Njia Nzuri ya Kufurahia Nyimbo za Ufalme

Watumishi wa Yehova wanaona muziki kuwa zawadi nzuri kutoka kwa Yehova. (Yak. 1:17) Makutaniko mengi yanafurahia kucheza nyimbo za Ufalme kwa sauti ya chini kabla na baada ya mikutano. Kucheza muziki huo ni njia yenye kutuliza ya kutukaribisha kwenye mikutano. Unatusaidia kujitayarisha kiakili kwa ajili ya ibada yetu. Zaidi ya hayo, kusikiliza nyimbo mpya kutoka katika kitabu chetu cha nyimbo kunatusaidia kujua nyimbo hizo na hata kutuwezesha kuziimba vizuri. Muziki huo unapochezwa baada ya mikutano unatokeza hali nzuri inayochochea watu wafurahie ushirika wenye kujenga. Kwa hiyo, mabaraza ya wazee yanapaswa kufanya mipango inayofaa ya kucheza muziki wa Sing to Jehovah—Piano Accompaniment (muziki wa piano) kabla na baada ya mikutano. Wanapaswa kuhakikisha kuwa sauti ya muziki si ya juu sana hivi kwamba inafanya iwe vigumu kuzungumza.