Tukomalishe Ufundi Wetu wa Kuhubiri—Kumujibia Musikilizaji Mwenye Kukasirika

Sababu Gani Ni Lazima Kufanya Hivyo: Watu wengi ambao tunahubiri ni wenye adabu. Hata hivyo, Yesu alitabiri kwamba watu fulani watatuchukia. (Yoh. 17:14) Kwa hiyo, hatupaswe kushangaa tukikutana na mutu mwenye kukasirika. Wakati tunakutana na musikilizaji mwenye kukasirika, tunapaswa kumujibia kwa njia yenye itafurahisha moyo wa Yehova, Mungu ambaye tunawakilisha. (Rom. 12:17-21; 1 Pet. 3:15) Kufanya hivyo kunaweza kuzuia hali kuwa mubaya zaidi. Pia, hilo litamutolea ushahidi musikilizaji na hata watu wengine, na linaweza kufanya wawe tayari kusikiliza wakati Mashahidi wa Yehova watawatembelea tena.—2 Kor. 6:3.

Namna ya Kufanya:

Uwe mwenye kutulia na mwenye urafiki. Kufanya hivyo kunaweza kupunguza hasira ya musikilizaji. Usiwaze kama musikilizaji anakukasirikia wewe. (Mhu. 7:9) Anaweza kuwa mwenye kukasirika kwa sababu ana matatizo fulani ao kwa sababu mumemutembelea wakati usiofaa. Hata kama anakasirika kwa sababu ya ujumbe wetu, mara mingi ni kwa sababu ya mafundisho ya uwongo yenye amefundishwa.—2 Kor. 4:4.
Ujibu kwa upole na usitumie maneno makali. (Met. 15:1) Pengine tumemuamusha ao kukatiza mambo ambayo alikuwa anafanya. Hata kama hatutaomba musamaha kwa sababu ya kazi yetu ya kuhubiri, tunaweza kumuomba atusamehe kwa sababu tumemutembelea wakati usiofaa. Pengine ametukasirikia kwa sababu amesikia habari ya uwongo juu yetu. Kama ni hivyo, unaweza kumuambia hivi: “Ninaelewa sababu gani habari hiyo inakukasirisha. Lakini, inaonekana kwamba habari yenye ulisikia juu yetu ni ya uwongo. Utapenda nikuambie sababu gani ni ya uwongo?” Pengine hakubaliane na jambo fulani lenye tunaamini, kama vile kutenga watu na kutaniko ao imani yetu juu ya damu. Kama ni hivyo, unaweza kusema hivi: “Ninakuelewa. Watu wengine pia hawakubaliane na jambo hilo. Unaweza kuniruhusu nikuonyeshe katika Biblia andiko lenye linaunga mukono fundisho hilo?”
Ikiwa musikilizaji anakasirika sana, inaweza kuwa muzuri kuondoka bila kumujibia. Ikiwa anasema kwamba Mashahidi wa Yehova wasimutembelee siku ingine, unaweza kumuhakikishia kama tutaheshimu jambo hilo.

Tumikisha Shauri Hili Katika Mwezi:

Mufanye mazoezi wakati wa ibada yenu ya familia.
• Kisha kuachana na musikilizaji mwenye kukasirika, uzungumuze na muhubiri mwenzako juu ya maneno ambayo mungetumia ili kumujibu kwa njia nzuri zaidi.