Mambo ya Kusema Kuhusu Magazeti

Mnara wa Mlinzi Juni 1

“Watu wengi wanaamini kwamba dini zote ulimwenguni ni barabara tofauti-tofauti zinazoelekeza watu kwa Mungu yuleyule. Wewe unaonaje? [Mruhusu ajibu.] Ona Biblia inavyosema. [Soma Yoshua 24:15.] Makala hii inatoa sababu nzuri kwa kila mmoja wetu kuchunguza kama dini yake inamwelekeza kwa Mungu wa kweli.” Mwonyeshe makala inayoanzia ukurasa wa 12.

Amkeni! Juni

“Sote tunajua watu fulani ambao wamekufa. Je, tuogope kwamba baadhi yao wanaweza kuwa na hasira na kutaka kutuumiza? [Mruhusu ajibu, kisha usome Mhubiri 9:5, 6.] Makala hii itakufariji.” Mwonyeshe makala inayoanzia ukurasa wa 22.

Mnara wa Mlinzi Julai 1

“Watu wengi walio na Biblia wanaona ni vigumu kuielewa. Je, umewahi kuwa na maoni kama hayo? [Mruhusu ajibu, kisha usome Zaburi 119:130.] Kulingana na andiko hili, Mtungaji wa Biblia anataka tuelewe na tufaidike na Neno lake. Gazeti hili linataja mambo matatu yanayotusaidia kuielewa Biblia.”

Amkeni! Julai

“Leo watu wengi wameshuka moyo. Je, unafikiri Mungu anawajali wale wanaoumia kihisia? [Mruhusu ajibu, kisha usome Zaburi 34:18.] Gazeti hili linaeleza jinsi wale walioshuka moyo wanavyoweza kupata msaada wa Mungu, hata kama bado wanahitaji matibabu. Pia linataja mambo tunayoweza kusema ili kuwafariji.”