Mapendekezo kwa Ajili ya Utumishi

Kuanzisha Mafunzo ya Biblia Katika Jumamosi ya Kwanza Mwezi wa Desemba

“Nina hakika unakubali kwamba sote tunahitaji marafiki. Ungependa rafiki aliye na sifa gani hasa? [Mruhusu ajibu.] Ona kile ambacho gazeti hili linasema kuhusu sababu za kuwa makini tunapochagua marafiki.” Mpe mwenye nyumba nakala ya Mnara wa Mlinzi wa Desemba 1. Soma na uzungumzie habari zilizo chini ya kichwa kidogo cha kwanza katika ukurasa wa 16. Soma angalau andiko moja. Mtolee magazeti na upange kurudi ili mchunguze jibu la swali linalofuata.

Mnara wa Mlinzi Desemba 1

“Je, umejiuliza ni kwa nini kumekuwa na misiba mingi ya asili hivi karibuni? [Mruhusu ajibu.] Ona kwamba Biblia ilitabiri kipindi ambacho kingekuwa na misiba mingi. [Soma Mathayo 24:7, 8.] Gazeti hili linajibu maswali haya: Kwa nini misiba ya asili imekuwa mingi sana leo? Je, Mungu anatuadhibu? Tuna sababu gani za kuamini kwamba karibuni Mungu atakomesha misiba yote ya asili?”

Amkeni! Desemba

Soma 2 Timotheo 3:16, kisha useme: “Watu fulani hukubali kwamba Biblia imeongozwa na Mungu, na wengine hawakubali. Una maoni gani? [Mruhusu ajibu.] Ingawa maoni ya watu yanatofautiana kuhusiana na hilo, wengi wanakubali kwamba hakuna kitabu kingine ambacho kimewahi kupingwa sana kama Biblia. Gazeti hili linaelezea baadhi ya jitihada zilizofanywa kwa karne nyingi ili kuiangamiza Biblia na kuwazuia watu wasiisome. Pia, linaeleza ni kwa nini mashambulizi hayo hayajafanikiwa.”