Programu Mpya ya Kusanyiko la Mzunguko

¹ Programu mpya ya kusanyiko la mzunguko ya 1997 itasitawisha kichwa “Jionee Furaha Kubwa Zaidi ya Kutoa.” (Mdo. 20:35) Furaha yafafanuliwa kuwa “hali-njema na uradhi.” Watu walio wengi leo hunyakua anasa yoyote wanayoweza kupata maishani, na wafanyapo hivyo, mara nyingi hiyo huwa ni ya muda tu. Hiyo si furaha ya kweli. Lakini, Yehova hutufundisha jinsi ya kujinufaisha milele. (Isa. 48:17; 1 Yoh. 2:17) Programu mpya ya kusanyiko la mzunguko itakazia jinsi tunavyoweza kupata furaha nyingi zaidi kwa kutoa katika njia ya kiroho.

² Tutajifunza njia zenye kutumika ambazo kwazo tunaweza kujitoa wenyewe katika huduma. Baadhi ya hotuba zitakazotolewa na waangalizi wasafirio ni zenye kichwa: “Kufanya Marafiki kwa Njia ya Mali za Udhalimu,” “Stahi Uandalizi wa Kimungu wa ‘Zawadi Zikiwa Wanadamu,’” na “Jipatie Zile Pande Nyingi za Furaha ya Kweli.” Wale wanaotaka kubatizwa kwenye kusanyiko watamjulisha mwangalizi-msimamizi ili apange wazee wapitie maswali ya ubatizo pamoja nao. Kumtumikia Yehova wakiwa na uhusiano safi naye kutawaletea wapya waliobatizwa furaha nyingi sana.

³ Utambuzi ufaao wa mamlaka ya Yehova pia huleta furaha na usalama wa kweli. Watu wote wapaswa kujua hili. Hivyo, hotuba ya watu wote kwenye kusanyiko la mzunguko itasitawisha kichwa “Ungana na Watu wa Mungu Wenye Furaha.” Hakikisha umealika wote wale walioonyesha kupendezwa katika kweli waje kwenye hotuba hii. Hawajapata usalama wa kweli na furaha idumuyo chini ya utawala wa kibinadamu katika ulimwengu huu unaokaa katika nguvu ya Shetani. (Mhu. 8:9) Lakini watapata shangwe kama nini wakishirikiana na watu wa Yehova wenye furaha!—Zab. 144:15b.

⁴ Zijapokuwa hali zenye kuharibika katika mfumo huu wa mambo, wale wanaopata furaha nyingi sana katika kutoa kwa njia ya kiroho hawatatamaushwa kamwe na Mungu mwenye furaha. (1 Tim. 1:11) Programu mpya ya kusanyiko la mzunguko itaonyesha jambo hili kuwa kweli. Usiikose!