72 Ee Mungu, mpe mfalme hukumu zako,

Na umzawadie mwana wa mfalme uadilifu wako.+

 8 Atakuwa na raia* kutoka bahari mpaka bahari

Na kutoka Mto Efrati mpaka kwenye miisho ya dunia.+

 9 Mataifa yote uliyoyaumba

Yatakuja na kuinama mbele zako, Ee Yehova,+

Nayo yatalitukuza jina lako.+

4 Katika siku za mwisho,*

Mlima wa nyumba ya Yehova+

Utaimarishwa kabisa juu ya vilele vya milima,

Nao utainuliwa juu ya vilima,

Na mataifa yatamiminika kwenye mlima huo.+

“Njooni, twendeni juu kwenye mlima wa Yehova

Na kwenye nyumba ya Mungu wa Yakobo.+

Naye atatufundisha njia zake,

Nasi tutatembea katika vijia vyake.”

Kwa maana sheria itatoka* Sayuni,

Na neno la Yehova litatoka Yerusalemu.

 3 Atatekeleza hukumu miongoni mwa mataifa mengi+

Na kunyoosha* mambo kuhusiana na mataifa yenye nguvu yaliyo mbali.

Watafua panga zao ziwe majembe ya plau

Na mikuki yao iwe miundu.+

Taifa halitainua upanga juu ya taifa lingine,

Wala hawatajifunza vita tena kamwe.+