Mikutano Ya Utumishi Kwa Machi
Juma Linaloanza Machi 3
Dak. 10: Matangazo ya kwenu. Matangazo yaliyoteuliwa kutoka Huduma ya Ufalme Yetu. Tia moyo wote waanze kualika watu wenye kupendezwa kwenye Ukumbusho Machi 23. Onyesha nakala ya mwaliko wa Ukumbusho, na usihi wote wajipatie ugavi fulani na kuanza kuzigawanya juma hili.
Dak. 15: “Jenga Nyumba Yako.” Maswali na majibu. Tia ndani mambo yaliyoonwa kutoka 1995 Yearbook, ukurasa wa 228.
Dak. 20: “Kusaidia Familia Zipate Wakati Ujao Wenye Kudumu.” (Mafungu 1-5) Toa maelezo mafupi kwenye fungu la 1, kisha uzungumze jinsi kupendezwa kunavyoweza kusitawishwa katika kitabu Furaha ya Familia kwa kutumia vichwa vya sura, picha zenye kupendeza, na masanduku ya kupitia. Panga watangazaji wenye uwezo watoe maonyesho ya utoaji mbalimbali katika mafungu 2-5. Tia moyo wote wajitahidi kipekee kuangusha kitabu hicho kwa familia ambazo zimeonyesha kupendezwa wakati uliopita.
Wimbo 71 na sala ya kumalizia.
Juma Linaloanza Machi 10
Dak. 12: Matangazo ya kwenu. Ripoti ya hesabu. Kumbusha wote wahakikishe kufuata Usomaji wa Biblia wa Ukumbusho ulioratibiwa Machi 18-23, kama ionyeshwavyo katika Kuyachunguza Maandiko Kila Siku. Pitia “Programu Mpya ya Kusanyiko la Mzunguko.”
Dak. 18: “Jionyesheni Wenyewe Kuwa Wenye Shukrani.” Maswali na majibu. Wote wapaswa kuwa wenye bidii kualika wanafunzi wa Biblia, watu wenye kupendezwa, washiriki wa familia wanaopendwa, na ndugu na dada wowote ambao hawashiriki kwa ukawaida na kutaniko ili wahudhurie Ukumbusho. Wonyesho mfupi wa mtangazaji akialika mtu mwenye kupendezwa kwenye Ukumbusho, akitumia mwaliko wa Ukumbusho. Toa maelezo ya ziada juu ya Mnara wa Mlinzi, Julai 1, 1988, ukurasa wa 11, mafungu 16-17. Tia moyo wote wanaoweza wafanye upainia msaidizi katika Aprili na Mei.
Dak. 15: “Kusaidia Familia Zipate Wakati Ujao Wenye Kudumu.” (Mafungu 6-8) Toa madokezo kadhaa ya jinsi ya kutoa kitabu Furaha ya Familia unapotoa ushahidi wa vivi hivi kazini, shuleni, bustanini, au kwenye usafiri wa umma, na vilevile unapotembelea jamaa. Panga mtangazaji mwenye uwezo afanye wonyesho wa utoaji mbalimbali katika mafungu ya 6 na 7. Mazungumzo kwenye ziara ya kurudia yapaswa kusaidia mtu athamini jinsi funzo la Biblia linavyoweza kuimarisha vifungo vya familia. Mafunzo yapaswa kuongozwa katika broshua Mungu Anataka Tufanye Nini?, kwa mradi wa kuhamisha funzo kwenye kitabu Ujuzi, au funzo laweza kuanzishwa katika kitabu Ujuzi chenyewe.
Wimbo 72 na sala ya kumalizia.
Juma Linaloanza Machi 17
Dak. 15: Matangazo ya kwenu. Pitia “Vikumbusha vya Ukumbusho,” na ueleze mipango ya kwenu ya Ukumbusho. Wote wapaswa kufanya mipango ya mwisho ya kusaidia wanafunzi wa Biblia na watu wenye kupendezwa wahudhurie.
Dak. 15: Mazungumzo pamoja na wasikilizaji ya mafungu 14-21 ya broshua Mapokeo yakishughulikia kichwa kidogo “Watu wa Ukoo” na “Kuwa na Watoto.”
Dak. 15: Kuelekeza Wanafunzi wa Biblia Kwenye Tengenezo la Yehova. Shughulikia habari iliyo katika mafungu 14 hadi 16 katika nyongeza ya Huduma ya Ufalme Yetu ya Juni 1996. Panga watangazaji wenye uwezo watoe wonyesho wa jinsi ya kutumia broshua Mashahidi wa Yehova—Wanafanya Mapenzi ya Mungu kwa Umoja Ulimwenguni Pote kujenga uthamini katika tengenezo la Yehova. Kufikia wakati mtu anapomaliza funzo la kitabu Ujuzi anapaswa kufahamu tengenezo na kuchukua hatua ya kumtumikia Mungu.
Wimbo 75 na sala ya kumalizia.
Juma Linaloanza Machi 24
Dak. 9: Matangazo ya kwenu. Eleza kwamba si kuchelewa mno kuleta ombi la upainia msaidizi katika Aprili. Eleza mipango ya ziada inayofanywa kwenu ya mikutano ya utumishi wa shambani mwezi huo.
Dak. 24: “Jipe Ujasiri wa Kufanya Ziara za Kurudia.” (Mafungu 1-16) Maswali na majibu. Toa wonyesho mfupi kwa fungu la 16.
Dak. 12: Kusaidia Mtangazaji Mpya Kuanza. Pitia fungu la 19 katika nyongeza ya Huduma ya Ufalme Yetu ya Juni 1996. Toa wonyesho wa jinsi mtangazaji mwenye uwezo anavyotayarisha mwanafunzi wa Biblia ambaye ametoka tu kupendekezwa na wazee awe mtangazaji asiyebatizwa. Wanapitia pamoja kitabu Huduma Yetu, ukurasa wa 111, fungu la 2. Mtangazaji mwenye uzoefu aonyesha kile ambacho yamkini watakuta katika ushahidi wa nyumba hadi nyumba na kwamba hakuna haja ya kuvunjika moyo ikiwa baadhi ya watu hawaitikii vizuri. Mtangazaji asimulia jambo lililoonwa akionyesha shangwe ipatikanayo tunapopata mtu mwenye moyo mweupe atakayesikiliza. Wanatayarisha pamoja wonyesho mfupi, ulio sahili wa magazeti na kujizoeza. Pongezi ya kutia moyo yatolewa na mipango hususa yafanywa ya kushiriki katika utumishi wa shambani pamoja juma hili.
Wimbo 89 na sala ya kumalizia.
Juma Linaloanza Machi 31
Dak. 15: Matangazo ya kwenu. Alika wote wenye kupendezwa wahudhurie hotuba ya pekee Aprili 6. Kumbusha wote walete ripoti zao za utumishi wa shambani za Machi. Tangaza majina ya wote wanaofanya upainia msaidizi katika Aprili. Pitia Sanduku la Swali.
Dak. 20: “Jipe Ujasiri wa Kufanya Ziara za Kurudia.” (Mafungu 17-31) Maswali na majibu. Pitia sanduku lililo kwenye ukurasa wa 3. Tia moyo wote wahesabu kila ziara ya kurudia ambayo wamefanya wakati wa mwezi huo wanaporipoti utumishi wao wa shambani.
Dak. 10: Pitia Toleo la Fasihi la Aprili. Toa maandikisho ya Mnara wa Mlinzi na Amkeni! Simulia kifupi madokezo ya jinsi ya kutayarisha utoaji mbalimbali wa magazeti ambao unapatikana katika mafungu 3, 4, na 8 kwenye ukurasa wa 8 wa Huduma ya Ufalme Yetu ya Oktoba 1996. Ukitumia magazeti ya karibuni ukikazia andiko kutoka makala iliyochaguliwa, panga watangazaji wawili watoe wonyesho mmoja au mawili mafupi. Watangazaji wanapaswa kuandika wale wanaokubali magazeti na wawaongeze kwenye njia yao ya kuwapelekea magazeti kwa ukawaida.
Wimbo 92 na sala ya kumalizia.