Zaburi

52 Kwa nini unajisifia yaliyo mabaya, ewe mwenye nguvu?+

Fadhili zenye upendo za Mungu ni za mchana kutwa.+

 2 Ulimi wako hupanga hila za kuleta shida, ukiwa umenolewa kama wembe,+

Ukifanya kazi kwa udanganyifu.+

 3 Umependa yaliyo mabaya kuliko yaliyo mema,+

Kusema uwongo kuliko kusema yaliyo ya uadilifu.+ Sela.

 4 Umependa maneno yote yenye kumeza,+

Ewe ulimi wenye udanganyifu.+

 5 Mungu mwenyewe pia atakubomoa milele;+

Atakupiga na kukuangusha na kukurarua kutoka katika hema lako,+

Naye atakung’oa kutoka katika nchi ya walio hai.+ Sela.

 6 Nao waadilifu wataona hilo na kuogopa,+

Nao watamcheka.+

 7 Huyo ndiye mwanamume ambaye hamweki Mungu kuwa ngome yake,+

Lakini anategemea wingi wa utajiri wake,+

Ambaye hulindwa kutokana na shida anazoleta.+

 8 Lakini nitakuwa kama mzeituni+ wenye majani mengi katika nyumba ya Mungu;

Nazitegemea fadhili zenye upendo za Mungu mpaka wakati usio na kipimo, naam, milele.+

 9 Nitakusifu mpaka wakati usio na kipimo, kwa maana wewe umechukua hatua;+

Nami nitalitumainia jina lako, kwa sababu ni jema, mbele ya washikamanifu wako.+