ho Mamella” tse tsamaisanang le letšoao ka leng. Buisana ka lipotso le bahoeletsi ba babeli ba hlalosang kamoo ho sebelisa lintlha tse joalo ho ba thusitseng kateng ho boloka matla a bona a moea.
Pina 140 le thapelo e koalang.