Dipokano Tsa Tirelo Tsa September

Beke e e Simololang ka September 2

Pina 98

12 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Kgothaletsa botlhe, mme segolobogolo batshwari ba Thuto ya Buka ya Phuthego, go tlhatlhoba setlhogo se se mo Tirelong ya Rona ya Bogosi ya September 1992 se se reng “Go Ithuta Monna Yo Mogolo go Gaisa Botlhe Ba Ba Kileng Ba Tshela.” Tlhomolola dintlha tse dikgolo tsa setlhogo. Gakolola baboledi gore ba bege tirelo ya bone ya tshimo ya August ka bonako. E re ka August e ne e le kgwedi ya bofelo ya ngwaga wa tirelo, mokwaledi le batshwari ba thuto ya buka ba tshwanetse ba tlhomamisa gore dipego tsotlhe tsa tirelo ya tshimo tsa dikgwedi tse di fetileng tse di neng di sa tsenngwa di a tsenngwa. Re ikemiseditse go nna le tlhora e ntšha ya baboledi ka August.

15 mets: “Sepela ka Tumelo.” Dipotso le dikarabo.

18 mets: “Go Bolela Mafoko a a Molemo ka Boikutlo jo bo Siameng.” Dira dikakgelo tse di bulang o dirisa serapa 1. Tlhalosa gore go ka nna ga dirisiwa buka ya Tshelela Ruri kana buka ya Botshelo Jwa Lelapa go ikaegilwe fela ka gore a di teng mo phuthegong. Morago o bo o akaretsa fela dirapa 2-5 tsa setlhogo. Bontsha dipuisano tse di baakanyeditsweng sentle tse di bontshang kafa go ka tsamaisiwang buka ya Tshelela Ruri ka teng, kafa go ka dirwang loeto lwa go boela, le kafa go ka simololwang thuto ka buka ya Kitso ka teng.

Pina 48 le thapelo e e konelang.

Beke e e Simololang ka September 9

Pina 18

12 mets: Dikitsiso tsa phuthego ya lona. Pego ya diakhaonto. Tlotla ka setlhogo se se reng “Rera ka Bogosi.”

18 mets: “Nna Sekao mo go Bueng le mo Boitshwarong.” Dipotso le dikarabo.

15 mets: “Go Bolela Mafoko a a Molemo ka Boikutlo jo bo Siameng.” Tlhatlhoba dirapa 6-8 fela, mme o bo o bontsha gore o ka dira jang loeto lwa ntlha le lwa go boela fa go berekwa mo mabenkeleng. (Bona dikakantsho tse di oketsegileng go Tirelo ya Rona ya Bogosi ya September 1989 tsebe 8.) Kgothaletsa botlhe gore ba dire maeto a bone a go boela ka bonako.

Pina 123 le thapelo e e konelang.

Beke e e Simololang ka September 16

Pina 10

12 mets: Dikitsiso tsa phuthego ya lona. Umaka matswela a a molemo a go dirisa bidio ya Jehovah’s Witnesses—The Organization Behind the Name go kaela batho ba ba kgatlhegang kwa mokgatlhong. Ka bokhutshwane fela anela ka boitemogelo kana a mabedi go tswa mo makasineng wa Tora ya Tebelo ya October 1, 1992, ditsebe 30-1.

18 mets: Tlhatlhoba Pego ya Phuthego ya Ngwaga wa Tirelo wa 1996. Puo e e agang le e e matlhagatlhaga ka molebedi wa tirelo. (Bona buka ya Bodihedi Jwa Rona, ditsebe 100-2.) Supa fa phuthego e dirileng sentle gone mme o ba akgole. Bontsha kafa tiro ya babulatsela ba ka metlha le ba ba thusang e dirileng mo gontsi go thusa go tsweledisa tiro ya lefelo la lona pele ka gone. Umaka dipalo tsa ba ba nnang gone kwa dipokanong, o gatelela botlhokwa jwa go nna gone ka metlha kwa dipokanong. Bontsha mekgele e e ka kgonwang go dirwa e phuthego e ka lekang go e fitlhelela mo ngwageng o o tlang. Palo ya babulatsela ba ba thusang e ntse e fokotsega mo dingwageng di le mmalwa tse di fetileng. A ba ba oketsegileng ba ka nna le seabe mo bodireding jono, segolobogolo ka March le April? A mmoledi mongwe le mongwe a ka nna le karolo mo bodireding ka metlha beke nngwe le nngwe, mme a bo a bega tiro ya gagwe kwa bofelong jwa kgwedi nngwe le nngwe? Sa bofelo, a mmoledi mongwe le mongwe a ka ipeela mokgele wa go tshwara thuto ya Baebele?

15 mets: Boitshwaro Jwa Bokeresete Kwa Sekolong. Rre o buisana le morwawe kana morwadie go supa mamena a a masisi kwa tikologong ya sekolo; o gatelela ka fa go tlhokegang ka gone go ela tlhoko botsalano le go tila ditiro tse di belaetsang. O tlhatlhoba lebokose le le mo tsebeng ya 24 mo boroutšhareng jwa Thuto mme o tlhalosa ka fa go tlhokegang ka gone go tlhoma sekao se se molemo jaaka Mosupi. Rre o umaka dithaelo dingwe tse di tlhagang go akaretsa go dirisa diokobatsi, go intsha, go nna gone kwa dikokoanong tsa go itlosa bodutu, kana go nna le seabe mo metshamekong; ba tlotla kafa mathata ao a ka tilwang ka teng. Gape ba tlotla ka dikotsi tsa mokete wa go laelana ga Setlhopha sa bolesome le tanse. (Bona Tsogang! ya March 8, 1993, ditsebe 17-19.) Rre o kgothatsa mosha gore a se ka a diega go mmulela mafatlha fa a na le mathata—o batla go a itse le go mo thusa.

Pina 32 le thapelo e e konelang.

Beke e e Simololang ka September 23

Pina 21

10 mets: Dikitsiso tsa phuthego ya lona.

15 mets: Dilo tse di tlhokegang mo phuthegong ya lona. Kana puo e e theilweng mo setlhogong se se reng “Se Tlhome Mogopolo mo Dilong Tse o di Bonang!” mo makasineng wa Tora ya Tebelo ya February 15, 1996, ditsebe 27-9.

20 mets: “Rera Mafoko a a Molemo Gongwe le Gongwe.” Dipotso le dikarabo. Akaretsa dirapa 1-15 fela. Bala dirapa 3 le 5. Akaretsa maitemogelo a lefelo la lona a bao ba atlegileng fa ba ne ba neela bosupi mo mmileng kana mo sepalangweng sa botlhe.

Pina 215 le thapelo e e konelang.

Beke e e Simololang ka September 30

Pina 171

12 mets: Dikitsiso tsa phuthego ya lona. Sekaseka Lebokoso la Dipotso. Gakolola botlhe gore ba tsenye dipego tsa bone tsa tirelo ya tshimo le tsa dithuto tsa Baebele tsa September.

20 mets: “Rera Mafoko a a Molemo Gongwe le Gongwe.” Dipotso le dikarabo. Akaretsa dirapa 16-35. Bontsha kafa dikakantsho di ka dirisiwang mo lefelong la lona ka teng. Dira pontsho ka dirapa 23-5. Bala dirapa 34-5.

13 mets: Tlhatlhoba Dikgatiso Tse di Tsamaisiwang ka October. Re tla tsamaisa dimakasine tsa Tora ya Tebelo le Tsogang!, re tsamaisa dipeeletso tsa dimakasine tseno tse pedi. Tlotla ka dintlha tse di farologaneng, tse di jaaka: (1) Boikaelelo jwa go bo dimakasine di gatisiwa, jaaka fa bo tlhalositswe mo ditsebeng tsa ntlha. (2) Di gatisiwa ka dipuo tse dintsi, go dira gore kitso ya Baebele e nne gone mo lefatsheng lotlhe. (3) Tora ya Tebelo e diretswe go nna thuto ya motho ka namana, ya lelapa le ya setlhopha. (4) Batho ba ba leng mo ditumelong tse dintsi tse di farologaneng ba a di bala. (5) Di diretswe segolobogolo batho ba ba tshwaregileng. (6) Tora ya Tebelo fa e sale e gatisiwa go tloga ka 1879; Tsogang! go tloga ka 1919. (7) Re tla tlisa dimakasine go mongwe le mongwe yo ruri a batlang go di bala mme a sa kgone go dira peeletso. Konela ka go anela ka dikakgelo tse di dirilweng ke mmadi yo o anaanelang.—Bona Tora ya Tebelo ya April 15, 1986, tsebe 32.

Pina 3 le thapelo e e konelang.