Maombolezo
5 Kumbuka, Ee Yehova, yale ambayo yametupata.
Tazama na uone aibu yetu.+
2 Wageni wamepewa urithi wetu, wageni wamepewa nyumba zetu.+
3 Tumekuwa mayatima, hatuna baba; mama zetu ni kama wajane.+
4 Ni lazima tulipe ili tunywe maji yetu wenyewe,+ na kuni zetu wenyewe tunazinunua.
6 Tunainyooshea mkono Misri+ na Ashuru,+ ili tupate chakula cha kutosha.*
7 Mababu zetu waliotenda dhambi hawapo tena, lakini ni lazima tuubebe uovu wao.
8 Sasa watumishi wanatutawala; hakuna yeyote wa kutunasua kutoka mikononi mwao.
9 Tunapata chakula chetu* kwa kuhatarisha uhai wetu,*+ kwa sababu ya upanga wa nyikani.
10 Ngozi yetu imekuwa moto kama tanuru, kwa sababu ya makali ya njaa.+
11 Wamewafedhehesha* wake walio Sayuni, mabikira walio katika majiji ya Yuda.+
12 Wakuu walitundikwa kwa mikono yao,+ na wazee hawakuheshimiwa.+
13 Vijana wa kiume wanabeba jiwe la kusagia, na wavulana wanajikwaa kwa sababu ya kubeba mizigo ya kuni.
14 Wazee wametoweka kwenye lango la jiji;+ vijana wa kiume hawapigi muziki wao.+
15 Shangwe imetoweka mioyoni mwetu; dansi zetu zimegeuka kuwa maombolezo.+
16 Taji limeanguka kutoka kwenye kichwa chetu. Ole wetu, kwa sababu tumetenda dhambi!
17 Kwa sababu hiyo moyo wetu ni mgonjwa,+
Na kwa sababu ya mambo haya macho yetu yamefifia,+
18 Kwa sababu ya Mlima Sayuni, ambao umeachwa ukiwa;+ sasa mbweha wanatangatanga juu yake.
19 Lakini wewe, Ee Yehova, umeketi kwenye kiti chako cha ufalme milele.
Kiti chako kinadumu kizazi baada ya kizazi.+
20 Kwa nini unatusahau milele na kutuacha kwa muda mrefu sana hivyo?+
21 Turudishe kwako, Ee Yehova, nasi tutakurudia bila kusita.+
Zifanye siku zetu ziwe mpya kama siku za zamani.+
22 Hata hivyo, umetukataa kabisa.
Unaendelea kutukasirikia vikali sana.+