Shule ya Huduma ya Kitheokrasi ya 1998

Kuzoezwa shuleni humaanisha “kufundishwa au kupewa mazoezi ya ujuzi au ustadi mahususi.” Kupitia Shule ya Huduma ya Kitheokrasi, twazoezwa daima katika ujuzi kuhusu Mungu. Pia, kushiriki kwetu katika shule hii huturuhusu tusitawishe stadi zetu za kusema na kufundisha. Programu ya shule ya 1998 itatupatia fursa nyingi za kufanya maendeleo zaidi ya kiroho.

Unapochunguza ratiba ya shule ya mwaka ujao, utaona kwamba kitabu Furaha ya Familia kimeongezwa katika utaratibu wa masomo wa 1998, na Mgawo Na. 3 na Na. 4 utakishughulikia hatua kwa hatua. Mahali ambapo kitabu Furaha ya Familia chatumiwa kwa Mgawo Na. 4, ndugu apaswa kuushughulikia ukiwa hotuba kwa kutaniko. Na, kikiwa kikumbusha, mtu yeyote katika shule hapaswi kupitisha wakati.

Sehemu Mpya: Kwa manufaa yetu ya kibinafsi, “Ratiba ya Kuongezea ya Usomaji wa Biblia” imewekwa katika vifungo vya mraba baada tu ya namba ya wimbo wa kila juma. Ijapokuwa hakuna programu ya kila juma ya shule inayoutegemea, ufanye uwe mradi wako kuifuata. Kufanya hivyo kutakuwezesha uingie katika zoea la kuisoma Biblia kila siku ikiwa hufanyi hivyo.

Kwa habari zaidi juu ya migawo, shauri, na mapitio ya kuandika, tafadhali soma kwa uangalifu maagizo yapatikanayo katika “Ratiba ya Shule ya Huduma ya Kitheokrasi ya 1998,” na vilevile ukurasa wa 3 wa Huduma ya Ufalme Yetu ya Oktoba 1996.

Ikiwa hujajiandikisha katika Shule ya Huduma ya Kitheokrasi, twakualika ujiandikishe sasa. Shule hii ya pekee yaendelea kutimiza fungu la maana katika kuzoeza watumishi wanyenyekevu wa Yehova na waliojitoa wawe na sifa za ustahili kwa njia bora wakiwa wahudumu wake.—1 Tim. 4:13-16.