Kwa Nini Twapenda Ushirika Mzima wa Ndugu Zetu?

Katika ulimwengu wa leo usio na upendo, twaweza kuendeleaje kuwapenda sana ndugu zetu wa kiroho? (1 Pet. 2:17) Twaweza kuonyeshaje wengine kwamba udugu wetu halisi wa ulimwenguni pote upo? (Mt. 23:8) Kwa kutumia video Our Whole Association of Brothers. Yaonyesha ni kwa nini twapendana. Ona kama unaweza kujibu maswali haya:

(1) Ni mambo gani matatu ambayo sisi hushiriki kufanya pamoja na ndugu zetu ulimwenguni pote? (2) Ndugu zetu wanaonyeshaje kwamba wameazimia kuhubiri (a) katika nyika ya Alaska, (b) katika bandari kubwa za Ulaya, na (c) katika misitu mizito ya Peru? (3) Ni chombo gani hasa chenye matokeo cha kuhubiri? (4) Kwa nini hatupaswi kuhisi kwamba kazi ya kuhubiri ni kazi ya kawaida tu? (5) Toa mifano ya jinsi ambavyo Mashahidi wa Yehova wamefarijiana na kutegemezana nyakati za taabu—matetemeko ya ardhi, vimbunga, na vita vya wenyewe kwa wenyewe. (Ona maelezo ya Takao katika gazeti la Amkeni! la Agosti 22, 1995, kwenye ukurasa wa 23 na Kotoyo katika gazeti la Amkeni! la Oktoba 22, 1996, kwenye ukurasa wa 20) (6) Ni katika njia zipi zenye kusaidia tunazoweza kuonyesha ishara kuu ya udugu wetu wa Kikristo? (Yn. 13:35) (7) Tuthamini kadiri gani mikutano yetu ya kutaniko? (8) Kuwa na Jumba la Ufalme ili kukutania humo kunaathirije wale ambao zamani hawakuwa nalo? (9) Ndugu zetu huko Ulaya Mashariki na Urusi waliendeleaje kiroho walipokuwa wamepigwa marufuku? (10) Hata sasa, ni jitihada gani za pekee ambazo Mashahidi wengi wamefanya ili kuhudhuria makusanyiko, na kwa nini? Hilo limekutiaje moyo? (11) Kwa nini unaazimia kuabudu pamoja kwa umoja, kusaidia wengine nyakati za uhitaji, na kuhubiri kwa uaminifu mahali popote na wakati wowote unapoweza? (12) Kwa nini ingefaa kuwa na nakala yako ya video hii na kuwaonyesha watu wenye kupendezwa wengi iwezekanavyo?