ISAIAS
1 Iha tempu neʼebé Liurai Uzias,+ Jotão,+ Acaz+ no Ezequias+ mak ukun rai-Judá,+ Amoz nia oan-mane Isaias*+ haree vizaun tuirmai neʼe kona-ba Judá no Jeruzalein:
2 Oh lalehan, rona bá, oh rai, see tilun bá,+
Tanba Jeová koʼalia ona:
3 Karau-aman ida hatene ninia naʼin,
No kuda-burru ida hatene ninia luhan neʼebé ninia naʼin harii ba nia;
Maibé Izraél la hatene haʼu,*+
Haʼu-nia povu rasik la hatudu hahalok matenek.”
4 Susar ba nasaun neʼebé nakonu ho sala,+
Povu neʼebé lori sala sira hanesan naha todan,
Oan sira neʼebé aat no laran-makerek!
Sira husik ona Jeová;+
Sira la hatudu respeitu ba Izraél nia Maromak neʼebé Santu;
Sira fila kotuk ona ba nia.
5 Iha neʼebé tan mak haʼu tenke baku imi* tanba imi kontinua kontra haʼu?+
Imi-nia ulun tomak kanek ona,
No moras kona ona imi-nia fuan tomak.+
6 Husi ain toʼo ulun, la iha parte ida neʼebé la moras.
7 Imi-nia rai mamuk ona.
Imi-nia sidade sira ahi han ona.
Ema estranjeiru tolan imi-nia rai iha imi-nia oin kedas.+
Hanesan inimigu husi rai seluk tama no harahun ona buat hotu.+
8 Sidade Siaun* husik hela hanesan barraka iha toʼos-uvas,
Hanesan fatin mahon iha toʼos-pepinu,
Hanesan sidade neʼebé tropa halo serku hela.+
9 Se Jeová neʼebé ukun tropa lalehan nian la husik ita balu moris hela,
Ita sai ona hanesan Sodoma,
No ita sei haree hanesan Gomorra.+
10 Oh imi ukun-naʼin aat sira husi Sodoma, rona Jeová nia liafuan bá.+
Oh povu husi Gomorra, see tilun ba ita-nia Maromak nia ukun-fuan.*+
11 Jeová dehan: “Haʼu hetan buat diʼak saida husi sakrifísiu barak neʼebé imi hasaʼe?+
Haʼu sai baruk ona ho bibi-malae aman+ no naʼan bokur husi animál sira neʼebé bokur,+ neʼebé imi hasaʼe nuʼudar sakrifísiu sunu nian,
No haʼu la kontente ho raan+ husi karau-aman,+ bibi-malae oan no bibi-timur.+
13 Keta lori tan sakrifísiu trigu* nian neʼebé la iha folin.
Haʼu hakribi imi-nia insensu.*+
Imi selebra fulan-foun,+ loron Sábadu,+ no halaʼo reuniaun boot,+
Maibé haʼu la tahan ona tanba imi uza forsa masonik nian+ iha imi-nia reuniaun espesiál sira.
14 Haʼu* odi imi-nia festa fulan-foun nian no imi-nia festa sira seluk.
Sira sai ona hanesan buat todan ba haʼu;
Haʼu sai kole ona atu lori buat sira-neʼe.
15 No kuandu imi foti saʼe imi-nia liman hodi harohan,
Haʼu subar haʼu-nia oin husi imi.+
16 Fase imi-nia an bá, hodi halo imi-nia an sai moos;+
Hasai tiha imi-nia hahalok aat iha haʼu-nia oin;
Labele halo tan buat neʼebé aat.+
17 Aprende atu halo buat diʼak, buka justisa bá,+
Korrije ema neʼebé hanehan ema seluk,
Defende oan-kiak* nia direitu,
No defende feto-faluk nia kazu.”+
18 Jeová dehan: “Agora mai, mai ita hadiʼa problema entre ita,+
Maski imi-nia sala sira mak mean,
Sira sei sai mutin fali hanesan jelu-rahun;+
Maski sala sira-neʼe mak hanesan hena mean,
Sira sei sai mutin fali hanesan bibi-malae fulun.
19 Se imi prontu atu rona,
Imi sei han buat diʼak husi rai neʼe.+
20 Maibé se imi lakohi no kontra fali,
Surik sei tolan imi,+
Tanba Jeová nia ibun rasik mak fó sai ona ida-neʼe.”
21 Sidade neʼebé laran-metin+ sai ona feto-aat!*+
Uluk sidade neʼe nakonu ho justisa;+
No hahalok loos mak hela iha sidade neʼe nia laran,+
Maibé agora ohodór deʼit mak iha sidade neʼe.+
22 Oh sidade, ó-nia osan-mutin sai foʼer ona,+
No ó-nia serveja kahur ona ho bee.
23 Ó-nia ulun-naʼin sira mak ulun-toos no sai belun ho naʼok-teen sira.+
Sira ida-idak gosta simu prezente atu bobar lia-loos no buka deʼit prezente.+
Sira la lori justisa ba oan-kiak sira,
No taka matan ba feto-faluk sira-nia kazu.+
24 Tan neʼe, Naʼi neʼebé loos, Jeová neʼebé ukun tropa lalehan nian,
Maromak neʼebé Kbiit Boot iha Izraél, dehan:
“Toʼo ona! Haʼu sei halo livre haʼu-nia an husi haʼu-nia inimigu,
No haʼu sei selu fali ba haʼu-nia inimigu sira-nia hahalok aat.+
25 Haʼu sei foti liman hodi kontra ó,
Haʼu sei hasai tiha buat foʼer husi ó hanesan ema halo nabeen osan-mutin hodi halo moos,
No haʼu sei hasai tiha buat hotu neʼebé la moos husi ó.+
26 Haʼu sei fó juís sira ba ó hanesan uluk
No fó konsellu-naʼin sira ba ó hanesan tempu uluk.+
Depois neʼe, ó-nia naran sei sai nuʼudar Sidade Hahalok Loos nian no Knua Laran-Metin.+
27 Ho justisa, haʼu sei sosa fali Siaun,+
No ho hahalok loos, haʼu sei sosa ninia povu neʼebé fila fali.
28 Ema kontradór no sala-naʼin sira sei harahun tiha hamutuk,+
No sira neʼebé husik Jeová sei lakon tiha.+
29 Imi sei sai moe kona-ba ai-hun boot sira neʼebé imi kaan,+
30 Imi sei sai hanesan ai-hun boot neʼebé ninia tahan namlaek,+
No hanesan jardín ida neʼebé la iha bee.
31 Mane forte sei sai hanesan duʼut-maran,*
No ninia serbisu sei sai hanesan ahi-funan;
Ahi sei han buat rua neʼe hamutuk,
No la iha ema ida atu hamate ahi neʼe.”
2 Tuirmai neʼe mak buat neʼebé Amoz nia oan-mane Isaias haree kona-ba Judá no Jeruzalein:+
Foho neʼebé Jeová nia uma harii bá
Sei sai metin no aas liu fali foho-tutun sira seluk,+
No foho neʼe sei sai aas liu fali foho-oan sira,
No nasaun sira hotu sei laʼo nadodon bá neʼebá.+
3 No povu barak sei bá no dehan:
“Mai, mai ita saʼe ba Jeová nia foho,
Ba Jacob nia Maromak nia uma.+
Nia sei hanorin ita kona-ba ninia dalan sira,
No ita sei laʼo iha ninia dalan sira.”+
4 Nia sei sai juís iha nasaun sira-nia leet
No nia sei korrije* buat hotu atu lori diʼak ba ema barak.
Sira sei tuku sira-nia surik sai xarrua
No tuku sira-nia diman sai sabit.+
Nasaun sei la foti tan surik hasoru nasaun seluk,
No sira mós sei la aprende tan funu.+
5 Oh Jacob nia umakain, mai,
Mai ita laʼo iha Jeová nia naroman.+
6 Oh Maromak, Ita-Boot husik ona Ita-nia povu, Jacob nia umakain,+
Tanba sira-nia rai sai nakonu ona ho buat neʼebé husi área Leste;
Sira halo masonik+ hanesan ema Filístia sira,
No ema estranjeiru nia oan sira sai barak iha sira-nia leet.
7 Sira-nia rai nakonu ho osan-mutin no osan-mean,
No sira-nia rikusoin barak toʼo labele sura.
Sira-nia rai nakonu ho kuda sira,
No sira iha kuda-karreta barak toʼo labele sura.+
8 Sira-nia rai nakonu ho maromak sira neʼebé folin-laek.+
Sira hakruʼuk ba buat neʼebé sira halo ho sira-nia liman,
Sin, sira hakruʼuk ba buat neʼebé sira halo ho sira-nia liman-fuan rasik.
9 Ema sira-neʼe hatún sira-nia an, hamoe sira-nia an,
No Ita-Boot labele fó perdua ba sira.
10 Imi povu hotu, tama ba fatuk-kuak no subar imi-nia an iha rai-rahun
Tanba Jeová nia hirus neʼebé hamosu taʼuk
No ninia glória neʼebé kmanek liu hotu.+
Jeová deʼit mak sei hetan hahiʼi iha loron neʼebá.
12 Tanba loron neʼe mak Jeová nian, Ida neʼebé ukun tropa lalehan nian.+
Loron neʼe sei toʼo ba ema hotu neʼebé loko an no foti an,
Ba ema-boot no ema kiʼik sira hotu,+
13 Loron neʼe sei toʼo ba ai-sedru hotu iha Líbanu neʼebé boot no kmanek
No mós ba ai-karvallu hotu iha Basan,
14 Loron neʼe sei toʼo ba foho aas hotu
No mós ba foho-oan hotu,
15 Loron neʼe sei toʼo ba uma aas* hotu no ba moru aas hotu neʼebé metin,
16 Loron neʼe sei toʼo ba ró Tarsis hotu*+
No mós ba ró hotu neʼebé folin-boot.
17 Nia sei hatún ema nia hahalok loko an,
No ema neʼebé foti an sei hakruʼuk.*
Jeová deʼit mak sei hetan hahiʼi iha loron neʼebá.
18 Maromak sira neʼebé folin-laek sei lakon mohu.+
19 Ema sei tama ba fatuk-kuak
No mós ba rai-kuak,+
Tanba Jeová nia hirus neʼebé hamosu taʼuk
No ninia glória neʼebé kmanek,+
Iha tempu neʼebé nia hamriik hodi halo rai sai nakdedar ho taʼuk.
20 Iha loron neʼebá, ema sei foti sira-nia maromak neʼebé folin-laek,
Maromak neʼebé sira halo husi osan-mutin no osan-mean hodi adora,
No soe buat sira-neʼe ba laho no niki,+
21 No ema sira-neʼe sei tama ba fatuk-kuak sira
No subar iha fatuk boot sira-nia leet,
Tanba Jeová nia hirus neʼebé hamosu taʼuk
No ninia glória neʼebé kmanek,
Bainhira nia hamriik hodi halo rai sai nakdedar ho taʼuk.
22 Atu imi bele hetan buat diʼak, keta tau fiar tan ba ema
Neʼebé dada iis ho sira-nia inus.
Sira bele lori buat diʼak saida ba imi?
3 Haree bá! Naʼi neʼebé loos, Jeová neʼebé ukun tropa lalehan nian,
Sei hasai buat oioin neʼebé apoia no ajuda Jeruzalein no Judá,
Nia sei la ajuda tan sira hodi fó paun no bee,+
2 La iha tan asuwaʼin no funu-naʼin,
Juís no profeta,+ siʼikdór no katuas,
3 Xefe,*+ ema-boot no konsellu-naʼin sira,
Ema neʼebé matenek atu halo masonik no ema neʼebé matenek atu uza biru.+
4 Haʼu sei halo labarik-mane sira sai sira-nia ulun-naʼin,
No ema neʼebé neon-namlele mak sei ukun sira.
5 Povu sei haterus malu,
Maluk sira sei hanehan malu.+
Labarik-mane sei ataka katuas,
No ema kiʼik sei kontra ema naran-boot.+
6 Sira ida-idak sei kaer metin sira-nia maun-alin iha sira-nia aman nia uma no dehan:
“Ó iha unuk, entaun ó tenke ukun ami.
Ukun fatin neʼe neʼebé rahun ona.”
7 Maibé iha loron neʼebá nia sei hatán:
“Haʼu sei la sai ema neʼebé kura imi-nia kanek;
La iha ai-han ka roupa iha haʼu-nia uma.
Keta foti haʼu nuʼudar ukun-naʼin ba povu neʼe.”
8 Jeruzalein sidi ona,
No Judá monu ona,
Tanba sira kontra Jeová ho sira-nia liafuan no hahalok;
Sira hatudu hahalok kontra iha Maromak neʼebé kmanek nia oin.+
9 Sira-nia oin rasik fó sasin hasoru sira,
No sira koʼalia nakloke kona-ba sira-nia sala hanesan ema Sodoma;+
Sira la koko atu subar sira-nia sala.
Susar ba sira, tanba sira lori ona terus ba sira-nia an rasik!
10 Fó-hatene ba ema laran-loos sira katak buat hotu sei sai diʼak ba sira;
11 Susar ba ema aat!
Terus sei kona sira,
Tanba buat neʼebé sira halo ona ba ema, ema sei halo fali ba sira!
12 Kona-ba haʼu-nia povu, sira-nia xefe fó-terus ba sira,
No feto mak ukun sira.
Haʼu-nia povu, imi-nia ulun-naʼin sira halo imi laʼo sala dalan,
No sira halo imi bilán kona-ba dalan neʼebé imi tenke laʼo.+
13 Jeová prontu ona atu tesi-lia;
Nia hamriik atu fó sai ninia desizaun ba povu.
14 Jeová sei tesi-lia ba katuas no ulun-naʼin sira husi ninia povu.
“Imi sunu ona toʼos-uvas,
No buat neʼebé imi naʼok husi ema kiak mak iha imi-nia uma.+
15 Tanbasá mak imi brani atu hanehan haʼu-nia povu
No hanehan ema kiak sira-nia oin ba rai-rahun?”+ Naʼi Ukun-Naʼin Boot Liu, Jeová neʼebé ukun tropa lalehan nian, mak dehan.
16 Jeová hatete: “Tanba Siaun nia oan-feto sira sai loko an,
Sira laʼo ho ulun foti saʼe,*
Sira piska matan no laʼo haksoit,
Hodi halo lian pulseira neʼebé iha sira-nia ain.
17 Jeová mós sei halo Siaun nia oan-feto sira-nia ulun hetan kanek oioin,
No Jeová sei halo sira-nia ulun molik.+
18 Iha loron neʼebá, Jeová sei hasai tiha sira-nia sasán murak hotu:
Kelu, bandalete, sasán furak neʼebé modelu hanesan fulan-lotuk,+
19 Brinkus, pulseira liman nian, veu,
20 Hena neʼebé kesi fuuk, pulseira ain nian, sintu furak,
Fatin mina-morin nian, biru,*
21 Kadeli iha liman, brinkus ba inus,
22 Roupa serimónia nian, unuk oioin, pasta kiʼik sira,
23 Espellu kiʼik,+ roupa husi hena-liñu,*
Turbante* no veu.
24 Sira-nia mina-bálsamu+ sei troka fali ho iis dois;
Sira-nia sintu sei troka fali ho tali;
Sira-nia fuuk kapás sei troka fali ho ulun-molik;+
Sira-nia roupa furak sei troka fali ho hena karón;*+
Sira-nia bonita sei troka fali ho fitar iha isin.*
25 Mane sira iha sidade neʼe sei mate ho surik,
No ninia asuwaʼin sira sei mate iha funu.+
4 Iha loron neʼebá, feto naʼin-hitu sei kaer metin mane ida,+ hodi dehan:
“Ami sei han ami-nia ai-han rasik
No uza ami-nia roupa rasik;
Maibé ami husu buat ida deʼit, husik ami lori Ita-nia naran
2 Iha loron neʼebá, ai-horis neʼebé Jeová halo moris husi rai sei sai furak no kmanek. Ema restu husi Izraél neʼebé la mate sei sente orgullu no haksolok tanba rai fó rezultadu.+ 3 Ema neʼebé hela iha Siaun, neʼe katak ema restu neʼebé hela iha Jeruzalein, sira hotu neʼebé naran hakerek ona atu moris iha Jeruzalein, sei hanaran nuʼudar santu.+
4 Bainhira Jeová hamoos tiha foʼer* husi Siaun nia oan-feto sira+ no solur tiha raan husi Jeruzalein nia leet ho forsa husi ninia tesi-lia no forsa neʼebé lakan,*+ 5 Jeová mós sei halo kalohan no suar durante loron no ahi lakan durante kalan hodi taka área Foho Siaun nian tomak no iha fatin ba reuniaun boot sira iha neʼebá;+ tanba sei iha mahon neʼebé taka buat hotu neʼebé iha glória. 6 No sei iha barraka atu fó mahon durante loron manas,+ no nuʼudar fatin seguru no fatin protesaun nian husi anin-fuik no udan.+
5 Favór ida, husik haʼu kanta ba haʼu-nia doben
Knananuk kona-ba ida neʼebé haʼu hadomi no ninia toʼos-uvas.+
Haʼu-nia doben iha toʼos-uvas ida iha foho-oan neʼebé buras.
2 Nia keʼe no hasai fatuk sira husi toʼos neʼe.
Nia kuda uvas mean nia hun neʼebé diʼak liu,
Nia harii uma aas* iha toʼos neʼe nia klaran,
No keʼe fatin sama uvas nian iha laran.+
Tuirmai nia hein namanas atu toʼos-uvas neʼe fó fuan diʼak,
Maibé uvas-fuan aat deʼit mak mosu.+
3 “Agora, imi ema Jeruzalein no ema Judá,
Favór ida, tesi-lia entre haʼu ho haʼu-nia toʼos-uvas.+
4 Haʼu halo ona buat hotu ba haʼu-nia toʼos-uvas,
Saida tan mak haʼu seidauk halo?+
Bainhira haʼu hein namanas ba uvas-fuan diʼak,
Tanbasá mak mosu deʼit uvas-fuan aat?
5 Agora haʼu sei fó-hatene ba imi
Saida mak haʼu sei halo ba haʼu-nia toʼos-uvas:
Haʼu sei hasai tiha ninia lutu,
No sunu tiha toʼos neʼe.+
Haʼu sei sobu ninia moru fatuk,
No ema sei sama toʼos neʼe.
6 Haʼu sei halo toʼos neʼe sai rai-fuik;+
Haʼu sei la aparu tan no mós sei la fila rai.
Neʼe sei sai nakonu ho ai-tarak no duʼut aat,+
No haʼu sei haruka kalohan sira atu labele hatún udan ba rai neʼe.+
7 Jeová neʼebé ukun tropa lalehan nian, ninia toʼos-uvas mak umakain Izraél;+
Ema Judá mak uvas-hun neʼebé nia gosta.
Nia hein katak sira hatudu justisa,+
Maibé justisa la iha;
Nia hein ba hahalok loos,
Maibé iha deʼit halerik ho triste.”+
8 Susar ba ema neʼebé hadau uma ida ba ida+
No sira neʼebé hadau toʼos ida ba ida+
Toʼo la iha tan fatin ida
No imi hela mesak deʼit iha rai neʼe!
9 Haʼu rona Jeová neʼebé ukun tropa lalehan nian, jura ona
Katak maski iha uma barak neʼebé boot no furak,
Maibé sira sei sai fatin neʼebé halo ema taʼuk,
No la iha ema ida mak sei hela.+
10 Toʼos-uvas ektare haat* sei fó deʼit tua-uvas litru 22,*
No fini trigu* nian omer isin ida* sei fó deʼit trigu efa isin ida.*+
11 Susar ba ema neʼebé hadeer sedu iha dadeer atu hemu tua,+
Sira neʼebé kontinua hemu toʼo kalan toʼo tua-uvas halo sira lanu!
12 Sira iha arpa no instrumentu ho talin,
Tamborín, flauta no tua-uvas iha sira-nia festa sira;
Maibé sira la hanoin buat neʼebé Jeová halo,
No sira la haree serbisu neʼebé nia halo ho ninia liman.
13 Tan neʼe, ema sei lori haʼu-nia povu nuʼudar dadur*
Tanba sira la iha koñesimentu kona-ba haʼu;+
Sira-nia ema-boot sira sei hamlaha,+
No sira-nia povu hotu sei terus tanba hamrook.
14 Nuneʼe rate* haluan ninia an
No loke ninia ibun luan toʼo la iha rohan;+
Sidade neʼe nia furak,* ninia ema-lubun neʼebé barullu no ninia ema neʼebé gosta halo festa
Sei tun duni ba rate laran.
15 Ema sei hakruʼuk,
Ema sei mout iha rai,
No ema neʼebé loko an sei hateke tun ho moe.
16 Jeová neʼebé ukun tropa lalehan nian sei hetan glória liuhusi ninia tesi-lia;*
Maromak neʼebé loos, Maromak neʼebé Santu,+ sei halo ninia an santu* liuhusi ninia hahalok loos.+
17 Bibi-malae oan sira sei han ho livre hanesan sira han iha rai neʼebé iha duʼut barak;
Ema estranjeiru sei han iha rai-fuik, fatin neʼebé uluk animál sira han toʼo bosu.
18 Susar ba ema neʼebé bosok! Ho sira-nia bosok, sira dada sira-nia sala
Hanesan animál dada karrosa ho tali;
19 Sira neʼebé dehan: “Husik Nia halo lalais ninia serbisu;
Husik ida-neʼe mai lalais atu ami bele haree.
20 Susar ba ema neʼebé dehan katak buat diʼak mak aat no buat aat mak diʼak,+
Sira neʼebé troka nakukun ho naroman no naroman ho nakukun,
Sira neʼebé troka moruk ho midar no midar ho moruk!
21 Susar ba ema neʼebé matenek tuir sira-nia hanoin rasik
No matenek tuir sira-nia haree rasik!+
22 Susar ba ema neʼebé hemu tua-uvas barak liu
No ba ema neʼebé matenek atu kahur tua oioin,+
23 Susar ba ema neʼebé husik livre ema aat tanba simu prezente+
No sira neʼebé la hatudu justisa ba ema laran-loos!+
24 Tan neʼe, sira sei lakon hanesan ahi han duʼut-kain
No hanesan ahi han mohu duʼut-maran,
Sira-nia abut sei sai dodok,
No sira-nia funan sei namkari tiha hanesan rai-uut,
Tanba sira la simu ukun-fuan* husi Jeová neʼebé ukun tropa lalehan nian
No la hatudu respeitu ba liafuan husi Izraél nia Maromak neʼebé Santu.+
25 Tan neʼe mak Jeová nia hirus lakan makaʼas hasoru ninia povu,
No nia sei lolo liman hasoru sira no fó kastigu ba sira.+
Foho sira sei nakdoko,
No sira-nia mate-isin sei sai hanesan foʼer iha dalan.+
Tan razaun neʼe, nia la hatún ninia hirus,
Maibé ninia liman sei lolo nafatin atu ataka.
26 Nia tau sinál* ba nasaun ida iha fatin dook;+
Nia hakfuʼik ona atu bolu sira mai husi rai neʼebé dook tebes;+
No haree bá! Sira mai lalais loos.+
27 La iha ema neʼebé kole ka sidi iha sira-nia leet.
No la iha ema ida mak matan todan ka dukur.
Sira la kore sintu iha sira-nia knotak,
Sira-nia sandálias talin mós la kotu.
28 Sira-nia rama-oan hotu kroʼat,
No sira dada ona rama.*
Sira-nia kuda nia ain-kukun toos hanesan fatuk-ahi,
No sira-nia roda hanesan anin-fuik.+
29 Sira hasai lian hanesan leaun;
Sira hasai lian hanesan leaun-aman.+
Sira sei hasai lian siʼak no kaer animál neʼebé sira atu han
No sira sei lori animál neʼe no la iha ema ida mak salva.
30 Iha loron neʼebá, sira sei hasai lian ba sira-nia vítima
Hanesan tarutu husi tasi nia laloran.+
Ema hotu neʼebé hateke ba rai neʼe sei haree nakukun neʼebé halo neon-susar;
No naroman mós sei sai nakukun tanba kalohan sira.+
6 Iha tinan neʼebé Liurai Uzias mate,+ haʼu haree Jeová tuur hela iha ninia kadunan neʼebé iha fatin aas tebes,+ no ninia unuk ninin halo nakonu templu. 2 Iha ninia leten iha serafín sira; sira ida-idak iha liras neen. Sira ida-idak taka sira-nia oin ho liras rua no taka sira-nia ain ho liras rua, no sira ida-idak semo bá-mai ho liras rua.
3 No sira hatete ba malu ho lian makaʼas, hodi dehan:
“Jeová neʼebé ukun tropa lalehan nian mak santu, santu, santu.+
Mundu tomak nakonu ho ninia glória.”
4 No odamatan nia riin sira nakdoko tanba lian hakilar neʼe,* no uma neʼe sai nakonu ho suar.+
5 Tuirmai haʼu dehan: “Susar ba haʼu!
Haʼu sei mate duni,*
Tanba haʼu mak mane ida neʼebé ibun la moos,
No haʼu hela entre povu neʼebé ibun la moos;+
Tanba haʼu-nia matan rasik haree ona Liurai Jeová neʼebé ukun tropa lalehan nian!”
6 Iha tempu neʼe, serafín ida semo mai haʼu. Ninia liman kaer besi-habit nian neʼebé iha ahi-klaak lakan+ neʼebé nia foti husi altár.+ 7 Nia kona haʼu-nia ibun ho ahi-klaak neʼe no dehan:
“Ida-neʼe kona ona ó-nia ibun.
Ó-nia sala hasai tiha ona,
No ó-nia sala hamoos tiha ona.”
8 Tuirmai haʼu rona Jeová nia lian, dehan: “Sé mak haʼu sei haruka? Sé mak sei lori ami-nia lia-menon?”+ Haʼu hatán: “Haʼu mak neʼe! Haruka haʼu bá!”+
9 No nia hatán: “Bá, hatete ba povu neʼe:
‘Imi sei rona beibeik,
Maibé imi sei la komprende;
Imi sei haree beibeik,
Maibé imi sei la hetan koñesimentu ida.’+
10 Halo povu neʼe nia laran sai toos,+
Taka sira-nia tilun,+
No taka sira-nia matan,
Atu nuneʼe sira labele haree ho sira-nia matan
No mós labele rona ho sira-nia tilun,
Atu nuneʼe sira-nia laran labele komprende
No sira labele fila fali ba haʼu atu hetan kura.”+
11 Ho ida-neʼe, haʼu husu: “Oh Jeová, toʼo bainhira?” Nia hatán:
“Toʼo sidade sira sai rahun ona no ema la hela tan iha sidade sira-neʼe nia laran
No uma sira sai mamuk deʼit
No rai neʼe estraga tiha no sai fuik ona;+
12 Toʼo Jeová duni sai ema ba fatin dook+
No rai neʼe sai mamuk ona.
13 “Maski nuneʼe, povu uitoan* sei hela nafatin, no ahi sei han fali rai neʼe. Povu hanesan ai-hun boot ida no hanesan ai-karvallu; kuandu tesi tiha, sira husik hela ninia hun, no ai-tubun* santu sei mosu mai husi hun neʼe.”
7 Iha tempu neʼebá Liurai Acaz+ mak ukun rai-Judá. Acaz mak Jotão nia oan-mane, Uzias nia bei-oan. Iha tempu neʼe, Liurai Rezin husi rai-Síria hamutuk ho Remalias nia oan-mane Liurai Peca,+ neʼebé ukun rai-Izraél, bá halo funu hasoru Jeruzalein, maibé sira* labele manán sidade neʼe.+ 2 Ema fó-hatene ba David nia umakain dehan: “Tropa Síria serbisu hamutuk ona ho tropa Efraim.”*
Entaun Acaz no ninia povu sai laran-nakdedar tebes, hanesan anin huu ai-hun sira iha ai-laran hodi halo nakdoko bá-mai.
3 Tuirmai Jeová hatete ba Isaias: “Favór ida, ó no ó-nia oan-mane Sear-Jasub,*+ bá hasoru Acaz iha bee-dalan nia rohan, bee-dalan neʼebé suli husi kolan* iha leten,+ besik dalan boot ba rai-luan neʼebé ema fase roupa. 4 Ó tenke dehan ba Acaz: ‘Hanoin didiʼak no sai kalma nafatin bá. Keta sai laran-triste, no keta taʼuk ba Liurai Rezin husi rai-Síria no Remalias nia oan-mane+ neʼebé hirus makaʼas tanba sira hanesan ai rohan rua neʼebé motuk ona. 5 Tanba Síria ho Efraim no Remalias nia oan-mane planu ona atu halo aat ba ó, hodi dehan: 6 “Mai ita saʼe bá hodi ataka Judá no sobu rahun* rai neʼe no manán rai neʼe,* no mai ita foti Tabeel nia oan-mane nuʼudar liurai ba rai neʼe.”+
7 “‘Jeová, Naʼi Ukun-Naʼin Boot Liu, dehan nuneʼe:
“Planu neʼe sei la hetan susesu,
No sei la akontese.
8 Tanba Síria nia ulun mak Damasku,
No Damasku nia ulun mak Rezin.
Iha tinan 65 nia laran
Efraim sei rahun tiha no la sai tan nuʼudar nasaun ida.+
Se ó-nia fiar la metin,
Ó-nia ukun sei la hamriik metin.”’”
10 Jeová hatutan tan ba Acaz, hodi dehan: 11 “Husu toʼok sinál ida husi Jeová, ó-nia Maromak.+ Ó bele husu buat neʼebé kleʼan hanesan rate* ka aas hanesan lalehan.” 12 Maibé Acaz hatete: “Haʼu sei la husu, no haʼu mós sei la koko Jeová.”
13 Tuirmai Isaias dehan: “Favór ida, rona bá, oh David nia umakain. La toʼo ba imi atu koko ema nia pasiénsia ka? Imi mós hakarak atu koko Maromak nia pasiénsia ka?+ 14 Tan neʼe, Jeová rasik sei fó sinál ida ba imi: Haree bá! Feto joven* ida sei sai isin-rua no tuur-ahi oan-mane ida,+ no nia sei hanaran oan neʼe Emanuel.*+ 15 Labarik-mane neʼe sei han manteiga no bani-been antes tempu neʼebé nia hatene oinsá atu la simu buat aat no hili buat diʼak. 16 Tanba antes labarik-mane neʼe hatene oinsá atu la simu buat aat no hili buat diʼak, rai husi liurai naʼin-rua neʼebé halo ó taʼuk tebes, ema sei husik tiha no sai mamuk.+ 17 Jeová sei lori tempu neʼebé susar hasoru ó, ó-nia povu no ó-nia aman nia umakain, susar boot neʼebé seidauk mosu husi loron neʼebé Efraim haketak an husi Judá,+ tanba Nia sei lori liurai Asíria mai.+
18 “Iha loron neʼebá, Jeová sei hakfuʼik hodi bolu lalar sira husi fatin dook iha Mota Nilo nia bee-dalan sira iha rai-Ejitu no bolu bani sira husi rai-Asíria, 19 no sira hotu sei mai no tuur iha rai naruk iha foho-leet* sira, iha fatuk boot sira-nia leet, iha ai-tarak hotu nia leten no iha fatin hotu neʼebé animál atu hemu bee.
20 “Iha loron neʼebá, liuhusi ema neʼebé serbisu hodi koi fuuk, neʼebé mai husi área Mota Eufrates,* katak liuhusi liurai Asíria,+ Jeová sei koi ó-nia ulun no ain-fulun, no mós sei koi hotu ó-nia hasarahun.
21 “Iha loron neʼebá, mane ida sei salva deʼit karau-inan ida husi karau-lubun no mós bibi-malae rua. 22 Iha loron neʼebá, sei iha susubeen barak, tan neʼe nia sei han beibeik manteiga. Ema restu hotu neʼebé moris hela iha rai neʼe sei han manteiga no bani-been.
23 “Iha loron neʼebá, fatin sira neʼebé uluk iha uvas-hun 1.000 neʼebé folin osan-mutin 1.000, sei iha deʼit ai-tarak no duʼut aat. 24 Ema sei bá neʼebá ho rama no rama-oan, tanba rai tomak sei sai nakonu ho ai-tarak no duʼut aat. 25 No foho hotu neʼebé uluk hamoos ho enxada, imi sei la laʼo besik tan tanba taʼuk ai-tarak no duʼut aat. Foho sira-neʼe hotu sei sai fatin ba karau no bibi-malae sira atu han duʼut.”
8 Jeová hatete ba haʼu: “Foti ai-kabelak boot+ no hakerek liafuan ‘Maer-Salal-Has-Baz’* iha ai neʼe nia leten hodi uza kaneta* baibain. 2 No haʼu hakarak sasin sira neʼebé laran-metin atu hakerek katak sira sai sasin bainhira dokumentu neʼe hakerek tiha, sasin sira-neʼe mak amlulik Urias+ no Jeberekias nia oan-mane Zacarias.”
3 Tuirmai haʼu halo relasaun ho* haʼu-nia feen neʼebé mós nuʼudar profeta, no nia sai isin-rua. Liutiha tempu balu, nia tuur-ahi oan-mane ida.+ Depois neʼe, Jeová dehan ba haʼu: “Hanaran labarik neʼe Maer-Salal-Has-Baz, 4 tanba antes labarik-mane neʼe hatene oinsá atu bolu: ‘Apá!’ no ‘Amá!’, ema sei lori sai tiha Damasku nia rikusoin no Samaria nia sasán ba liurai Asíria nia oin.”+
5 Dala ida tan Jeová koʼalia mai haʼu, hodi dehan:
6 “Povu neʼe la simu ona bee Siloa* nian neʼebé suli ho neineik+
No sira haksolok fali ho Rezin no Remalias nia oan-mane,+
7 Tan neʼe mak Jeová sei haruka liurai Asíria+
Hamutuk ho ninia glória hotu atu halo funu hasoru sira.
Nia sei mai ho ninia tropa neʼebé forte,
Nia sei mai lalais hanesan bee boot husi Mota Eufrates*
Neʼebé saʼe liu nia ninin sira,
8 No suli liuhusi rai-Judá.
Nia sei sai hanesan bee barak neʼebé suli makaʼas, no saʼe toʼo kakorok;+
Ninia liras sei loke atu taka hotu ó-nia rai tomak!”
9 Imi nasaun sira, halo aat bá, maibé imi sei lakon mohu.
Imi povu hotu husi fatin dook, rona bá!
Sai prontu bá atu funu,* maibé imi sei lakon mohu!+
Sai prontu bá atu funu, maibé imi sei lakon mohu!
10 Halo planu bá, maibé ida-neʼe sei sai runguranga!
11 Jeová nia liman neʼebé forte mak iha haʼu-nia leten, no nia fó avizu ba haʼu atu labele halo tuir povu neʼe, hodi dehan:
12 “Imi labele hatete: ‘Neʼe mak planu ida!’ bainhira povu sira-neʼe hatete: ‘Neʼe mak planu ida!’
Keta taʼuk ba buat neʼebé sira taʼuk;
Keta nakdedar kona-ba neʼe.
13 Jeová neʼebé ukun tropa lalehan nian mak Ida neʼebé imi tenke hafolin nuʼudar santu,+
Nia mak Ida neʼebé imi tenke hamtaʼuk,
No nia mak Ida neʼebé tenke halo imi nakdedar.”+
14 Nia sei sai nuʼudar fatin sagradu ida,
Maibé nia mós sei sai nuʼudar fatuk ida neʼebé halo sidi
No nuʼudar fatuk boot neʼebé halo monu+
Izraél nia umakain rua;
Nia sei sai nuʼudar rai-kuak no lasu
Ba ema neʼebé hela iha Jeruzalein.
15 Sira barak sei sidi, monu no rahun;
Ema sei lasu no kaer sira.
16 Taka tiha surat-tahan lulun neʼebé hakerek ona liafuan sira;*
Tau selus* ba ukun-fuan* no rai hela iha haʼu-nia dixípulu nia leet!
17 Haʼu sei hein nafatin* ba Jeová,+ neʼebé subar nia oin husi Jacob nia umakain,+ no haʼu sei tau esperansa ba nia.
18 Haree bá! Haʼu iha neʼe hamutuk ho oan sira neʼebé Jeová fó ona ba haʼu.+ Ami mak sinál+ no milagre sira iha Izraél husi Jeová neʼebé ukun tropa lalehan nian, neʼebé hela iha Foho Siaun.
19 Se sira dehan ba imi: “Buka toʼok matadalan husi ema neʼebé koko atu koʼalia ba ema mate ka ema neʼebé siʼik futuru neʼebé koʼalia ho lian neineik no bisubisu”, entaun imi tenke halo tuir ka? Povu sira tenke husu ba ema mate kona-ba ema moris ka?+ Loloos, povu tenke husu ba sira-nia Maromak rasik. 20 Sira tenke buka konsellu husi ukun-fuan no liafuan seluk* neʼebé hakerek tiha ona!
Bainhira sira la koʼalia tuir ninia liafuan, sira sei la haree naroman.*+ 21 Ema ida-idak sei laʼo liu rai neʼe ho susar no hamlaha.+ Sira sei koʼalia aat sira-nia liurai no sira-nia Maromak nuʼudar sira hateke ba leten tanba hamlaha no hirus. 22 Tuirmai sira sei hateke ba rai no haree deʼit terus no nakukun, la iha esperansa no moris susar, nakukun loos no la iha naroman.
9 Maski nuneʼe, nakukun neʼe sei la hanesan tempu uluk bainhira ema hakribi rai-Zebulão no rai-Naftali, bainhira rai sira-neʼe hetan susar.+ Maibé ikusmai, Nia sei fó glória ba dalan tasi nian, iha área Mota Jordaun, Galileia nasaun sira-nian.
2 Ema neʼebé uluk laʼo iha nakukun laran
Haree ona naroman boot ida.
3 Ita halo ona nasaun neʼe nia povu sai barak,
Ita halo ona nasaun neʼe haksolok boot.
Sira haksolok iha Ita-nia oin
Hanesan ema haksolok iha tempu koʼa nian,
Hanesan sira neʼebé haksolok hodi fahe sasán neʼebé sira hadau husi funu.
4 Tanba Ita harahun ona ai-leba neʼebé sira uza atu lori naha todan,
Harahun rota neʼebé uza atu baku sira-nia kabaas, sira-nia xefe nia rota,
Hanesan loron neʼebé ema Midian lakon funu.+
5 Ahi sei han tropa nia botas hotu neʼebé halo rai nakdoko bainhira sira marxa
No han roupa hotu neʼebé nakonu ho raan.
Ninia naran sei bolu nuʼudar Konsellu-Naʼin neʼebé Kmanek,+ Maromak Kbiit Boot,+ Aman Rohan-Laek, Ulun-Naʼin Dame nian.
7 Ninia ukun* sei aumenta ba nafatin
No dame sei la iha rohan.+
Nia sei tuur iha David nia kadunan+ no simu ninia ukun
Nia sei harii metin+ no halo ukun neʼe sai forte
Liuhusi justisa+ no hahalok loos,+
Husi agora no ba nafatin.
Jeová neʼebé ukun tropa lalehan nian mak sei halo ida-neʼe ho laran-manas.
8 Jeová haruka lia-menon atu fó avizu ba Jacob,
No lia-menon neʼe mós ba Izraél.+
9 Povu hotu sei hatene ida-neʼe,
Katak ema Efraim no ema Samaria,
Neʼebé koʼalia ho loko an no ho laran-toos, hodi dehan:
Ai-sikómoru* tesi tiha ona,
Maibé ami sei troka fali sira ho ai-sedru.”
11 Jeová sei halo Rezin nia inimigu atu kontra nia
No sei halo Izraél nia inimigu atu ataka nia,
12 Síria sei mai husi parte leste no ema Filístia sei mai husi parte oeste,*+
Sira sei tolan Izraél ho ibun nakloke.+
Tan razaun neʼe, nia la hatún ninia hirus,
Maibé ninia liman sei lolo nafatin atu ataka.+
13 Tanba povu neʼe seidauk fila fali ba Ida neʼebé baku sira;
Sira seidauk buka Jeová neʼebé ukun tropa lalehan nian.+
15 Katuas no ema naran-boot sira mak ulun,
No profeta sira neʼebé fó hanorin falsu mak ikun.+
16 Sira neʼebé dirije povu neʼe halo povu laʼo-lemo,
No sira neʼebé simu matadalan sai bilán.
17 Tan neʼe mak Jeová sei la haksolok ho sira-nia mane joven sira,
No nia sei la hatudu laran-sadiʼa ba oan-kiak* no feto-faluk
Tanba sira hotu fila kotuk ba nia* no halo hahalok aat+
No sira ida-idak nia ibun koʼalia buat neʼebé beik.
Tan razaun neʼe, nia la hatún ninia hirus,
Maibé ninia liman sei lolo nafatin atu ataka.+
18 Tanba hahalok aat mak hanesan ahi
Neʼebé han ai-tarak no duʼut aat sira.
Ida-neʼe sei sunu ai-horis sira iha ai-laran,
No suar neʼebé saʼe makaʼas mak sei lori lakon sira.
19 Tanba Jeová neʼebé ukun tropa lalehan nian sai hirus,
Ahi han rai neʼe,
No povu sei sai hanesan ai neʼebé ahi han.
La iha ema ida mak sei hanoin ninia maun-alin.
20 Ema sei koʼa sira-nia isin parte sorin loos
Maibé sei hamlaha nafatin;
No ema sei han sira-nia isin parte sorin karuk
Maibé la sai bosu.
Ema ida-idak sei han sira-nia liman rasik,
21 Manasés sei han Efraim,
No Efraim sei han Manasés.
Sira rua hamutuk sei kontra Judá.+
Tan razaun neʼe, nia la hatún ninia hirus,
Maibé ninia liman sei lolo nafatin atu ataka.+
10 Susar ba ema neʼebé halo lei neʼebé aat,+
Sira neʼebé sempre hakerek ukun-fuan neʼebé hanehan ema,
2 Hodi bele nega ema kiak nia direitu,
Hodi hanetik justisa husi ema kiʼik sira iha haʼu-nia povu nia leet,+
Hodi hadau feto-faluk nia sasán
4 Imi sei la halo buat seluk, só hakruʼuk deʼit iha ema dadur nia leet
Ka monu hamutuk ho sira neʼebé ema oho.
Tan razaun neʼe, nia la hatún ninia hirus,
Maibé ninia liman sei lolo nafatin atu ataka.+
5 “Haree bá! Ema Asíria+
Mak rota atu hatudu sai haʼu-nia hirus+
No haʼu sei uza ai-tonka iha ninia liman atu fó kastigu!
6 Haʼu sei haruka nia atu kontra nasaun ida neʼebé fila kotuk ona ba haʼu,*+
Kontra povu neʼebé halo haʼu hirus,
Haʼu sei haruka nia atu hadau rikusoin no foti sasán barak
No atu sama sira hanesan sama tahu iha dalan.+
7 Maibé nia lakohi halo nuneʼe
No nia la planu atu halo nuneʼe,
Tanba nia hakarak tebes atu harahun
No halakon nasaun barak, laʼós balu deʼit.
8 Nia dehan:
‘Haʼu-nia ulun-naʼin hotu mós nuʼudar liurai, loos ka lae?+
9 Sidade Kalno+ mak hanesan deʼit ho Karkemis,+ loos ka lae?
Sidade Hamat+ mak hanesan deʼit ho Arpad,+ loos ka lae?
Sidade Samaria+ mak hanesan deʼit ho Damasku,+ loos ka lae?
10 Haʼu-nia liman hadau ona nasaun sira neʼebé adora maromak folin-laek sira,
Neʼebé iha estátua barak liu fali estátua iha Jeruzalein no Samaria!+
11 Haʼu mós sei halo ba Jeruzalein no ninia estátua* sira
Hanesan haʼu halo ona ba Samaria no ninia maromak sira neʼebé folin-laek.’+
12 “Bainhira Jeová halo hotu ona ninia serbisu iha Foho Siaun no iha Jeruzalein, Nia* sei fó kastigu ba liurai Asíria tanba ninia laran-toos no ninia matan neʼebé hateke ho foti an no loko an.+ 13 Tanba nia dehan:
‘Haʼu sei halo neʼe ho kbiit husi haʼu-nia liman
No ho haʼu-nia matenek, tanba haʼu mak ema matenek.
Haʼu sei hasai tiha nasaun sira-nia fronteira+
No hadau sira-nia rikusoin,+
No hanesan asuwaʼin ida, haʼu sei domina povu sira-neʼe.+
14 Hanesan mane neʼebé lolo liman ba manu nia knuuk,
Haʼu-nia liman sei kaer nasaun sira-nia rikusoin;
No hanesan ema ida halibur manu-tolun neʼebé husik hela,
Haʼu sei halibur mundu tomak!
La iha tan ema ida mak sei loke ninia liras ka loke ninia ibun ka hakfuʼik.’”
15 Baliu bele foti an aas liu fali ema neʼebé uza nia ka?
Kadoo bele foti an aas liu fali ema neʼebé uza nia ka?
Ai-tonka+ bele kontrola fali ema neʼebé hiʼit saʼe nia ka?
No rota bele hiʼit saʼe ema neʼebé kaer nia ka?
16 Tan neʼe, Naʼi neʼebé loos, Jeová neʼebé ukun tropa lalehan nian,
Sei halo krekas ninia* ema sira neʼebé bokur,+
No iha ninia glória okos nia sei hamosu ahi-lakan boot.+
17 Izraél nia Naroman+ sei sai nuʼudar ahi,+
No Izraél nia Maromak neʼebé Santu sei sai ahi-lakan;
Neʼe sei lakan boot hodi han tiha ninia* duʼut aat sira no ninia ai-tarak sira iha loron ida deʼit.
18 Nia sei halakon hotu glória husi ninia ai-laran no husi ninia toʼos ai-fuan nian;
Ida-neʼe sei sai hanesan ema moras neʼebé atu mate.+
19 Ai-hun sira neʼebé restu iha ninia ai-laran
Sei sai uitoan deʼit toʼo labarik ida bele sura sira.
20 Iha loron neʼebá ema Izraél neʼebé restu
No ema husi Jacob nia umakain neʼebé la mate
Sei la sadere tan ba ema neʼebé ataka sira,+
Maibé sira sei sadere ba Jeová,
Izraél nia Maromak neʼebé Santu, ho laran-metin.
21 Ema uitoan deʼit mak sei fila fali,
Ema uitoan deʼit husi Jacob nia bei-oan sira sei fila ba Maromak neʼebé Forte.+
22 Oh Izraél, maski ó-nia povu
Mak barak hanesan rai-henek iha tasi,
Maibé ema uitoan deʼit mak sei fila fali.+
23 Sin, Naʼi Ukun-Naʼin Boot Liu, Jeová neʼebé ukun tropa lalehan nian, deside ona atu halakon povu neʼe,
No nia sei kumpre ida-neʼe iha rai tomak.+
24 Tan neʼe, Naʼi Ukun-Naʼin Boot Liu, Jeová neʼebé ukun tropa lalehan nian, dehan nuneʼe: “Oh haʼu-nia povu neʼebé hela iha Siaun, imi keta taʼuk tanba ema Asíria neʼebé uluk ataka imi ho rota,+ no hiʼit saʼe ninia ai-tonka hasoru imi hanesan uluk rai-Ejitu halo.+ 25 Tanba hela tempu uitoan tan kastigu neʼe sei remata; no haʼu-nia hirus sei hasoru fali sira atu halakon sira.+ 26 Jeová neʼebé ukun tropa lalehan nian sei baku sira ho xikote,+ hanesan nia halo bainhira nia manán ema Midian besik fatuk Oreb.+ Nia sei lolo ninia ai-tonka iha tasi leten, no hiʼit saʼe ninia ai-tonka hanesan uluk nia halo ba rai-Ejitu.+
27 Iha loron neʼebá nia sei hasai tiha ninia naha todan husi imi-nia kabaas,+
No nia sei hasai ai-leba husi imi-nia kabaas,+
No ai-leba neʼe sei tohar+ tanba mina.”
29 Sira liu ona fatin atu hakur mota,
Sira toba kalan ida iha Geba;+
30 Oh Galim nia oan-feto, hasai lian no hakilar bá!
Rona bá, oh Laísa!
Oh kuitadu Anatot!+
31 Madmena halai ona.
Ema Gebim buka subar-fatin.
32 Iha loron neʼe duni mak nia sei para iha Nob.+
Nia sei kumu liman hodi doko ba ema neʼebé hela iha sidade Siaun,*
Foho-oan iha Jeruzalein.
33 Haree bá! Naʼi neʼebé loos, Jeová neʼebé ukun tropa lalehan nian,
Mak tesi sai tiha ai-sanak sira ho tarutu boot;+
Ai-hun sira neʼebé aas liu hotu tesi tiha ona,
No nia hatún sira neʼebé aas.
34 Nia sei tesi ai-horis iha ai-laran ho baliu,
No Líbanu sei monu tanba asuwaʼin ida.
11 Sanak ida+ sei moris husi Jessé nia ai-hun neʼebé tesi ona,+
No ai-tubun ida+ neʼebé moris husi ninia abut sei fó fuan.
2 Jeová nia espíritu sei tun ba nia,*+
Tan neʼe mak nia sei hatudu matenek+ no komprende ho didiʼak,
Nia sei fó konsellu diʼak no nia forte loos,+
Nia sei iha koñesimentu barak no hamtaʼuk Jeová.
3 No nia sei haksolok hodi hamtaʼuk Jeová.+
Nia sei la tesi-lia tuir deʼit buat neʼebé ninia matan haree,
No nia sei la fó dixiplina tuir deʼit buat neʼebé ninia tilun rona.+
4 Nia sei tesi-lia ba ema kiʼik sira ho loloos,*
No ho laran-loos nia sei fó dixiplina ba ema hodi apoia ema laran-maus sira iha rai.
5 Hahalok loos no laran-metin
Mak hanesan sintu iha ninia knotak.+
6 Asu-lobu* sei hela hamutuk ho bibi-malae oan ba tempu balu,+
Leopardu sei toba iha bibi-timur oan nia sorin,
No leaun-aman ho karau-oan no animál bokur sira sei hela hamutuk;*+
No labarik-mane ida mak sei lori sira.
7 Karau no ursu sei han hamutuk,
No sira-nia oan sei toba hamutuk.
Leaun sei han duʼut-maran hanesan karau.+
8 Labarik neʼebé susu hela sei halimar iha samea-kobra nia kuak leten,
No labarik neʼebé foin haketak susu sei tau ninia liman ba samea venenu nia kuak.
9 Sira sei la halo buat aat ida+
No mós la estraga buat ida iha haʼu-nia foho santu tomak,+
Tanba mundu tomak sei nakonu ho koñesimentu kona-ba Jeová
Hanesan bee taka tasi tomak.+
10 Iha loron neʼebá, Jessé nia abut+ sei hamriik nuʼudar sinál* ba povu.+
11 Iha loron neʼebá Jeová sei lolo tan ninia liman ba dala segundu hodi halibur fali ninia povu restu husi rai sira hanesan Asíria,+ Ejitu,+ Patros,+ Kus,+ Elam,+ Sinear,* Hamat no illa sira iha tasi.+ 12 Nia sei tau sinál* ida ba nasaun sira no halibur ema Izraél sira neʼebé namkari,+ no nia sei halibur hamutuk ema Judá sira neʼebé hela namkari iha rai nia lidun haat.+
13 Efraim nia laran-moras sei lakon,+
No sira neʼebé odi Judá sei lakon mohu.
Efraim sei la laran-moras ba Judá,
No Judá mós sei la odi Efraim.+
14 No sira sei tun lalais ba foho-lolon* Filístia nian, ba parte oeste;
Sira sei hamutuk hodi hadau povu iha área Leste nia sasán.
Nia sei baku mota sanak hitu* ho iis* manas neʼebé nia huu sai,
No nia sei haruka povu sira hakur mota neʼe ho sira-nia sandálias.
16 No sei iha estrada boot+ ba ninia povu restu hodi sai husi rai-Asíria,+
Hanesan uluk iha dalan ba ema Izraél iha loron neʼebé sira sai husi rai-Ejitu.
12 Iha loron neʼebá, ó sei dehan duni:
“Oh Jeová, obrigadu barak,
Tanba maski Ita sai hirus ba haʼu,
Maibé Ita hatún Ita-nia hirus neineik-neineik, no Ita fó kmaan ba haʼu.+
2 Haree bá! Maromak mak haʼu-nia salvasaun.+
Haʼu sei fiar nia no la sente taʼuk;+
Tanba Jah* Jeová mak haʼu-nia kbiit no haʼu-nia forsa,
No nia sai ona haʼu-nia salvasaun.”+
3 Ho ksolok ó sei kuru bee
Husi bee-matan salvasaun nian.+
4 Iha loron neʼebá ó sei dehan:
“Fó agradese ba Jeová, bolu ninia naran,
Fó sai ninia hahalok sira iha povu nia leet!+
Haklaken katak ninia naran deʼit mak aas liu.+
5 Kanta knananuk hahiʼi nian* ba Jeová,+ tanba nia halo ona buat furak oioin.+
Fó sai neʼe iha mundu tomak.
6 Hasai lian no haklalak ho haksolok bá, imi neʼebé hela iha Siaun,*
Tanba Izraél nia Maromak neʼebé Santu mak boot tebes iha imi-nia leet.”
13 Tuirmai neʼe mak liafuan kastigu nian kona-ba Babilónia+ neʼebé Amoz nia oan-mane Isaias+ haree iha vizaun ida:
2 “Tau sinál*+ iha foho ida neʼebé iha fatuk deʼit.
Hakilar ba sira, fó sinál ho liman hodi bolu sira,
Atu nuneʼe sira bele mai iha ema-boot sira-nia portaun.
3 Haʼu fó sai ona mandamentu ba sira neʼebé haʼu hili.*+
Haʼu bolu ona haʼu-nia funu-naʼin sira atu hatudu sai haʼu-nia hirus,
Sira haksolok no foti an.
4 Rona bá! Ema-lubun mak iha foho sira;
Sira halo lian barullu hanesan ema barak!
Rona bá! Barullu husi povu no nasaun sira,
Husi nasaun sira neʼebé halibur hamutuk!+
Jeová neʼebé ukun tropa lalehan nian mak halibur tropa sira atu halo funu.+
5 Sira mai husi rai neʼebé dook,+
Husi rai neʼebé dook liu iha lalehan okos,
Jeová no armas neʼebé nia uza atu hatudu sai ninia hirus
Sei mai atu harahun mundu tomak.+
6 Tanis bá, tanba Jeová nia loron besik ona!
Maromak neʼebé Kbiit Boot Liu Hotu sei halakon buat hotu iha imi-nia rai.+
8 Povu sei sai taʼuk tebes.+
Sira sai neon-susar no sente moras
Hanesan feto neʼebé atu tuur-ahi.
Sira sei hateke malu ho taʼuk,
Ho oin mean tanba laran-taridu.
9 Haree bá! Jeová nia loron mai daudaun,
Ho hirus makaʼas no laran-nakali,
Atu halo rai neʼe sai fatin neʼebé halo ema hakfodak,+
No atu halakon ema neʼebé halo sala husi rai neʼe.
10 Tanba fitun sira iha lalehan no fitun-lubun sira+
Sei la fó naroman;
Bainhira loro-matan saʼe, nia sei sai nakukun kedas,
No fulan mós sei la fó naroman.
11 Haʼu fó kastigu ba ema hotu iha mundu tanba sira-nia hahalok aat,+
No ema aat sira sei hetan kastigu tanba sira-nia sala.
Haʼu sei hapara ema ulun-toos nia hahalok foti an,*
No haʼu sei hamoe ulun-naʼin aat neʼebé loko an.+
13 Tan neʼe mak haʼu sei halo lalehan nakdedar,
No rai sei nakdoko hodi sai husi ninia fatin+
Tanba laran-nakali husi Jeová neʼebé ukun tropa lalehan nian, iha loron neʼebé nia hirus makaʼas.
14 Hanesan bibi-rusa gazela neʼebé ema kasa no hanesan bibi-lubun neʼebé la iha bibi-atan,
Sira ida-idak sei fila fali ba sira-nia povu rasik;
Sira ida-idak sei halai ba sira-nia rai rasik.+
15 Ema sei buka-hetan sira no sona borus sira,
Ema sei kaer toman sira no oho sira ho surik.+
16 Ema sei harahun sira-nia oan ba pedasuk iha sira-nia oin,+
Ema sei foti hotu sasán iha sira-nia uma,
No estraga sira-nia feen.
17 Haʼu sei uza ema Média atu kontra hasoru sira.+
Ema Média sira-neʼe haree osan-mutin nuʼudar buat neʼebé folin-laek
No la gosta osan-mean.
18 Sira-nia rama sei harahun mane joven sira;+
Sira sei la hanoin sira-nia oan,
Sira mós sei la hatudu laran-sadiʼa ba labarik sira.
19 No Babilónia, neʼebé kmanek liu nasaun sira hotu,*+
Ema Kaldeia nia sidade neʼebé furak no halo sira sente orgullu+
Sei sai hanesan Sodoma no Gomorra neʼebé Maromak halakon tiha ona.+
20 Ema sei nunka hela tan iha Babilónia,
No sidade neʼe sei nunka sai ema nia hela-fatin husi jerasaun ba jerasaun.+
Ema Arábia sei la harii tenda iha neʼebá,
No bibi-atan mós sei la husik sira-nia bibi-lubun atu deskansa iha neʼebá.
21 Animál husi rai-fuik maran mak sei latan iha neʼebá;
Ema nia uma sei sai nakonu ho manu-kakuuk.
22 Animál sira sei hakilar iha Babilónia nia uma aas* sira,
No asu-xakál sei hatenu iha ninia palásiu neʼebé furak.
Ninia tempu besik ona, no ninia loron sira sei la hanaruk tan.”+
14 Tanba Jeová sei hatudu laran-sadiʼa ba Jacob,+ no nia sei hili fali Izraél.+ Nia sei halo sira hela fali* iha sira-nia rai,+ no ema estranjeiru sei hamutuk ho sira no hela hamutuk ho Jacob nia umakain.+ 2 No povu husi nasaun sira seluk sei lori sira fila fali ba sira-nia fatin rasik, no sira sei sai umakain Izraél nian nuʼudar atan-mane no atan-feto+ iha Jeová nia rai; no sira sei halo dadur ema neʼebé uluk halo sira sai dadur, no sei domina ema neʼebé uluk obriga sira atu halo serbisu.
3 Bainhira Jeová halo ó deskansa husi ó-nia moras no ó-nia terus no ó-nia situasaun nuʼudar atan neʼebé susar loos,+ 4 ó sei temi lia-dadolin* tuirmai neʼe hasoru liurai Babilónia, hodi dehan:
“Ida neʼebé obriga ema seluk atu serbisu lakon ona!
Ida neʼebé hanehan ema lakon ona!+
5 Jeová halo tohar ona ema aat nia rota,
Ukun-naʼin nia rota,+
6 Ida neʼebé ho hirus kontinua baku povu sira,+
Ida neʼebé ho laran-nakali domina no haterus beibeik nasaun sira.+
7 Mundu tomak agora hakmatek ona, la iha ona susar.
Povu haklalak ho haksolok.+
8 Ai-juníperu hamutuk ho ai-sedru husi Líbanu mós haksolok
Tanba buat neʼebé akontese ba ó.
Sira hatete: ‘Husi tempu neʼebé ó monu,
Ema neʼebé tesi ai la mai ona atu tesi ami.’
9 Rate* iha rai okos mós hakfodak
Atu hasoru ó bainhira ó toʼo neʼebá.
Tanba ó, rate sei fanu sira neʼebé mate ona no kbiit-laek.
Ema sira-neʼe mak ulun-naʼin* hotu iha rai neʼebé hanehan ema.
Rate halo nasaun sira-nia liurai hotu hamriik husi sira-nia kadunan.
10 Sira hotu sei dehan ba ó:
‘Ó mós sai fraku hanesan ami ka?
Ó sai ona hanesan ami ka?
Ular-oan sira mak sai hanesan ó-nia toba-fatin,
No ular kiʼik sira mak sai hanesan ó-nia manta.’
12 Oh ida neʼebé nabilan, rai naroman nia oan-mane,
Ó monu ona husi lalehan!
Ó neʼebé halakon nasaun sira,+
Ó monu tun ona toʼo rai!
13 Ó hanoin iha ó-nia laran: ‘Haʼu sei saʼe toʼo lalehan.+
Iha Maromak nia fitun sira-nia leten mak haʼu hiʼit saʼe haʼu-nia kadunan,+
No haʼu sei tuur iha foho reuniaun nian,
Iha fatin dook liu iha parte norte.+
14 Haʼu sei saʼe aas liu kalohan;
Haʼu sei halo haʼu-nia an hanesan Maromak neʼebé Aas Liu Hotu.’
15 Maibé, ó sei tun toʼo rate,*
Toʼo rai-kuak neʼebé kleʼan liu.
16 Ema neʼebé haree sei hateke ba ó;
Sira sei buka-hatene didiʼak kona-ba ó, hodi dehan:
‘Neʼe mak mane neʼebé uluk halo rai nakdoko,
No halo povu husi nasaun barak nakdedar, loos ka lae?+
17 Neʼe mak mane neʼebé uluk halo rai tomak sai hanesan rai-fuik
No harahun sidade sira,+
No la husik ninia ema dadur sira atu fila ba uma, loos ka lae?’+
18 Liurai hotu husi nasaun seluk,
Sin, sira hotu, sei hakoi tiha ho glória,
Sira ida-idak iha sira-nia rate* rasik.
19 Maibé ema sei soe deʼit ó-nia mate-isin no ó sei la iha rate,
Hanesan ai-tubun* neʼebé ema hakribi,
Mate-isin sira neʼebé sona ho surik mak taka ó,
Ema soe sira ba rai-kuak neʼebé nakonu ho fatuk kiʼik,
Ó hanesan mate-isin neʼebé ema sama.
20 Ema sei la hakoi ó hamutuk ho liurai sira iha rate,
Tanba ó estraga ona ó-nia rai rasik,
Ó oho ona ó-nia povu rasik.
Ema sei la temi tan ema aat nia bei-oan sira-nia naran.
21 Prepara an bá atu oho ninia oan-mane sira
Tanba sira-nia beiʼala nia sala,
Atu nuneʼe sira sei la hamriik tan no domina mundu tomak
No halo nakonu rai ho sira-nia sidade sira.”
22 Jeová neʼebé ukun tropa lalehan nian, dehan: “Haʼu sei hamriik hodi kontra sira.”+
Jeová dehan: “Haʼu sei halakon Babilónia nia naran, ninia ema restu, bei-oan no jerasaun hotu.”+
23 Jeová neʼebé ukun tropa lalehan nian, dehan: “Haʼu sei halo Babilónia sai fatin ba porku-espiñu no área neʼebé nakonu ho bee-lihun, no haʼu sei dasa nia ho ai-saar halakon nian.”+
24 Jeová neʼebé ukun tropa lalehan nian jura ona, hodi dehan:
“Ida-neʼe sei akontese tuir haʼu-nia hakarak,
Ida-neʼe sei sai loos tuir desizaun neʼebé haʼu halo ona.
25 Haʼu sei harahun ema Asíria iha haʼu-nia rai,
No haʼu sei sama nia iha haʼu-nia foho sira.+
Haʼu sei hasai tiha ninia ai-leba husi haʼu-nia povu,
No haʼu sei hasai tiha ninia naha husi sira-nia kabaas.”+
26 Neʼe mak buat neʼebé deside ona hasoru mundu tomak,
No neʼe mak liman neʼebé lolo tiha ona hasoru* nasaun hotu.
27 Jeová neʼebé ukun tropa lalehan nian deside tiha ona,
Sé mak bele hanetik desizaun neʼe?+
Nia lolo tiha ona ninia liman,
Sé mak bele dada fali ninia liman?+
28 Iha tinan neʼebé Liurai Acaz mate,+ Maromak haruka mensajen tuirmai neʼe:
29 “Oh ema Filístia, imi ida mós labele haksolok,
Keta haksolok tan deʼit ai-tonka neʼebé ema uza atu baku imi tohar ona.
Tanba husi samea nia jerasaun+ sei mosu samea venenu,+
No ninia oan mak samea venenu neʼebé ataka lalais hanesan semo deʼit.
30 Ema kiʼik nia oan primeiru sei han toʼo bosu
No ema kiak sei toba ho hakmatek,
Maibé haʼu sei halo imi-nia família sira mate hamlaha,
No imi neʼebé restu sei oho tiha.+
31 Oh portaun, lelir bá! Oh sidade, tanis makaʼas bá!
Oh ema Filístia, imi hotu sei lakon aten-brani!
Tanba suar mai daudaun husi parte norte,
No husi imi-nia inimigu nia tropa sira, la iha ida mak laʼo neineik.”
32 Oinsá mak sira sei hatán ba ema neʼebé lori lia-menon husi nasaun neʼe?
Sira sei hatán katak Jeová harii ona sidade Siaun nia hun,+
No katak ema kiʼik sira iha ninia povu nia leet sei hetan protesaun iha Siaun.
15 Tuirmai neʼe mak liafuan kastigu nian kona-ba Moab:+
Ar+ iha Moab nonook ona
Tanba sidade neʼe halakon tiha ona iha kalan ida.
Kir+ iha Moab nonook ona
Tanba sidade neʼe halakon tiha ona iha kalan ida.
Moab tanis kona-ba Nebo+ no Medeba.+
Ema hotu koi molik sira-nia ulun+ no tesi ona sira-nia hasarahun.+
3 Sira hatais hena karón* iha Moab nia dalan sira.
Sira hotu halerik iha sira-nia uma-leten no iha fatin públiku;
No sira tanis bainhira sira laʼo tun.+
Tan neʼe mak Moab nia tropa kontinua hakilar.
Moab sai nakdedar.
5 Haʼu tanis tanba Moab.
Ninia refujiadu sira halai toʼo Zoar+ no Eglat-Selisia.+
Sira tanis bainhira sira laʼo saʼe ba Luíte;
Sira tanis bainhira sira laʼo ba Horonaim tanba susar neʼebé mosu.+
6 Tanba bee Ninrim nian mamuk ona;
Duʼut matak sira maran ona,
Duʼut hotu mate ona no la iha tan ai-horis matak ida.
7 Tan neʼe mak sira lori buat restu husi sira-nia armazén no mós lori sira-nia rikusoin;
Sira hakat liu mota* ai-koupos nian.
8 Sira-nia lian tanis toʼo iha Moab nia área tomak,+
No lian halerik neʼe toʼo Eglaim,
No lelir neʼe toʼo Beer-Elim,
9 Tanba bee Dimon nian nakonu ho raan,
No haʼu sei halo buat seluk tan ba Dimon.
Haʼu sei halo leaun ataka sira neʼebé halai husi Moab
No ema restu sira neʼebé sei hela iha rai neʼe.+
16 Haruka bibi-malae aman ida ba ukun-naʼin iha rai neʼe,
Haruka bibi neʼe husi Sela liuhusi rai-fuik
Hodi bá sidade Siaun* nia foho.
2 Iha fatin atu hakur Mota Arnon,+
Ema Moab sei sai hanesan manu ida neʼebé ema duni sai tiha husi ninia knuuk.+
3 “Fó konsellu, no halo tuir ó-nia desizaun bá.
Iha meiudia, fó mahon ho lalatak neʼebé nakukun hanesan iha kalan.
Subar ema neʼebé halai namkari no keta entrega fali sira neʼebé halai.
4 Oh Moab, husik haʼu-nia povu neʼebé halai namkari atu hela iha ó-nia leet.
Sai nuʼudar subar-fatin ba sira husi ida neʼebé iha kbiit atu halakon.+
Ida neʼebé siʼak no hanehan ema seluk sei mate,
No tempu harahun nian sei remata,
No sira neʼebé sama ema seluk sei lakon husi rai.
5 Tuirmai Maromak sei harii metin kadunan ida ho hahalok domin neʼebé laran-metin.
Ukun-naʼin neʼebé tuur iha kadunan iha David nia tenda sei hatudu laran-metin;+
Nia sei tesi-lia ho loloos no sei lalais atu halaʼo justisa.”+
6 Ita rona ona kona-ba Moab nia hahalok foti an, nia foti an tebetebes,+
Ninia hahalok loko an, foti an no ninia hirus;+
Maibé ninia liafuan sira neʼebé folin-laek sei sai saugati deʼit.
7 Tan neʼe, Moab sei tanis tanba kona susar;
Ema Moab hotu sei tanis.+
Sira neʼebé hetan baku sei halerik tanba la iha tan dose uvas-maran husi Kir-Hareset.+
8 Toʼos iha Hesbon+ sai namlaek ona.
Ukun-naʼin husi nasaun sira sama ona uvas-hun iha Sibma,+
No mós ninia sanak neʼebé nakonu ho uvas-fuan mean,
Uluk ninia sanak sira nani toʼo Jazer,+
Sira nani toʼo rai-fuik.
Ninia dikin buras no nani toʼo tasi.
9 Tan neʼe mak haʼu sei tanis kona-ba uvas-hun iha Sibma hanesan haʼu mós tanis ba Jazer.
Oh Hesbon no Eleale, haʼu-nia matan-been sei habokon imi,+
Tanba ema la haklalak tan kona-ba imi-nia ai-fuan iha tempu koʼa nian.*
10 Haksolok no kontente lakon ona husi toʼos ai-fuan nian,
No la iha ona knananuk ksolok nian ka lian haklalak nian iha toʼos-uvas.+
Ema neʼebé halo tua-uvas la sama tan uvas-fuan iha fatin sama uvas nian,
Tanba haʼu mak hapara lian haklalak nian.+
11 Tan neʼe mak haʼu-nia laran la hakmatek kona-ba Moab,+
Hanesan arpa nia talin neʼebé book an kuandu ema toka,
No haʼu-nia laran la hakmatek kona-ba Kir-Hareset.+
12 Maski Moab halo kole ninia an iha fatin aas no harohan iha ninia fatin sagradu, maibé ninia orasaun sei sai saugati deʼit.+
13 Neʼe mak liafuan neʼebé uluk Jeová koʼalia kona-ba Moab. 14 Agora Jeová dehan: “Iha tinan tolu nia laran, tuir tinan sira ba serbisu-naʼin,* mak Moab sei lakon ninia glória ho susar oioin, no ninia ema sira neʼebé restu sei hela uitoan deʼit no la vale.”+
17 Tuirmai neʼe mak liafuan kastigu nian kona-ba Damasku:+
“Haree bá! Damasku sei la sai tan sidade ida,
No Damasku sei sai fatin neʼebé rahun.+
2 Aroer nia sidade sira+ sei sai mamuk;
Sira sei sai fali fatin ba bibi-lubun atu deskansa,
No la iha ema ida mak halo sira taʼuk.
3 Efraim nia sidade sira neʼebé iha moru aas sei lakon,+
No Damasku nia ukun sei lakon.+
Kona-ba ema restu husi rai-Síria,
Sira-nia glória sei lakon hanesan ema Izraél nian”, Jeová neʼebé ukun tropa lalehan nian mak dehan.
4 “Iha loron neʼebá, Jacob nia glória sei sai menus,
No ninia isin bokur sei sai krekas.
5 Jacob sei sai hanesan toʼos iha Rai-Tetuk Refaim+
Neʼebé toʼos-naʼin koʼa hotu ona ninia trigu,
No husik hela trigu uitoan deʼit ba ema seluk.
6 Hanesan tempu neʼebé ema baku tiha ona ai-oliveira,
Sei hela deʼit buat restu atu halibur:
Hela deʼit oliveira-fuan tasak rua ka tolu iha sanak leten liu,
Hela deʼit oliveira-fuan haat ka lima iha ninia sanak sira”,+ Jeová, Izraél nia Maromak, mak dehan.
7 Iha loron neʼebá ema sei hateke ba ninia Kriadór, no ninia matan sei hateke ba Izraél nia Maromak neʼebé Santu. 8 Nia sei la hateke ba altár sira,+ katak buat neʼebé nia halo rasik,+ no nia mós sei la hateke ba ai-riin lulik sira* ka altár insensu nian neʼebé nia halo ho ninia liman.
9 Iha loron neʼebá, ninia sidade sira neʼebé metin sei sai hanesan fatin mamuk iha ai-laran,+
Sira sei sai rai-fuik
Hanesan ai-sanak ida neʼebé husik hela iha ema Izraél nia oin.
10 Tanba ó* haluha ona Maromak+ neʼebé salva ó;
Ó la hanoin-hetan ona Fatuk Boot+ ba ó-nia uma aas neʼebé seguru.
Tan neʼe mak ó halo jardín furak sira,
No kuda ai-oan husi rai seluk.*
11 Durante loron ó harii didiʼak lutu ba ó-nia ai-horis,
No iha dadeer fini komesa moris,
Maibé loron koʼa nian sei lakon iha tempu neʼebé ó sente moras tebes ho moras neʼebé labele kura.+
12 Rona bá! Povu barak halo barullu,
Sira la hakmatek hanesan tasi!
Nasaun sira sai runguranga,
No sira-nia lian boot hanesan tarutu husi laloran boot!
13 Nasaun sira sei halo lian hanesan tarutu husi laloran.
Nia sei korrije sira, no sira sei halai tiha,
Nia duni sira hanesan trigu-kulit neʼebé anin huu husi foho sira,
Hanesan ai-tarak sira neʼebé anin-fuik huu.
14 Kalan sei hamosu taʼuk.
Sira sei lakon mohu antes dadeer-saan.
Neʼe sei sai liman-rohan ba ema neʼebé hadau ita-nia sasán
No ba sira neʼebé foti ita-nia sasán.
18 Susar ba rai neʼebé nakonu ho lian husi insetu sira*
Iha área neʼebé besik mota sira iha Etiópia!+
2 Rai neʼe haruka ema sira lori lia-menon liuhusi tasi,
Sira hakur tasi ho ró husi duʼut-papiru, hodi dehan:
“Imi neʼebé lori lia-menon, bá, halai lalais,
Bá hasoru nasaun neʼebé ninia ema sira ain-aas no isin kabeer,
Bá hasoru povu neʼebé halo ema iha fatin hotu taʼuk,+
Bá hasoru nasaun neʼebé forte no manán funu,
Nasaun neʼebé mota sira sobu tiha ninia rai.”
3 Oh ema hotu neʼebé hela iha rai neʼe, no ema neʼebé hela iha mundu tomak,
Buat neʼebé imi sei haree mak hanesan sinál* neʼebé tau ona iha foho sira,
No imi sei rona lian hanesan ema huu dikur.
4 Tanba Jeová dehan nuneʼe ba haʼu:
“Haʼu sei hakmatek nafatin no hateke ba* haʼu-nia fatin neʼebé metin ona,
Neʼe sei sai hanesan manas no naroman husi loro-matan,
Hanesan mahobeen neʼebé tun durante rai-manas iha tempu koʼa nian.
5 Antes tempu koʼa nian,
Bainhira uvas-hun la iha funan ona no ninia fuan sira atu tasak ona,
Ema tesi tiha ninia dikin sira ho sabit
No hasai tiha ninia talin neʼebé nani.
6 Sira-nia mate-isin hotu sei husik ba manu-makikit sira husi foho
No ba animál sira iha rai.
Manu-makikit sira sei han sira-nia mate-isin durante tempu manas,
No animál hotu iha rai sei han sira-nia mate-isin durante tempu koʼa nian.
7 Iha tempu neʼebá ema sei lori prezente ba Jeová neʼebé ukun tropa lalehan nian,
Husi nasaun neʼebé ninia ema sira ain-aas no isin kabeer,
Husi povu neʼebé halo ema iha fatin hotu taʼuk,
Husi nasaun neʼebé forte no manán funu,
Nasaun neʼebé mota sira sobu tiha ninia rai.
Sira sei lori prezente neʼe ba Foho Siaun, katak fatin neʼebé lori Jeová neʼebé ukun tropa lalehan nian nia naran.”+
19 Tuirmai neʼe mak liafuan kastigu nian kona-ba Ejitu:+
Haree bá! Jeová saʼe hela kalohan ida neʼebé semo lalais atu bá rai-Ejitu.
Rai-Ejitu nia maromak sira neʼebé folin-laek sei nakdedar iha ninia oin,+
No ema Ejitu sei sai taʼuk tebes.*
2 “Haʼu sei soran ema Ejitu atu sira kontra malu,
No sira sei funu malu,
Sira ida-idak hasoru ninia maun-alin no ninia maluk,
Sidade ida hasoru sidade seluk, ukun ida hasoru ukun seluk.
3 Ema Ejitu sei sai bilán,
No haʼu sei halo sira-nia planu sai runguranga.+
Sira sei husu ajuda ba maromak sira neʼebé folin-laek,
Ba ema neʼebé kaer maninga, ema neʼebé koko atu koʼalia ba ema mate no ema neʼebé siʼik futuru.”+
4 Naʼi neʼebé loos, Jeová neʼebé ukun tropa lalehan nian, dehan: “Haʼu sei entrega ema Ejitu ba ulun-naʼin neʼebé siʼak-teen,
No liurai neʼebé siʼak mak sei ukun sira.”+
5 Bee iha tasi sei sai maran,
No mota sira sei sai maran no la iha bee.+
6 No mota sira sei sai dois;
Iha rai-Ejitu, Mota Nilo nia mota kiʼik sira-nia bee sei sai menus no maran.
Duʼut sira iha Mota Nilo mós sei sai dodok.+
7 Ai-horis sira besik Mota Nilo no iha Mota Nilo nia ibun sei sai maran,
No rai hotu neʼebé uza atu kuda fini besik Mota Nilo+ sei sai maran.+
Anin sei huu sai tiha ida-neʼe, no neʼe sei la iha tan.
8 Peskadór sira sei lelir,
Sira neʼebé soe kail ba Mota Nilo sei halerik,
No sira neʼebé soe rede ba bee sei sai uitoan deʼit.
10 Ema Ejitu neʼebé soru hena sei triste,
No serbisu-naʼin hotu iha rai-Ejitu sei tanis.
11 Ulun-naʼin husi Zoan+ mak beik.
Faraó* nia konsellu-naʼin sira neʼebé matenek liu, fó konsellu neʼebé la diʼak.+
Oinsá mak imi bele dehan ba Faraó:
“Haʼu mak ema matenek nia oan,
Jerasaun husi liurai sira iha tempu uluk”?
12 Entaun, ó-nia ema matenek sira iha neʼebé?+
Se sira hatene karik, husik sira fó sai ba ó saida mak Jeová neʼebé ukun tropa lalehan nian deside ona kona-ba rai-Ejitu.
13 Ulun-naʼin sira husi Zoan halo ona hahalok beik;
Ulun-naʼin sira husi Nof*+ lohi ona sira-nia an;
Xefe sira ba ema Ejitu nia suku sira halo ema Ejitu laʼo sala dalan.
14 Jeová halo ona sira sai bilán;+
No ulun-naʼin sira halo ema Ejitu laʼo sala dalan iha buat hotu neʼebé sira halo,
Hanesan lanu-teen neʼebé laʼo namlele iha ninia muta laran.
15 Maski ulun ka ikun, dikin ka duʼut naruk,*
Ema Ejitu sei labele halo buat ida.
16 Iha loron neʼebá, ema Ejitu sei sai hanesan feto, no sira sei nakdedar no taʼuk tanba Jeová neʼebé ukun tropa lalehan nian sei foti liman hasoru sira.+ 17 No rai-Judá sei sai hanesan buat neʼebé halo ema Ejitu taʼuk. Sira sei sente taʼuk bainhira ema temi kona-ba Judá tanba Jeová neʼebé ukun tropa lalehan nian halo ona desizaun ida hasoru sira.+
18 Iha loron neʼebá, ema iha sidade lima iha rai-Ejitu sei koʼalia língua Kanaan nian*+ no jura hodi hatudu laran-metin ba Jeová neʼebé ukun tropa lalehan nian. Sidade sira-neʼe ida sei hanaran nuʼudar Sidade Harahun nian.
19 Iha loron neʼebá, sei iha altár ida ba Jeová iha rai-Ejitu nia klaran no sei iha ai-riin ida ba Jeová iha rai-Ejitu nia fronteira. 20 Ida-neʼe sei sai hanesan sinál ida no hanesan sasin ba Jeová neʼebé ukun tropa lalehan nian iha rai-Ejitu. Sira sei halerik ba Jeová tanba ema hanehan sira, no nia sei haruka salvadór, ida neʼebé kmanek, neʼebé sei salva sira. 21 No Jeová sei halo ema Ejitu hatene nia, no iha loron neʼebá ema Ejitu sei hatene Jeová, no sira sei hasaʼe sakrifísiu no fó prezente no halo juramentu ba Jeová no kumpre ida-neʼe. 22 Jeová sei fó kastigu ba rai-Ejitu.+ Nia sei ataka no kura sira. Sira sei fila fali ba Jeová, no nia sei hatán ba sira-nia harohan no kura sira.
23 Iha loron neʼebá, sei iha estrada boot ida+ neʼebé sai husi rai-Ejitu ba rai-Asíria. Tuirmai ema Asíria sei laʼo ba rai-Ejitu, no ema Ejitu sei laʼo ba rai-Asíria, no ema Ejitu sei serbí Maromak hamutuk ho ema Asíria. 24 Iha loron neʼebá, ema Izraél sei hamutuk ho* ema Ejitu no Asíria,+ no sai nuʼudar bensaun iha rai klaran, 25 tanba Jeová neʼebé ukun tropa lalehan nian sei fó bensaun ba sira, hodi dehan: “Bensaun ba Ejitu neʼebé nuʼudar haʼu-nia povu, no bensaun ba Asíria neʼebé haʼu-nia liman mak halo, no bensaun ba Izraél neʼebé nuʼudar haʼu-nia liman-rohan.”+
20 Iha tinan neʼebé Liurai Sargão husi rai-Asíria haruka Tartan* ba Asdod,+ nia halo funu hasoru Asdod no manán sidade neʼe.+ 2 Iha tempu neʼebá, Jeová koʼalia liuhusi Isaias,+ Amoz nia oan-mane, hodi dehan: “Bá, hasai hena karón* husi ó-nia knotak, no hasai sandálias husi ó-nia ain.” Nia halo tuir duni ida-neʼe, hodi laʼo ho isin-tanan* no ain-tanan.
3 Tuirmai Jeová hatete: “Hanesan haʼu-nia atan Isaias laʼo ho isin-tanan no ain-tanan durante tinan tolu nuʼudar sinál+ no avizu ba rai-Ejitu+ no rai-Etiópia,+ 4 nuneʼe mós liurai Asíria sei lori dadur husi rai-Ejitu+ no husi rai-Etiópia, labarik-mane no katuas sira neʼebé sai dadur sei laʼo ho isin-tanan no ain-tanan no ema bele haree-hetan sira-nia kidun. Sin, rai-Ejitu sei sai moe. 5 Sira neʼebé tau esperansa ba rai-Etiópia no gaba rai-Ejitu* sei sai taʼuk no moe. 6 Iha loron neʼebá, povu sira neʼebé hela iha tasi ninin neʼe sei dehan: ‘Haree toʼok ba buat neʼebé akontese ba ita-nia esperansa! Uluk ita halai ba rai-Ejitu no rai-Etiópia hodi husu ajuda atu salva ita husi liurai Asíria. Agora, sé mak sei salva ita?’”
21 Tuirmai neʼe mak liafuan kastigu nian kona-ba rai-fuik husi tasi:*+
Susar sei mai hanesan anin-fuik neʼebé mai husi parte súl,
Husi rai-fuik, husi rai neʼebé hamosu taʼuk.+
2 Vizaun ida neʼebé halo ema taʼuk fó sai ona ba haʼu:
Ema neʼebé laran-makerek mak hatudu daudaun hahalok laran-makerek,
No ema neʼebé estraga mak estraga daudaun.
Oh Elam, saʼe bá! Oh Média, halo serku bá!*+
Haʼu sei hapara terus neʼebé nia hamosu ona ba ema.+
3 Tan neʼe mak haʼu-nia laran-susar tebes.+
Haʼu sente moras makaʼas,
Hanesan feto neʼebé atu tuur-ahi.
Haʼu neon-susar tebes toʼo labele rona;
Haʼu hanoin barak toʼo labele haree.
4 Haʼu-nia laran sai fraku; haʼu nakdedar ho taʼuk.
Rai-nakaras neʼebé haʼu hein mós halo haʼu nakdedar.
5 Tau meza bá no prepara tuur-fatin sira!
Han no hemu bá!+
Oh imi ulun-naʼin sira, hamriik bá, kose mina ba imi-nia eskudu!
6 Tanba Jeová dehan ona nuneʼe ba haʼu:
“Bá, haruka ema ida atu hafuhu no fó sai buat neʼebé nia haree.”
7 No nia haree karreta funu nian neʼebé kuda sira mak dada,
Karreta funu nian neʼebé kuda-burru sira mak dada,
Karreta funu nian neʼebé kuda-kamelu sira mak dada.
Nia hateke ho didiʼak, nia tau atensaun ho didiʼak.
8 Tuirmai nia hakilar hanesan leaun, hodi dehan:
“Oh Jeová, iha fatin aas* mak haʼu kontinua hamriik durante loron,
No haʼu hamriik iha haʼu-nia postu nuʼudar guarda kalan-kalan.+
9 Haree bá buat neʼebé mai daudaun:
Mane sira hamriik iha karreta funu nian neʼebé kuda sira mak dada!”+
Tuirmai nia dehan:
“Nia monu ona! Babilónia monu tiha ona!+
Kona-ba Babilónia nia maromak sira-nia estátua hotu, nia harahun ona ba rai!”+
10 Oh haʼu-nia povu neʼebé ema sama hanesan trigu,
Sin, trigu* husi haʼu-nia fatin sama trigu nian,+
Haʼu fó sai ona ba imi buat neʼebé haʼu rona ona husi Jeová neʼebé ukun tropa lalehan nian, Izraél nia Maromak.
11 Tuirmai neʼe mak liafuan kastigu nian kona-ba Duma:*
Ema ida bolu haʼu husi Seir+ dehan:
“Guarda, besik dadeer ona ka lae?
Guarda, besik dadeer ona ka lae?”
12 Guarda dehan:
“Dadeer mai daudaun, kalan mós mai daudaun ona.
Se imi hakarak husu, husu bá.
Mai fali bá!”
13 Tuirmai neʼe mak liafuan kastigu nian kona-ba rai-tetuk maran:
Oh ema Dedan+ neʼebé laʼo rai hamutuk ho imi-nia kuda-kamelu,
Imi sei toba iha ai-laran iha rai-tetuk maran.
14 Oh imi neʼebé hela iha rai-Tema,+
Lori bee atu hasoru ema sira neʼebé hamrook,
No lori paun atu fó ba sira neʼebé halai.
15 Tanba sira halai husi surik, husi surik neʼebé losu sai ona,
Husi rama neʼebé ema prontu ona atu hana, no husi funu neʼebé aat tebes.
16 Tanba Jeová dehan nuneʼe ba haʼu: “Iha tinan ida nia laran, tuir tinan ba serbisu-naʼin ida,* Kedar+ nia glória hotu sei remata. 17 Kedar nia funu-naʼin sira neʼebé hana rama sei hela uitoan deʼit, tanba Jeová, Izraél nia Maromak, mak dehan ona ida-neʼe.”
22 Tuirmai neʼe mak liafuan kastigu nian kona-ba Foho-Leet Vizaun:*+
Tanbasá mak imi hotu saʼe ba uma-kakuluk?
2 Ó-nia sidade sei sai runguranga,
Rame, no nakonu ho foti an.
No ó-nia ema neʼebé mate, sei la mate ho surik,
No sira sei la mate iha funu.+
3 Ó-nia ukun-naʼin aat hotu sei halai hamutuk.+
Ema la presiza uza rama atu lori sira nuʼudar dadur.
Maski sira halai dook loos,
Maibé ema sei kaer sira no lori sira hotu nuʼudar dadur.+
4 Tan neʼe mak haʼu dehan: “Keta hateke ba haʼu,
Haʼu sei tanis makaʼas.+
5 Neʼe mak loron neʼebé Naʼi Ukun-Naʼin Boot Liu, Jeová neʼebé ukun tropa lalehan nian,
Halo ema bilán, sente taʼuk no lakon+
Iha Foho-Leet Vizaun.
Ninia moru rahun daudaun+
No ema hakilar hodi husu ajuda. Sira-nia lian toʼo iha foho neʼe.
6 Elam+ foti ona rama-fatin
No hamriik iha karreta funu nian neʼebé kuda sira mak dada,
7 Ó-nia* rai-tetuk sira neʼebé diʼak liu
Sei sai nakonu ho kuda-karreta funu nian,
No kuda sira* sei hamriik hodi sai prontu iha ó-nia portaun oin,
8 No ema sei hasai Judá nia moru neʼebé proteje nia.
“Iha loron neʼebá ó sei hateke ba armas-fatin iha Uma Ai-Laran nian,+ 9 no imi sei haree kuak barak iha moru husi David nia Sidade.+ No imi sei halibur bee iha kolan kraik.+ 10 Imi sei sura uma sira iha Jeruzalein, no imi sei harahun uma sira hodi bele halo metin moru. 11 No imi sei halo tanke entre moru rua atu rai bee husi kolan tuan nian, maibé imi sei la hanoin kona-ba imi-nia Kriadór Boot neʼebé hamosu susar neʼe, no imi sei la haree Ida neʼebé halo planu neʼe iha tempu ulukliu.
12 Iha loron neʼebá, Naʼi Ukun-Naʼin Boot Liu, Jeová neʼebé ukun tropa lalehan nian,
Sei haruka povu atu tanis no lelir,+
Atu koi fuuk no hatais hena karón.*
13 Maibé duké halo nuneʼe, ema halo festa no haksolok,
Ema oho karau no bibi,
Ema han naʼan no hemu tua-uvas.+
Imi sei dehan: ‘Mai ita han no hemu, tanba aban ita sei mate.’”+
14 Tuirmai, Jeová neʼebé ukun tropa lalehan nian mosu ba haʼu, hodi dehan: “‘Imi-nia sala neʼe sei la hetan perdua* toʼo imi mate’,+ Naʼi Ukun-Naʼin Boot Liu, Jeová neʼebé ukun tropa lalehan nian, mak dehan.”
15 Naʼi Ukun-Naʼin Boot Liu, Jeová neʼebé ukun tropa lalehan nian, dehan nuneʼe: “Bá hasoru Sebna,+ atan neʼebé tau matan ba liurai nia palásiu no dehan: 16 ‘Ó hakarak saida iha neʼe? Ó iha família ruma iha neʼe hodi ó keʼe rate ba ó-nia an rasik ka?’ Nia keʼe rate ba ninia an iha fatin aas ida; nia keʼe kuak atu halo rate ba nia an iha fatuk boot lolon. 17 ‘Haʼu, Jeová, sei soe tun ó ho makaʼas, no sei kaer ó ho forsa, 18 no mós falun metin ó no soe ó hanesan soe bola ba rai-luan. Ó sei mate iha neʼebá hamutuk ho ó-nia kuda-karreta neʼebé kmanek, no ó sei hamoe ó-nia naʼi nia umakain. 19 No haʼu sei hasai ó husi ó-nia pozisaun no duni sai ó husi ó-nia serbisu.
20 “‘Iha loron neʼebá, haʼu sei bolu haʼu-nia atan Eliaquim,+ Hilquias nia oan-mane, 21 haʼu sei fó-hatais nia ho ó-nia roupa no haʼu sei kesi metin ó-nia sintu iha ninia knotak,+ no haʼu sei entrega ó-nia kbiit* ba ninia liman. No nia sei sai aman ba ema neʼebé hela iha Jeruzalein no ba umakain Judá. 22 No haʼu sei tau xave husi David nia umakain+ iha ninia kabaas. Nia sei loke no la iha ema ida mak bele taka; nia sei taka no la iha ema ida mak bele loke. 23 Haʼu sei hametin nia hanesan ema baku metin pregu ba moru ida, no nia sei sai nuʼudar kadunan glória nian ba ninia aman nia umakain. 24 Glória* hotu husi ninia aman nia umakain sei tara ba nia. Ninia oan no bei-oan sira sei sadere ba nia hanesan sanan kiʼik, manko no buli boot hotu neʼebé tara iha pregu neʼe.
25 “Jeová neʼebé ukun tropa lalehan nian, dehan: ‘Iha loron neʼebá, haʼu sei losu tiha pregu neʼebé baku metin ona ba moru,+ no haʼu sei tesi tiha ida-neʼe no neʼe sei monu, no naha todan neʼebé nia tahan netik sei monu no rahun tiha tanba Jeová rasik mak fó sai ona ida-neʼe.’”
23 Tuirmai neʼe mak liafuan kastigu nian kona-ba Tiro:+
Oh ró Tarsis sira, tanis bá!+
Tanba ponte-kais rahun ona; ró labele tama.
No ida-neʼe hatudu sai ona husi rai-Kitim.+
2 Nonook bá, imi neʼebé hela besik tasi.
Negósiu-naʼin husi Sidon+ neʼebé hakur tasi mak halo nakonu imi-nia rai ho rikusoin.
3 Tiro nia kolen mak iha bee barak nia leten,
Nia lori ai-han husi Sior*+ no lori sasán husi Mota Nilo,
No manán osan ba nasaun sira.+
4 Oh Sidon, sai moe bá, ó neʼebé nuʼudar fatin seguru besik tasi,
Tanba tasi dehan ona:
“Haʼu seidauk sente moras tuur-ahi nian, no haʼu seidauk tuur-ahi,
5 Ema sei sai neon-susar tanba rona lia-menon kona-ba Tiro,+
Hanesan bainhira sira rona lia-menon kona-ba rai-Ejitu.+
6 Hakur tasi hodi bá Tarsis!
Imi neʼebé hela besik tasi, tanis bá!
7 Neʼe mak imi-nia sidade neʼebé haksolok husi tempu uluk kedas, loos ka lae?
Uluk ninia ain lori nia bá hela iha rai neʼebé dook.
8 Tiro mak fó koroa ba ema,
Ninia negósiu-naʼin mak sai nuʼudar ulun-naʼin,
No mundu tomak hatudu respeitu ba ninia ema sira neʼebé fila liman.+
Sé mak halo desizaun neʼe hasoru Tiro?
9 Jeová neʼebé ukun tropa lalehan nian mak halo desizaun neʼe,
Atu hafoʼer buat furak hotu iha sidade neʼe, neʼebé halo sidade neʼe sai foti an,
Atu hamoe sira hotu neʼebé ema respeitu iha mundu tomak.+
10 Oh Tarsis nia oan-feto, hakat liu ó-nia rai hanesan Mota Nilo.
Iha neʼebá sei la iha tan ponte-kais.+
11 Maromak lolo ona ninia liman ba tasi leten;
Nia doko ona nasaun sira.
Jeová haruka ona atu halakon Fenísia nia fatin seguru sira.+
12 Nia dehan: “Oh Sidon nia oan-feto virjen neʼebé ema haterus,
Ó sei la haksolok tan.+
Hamriik bá, hakat liu ba Kitim.+
Iha neʼebá mós ó sei la hetan fatin atu deskansa.”
13 Haree ba ema Kaldeia nia rai!+
Ema Kaldeia, laʼós ema Asíria,+ mak halo
Sidade neʼe sai hela-fatin ba animál fuik sira.
Sira harii ona uma aas* neʼebé sira uza atu ataka sidade neʼe;
Sira sobu rahun ninia palásiu* sira neʼebé seguru,+
Sira harahun sidade neʼe toʼo sai uut ona.
14 Oh ró Tarsis sira, tanis bá,
Tanba imi-nia fatin seguru harahun tiha ona.+
15 Iha loron neʼebá, ema sei haluha tiha Tiro ba tinan 70,+ hanesan liurai ida nia moris. Iha tinan 70 neʼe nia rohan, Tiro sei sai hanesan feto-aat* nia knananuk tuirmai neʼe:
16 “Oh feto-aat neʼebé ema haluha ona, foti arpa bá, no laʼo haleʼu sidade neʼe.
Toka ó-nia arpa ho matenek;
Kanta knananuk barak,
Atu nuneʼe sira sei hanoin-hetan ó.”
17 Iha tinan 70 nia rohan, Jeová sei tau atensaun ba Tiro, no Tiro sei fila fali ba ninia serbisu nuʼudar feto-aat, no nia sei faʼan an ba* nasaun sira hotu iha mundu neʼe. 18 Maibé Tiro nia kolen no osan neʼebé nia manán sei sai nuʼudar buat santu ba Jeová. Ninia kolen no osan neʼebé nia manán sei la rai didiʼak ka la haloot, tanba ida-neʼe sei sai Jeová nia povu nian, atu nuneʼe sira bele han toʼo bosu no hatais roupa neʼebé furak.+
24 Haree bá! Jeová halo mamuk rai neʼe* no halo rai neʼe sai fuik.+
Nia dulas rai neʼe+ no halo ema iha rai neʼe laʼo namkari.+
2 Situasaun neʼe sei mosu ba ema hotu:
Povu no amlulik,
Atan no ninia naʼi,
Atan-feto no ninia patraun-feto,
Ema neʼebé sosa no ema neʼebé faʼan,
Ema neʼebé fó-empresta no ema neʼebé empresta,
Ema neʼebé fó debe no ema neʼebé debe.+
3 Rai neʼe sei sai mamuk hotu;
Ema sei hadau hotu sasán sira,+
Tanba Jeová mak fó sai ona liafuan neʼe.
4 Rai neʼe tanis,*+ no sai fraku ona.
Rai neʼebé buras sai namlaek, no sai maran ona.
Ema neʼebé naran-boot iha rai neʼe sai menus ona.
5 Ema neʼebé hela iha rai neʼe halo rai neʼe sai foʼer,+
Tanba sira la halo tuir lei sira,+
Troka ukun-fuan sira,+
6 Tan neʼe mak rai neʼe hetan malisan no sai rahun,+
No sira neʼebé hela iha rai neʼe simu sala.
Tan neʼe mak sira sai menus ona,
No ema uitoan deʼit mak hela.+
8 Lian haksolok nian husi tamborín para ona;
Lian husi ema neʼebé festa la iha tan;
Lian haksolok nian husi arpa para ona.+
9 Sira hemu tua-uvas la ho knananuk,
No tua neʼebé ema hemu sente moruk.
10 Sidade neʼebé husik mamuk sai rahun ona;+
Uma hotu taka ona atu nuneʼe ema labele tama.
11 Sira hakilar iha dalan sira tanba tua-uvas la iha ona.
Ksolok hotu lakon ona;
Rai neʼe nia ksolok la iha tan.+
12 Sidade neʼe sai rahun ona;
Portaun sira harahun hotu ona.+
13 Tanba haʼu-nia povu iha nasaun sira-nia leet sei sai
Hanesan oliveira-fuan restu iha ai-oliveira hun neʼebé ema baku tiha ona,+
No hanesan uvas-fuan restu bainhira tempu koʼa uvas nian remata ona.+
14 Sira sei hasai lian,
Sira sei haklalak ho kontente.
Husi tasi* mak sira sei fó sai Jeová nia kmanek.+
15 Tan neʼe mak sira sei fó glória ba Jeová iha rai parte leste;*+
Sira sei fó glória ba Izraél nia Maromak Jeová nia naran iha illa sira iha tasi.+
16 Husi rai neʼebé dook tebes mak ita rona knananuk sira neʼebé dehan:
“Glória ba Maromak neʼebé iha hahalok loos!”+
Maibé haʼu dehan: “Haʼu sai fraku daudaun, haʼu sai fraku liu!
Susar ba haʼu! Ema laran-makerek hatudu hahalok laran-makerek;
Ho laran-aat mak ema laran-makerek hatudu hahalok laran-makerek.”+
17 Taʼuk, rai-kuak no lasu mak hein hela imi neʼebé hela iha rai neʼe.+
18 Ema neʼebé halai tanba lian neʼebé hamosu taʼuk sei monu ba rai-kuak,
No ema neʼebé sai husi rai-kuak sei monu ba lasu.+
Tanba odamatan ba bee hotu iha leten sei nakloke,
No rai nia hun sei nakdoko.
20 Rai neʼe la metin hanesan mane ida neʼebé lanu laʼo namlele,
No rai neʼe nakdoko bá-mai hanesan barraka neʼebé anin huu kona.
Ninia sala sira sai todan iha nia leten,+
Nia sei monu no labele hamriik fali.
21 Iha loron neʼebá, Jeová sei tau atensaun hodi tesi-lia ba tropa neʼebé iha leten
No ba liurai sira iha rai.
22 Nia sei halibur sira hamutuk
Hanesan ema dadur sira halibur hamutuk ba rai-kuak ida,
No nia sei sulan metin sira iha kadeia laran;
Liutiha loron barak, nia sei haree no tesi-lia ba sira.
23 Fulan-nakonu sei sai moe,
No loro-matan neʼebé nabilan sei sai moe,+
Tanba Jeová neʼebé ukun tropa lalehan nian sai ona Liurai+ iha Foho Siaun+ no iha Jeruzalein,
Nia hetan glória iha povu nia katuas sira-nia oin.+
25 Oh Jeová, Ita-Boot mak haʼu-nia Maromak.
Haʼu hahiʼi Ita, haʼu hahiʼi Ita-nia naran,
Tanba Ita halo ona buat kmanek sira.+
Ita halo tuir buat neʼebé Ita fó sai ona* husi tempu antigu,+
Ita hatudu ona laran-metin,+ no ema bele tau fiar ba Ita.
2 Tanba Ita halo ona sidade ida sai fali fatuk butuk,
Sidade neʼebé seguru sai uut ona.
Ema estranjeiru nia fatin aas* la sai tan sidade ida;
Sidade neʼe sei nunka harii fali.
3 Tan neʼe mak povu neʼebé forte sei fó glória ba Ita;
Sidade ida husi nasaun sira neʼebé siʼak sei hamtaʼuk Ita.+
4 Tanba Ita sai ona fatin seguru ba ema kiʼik,
Fatin seguru ba ema kiak neʼebé hetan terus,+
Fatin protesaun nian husi udan boot,
No mahon husi loron manas.+
Bainhira ukun-naʼin aat sira sai hirus hanesan anin-fuik neʼebé huu hasoru moru ida,
5 Ita hamenus lian barullu husi ema oin-foun,
Hanesan kalohan neʼebé hamenus manas iha rai neʼebé maran-dekor.
Ita halakon knananuk husi ukun-naʼin neʼebé aat,
Hanesan kalohan nia lalatak neʼebé hamenus manas.
6 Iha foho neʼe+ mak Jeová neʼebé ukun tropa lalehan nian sei halo festa ba povu hotu
Festa ho hahán neʼebé gostu loos,+
Festa ho tua-uvas neʼebé diʼak liu,
Hahán diʼak liu neʼebé nakonu ho naʼan diʼak,*
Ho tua-uvas diʼak neʼebé taʼes ona.
7 Iha foho neʼe mak nia sei halakon* hena neʼebé falun povu hotu
No hena neʼebé taka metin nasaun sira hotu.*
8 Nia sei halakon* mate ba nafatin,+
No Jeová, Naʼi Ukun-Naʼin Boot Liu, sei hamaran matan-been husi ema hotu nia oin.+
Nia sei hasai tiha ninia povu nia moe husi mundu tomak,
Tanba Jeová rasik mak fó sai ona ida-neʼe.
9 Iha loron neʼebá, sira sei dehan:
“Haree bá! Neʼe mak ita-nia Maromak!+
Neʼe mak Jeová!
Ita tau esperansa ba nia.
Mai ita haksolok no kontente tanba nia salva ita.”+
10 Jeová nia liman sei proteje* foho neʼe,+
No nia sei sama Moab nia fatin+
Hanesan sama duʼut-maran hamutuk ho animál nia teen.
11 Nia sei baku Moab ho ninia liman
Hanesan ema neʼebé book nia liman hodi nani.
Nia sei book nia liman ho matenek
Hodi hatún Moab nia hahalok loko an.+
12 No nia sei harahun sidade neʼebé metin,
Hamutuk ho ó-nia moru aas sira neʼebé seguru,
Nia sei baku rahun toʼo rai.
26 Iha loron neʼebá, ema sei kanta knananuk tuirmai neʼe+ iha rai-Judá:+
“Ami iha sidade neʼebé forte.+
Ninia salvasaun mak hanesan moru neʼebé proteje ami.+
2 Loke portaun sira+ atu nuneʼe nasaun neʼebé iha hahalok loos bele tama,
Nasaun neʼebé hatudu hahalok laran-metin.
3 Ita-Boot sei proteje ema neʼebé sadere ba Ita ho laran tomak;*
Ita sei fó dame nafatin ba sira,+
Tanba sira tau fiar deʼit ba Ita.+
5 Tanba nia hatún ona sira neʼebé hela iha fatin aas, iha sidade neʼebé aas.
Nia lori tun sidade neʼe,
Nia lori tun sidade neʼe ba rai;
Nia soe sidade neʼe tun ba rai-rahun.
6 Sira neʼebé hetan terus sei sama sidade neʼe,
Ema kiʼik sira sei sama sidade neʼe ho sira-nia ain.”
7 Ema laran-loos nia dalan sira mak loos.*
Tanba Ita iha hahalok loos,
Ita sei halo tetuk dalan ba ema laran-loos.
8 Oh Jeová, ami tau esperansa ba Ita,
Nuʼudar ami laʼo iha Ita-nia dalan justisa nian.
Ami hafolin tebes Ita-nia naran no hein katak ema hanoin-hetan ida-neʼe.*
9 Bainhira kalan ona, haʼu hein Ita ho haʼu-nia laran tomak,
Sin, iha haʼu-nia laran, haʼu buka namanas ba Ita;+
Tanba bainhira Ita tesi-lia ba mundu,
Ema neʼebé hela iha rai aprende kona-ba hahalok loos.+
10 Maski ema laran-aat simu laran-diʼak,
Nia sei la aprende kona-ba hahalok loos.+
Maski nia hela iha rai ema laran-loos nian, maibé nia sei hatudu hahalok aat,+
No nia sei la haree Jeová nia kmanek.+
11 Oh Jeová, Ita hiʼit ona Ita-nia liman, maibé sira la haree ida-neʼe.+
Sira sei haree Ita-nia laran-manas ba Ita-nia povu no sira sei hetan moe.
Sin, ahi husi Ita sei han mohu Ita-nia inimigu sira.
13 Oh Jeová, ami-nia Maromak, maski naʼi seluk mak ukun ona ami,+
Maibé ami sei temi deʼit Ita-nia naran hodi fó hahiʼi.+
14 Sira mate ona; sira sei la moris.
Sira mate no la iha kbiit, sira sei la hadeer fali.+
Tanba Ita tau ona atensaun hodi halakon sira
Hodi nuneʼe ema sei la hanoin-hetan tan sira.
15 Oh Jeová, Ita aumenta ona povu iha nasaun neʼe,
Ita halo nasaun neʼe sai boot;
Ita fó ona glória ba Ita-nia an.+
Ita haluan fronteira sira hotu iha rai neʼe.+
16 Oh Jeová, sira buka Ita durante tempu susar;
Sira hatoʼo sira-nia orasaun ho lian neineik bainhira Ita fó dixiplina ba sira.+
17 Hanesan feto isin-rua neʼebé besik ona atu tuur-ahi
Nia sente moras tuur-ahi nian no hakilar tanba moras,
Nuneʼe mós ami sente moras tanba Ita, oh Jeová.
18 Ami sai isin-rua ona, ami sente ona moras tuur-ahi nian,
Maibé ami tuur-ahi ba anin deʼit.
Ami la lori salvasaun ba rai neʼe,
No la iha oan ida mak moris hodi hela iha rai neʼe.
19 “Imi-nia ema neʼebé mate sei moris fali.
Haʼu-nia povu nia mate-isin* sira sei moris fali.+
Oh imi neʼebé hela iha rai-rahun,+
Hadeer bá no haklalak ho kontente!
Tanba imi-nia mahobeen mak hanesan mahobeen iha dadeer,
No rai sei fó moris ba ema neʼebé mate ona no kbiit-laek.*
Subar imi-nia an ba tempu uitoan
Toʼo Maromak nia hirus liu tiha ona.+
21 Tanba Jeová sai daudaun husi ninia fatin
Atu fó kastigu ba ema sira neʼebé hela iha rai neʼe tanba sira-nia sala,
No rai neʼe sei hatudu sai raan neʼebé fakar ona iha ninia leten
No sei la taka tan ninia ema sira neʼebé mate.”
27 Iha loron neʼebá Jeová sei uza surik boot neʼebé forte+
Hodi fó kastigu ba animál boot iha tasi,* neʼebé dolar lalais hanesan samea,
Ba animál boot iha tasi, neʼebé bobar an hanesan samea,
No nia sei oho kriatura boot neʼe, neʼebé iha tasi.
2 Oh povu sira, iha loron neʼebá kanta ba nia:*
“Nia mak toʼos-uvas neʼebé prodús tua-uvas!*+
3 Haʼu Jeová, haʼu mak proteje nia.+
Haʼu sempre rega nia beibeik.+
Haʼu proteje nia kalan no loron,
Atu nuneʼe ema ida labele halo aat ba nia.+
4 Haʼu la sente hirus ba nia.+
Sé mak sei kontra haʼu ho ai-tarak no duʼut aat iha funu?
Haʼu sei sama no sunu sira hotu hamutuk.
5 Tan neʼe, husik nia mai iha haʼu-nia fatin seguru.
Husik nia halo dame ho haʼu;
Sin, husik nia halo dame ho haʼu.”
6 Iha loron sira tuirmai Jacob nia abut sei metin,
Izraél sei iha funan no tubun,+
No sira sei halo nakonu rai ho sira-nia fuan.+
7 Tanbasá mak tenke baku makaʼas nasaun Izraél?
Tanbasá mak tenke oho nia iha dalan hanesan neʼe?
8 Ita-Boot sei luta hasoru nia ho hakilar neʼebé halo nia taʼuk bainhira Ita haruka nia bá.
Iha loron neʼebé anin huu husi parte leste, Maromak sei duni sai nia ho anin makaʼas.+
9 Entaun iha dalan neʼe mak Jacob nia sala sei hamoos tiha,+
No bainhira Maromak hasai tiha ninia sala, buat tuirmai neʼe sei akontese:
Nia sei halo altár nia fatuk hotu sai
Hanesan ahu-ruin neʼebé harahun tiha,
No sei la iha tan ai-riin lulik sira* ka altár insensu nian.+
10 Tanba sidade neʼebé iha moru aas sei sai mamuk;
Fatin neʼebé animál han duʼut sei husik tiha hanesan rai-fuik.+
Karau-oan sei han no latan iha neʼebá
No sei han ai-sanak sira.+
11 Bainhira ai-sanak sira sai maran,
Feto sira sei mai no halo tohar ai-sanak sira-neʼe
Hodi sunu iha ahi.
Tanba povu neʼe la komprende.+
Tan neʼe mak sira-nia Kriadór sei la hatudu laran-sadiʼa ba sira,
No Ida neʼebé kria sira sei la simu tan sira.+
12 Oh povu Izraél, hanesan ema ida baku ai-hun hodi halo ninia fuan monu no halibur ai-fuan ida-idak, Jeová mós sei halibur imi neʼebé hela namkari iha rai oioin,+ husi Mota Eufrates* toʼo Uádi* Ejitu.+ 13 Iha loron neʼebá sei iha lian boot husi dikur ida,+ no sira neʼebé besik atu mate iha rai-Asíria+ no sira neʼebé hela namkari iha rai-Ejitu+ sei mai no hakruʼuk ba Jeová iha ninia foho santu iha Jeruzalein.+
28 Susar ba Efraim nia lanu-teen sira-nia koroa* neʼebé foti an,*+
Ai-funan iha koroa furak neʼe namlaek daudaun
Iha foho-tutun, iha rai-tetuk buras nia leten, no sira neʼebé lanu ho tua-uvas mak hela iha neʼebá!
2 Jeová sei haruka ema ida neʼebé forte no kbiit boot.
Nia sei soe tun koroa neʼe ba rai ho makaʼas,
Hanesan rai-tarutu ho udan jelu-fatuk no anin-fuik neʼebé estraga buat barak,
Hanesan rai-tarutu ho anin-fuik neʼebé halo bee saʼe.
4 Ai-funan iha koroa furak neʼe namlaek daudaun
Iha foho-tutun, iha rai-tetuk buras nia leten,
No sei sai hanesan figeira-fuan diʼak iha tempu neʼebé figeira-fuan foin tasak.
Bainhira ema ida haree ai-fuan neʼe, nia kuʼu kedas no tolan lalais deʼit.
5 Iha loron neʼebá, Jeová neʼebé ukun tropa lalehan nian sei sai hanesan koroa kmanek no koroa furak husi ai-funan ba ema restu husi ninia povu.+ 6 Nia sei fó espíritu* justisa nian ba ema neʼebé tuur atu tesi-lia no fó forsa ba sira neʼebé duni sai inimigu neʼebé ataka iha portaun.+
7 No ema sira-neʼe mós laʼo sala dalan tanba hemu tua-uvas;
Sira-nia tua halo sira laʼo namlele.
Amlulik no profeta sira laʼo sala dalan tanba hemu tua;
Tua-uvas halo sira bilán,
No sira laʼo namlele tanba sira-nia tua;
Sira-nia vizaun halo sira lakon dalan,
No sira-nia tesi-lia mak la loos.+
8 Tanba sira-nia meza hotu nakonu ho muta foʼer,
Sin, fatin hotu taka ho muta.
9 Sira dehan: “Nia hakarak fó sai koñesimentu ba sé?
Nia esplika mensajen neʼe ba sé?
Ba sira neʼebé foin haketak susu ka?
Ba sira neʼebé foin para susu ka?
10 Tanba nia dehan beibeik: ‘Mandamentu tuir mandamentu, mandamentu tuir mandamentu,
Ukun-fuan ba ukun-fuan, ukun-fuan ba ukun-fuan,*+
Uitoan iha neʼe, uitoan iha neʼebá.’”
11 Entaun nia sei koʼalia ba povu neʼe liuhusi sira neʼebé hasan-toos no ho lian ema estranjeiru nian.+ 12 Uluk nia dehan ba sira: “Neʼe mak fatin deskansa nian. Husik ema neʼebé kole atu deskansa; neʼe mak fatin neʼebé ema hetan kmaan”, maibé sira lakohi rona.+ 13 Nuneʼe Jeová nia liafuan tuirmai neʼe sei sai loos ba sira:
“Mandamentu tuir mandamentu, mandamentu tuir mandamentu,
Ukun-fuan ba ukun-fuan, ukun-fuan ba ukun-fuan,*+
Uitoan iha neʼe, uitoan iha neʼebá”,
Atu nuneʼe kuandu sira laʼo,
Sira sei sidi no monu ba kotuk
No sira sei tohar no tama iha lasu no ema kaer sira.+
14 Tan neʼe, imi neʼebé gaba an,
Imi ukun-naʼin sira ba povu neʼebé hela iha Jeruzalein, rona Jeová nia liafuan bá,
15 Tanba imi dehan:
Kuandu bee suli liu ho makaʼas,
Neʼe sei la lori ami,
Tanba ami halo ona lia-bosok nuʼudar ami-nia fatin protesaun
No ami halo buat falsu sai ami-nia subar-fatin.”+
16 Entaun Jeová, Naʼi Ukun-Naʼin Boot Liu, dehan nuneʼe:
“Haʼu tau fatuk ida neʼebé koko tiha ona nuʼudar uma hun iha Siaun,+
Fatuk prinsipál* neʼebé folin-boot+ iha uma nia fundasaun neʼebé metin.+
Ema hotu neʼebé tau fiar sei la sai taʼuk.+
Udan jelu-fatuk sei halakon tiha lia-bosok sira neʼebé hanesan fatin protesaun,
No bee sei halo nakonu fatin neʼebé uza atu subar.
Kuandu bee makaʼas suli liu,
Ida-neʼe sei harahun imi.
19 Dala ida-idak neʼebé bee neʼe suli liu,
Neʼe sei lori lakon tiha imi;+
Tanba bee neʼe sei suli liu dadeer-dadeer,
Durante loron no durante kalan.
Só taʼuk deʼit mak sei halo sira komprende buat neʼebé sira rona ona.”*
20 Tanba kama kiʼik liu atu ema ida toba iha laran,
No lensól kiʼik liu atu falun an.
21 Jeová sei hamriik hanesan nia uluk halo iha Foho Perazim;
Nia rasik sei hamriik hanesan nia uluk halo iha rai-tetuk besik Gibeão,+
Atu nuneʼe nia bele hatudu sai ninia hahalok sira, ninia hahalok neʼebé laʼós baibain,
No atu nia bele kumpre ninia serbisu, ninia serbisu neʼebé laʼós baibain.+
22 Agora imi keta soe lia,+
Atu nuneʼe tali neʼebé kesi imi sei la sai metin liután,
Tanba haʼu rona ona husi Naʼi Ukun-Naʼin Boot Liu, Jeová neʼebé ukun tropa lalehan nian,
Katak nia deside ona atu halakon rai tomak.+
23 See tilun no rona haʼu-nia liafuan bá;
Tau atensaun no rona ba buat neʼebé haʼu fó sai.
24 Ema neʼebé fila rai sei uza loron tomak atu fila rai no la kuda fini ka lae?
Nia sei kontinua fila rai deʼit no la kuda fini ka lae?+
25 Duké halo ida-neʼe, bainhira nia halo tetuk ona ninia rai,
Nia sei kari komiñu-metan nia fini no kuda fini komiñu, loos ka lae?
27 Tanba baibain ema la uza ai-kabelak atu harahun komiñu-metan,+
No ema la uza roda boot atu harahun komiñu hodi hasai ninia kulit.
Duké halo ida-neʼe, ema baku komiñu-metan ho ai-tonka,
No baku komiñu ho ai-sanak.
28 Bainhira ema ida sama trigu,* nia sei harahun trigu-musan toʼo uut atu halo paun ka lae?
Lae, nia sei la kontinua harahun ida-neʼe;+
No bainhira nia sama trigu hodi uza roda boot neʼebé kuda sira mak dada,
Nia la harahun ida-neʼe toʼo uut.+
29 Neʼe mós mai husi Jeová neʼebé ukun tropa lalehan nian,
Ninia konsellu* mak kmanek liu
29 “Susar ba Ariel,* Ariel, sidade neʼebé uluk David hela bá!+
Kontinua halaʼo imi-nia festa tinan-tinan,
Selebra festa sira tinan ba tinan.+
2 Maibé haʼu sei lori susar ba Ariel,+
No iha neʼebá ema sei lelir no tanis halerik,+
No ba haʼu, Ariel sei sai hanesan Maromak nia altár hodi sunu sakrifísiu.+
3 Haʼu sei mai no hela iha ó-nia sorin-sorin atu ataka ó,
Haʼu sei tau lutu ho ai-meik haleʼu ó
No harii moru hodi serku ó.+
4 Ó sei monu no hetan moe;
Ó sei koʼalia husi rai,
No rai-rahun sei hanetik ó-nia koʼalia.
Ó-nia lian sei sai husi rai+
Hanesan lian husi ema neʼebé koko atu koʼalia ba ema mate,
No ó sei koʼalia ho lian neineik husi rai-rahun.
5 Ó-nia inimigu lubun* sei sai hanesan rai-rahun neʼebé uut loos,+
No ema-lubun husi ukun-naʼin aat sira sei sai hanesan trigu-kulit neʼebé anin lori tiha.+
Neʼe sei akontese derrepente deʼit.+
6 Jeová neʼebé ukun tropa lalehan nian sei salva ó
Ho rai-tarutu, rai-nakdoko no ho tarutu makaʼas,
Ho anin-fuik, anin makaʼas no ho ahi neʼebé lakan makaʼas.”+
7 Tuirmai ema-lubun husi nasaun sira hotu neʼebé halo funu hasoru Ariel,+
Sin, sira hotu neʼebé halo funu hasoru nia,
Sira neʼebé harii uma aas* atu ataka nia,
No sira neʼebé lori susar ba nia,
Sira sei sai hanesan mehi ida, vizaun ida iha kalan.
8 Sin, neʼe sei sai hanesan ema neʼebé hamlaha mehi katak nia han daudaun,
Maibé bainhira nia hadeer, nia* hamlaha nafatin,
No hanesan ema neʼebé hamrook mehi katak nia hemu daudaun,
Maibé bainhira nia hadeer, nia sei kole no hamrook nafatin.
Entaun neʼe mak sei akontese ba ema-lubun husi nasaun hotu
Neʼebé halo funu hasoru Foho Siaun.+
Sira lanu, maibé laʼós ho tua-uvas;
Sira laʼo namlele, maibé laʼós tanba hemu tua.
10 Jeová halo ona imi toba-dukur loos;+
Nia taka ona profeta sira-nia matan,+
No nia taka ona ema sira neʼebé haree vizaun nia ulun.+
11 Ba imi, vizaun hotu sai ona hanesan liafuan iha livru neʼebé taka metin.+ Bainhira sira fó livru neʼe ba ema ida neʼebé bele lee, hodi dehan: “Favór ida, lee ida-neʼe ho lian makaʼas”, ema neʼe sei hatán: “Haʼu labele lee, tanba livru neʼe taka metin ona.” 12 No bainhira sira fó livru neʼe ba ema neʼebé lee la hatene, hodi dehan: “Favór ida, lee ida-neʼe”, ema neʼe sei hatán: “Haʼu lee la hatene.”
13 Jeová hatete: “Povu neʼe hakbesik ba haʼu ho sira-nia ibun deʼit
No sira respeitu haʼu ho ibun-tutun deʼit,+
Maibé sira-nia laran dook husi haʼu;
No sira hamtaʼuk haʼu tan deʼit ema nia ukun-fuan neʼebé hanorin ona ba sira.+
14 Tan neʼe, haʼu rasik mak sei halo fali buat furak sira ba povu neʼe+
Ho buat kmanek barak;
Matenek husi sira-nia matenek-naʼin sira sei lakon,
No koñesimentu husi sira-nia ema matenek sira sei la iha tan.”+
15 Susar ba sira neʼebé hakaʼas an atu subar sira-nia planu* husi Jeová.+
Sira halo hahalok aat iha fatin nakukun,
No sira dehan: “Sé mak haree ita?
Sé mak hatene kona-ba buat neʼebé ita halo daudaun?”+
16 Imi-nia hanoin mak kleʼuk duni!
Badaen rai-mean hanesan ho rai-mean ka lae?+
Sasán neʼebé badaen halo ona labele koʼalia kona-ba badaen neʼe, hodi dehan:
“Nia la halo haʼu.”+
Sasán neʼebé badaen halo ona labele koʼalia kona-ba badaen neʼe, hodi dehan:
“Nia la hatene buat ida.”+
17 Lakleur tan, Líbanu sei sai fali toʼos ai-fuan nian,+
No toʼos ai-fuan nian sei sai hanesan ai-laran.+
18 Iha loron neʼebá, ema tilun-diuk sei rona liafuan sira husi livru neʼe,
No ema matan-delek sei haree husi nakukun laran.+
19 Ema laran-maus sei haksolok tebes tanba Jeová,
No ema kiak sira iha ema nia leet sei haksolok tanba Izraél nia Maromak neʼebé Santu.+
20 Tanba ukun-naʼin aat sei la iha tan,
Ema neʼebé gaba an sei lakon mohu,
No ema hotu neʼebé prontu atu halo aat sei rahun.+
21 Sira neʼebé duun matak ema seluk sei lakon tiha.
Ema sira-neʼe tau lasu ba ema neʼebé defende kazu* iha sidade nia portaun,+
No uza liafuan bosok hodi nega justisa ba ema laran-loos.+
22 Entaun, neʼe mak buat neʼebé Jeová, ida neʼebé sosa fali Abraão,+ dehan ba Jacob nia umakain:
23 Tanba bainhira nia haree ninia oan sira iha ninia leet,
Neʼebé haʼu-nia liman rasik mak halo,+
Sira sei halo haʼu-nia naran santu;*
Sin, sira sei halo santu Jacob nia Maromak neʼebé Santu,
No sira sei hamtaʼuk Izraél nia Maromak.+
24 Ema sira neʼebé laʼo sala dalan* sei hetan kbiit atu komprende,
No sira neʼebé muramura sei simu hanorin.”
30 Jeová dehan: “Susar ba oan-mane sira neʼebé ulun-toos,+
Sira kumpre planu neʼebé laʼós haʼu-nian,+
No sira halo aliansa,* maibé la halo tuir haʼu-nia hakarak,*
Atu nuneʼe sira-nia sala aumenta tan.
2 Sira laʼo tun ba rai-Ejitu+ hodi la husu uluk ba haʼu,+
Sira buka protesaun husi Faraó
No buka protesaun iha rai-Ejitu nia mahon!
3 Maibé Faraó nia protesaun sei sai nuʼudar buat neʼebé halo imi moe,
No protesaun iha rai-Ejitu nia mahon sei halo imi sente moe.+
4 Tanba ninia ulun-naʼin sira iha Zoan,+
No ninia ema sira neʼebé lori mensajen toʼo ona iha Hanes.
5 Sira hotu sei hetan moe
Tanba sira sadere ba ema Ejitu neʼebé la lori buat diʼak ba sira,
No la fó ajuda no labele halo buat ida,
Só deʼit lori moe boot no ema sei la respeitu nia.”+
6 Tuirmai neʼe mak liafuan kastigu nian kona-ba animál sira husi parte súl:
Sira laʼo liuhusi rai terus no susar nian,
Rai neʼebé iha leaun, leaun neʼebé hasai lian,
Rai neʼebé iha samea venenu no samea neʼebé ataka lalais,
Sira lori sira-nia rikusoin iha kuda-burru nia leten
No lori sira-nia sasán iha kuda-kamelu nia leten.
Maibé buat sira-neʼe sei la lori diʼak ba povu.
7 Tanba Ejitu nia ajuda mak la iha folin.+
Tan neʼe haʼu bolu ida-neʼe nuʼudar “Raab,*+ neʼebé la halo buat ida”.
8 “Agora bá, hakerek neʼe iha fatuk-belar ida iha sira-nia oin,
No hakerek neʼe iha livru ida,+
Atu nuneʼe, ida-neʼe bele sai nuʼudar sasin ba nafatin
Iha futuru.+
10 Sira hatete ba ema neʼebé haree vizaun: ‘Keta haree’,
No hatete ba profeta sira: ‘Keta konta vizaun neʼebé loos ba ami.+
Fó sai deʼit liafuan neʼebé diʼak* ba ami; haree deʼit vizaun sira neʼebé la loos.+
11 Laʼo sees husi dalan neʼe; laʼo sees husi dalan neʼebé loos.
Para ona atu koʼalia ba ami kona-ba Izraél nia Maromak neʼebé Santu.’”+
12 Tan neʼe, Izraél nia Maromak neʼebé Santu dehan nuneʼe:
“Tanba imi la simu ona liafuan neʼe+
No imi tau fiar ba lia-bosok no lohi
No sadere ba buat sira-neʼe,+
13 Entaun imi-nia sala neʼe mak hanesan moru neʼebé nakfera,
Hanesan moru aas neʼebé besik atu monu.
Neʼe sei rahun kedas derrepente deʼit.
14 Ida-neʼe sei rahun hanesan sanan-rai boot,
Neʼebé baku rahun ona toʼo la iha pedasuk ida mak sei hela
Atu uza hodi raʼut ahi husi ahi-matan
Ka hodi kuru bee uitoan husi bee-lihun.”*
15 Tanba Jeová, Naʼi Ukun-Naʼin Boot Liu, Izraél nia Maromak neʼebé Santu, dehan nuneʼe:
“Imi sei hetan salvasaun se imi fila fali ba haʼu no hein deʼit ba haʼu;
Imi sei iha forsa se imi kalma nafatin no tau fiar ba haʼu.”+
Maibé imi lakohi.+
16 Duké halo nuneʼe, imi dehan fali: “Lae, ami sei halai hodi saʼe kuda!”
Tan neʼe, imi sei halai duni.
Imi dehan: “Ami sei saʼe kuda neʼebé halai lalais!”+
Tan neʼe, sira neʼebé duni tuir imi mós sei halai lalais.+
17 Ema naʼin-rihun ida sei nakdedar tanba taʼuk ema ida;+
No imi sei halai tanba taʼuk ema naʼin-lima
Toʼo ema restu husi imi sai deʼit hanesan ai-riin ida iha foho-tutun,
Hanesan ai-riin sinál nian iha foho-oan ida.+
18 Maibé Jeová hein ho pasiénsia atu hatudu laran-diʼak ba imi,+
No nia sei hamriik hodi hatudu laran-sadiʼa ba imi.+
Tanba Jeová mak Maromak justisa nian.+
Ksolok ba ema sira neʼebé hein nafatin* ba nia.+
19 Bainhira povu neʼe hela iha Siaun, iha Jeruzalein,+ imi* sei la tanis tan.+ Maromak sei hatudu duni laran-diʼak ba imi bainhira imi husu ajuda husi nia. Nia sei hatán kedas bainhira nia rona imi halerik.+ 20 Maski Jeová, imi-nia Mestre Boot, sei fó imi paun terus nian atu han no fó imi bee susar nian atu hemu,+ maibé nia sei la subar tan ninia an, no imi sei haree imi-nia Mestre Boot+ ho imi-nia matan rasik. 21 No se imi laʼo sala dalan ba sorin loos ka ba sorin karuk,+ imi-nia tilun rasik sei rona lian ida husi imi-nia kotuk dehan: “Dalan mak neʼe.+ Laʼo tuir ida-neʼe bá.”
22 Imi sei hafoʼer imi-nia estátua neʼebé taka ho osan-mutin no imi-nia estátua besi neʼebé taka ho osan-mean.+ Imi sei soe tiha estátua sira-neʼe hanesan hena menstruasaun nian no dehan: “Neʼe foʼer!”+ 23 Nuneʼe Maromak sei fó udan ba fini neʼebé imi kuda iha rai,+ no ai-han neʼebé moris husi rai sei sai barak no diʼak liu.+ Iha loron neʼebá, imi-nia animál-hakiak sei han duʼut iha fatin neʼebé luan.+ 24 No karau ho kuda-burru sira neʼebé uza atu fila rai sei han ai-han diʼak oioin, katak ai-han diʼak neʼebé haliri* no hamoos ona hodi uza kanuru boot no garfu boot. 25 Ema barak sei mate bainhira uma aas* sira monu. Iha tempu neʼebá foho aas hotu no foho-oan hotu sei iha mota no bee-dalan.+ 26 No iha loron neʼebé Jeová falun ninia povu nia kanek+ no kura ninia povu nia kanek todan husi ninia kastigu,+ naroman husi fulan-tomak sei sai hanesan naroman husi loro-matan, no naroman husi loro-matan sei sai naroman liután ba dala hitu,+ hanesan naroman ba loron hitu nian.
27 Haree bá! Jeová* mai daudaun husi fatin neʼebé dook,
Nia mai ho ninia hirus neʼebé lakan makaʼas no ho kalohan metan.
Ninia ibun nakonu ho hirus,
No ninia nanál mak hanesan ahi-lakan makaʼas.+
28 Ninia espíritu* mak hanesan bee boot iha mota neʼebé saʼe toʼo kakorok,
Nia sei doko nasaun sira bá-mai hanesan peneira hodi halakon buat folin-laek sira,*
No nia sei tau kuda-freun ba povu sira-nia hasan-ruin+ hodi lori lakon sira.
29 Maibé imi-nia knananuk sei sai hanesan knananuk neʼebé imi kanta iha kalan
Bainhira imi prepara* ba festa ida,+
No imi-nia laran-haksolok sei sai hanesan ema neʼebé huu flauta*
No laʼo ba Jeová nia foho,
Ba Maromak neʼebé nuʼudar Izraél nia Fatuk Boot.+
30 Jeová sei halo ema rona ninia lian neʼebé kmanek+
No nia sei hatudu sai forsa husi ninia liman+ ho hirus makaʼas,+
Ho ahi neʼebé lakan boot,+
Kalohan neʼebé lori udan boot+ no rai-tarutu no udan jelu-fatuk.+
32 No dala ida-idak neʼebé Jeová baku rai-Asíria
Ho ninia rota kastigu nian
Neʼe sei akompaña ho tamborín no arpa+
Bainhira nia liki liman hasoru sira iha funu.+
Nia tau ona ai nakonu iha fatin neʼebé kleʼan,
Iha ai-sunu barak no ahi sei lakan makaʼas.
Jeová sei huu iis neʼebé hanesan mota enxofre* nian
Hodi sunu fatin neʼe.
31 Susar ba sira neʼebé tun ba rai-Ejitu atu husu ajuda,+
Sira neʼebé tau fiar ba kuda,+
Sira neʼebé tau fiar ba kuda-karreta funu nian neʼebé barak loos,
No kuda funu nian* tanba sira iha kbiit.
Maibé sira la buka ajuda husi Izraél nia Maromak neʼebé Santu,
No sira la buka Jeová.
2 Maibé Maromak mós hatudu matenek no sei lori susar,
No nia sei la dada fali ninia liafuan.
Nia sei hamriik hodi kontra hasoru ema aat nia umakain
No kontra sira neʼebé ajuda ema aat.+
3 Maibé ema Ejitu mak ema deʼit, laʼós Maromak;
Sira-nia kuda mak animál deʼit, laʼós kriatura espíritu.+
Bainhira Jeová lolo ninia liman,
Ema neʼebé fó ajuda sei sidi
No ema neʼebé husu ajuda sei monu;
Sira hotu sei lakon mohu dala ida deʼit.
4 Tanba Jeová fó sai ona ba haʼu, hodi dehan:
“Hanesan leaun-aman ida neʼebé forte hasai lian tanba animál neʼebé nia foin oho,
Bainhira bibi-atan hotu bolu malu hamutuk atu kontra leaun neʼe,
Nia la sai taʼuk tanba sira-nia lian
Ka la hakfodak tanba sira-nia barullu,
Nuneʼe mós ho Jeová neʼebé ukun tropa lalehan nian, nia sei tun atu halo funu
Iha Foho Siaun no ninia foho-oan nia leten.
5 Hanesan manu neʼebé semo tun, nuneʼe mós Jeová neʼebé ukun tropa lalehan nian sei defende Jeruzalein.+
Nia sei defende Jeruzalein no salva sidade neʼe.
Nia sei proteje no salva Jeruzalein.”
6 “Oh povu Izraél, fila fali ba Ida neʼebé imi kontra ho ulun-toos.+ 7 Tanba iha loron neʼebá, imi ida-idak sei nega imi-nia maromak folin-laek sira husi osan-mutin no osan-mean, neʼebé imi halo ho imi-nia liman rasik no neʼe mak hahalok sala.
8 Ema Asíria sei mate ho surik, maibé laʼós ema nia surik;
Surik ida mak sei tolan nia, maibé laʼós ema nia surik.+
Nia sei halai tanba surik,
No ninia mane joven sira sei sai atan atu halo serbisu.
9 No ida neʼebé nia tau fiar* sei lakon tiha tanba taʼuk,
No ninia ulun-naʼin sira sei taʼuk tanba ai-riin sinál nian”, Jeová mak dehan.
Ninia ahi-oan iha Siaun no ninia ahi-matan iha Jeruzalein.
2 Sira ida-idak sei sai hanesan subar-fatin* husi anin,
No fatin mahon* husi udan boot,
Hanesan bee neʼebé suli iha rai-maran,+
Hanesan mahon husi fatuk boot iha rai neʼebé maran-dekor.
3 Ema neʼebé bele haree sei la taka matan tan,
No ema neʼebé bele rona sei tau atensaun.
4 Ema neʼebé ansi sei hanoin didiʼak kona-ba koñesimentu,
No ema neʼebé hasan-toos sei koʼalia ho momoos hodi la sidi.+
5 Ema sei la bolu tan ema neʼebé la iha neon nuʼudar ema laran-luak,
No la bolu tan ema neʼebé la iha morál nuʼudar ema-boot.
6 Tanba ema neʼebé la iha neon sei koʼalia buat beik,
No ninia laran sei halo planu kona-ba buat aat,+
Atu habelar hahalok kontra Maromak* no koʼalia buat aat hasoru Jeová,
Nia halo ema* neʼebé hamlaha kontinua kabun mamuk
No halo ema neʼebé hamrook kontinua hamrook.
7 Ema neʼebé la iha morál, ninia hahalok sira mak aat.+
Nia habelar hahalok neʼebé la iha moe
Atu harahun ema neʼebé iha susar laran ho lia-bosok,+
Nia harahun ema kiak maski ema kiak koʼalia buat loos.
8 Maibé ema laran-luak hakarak hatudu laran-luak,
No nia sei kontinua hatudu laran-luak.
9 “Imi feto sira neʼebé kontente deʼit ho imi-nia moris, hadeer bá no rona haʼu-nia lian!
Imi oan-feto neʼebé la hanoin barak,+ see tilun ba buat neʼebé haʼu hatete!
10 Liutiha tinan ida, imi neʼebé la hanoin barak, sei sai nakdedar,
Tanba maski tempu koʼa uvas nian remata ona, maibé imi sei la halibur uvas-fuan ida.+
11 Oh feto sira neʼebé kontente deʼit ho imi-nia moris, nakdedar bá!
Imi neʼebé la hanoin barak, nakdedar bá!
12 Baku imi-nia hirus-matan hodi tanis
Tanba buat neʼebé akontese ona ba toʼos neʼebé diʼak no toʼos-uvas neʼebé buras.
13 Tanba haʼu-nia povu nia rai sei taka ho ai-tarak no duʼut-tarak;
Ai-tarak sira sei nakonu iha uma ksolok nian hotu,
Sin, iha sidade ksolok nian.+
Ofel+ no ninia fatin aas* sai ona rai-fuik ba nafatin,
Fatin neʼebé kuda-burru fuik gosta,
No fatin neʼebé bibi-lubun sira han duʼut,+
15 Toʼo tempu neʼebé Maromak fakar ninia espíritu ba ita,+
No rai-fuik sei sai fali toʼos ai-fuan nian,
No ema sei haree toʼos ai-fuan nian hanesan ai-laran.+
16 Tuirmai justisa mak sei hela iha rai-fuik,
No hahalok loos mak sei hela iha toʼos ai-fuan nian.+
17 Rezultadu husi hahalok loos mak dame,+
No rezultadu husi hahalok loos mak hakmatek no seguru ba nafatin.+
18 Haʼu-nia povu sei hela iha fatin neʼebé iha dame,
Sira sei hela iha fatin neʼebé hakmatek no seguru.+
19 Maibé udan jelu-fatuk sei estraga ai-laran,
No sidade sei sai rai-tetuk.
20 Ksolok ba imi neʼebé kuda fini besik bee ninin hotu,
No ba imi neʼebé kore karau no kuda-burru sira.”+
33 Susar ba ó* neʼebé estraga ema nia rai maski ó-nia rai seidauk hetan estraga;+
Ó neʼebé lohi ema maski ó seidauk hetan lohi!
Bainhira ó estraga hotu ona, ó mós sei hetan estraga.+
Bainhira ó lohi hotu ona, ó mós sei hetan lohi.
2 Oh Jeová, hatudu laran-diʼak ba ami.+
Ami tau esperansa ba Ita-Boot.
3 Povu sira halai tanba rona lian tarutu.
Bainhira Ita hamriik, nasaun sira halai namkari.+
4 Ema sei halibur ó-nia sasán hanesan gafañotu neʼebé hamlaha han buat hotu;
Ema sei halai lalais atu foti ó-nia sasán hanesan gafañotu lubun.
5 Jeová sei hetan hahiʼi,
Tanba nia hela iha fatin aas iha leten.
Nia sei halo nakonu Siaun ho justisa no hahalok loos.
6 Nia mak halo imi seguru iha imi-nia tempu.
Hahalok matenek, koñesimentu no hamtaʼuk Jeová,+
Neʼebé nuʼudar ninia rikusoin, mak sei lori salvasaun boot.+
7 Haree bá! Sira-nia asuwaʼin sira sei hakilar iha dalan;
No ema sira neʼebé lori mensajen dame nian sei tanis makaʼas.
8 Dalan boot sira sai mamuk ona;
La iha ema ida mak laʼo iha dalan kiʼik sira.
9 Rai neʼe tanis* no namlaek ona.
Líbanu sai moe+ no dodok ona.
Saron sai ona hanesan rai-fuik maran,
Ai-tahan sira iha Basan no Karmel monu tiha ona.+
10 Jeová dehan: “Agora haʼu sei hamriik,
Agora haʼu sei fó hahiʼi ba haʼu-nia an;+
Agora haʼu sei fó glória ba haʼu-nia an.
11 Imi sai isin-rua ho duʼut-maran no imi tuur-ahi duʼut-kain.
Imi-nia hanoin rasik sei tolan imi hanesan ahi.+
12 Povu sei sai hanesan fatuk-ahu neʼebé sunu tiha.
Ema sei sunu tiha sira hanesan ai-tarak neʼebé tesi ona.+
13 Imi neʼebé iha fatin dook, rona ba buat neʼebé haʼu sei halo!
No imi neʼebé besik, rekoñese haʼu-nia kbiit bá!
‘Sé mak bele hela iha fatin neʼebé ahi lakan makaʼas?+
Sé mak bele tahan iha ahi neʼebé la mate?’
15 Ema neʼebé kontinua halo hahalok loos,+
Ema neʼebé koʼalia buat loos,+
Ema neʼebé la bosok, la lohi hodi hamatak ema,
Ema neʼebé ninia liman la simu prezente hodi bobar lia-loos,+
Ema neʼebé taka sira-nia tilun ba ema nia planu aat atu oho ema,
No ema neʼebé taka ninia matan atu labele haree buat aat,
16 Nia sei hela iha foho neʼebé aas;
Ninia fatin protesaun* neʼebé seguru mak iha fatuk boot sira,
Nia sei simu ai-han,
No ninia bee sei la maran.”+
17 Imi-nia matan sei haree liurai ida neʼebé kmanek,
No haree rai ida neʼebé dook tebes.
18 Iha imi-nia laran, imi sei hanoin fali kona-ba buat neʼebé halo imi taʼuk, hodi dehan:
“Sekretáriu iha neʼebé?
Ema neʼebé uluk tetu impostu iha neʼebé?+
Ema neʼebé uluk sura uma aas* sira iha neʼebé?”
19 Imi sei la haree tan povu neʼebé la hatene respeitu,
Povu ida neʼebé ninia língua susar* liu atu komprende,
Neʼebé ninia lian hanesan ema hasan-toos no halo imi la komprende.+
20 Haree ba Siaun, sidade neʼebé baibain ita halaʼo ita-nia festa sira!+
Imi-nia matan sei haree Jeruzalein nuʼudar hela-fatin neʼebé hakmatek,
Tenda ida neʼebé sei nunka muda.+
Ninia pregu tenda nian sei nunka losu sai,
No ninia tali ida mós sei nunka kotu.
21 Maibé iha neʼebá mak Jeová, Maromak neʼebé Kbiit Boot,
Sei proteje ita hanesan mota no bee-dalan neʼebé luan haleʼu fatin ida,
Ró funu nian sei la liu
No ró boot mós sei la liu.
22 Tanba Jeová mak ita-nia Juís,+
Jeová mak Ida neʼebé Fó Ukun-Fuan ba ita,+
Jeová mak ita-nia Liurai;+
Nia mak Ida neʼebé sei salva ita.+
23 Inimigu nia ró talin sira sei kesi la metin;
Tali sira-neʼe labele tahan netik ró nia riin no laan;
Iha tempu neʼebá, ema sei fahe ba malu sasán neʼebé sira hadau ona;
No ema ain-kudeʼik mós sei foti sasán barak.+
24 No la iha ema ida iha rai mak sei dehan: “Haʼu moras.”+
Povu neʼebé hela iha rai neʼe sei hetan duni perdua ba sira-nia sala.+
34 Oh imi nasaun sira, mai besik atu rona,
Oh imi povu sira, tau atensaun bá.
Mundu no buat neʼebé iha mundu,
No mós rai no buat hotu neʼebé moris iha rai, rona bá.
Nia sei halakon sira;
Nia sei entrega sira ba mate.+
3 Ema sei soe sai tiha sira-nia mate-isin,
No dois husi sira-nia mate-isin sei saʼe ba leten;+
4 Tropa lalehan nian hotu sei sai dodok tiha,
No lalehan sei lulun tiha hanesan surat-tahan ida.
Lalehan nia tropa hotu sei sai namlaek,
Hanesan uvas-tahan neʼebé namlaek no monu husi ninia hun
No ai-figeira fuan neʼebé namlaek no monu husi ninia hun.
5 “Tanba iha lalehan haʼu-nia surik sei sai bokon ho raan.+
Surik neʼe sei tun ba Edom hodi tesi-lia,+
Tun ba povu neʼebé haʼu deside ona atu halakon.
6 Jeová iha surik ida; ida-neʼe sei taka ho raan.
Ida-neʼe sei taka ho bokur,+
Ho raan husi bibi-malae aman* no bibi-timur sira,
Ho bokur husi bibi-malae aman nia rins.
Tanba Jeová sei halo sakrifísiu ida iha Bozra,
No nia sei oho ema barak iha Edom.+
7 Karau-aman fuik sei mate hamutuk ho sira,
Karau-aman* sei mate hamutuk ho karau sira neʼebé iha kbiit boot.
Sira-nia rai sei bokon ho raan,
No sira-nia rai-rahun sei hoban ho bokur.”
8 Tanba Jeová hili ona loron ida atu selu fali,+
Nia hili ona tinan atu fó kastigu ba inimigu tanba halo buat aat ba Siaun.+
9 Ninia* mota sira sei sai fali alkatraun been,
No ninia rai-rahun sei sai fali enxofre,*
No ninia rai sei sai hanesan alkatraun neʼebé lakan.
10 Iha kalan ka loron ahi sei la mate;
Ninia suar sei kontinua saʼe ba leten.
Husi jerasaun ba jerasaun rai neʼe sei nafatin mamuk;
No la iha ema ida mak sei laʼo liu rai neʼe tinan ba tinan ba nafatin.+
11 Manu-pelikanu no porku-espiñu sei hela iha neʼebá,
No manu-kakuuk* no manu-metan sei hela iha neʼebá.
Maromak sei sukat rai neʼe ho tali-prumu*
Atu hatudu katak rai neʼe sei sai mamuk no la iha folin.
12 Ninia ema-boot ida mós sei la sai liurai,
No ninia ulun-naʼin hotu sei la iha tan.
13 Ai-tarak sei moris iha ninia palásiu* sira neʼebé seguru,
Ai-horis fuik no duʼut-tarak mak sei moris iha ninia moru aas sira.
Sidade neʼe sei sai toba-fatin ba asu-xakál,+
No hela-fatin ba manu-avestrús.
14 Animál husi rai-fuik sei hasoru malu iha neʼebá hodi hasai lian,
No bibi-timur fuik* sei bolu ninia maluk.
Sin, manu-kalan* sei hela iha neʼebá no hetan fatin deskansa.
15 Samea sei halo knuuk no tolun iha neʼebá,
No sei iha oan no halibur sira hodi proteje sira iha ninia mahon.
Sin, manu-makikit sira sei halibur iha neʼebá, sira ida-idak ho sira-nia pár.
16 Buka didiʼak iha Jeová nia livru no lee ida-neʼe ho lian makaʼas:
Animál sira-neʼe ida mós sei la lakon;
Sira ida mós sei la falta sira-nia pár,
Tanba Jeová nia ibun mak fó sai orden neʼe,
No ninia espíritu mak halibur sira hamutuk.
17 Nia mak Ida neʼebé dada sorteiu* ba sira atu deside sira-nia parte,
No ninia liman rasik sukat ona fatin neʼebé fó ona ba sira.*
Sira sei hela iha rai neʼe ba nafatin;
Sira sei hela iha neʼebá husi jerasaun ba jerasaun.
35 Rai-fuik no rai neʼebé maran-dekor sei haksolok,+
No rai-tetuk maran sei haksolok no sai nakonu ho ai-funan asafraun.+
2 Rai neʼe sei sai buras duni;+
Neʼe sei haksolok no haklalak ho kontente.
Sira sei haree Jeová nia glória, ita-nia Maromak nia kmanek.
3 Hametin ema fraku nia liman,
No hametin ema neʼebé ain-tuur nakdedar.+
4 Hatete ba sira neʼebé laran-taridu:
“Sai forte bá. Keta taʼuk.
Haree bá! Imi-nia Maromak sei mai atu selu fali,
Maromak sei selu fali ba imi-nia inimigu.+
Nia sei mai atu salva imi.”+
6 Iha tempu neʼebá, ema ain-kudeʼik sei haksoit hanesan bibi-rusa,+
No ema monok nia nanál sei haklalak ho haksolok.+
Tanba bee sei suli iha rai-fuik,
No mota sira sei suli iha rai-tetuk maran.
7 Rai-maran neʼebé manas sei sai fali kolan ho duʼut aas,
No bee sei suli iha rai neʼebé maran-dekor.+
Iha fatin neʼebé uluk asu-xakál sira deskansa bá,+
Sei iha duʼut matak, duʼut aas no duʼut-papiru.
Ema neʼebé la moos sei la laʼo iha dalan neʼe.+
Dalan neʼe ba deʼit sira neʼebé laʼo tuir nia;
Ema beik sei labele tama iha dalan neʼe.
9 La iha leaun ida iha neʼebá,
No animál fuik neʼebé siʼak mós sei la tama iha dalan neʼe.
Ema sei la hetan animál sira-neʼe iha neʼebá;+
Só deʼit ema sira neʼebé Maromak sosa fali ona mak laʼo iha neʼebá.+
10 Ema sira neʼebé Jeová sosa fali ona mak sei fila fali+ no toʼo iha Siaun hodi haklalak ho haksolok.+
No sira sei tau koroa ksolok nian iha sira-nia ulun ba nafatin.+
Ksolok no kontente mak sira-nian,
Triste no halerik sei la iha tan.+
36 Iha tinan 14 iha Liurai Ezequias nia ukun, Liurai Senaquerib husi rai-Asíria+ mai halo funu hasoru Judá nia sidade hotu neʼebé iha moru aas no manán sidade sira-neʼe.+ 2 Tuirmai liurai Asíria haruka Rabsaque*+ sai husi Lakis+ hamutuk ho tropa barak hodi bá hasoru Liurai Ezequias iha Jeruzalein. Tropa sira-neʼe hamriik besik bee-dalan neʼebé suli husi kolan* iha leten,+ besik dalan boot iha rai-luan neʼebé ema fase roupa.+ 3 Tuirmai Hilquias nia oan-mane Eliaquim+ neʼebé tau matan ba palásiu,* sekretáriu Sebna,+ no mós Asaf nia oan-mane Joá neʼebé serbí nuʼudar liurai nia hakerek-naʼin, sira sai mai hodi hasoru nia.
4 Entaun Rabsaque dehan ba sira: “Favór ida, hatete ba Ezequias: ‘Neʼe mak liafuan husi liurai boot, liurai husi rai-Asíria: “Ó-nia fiar bazeia ba saida?+ 5 Ó hatete: ‘Haʼu iha planu no kbiit atu halo funu’, maibé neʼe mak liafuan mamuk deʼit. Ó tau fiar ba sé mak ó brani atu kontra haʼu?+ 6 Ó fiar Ejitu atu apoia ó, maibé Ejitu mak hanesan duʼut-kain neʼebé tohar ona. Kuandu ema ida sadere ba duʼut neʼe, neʼe sei sona borus ninia liman. Faraó, liurai Ejitu, mak hanesan neʼe ba ema hotu neʼebé fiar nia.+ 7 Se karik ó hatete ba haʼu: ‘Ami tau fiar ba Jeová, ami-nia Maromak’, maibé loloos Ezequias sobu tiha ona+ ninia fatin aas no altár sira, loos ka lae? No Ezequias dehan ba povu Judá no Jeruzalein: ‘Imi tenke hakruʼuk iha altár ida-neʼe.’”’+ 8 Entaun favór ida, agora taru ho haʼu-nia naʼi liurai Asíria:+ Haʼu sei fó kuda 2.000 ba ó no haree toʼok se ó bele buka-hetan tropa neʼebé toʼo atu saʼe kuda sira-neʼe. 9 Entaun, se ó fiar Ejitu nia kuda-karreta sira no tropa neʼebé saʼe kuda, oinsá mak ó bele duni sai ulun-naʼin neʼebé kiʼik liu iha haʼu-nia naʼi nia atan sira-nia leet? 10 Jeová mak fó direitu ba haʼu atu mai halakon rai neʼe. Jeová rasik dehan ba haʼu: ‘Bá ataka no halakon rai neʼe.’”
11 Ho ida-neʼe, Eliaquim, Sebna+ no Joá hatete ba Rabsaque:+ “Favór ida, koʼalia ba Ita-nia atan sira ho lian Aramaiku,*+ tanba ami bele komprende. Labele koʼalia ba ami ho ema Judeu nia língua tanba povu iha moru leten rona hela.”+ 12 Maibé Rabsaque hatete: “Haʼu-nia naʼi haruka haʼu atu koʼalia liafuan sira-neʼe ba imi-nia naʼi no imi deʼit ka? Mensajen neʼe mós ba ema hotu neʼebé iha moru leten, katak sira hotu neʼebé sei han sira-nia tee rasik no hemu sira-nia mii rasik hamutuk ho imi, loos ka lae?”
13 Tuirmai Rabsaque hamriik no hakilar ho lian makaʼas iha ema Judeu nia língua,+ hodi dehan: “Rona ba liafuan husi liurai boot, liurai husi rai-Asíria.+ 14 Liurai dehan: ‘Keta husik Ezequias lohi imi, tanba nia la iha kbiit atu salva imi.+ 15 No keta husik Ezequias halo imi tau fiar ba Jeová,+ hodi dehan: “Jeová sei salva duni ita, no sidade neʼe sei la monu ba liurai Asíria nia liman.” 16 Keta rona Ezequias, tanba liurai Asíria dehan nuneʼe: “Halo dame ho haʼu no rende an bá, nuneʼe imi ida-idak sei han uvas-fuan husi imi-nia uvas-hun rasik no han figeira-fuan husi imi-nia ai-figeira rasik no hemu bee husi imi-nia tanke* rasik, 17 toʼo haʼu mai no lori imi ba rai neʼebé hanesan imi-nian rasik,+ rai neʼebé iha ai-han barak no tua-uvas foun, rai neʼebé iha paun barak no iha toʼos-uvas. 18 Keta husik Ezequias lohi imi, hodi dehan: ‘Jeová sei salva ita.’ Maromak sira neʼebé nasaun oioin adora, bele salva sira-nia rai husi liurai Asíria nia liman ka lae?+ 19 Maromak sira husi sidade Hamat no Arpad iha neʼebé?+ Maromak sira husi sidade Sefarvaim iha neʼebé?+ Sira bele salva Samaria husi haʼu-nia liman ka lae?+ 20 Husi rai sira-neʼe, maromak ida-neʼebé mak salva ona ninia rai husi haʼu-nia liman? Jeová bele salva Jeruzalein husi haʼu-nia liman ka?”’”+
21 Maibé sira kontinua nonook no la koʼalia liafuan ida ba nia, tanba liurai fó ona orden neʼebé dehan: “Imi keta hatán ba nia.”+ 22 Maibé Hilquias nia oan-mane Eliaquim neʼebé tau matan ba palásiu,* hamutuk ho sekretáriu Sebna,+ no mós Asaf nia oan-mane Joá neʼebé nuʼudar hakerek-naʼin, sira mai hasoru Ezequias ho sira-nia roupa neʼebé sira lees ona no sira konta fali Rabsaque nia liafuan ba liurai.
37 Bainhira Liurai Ezequias rona ida-neʼe, nia lees ninia roupa no hatais hena karón.* Depois neʼe, nia tama ba Jeová nia uma.+ 2 Tuirmai nia haruka Eliaquim neʼebé tau matan ba palásiu,* hamutuk ho sekretáriu Sebna no amlulik nia ulun-naʼin sira, no sira hatais hena karón, hodi bá hasoru Amoz nia oan-mane Isaias, neʼebé nuʼudar profeta.+ 3 Sira hatete ba nia: “Ezequias dehan nuneʼe: ‘Ohin mak loron terus nian, loron insulta nian* no loron moe nian. Loron neʼe hanesan tempu neʼebé bebé ida besik atu moris, maibé inan la iha forsa atu tuur-ahi.+ 4 Karik Jeová, Ita-Boot nia Maromak, sei rona Rabsaque nia liafuan sira. Ninia naʼi liurai Asíria haruka nia mai atu sadik Maromak neʼebé moris.+ Karik Ita-nia Maromak Jeová sei selu fali ba nia tuir liafuan neʼebé Maromak rona ona. Tan neʼe, harohan bá+ atu husu ajuda ba ema restu neʼebé sei moris hela.’”+
5 Entaun Liurai Ezequias nia atan sira bá hasoru Isaias,+ 6 no Isaias dehan ba sira: “Neʼe mak liafuan neʼebé imi tenke fó sai ba imi-nia naʼi: ‘Jeová dehan nuneʼe: “Keta taʼuk+ tanba liafuan neʼebé ó rona husi liurai Asíria nia atan sira+ neʼebé koʼalia aat haʼu. 7 Haʼu sei tau ideia ida iha ninia neon,* no nia sei rona mensajen no fila fali ba ninia rai rasik.+ Haʼu sei halo nia mate ho surik iha ninia rai.”’”+
8 Bainhira Rabsaque rona katak liurai Asíria sai ona husi Lakis, Rabsaque fila fali hodi bá hasoru nia no haree katak nia halo funu daudaun hasoru Libna.+ 9 Iha momentu neʼe, liurai rona katak Liurai Tiraka husi Etiópia mai ona atu halo funu hasoru nia. Bainhira nia rona ida-neʼe, nia haruka ema lori tan lia-menon ba Ezequias,+ hodi dehan: 10 “Neʼe mak liafuan neʼebé imi tenke fó sai ba Liurai Ezequias husi Judá: ‘Keta husik Maromak neʼebé ó fiar atu lohi ó, hodi dehan: “Jeruzalein sei la monu ba liurai Asíria nia liman.”+ 11 Ó rona ona kona-ba buat neʼebé liurai sira husi Asíria halo ba rai hotu hodi harahun sira.+ Entaun ó deʼit mak sei la rahun ka? 12 Maromak sira husi nasaun oioin neʼebé haʼu-nia beiʼala sira halakon ona bele salva sira ka lae?+ Gozan, Haran,+ Resef ho povu husi Eden neʼebé iha Tel-Asar, sira agora iha neʼebé? 13 Liurai husi Hamat, liurai husi Arpad, no liurai sira husi sidade Sefarvaim,+ Hena no Iva iha neʼebé?’”
14 Ezequias simu karta sira-neʼe husi atan sira neʼebé lori lia-menon no nia lee karta sira-neʼe. Tuirmai Ezequias saʼe ba Jeová nia uma no nahe karta sira-neʼe iha Jeová nia oin.+ 15 No Ezequias komesa harohan ba Jeová,+ hodi dehan: 16 “Oh Jeová neʼebé ukun tropa lalehan nian,+ Izraél nia Maromak, neʼebé tuur iha kadunan iha kerubín sira-nia leten,* Ita-Boot deʼit mak Maromak neʼebé loos iha nasaun sira hotu iha mundu tomak. Ita mak kria lalehan no rai. 17 Oh Jeová, favór ida, see tilun no rona bá!+ Oh Jeová, loke Ita-nia matan, no haree bá!+ Rona ba liafuan hotu neʼebé Senaquerib haruka mai atu sadik Maromak neʼebé moris.+ 18 Oh Jeová, ema hotu hatene ona katak liurai sira husi rai-Asíria halakon ona rai hotu,+ inklui mós sira-nia rai rasik. 19 Sira soe tiha nasaun sira-neʼe nia maromak ba ahi,+ tanba sira laʼós Maromak maibé ema nia liman mak halo+ husi ai no fatuk. Tan neʼe mak sira bele halakon maromak sira-neʼe. 20 Maibé agora, oh Jeová, ami-nia Maromak, salva ami husi ninia liman, atu nuneʼe nasaun hotu iha mundu neʼe bele hatene katak Ita deʼit mak Maromak, oh Jeová.”+
21 Amoz nia oan-mane Isaias haruka lia-menon neʼe ba Ezequias, hodi dehan: “Jeová, Izraél nia Maromak, dehan nuneʼe: ‘Tanba ó harohan ba haʼu kona-ba Liurai Senaquerib husi Asíria,+ 22 neʼe mak liafuan neʼebé Jeová fó sai kontra nia:
“Siaun nia oan-feto virjen hakribi ona ó, nia goza ó.
Jeruzalein nia oan-feto doko ulun ba ó.
23 Ó koʼalia aat no sadik sé?+
Ó hasai lian makaʼas+
No hateke ho foti an ba sé?
Ó kontra ona Izraél nia Maromak neʼebé Santu!+
24 Ó sadik ona Jeová liuhusi ó-nia atan sira,+ hodi dehan:
‘Ho haʼu-nia kuda-karreta funu nian barak
Haʼu sei saʼe foho aas sira,+
Ba parte dook liu husi Líbanu.
Haʼu sei tesi ninia ai-sedru neʼebé aas no ninia ai-juníperu neʼebé diʼak liu.
Haʼu sei tama ba ninia fatin aas liu no ba ninia ai-laran neʼebé boot.
25 Haʼu sei keʼe bee-posu no hemu bee,
Haʼu sei hamaran mota* sira iha rai-Ejitu ho haʼu-nia ain-tanen.’
26 Ó seidauk rona ka? Desizaun neʼe halo ona* husi tempu uluk liubá.
Haʼu prepara* ida-neʼe husi loron sira neʼebé liu ona.+
Agora haʼu sei kumpre ida-neʼe.+
Ó sei halo sidade sira neʼebé iha moru aas sai fali fatuk rahun butuk.+
27 Povu iha sidade sira-neʼe sei sai kbiit-laek;
Sira sei sai taʼuk no moe.
Sira sei sai hanesan ai-horis iha rai-luan no duʼut matak,
Hanesan duʼut iha uma-kakuluk neʼebé sai maran tanba anin husi parte leste.*
28 Maibé haʼu hatene didiʼak bainhira ó tuur, bainhira ó laʼo sai, bainhira ó tama,+
No bainhira ó sai hirus tebes hasoru haʼu,+
29 Tanba ó sai hirus hasoru haʼu+ no haʼu rona ona ó-nia lian hirus.*+
Entaun haʼu sei tau besi-kaʼit iha ó-nia inus no kuda-freun+ iha ó-nia ibun,
No haʼu sei lori ó fila liuhusi dalan neʼebé ó mai.”
30 “‘Ida-neʼe sei sai sinál ba ó:* Tinan neʼe imi sei han ai-han neʼebé moris mesak deʼit; no iha tinan segundu, imi sei han ai-han neʼebé moris mesak deʼit.* Maibé iha tinan terseiru imi sei kuda fini no koʼa, no imi sei kuda uvas iha toʼos no han ninia fuan.+ 31 Ema husi Judá nia umakain neʼebé la mate, katak sira neʼebé restu,+ sei sai hanesan ai-hun neʼebé iha abut no fó fuan. 32 Tanba ema restu sei sai husi Jeruzalein no sira neʼebé moris hela sei sai husi Foho Siaun.+ Jeová neʼebé ukun tropa lalehan nian mak sei halo ida-neʼe ho ninia laran-manas.+
33 “‘Tan neʼe, Jeová dehan nuneʼe kona-ba liurai Asíria:+
“Nia sei la tama ba sidade neʼe+
Nia sei la hana ninia rama-oan ida iha neʼebá
Ka kontra sidade neʼe ho eskudu
Ka ateru rai hodi halo aas atu ataka sidade neʼe.”’+
34 ‘Nia sei fila liuhusi dalan neʼebé nia mai;
Nia sei la tama ba sidade neʼe’, Jeová mak dehan.
35 ‘Haʼu sei defende no salva sidade neʼe+ tanba haʼu-nia naran+
No tanba hanoin haʼu-nia atan David.’”+
36 Tuirmai Jeová nia anju sai hodi oho mane naʼin-185.000 iha tropa Asíria nia hela-fatin. Bainhira ema hadeer iha dadeer-saan, sira haree mate-isin sira hotu.+ 37 Entaun Liurai Senaquerib husi rai-Asíria fila fali ba Nínive+ no hela iha neʼebá.+ 38 Loron ida, bainhira nia hakruʼuk iha ninia maromak Nisrok nia templu, ninia oan-mane rasik Adramelec no Sarezer oho nia ho surik+ no tuirmai sira halai ba rai-Ararat.+ Nuneʼe ninia oan-mane Esar-Hadon+ mak sai liurai hodi troka nia.
38 Loron ida, Ezequias sai moras todan toʼo besik atu mate.+ Nuneʼe Amoz nia oan-mane Isaias,+ neʼebé nuʼudar profeta, mai no hatete ba nia: “Jeová dehan nuneʼe: ‘Fó matadalan ba ó-nia umakain tanba ó sei mate. Ó sei la sai diʼak fali.’”+ 2 Rona tiha neʼe, Ezequias fila oin ba didin no komesa halo orasaun ba Jeová, hodi dehan: 3 “Oh Jeová, haʼu husu Ita-Boot, favór ida, hanoin-hetan+ oinsá haʼu laʼo ona ho laran-metin iha Ita-nia oin. Haʼu serbí Ita ho laran tomak,+ no haʼu halo buat neʼebé diʼak tuir Ita-nia haree.” No Ezequias komesa tanis makaʼas.
4 Tuirmai Jeová dehan ba Isaias: 5 “Fila fali no hatete ba Ezequias:+ ‘Jeová, ó-nia beiʼala David nia Maromak, dehan nuneʼe: “Haʼu rona ona ó-nia orasaun.+ Haʼu haree ona ó-nia matan-been.+ Nuneʼe haʼu sei aumenta tinan 15 tan ba ó-nia moris,+ 6 no haʼu sei salva ó no sidade neʼe husi liurai Asíria nia liman, no haʼu sei defende sidade neʼe.+ 7 Jeová fó sinál ida ba ó nuʼudar prova katak nia sei kumpre liafuan neʼebé nia hatete ona. Jeová dehan:+ 8 Haʼu sei halo lalatak husi loro-matan neʼebé tun daudaun iha Acaz nia eskada* atu hakiduk fali ba kotuk hakat sanulu.”’”+ Ho ida-neʼe, lalatak neʼe hakiduk fali ba kotuk hakat sanulu husi ninia fatin.
9 Tuirmai neʼe mak liafuan neʼebé Liurai Ezequias husi rai-Judá hakerek bainhira nia sai diʼak fali ona husi ninia moras.
10 Haʼu dehan: “Bainhira haʼu seidauk katuas
Haʼu tenke tama ba rate* nia portaun.
Haʼu sei lakon haʼu-nia tinan restu sira.”
11 Haʼu dehan: “Haʼu sei la haree Jah,* Jah nia laran-diʼak iha ema moris sira-nia leet.+
Haʼu sei la haree tan ema
Tanba haʼu sei hamutuk ho ema mate sira.
12 Haʼu-nia hela-fatin mak hanesan bibi-atan nia tenda
Neʼebé ema sobu no hasai tiha ona.+
Haʼu lulun ona haʼu-nia moris hanesan ema lulun hena;
Nia tesi tiha haʼu hanesan ema tesi kabas.
Husi dadeer toʼo kalan Ita entrega haʼu ba susar.+
13 Haʼu halo kalma haʼu-nia an toʼo dadeer.
Hanesan leaun ida, nia kontinua harahun haʼu-nia ruin hotu;
Husi dadeer toʼo kalan Ita entrega haʼu ba susar.+
14 Hanesan manu-andoriña ka manu-tordu,* haʼu nafatin halo lian;+
Haʼu kontinua halo lian hanesan manu-pombu.+
Haʼu-nia matan hateke ba leten ho kole:+
15 Haʼu bele koʼalia tan saida?
Nia dehan ona ba haʼu no kumpre ida-neʼe.
Tanba haʼu hetan ona susar boot
Agora haʼu sei laʼo ho haraik an durante haʼu-nia moris tomak.
16 ‘Oh Jeová, tanba Ita mak ema hotu bele moris,
Ita sei fó saúde diʼak fali ba haʼu no proteje haʼu-nia moris.+
17 Haree bá! Duké dame, haʼu hetan susar boot;
Maibé tanba Ita hadomi haʼu,
Ita proteje haʼu hodi la husik haʼu tama ba rai-kuak mate nian.+
Ita soe tiha haʼu-nia sala hotu ba Ita-nia kotuk.*+
Sira neʼebé tama ba rai-kuak labele tau fiar ba Ita-nia laran-metin.+
19 Sira neʼebé moris hela mak bele hahiʼi Ita,
Hanesan haʼu halo iha loron neʼe.
Aman ida bele hanorin ninia oan sira kona-ba Ita-nia laran-metin.+
20 Oh Jeová, salva haʼu,
No ami sei toka arpa no kanta haʼu-nia knananuk+
Iha Jeová nia uma iha loron hotu neʼebé ami moris.’”+
21 Tuirmai Isaias dehan: “Lori figeira-fuan maran neʼebé buti hamutuk ona no tau ba ninia fisur, atu nuneʼe nia bele sai diʼak fali.”+ 22 No Ezequias husu: “Sinál saida mak hatudu katak haʼu sei laʼo ba Jeová nia uma?”+
39 Iha tempu neʼebá, Baladan nia oan-mane Merodac-Baladan, neʼebé nuʼudar liurai Babilónia, haruka karta no prezente ba Liurai Ezequias,+ tanba nia rona katak uluk Ezequias moras maibé agora nia diʼak fali ona.+ 2 Ezequias simu sira ho kontente no hatudu ba sira uma neʼebé nia tau ninia rikusoin,+ katak osan-mutin, osan-mean, mina-bálsamu no mina folin-boot seluk, ninia armas-fatin hotu no buat hotu neʼebé iha ninia osan-fatin. Ezequias hatudu ba sira buat hotu iha ninia palásiu no iha rai hotu neʼebé nia ukun.
3 Depois neʼe, profeta Isaias mai hasoru Liurai Ezequias no husu nia: “Mane sira-neʼe dehan saida? Sira mai husi neʼebé?” Ezequias hatán: “Sira mai husi fatin dook, husi rai-Babilónia.”+ 4 Tuirmai Isaias husu: “Saida mak sira haree iha ó-nia palásiu?” Ezequias hatán: “Sira haree buat hotu iha haʼu-nia palásiu. Haʼu hatudu ba sira buat hotu iha haʼu-nia osan-fatin.”
5 Tuirmai Isaias hatete ba Ezequias: “Rona ba liafuan husi Jeová neʼebé ukun tropa lalehan nian: 6 ‘Tempu sei toʼo mai, no ema sei lori ba Babilónia buat hotu neʼebé iha ó-nia palásiu no buat hotu neʼebé ó-nia beiʼala sira rai hela toʼo ohin loron. Sira sei la husik hela buat ida’,+ Jeová mak dehan.+ 7 ‘Sira sei lori ó-nia jerasaun balu ba Babilónia no sai ema-boot iha liurai Babilónia nia palásiu.’”+
8 Ho ida-neʼe, Ezequias hatete ba Isaias: “Jeová nia liafuan neʼebé Ita fó sai ona mak diʼak.” Nia hatutan tan: “Tanba sei iha dame no hakmatek* durante haʼu-nia moris.”+
40 Imi-nia Maromak dehan: “Fó kmaan ba haʼu-nia povu, fó kmaan ba sira.+
2 Koʼalia hodi book* Jeruzalein nia laran,
No fó sai ba nia katak nia kumpre ona ninia serbisu nuʼudar atan,
Katak nia selu hotu ona ninia sala sira.+
Nia simu ona kastigu ba ninia sala hotu husi Jeová nia liman.”+
3 Ema ida hasai lian iha rai-fuik, hodi dehan:
“Prepara Jeová nia dalan bá!+
Halo loos estrada boot+ ba ita-nia Maromak liuhusi rai-fuik maran.+
4 Foho-leet hotu sei ateru tiha,
No foho aas no foho-oan hotu sei halo sai tetuk.
Rai neʼebé la tetuk sei halo kabeer,
No rai neʼebé tun-saʼe sei sai hanesan rai-tetuk.+
5 Jeová sei hatudu sai ninia glória,+
No ema hotu hamutuk sei haree ida-neʼe,+
Tanba Jeová nia ibun rasik mak koʼalia ona kona-ba ida-neʼe.”
6 Rona bá! Ema ida dehan: “Fó avizu bá!”
No ema seluk husu: “Avizu saida mak haʼu tenke fó sai?”
“Ema hotu* mak hanesan duʼut matak.
Sira hotu nia domin neʼebé laran-metin mak hanesan ai-funan iha rai-luan.+
7 Duʼut matak sei sai maran,
No ai-funan sei sai namlaek,+
Ema sira mak hanesan duni ho duʼut matak.
8 Duʼut matak sei sai maran,
No ai-funan sei sai namlaek,
Maibé ita-nia Maromak nia liafuan sei hela ba nafatin.”+
9 Oh feto neʼebé lori liafuan diʼak ba Siaun,+
Saʼe ba foho neʼebé aas.
Oh feto neʼebé lori liafuan diʼak ba Jeruzalein,
Hasai lian makaʼas bá.
Hasai lian bá, keta taʼuk.
Fó avizu ba sidade sira iha Judá, hodi dehan: “Neʼe mak imi-nia Maromak.”+
Haree bá! Nia lori kolen hamutuk ho nia,
No nia prontu atu selu ema nia kolen.+
11 Hanesan bibi-atan ida, nia sei tau matan ba ninia bibi-lubun.+
Nia sei halibur bibi-oan sira ho ninia liman,
No nia sei koʼus sira iha ninia hirus-matan.
Ho kuidadu mak nia sei dirije bibi-inan neʼebé fó-susu ba bibi-oan.+
12 Sé mak bele tau tasi-been hotu iha ninia liman laran?+
Sé mak bele sukat lalehan ho ninia liman-sukat ida?*
Sé mak halibur ona rai-uut hotu husi rai iha fatin sukat nian?+
Sé mak tetu ona foho sira iha dasin
No tetu ona foho-oan sira iha dasin?
14 Nia husu konsellu ba sé hodi bele komprende?
Sé mak hanorin nia kona-ba dalan justisa nian?
Sé mak hanorin koñesimentu ba nia?
Sé mak hatudu ba nia dalan ba matenek neʼebé loos?+
15 Nasaun sira mak hanesan bee turuk ida husi kanaban,
No nia haree sira hanesan rai-uut iha dasin leten.+
Nia hiʼit saʼe illa sira hanesan rai-uut.
16 Ai-hun hotu iha Líbanu mós la toʼo atu sai nuʼudar ai-sunu,
No animál fuik sira iha Líbanu mós la toʼo atu hasaʼe ba nia nuʼudar sakrifísiu sunu nian.
17 Nasaun hotu la iha folin ida iha ninia oin;+
Nia haree sira hanesan buat neʼebé la vale, laʼós realidade.+
18 Imi bele kompara Maromak ho sé?+
No nia haree hanesan saida?+
19 Badaen halo estátua ida,
Badaen-besi taka ida-neʼe ho osan-mean,+
No nia halo korrente husi osan-mutin atu hafurak ida-neʼe.
20 Nia hili ai-hun ida nuʼudar kontribuisaun,+
Ai-hun neʼebé sei la sai dodok.
Nia buka badaen neʼebé matenek
Atu bahat estátua ida neʼebé metin no la monu.+
21 Imi la hatene ka?
Imi la rona ka?
Ida-neʼe fó sai tiha ona ba imi husi uluk kedas, loos ka lae?
Imi seidauk komprende husi tempu neʼebé nia tau rai nia hun ka?+
Nia nahe lalehan hanesan hena mihis ida,
No nia nahe lalehan hanesan tenda atu hela iha laran.+
23 Nia halo ema-boot sira sai folin-laek
No halo juís sira* iha rai sai la folin.
24 Sira hanesan ai-horis neʼebé foin kuda,
Hanesan fini neʼebé foin kari,
Sira-nia abut seidauk metin iha rai,
No anin huu toʼo halo sira namlaek,
No anin lori lakon sira hanesan ai-tarak.+
25 Maromak neʼebé Santu dehan: “Imi bele kompara haʼu ho sé? Sé mak hanesan ho haʼu?
26 Foti matan ba lalehan no haree bá.
Sé mak kria buat sira-neʼe?+
Neʼe mak Ida neʼebé dirije ninia tropa tuir sira-nia númeru;
Nia bolu sira ida-idak nia naran.+
Tanba ninia forsa neʼebé boot no ninia kbiit neʼebé kmanek,+
Sira ida mós la falta.
27 Oh Jacob, oh Izraél, tanbasá mak ó dehan:
‘Jeová la haree haʼu-nia dalan,
No Maromak la fó justisa mai haʼu’?+
28 Ó la hatene ka? Ó la rona ka?
Jeová mak Kriadór ba buat hotu iha mundu tomak, nia mak Maromak neʼebé iha ba nafatin.+
Nia nunka sai kole ka fraku.+
La iha ema ida mak bele hatene ninia matenek.*+
30 Labarik-mane sira sei sai kole no fraku,
No mane joven sira sei sidi no monu,
31 Maibé ema neʼebé tau esperansa ba Jeová sei hetan fali kbiit.
Sira sei semo aas hanesan manu-makikit.+
Sira sei halai no la sai fraku;
Sira sei laʼo no la sai kole.”+
41 “Imi illa sira, nonook no rona mai haʼu;
Nasaun sira, hetan fali forsa bá.
Hakbesik mai no koʼalia bá.+
Mai ita halibur hamutuk no haʼu sei tesi-lia ba imi.
2 Sé mak hili ema ida husi parte leste,*+
No bolu ema neʼe mai iha Ninia ain* atu halaʼo justisa,
Atu entrega nasaun sira ba nia
No atu halo nia manán liurai sira?+
Sé mak halo sira sai uut liuhusi ninia surik,
No halo sira namkari hanesan duʼut-maran neʼebé anin lori tiha iha ninia rama oin?
3 Nia duni tuir sira, no la iha buat ida mak hanetik nia
Atu laʼo tuir dalan sira neʼebé nia seidauk laʼo.
4 Sé mak book an hodi halo ida-neʼe?
Sé mak bolu jerasaun sira husi uluk kedas?
5 Illa sira haree ona ida-neʼe no sai taʼuk.
Rai hotu iha mundu tomak komesa nakdoko.
Ema hakbesik no hakat mai oin.
6 Sira ida-idak ajuda sira-nia maluk
No dehan ba sira-nia maun-alin: “Sai forte bá.”
7 Entaun badaen sira fó kbiit ba badaen-besi;+
Ema neʼebé tuku belar besi ho marreta
Fó kbiit ba ema neʼebé tuku besi ho martelu.
Nia koʼalia ba ema neʼebé solda besi, hodi dehan: “Neʼe diʼak.”
Tuirmai ema hametin estátua neʼe ho pregu atu nuneʼe nia labele monu.
8 “Maibé oh Izraél, ó mak haʼu-nia atan,+
Oh Jacob, haʼu hili ona ó,+
Ó mak haʼu-nia belun Abraão nia bei-oan,+
9 Haʼu foti ó husi rai neʼebé dook tebes,+
No haʼu bolu ó husi fatin dook.
10 Keta taʼuk, tanba haʼu hamutuk ho ó.+
Keta laran-taridu, tanba haʼu mak ó-nia Maromak.+
Haʼu sei hametin ó, sin, haʼu sei ajuda ó,+
Haʼu sei kaer metin ó ho haʼu-nia liman-loos justisa nian.’
11 Haree bá! Ema hotu neʼebé hirus ó sei hetan moe boot.+
Ema neʼebé halo funu hasoru ó sei lakon no mate.+
12 Ó sei buka ema sira neʼebé luta hasoru ó, maibé la hetan sira;
Ema neʼebé halo funu hasoru ó sei sai hanesan buat neʼebé la iha, no la iha folin.+
13 Tanba haʼu, Jeová, ó-nia Maromak, mak kaer ó-nia liman-loos,
Haʼu dehan ba ó: ‘Keta taʼuk. Haʼu sei ajuda ó.’+
14 Keta taʼuk, oh Jacob, neʼebé hanesan ular-oan,*+
Imi povu Izraél, haʼu sei ajuda imi”, Jeová, Ida neʼebé Sosa Fali imi,+ Izraél nia Maromak neʼebé Santu mak dehan nuneʼe.
15 “Haʼu halo ó sai hanesan ai-kabelak neʼebé uza atu sama trigu,+
Ai-kabelak sama trigu nian neʼebé foun no kroʼat.
Ó sei sama foho sira no harahun sira
No halo foho-oan sira sai hanesan trigu-kulit.
17 “Ema kiʼik no ema kiak buka bee, maibé bee la iha.
Sira-nia nanál sai maran tanba hamrook.+
Haʼu, Jeová, sei hatán ba sira.+
Haʼu, Izraél nia Maromak, sei la husik sira.+
18 Haʼu sei halo mota suli iha foho-oan sira neʼebé maran+
No halo bee-matan sira suli iha rai-tetuk.+
Haʼu sei halo rai-fuik sai fali kolan.
No halo rai-maran sai fali bee-matan.+
19 Iha rai-maran haʼu sei kuda ai-sedru,
Ai-akásia, ai-murta no ai-piñu.+
Iha rai-tetuk maran haʼu sei kuda ai-juníperu,
Hamutuk ho ai-freixu no ai-sipreste.+
20 Atu nuneʼe ema hotu bele haree no hatene
No tau atensaun no komprende
Katak Jeová nia liman mak halo ida-neʼe,
No Izraél nia Maromak neʼebé Santu mak kria ida-neʼe.”+
21 Jeová dehan: “Fó sai imi-nia kazu.”
Liurai ba Jacob dehan: “Fó sai imi-nia prova.”
22 “Hatudu prova no fó sai ba ami buat neʼebé sei akontese.
Konta ba ami kona-ba buat neʼebé uluk nian,*
Atu nuneʼe ami bele hanoin kleʼan* kona-ba buat sira-neʼe no hatene ninia rezultadu.
Ka fó sai ba ami buat neʼebé atu mosu mai.+
23 Konta ba ami buat neʼebé sei akontese iha futuru,
Atu nuneʼe ami bele hatene katak imi mak maromak.+
Sin, halo buat ruma maski diʼak ka aat,
Atu nuneʼe ami bele hakfodak bainhira haree ida-neʼe.+
24 Imi hanesan buat neʼebé la iha,
No imi la halo buat ida.+
Ema neʼebé adora* imi mak hanesan buat neʼebé foʼer tebes.+
25 Haʼu hili ona ema ida husi parte norte, no nia sei mai,+
Nia sei sama ukun-naʼin sira hanesan sira mak rai-mean,+
Hanesan badaen rai-mean sama rai-mean neʼebé bokon.
26 Sé mak fó sai kona-ba neʼe husi uluk kedas, atu nuneʼe ami bele hatene,
Ka husi tempu neʼebé liu ona, atu nuneʼe ami bele dehan: ‘Nia loos’?+
Tuir loloos, la iha ema ida mak fó avizu kona-ba neʼe!
La iha ema ida mak fó sai ida-neʼe!
La iha ema ida mak rona buat ruma husi imi!”+
27 Haʼu mak ulukliu atu fó sai ba Siaun, hodi dehan: “Buat sira-neʼe sei akontese duni!”+
No haʼu sei haruka ema neʼebé lori liafuan diʼak ba Jeruzalein.+
28 Maibé haʼu kontinua hateke, no la iha ema ida;
La iha ida iha sira-nia leet neʼebé bele fó konsellu.
Maski haʼu husu beibeik, maibé sira la hatán.
29 Estátua sira-neʼe hotu mak falsu deʼit.*
Sira-nia serbisu mak folin-laek.
Sira-nia estátua besi mak hanesan anin no la iha folin.+
42 Haree bá! Haʼu-nia atan+ neʼebé haʼu apoia!
Nia mak ida neʼebé haʼu hili ona,+ neʼebé halo haʼu-nia* laran kontente!+
3 Nia sei la halo tohar duʼut-kain neʼebé kleʼuk ona,
Ho laran-metin nia sei lori justisa mai.+
4 Nia sei la sai fraku ka rahun toʼo nia hametin justisa iha mundu;+
No illa sira kontinua hein ba ninia ukun-fuan.*
5 Jeová mak Maromak loos,
No Kriadór ba lalehan. Nia mak Maromak Boot Liu neʼebé nahe lalehan hanesan hena ida,+
Nia mak nahe rai no kria buat hotu iha rai,+
Nia mak fó iis ba ema iha rai+
6 “Haʼu, Jeová, haʼu bolu ó ho hahalok loos;
Haʼu kaer metin ó-nia liman.
Haʼu sei proteje ó no ó sei sai nuʼudar aliansa entre haʼu ho povu neʼe+
No nuʼudar naroman ba nasaun sira,+
7 Atu ó bele loke matan-delek sira-nia matan,+
Lori ema dadur sira sai husi rai-kuak,
No lori sira neʼebé tuur iha nakukun laran sai husi komarka.+
8 Haʼu mak Jeová. Neʼe mak haʼu-nia naran;
Haʼu la fó haʼu-nia glória ba sé deʼit,*
No la fó haʼu-nia hahiʼi ba estátua sira.+
9 Haree bá! Buat primeiru nian sai loos ona;
Agora haʼu fó sai fali buat foun sira.
Antes buat sira-neʼe akontese, haʼu fó-hatene nanis ona ba imi.”+
10 Imi neʼebé tun ba tasi no buat hotu neʼebé iha tasi laran,
Imi illa sira no povu sira neʼebé hela iha neʼebá,+
Kanta knananuk foun ida ba Jeová,+
Kanta kona-ba ninia glória iha rai hotu iha mundu tomak.+
Ema sira neʼebé hela iha área neʼebé iha fatuk boot tenke haklalak ho haksolok;
Sira tenke hakilar husi foho-tutun sira.
12 Sira tenke fó glória ba Jeová
No fó sai ninia glória iha illa sira.+
13 Jeová sei sai mai hanesan asuwaʼin ida.+
Nia sei hatudu sai ninia laran-manas hanesan funu-naʼin ida.+
Nia sei hakilar, sin, nia sei hakilar ho lian funu nian;
Nia sei hatudu sai katak nia mak forte liu fali ninia inimigu sira.+
14 “Haʼu nonook deʼit ba tempu kleur ona.
Haʼu nafatin nonook no kontrola an.
Hanesan feto neʼebé atu tuur-ahi,
Haʼu sei halerik, dada iis boot no dada iis naruk iha tempu hanesan.
15 Haʼu sei halakon foho aas no foho-oan sira
No haʼu sei halo namlaek ai-horis hotu iha foho sira-neʼe.
16 Haʼu sei dirije matan-delek iha dalan neʼebé sira la hatene+
No halo sira laʼo iha dalan neʼebé sira seidauk sama.+
Neʼe mak buat neʼebé haʼu sei halo ba sira, no haʼu sei la husik sira.”
17 Ema neʼebé tau fiar ba estátua sira neʼebé bahat ona,
Ema neʼebé dehan ba estátua sira neʼebé halo ho besi: “Imi mak ami-nia maromak sira”,+
Sira sei hakiduk no hetan moe boot.
18 Rona bá, imi neʼebé tilun-diuk;
Hateke no haree bá, imi neʼebé matan-delek.+
19 Sé mak matan-delek hanesan haʼu-nia atan,
No tilun-diuk hanesan ema neʼebé lori lia-menon neʼebé haʼu haruka?
Sé mak matan-delek hanesan ema neʼebé haʼu fó kolen ona,
No matan-delek hanesan Jeová nia atan?+
20 Imi haree buat barak, maibé imi la matan-moris.
Imi see tilun, maibé imi la rona.+
21 Tanba Jeová nia hahalok loos,
Nia sai kontente atu hatudu sai katak ukun-fuan* mak kmanek no iha glória boot.
22 Maibé ema ataka povu neʼe no hadau sira-nia sasán;+
Sira hotu sai dadur iha rai-kuak no sulan iha komarka.+
Ema ataka sira no la iha ema ida atu salva sira,+
Ema hadau sira-nia sasán no la iha ema ida mak dehan: “Lori ema sira-neʼe fila!”
23 Sé mak sei rona ida-neʼe iha imi-nia leet?
Sé mak sei tau atensaun no rona kona-ba tempu neʼebé atu mai?
24 Sé mak entrega Jacob ba ema atu ataka
No entrega Izraél ba ema atu hadau ninia sasán?
Neʼe mak Jeová, Ida neʼebé sira kontra ona hodi halo sala, loos ka lae?
25 Tan neʼe, Nia kontinua fakar sai ninia hirus,
Laran-nakali no funu neʼebé makaʼas ba sira.+
Funu neʼe hanesan ahi neʼebé han buat hotu neʼebé haleʼu Izraél, maibé Izraél la hanoin kona-ba neʼe.+
Ahi lakan hasoru Izraél, maibé neʼe la book Izraél nia laran.+
43 Oh Jacob, neʼe mak liafuan husi Jeová,
Ó-nia Kriadór, no Ida neʼebé halo ó, oh Izraél.+ Nia dehan:
“Keta taʼuk, tanba haʼu sosa fali ona ó.+
Haʼu bolu ó ho ó-nia naran.
Ó mak haʼu-nian.
2 Bainhira ó laʼo liu bee sira, haʼu sei hamutuk ho ó,+
No bainhira ó hakur mota sira, sira sei la halo ó mout.+
Bainhira ó laʼo liu ahi, neʼe sei la han ó,
No ahi nia lakan sei la han ó.
3 Tanba haʼu mak Jeová, ó-nia Maromak,
Izraél nia Maromak neʼebé Santu, ó-nia Salvadór.
Haʼu entrega ona Ejitu nuʼudar folin atu sosa fali ó,
Haʼu fó Etiópia no Sebá atu troka fali ó.
Entaun haʼu sei entrega povu sira hodi sosa fali ó
No haʼu sei fó nasaun sira hodi salva ó-nia moris.
5 Keta taʼuk, tanba haʼu hamutuk ho ó.+
Haʼu sei lori ó-nia bei-oan sira husi parte leste
No halibur imi hamutuk husi parte oeste.+
6 Haʼu sei hatete ba norte: ‘Entrega fali ema sira-neʼe!’+
No ba súl: ‘Keta kaer netik sira.
Lori haʼu-nia oan-mane sira husi fatin dook, no lori mós haʼu-nia oan-feto sira husi rai neʼebé dook tebes,+
7 Lori ema hotu neʼebé bolu hodi haʼu-nia naran,+
Sira neʼebé haʼu kria atu fó glória ba haʼu,
Sira neʼebé haʼu halo no kria ona.’+
8 Lori sai mai povu neʼebé matan-delek maski iha matan,
No povu neʼebé tilun-diuk maski iha tilun.+
9 Husik nasaun hotu halibur hamutuk iha fatin ida
No husik povu sira halibur hamutuk.+
Iha sira-nia leet,* sé mak bele fó sai ida-neʼe?
Sé mak bele halo ita rona buat sira neʼebé sei mosu ulukliu?*+
Husik sira lori sira-nia sasin mai atu fó prova katak sira mak loos,
Ka husik sira rona no dehan: ‘Neʼe mak lia-loos!’”+
10 Jeová dehan: “Imi mak haʼu-nia testemuña,+
Sin, haʼu-nia atan neʼebé haʼu hili ona,+
Atu nuneʼe imi bele hatene no tau fiar ba haʼu
No komprende katak haʼu hanesan ba nafatin.+
La iha Maromak seluk antes haʼu,
No la iha Maromak seluk depois haʼu.+
11 Haʼu, haʼu mak Jeová,+ la iha salvadór ida seluk só haʼu deʼit.”+
12 “Bainhira la iha maromak falsu* iha imi-nia leet,+
Haʼu mak fó sai nanis, fó salvasaun no fó-hatene ba imi.
Entaun, imi mak haʼu-nia testemuña”, Jeová dehan, “no haʼu mak Maromak.+
Bainhira haʼu halo buat ruma, sé mak bele hanetik haʼu?”+
14 Jeová, Ida neʼebé Sosa Fali imi,+ Izraél nia Maromak neʼebé Santu,+ dehan nuneʼe:
“Tanba imi mak haʼu sei haruka ema ba Babilónia no harahun ai-lolon hotu neʼebé xave portaun,+
No ema Kaldeia sei hakilar ho neon-susar iha sira-nia ró laran.+
15 Haʼu mak Jeová, Ida neʼebé Santu ba imi,+ Kriadór ba Izraél,+ no imi-nia Liurai.”+
16 Neʼe mak liafuan husi Jeová,
Ida neʼebé halo dalan ida liuhusi tasi,
Sin, dalan ida liuhusi tasi neʼebé siʼak,+
17 Ida neʼebé lori sai kuda-karreta funu nian no kuda sira,+
Lori sai tropa sira hamutuk ho funu-naʼin sira neʼebé kbiit boot. Nia dehan:
“Sira sei latan no la hamriik fali.+
Sira sei lakon mohu hanesan hamate ahi husi ahi-oan nia kabas.”
18 “Keta hanoin-hetan buat uluk nian,
No keta hanoin beibeik kona-ba tempu uluk.
19 Haree bá! Haʼu halo buat neʼebé foun;+
Agora daudaun ida-neʼe mosu ona.
Imi haree ida-neʼe ka lae?
20 Animál fuik iha rai-luan, asu-xakál no manu-avestrús
Sei fó glória ba haʼu,
Tanba haʼu hamosu bee iha rai-fuik,
No hamosu mota iha rai-maran,+
Atu haʼu-nia povu neʼebé haʼu hili+ bele hemu,
21 Povu neʼebé haʼu hili ba haʼu-nia an
Atu nuneʼe sira bele fó sai haʼu-nia glória.+
23 Ó la lori bibi-malae ida atu hasaʼe tomak nuʼudar sakrifísiu sunu nian ba haʼu
No ó la fó glória ba haʼu ho ó-nia sakrifísiu sira.
Haʼu la obriga ó atu lori prezente ida mai haʼu,
No haʼu la halo ó kole hodi husu ó atu fó olíbanu.+
24 Ó la sosa duʼut-kana morin ba haʼu ho ó-nia osan rasik,
No ó la halo haʼu kontente ho naʼan bokur husi ó-nia sakrifísiu sira.+
Duké halo nuneʼe, ó hatodan haʼu ho ó-nia sala sira
No halo haʼu kole ho ó-nia hahalok sala.+
25 Haʼu mak hamoos tiha ó-nia hahalok sala sira*+ tanba haʼu-nia naran,+
No haʼu sei la hanoin-hetan ó-nia sala sira.+
26 Fó-hanoin ba haʼu; mai ita lori ita-nia kazu hodi hasoru malu;
Konta ó-nia kazu hodi fó prova katak ó mak loos.
28 Tan neʼe, haʼu sei hamoe ulun-naʼin sira husi fatin santu,
No haʼu sei entrega Jacob ba ema atu halakon tiha
No haʼu sei halo Izraél atu rona liafuan goza nian.+
44 “Agora rona bá, oh haʼu-nia atan Jacob,
Rona bá, oh Izraél, neʼebé haʼu hili ona.+
2 Neʼe mak liafuan husi Jeová,
Ó-nia Kriadór, Ida neʼebé halo ó,+
Ida neʼebé ajuda ona ó husi knotak laran.* Nia dehan:
Haʼu sei fakar sai haʼu-nia espíritu ba ó-nia bei-oan+
No fakar haʼu-nia bensaun ba ó-nia bei-oan sira.
4 No sira sei mosu no buras hanesan duʼut matak,+
Hanesan ai-koupos besik mota ninin.
5 Sira ida sei dehan: “Haʼu mak Jeová nian.”+
Ida seluk sei bolu nia an hodi Jacob nia naran,
No ida seluk tan sei hakerek iha ninia liman dehan: “Haʼu mak Jeová nian.”
No nia sei simu Izraél nia naran.’
6 Neʼe mak liafuan husi Jeová,
Liurai Izraél nian+ no Ida neʼebé Sosa Fali nia,+ Jeová neʼebé ukun tropa lalehan nian, dehan:
‘Haʼu mak primeiru no haʼu mak ikus.+
La iha Maromak seluk, só haʼu deʼit.+
7 Sé mak hanesan ho haʼu?+
Husik nia koʼalia no fó sai ida-neʼe no fó prova ba haʼu!+
Husik nia konta kona-ba buat neʼebé atu mai
No fó sai buat neʼebé sei akontese,
Hanesan haʼu halo ona husi tempu neʼebé haʼu hili povu ida iha tempu uluk.
Haʼu koʼalia ona ba imi ida-idak no fó sai ona ida-neʼe, loos ka lae?
Imi mak haʼu-nia testemuña.+
Haʼu deʼit mak Maromak. Iha Maromak seluk ka lae?
Lae, la iha Fatuk Boot seluk;+ haʼu la hatene Maromak seluk.’”
9 Sira hotu neʼebé bahat estátua mak folin-laek,
No estátua neʼebé sira hafolin sei la lori buat diʼak ida.+
Sira* labele fó sasin, tanba sira labele haree buat ida no la hatene buat ida,+
Nuneʼe mós ema neʼebé halo estátua sira-neʼe, sira sei hetan moe.+
10 Sé mak halo maromak ida ka estátua husi besi
Neʼebé la lori benefísiu ida?+
11 Ninia maluk hotu sei hetan moe!+
Badaen sira mak ema deʼit.
Husik sira halibur hamutuk no hamriik iha sira ida-idak nia fatin.
Sira sei sai taʼuk no sai moe hamutuk.
12 Badaen-besi hamanas besi iha ahi-klaak leten.
Ho ninia liman neʼebé forte+
Nia tuku besi neʼe ho martelu sira.
Tuirmai nia sai hamlaha no lakon forsa;
Nia la hemu bee no sai kole.
13 Ema neʼebé matenek atu bahat, nia sukat ho tali no tau marka ho jís mean.
Nia halo serbisu hodi bahat no halo marka ho sasán marka nian.
14 Iha ema neʼebé halo serbisu hodi tesi ai-sedru.
Nia hili ai-hun oin ida, ai-karvallu,
No nia husik ai neʼe sai boot entre ai-hun sira seluk iha ai-laran.+
Nia kuda ai-loureiru, no udan halo ai neʼe sai boot.
15 Tuirmai ema ida uza ai neʼe nuʼudar ai-sunu atu halo lakan ahi.
Nia foti ai neʼe balu atu sunu hodi haneruk;
Nia halo ahi no tunu paun.
Maibé nia mós halo ai neʼe sai maromak ida no adora ida-neʼe.
Nia bahat estátua husi ai neʼe no hakruʼuk iha estátua neʼe nia oin.+
16 Ai balu nia sunu iha ahi;
No ho ai neʼe mak nia tunu naʼan no han toʼo bosu.
Nia mós haneruk no dehan:
“Agora haʼu hateke ba ahi neʼe no sente manas.”
17 Maibé nia bahat ai restu neʼe hodi halo maromak, katak ninia estátua ida.
Nia hakruʼuk no adora estátua neʼe.
Nia halo orasaun ba ida-neʼe, hodi dehan:
“Salva haʼu, tanba Ita-Boot mak haʼu-nia maromak.”+
18 Sira la hatene buat ida, sira la komprende buat ida,+
Tanba sira-nia matan taka metin no sira labele haree,
No sira-nia laran la iha matenek.
19 Sira la iha koñesimentu ka kbiit atu komprende,
La iha ema ida mak hanoin iha ninia laran, hodi dehan:
“Ai balu haʼu sunu ona iha ahi,
No haʼu tunu paun ho naʼan iha ahi-klaak leten atu han.
Se nuneʼe, haʼu mós tenke halo ai neʼe balu hodi sai buat neʼebé foʼer tebes ka?+
Haʼu tenke adora ai neʼe nia pedasuk balun ka?”
20 Nia han ahi-kadesan.
Ninia laran neʼebé lohi nia, halo nia laʼo sala dalan.
Nia labele salva nia an, no labele dehan:
“Haʼu iha buat neʼebé falsu iha haʼu-nia liman-loos.”
21 “Oh Jacob, oh Izraél, hanoin-hetan buat sira-neʼe,
Tanba ó mak haʼu-nia atan.
Haʼu mak halo ó, no ó mak haʼu-nia atan.+
Oh Izraél, haʼu sei la haluha ó.+
22 Haʼu sei hamoos ó-nia sala
No taka ó-nia sala hanesan taka ho kalohan mahar.+
Fila fali ba haʼu, tanba haʼu sei sosa fali ó.+
23 Oh lalehan, haklalak ho haksolok bá,
Tanba Jeová halo ona ida-neʼe!
Oh fatin neʼebé kleʼan iha rai, haklalak ho lian manán nian!
Oh foho sira, ai-laran no ai-hun hotu,
Haklalak ho haksolok bá!+
Tanba Jeová sosa fali ona Jacob,
No nia hatudu sai ona ninia kmanek ba Izraél.”+
24 Jeová, Ida neʼebé Sosa Fali imi,+
Ida neʼebé kria imi husi tempu bainhira imi iha knotak laran, dehan nuneʼe:
“Haʼu mak Jeová, haʼu mak halo buat hotu.
Sé mak uluk hamutuk ho haʼu?
25 Haʼu halo runguranga profeta falsu nia sinál sira,
No haʼu mak halo siʼikdór sira hatudu hahalok beik;+
Haʼu mak halo ema matenek sai bilán
No troka sira-nia koñesimentu hodi sai nuʼudar buat beik;+
26 Haʼu mak kumpre haʼu-nia atan sira-nia liafuan
No halo haʼu-nia atan sira-nia liafuan hotu sai loos;+
Haʼu mak fó sai kona-ba Jeruzalein: ‘Ema sei hela iha sidade neʼe’,+
No kona-ba Judá nia sidade sira: ‘Ema sei harii fali sidade sira-neʼe,+
No haʼu sei hadiʼa fali fatin sira neʼebé rahun ona’;+
27 Haʼu mak dehan ba bee neʼebé kleʼan: ‘Sai maran bá,
No haʼu sei halo maran ó-nia mota sira hotu’;+
28 Haʼu mak dehan kona-ba Ciro:+ ‘Nia mak haʼu-nia bibi-atan,
No nia sei kumpre duni haʼu-nia hakarak hotu’;+
Haʼu mak dehan kona-ba Jeruzalein: ‘Ema sei harii fali sidade neʼe’,
No kona-ba templu: ‘Ema sei tau fali ó-nia fundasaun.’”+
45 Tuirmai neʼe mak liafuan husi Jeová ba Ciro,+ ema neʼebé nia hili* ona,
Neʼebé Nia kaer ninia liman-loos+
Atu domina nasaun sira iha ninia oin,+
Atu manán liurai sira,*
Atu loke sidade nia portaun sira iha ninia oin,
Hodi nuneʼe sidade nia portaun sira labele taka metin:
Portaun husi riti haʼu sei harahun tiha ba pedasuk,
No haʼu sei tesi tiha besi-lolon neʼebé uza atu taka portaun.+
3 Haʼu sei fó ba ó rikusoin neʼebé ema rai hela iha nakukun laran
No fó rikusoin neʼebé subar ona iha fatin segredu,+
Atu nuneʼe ó bele hatene katak haʼu mak Jeová,
Izraél nia Maromak, neʼebé bolu ó ho ó-nia naran rasik.+
4 Tanba haʼu-nia atan Jacob no Izraél neʼebé haʼu hili ona
Mak haʼu bolu ó ho ó-nia naran rasik.
Haʼu sei halo ema respeitu ó-nia naran maski ó la hatene haʼu.
5 Haʼu mak Jeová, no la iha ida seluk.
La iha Maromak seluk, só haʼu mesak deʼit.+
Haʼu sei hametin ó maski ó la hatene haʼu,
6 Atu nuneʼe povu sira
Husi parte leste toʼo parte oeste* bele hatene
Katak la iha Maromak seluk, só haʼu mesak deʼit.+
Haʼu mak Jeová, no la iha ida seluk.+
7 Haʼu kria naroman+ no nakukun,+
Haʼu halo dame+ no hamosu susar;+
Haʼu, Jeová, mak halo buat sira-neʼe hotu.
8 Oh lalehan, hatún udan husi leten;+
Husik kalohan sira fakar sai hahalok loos.
Husik rai nakloke no fó fuan salvasaun nian,
No fó moris ba hahalok loos iha tempu hanesan.+
Haʼu, Jeová, haʼu mak kria ona ida-neʼe.”
9 Susar ba ema neʼebé haksesuk malu ho ninia Kriadór,
Tanba nia mak sanan-rai pedasuk ida deʼit
Entre sanan-rai pedasuk sira seluk neʼebé latan iha rai!
Rai-mean bele ka lae atu dehan ba Badaen Rai-Mean: “Ó halo saida?”+
Ka buat neʼebé Ita halo bele ka lae dehan: “Ó la iha liman”?*
10 Susar ba ema neʼebé dehan ba aman ida: “Ó sai aman ba saida?”
No dehan ba feto ida: “Ó atu tuur-ahi ba saida?”
11 Jeová, Izraél nia Maromak neʼebé Santu,+ Ida neʼebé kria Izraél, dehan nuneʼe:
“Imi sei husu haʼu kona-ba buat neʼebé atu akontese ka?
Imi sei manda haʼu kona-ba haʼu-nia oan-mane sira+ no kona-ba serbisu neʼebé haʼu halo ho haʼu-nia liman ka?
12 Haʼu halo rai+ no kria ema iha rai.+
Haʼu nahe lalehan ho haʼu-nia liman rasik hanesan nahe hena,+
13 Jeová neʼebé ukun tropa lalehan nian, dehan: “Ho hahalok loos mak haʼu hili ona mane ida,+
No haʼu sei halo loos ninia dalan sira hotu.
Nia mak sei harii haʼu-nia sidade+
No nia sei husik livre haʼu-nia ema neʼebé dadur*+ hodi la simu osan ka prezente.”+
14 Jeová dehan nuneʼe:
“Ó sei simu osan-funan* husi Ejitu no sasán* husi Etiópia no husi ema Sabeu neʼebé ain-aas,
Sira sei sai ó-nian.
Ema sira-neʼe sei laʼo iha ó-nia kotuk ho korrente neʼebé kesi hela sira.
Sira sei mai no hakruʼuk ba ó.+
Sira sei koʼalia ho respeitu ba ó, hodi dehan: ‘Maromak hamutuk duni ho ó,+
No la iha ida seluk; la iha Maromak seluk.’”
15 Ita mak Maromak neʼebé subar an,
Oh Izraél nia Maromak, Ita mak Salvadór.+
17 Maibé Jeová sei salva Izraél ho salvasaun neʼebé ba nafatin.+
Imi sei la hetan moe ka la hetan naran foʼer ba nafatin.+
18 Neʼe mak liafuan husi Jeová,
Kriadór ba lalehan,+ Maromak neʼebé loos,
Ida neʼebé kria rai,* no Kriadór neʼebé halo rai sai metin,+
Nia kria rai laʼós saugati deʼit,* maibé nia kria rai atu ema bele hela bá. Nia dehan:+
“Haʼu mak Jeová, no la iha Maromak seluk.
19 Haʼu la koʼalia iha fatin subar,+ iha fatin nakukun;
Haʼu la dehan ba Jacob nia bei-oan:
‘Buka haʼu no imi sei la hetan buat ida.’
Haʼu mak Jeová, ida neʼebé koʼalia buat loos no fó sai saida mak loos.+
20 Halibur hamutuk no mai.
Hakbesik mai hamutuk, imi neʼebé halai husi nasaun sira.+
Ema neʼebé lori bá-mai estátua sira
No halo orasaun ba maromak ida neʼebé labele salva sira,+ sira la hatene buat ida.
21 Fó sai imi-nia prova, hatoʼo imi-nia kazu bá,
No koʼalia hamutuk bá ho hanoin ida deʼit.
Sé mak fó-hatene nanis ida-neʼe husi tempu uluk
No fó sai ida-neʼe husi tempu neʼebé liu ona?
Neʼe mak haʼu, Jeová, loos ka lae?
La iha Maromak seluk, só haʼu deʼit;
Maromak neʼebé iha hahalok loos no Salvadór,+ la iha ida seluk, só haʼu mesak deʼit.+
22 Imi iha mundu tomak, fila fali ba haʼu no hetan salvasaun,+
Tanba haʼu mak Maromak, la iha ida seluk.+
23 Haʼu jura hodi haʼu-nia an rasik;
Liafuan neʼe sai ona husi haʼu-nia ibun no neʼe mak loos,
No neʼe sei la fila fali:+
Ema hotu sei hakneʼak ba haʼu,
Ema hotu* sei jura ho laran-metin,+
24 Hodi dehan: ‘Jeová deʼit mak Maromak neʼebé sempre halo hahalok loos no iha forsa.
Sira hotu neʼebé hirus hasoru nia sei mai iha ninia oin ho moe.
25 Izraél nia bei-oan sira hotu sei haree katak sira mak loos hodi serbí Jeová,+
No sira sei sente orgullu kona-ba nia.’”
46 Bel hakruʼuk ona,+ Nebo hakruʼuk.
Sira tula sira-nia estátua iha animál leten,+
Hanesan naha neʼebé hatodan animál neʼebé kole ona.
2 Sira sei hakruʼuk hamutuk;
Sira labele proteje sira-nia naha,*
No sira rasik mak sei bá nuʼudar dadur.
3 “Rona mai haʼu, oh umakain Jacob no imi hotu neʼebé restu husi umakain Izraél,+
Imi neʼebé haʼu apoia no ajuda husi tempu neʼebé imi moris mai husi knotak laran.+
4 Haʼu sei hanesan nafatin toʼo imi idade boot liu ona;+
Haʼu sei kontinua apoia imi toʼo imi-nia fuuk mutin.
Hanesan haʼu halo ona, haʼu sei lori imi, apoia imi no salva imi.+
5 Entaun, imi sei kompara haʼu ho sé? Imi sei fó sai katak haʼu neʼe hanesan ho sé+
Atu nuneʼe ami bele sai hanesan deʼit?+
6 Iha ema balu neʼebé hasai osan-mean barak husi sira-nia bornál;
Sira tetu osan-mutin iha dasin.
Sira selu badaen-besi, no nia halo osan-mutin neʼe sai maromak ida.+
Sira hakruʼuk, sin, sira adora maromak neʼe.+
7 Sira hulan estátua neʼe iha sira-nia kabaas;+
Sira lori no tau neʼe iha ninia fatin, no maromak neʼe hamriik deʼit iha neʼebá.
No la book an husi ninia fatin.+
Sira halerik ba maromak neʼe, maibé nia la hatán;
Nia labele salva ema ida husi ninia terus.+
8 Hanoin-hetan ida-neʼe no sai aten-brani bá.
Rai ida-neʼe iha imi-nia laran, imi ema kontradór sira.
9 Hanoin-hetan buat uluk nian* husi tempu ulukliu,
Katak haʼu mak Maromak, no la iha ida seluk.
Haʼu mak Maromak, no la iha ida mak hanesan haʼu.+
10 Husi uluk kedas haʼu fó-hatene nanis buat neʼebé sei mosu,
No husi tempu uluk haʼu fó sai buat sira neʼebé seidauk akontese.+
Haʼu hatete: ‘Haʼu-nia desizaun* sei metin nafatin,+
No haʼu sei halo buat naran deʼit neʼebé haʼu hakarak.’+
11 Haʼu sei bolu manu-makikit* mai husi parte leste,*+
Haʼu sei bolu mane ida husi rai neʼebé dook atu kumpre haʼu-nia desizaun.*+
Haʼu koʼalia ona, no haʼu sei kumpre haʼu-nia liafuan.
Haʼu deside ona saida mak haʼu hakarak, no haʼu sei kumpre haʼu-nia hakarak.+
12 Rona mai haʼu, imi neʼebé ulun-toos,*
Imi neʼebé dook husi hahalok loos.
13 Haʼu lori ona haʼu-nia hahalok loos besik imi;
Neʼe la dook ida,
No haʼu-nia salvasaun sei la demora.+
Haʼu sei fó salvasaun ba Siaun, no fó haʼu-nia glória ba Izraél.”+
47 Oh Babilónia nia oan-feto virjen,+
Tun mai no tuur iha rai-rahun.
Oh ema Kaldeia nia oan-feto,
Tuur iha rai neʼebé la iha kadunan,+
Tanba ema sei nunka bolu tan ó nuʼudar feto neʼebé ema estima.
2 Foti fatuk dulas trigu nian no halo uut trigu bá.
Hasai tiha ó-nia veu.
Kolu tiha ó-nia saia, hatudu sai ó-nia kelen.
Hakur mota sira.
3 Ó sei hatudu sai ó-nia isin-tanan.
Ó sei hatudu sai ó-nia moe.
Haʼu sei selu fali ba ó,+ no la iha ema ida mak sei hanetik haʼu.*
4 “Ida neʼebé sosa fali ita
Mak Izraél nia Maromak neʼebé Santu.+
Ninia naran mak Jeová, neʼebé ukun tropa lalehan nian.”
5 Oh ema Kaldeia nia oan-feto,+
Tuur nonook iha neʼebá no tama ba nakukun laran;
Ema sei la bolu tan ó nuʼudar Liurai-Feto ba nasaun sira.+
6 Haʼu sai hirus ba haʼu-nia povu.+
Maibé ó la hatudu laran-sadiʼa ba sira.+
Ó mós haruka sira neʼebé idade boot liu atu lori naha todan.+
7 Ó dehan: “Haʼu sei sai Liurai-Feto ba nafatin.”+
Ó la tau atensaun ba buat sira-neʼe;
Ó la hanoin kona-ba buat sira-neʼe nia rohan.
8 Agora rona ida-neʼe bá, ó neʼebé hadomi ksolok,+
Neʼebé tuur ho hakmatek no hanoin iha ó-nia laran:
“Haʼu deʼit mak kmanek liu, la iha ida mak hanesan haʼu.+
Haʼu sei la sai feto-faluk.
Haʼu sei nunka lakon haʼu-nia oan sira.”+
9 Maibé iha loron ida nia laran, buat rua tuirmai neʼe sei akontese ba ó derrepente deʼit:+
Ó sei lakon ó-nia oan sira no ó sei sai feto-faluk.
Susar sira-neʼe hotu sei kona duni ó+
Tanba* ó-nia hahalok matan-dook nian barak no ó-nia ai-moruk fekit neʼebé makaʼas.+
10 Ó tau fiar ba ó-nia hahalok aat.
Ó dehan: “La iha ema ida mak haree haʼu.”
Ó-nia matenek no koñesimentu mak lori ó laʼo sala dalan,
No ó hanoin iha ó-nia laran: “Haʼu deʼit mak kmanek liu, la iha ida mak hanesan haʼu.”
11 Maibé susar sei kona ó,
No ó-nia biru mós sei la hapara ó-nia susar.
Terus sei kona ó; no ó sei labele hasees an husi terus.
Susar sei kona ó derrepente deʼit; susar neʼebé ó seidauk hatene.+
12 Kontinua uza ó-nia ai-moruk fekit no halo hahalok matan-dook nian barak,+
Neʼebé ó halo ona husi ó-nia tempu joven kedas.
Karik ó bele hetan buat diʼak husi ida-neʼe;
Karik ó bele halo ema hakfodak.
13 Ó sai kole ona hodi buka konsellu-naʼin barak.
Agora husik sira hamriik no salva ó,
Sira neʼebé adora lalehan,* neʼebé hateke ba fitun sira,+
Sira neʼebé fó sai koñesimentu iha tempu fulan-foun
Kona-ba buat neʼebé atu akontese ba ó.
14 Haree bá! Sira mak hanesan duʼut-maran.
Ahi sei han sira.
Sira labele salva sira-nia an husi ahi nia kbiit.
Neʼe laʼós ahi-klaak neʼebé ema uza atu halo manas sira-nia an,
No neʼe laʼós ahi neʼebé ema bele tuur besik hodi haneruk an.
15 Ó-nia matan-dook sira mós sei sai hanesan neʼe,
Katak sira neʼebé ó serbisu hamutuk husi ó-nia tempu joven.
Sira sei laʼo-lemo, sira ida-idak sei laʼo iha ninia dalan rasik.*
No la iha ida mak sei salva ó.+
48 Rona bá, oh umakain Jacob,
Imi neʼebé bolu imi-nia an hodi Izraél nia naran+
No imi Judá nia bei-oan sira,*
Imi neʼebé jura hodi Jeová nia naran+
No harohan ba Izraél nia Maromak,
Maibé laʼós ho lia-loos no hahalok loos.+
2 Tanba sira dehan katak sira hela iha sidade santu+
No buka apoiu husi Izraél nia Maromak,+
Neʼebé naran Jeová, neʼebé ukun tropa lalehan nian.
3 “Horiuluk kedas haʼu fó-hatene nanis kona-ba buat uluk nian.*
Liafuan sira-neʼe sai husi haʼu-nia ibun rasik,
Haʼu mak fó sai buat sira-neʼe.+
Haʼu kumpre buat sira-neʼe derrepente deʼit, no sira sai loos duni.+
4 Tanba haʼu hatene katak imi ulun-toos tebes,
Imi-nia kakorok uat mak besi no imi-nia reen-toos mak riti,+
5 Horiuluk kedas haʼu fó sai ona buat hotu.
Antes neʼe akontese, haʼu fó-hatene ona ba imi,
Atu nuneʼe imi labele dehan: ‘Ami-nia estátua mak halo ida-neʼe;
Ami-nia estátua neʼebé bahat ona no estátua besi mak fó mandamentu neʼe.’
6 Imi rona no haree ona buat hotu neʼe.
Entaun, imi sei la fó sai neʼe ba ema seluk ka?+
Husi agora ba oin haʼu sei fó sai buat foun ba imi,+
Haʼu sei fó sai segredu sira neʼebé imi seidauk hatene.
7 Haʼu foin kria buat sira-neʼe, laʼós husi tempu uluk kedas,
Buat neʼebé imi foin rona iha loron neʼe,
Atu nuneʼe imi labele dehan: ‘Ami hatene ona buat sira-neʼe.’
8 Lae, imi seidauk rona,+ imi seidauk hatene,
No iha tempu uluk imi-nia tilun seidauk nakloke.
Tanba haʼu hatene katak imi laran-makerek tebes,+
No imi sai ona ema kontradór husi moris mai kedas.+
9 Maibé tanba haʼu-nia naran mak haʼu sei tahan haʼu-nia hirus;+
Tanba haʼu-nia glória mak haʼu sei kontrola an,
No haʼu sei la halakon imi.+
10 Haree bá! Haʼu hamoos ona imi, maibé laʼós hanesan hamoos osan-mutin.+
Haʼu husik imi hetan terus atu hamoos imi,* hanesan hamoos besi iha fornu.+
11 Tanba haʼu-nia naran rasik mak haʼu sei halo ida-neʼe,+
No haʼu sei la husik buat ida hamoe haʼu.+
Haʼu sei la fó haʼu-nia glória ba sé deʼit.*
12 Rona mai haʼu, oh Jacob, no Izraél, neʼebé haʼu hili ona.
Haʼu hanesan nafatin.+ Haʼu mak primeiru no haʼu mak ikus.+
13 Ho haʼu-nia liman rasik mak haʼu tau rai nia hun,+
No ho haʼu-nia liman-loos mak haʼu nahe lalehan hanesan hena ida.+
Bainhira haʼu bolu sira, sira hamriik hamutuk.
14 Imi hotu halibur hamutuk no rona bá.
Iha sira-nia leet,* sé mak fó sai buat sira-neʼe?
Jeová hadomi ona ema ida.+
15 Haʼu rasik koʼalia ona, no haʼu bolu ona nia.+
Haʼu lori nia, no nia sei hetan susesu iha ninia serbisu.+
16 Hakbesik mai haʼu, no rona ida-neʼe.
Horiuluk kedas haʼu la koʼalia subasubar.+
Husi tempu neʼebé buat sira-neʼe akontese, haʼu iha neʼebá.”
Agora Jeová, Naʼi Ukun-Naʼin Boot Liu, haruka haʼu mai hamutuk ho ninia espíritu.
17 Jeová, Ida neʼebé Sosa Fali imi, Izraél nia Maromak neʼebé Santu, dehan nuneʼe:+
“Haʼu, Jeová, mak imi-nia Maromak,
Haʼu hanorin imi kona-ba buat neʼebé diʼak liu ba imi,*+
No dirije imi iha dalan neʼebé imi tenke laʼo bá.+
18 Haʼu hakarak atu imi halo tuir haʼu-nia mandamentu sira!+
Se imi halo nuneʼe, imi-nia dame sei sai hanesan mota+
No imi-nia hahalok loos sei sai hanesan tasi nia laloran.+
19 Imi-nia oan no bei-oan
Sei sai barak hanesan rai-henek.+
Sira-nia naran sei nunka lakon husi haʼu-nia oin.”
20 Sai husi Babilónia!+
Halai husi ema Kaldeia nia leet!
Fó sai kona-ba neʼe ho haklalak ksolok nian! Haklaken bá!+
Fó-hatene ba ema iha rai hotu iha mundu tomak.+
Fó sai liafuan tuirmai neʼe: “Jeová sosa fali ona ninia atan Jacob.+
21 Sira la sai hamrook bainhira nia lori sira liuhusi rai-maran.+
Nia halo bee suli sai husi fatuk boot atu sira bele hemu;
Nia fera fatuk no halo bee suli sai.”+
22 Jeová dehan: “La iha dame ba ema aat sira.”+
49 Oh imi illa sira, rona mai haʼu,
Oh imi nasaun sira+ neʼebé dook, rona didiʼak bá.
Jeová bolu ona haʼu antes haʼu moris.*+
Nia temi ona haʼu-nia naran bainhira haʼu sei iha haʼu-nia inan nia knotak.
Nia halo haʼu sai hanesan rama-oan neʼebé kroʼat.
Nia subar haʼu iha ninia rama-fatin.
4 Maibé haʼu dehan: “Haʼu serbisu saugati deʼit.
Haʼu uza hotu haʼu-nia forsa ba buat neʼebé laʼós realidade, no neʼe saugati deʼit.
5 Agora Jeová, Maromak neʼebé kria haʼu nuʼudar ninia atan bainhira haʼu sei iha knotak laran,
Nia haruka ona haʼu atu lori Jacob fila fali ba nia,
Atu nuneʼe Izraél bele halibur hamutuk ba nia.+
Haʼu sei hetan glória iha Jeová nia oin,
No haʼu-nia Maromak sei sai haʼu-nia forsa.
6 Nia dehan: “Haʼu hili ona ó nuʼudar haʼu-nia atan
Hodi harii fali Jacob nia suku sira
No lori fali Izraél nia ema restu neʼebé moris hela.
Laʼós neʼe deʼit, haʼu mós halo ó nuʼudar naroman ba nasaun sira,+
Atu nuneʼe haʼu-nia salvasaun bele toʼo rai hotu iha mundu tomak.”+
7 Jeová, Maromak neʼebé Sosa Fali Izraél, Izraél nia Maromak neʼebé Santu,+ hatete ba ida neʼebé ema hakribi,+ ba ida neʼebé nasaun neʼe odi, ba ukun-naʼin sira-nia atan, hodi dehan:
“Liurai sira sei haree no hamriik,
No ulun-naʼin sira sei hakruʼuk
Tanba sira hatudu respeitu ba Jeová, Maromak neʼebé laran-metin,+
Izraél nia Maromak neʼebé Santu, neʼebé hili ona ó.”+
8 Jeová dehan nuneʼe:
“Haʼu sei hatán ba ó iha tempu neʼebé haʼu hatudu laran-diʼak,+
No iha loron salvasaun nian haʼu sei ajuda ó.+
Haʼu sei kontinua proteje ó atu halo ó nuʼudar aliansa ida ba povu neʼe,+
Atu hadiʼa fali rai neʼe,
Atu halo sira hela fali iha sira-nia liman-rohan neʼebé mamuk ona,+
9 Hodi hatete ba ema dadur sira: ‘Sai mai!’+
No hatete ba ema neʼebé iha nakukun laran:+ ‘Hatudu sai imi-nia an!’
Sira sei han iha dalan ninin,
Sira-nia fatin atu han mak iha dalan hotu.*
Tanba Maromak neʼebé hatudu laran-sadiʼa ba sira mak sei dirije sira,+
No lori sira besik ba bee-matan.+
11 Haʼu sei halo haʼu-nia foho sira sai fali dalan,
No haʼu sei halo aas haʼu-nia estrada boot sira.+
12 Haree bá! Sira sei mai husi fatin dook,+
Sira balu mai husi parte norte no parte oeste,
No balu tan mai husi rai-Sinim.”+
13 Oh lalehan, haklalak ho haksolok, oh rai, haksolok bá.+
Husik foho sira sai kontente hodi haklalak ho haksolok.+
Tanba Jeová fó kmaan ona ba ninia povu,+
No nia hatudu laran-sadiʼa ba ninia ema sira neʼebé hetan terus.+
14 Maibé Siaun kontinua dehan:
“Jeová husik ona haʼu,+ no Jeová haluha ona haʼu.”+
15 Inan ida bele haluha ninia oan neʼebé susu hela ka lae?
Inan ida sei la hatudu laran-sadiʼa ba ninia oan rasik* ka lae?
Maski sira haluha karik, maibé haʼu sei nunka haluha ó.+
16 Haʼu bahat ona ó-nia naran iha haʼu-nia liman laran.
Ó-nia moru sira sempre iha haʼu-nia oin.
17 Ó-nia oan-mane sira sei fila fali mai ho ansi.
Sira neʼebé harahun ó no halo aat ba ó sei husik ó.
18 Foti matan no hateke haleʼu bá.
Sira hotu halibur hamutuk ona.+
Sira mai daudaun ba ó.
Jeová dehan: “Haʼu jura hodi haʼu-nia moris rasik,
Ó sei hafurak ó-nia an ho sira hotu hanesan buat murak,
No ó sei kesi sira ba ó-nia an hanesan noiva neʼebé hafurak ninia an.
19 Maski ó-nia fatin sira rahun no mamuk ona no ó-nia rai estraga ona,+
Maibé agora ó-nia rai sei sai kloot liu ba sira neʼebé hela iha neʼebá,+
20 Ó-nia oan-mane sira neʼebé moris mai bainhira ó triste tanba lakon ó-nia oan sira seluk, ó sei rona oan-mane sira-neʼe dehan:
‘Fatin neʼe kloot liu ba ami.
Halo luan tan fatin neʼe atu ami bele hela iha neʼe.’+
21 No ó sei hanoin iha ó-nia laran,
‘Oan sira neʼebé entrega ona mai haʼu mak sé-nian?
Tanba haʼu mak feto neʼebé lakon ona oan no labele iha oan,
Haʼu sai nuʼudar dadur no ema lori ona haʼu ba komarka.
Sé mak haboot oan sira-neʼe?+
22 Jeová, Naʼi Ukun-Naʼin Boot Liu, dehan nuneʼe:
“Haʼu sei foti haʼu-nia liman ba nasaun sira,
No haʼu sei hiʼit saʼe haʼu-nia sinál* ba povu sira atu haree.+
Sira sei lori ó-nia oan-mane sira iha sira-nia liman*
No lori ó-nia oan-feto sira iha sira-nia kabaas.+
Sira sei hakneʼak ba ó ho oin ba rai+
No lambe rai-rahun husi ó-nia ain,+
Nuneʼe ó sei hatene duni katak haʼu mak Jeová;
Ema hotu neʼebé tau fiar ba haʼu sei la hetan moe.”+
24 Ema sira neʼebé asuwaʼin kaer tiha ona, sira bele sai livre fali ka lae?
Ema sira neʼebé ukun-naʼin aat kaer tiha ona, sira bele hetan salvasaun ka lae?
25 Maibé Jeová dehan nuneʼe:
“Maski asuwaʼin ida mak kaer ona sira, maibé sira sei sai livre.+
Maski ukun-naʼin aat mak kaer sira, maibé sira sei hetan salvasaun.+
Haʼu sei kontra sira neʼebé kontra ó,+
No haʼu sei salva ó-nia oan sira.
26 Haʼu sei halo sira neʼebé hanehan ó atu han sira-nia isin rasik,
No sira sei hemu sira-nia raan rasik toʼo lanu, hanesan hemu tua-uvas midar.
Nuneʼe povu hotu sei hatene duni katak haʼu mak Jeová,+
Haʼu mak ó-nia Salvadór+ no Maromak neʼebé Sosa Fali ó,+
Jacob nia Maromak neʼebé Kbiit Boot.”+
50 Jeová dehan nuneʼe:
“Bainhira haʼu haruka imi-nia inan bá, haʼu fó surat soe-malu nian+ ba nia ka?
Haʼu faʼan imi tanba haʼu debe osan ka?
Haree bá, haʼu faʼan imi tanba imi-nia sala rasik,+
No haʼu haruka imi-nia inan sai tanba imi-nia sala rasik.+
2 Entaun, tanbasá mak la iha ema ida bainhira haʼu mai?
Tanbasá mak ema ida la hatán bainhira haʼu bolu?+
Haʼu-nia liman badak liu atu sosa fali imi ka?
Haʼu la iha kbiit atu salva imi ka?+
Haree bá! Haʼu hamaran tasi ho haʼu-nia liafuan korrije nian;+
Haʼu halo mota sira sai fali rai-maran.+
Ikan sira sai dodok tanba la iha bee,
No sira mate tanba hamrook.
4 Jeová, Naʼi Ukun-Naʼin Boot Liu, hanorin haʼu oinsá atu koʼalia,*+
Atu nuneʼe haʼu bele hatene oinsá atu hatán* ho liafuan neʼebé loos ba ema neʼebé kole.+
Nia fanu haʼu dadeer-dadeer;
Nia fanu haʼu no hanorin haʼu atu rona ho haʼu-nia tilun.+
Haʼu la fila kotuk ba nia.+
6 Haʼu see haʼu-nia kotuk ba sira neʼebé baku haʼu
No see haʼu-nia hasan ba sira neʼebé fokit sai haʼu-nia hasarahun.
Haʼu la subar haʼu-nia oin bainhira ema tafui ba haʼu no koʼalia atu hamoe haʼu.+
7 Maibé Jeová, Naʼi Ukun-Naʼin Boot Liu, sei ajuda haʼu.+
Tan neʼe mak haʼu sei la sente moe.
Tan neʼe mak haʼu sei halo haʼu-nia oin toos hanesan fatuk-ahi,+
No haʼu hatene katak haʼu sei la hetan moe.
8 Maromak fó sai katak haʼu iha hahalok loos no nia besik haʼu.
Mai ita hamriik hodi kontra malu.
Sé mak iha kazu hasoru haʼu?
Husik nia hakbesik haʼu.
9 Haree bá! Jeová, Naʼi Ukun-Naʼin Boot Liu, sei ajuda haʼu.
Sé mak bele tesi-lia katak haʼu sala?
Sira hotu sei sai hanesan hena neʼebé tuan ona.
Kukulai* sei han tiha sira.
10 Iha imi-nia leet, sé mak hamtaʼuk Jeová
No rona ba ninia atan nia liafuan?+
Sé mak laʼo iha nakukun laran no la haree naroman?
Haʼu hein katak ema neʼe tau fiar ba Jeová nia naran no sadere ba ninia Maromak.
11 “Maibé kona-ba imi hotu neʼebé halo lakan ahi
No halo ahi-funan semo,
Laʼo bá iha ahi neʼe nia naroman,
Laʼo iha ahi-funan nia leet neʼebé imi halo lakan ona.
Imi sei simu kastigu neʼe husi haʼu-nia liman:
Imi sei latan ho moras makaʼas.
51 “Imi neʼebé buka hahalok loos,
Imi neʼebé buka Jeová, rona mai haʼu.
Hateke ba fatuk neʼe, imi mak ema neʼebé tesi sai ona husi fatuk neʼe
No hateke ba fatuk-kuak neʼe, imi mak ema neʼebé keʼe sai ona husi fatuk-kuak neʼe.
2 Haree ba imi-nia aman Abraão,
No haree mós ba Sara+ neʼebé tuur-ahi ba imi.
Tanba bainhira haʼu bolu Abraão, nia mesak deʼit,+
No haʼu haraik bensaun ba nia no halo nia sai barak.+
3 Tanba Jeová sei fó kmaan ba Siaun.+
Nia sei fó kmaan ba Siaun nia fatin sira neʼebé rahun ona,+
No nia sei halo Siaun nia rai-fuik sai hanesan Eden+
No ninia rai-tetuk maran sira sai hanesan Jeová nia jardín.+
Siaun sei nakonu ho kontente no haksolok,
Nakonu ho liafuan agradese nian no knananuk.+
4 Oh haʼu-nia povu, rona mai haʼu,
Oh haʼu-nia nasaun, see tilun mai haʼu.+
Tanba ukun-fuan ida sei sai husi haʼu,+
No haʼu sei halo haʼu-nia justisa sai nuʼudar naroman ba povu.+
5 Haʼu-nia hahalok loos besik ona.+
6 Foti matan hateke ba lalehan,
No mós hateke ba rai,
Tanba lalehan sei lakon hanesan suar;
Rai sei sai tuan hanesan hena,
No ema sira iha rai sei mate hanesan susuk.
7 Imi neʼebé hatene hahalok loos,
Imi neʼebé rai haʼu-nia ukun-fuan* iha imi-nia laran, rona mai haʼu.+
Keta taʼuk ba ema neʼebé koʼalia aat imi,
Keta nakdedar tanba sira-nia liafuan neʼebé hatún imi.
8 Tanba kukulai* sei han tiha sira hanesan han roupa;
No kukulai sei tolan sira hanesan tolan kabas husi bibi-malae fulun.+
Maibé haʼu-nia hahalok loos sei iha ba nafatin,
No haʼu-nia salvasaun sei iha husi jerasaun ba jerasaun.”+
9 Oh Jeová nia liman, halo buat ruma bá!+
Halo buat ruma bá no hatudu sai kbiit!
Halo bá hanesan iha tempu uluk, hanesan iha jerasaun uluk.
Ita mak harahun tiha Raab*+ ba pedasuk, loos ka lae?
Ita mak sona borus animál boot iha tasi, loos ka lae?+
10 Ita mak hamaran tasi neʼebé kleʼan, loos ka lae?+
Ita mak halo tasi kleʼan sai nuʼudar dalan atu ema sira neʼebé Ita sosa fali ona bele laʼo liu, loos ka lae?+
11 Ema sira neʼebé Jeová salva ona sei fila fali.+
Kontente no ksolok mak sei sai sira-nian,
Triste no halerik sei la iha tan.+
12 “Haʼu mak Ida neʼebé fó kmaan ba imi.+
Tanbasá mak ó* sai taʼuk ba ema neʼebé sei mate?+
Tanbasá mak ó sai taʼuk ba ema neʼebé sei namlaek hanesan duʼut matak?
13 Tanbasá mak ó haluha Jeová, ó-nia Kriadór,+
Ida neʼebé nahe lalehan hanesan hena+ no tau rai nia hun?
Loron tomak ó sempre taʼuk ba hirus husi ema neʼebé hanehan ó,
Hanesan sira iha kbiit atu halakon ó.
Agora, ema sira-neʼe nia hirus iha neʼebé?
14 Lakleur tan ema dadur neʼebé sai bonko no kesi ho korrente sei sai livre.+
Nia sei la mate no la tama ba rai-kuak,
No nia mós sei la falta ai-han.
15 Maibé haʼu mak Jeová, ó-nia Maromak,
Ida neʼebé kedok tasi no halo ninia laloran baku bá-mai,+
Haʼu-nia naran mak Jeová, neʼebé ukun tropa lalehan nian.+
16 Haʼu sei tau haʼu-nia liafuan ba ó-nia ibun,
No haʼu sei proteje ó ho haʼu-nia liman,+
Atu harii lalehan no tau rai nia hun+
No atu dehan ba Siaun: ‘Ó mak haʼu-nia povu.’+
17 Oh Jeruzalein, hadeer! Hadeer bá! Hamriik bá,+
Ó hemu ona husi kopu hirus nian iha Jeová nia liman.
Ó hemu ona husi kalis neʼe;
Ó halo mamuk ona kopu neʼebé halo ó laʼo namlele.+
18 Husi oan* hotu neʼebé ó fó moris, la iha ida mak iha neʼebá atu dirije ó,
Husi oan hotu neʼebé ó haboot, la iha ida mak kaer metin ó-nia liman.
19 Buat rua neʼe sei kona ó.
Ema sei sobu no harahun ó. Hamlaha no surik sei haterus ó!+
Sé mak sei hanoin ó?
Sé mak sei fó kmaan ba ó?+
20 Ó-nia oan-mane sira sei dezmaia.+
Sira sei latan iha dalan sikun hotu
Hanesan bibi-malae fuik iha rede laran.
Jeová, ó-nia Maromak, hirus sira no korrije sira.”
21 Entaun favór ida, rona ida-neʼe,
Oh feto neʼebé hetan susar no lanu maski laʼós ho tua-uvas.
22 Ó-nia Naʼi Jeová, ó-nia Maromak neʼebé defende ninia povu, dehan nuneʼe:
“Haʼu sei foti tiha kopu husi ó-nia liman, kopu neʼebé halo ó laʼo namlele,+
Haʼu-nia kalis, haʼu-nia kopu hirus nian;
Ó sei nunka hemu tan husi kopu neʼe.+
23 Haʼu sei entrega kopu neʼe ba ema neʼebé hanehan ó,+
Sira neʼebé uluk dehan ba ó: ‘Hakruʼuk bá atu nuneʼe ami bele laʼo iha ó-nia leten!’
Ó husik ó-nia kotuk sai hanesan rai,
Hanesan dalan ba sira atu laʼo iha leten.”
52 Oh Siaun,+ hadeer! Hadeer bá! Tau kbiit nuʼudar ó-nia roupa!+
Oh sidade santu Jeruzalein, hatais ó-nia roupa neʼebé furak liu!+
Tanba ema neʼebé la hetan sirkunsizaun* no la moos sei la tama fali ba ó.+
2 Oh Jeruzalein, hamriik bá, liki sai tiha rai-rahun, no tuur iha fatin aas.
Oh Siaun nia oan-feto neʼebé nuʼudar dadur, kore korrente neʼebé kesi ó-nia kakorok.+
3 Tanba Jeová dehan nuneʼe:
4 Tanba Jeová, Naʼi Ukun-Naʼin Boot Liu, dehan nuneʼe:
“Uluk haʼu-nia povu tun ba rai-Ejitu hodi hela iha neʼebá nuʼudar ema estranjeiru;+
Tuirmai ema Asíria hanehan sira la ho razaun.”
5 Jeová dehan: “Entaun, haʼu tenke halo saida kona-ba neʼe?”
Jeová hatete: “Tanba sira foti haʼu-nia povu hodi la selu buat ida.
Sira neʼebé ukun haʼu-nia povu kontinua hakilar ho lian manán nian,+
No loron tomak, sira la hatudu respeitu ba haʼu-nia naran.+
6 Tan razaun neʼe mak haʼu-nia povu sei hatene haʼu-nia naran;+
Tan razaun neʼe mak sira sei hatene iha loron neʼebá katak haʼu mak koʼalia ba sira.
Neʼe mak haʼu!”
7 Ema neʼebé lori daudaun liafuan diʼak iha foho leten, ninia ain mak furak tebes,+
Nia haklaken kona-ba dame,+
Nia lori liafuan diʼak kona-ba buat neʼebé diʼak liu,
Nia haklaken kona-ba salvasaun,
Nia dehan ba Siaun: “Ó-nia Maromak sai ona Liurai!”+
8 Rona bá! Ó-nia* guarda sira hasai lian makaʼas.
Sira haklalak ho haksolok ho lian ida deʼit,
Tanba sira sei haree ho momoos bainhira Jeová halibur fali Siaun.
9 Oh Jeruzalein nia fatin sira neʼebé rahun ona, sai kontente bá, no ho lian ida deʼit haklalak ho haksolok bá,+
Tanba Jeová fó kmaan ona ba ninia povu;+ nia sosa fali ona Jeruzalein.+
10 Jeová hatudu sai ona ninia liman neʼebé santu iha nasaun hotu nia oin;+
Ema iha rai hotu iha mundu tomak sei haree oinsá ita-nia Maromak salva ita.*+
11 Imi neʼebé lori sasán sira husi Jeová nia uma,+
Hasees an, hasees an bá, sai husi fatin neʼebá,*+ keta kona buat ida neʼebé la moos!+
Sai husi neʼebá,+ halo imi-nia an moos nafatin.
12 Tanba imi sei laʼo sai la ho taʼuk,
No imi la presiza halai,
Tanba Jeová sei laʼo iha imi-nia oin,+
No Izraél nia Maromak sei proteje imi iha kotuk.+
13 Haree bá! Haʼu-nia atan+ sei hatudu hahalok matenek.
Nia sei tuur iha pozisaun neʼebé aas,
Nia sei simu pozisaun aas no nia sei hetan respeitu boot.+
14 Hanesan ema barak hateke ba nia ho hakfodak,
Tanba sira hanoin katak nia la bonitu liu fali ema seluk
No sira haree nia la diʼak liu fali ema seluk.
15 Nuneʼe mós nia sei halo nasaun barak hakfodak.+
Liurai sira sei taka ibun* iha ninia oin,+
Tanba sira sei haree buat neʼebé ema seidauk fó sai ba sira
No sira sei hanoin didiʼak kona-ba buat neʼebé sira seidauk rona.+
53 Sé mak tau fiar ba buat neʼebé ami fó sai?*+
Jeová nia liman+ hatudu sai ona ba sé?+
2 Nia* sei moris hanesan ai-sanak lotuk+ iha ninia* oin, hanesan ai-abut neʼebé moris iha rai maran-dekor.
Nia la mai ho kmanek boot no la iha glória;+
No bainhira ami haree nia, ami la haree buat espesiál ida neʼebé halo ami gosta nia.
3 Ema hakribi nia no hasees an husi nia,+
Nia mak mane neʼebé hatene oinsá sente moras no komprende kona-ba moras.
Neʼe hanesan ninia oin subar husi ami.*
Ema hakribi nia, no ami haree nia nuʼudar ema neʼebé la iha folin.+
Maibé ami haree nia hanesan ema neʼebé hetan moras, hetan kastigu husi Maromak no hetan terus.
5 Maibé ema sona borus+ nia tanba ami-nia hahalok aat;+
Nia hetan terus boot tanba ami-nia sala sira.+
6 Ami hotu laʼo-lemo hanesan bibi-malae,+
Ema ida-idak laʼo iha ninia dalan rasik,
No Jeová mak tau ami hotu nia sala iha mane neʼe nia leten.+
Ema lori nia hanesan lori bibi-malae atu bá oho,+
Hanesan bibi-malae inan neʼebé nonook bainhira ema koi ninia fulun,
Nia la loke ninia ibun.+
8 Ema halakon ninia moris* tanba sira tesi-lia la tuir justisa;
Sé mak sei hanoin didiʼak kona-ba ninia jerasaun?*
No lia-bosok ida la sai husi ninia ibun,+
Maibé ema fó hakoi-fatin* ba nia iha ema aat sira-nia leet,+
No bainhira nia mate, ema hakoi nia hamutuk ho ema riku.+
10 Maibé Jeová mak hakarak* atu nia hetan terus boot, no husik nia atu hetan moras.
Oh Maromak, se Ita entrega mane neʼe nia moris nuʼudar sakrifísiu taka sala nian,+
Nia sei haree ninia bei-oan sira, no nia sei hanaruk ninia moris,+
11 Tanba nia neon-susar, nia sei kontente ho buat neʼebé nia haree.
Liuhusi ninia koñesimentu mak haʼu-nia atan neʼebé laran-loos,+
Sei ajuda ema barak atu sai ema loos,+
No nia sei lori sira-nia sala.+
12 Tanba razaun neʼe mak haʼu sei fó nia parte ida hamutuk ho ema barak,
No nia sei fahe sasán neʼebé hadau tiha husi inimigu ba asuwaʼin sira,
Tanba nia fó ninia moris toʼo mate*+
No ema haree nia hanesan deʼit ho ema aat sira;+
Nia lori ema barak nia sala,+
No tama iha klaran hodi ajuda ema sala-naʼin sira.+
54 Jeová dehan: “Oh feto neʼebé labele iha oan, haklalak ho haksolok bá!+
Oh feto neʼebé nunka sente moras tuur-ahi nian,+ sai kontente no haklalak ho haksolok bá!+
Tanba oan husi feto neʼebé ninia laʼen soe hela mak sei sai barak
2 Halo luan tan ó-nia tenda.+
Halo boot liután hena tenda nian iha ó-nia hela-fatin neʼebé kmanek.
Keta dada an, halo naruk tenda nia tali sira
No halo metin ó-nia tenda nia pregu sira.+
3 Tanba ó-nia fronteira sei halo luan tan ba sorin loos no sorin karuk.
Ó-nia bei-oan sira sei foti nasaun sira nuʼudar sira-nian,
No sira sei hela iha sidade sira neʼebé sai mamuk ona.+
Tanba ó sei haluha ó-nia moe husi ó-nia tempu joven,
No ó sei la hanoin-hetan tan ó-nia moe husi tempu neʼebé ó sai feto-faluk.”
5 “Tanba ó-nia Kriadór Boot+ mak nuʼudar ó-nia laʼen,*+
Ninia naran mak Jeová, neʼebé ukun tropa lalehan nian,
No Izraél nia Maromak neʼebé Santu mak Ida neʼebé Sosa Fali ó.+
Ema sei bolu nia Maromak ba mundu tomak.+
6 Tanba Jeová bolu ona ó, uluk ó mak hanesan feen neʼebé ninia laʼen husik hela no sai triste tebes,+
Hanesan feto neʼebé kaben iha ninia tempu joven, maibé ikusmai ninia laʼen nega tiha”, neʼe mak ó-nia Maromak nia liafuan.
7 “Tanba haʼu husik ó ba tempu uitoan,
Maibé haʼu sei halibur fali ó tanba haʼu-nia laran-sadiʼa neʼebé boot.+
8 Tanba haʼu-nia hirus makaʼas mak haʼu subar haʼu-nia oin husi ó ba tempu uitoan,+
Maibé tanba haʼu-nia domin ho laran-metin neʼebé iha ba nafatin mak haʼu hatudu laran-sadiʼa ba ó”,+ neʼe mak liafuan husi Jeová, Ida neʼebé Sosa Fali ó.+
9 “Ba haʼu, neʼe hanesan Noé nia tempu.+
Hanesan haʼu jura ona iha Noé nia tempu katak bee sei la taka tan mundu tomak,+
Nuneʼe haʼu mós jura katak haʼu sei la sai hirus tan ba ó no la korrije ó.+
10 Maski foho sira bele hasai tiha
No foho-oan sira bele nakdoko,
Maibé haʼu sei la hasai haʼu-nia domin neʼebé laran-metin husi ó,+
No haʼu-nia aliansa dame nian sei la nakdoko”,+ neʼe mak liafuan husi Jeová, Ida neʼebé hatudu laran-sadiʼa ba ó.+
11 “Oh feto neʼebé hetan terus,+ neʼebé hasoru anin-fuik no la hetan kmaan,+
Haʼu hada daudaun ó-nia fatuk sira ho simente
No tau ó-nia uma hun ho fatuk-safira.+
12 Haʼu sei halo ó-nia sidade nia moru leten hodi uza fatuk-rubi,
No halo ó-nia portaun hodi tau fatuk neʼebé nabilan,*
No haʼu sei tau marka ba ó-nia baliza ho fatuk-murak oioin.
14 Haʼu sei hametin ó ho haʼu-nia hahalok loos.+
No la iha ema ida mak sei hanehan ó,+
Ó sei la taʼuk buat ida no la iha buat ida mak halo ó nakdedar,
Tanba buat sira-neʼe sei la besik ó.+
15 Se ema ruma mai ataka ó,
Neʼe laʼós tanba haʼu mak haruka.
Ema neʼebé ataka ó sei lakon.”+
16 “Haree, haʼu rasik mak kria badaen
Neʼebé huu ahi-klaak,
Ninia serbisu mak atu halo armas.
No mós haʼu rasik mak kria mane neʼebé estraga no halakon moris.+
17 Armas naran deʼit neʼebé ema halo hodi kontra ó sei la hetan susesu,+
No ema hotu nia nanál neʼebé koʼalia kontra ó hodi tesi-lia ba ó, ó sei tesi-lia katak sira mak sala.
Neʼe mak Jeová nia atan sira-nia liman-rohan,
No haʼu haree sira nuʼudar ema laran-loos”, Jeová mak dehan.+
55 Mai, imi hotu neʼebé hamrook,+ mai hemu bee!+
Imi neʼebé la iha osan, mai, sosa ai-han no han bá!
Sin, mai, sosa tua-uvas no susubeen+ la ho osan no la ho folin ida.+
2 Tanbasá mak imi kontinua selu osan hodi sosa buat neʼebé laʼós ai-han,*
No tanbasá mak imi gasta imi-nia osan* hodi sosa buat neʼebé la halo imi bosu?
Rona didiʼak ba haʼu, no han buat neʼebé diʼak,+
No imi sei hetan ksolok boot tanba han ai-han neʼebé diʼak liu.+
3 See tilun bá no mai besik haʼu.+
Rona bá, no imi* sei kontinua moris,
No haʼu sei halo duni aliansa ida ho imi, aliansa neʼebé sei iha ba nafatin.+
Ho ida-neʼe haʼu sei hatudu domin ho laran-metin ba imi hodi tuir haʼu-nia promesa ba David.*+
5 Haree bá! Ó* sei bolu nasaun ida neʼebé ó la hatene,
No ema husi nasaun ida neʼebé la koñese ó sei halai ba ó,
Sira halo nuneʼe tanba Jeová, ó-nia Maromak,+ Izraél nia Maromak neʼebé Santu,
Tanba nia sei fó glória ba ó.+
6 Buka Jeová bainhira imi sei bele hetan nia.+
Bolu nia tanba agora nia sei besik imi.+
7 Ema aat tenke husik ninia dalan+
No ema laran-aat tenke husik ninia hanoin aat sira;
Husik nia fila fali ba Jeová, neʼebé sei hatudu laran-sadiʼa ba nia,+
Fila fali ba ita-nia Maromak, tanba Maromak sei fó perdua ho laran-luak.+
8 Jeová dehan: “Tanba imi-nia hanoin la hanesan haʼu-nia hanoin,+
No imi-nia dalan sira la hanesan haʼu-nia dalan sira.
9 Hanesan lalehan aas liu fali rai,
Nuneʼe mós haʼu-nia dalan sira aas liu fali imi-nia dalan sira
No haʼu-nia hanoin aas liu fali imi-nia hanoin.+
10 Hanesan udan no jelu-rahun tun husi lalehan
No la fila fali ba ninia fatin toʼo nia habokon rai hodi halo ai-horis sira moris no fó fuan,
Hodi fó fini ba ema neʼebé kari fini no ai-han ba ema neʼebé han,
11 Nuneʼe mós ho liafuan neʼebé sai husi haʼu-nia ibun.+
Haʼu-nia liafuan sei la fila fali ba haʼu se neʼe seidauk fó rezultadu,+
Maibé haʼu-nia liafuan sei sai loos duni tuir haʼu-nia hakarak,+
No liafuan neʼe sei hetan duni susesu hodi kumpre buat neʼebé haʼu hatete ona.
Foho no foho-oan sira sei haklalak ho haksolok iha imi-nia oin,+
No ai-hun sira hotu iha rai-luan sei basa liman.+
13 Ai-juníperu mak sei moris duké ai-tarak,+
No ai-murta mak sei moris duké duʼut-tarak.
No neʼe sei lori naran-boot ba Jeová,+
No sei sai nuʼudar sinál ba nafatin neʼebé sei nunka lakon.”
56 Jeová dehan nuneʼe:
“Kaer metin ba justisa,+ no halo hahalok loos bá,
Tanba lakleur tan haʼu sei salva imi
No haʼu sei hatudu sai haʼu-nia hahalok loos.+
2 Ksolok ba ema neʼebé halo hahalok loos
No ema neʼebé kaer metin ba justisa,
Ema neʼebé halaʼo no la hafoʼer Sábadu+
No tahan netik ninia liman atu la halo buat neʼebé aat.
3 Ema estranjeiru neʼebé adora Jeová+ labele dehan:
‘Jeová sei haketak duni haʼu husi ninia povu.’
No mane neʼebé oan la iha* keta dehan: ‘Haree bá! Haʼu mak ai-hun neʼebé maran.’”
4 Tanba Jeová dehan nuneʼe: “Ba mane neʼebé oan la iha* maibé halaʼo haʼu-nia Sábadu no halo tuir haʼu-nia hakarak no kaer metin ba haʼu-nia aliansa,
5 Haʼu sei fó monumentu ida no naran ida ba sira iha haʼu-nia uma laran no iha haʼu-nia moru laran,
Neʼe mak buat neʼebé diʼak liu fali oan-mane no oan-feto sira.
Haʼu sei fó sira naran neʼebé hela ba nafatin,
Naran neʼebé sei nunka lakon.
6 Kona-ba ema estranjeiru sira neʼebé hakbesik ba Jeová atu serbí nia,
Atu hadomi Jeová nia naran+
No atu sai ninia atan,
Ema hotu neʼebé halaʼo no la hafoʼer Sábadu
No kaer metin ba haʼu-nia aliansa,
7 Haʼu mós sei lori sira ba haʼu-nia foho santu+
No halo sira kontente iha haʼu-nia uma orasaun nia laran.
Sira-nia sakrifísiu sunu nian neʼebé hasaʼe tomak no sira-nia sakrifísiu sira seluk, haʼu sei simu iha haʼu-nia altár.
Tanba haʼu-nia uma sei hanaran nuʼudar uma orasaun nian ba povu hotu.”+
8 Jeová, Naʼi Ukun-Naʼin Boot Liu, neʼebé halibur fali ema Izraél sira neʼebé namkari,+ dehan:
“Haʼu halibur ona ema, maibé haʼu sei halibur tan ema seluk ba nia.”+
9 Animál fuik hotu iha rai-luan,
No animál fuik hotu iha ai-laran, mai hodi han.+
10 Ninia guarda sira matan-delek+ no la iha ida mak haree.+
Sira hotu hanesan asu neʼebé la loke ibun no labele hatenu.+
Sira dada iis no latan deʼit; sira gosta toba.
11 Sira hanesan asu neʼebé kaan-teen loos;
Sira nunka sai bosu.
Sira hanesan bibi-atan neʼebé la hatene buat ida.+
Sira hotu laʼo tuir sira-nia dalan rasik;
Sira ida-idak hakarak manán buat ruma ho laran-makerek no dehan:
12 “Mai, mai ita foti tua-uvas,
No mai ita hemu toʼo lanu.+
Loron aban sei hanesan ohin, maibé aban sei diʼak liu!”
57 Ema laran-loos mate ona,
Maibé la iha ema ida mak hanoin kona-ba neʼe.
Bainhira ema sira neʼebé laran-metin mate,+
La iha ema ida mak hatene katak ema laran-loos sira mate ona
Tanba susar.*
2 Ema laran-loos tama iha fatin hakmatek nian.
Ema hotu neʼebé hatudu hahalok loos, sira deskansa iha sira-nia kama.*
3 “Maibé kona-ba imi, mai besik bá,
Imi mak feto matan-dook nia oan-mane sira,
4 Imi goza sé?
Imi loke ibun luan no losu nanál ba sé?
Imi mak ema kontradór nia oan,
No bosok-teen nia oan.+
5 Imi iha hakarak seksuál nian neʼebé makaʼas iha ai-hun boot sira-nia leet,+
Iha ai-hun buras hotu nia okos,+
Imi oho imi-nia oan iha foho-leet* sira,+
Iha fatuk boot sira-nia leet.
6 Ó* hili ona fatuk kabeer iha foho-leet.*+
Sin, fatuk sira-neʼe mak ó-nia parte.
Ó fui sakrifísiu hemu nian no fó prezente ba sira.+
Haʼu tenke sai kontente* ho buat sira-neʼe ka?
8 Ó tau sinál iha odamatan no iha ninia arus nia kotuk atu hanoin fali ó-nia estátua sira.
Ó husik hela haʼu no hasai ó-nia roupa;
Ó saʼe bá neʼebá no halo luan ó-nia kama.
No ó halo aliansa ho sira.
9 Ó lori mina no tun ba Melec*
No lori mós mina-morin barak.
Ó haruka ó-nia atan sira atu laʼo dook,
Atu nuneʼe ikusmai ó tun ba rate* hamutuk ho ó-nia hahalok.
10 Ó hakaʼas an iha dalan oioin,
Maibé ó la dehan: ‘Neʼe saugati deʼit!’
Ó hetan forsa foun.
Tan neʼe mak ó lakohi rende an.*
11 Ó nakdedar no taʼuk ba sé
Toʼo ó komesa bosok?+
Ó la hanoin-hetan haʼu.+
Ó la hanoin kona-ba buat ida.+
Haʼu kontinua nonook no la halo buat ida ba ó,+
Tan neʼe mak ó la hamtaʼuk haʼu.
12 Haʼu sei hatudu sai ó-nia ‘hahalok loos’+ no buat neʼebé ó halo,+
No ó-nia hahalok sei la lori buat diʼak ba ó.+
Anin sei lori lakon sira hotu,
No ema huu iis deʼit mós sei lori lakon sira,
Maibé ema sira neʼebé buka protesaun husi haʼu sei simu rai neʼe nuʼudar liman-rohan
No sei simu haʼu-nia foho santu nuʼudar sira-nian.+
14 Ema ida sei dehan: ‘Imi tenke ateru dalan, ateru dalan bá! Prepara dalan bá!+
Hasai tiha buat neʼebé halo sidi husi haʼu-nia povu nia dalan.’”
15 Tanba Maromak neʼebé Aas Liu,
Neʼebé hela ba nafatin+ no neʼebé ninia naran mak santu,+ dehan nuneʼe:
“Haʼu hela iha fatin aas no santu,+
Maibé haʼu mós hela hamutuk ho ema sira neʼebé hetan terus* no haraik an,
Atu fó forsa ba ema neʼebé kbiit-laek
No ema neʼebé hetan terus.+
16 Tanba haʼu sei la kontra sira ba nafatin
No la hirus nafatin sira;+
Ema nia forsa moris nian* bele sai fraku tanba haʼu,+
Nuneʼe mós ho kriatura neʼebé dada iis neʼebé haʼu kria ona.
17 Haʼu sai hirus tanba ninia hahalok sala, nia hakarak manán buat ruma ho laran-makerek,+
Entaun haʼu baku nia, haʼu subar haʼu-nia oin no sai hirus ba nia.
Maibé nia kontinua laʼo hanesan ema kontradór,+ hodi tuir deʼit ninia laran.
18 Haʼu haree ona ninia dalan sira,
Maibé haʼu sei kura nia+ no dirije nia+
No haʼu sei fó kmaan fali ba nia+ no ba ninia ema sira neʼebé triste.”+
19 Jeová dehan: “Haʼu sei tau liafuan hahiʼi nian iha ema nia nanál.
Haʼu sei fó dame nafatin ba sira neʼebé hela dook no sira neʼebé hela besik,+
No haʼu sei kura sira.”
20 “Maibé ema aat mak hanesan tasi neʼebé la hakmatek no labele kalma,
No ninia laloran sira baku sai tiha duʼut-tasi no tahu.”
21 Haʼu-nia Maromak dehan: “La iha dame ba ema aat sira.”+
58 “Hakilar ho lian makaʼas; keta dada an!
Hasai ó-nia lian hanesan dikur nia lian.
Fó sai ba haʼu-nia povu kona-ba sira-nia hahalok kontra,+
Fó sai ba umakain Jacob kona-ba sira-nia sala.
2 Loroloron sira buka haʼu,
Sira fó sai katak sira haksolok tanba hatene haʼu-nia dalan sira,
Hanesan sira mak nasaun neʼebé hatudu hahalok loos,
Sira husu haʼu atu tesi-lia ho loloos,
Hanesan sira kontente atu hakbesik ba Maromak.+
3 Agora sira husu: ‘Tanbasá mak Ita la haree bainhira ami halo jejún?+
Tanbasá mak Ita la haree bainhira ami hatudu katak ami triste?’*+
Tanba iha loron neʼebé imi halo jejún, imi buka imi-nia hakarak rasik,*
No imi hanehan imi-nia serbisu-naʼin.+
4 Imi remata imi-nia jejún ho haksesuk malu no baku malu,
No ho laran-aat mak imi baku ema ho imi-nia liman.
Imi labele halo jejún hanesan agora no hanoin katak haʼu rona imi-nia lian iha lalehan.
5 Jejún neʼebé halo haʼu kontente mak hanesan neʼe ka?
Neʼe mak loron ba ó atu hatudu katak ó triste,*
Atu hakruʼuk hanesan duʼut naruk
No atu halo kama husi hena karón* no ahi-kadesan ka?
Neʼe mak buat neʼebé ó bolu jejún no bolu nuʼudar loron neʼebé halo Jeová kontente ka?
6 Lae. Jejún neʼebé halo haʼu kontente mak tuirmai neʼe:
Atu hasai tiha korrente neʼebé halo ho laran-aat,
Atu kore ai-leba nia talin,+
Atu husik livre sira neʼebé ema hanehan,+
No atu halo tohar ba rua ai-leba hotu neʼebé uza atu lori naha;
7 Atu fahe ó-nia paun ba ema neʼebé hamlaha,+
Atu lori ema kiak no ema neʼebé la iha uma hodi tama ba ó-nia uma,
Atu fó roupa ba ema neʼebé isin-tanan bainhira ó haree nia,+
No atu la fila kotuk ba ó-nia maluk rasik.
8 Ho ida-neʼe mak ó-nia naroman sei nabilan hanesan rai naroman,+
No ó-nia kanek sei sai diʼak lalais.
Ó-nia hahalok loos sei laʼo iha ó-nia oin,
No Jeová nia glória sei proteje ó iha ó-nia kotuk.+
9 Tuirmai bainhira ó bolu, Jeová sei hatán.
Bainhira ó halerik hodi husu ajuda, nia sei dehan: ‘Haʼu mak neʼe!’
Se ó hasai tiha ai-leba neʼebé uza atu lori naha husi ó-nia leet
No la hatudu tan liman no la koʼalia aat ema seluk,+
10 Se ó fó buat neʼebé ó rasik gosta ba ema neʼebé hamlaha+
No halo kontente ema neʼebé hetan terus,
Entaun ó-nia naroman sei nabilan maski iha nakukun laran,
No ó-nia nakukun sei sai naroman hanesan meiudia.+
11 Jeová sei nafatin dirije ó
No halo ó kontente maski iha rai neʼebé maran-dekor;+
Nia sei fó forsa fali ba ó-nia ruin sira,
No ó sei sai hanesan jardín neʼebé rega ho bee barak,+
Hanesan bee-matan neʼebé sempre iha bee.
12 Tanba ó mak ema sei harii fali sidade antigu neʼebé rahun ona,+
No ó sei harii fali uma nia fundasaun neʼebé rahun ona ba jerasaun barak.+
Ema sei bolu ó nuʼudar badaen neʼebé hadiʼa fali moru sira neʼebé aat ona,*+
Badaen neʼebé hadiʼa fali dalan boot no hela-fatin.
13 Se ó halaʼo haʼu-nia loron Sábadu no la halo tuir deʼit ó-nia hakarak* iha haʼu-nia loron santu+
No se ó bolu loron Sábadu nuʼudar loron ksolok boot nian, loron santu ba Jeová, loron neʼebé tenke hafolin,+
No se ó hafolin loron neʼe duké buka ó-nia hakarak rasik no la koʼalia liafuan naranaran deʼit,
14 Entaun ó sei hetan ksolok boot tanba Jeová,
No haʼu sei halo ó domina rai nia fatin aas sira.+
Haʼu sei halo ó han ai-han husi ó-nia beiʼala Jacob nia liman-rohan,+
Tanba Jeová nia ibun mak fó sai ona ida-neʼe.”
2 Maibé imi-nia sala rasik mak haketak imi husi imi-nia Maromak.+
Imi-nia sala mak halo nia subar ninia oin husi imi,
No nia lakohi rona ba imi.+
3 Tanba imi-nia liman sai foʼer ho ema nia raan+
No imi-nia liman-fuan sai foʼer ho sala sira.
Imi-nia ibun koʼalia bosok,+ no imi-nia nanál koʼalia buat neʼebé la loos.
4 La iha ema ida mak hasai lian hodi defende hahalok loos,+
No la iha ema ida mak bá tribunál atu koʼalia buat neʼebé loos.
Sira tau fiar ba buat neʼebé laʼós realidade*+ no koʼalia buat neʼebé la iha folin.
Sira sai isin-rua ba problema no tuur-ahi ba buat neʼebé hakanek ema.+
5 Sira luut samea venenu nia tolun,
No samea-tolun neʼebé nakfera hamosu samea ida.
Ema hotu neʼebé han sira-nia samea-tolun neʼe sei mate.
No sira uza labadain nia knuuk atu soru hena.+
6 Hena neʼebé sira soru ho labadain nia knuuk la merese atu sai nuʼudar roupa,
No sira sei la taka sira-nia an ho buat neʼebé sira halo.+
Sira-nia hahalok aat,
No hahalok violénsia mak iha sira-nia liman.+
Sira-nia hanoin mak atu halo aat ba ema;
Sira-nia dalan mak sempre halo aat ba malu no haterus malu.+
8 Sira la hatene dalan dame nian,
No la iha justisa iha sira-nia dalan.+
Sira halo kleʼuk sira-nia dalan sira;
No ema neʼebé laʼo iha dalan neʼe sei la hatene dame.+
9 Tan neʼe mak justisa dook husi ami,
No hahalok loos la toman ami.
Ami kontinua hein ba naroman, maibé iha deʼit nakukun;
Ami hein ba naroman, maibé ami nafatin laʼo iha nakukun.+
10 Ami lamas atu buka moru hanesan ema matan-delek;
Ami lamas nafatin hanesan ema neʼebé matan-aat.+
Ami sidi iha meiudia hanesan sidi iha kalan neʼebé nakukun;
Iha ema forte sira-nia leet, ami hanesan deʼit ema mate.
11 Ami hotu kontinua hasai lian hanesan ursu
No halo lian hanesan manu-pombu neʼebé triste.
Ami hein ba justisa, maibé justisa la iha;
Ami hein ba salvasaun, maibé neʼe dook husi ami.
12 Tanba ami-nia hahalok kontra mak barak ona iha Ita-Boot nia oin;+
Ami-nia sala ida-idak fó sasin hasoru ami.+
Tanba ami hatene ho didiʼak ami-nia sala+
No ami-nia hahalok kontra.
13 Ami halo sala no nega ona Jeová;
Ami fila kotuk ona ba ami-nia Maromak.
Ami koʼalia ona kona-ba oinsá atu haterus malu no kontra Maromak;+
Ami hanoin lia-bosok iha ami-nia laran no koʼalia bosok ona.+
14 Justisa hakiduk ona,+
No hahalok loos hamriik dook deʼit.+
Lia-loos sidi ona iha sidade nia fatin públiku,
No buat neʼebé loos labele tama ba sidade.
16 Nia haree katak la iha ema ida mak lolo liman,
No nia hakfodak katak ema ida la ajuda,
Tan neʼe ninia liman rasik mak lori salvasaun,
No ninia hahalok loos rasik mak fó kbiit ba nia.
17 Tuirmai nia tau hahalok loos nuʼudar ninia roupa funu nian
No taka kapasete salvasaun nian iha ninia ulun.+
18 Nia sei fó kolen ba sira tuir buat neʼebé sira halo ona,+
Kolen mak neʼe: nia sei hirus no selu fali ba ninia inimigu sira.+
No nia sei selu fali ba illa sira tuir buat neʼebé sira merese.
19 Husi fatin neʼebé loro-matan monu, sira sei hamtaʼuk Jeová nia naran
No husi fatin neʼebé loro-matan saʼe, sira sei taʼuk ba ninia glória,
Tanba nia sei mai hanesan mota neʼebé suli lalais no makaʼas,
Katak mota neʼebé Jeová nia espíritu mak lori mai.
20 “Ida neʼebé Sosa Fali+ sira sei mai toʼo Siaun,+
Nia sei mai toʼo Jacob nia bei-oan sira neʼebé hasees an ona husi sala”,+ Jeová mak dehan.
21 “Kona-ba haʼu, neʼe mak haʼu-nia aliansa ho sira”,+ Jeová dehan. “Haʼu-nia espíritu neʼebé iha ó no haʼu-nia liafuan neʼebé haʼu tau ona iha ó-nia ibun, neʼe sei nunka hasai husi ó-nia ibun, husi ó-nia oan sira-nia ibun, ka husi ó-nia bei-oan sira-nia ibun, husi agora no ba nafatin”, Jeová mak dehan.
60 “Oh feto, hamriik bá,+ fó naroman bá, tanba ó-nia naroman mosu ona.
Jeová nia glória mak fó naroman ba ó.+
2 Haree bá! Nakukun sei taka rai
No kalohan metan sei taka nasaun sira;
Maibé Jeová sei fó naroman ba ó,
No ema sei haree ninia glória iha ó.
3 Nasaun sira sei hakbesik ba ó-nia naroman+
No liurai sira+ sei hakbesik ba ó-nia kmanek neʼebé nabilan.+
4 Foti matan no hateke haleʼu ó-nia sorin!
Sira hotu halibur ona; sira mai toʼo ó.
Husi fatin dook mak ó-nia oan-mane sira kontinua mai,+
No ema sei koʼus ó-nia oan-feto sira hodi lori sira mai.+
5 Iha tempu neʼebá, ó sei haree no sai kontente,+
No ó-nia fuan sei tuku-tuku ho haksolok,
Tanba ó sei simu tasi nia rikusoin;
No nasaun nia rikusoin sei sai ó-nian.+
Ema hotu husi Sabá, sira sei mai;
Sira sei lori osan-mean no olíbanu.
Sira sei fó hahiʼi ba Jeová iha ema nia oin.+
7 Bibi-lubun husi Kedar+ sei halibur ba ó.
Bibi-malae aman husi Nebajot+ sei serbí ó.
Sira sei sai sakrifísiu iha haʼu-nia altár leten, neʼebé haʼu simu,+
No haʼu sei hafurak haʼu-nia uma neʼebé kmanek.+
8 Sé mak sira neʼebé semo mai hanesan kalohan?
Sira semo mai hanesan manu-pombu neʼebé semo ba sira-nia uma.*
9 Illa sira sei tau esperansa ba haʼu;+
Ró Tarsis sira mak halai iha oin,*
Sira lori ó-nia oan sira mai husi fatin dook,+
Hamutuk ho sira-nia osan-mutin no osan-mean,
Hodi fó hahiʼi ba Jeová, ó-nia Maromak, nia naran no fó hahiʼi ba Izraél nia Maromak neʼebé Santu,
10 Ema estranjeiru sei harii ó-nia moru sira,
No sira-nia liurai sei sai ó-nia serbisu-naʼin.+
Maski haʼu baku ó tanba haʼu hirus,
Maibé haʼu sei hatudu laran-sadiʼa ba ó tanba haʼu-nia laran-diʼak.+
11 Ó-nia portaun sei loke nafatin,+
No sei la taka loron ho kalan,
Hodi ema bele lori nasaun sira-nia rikusoin ba ó,
No sira-nia liurai mak sei laʼo iha sira-nia oin.+
12 Tanba nasaun no liurai* neʼebé lakohi serbí ó sei lakon tiha,
No nasaun sira-neʼe sei lakon mohu.+
13 Líbanu nia glória sei mai toʼo ó,+
Ai-juníperu, ai-freixu no ai-sipreste sei mai hamutuk,+
Atu hafurak haʼu-nia fatin sagradu;
Haʼu sei fó glória ba fatin neʼebé haʼu tau haʼu-nia ain.+
14 Oan-mane sira husi ema neʼebé hanehan ó sei mai no hakruʼuk iha ó-nia oin;
Ema hotu neʼebé la hatudu respeitu ba ó tenke hakruʼuk iha ó-nia ain,
No sira tenke bolu ó nuʼudar Jeová nia sidade,
Siaun, fatin ba Izraél nia Maromak neʼebé Santu.+
15 Maski haʼu husik hela ó no ema odi ó, no la iha ema ida mak laʼo liu ó,+
Maibé haʼu sei halo ó sai buat neʼebé ema gaba ba nafatin,
Hodi halo ema haksolok husi jerasaun ba jerasaun.+
16 No ó sei hemu duni susubeen husi nasaun sira,+
Liurai sira sei fó-susu ba ó;+
Nuneʼe ó sei hatene duni katak haʼu, Jeová, mak ó-nia Salvadór,
No Jacob nia Maromak neʼebé Kbiit Boot mak Ida neʼebé Sosa Fali ó.+
17 Haʼu sei lori mai osan-mean hodi troka riti,
Haʼu sei lori mai osan-mutin hodi troka besi,
Riti hodi troka ai,
No mós besi hodi troka fatuk.
No haʼu sei hili dame nuʼudar ó-nia ulun-naʼin
No justisa nuʼudar ó-nia ulun-naʼin neʼebé fó knaar ba ó.+
18 Ó sei la rona tan violénsia iha ó-nia rai,
Ema sei la estraga ka halakon buat ida iha ó-nia fronteira laran.+
No ó sei bolu ó-nia moru sira nuʼudar Salvasaun+ no ó-nia portaun sira nuʼudar Glória.
19 No loro-matan sei la sai tan nuʼudar naroman ba ó iha loron,
No fulan sei la fó tan ninia naroman ba ó,
Tanba Jeová mak sei sai nuʼudar ó-nia naroman ba nafatin,+
No ó-nia Maromak sei sai nuʼudar buat neʼebé halo ó furak.+
20 Ó-nia loro-matan sei la tun tan,
No ó-nia fulan sei la lakon tan,
Tanba Jeová mak sei sai nuʼudar ó-nia naroman ba nafatin,+
No ó-nia tempu triste nian sei remata tiha.+
21 No ó-nia povu hotu sei iha hahalok loos;
Rai neʼe sei sai sira-nian ba nafatin.
22 Sira neʼebé uitoan sei sai rihun ida
No povu neʼebé kiʼik sei sai nasaun neʼebé forte.
Haʼu, Jeová, haʼu rasik mak sei halo sira sai barak lalais liu iha tempu neʼe.”
61 Jeová, Naʼi Ukun-Naʼin Boot Liu, fó ona ninia espíritu mai haʼu,+
Tanba Jeová hili* haʼu atu haklaken liafuan diʼak ba ema neʼebé laran-maus.+
Nia haruka haʼu atu kura* ema neʼebé laran-kanek,
Atu fó sai liberdade ba ema dadur sira
No atu loke luan ema dadur nia matan,+
2 Atu fó sai kona-ba tinan neʼebé Jeová hatudu ninia laran-diʼak
No fó sai loron neʼebé ita-nia Maromak sei fó kastigu,+
Atu fó kmaan ba ema hotu neʼebé triste,+
3 Atu tau matan ba sira neʼebé triste tanba Siaun,
Atu fó hena furak ba sira atu taka ulun duké ahi-kadesan,
No fó mina ksolok nian ba sira duké halerik,
No fó roupa hahiʼi nian ba sira duké laran-triste.
Ema sei bolu sira nuʼudar ai-hun boot hahalok loos nian,
4 Sira sei harii fali sidade antigu neʼebé rahun ona;
Sira sei harii fali fatin antigu nian neʼebé sai uut ona,+
No sira sei hadiʼa fali sidade sira neʼebé aat ona,+
Fatin sira neʼebé rahun ona husi jerasaun ba jerasaun.+
5 “Ema husi rai seluk sei hamriik no tau matan ba imi-nia bibi-lubun,
No ema estranjeiru+ sei sai nuʼudar imi-nia toʼos-atan no atan neʼebé tau matan ba imi-nia toʼos-uvas.+
6 Kona-ba imi, ema sei bolu imi nuʼudar Jeová nia amlulik;+
Sira sei bolu imi nuʼudar ita-nia Maromak nia atan.
7 Duké moe, haʼu-nia povu sei hetan bensaun ba dala rua,
Duké moe, sira sei haklalak ho haksolok tanba sira-nia liman-rohan.
Sin, sira sei hetan bensaun ba dala rua iha sira-nia rai.+
Sira sei haksolok ba nafatin.+
Ho laran-metin haʼu sei fó duni sira-nia kolen,
No haʼu sei halo aliansa ida ho sira, aliansa neʼebé sei iha ba nafatin.+
Ema hotu neʼebé haree sira sei koñese sira,
Katak sira mak bei-oan neʼebé Jeová fó ona bensaun.”+
10 Haʼu sei haksolok tebes tanba Jeová.
Ho haʼu-nia forsa tomak, haʼu sei haksolok tanba haʼu-nia Maromak.+
Tanba nia tau roupa salvasaun nian ba haʼu;+
Nia falun haʼu ho roupa* hahalok loos nian,
Hanesan noivu neʼebé tau turbante* iha ninia ulun hanesan amlulik ida,+
No hanesan noiva neʼebé hafurak nia an ho buat murak oioin.
11 Hanesan rai halo fini sira moris
No hanesan jardín halo moris fini neʼebé kuda tiha ona iha laran,
Nuneʼe mós Jeová, Naʼi Ukun-Naʼin Boot Liu,
Sei halo buras hahalok loos+ no glória+ iha nasaun hotu nia oin.
62 Haʼu sei la nonook deʼit tanba haʼu hanoin Siaun,+
No haʼu sei la tuur deʼit tanba haʼu hanoin Jeruzalein,
Toʼo ninia hahalok loos nabilan hanesan naroman+
No ninia salvasaun lakan hanesan ahi-oan.+
Ema sei bolu ó-nia naran foun,+
Naran neʼebé Jeová rasik mak sei fó ba ó.
3 Ó sei sai hanesan koroa furak iha Jeová nia liman,
Hanesan liurai nia turbante* iha ó-nia Maromak nia liman.
4 Ema sei la bolu tan ó nuʼudar feto neʼebé ninia laʼen husik hela,+
No sira sei la bolu tan ó-nia rai nuʼudar rai neʼebé fuik.+
Maibé sira sei bolu fali ó nuʼudar Feto neʼebé Halo Haʼu Haksolok,+
No sira sei bolu fali ó-nia rai nuʼudar Kaben-Naʼin.
Tanba Jeová sei sai kontente ho ó,
No ó-nia rai sei sai fali hanesan feto neʼebé kaben ona.
5 Hanesan mane joven ida kaben ho feto virjen,
Ó-nia povu sei kaben ho ó.
Hanesan noivu haksolok tanba noiva,
Ó-nia Maromak sei haksolok ba ó.+
6 Oh Jeruzalein, haʼu tau ona guarda iha ó-nia moru leten.
Loron tomak no kalan tomak, sira labele nonook nafatin.
Imi neʼebé koʼalia kona-ba Jeová,
Keta deskansa,
7 No keta husik nia deskansa toʼo nia hametin Jeruzalein,
Sin, toʼo nia halo mundu tomak fó hahiʼi ba Jeruzalein.”+
8 Jeová jura ona hodi hiʼit saʼe ninia liman-loos, ninia liman neʼebé forte, hodi dehan:
“Haʼu sei la fó tan ó-nia trigu* nuʼudar ai-han ba ó-nia inimigu,
No ema estranjeiru sei la hemu tan ó-nia tua-uvas foun, neʼebé ó halo ho serbisu makaʼas.+
9 Maibé sira neʼebé koʼa trigu sei han trigu no sira sei hahiʼi Jeová;
No sira neʼebé halo tua-uvas sei hemu tua-uvas iha haʼu-nia pátiu* sira neʼebé santu.”+
10 Laʼo bá, laʼo liuhusi portaun sira.
Hamoos dalan ba povu neʼe.+
Imi tenke ateru estrada neʼe.
Hasai tiha ninia fatuk sira.+
11 Haree bá! Jeová fó ona avizu toʼo rai hotu iha mundu tomak:
“Hatete ba Siaun nia oan-feto:
‘Haree bá! Ó-nia salvasaun mai daudaun.+
Haree bá! Nia lori kolen hamutuk ho nia,
No nia prontu atu selu ema nia kolen.’”+
12 Ema sei bolu povu sira-neʼe nuʼudar povu santu, povu neʼebé Jeová sosa fali ona,+
No sira sei bolu ó nuʼudar Sidade neʼebé Maromak Buka Tuir, Sidade neʼebé Maromak La Husik Hela.+
63 Ida neʼebé mai daudaun husi Edom,+
Neʼebé mai husi Bozra+ ho roupa neʼebé kór moris,*
Neʼebé hatais roupa furak,
No marxa ho kbiit boot, nia neʼe sé?
“Neʼe mak haʼu, neʼebé koʼalia hodi tuir buat neʼebé loos,
No iha kbiit boot atu fó salvasaun.”
2 Tanbasá mak Ita-nia roupa mean?
Tanbasá mak Ita-nia roupa hanesan deʼit ho sira neʼebé sama uvas-fuan?+
3 “Haʼu mesak mak sama ona uvas-fuan iha fatin halo tua-uvas nian.
La iha ema ida husi povu sira mak hamutuk ho haʼu.
Haʼu kontinua sama sira ho hirus,
No haʼu kontinua sama sira ho haʼu-nia laran-nakali.+
Sira-nia raan kona haʼu-nia roupa,
No haʼu-nia roupa hotu iha ona noda.
4 Haʼu deside ona loron atu selu fali,+
No tinan neʼebé haʼu atu sosa fali haʼu-nia povu toʼo ona mai.
5 Haʼu hateke, maibé la iha ema ida atu ajuda haʼu;
Haʼu la kontente tanba la iha ema ida apoia haʼu.
6 Haʼu sama tiha povu sira ho hirus,
Haʼu halo sira lanu ho haʼu-nia laran-nakali+
No haʼu fakar sai sira-nia raan ba rai.”
7 Haʼu sei fó sai Jeová nia hahalok domin neʼebé laran-metin,
Jeová nia hahalok neʼebé merese atu hahiʼi,
Tanba buat hotu neʼebé Jeová halo ona ba ita,+
Nia halo ona buat diʼak barak ba umakain Izraél,
Hodi tuir ninia laran-sadiʼa no ninia domin boot ho laran-metin.
8 Tanba nia dehan: “Loloos sira mak haʼu-nia povu duni, oan-mane sira neʼebé sei laran-metin ba haʼu.”*+
Tan neʼe mak nia sai sira-nia Salvadór.+
9 Durante sira-nia susar hotu, nia mós sente neon-susar.+
No ninia atan rasik neʼebé lori ninia mensajen* mak salva sira.+
Ho ninia domin no laran-sadiʼa mak nia sosa fali sira,+
No iha tempu neʼebá nia foti sira no lori sira loroloron.+
10 Maibé sira kontra+ no halo triste ninia espíritu santu.+
11 No sira hanoin-hetan fali tempu uluk,
Sira hanoin fali ninia atan Moisés nia tempu, hodi dehan:
“Maromak neʼebé lori sira sai husi tasi+ hamutuk ho ninia povu nia bibi-atan sira, nia iha neʼebé?+
Maromak neʼebé tau nia espíritu santu ba Moisés,* nia iha neʼebé?+
12 Maromak neʼebé fó Ninia liman neʼebé kmanek ba Moisés nia liman-loos, nia iha neʼebé?+
Maromak neʼebé fahe tasi iha sira-nia oin+
Hodi halo ninia naran rasik hela ba nafatin, nia iha neʼebé?+
13 Ida neʼebé halo sira laʼo liuhusi tasi neʼebé siʼak,*
No halo sira laʼo liu no la sidi,
Hanesan kuda iha rai-luan,* nia iha neʼebé?
14 Hanesan animál-hakiak sira laʼo tun ba rai-tetuk atu deskansa,
Jeová nia espíritu mós halo sira deskansa.”+
15 Favór ida, hateke tun husi lalehan no haree
Husi Ita-nia hela-fatin neʼebé aas, santu no kmanek.*
Ita-nia laran-manas no Ita-nia kbiit iha neʼebé?
Ita-nia laran-diʼak neʼebé kleʼan+ no laran-sadiʼa neʼebé boot iha neʼebé?+
Ita la hatudu buat sira-neʼe ba haʼu.
16 Tanba Ita mak ami-nia Aman;+
Maski Abraão la hatene ami
No Izraél la koñese ami,
Maibé oh Jeová, Ita mak ami-nia Aman.
Ita-nia naran mak Ida neʼebé Sosa Fali ami husi tempu uluk.+
17 Oh Jeová, tanbasá mak Ita husik* ami laʼo sees husi Ita-nia dalan sira?
Tanbasá mak Ita husik* ami-nia laran sai toos, hodi nuneʼe ami la hamtaʼuk Ita?+
Fila fali mai hodi ajuda ami tanba Ita-nia atan sira,
Suku sira neʼebé nuʼudar Ita-nia liman-rohan.+
18 Ita-nia povu neʼebé santu foti rai neʼe nuʼudar sira-nian ba tempu badak deʼit.
Ami-nia inimigu sama ona Ita-nia fatin sagradu.+
19 Tanba tempu kleur liu ona ami sai hanesan povu neʼebé Ita nunka ukun,
Hanesan povu neʼebé nunka lori Ita-nia naran.
64 Oh se karik Ita lees tiha lalehan no tun mai,
Hodi halo foho sira nakdoko iha Ita-nia oin,
2 Hanesan kuandu ahi han ai-sanak neʼebé maran,
No ahi neʼe halo bee nakali,
Nuneʼe mak Ita-nia inimigu sira sei hatene Ita-nia naran,
No nasaun sira sei nakdedar iha Ita-nia oin!
3 Uluk Ita tun mai no foho sira nakdoko iha Ita-nia oin.+
Ita halo buat kmanek oioin neʼebé ami la hein atu simu.+
4 Husi uluk kedas la iha ema ida mak rona ka see tilun,
No ema seidauk haree Maromak ida, só Ita deʼit,
5 Ita mai hodi ajuda sira neʼebé gosta atu halo buat neʼebé diʼak,+
Sira neʼebé hanoin-hetan Ita no laʼo tuir Ita-nia dalan sira.
Ita sai hirus bainhira ami kontinua halo sala,+
Ami halo sala ba tempu kleur.
Agora ami merese atu hetan salvasaun ka lae?
6 Ami hotu sai hanesan ema neʼebé la moos,
No ami-nia hahalok loos hotu sai hanesan hena menstruasaun nian.+
Ami hotu sei sai namlaek hanesan ai-tahan,
No ami-nia sala sei lori lakon ami hanesan anin.
7 La iha ema ida mak bolu Ita-nia naran,
No la iha ema ida mak hakaʼas an atu kaer metin ba Ita,
Tanba Ita subar ona Ita-nia oin husi ami,+
No Ita halo ami sai fraku* tanba ami-nia sala.
8 Maibé agora, oh Jeová, Ita-Boot mak ami-nia Aman.+
Ami mak rai-mean, no Ita mak ami-nia Badaen Rai-Mean;+
Ita halo ami hotu ho Ita-nia liman.
9 Oh Jeová, keta sai hirus makaʼas liu,+
No keta hanoin-hetan ami-nia sala sira ba nafatin.
Favór ida, hateke ba ami, tanba ami hotu mak Ita-nia povu.
10 Ita-nia sidade santu sai ona rai-fuik.
Siaun sai ona rai-fuik,
Jeruzalein sai ona fatin mamuk.+
11 Ahi han ona ami-nia templu santu neʼebé iha glória,*+
Fatin neʼebé ami-nia beiʼala sira hahiʼi Ita,
No buat hotu neʼebé ami hafolin rahun ona.
12 Oh Jeová, Ita haree ona buat sira-neʼe, Ita sei nafatin la halo buat ida ka?
Ita sei nafatin nonook deʼit no husik ami hetan terus makaʼas ka?+
65 “Haʼu husik ema sira neʼebé la husu tuir haʼu atu buka haʼu;
Haʼu husik sira neʼebé la buka haʼu atu bele hetan haʼu.+
Haʼu hatete ba nasaun neʼebé la bolu haʼu-nia naran, hodi dehan: ‘Haʼu mak neʼe, sin, haʼu mak neʼe!’+
2 Loron tomak haʼu loke haʼu-nia liman ba povu neʼebé ulun-toos,+
Ba sira neʼebé laʼo tuir dalan neʼebé aat,+
Hodi tuir deʼit sira-nia hanoin rasik;+
3 Povu neʼebé hakanek beibeik haʼu-nia laran iha haʼu-nia oin,+
Povu neʼebé hasaʼe sakrifísiu iha jardín sira+ no sunu sakrifísiu iha bloku* nia leten hodi halo suar.
4 Sira tuur iha rate sira-nia leet,+
Kalan tomak sira hela iha fatin subar,*
Sira han naʼan-fahi,+
No sira-nia sanan nakonu ho sopa neʼebé la moos.+
5 Sira dehan: ‘Sees tiha, keta hakbesik haʼu,
Tanba haʼu santu liu ó.’*
Sira-neʼe mak hanesan ahi-suar iha haʼu-nia inus, no sira kontinua halo haʼu hirus hanesan ahi neʼebé lakan loron tomak.
6 Haree bá! Ida-neʼe hakerek ona iha haʼu-nia oin;
Haʼu sei la hamriik nonook deʼit,
Maibé haʼu sei selu fali sira,+
Haʼu sei selu fali sira ho folin neʼebé kompletu*
7 Tanba sira-nia sala sira no mós tanba sira-nia beiʼala sira-nia sala”,+ Jeová mak dehan.
“Tanba sira sunu sakrifísiu* iha foho sira
No sira hamoe haʼu iha foho-oan sira,+
Ulukliu haʼu sei selu fali sira* tuir buat neʼebé sira merese.”*
8 Jeová dehan nuneʼe:
“Hanesan ema ida hetan uvas-fuan ramu ida neʼebé bele halo tua-uvas foun
No dehan: ‘Keta halakon uvas-fuan sira-neʼe, tanba iha buat diʼak balu* iha laran’,
Haʼu mós sei halo nuneʼe ba haʼu-nia atan sira;
Haʼu sei la halakon sira hotu.+
9 Haʼu sei lori bei-oan ida husi Jacob nia povu
No husi Judá nia povu atu simu haʼu-nia foho sira nuʼudar liman-rohan;+
Sira neʼebé haʼu hili ona sei simu rai neʼe nuʼudar sira-nian,
No haʼu-nia atan sira sei hela iha neʼebá.+
10 Saron+ sei sai fatin ba bibi sira atu han duʼut
No Rai-Tetuk Akor+ sei sai fatin ba karau sira atu deskansa.
Haʼu sei halo nuneʼe ba haʼu-nia povu neʼebé buka haʼu.
11 Maibé imi hamutuk ho sira neʼebé husik hela Jeová,+
Sira neʼebé haluha haʼu-nia foho santu,+
Sira neʼebé prepara meza ba maromak Sorte Diʼak nian,
No sira neʼebé fui tua-uvas neʼebé kahur ona iha kopu sira hodi hasaʼe ba maromak Destinu nian.
12 Entaun haʼu sei entrega imi ba surik nuʼudar imi-nia destinu,+
No imi hotu sei hakruʼuk hodi ema bele oho imi,+
Tanba haʼu bolu imi, maibé imi la hatán,
Haʼu koʼalia, maibé imi la rona,+
Imi kontinua halo buat neʼebé aat tuir haʼu-nia haree,
No imi hili buat neʼebé halo haʼu la kontente.”+
13 Tan neʼe, Jeová, Naʼi Ukun-Naʼin Boot Liu, dehan nuneʼe:
“Haree bá! Haʼu-nia atan sira sei han, maibé imi sei hamlaha.+
Haree bá! Haʼu-nia atan sira sei hemu,+ maibé imi sei hamrook.
Haree bá! Haʼu-nia atan sira sei haksolok,+ maibé imi sei moe.+
14 Haree bá! Haʼu-nia atan sira sei haklalak ho haksolok tanba laran-kontente,
Maibé imi sei tanis makaʼas tanba laran-moras
No imi sei halerik tanba laran-kanek.
15 Imi-nia naran deʼit mak sei hela, no haʼu-nia atan sira neʼebé haʼu hili ona sei temi imi-nia naran bainhira sira fó-malisan.
Jeová, Naʼi Ukun-Naʼin Boot Liu, sei oho imi ida-idak,
Maibé nia sei bolu ninia atan sira ho naran seluk;+
16 Atu nuneʼe ema hotu neʼebé buka bensaun ba ninia an rasik iha rai
Sei hetan bensaun husi Maromak lia-loos nian,*
No ema hotu neʼebé halo juramentu ruma iha rai
17 Haree bá! Haʼu kria daudaun lalehan foun no rai foun;+
No ema sei la hanoin* tan buat uluk nian,
No buat sira-neʼe sei la rai nafatin iha ema nia laran.+
18 Tan neʼe, haksolok no kontente ba nafatin tanba buat neʼebé haʼu kria.
Haree bá! Haʼu kria daudaun Jeruzalein atu sai sidade neʼebé lori ksolok
No ninia povu atu sai povu neʼebé lori ksolok.+
19 No haʼu sei haksolok tanba Jeruzalein no kontente tanba haʼu-nia povu;+
No ema sei la rona tan tanis no halerik tanba susar iha Jeruzalein.”+
20 “Iha fatin neʼebá, sei la iha tan bebé neʼebé moris ba loron balu deʼit,
No la iha tan katuas neʼebé la kumpre ninia tinan sira.
Ema ida neʼebé mate ho idade tinan atus ida, ema sei hanoin katak nia mak labarik deʼit,
No ema neʼebé halo sala sei mate tanba hetan malisan, maski ho idade tinan atus ida.*
22 Sira sei harii uma, laʼós ba ema seluk mak atu hela,
No sira sei kuda, laʼós ba ema seluk mak atu han.
Tanba haʼu-nia povu nia moris sei sai naruk hanesan ai-hun ida,+
No sira neʼebé haʼu hili ona sei haksolok duni ho serbisu neʼebé sira halo ho sira-nia liman.
23 Sira-nia serbisu makaʼas sei la sai saugati deʼit,+
No sira sei tuur-ahi oan sira, no oan sira-neʼe sei la hetan susar,
Tanba sira no sira-nia bei-oan+
Mak jerasaun neʼebé Jeová fó ona bensaun.+
24 Haʼu sei hatán antes sira bolu haʼu,
Haʼu sei rona bainhira sira koʼalia hela.
25 Asu-lobu* no bibi-malae oan sei han hamutuk,
Leaun sei han duʼut-maran hanesan karau,+
No samea sei han rai-rahun.
Sira sei la estraga no la halo aat iha haʼu-nia foho santu tomak”,+ Jeová mak dehan.
66 Jeová dehan nuneʼe:
“Lalehan mak haʼu-nia kadunan, no rai mak fatin ba haʼu atu tau haʼu-nia ain.+
2 “Haʼu halo buat sira-neʼe hotu ho haʼu-nia liman rasik,
Hodi nuneʼe mak buat hotu iha”, Jeová mak dehan.+
“Haʼu sei hateke ba ema neʼebé haraik an,
3 Ema neʼebé oho karau mak hanesan ema neʼebé oho ema.+
Ema neʼebé hasaʼe bibi-malae nuʼudar sakrifísiu mak hanesan ema neʼebé halo tohar asu nia kakorok.+
Ema neʼebé hasaʼe sakrifísiu, ninia sakrifísiu neʼe mak hanesan fahi nia raan!+
Ema neʼebé fó olíbanu+ mak hanesan ema neʼebé fó sai bensaun ho liafuan masonik nian.*+
Sira hili ona atu laʼo tuir sira-nia dalan rasik,
No sira gosta buat neʼebé haʼu hakribi.
4 Tan neʼe, haʼu sei buka dalan oioin atu fó kastigu ba sira,+
No haʼu sei lori ba sira buat neʼebé sira taʼuk.
Tanba bainhira haʼu bolu, la iha ema ida mak hatán;
Bainhira haʼu koʼalia, la iha ema ida mak rona.+
Sira kontinua halo buat neʼebé aat tuir haʼu-nia haree,
No sira hili atu halo buat neʼebé halo haʼu la kontente.”+
5 Imi hotu neʼebé nakdedar ba* Jeová nia liafuan, rona ba ninia liafuan tuirmai neʼe:
“Imi-nia maun-alin odi imi no haketak an husi imi tanba haʼu-nia naran, hodi koʼalia ho laran-makerek: ‘Fó glória ba Jeová!’+
Maibé Maromak sei mosu hodi fó ksolok ba imi,
No sira mak sei hetan moe.”+
6 Iha lian barullu iha sidade, lian husi templu!
Lian neʼe mosu tanba Jeová selu fali ba ninia inimigu sira tuir buat neʼebé sira merese.
7 Antes feto ida sente moras tuur-ahi nian, ninia oan moris ona.+
Antes nia sente knotak moras, nia tuur-ahi ona oan-mane ida.
8 Sé mak rona ona buat ida hanesan neʼe?
Sé mak haree ona ida-neʼe?
Rai ida bele mosu* iha loron ida deʼit ka?
Nasaun ida bele moris iha tempu ida deʼit ka?
Maibé, bainhira Siaun komesa sente moras tuur-ahi nian, nia tuur-ahi kedas ba ninia oan-mane sira.
9 Jeová, ó-nia* Maromak, husu: “Haʼu sei hanetik bebé neʼebé atu moris ona ka?
Haʼu sei halo bebé ida atu moris maibé taka netik fali ninia inan nia oan-fatin ka?”
10 Imi hotu neʼebé hadomi Jeruzalein,+ haksolok no sai kontente bá hamutuk ho sidade neʼe.+
Imi hotu neʼebé tanis tanba Jeruzalein, haksolok bá hamutuk ho sidade neʼe,
11 Hanesan inan ida fó-susu ba ninia oan toʼo bosu, nuneʼe mós Jeruzalein sei fó kmaan no tau matan ba imi.
Imi sei hemu toʼo bosu no haksolok ho sidade neʼe nia glória neʼebé boot.
12 Tanba Jeová dehan nuneʼe:
“Haʼu sei halo dame sai hanesan mota+
No nasaun sira-nia glória sai hanesan mota neʼebé suli makaʼas, hodi suli toʼo sidade neʼe.+
Imi sei sai hanesan labarik ida neʼebé ninia inan koʼus no fó-susu
No nia tuur halimar iha ninia inan nia hitin.
13 Hanesan inan ida fó kmaan ba ninia oan,*
Nuneʼe mós haʼu sei kontinua fó kmaan ba imi;+
No imi sei hetan kmaan tanba Jeruzalein.+
14 Imi sei haree ida-neʼe, no imi-nia laran sei haksolok,
Imi-nia ruin sei sai hanesan duʼut matak neʼebé buras.
No Jeová nia atan sira sei hatene kona-ba ninia liman,*
Maibé nia sei fó-sala ba ninia inimigu sira.”+
15 “Jeová sei mai hanesan ahi,+
No ninia karreta funu nian sira mak hanesan anin-fuik,+
Atu selu fali ho ninia hirus makaʼas,
Atu korrije ho ahi neʼebé lakan.+
16 Tanba ho ahi mak Jeová sei tesi-lia,
Sin, ho ninia surik mak nia kontra ema hotu;
No Jeová sei oho ema barak tebes.”
17 Jeová dehan: “Sira neʼebé halo sira-nia an santu* no hamoos an atu bele tama ba jardín sira*+ hodi tuir estátua neʼebé iha klaran, sira neʼebé han naʼan-fahi,+ laho no buat sira seluk neʼebé la moos,+ sira hotu sei mate hamutuk. 18 Tanba haʼu hatene sira-nia hahalok no sira-nia hanoin, haʼu sei mai hodi halibur ema husi nasaun hotu no língua hotu, no sira sei mai no haree haʼu-nia glória.”
19 “Haʼu sei tau sinál ida iha sira-nia leet, no haʼu sei haruka sira balu neʼebé halai sai ona hodi bá nasaun sira, ba sira neʼebé matenek atu uza rama, katak ba sira neʼebé iha Tarsis,+ Pul no Lud,+ no mós Tubal, Javan+ no illa sira neʼebé dook tebes. Ema iha rai sira-neʼe seidauk rona kona-ba haʼu-nia hahalok no seidauk haree haʼu-nia glória; no sira neʼebé halai sai ona sei fó sai kona-ba haʼu-nia glória iha nasaun sira-nia leet.+ 20 Sira sei lori sai imi-nia maun-alin sira husi nasaun hotu+ nuʼudar prezente ba Jeová. Imi-nia maun-alin hotu sei saʼe kuda, kuda-karreta, karrosa boot, kuda-mula,* no kuda-kamelu neʼebé halai lalais, hodi mai iha haʼu-nia foho santu, Jeruzalein, hanesan tempu neʼebé povu Izraél lori sira-nia prezente iha sanan neʼebé moos hodi tama ba Jeová nia uma”, Jeová mak dehan.
21 Jeová dehan: “Haʼu mós sei foti sira balu atu sai amlulik no balu sai ema Levi.”
22 Jeová dehan: “Hanesan lalehan foun no rai foun+ neʼebé haʼu halo sei hela ba nafatin iha haʼu-nia oin, nuneʼe mós imi-nia bei-oan sira no imi-nia naran sei hela ba nafatin.”+
23 “Husi fulan-foun ida toʼo fulan-foun tuirmai no husi Sábadu toʼo Sábadu,
Ema hotu sei tama mai hodi hakruʼuk* iha haʼu-nia oin”,+ Jeová mak dehan.
24 “No sira sei sai bá liʼur hodi hateke ba mate-isin husi ema neʼebé kontra hasoru haʼu;
Ular-oan neʼebé han sira-nia isin sei la mate,
No ahi neʼebé han sira sei nunka mate,+
No mate-isin sira-neʼe sei sai buat neʼebé ema hotu hakribi.”
Naran neʼe katak “Salvasaun husi Jeová”.
Ka “la hatene ninia naʼin”.
Ka “imi-nia isin”.
Orj., “buti”.
Orj., “Siaun nia oan-feto”.
Ka “hanorin”.
Haree Glosáriu.
Neʼe bele refere mós ba sevada. Haree “Sakrifísiu trigu nian” iha Glosáriu.
Haree Glosáriu.
Haree “Nefes” iha Glosáriu.
Ka “Imi oho ona ema barak”.
Ka “labarik neʼebé la iha aman”.
Ka “prostituta”.
Karik neʼe refere ba ai-hun no jardín sira neʼebé ema uza atu adora estátua.
Ka “kabas husi duʼut-liñu”.
Ka “Iha loron sira-neʼe nia rohan”.
Ka “hanorin”.
Ka “halo loos”.
Ka “ema nia matan”.
Ka “sei hetan moe”.
Ka “torre”. Haree Glosáriu.
Haree “Ró Tarsis” iha Glosáriu.
Ka “sei hetan moe”.
Orj., “Xefe ba tropa naʼin-50”.
Orj., “Sira sei han rezultadu husi sira-nia hahalok”.
Orj., “laʼo ho kakorok naruk”.
Ka “sasán murak husi sipu neʼebé halo lian”.
Ka “roupa laran”.
Haree Glosáriu.
Haree “Hena karón” iha Glosáriu.
Neʼe katak marka neʼebé hanas ba atan ka dadur nia isin.
Neʼe katak moe tanba la kaben no la iha oan.
Orj., “tee”.
Ka “forsa neʼebé hamoos”.
Ka “torre”.
Orj., “sukat 10”.
Orj., “bato 1”. Haree Ap. B14.
Ka “sevada”.
Ka “litru 220”. Haree Ap. B14.
Ka “litru 22”. Haree Ap. B14.
Haree “Ezíliu” iha Glosáriu.
Haree “Siol” iha Glosáriu.
Ka “nia ema-boot sira”.
Ka “justisa”.
Haree “Halo santu” iha Glosáriu.
Ka “desizaun; konsellu”.
Ka “hanorin”.
Ka “harii ai-riin sinál nian”.
Ka “prontu atu hana”.
Orj., “lian husi ida neʼebé bolu”.
Orj., “Haʼu sai nonook ona”.
Ka “1/10”.
Ka “bei-oan”.
Ka karik “nia”.
Neʼe katak Izraél.
Naran neʼe katak “Só ema uitoan deʼit mak sei fila fali”.
Ka “fatin atu rai bee”.
Ka karik “halo taʼuk”.
Ka “halo kuak iha ninia moru”. Orj., “fera ida-neʼe”.
Haree “Siol” iha Glosáriu.
Iha Bíblia Septuajinta Gregu, “Feto virjen”.
Naran neʼe katak “Maromak hamutuk ho ita”.
Ka “uádi”. Haree Glosáriu.
Orj., “Mota”.
Karik naran neʼe katak “Bá lalais atu hadau sasán; Mai lalais atu hadau”.
Haree Glosáriu.
Orj., “haʼu hakbesik ba”.
Siloa neʼe mak bee-dalan ida.
Orj., “Mota”.
Haree Isa 7:14.
Ka “Kesi imi-nia knotak”.
Ka “Taka tiha konfirmasaun neʼebé hakerek ona”.
Haree Glosáriu.
Ka “hanorin”.
Ka “hein namanas”.
Ka “no konfirmasaun”.
Orj., “rai-hun mutin”.
Ka “iha lalatak metan”.
Ka “governu; ukun nuʼudar ulun-naʼin”.
Ka “governu; ukun nuʼudar ulun-naʼin”.
Neʼe refere ba tijolu neʼebé halo husi duʼut-maran kahur ho tahu ka rai-mean.
Haree Glosáriu.
Orj., “husi kotuk”.
Ka karik “ai-palmeira sanak no duʼut-kain”.
Ka “labarik neʼebé la iha aman”.
Ka “sira hotu sai apóstata”. Haree “Apostazia” iha Glosáriu.
Ka “labarik neʼebé la iha aman”.
Ka “glória”.
Ka “nasaun neʼebé sai apóstata”. Haree “Apostazia” iha Glosáriu.
Ka “ídolu”. Haree Glosáriu.
Orj., “Haʼu”.
Neʼe katak Asíria.
Neʼe katak Asíria.
Ka “justisa”.
Orj., “Siaun nia oan-feto nia foho”.
Neʼe refere ba “sanak” no “ai-tubun” neʼebé temi ona iha ver. 1.
Ka “ho hahalok loos”.
Ka “espíritu”. Haree “Ruah” iha Glosáriu.
Neʼe mak animál neʼebé siʼak no han animál seluk.
Ka karik “leaun no karau-oan sei han hamutuk”.
Ka “ai-riin sinál nian”.
Ka “Nasaun sira sei buka nia”.
Orj., “fatin deskansa nian”.
Neʼe katak Babilónia.
Ka “sei harii ai-riin sinál nian”.
Orj., “kabaas”.
Ka “domina”.
Ka karik “hamaran”.
Orj., “Mota”.
Ka karik “baku mota neʼe hodi sai mota hitu”.
Ka “espíritu”.
“Jah” mak naran badak ba Jeová.
Ka “Halo múzika”.
Orj., “feto neʼebé hela iha Siaun”. Neʼe refere ba povu hotu.
Ka “Harii ai-riin sinál nian”.
Ka “ba sira neʼebé haʼu halo santu”.
Orj., “ema hotu nia fuan sei nabeen”.
Haree nota iha Núm 14:44.
Orj., “ema neʼebé bele mate”.
Ofir mak fatin koñesidu tanba iha osan-mean ho kualidade diʼak liu.
Ka “neʼebé enfeita nasaun sira seluk”.
Ka karik “anju aat neʼebé haree hanesan bibi-timur”.
Ka “torre”.
Ka “Nia sei halo sira deskansa”.
Ka “liafuan goza nian”.
Haree “Siol” iha Glosáriu.
Orj., “bibi-timur aman”.
Haree “Siol” iha Glosáriu.
Haree “Siol” iha Glosáriu.
Orj., “uma”.
Ka “ai-sanak”.
Ka “liman neʼebé prontu atu baku”.
Orj., “Nia”.
Orj., “Uma”.
Haree “Fatin aas” iha Glosáriu.
Haree “Hena karón” iha Glosáriu.
Ka “uádi”. Haree Glosáriu.
Orj., “Siaun nia oan-feto”.
Ka karik “Tanba hakilar funu nian tun ona ba ó-nia ai-fuan iha ó-nia tempu koʼa nian”.
Ka “sura didiʼak hanesan serbisu-naʼin ida halo”, neʼe katak tinan tolu duni.
Haree “Ai-riin lulik” iha Glosáriu.
Neʼe refere ba Jeruzalein.
Ka “husi maromak rai seluk nian”.
Ka “gafañotu sira”.
Ka “ai-riin sinál nian”.
Ka karik “husi”.
Orj., “Ejitu nia fuan sei nabeen”.
Neʼe mak ai-horis neʼebé kuda iha tempu uluk kedas. Ema uza kabas husi duʼut neʼe atu halo hena-liñu.
Neʼe mak títulu ba liurai sira iha rai-Ejitu.
Ka “Menfis”.
Ka karik “ai-palmeira sanak no duʼut-kain”.
Neʼe refere ba língua Ebraiku.
Orj., “sei sai parte terseiru hamutuk ho”.
Ka “komandante”.
Haree “Hena karón” iha Glosáriu.
Ka “hatais roupa parte laran deʼit”.
Ka “Ejitu nia furak neʼebé sira admira”.
Karik neʼe refere ba área husi Babilónia antigu.
Karik neʼe refere ba Babilónia.
Ka “torre guarda nian”.
Orj., “oan-mane”.
Naran neʼe katak “Nonook”.
Ka “sura didiʼak hanesan serbisu-naʼin ida halo”, neʼe katak tinan ida duni.
Karik neʼe refere ba Jeruzalein.
Liafuan “oan-feto” uza iha poezia atu hatudu sentimentu kuitadu ba povu.
Orj., “hasai buat neʼebé taka eskudu”.
Neʼe refere ba “haʼu-nia povu nia oan-feto” neʼebé temi ona iha ver. 4.
Ka “tropa neʼebé saʼe kuda”.
Haree “Hena karón” iha Glosáriu.
Ka “sei labele hamoos”.
Ka “ukun”.
Orj., “Todan”.
Neʼe mak mota ida neʼebé suli husi Mota Nilo.
Orj., “virjen sira”.
Ka “torre”.
Ka “torre”.
Ka “prostituta”.
Ka “sei halo prostituisaun ho”.
Neʼe refere ba rai-Judá no Jeruzalein.
Ka karik “sai maran ona”.
Ka “antigu”.
Ka karik “sai maran ona”.
Ka “oeste”.
Ka “iha rai naroman nian”.
Ka “Ita halo tuir konsellu neʼebé Ita fó sai ona”.
Ka “torre”.
Ka “ho ruin-dolen”.
Orj., “tolan hotu”.
Ka “hena neʼebé taka nasaun sira-nia ulun”.
Orj., “tolan”.
Orj., “Jeová nia liman sei tun ba”.
Ka karik “ema neʼebé laran-metin”.
“Jah” mak naran badak ba Jeová.
Ka “tetuk”.
Neʼe katak ema hanoin-hetan no fó sai Maromak no ninia naran.
Orj., “Haʼu-nia mate-isin”.
Ka “tuur-ahi ba sira neʼebé kbiit-laek tanba mate”.
Lian Ebraiku, leviatan. Haree Glosáriu.
Karik “nia” refere ba nasaun Izraél, iha neʼe halo komparasaun hanesan feto ida ka toʼos-uvas.
Ka “tua-uvas neʼebé nafurin”. Neʼe katak tua neʼebé fermenta daudaun.
Haree “Ai-riin lulik” iha Glosáriu.
Orj., “Mota”.
Haree Glosáriu.
Karik neʼe refere ba sidade kapitál, Samaria.
Ka “loko an; halo an”.
Ka “koroa neʼebé foti an”.
Haree “Ruah” iha Glosáriu.
Ka “tali atu sukat, sin, tali atu sukat”.
Ka “tali atu sukat, sin, tali atu sukat”.
Haree “Siol” iha Glosáriu.
Ka “Fatuk neʼebé tau iha uma nia lidun”.
Ka “tali-prumu”.
Haree “Siol” iha Glosáriu.
Ka karik “Bainhira sira komprende ona, sira sei sai taʼuk tebes”.
Ka “trigu no painso”.
Haree Glosáriu.
Haree Glosáriu.
Ka “dixiplina”.
Neʼe bele refere mós ba sevada.
Ka “hakarak”.
Ka “ninia matenek mak boot liu”.
Karik naran neʼe katak “Fatin atu sunu ahi iha Maromak nia altár”. Karik neʼe refere ba Jeruzalein.
Orj., “Ema-lubun neʼebé oin-foun”.
Ka “torre”.
Haree “Nefes” iha Glosáriu.
Ka “konsellu”.
Orj., “ema neʼebé korrije”.
Neʼe katak kamutis tanba moe no triste.
Haree “Halo santu” iha Glosáriu.
Ka “Ema sira neʼebé halo sala iha sira-nia neon”.
Orj., “fui sai sakrifísiu hemu nian”, karik neʼe refere ba halo akordu.
Orj., “haʼu-nia espíritu”. Haree “Ruah” iha Glosáriu.
Haree Glosáriu.
Ka “hanorin”.
Orj., “kabeer”.
Ka karik “tanke”.
Ka “hein namanas”.
Orj., “ó”.
Haree Glosáriu.
Ka “torre”.
Orj., “Jeová nia naran”.
Ka “iis”. Haree “Ruah” iha Glosáriu.
Ka “doko nasaun sira iha peneira halakon nian”.
Ka “halo santu imi-nia an”.
Ka “laʼo tuir flauta nia lian”.
Iha neʼe liafuan “Tofet” refere ba fatin simbóliku atu sunu, reprezenta halakon.
Haree Glosáriu.
Ka “No tropa neʼebé saʼe kuda”.
Orj., “Ninia fatuk boot”.
Ka “fatin mahon”.
Ka “fatin protesaun”.
Ka “halo hahalok neʼebé la hatudu respeitu ba Maromak; habelar apostazia”.
Haree “Nefes” iha Glosáriu.
Haree “Hena karón” iha Glosáriu.
Ka “Torre”.
Ka “no torre guarda nian”.
Neʼe refere ba rai-Asíria.
Ka “kbiit”.
Neʼe refere ba inimigu.
Ka karik “sai maran ona”.
Ka “Sira neʼebé sai apóstata”.
Ka “fatin aas”.
Ka “torre”.
Orj., “kleʼan”.
Ka “tanba sei suli ho sira-nia raan”.
Ka “bibi-malae oan neʼebé aman”.
Ka “Karau-oan neʼebé aman”.
Karik neʼe refere ba Bozra, sidade kapitál iha Edom.
Haree Glosáriu.
Ka “manu-kakuuk tilun naruk”.
Neʼe mak tali ho besi neʼebé kesi iha rohan. Ema uza ida-neʼe atu sukat se didin hamriik loos ka kleʼuk.
Ka “torre”.
Ka karik “No anju aat neʼebé haree hanesan bibi-timur”.
Ka “manu-kuriangu”. Neʼe mak manu neʼebé atu hanesan manu-kakuuk.
Haree “Dada sorteiu” iha Glosáriu.
Orj., “haketak ida-neʼe ba sira ho tali sukat nian”.
Neʼe mak títulu ba ema neʼebé tau matan ba liurai Asíria nia hemu.
Ka “fatin atu rai bee”.
Ka “ba liurai nia umakain”.
Ka “lian Síria”.
Haree Glosáriu.
Ka “ba liurai nia umakain”.
Haree “Hena karón” iha Glosáriu.
Ka “ba liurai nia umakain”.
Ka “loron korrije nian”.
Orj., “tau espíritu iha nia”. Haree “Ruah” iha Glosáriu.
Ka karik “kerubín sira-nia leet”.
Ka “Mota Nilo nia mota kiʼik”.
Orj., “Buat neʼe halo ona”.
Ka “forma”.
Neʼe mak anin manas neʼebé huu makaʼas husi rai-fuik maran.
Orj., “no ó-nia lian hirus toʼo ona haʼu-nia tilun”.
Neʼe katak Ezequias.
Ka “moris husi trigu-musan neʼebé monu iha rai”.
Karik neʼe mak eskada neʼebé sira uza atu sura oras.
Haree “Siol” iha Glosáriu.
“Jah” mak naran badak ba Jeová.
Ka karik “manu-grou”.
Ka “Sai nuʼudar garantia ba haʼu”.
Neʼe katak Maromak nia liafuan no hahalok sira.
Haree “Ruah” iha Glosáriu.
Ka “hasai haʼu-nia sala hotu husi Ita-nia oin”.
Haree “Siol” iha Glosáriu.
Ka “lia-loos”.
Ka “hodi fó kmaan ba”.
Orj., “Isin hotu”.
Ka “espíritu”. Haree “Ruah” iha Glosáriu.
Neʼe mak naruk husi liman-fuan boot toʼo liman-fuan kiʼik. Haree Ap. B14.
Ka karik “komprende”.
Ka “ukun-naʼin sira”.
Ka “hatene ninia kbiit atu komprende”.
Ka “husi fatin neʼebé loro-matan saʼe”.
Neʼe katak atu serbí Nia.
Neʼe katak kiʼik no labele defende an.
Haree Glosáriu.
Orj., “buat primeiru”.
Ka “fó laran”.
Orj., “hili”.
Ka “husi parte leste”.
Ka “mak buat neʼebé la iha”.
Haree “Nefes” iha Glosáriu.
Neʼe refere ba ahi-oan nia kabas neʼebé ninia lakan besik mate ona.
Ka “hanorin”.
Haree “Ruah” iha Glosáriu.
Ka “Haʼu la fahe haʼu-nia glória ho sé deʼit”.
Ka “rai sira besik tasi”.
Ka “hanorin”.
Ka “hanorin”.
Karik neʼe refere ba maromak falsu sira.
Karik neʼe refere ba buat sira neʼebé sei akontese ulukliu iha futuru.
Ka “maromak husi rai seluk”.
Ka “hahalok kontra”.
Karik neʼe refere ba mestre sira neʼebé hanorin Ukun-Fuan.
Ka “husi tempu neʼebé ó moris”.
Naran neʼe katak “Ida neʼebé laran-loos”, neʼe mak naran respeitu nian ba Izraél.
Ka “ba rai neʼebé la iha bee”.
Neʼe katak estátua sira.
Ka “gruta; oratóriu”.
Orj., “fui mina”. Haree “Fui mina” iha Glosáriu.
Orj., “kore liurai sira-nia knotak”.
Ka “Husi fatin neʼebé loro-matan saʼe toʼo fatin neʼebé loro-matan monu”.
Ka karik “Rai-mean bele ka lae dehan: ‘Ó-nia sanan-rai la iha liman’?”
Ka “fitun”.
Haree “Ezíliu” iha Glosáriu.
Ka karik “serbisu-naʼin”.
Ka karik “negósiu-naʼin”.
Ka “ídolu”. Haree Glosáriu.
Ka “mundu”.
Ka karik “laʼós atu husik mamuk”.
Orj., “Nanál hotu”.
Neʼe katak estátua sira neʼebé tula iha animál leten.
Orj., “buat primeiru”.
Ka “hakarak; konsellu”.
Orj., “manu neʼebé han naʼan”.
Ka “husi fatin neʼebé loro-matan saʼe”.
Ka “hakarak; konsellu”.
Orj., “neʼebé laran kbiit boot”.
Ka karik “no haʼu sei la hatudu laran-diʼak ba ema ida neʼebé haʼu hasoru”.
Ka karik “Maski”.
Ka karik “Sira neʼebé fahe lalehan; Matenek-naʼin neʼebé estuda astrolojia”.
Orj., “sei bá ninia área rasik”.
Orj., “Imi neʼebé mai husi Judá nia bee sira”.
Orj., “buat primeiru nian”.
Ka “Haʼu haree didiʼak imi”. Ka karik “Haʼu hili ona imi”.
Ka “Haʼu la fahe haʼu-nia glória ho sé deʼit”.
Karik neʼe refere ba maromak falsu sira.
Ka “ba imi-nia diʼak rasik”.
Orj., “husi knotak”.
Orj., “iha ninia liman nia lalatak okos”.
Ka “Jeová sei fó justisa ba haʼu”.
Ka karik “iha foho-oan sira neʼebé molik”.
Ka “oan husi ninia oan-fatin”.
Ka “ai-riin sinál nian”.
Orj., “hirus-matan”.
Ka “sei fó-susu ba ó-nia oan”.
Haree “Hena karón” iha Glosáriu.
Ka “fó treinu didiʼak ba haʼu-nia nanál”.
Ka karik “hametin”.
Ka “diskute ho”.
Neʼe mak ular-oan ida ho liras, neʼebé hanesan ho borboleta. Bainhira seidauk iha liras, ular-oan neʼe han hena.
Ka “kbiit”.
Ka “nunka rahun”.
Ka “hanorin”.
Neʼe mak ular-oan ida ho liras, neʼebé hanesan ho borboleta. Bainhira seidauk iha liras, ular-oan neʼe han hena.
Haree Glosáriu.
Neʼe refere ba Siaun.
Orj., “oan-mane”.
Haree Glosáriu.
Neʼe refere ba Siaun.
Ka “Maromak manán”.
Neʼe refere ba Babilónia.
Ka “sai nonook”.
Ka karik “buat neʼebé ami rona ona”.
Neʼe katak “atan” neʼebé temi ona iha Isa 52:13.
“Ninia” bele refere ba ema ruma neʼebé haree nia, ka Maromak.
Ka karik “Ema lakohi haree nia”.
Orj., “Ema lori tiha nia”.
Ka “kona-ba dalan neʼebé nia moris”.
Ka “mak nia mate”.
Ka “la halo violénsia”.
Ka “ema ida sei fó ninia rate”.
Ka “Jeová kontente”.
Ka “Jeová hetan kontente liuhusi nia”.
Orj., “nia fakar sai ninia moris toʼo mate”.
Ka “naʼi”.
Ka “naʼi”.
Ka “fatuk neʼebé kór-mean lakan”.
Orj., “oan-mane”.
Orj., “paun”.
Ka “kolen neʼebé imi manán husi serbisu makaʼas”.
Haree “Nefes” iha Glosáriu.
Ka “promesa ba David, promesa neʼebé bele tau fiar”.
Neʼe refere ba Jacob ka Izraél.
Ka “eunuku”. Haree Glosáriu.
Ka “eunuku”. Haree Glosáriu.
Ka karik “Atu la haree susar”.
Neʼe katak iha rate laran.
Ka “prostituta”.
Haree Glosáriu.
Ka “uádi”. Haree Glosáriu.
Neʼe refere ba Siaun, ka Jeruzalein.
Ka “uádi”. Haree Glosáriu.
Ka “tenke fó kmaan ba haʼu-nia an”.
Karik neʼe refere ba adorasaun falsu neʼebé uza estátua ho modelu hanesan mane nia oin-lulik.
Ka karik “liurai”.
Haree “Siol” iha Glosáriu.
Orj., “ó la sai kole”.
Ka “ídolu”. Haree Glosáriu.
Ka “arrepende an”.
Ka “hanoin”. Haree “Ruah” iha Glosáriu.
Orj., “justisa”.
Ka “ami haterus ami-nia an”.
Ka “ksolok rasik”.
Ka “atu haterus ó-nia an”.
Haree “Hena karón” iha Glosáriu.
Orj., “neʼebé iha kuak”.
Ka “la buka ó-nia ksolok rasik”.
Orj., “todan”.
Ka “buat neʼebé mamuk”.
Ka “sira ansi atu fakar ema laran-moos nia raan”.
Ka “Hahalok laran-moos”.
Orj., “no neʼe mak buat neʼebé aat iha ninia matan”.
Ka “roupa neʼebé la iha liman”.
Orj., “ó”.
Neʼe mak uma kiʼik sira neʼebé ema halo ba manu-pombu sira.
Ka “halai hanesan uluk”.
Ka “sei hafurak”.
Orj., “reinu”.
Orj., “fui mina ba”. Haree “Fui mina” iha Glosáriu.
Orj., “falun”.
Ka “atu hafurak”.
Ka “rikusoin”.
Ka “roupa neʼebé la iha liman”.
Haree Glosáriu.
Haree Glosáriu.
Neʼe bele refere mós ba sevada.
Haree Glosáriu.
Ka “Harii ai-riin sinál nian”.
Ka karik “kór-mean neʼebé moris loos”.
Ka “halo haʼu manán”.
Ka “neʼebé sei la fila kotuk ba haʼu”.
Ka “ninia anju neʼebé mai husi ninia oin”.
Orj., “tau ninia espíritu santu ba nia”. Haree “Ruah” iha Glosáriu.
Ka “bee kleʼan”.
Ka “rai-fuik”.
Ka “naran furak”.
Ka “furak”.
Ka “halo”.
Orj., “halo”.
Ka “hein ho pasiénsia”.
Orj., “sai nabeen”.
Ka “furak”.
Neʼe refere ba tijolu neʼebé halo husi duʼut-maran kahur ho tahu ka rai-mean.
Ka karik “guarda nia barraka sira”.
Ka karik “haʼu-nia santu sei kona fali ó”.
Ka “toʼo halo nakonu bolsu iha sira-nia hirus-matan”.
Ka “sunu sakrifísiu hodi halo suar”.
Ka “haʼu sei tetu sira-nia kolen”.
Ka “toʼo halo nakonu bolsu iha sira-nia hirus-matan”.
Orj., “bensaun ida”.
Ka “laran-metin nian”. Orj., “Amen”.
Ka “laran-metin nian”. Orj., “Amen”.
Ka “problema”.
Ka “hanoin-hetan”.
Ka karik “No ema neʼebé la moris toʼo tinan atus ida, ema sei dehan katak nia hetan malisan”.
Neʼe mak animál neʼebé siʼak no han animál seluk.
Ka “hanoin barak kona-ba”.
Ka karik “ema neʼebé fó hahiʼi ba estátua”.
Ka “hanoin barak kona-ba”.
Ka “moris mai”.
Neʼe refere ba Siaun, ka Jeruzalein.
Orj., “oan-mane”.
Ka “kbiit”.
Haree “Halo santu” iha Glosáriu.
Neʼe katak jardín espesiál neʼebé sira uza atu adora maromak falsu.
Neʼe mak oan husi kuda-burru aman no kuda-inan.
Ka “adora”.