Mambo ya Kusema Kuhusu Magazeti

Mnara wa Mlinzi Machi 1

“Linaweza kuwa jambo gumu sana kufanya yaliyo sawa watu wanapotushinikiza tufanye kinyume. Unafikiri ni nini kinachoweza kutusaidia tusifuate maoni yao? [Mruhusu ajibu, kisha usome Methali 29:25.] Makala hii inataja sababu tano zinazofanya tuogope kumchukiza Mungu badala ya kuogopa kuwachukiza wanadamu.” Mwonyeshe makala inayoanzia ukurasa wa 12.

Amkeni! Machi

“Sote tunafurahia kuwa na marafiki wazuri. Ungependa rafiki yako awe na sifa gani? [Mruhusu ajibu.] Ona Biblia inavyosema. [Soma Methali 17:17.] Makala hii ina madokezo yanayoweza kukusaidia kuchagua marafiki wazuri, na kujua jinsi unavyoweza kuwa rafiki mzuri.” Mwonyeshe makala inayoanzia ukurasa wa 18.

Mnara wa Mlinzi Aprili 1

“Ningependa kusikia maoni yako kuhusu maneno haya ya Yesu. [Soma Yohana 3:3.] Unafikiri inamaanisha nini kuzaliwa mara ya pili? [Mruhusu ajibu.] Kuelewa kwa usahihi maneno ya Yesu kunahusisha maisha yetu na matarajio yetu ya wakati ujao. Gazeti hili linaeleza kwa nini maisha na matarajio yetu yanahusika.”

Amkeni! Aprili

“Inaonekana watoto wengi wa shule wana mfadhaiko. Unafikiri mambo yamebadilika tangu wazazi wao walipokuwa shuleni? [Mruhusu ajibu.] Mfadhaiko unaopita kiasi unaweza kumwathiri mtoto. [Soma Mhubiri 7:7a.] Gazeti hili linazungumzia jinsi watu wazima wanavyoweza kuwasaidia vijana kukabiliana na mfadhaiko.”