Kuboresha Ustadi Wetu Katika Huduma—Kuanzisha Funzo la Biblia Mlangoni kwa Kutumia Broshua Habari Njema Kutoka kwa Mungu!
Kwa Nini Ni Muhimu: Ili tufanye wanafunzi, lazima tuwe walimu wa Neno la Mungu. (Mt. 28:19, 20) Sisi sote tunaweza kufundisha kweli kwa njia yenye matokeo kwa kutumia vifaa ambavyo tumepewa. Broshua Habari Njema Kutoka kwa Mungu! imekusudiwa hasa kutusaidia kuwafundisha wengine kweli za Biblia. Tunaweza kuitumia kuanzisha funzo la Biblia mlangoni tunapomhubiria mwenye nyumba kwa mara ya kwanza.
Jaribu Kutumia Dokezo Hili kwa Mwezi Mzima:
Mwombe Yehova akusaidie uwe na tamaa ya kuongoza funzo. Pia, mwombe akusaidie kuanzisha funzo la Biblia na kuwa mwalimu anayefundisha kweli kwa njia yenye matokeo.—Flp. 2:13.
Wakati wa ibada ya familia au funzo la kibinafsi, tenga muda wa kufanya mazoezi ya jinsi utakavyoanzisha funzo kwa kutumia broshua hiyo. Hivyo, utaweza kuzungumza kwa usadikisho na kuanzisha funzo la Biblia mlangoni unapohubiri.