Fakamanatu Ako Fakafaifekau Fakateokalati

Fakamanatu taʻesio ki ha tohi ʻi he ngaahi fakamatala naʻe vaheʻi ke fai ʻi he Ako Fakafaifekau Fakateokalatí ki he ngaahi uike ʻo Sepitema 6 ki Tīsema 20, 1999. Ngāueʻaki ha lauʻipepa kehe ke tohi ki ai ʻa e ngaahi tali ki he lahi taha ʻo e ngaahi fehuʻi te ke lava ʻo tali ʻi he taimi ʻoku vaheʻi maí.

[Fakatokangaʻi: Lolotonga ʻa e fakamanatu tohinimá, ko e Tohitapú pē ʻe lava ke ngāueʻaki ke tali ha fehuʻi. Ko e ngaahi maʻuʻanga fakamatala ʻoku hoko mai he ngaahi fehuʻí, ko e ʻai pē ia ki hoʻo fekumi fakafoʻituituí pē. Ko e ngaahi fika ʻo e pēsí mo e palakalafí ʻoku ʻikai ke ʻasi nai ia ʻi he ngaahi maʻuʻanga fakamatala kotoa ki he Taua Leʻo.]

Tali Moʻoni pe Loi ki he ngaahi fakamatala taki taha ʻoku hoko haké:

1. Kuo fakangofua ʻe Sihova ʻa e pule tauʻatāina ʻa e faʻahinga ʻo e tangatá koeʻuhí ke fakamoʻoniʻi ko ʻEne founga pulé ʻoku totonu mo māʻoniʻoni maʻu pē. (Teu. 32:4; Siope 34: 10-12; Sel. 10:23) [w97 3/1 p. 5 pal. 3]

2. Ki muʻa pē pea mate ʻa Mōsesé, naʻe fokotuʻu ʻa Siosiua ke hoko ko e taki foʻou ʻo ʻIsileli. [my 43]

3. Ko e ngaahi lea hiki naʻe fai ʻe Sīsū pea mo e kau tangata-tohi fakamānavaʻi ʻo e Ngaahi Konga Tohitapu Faka-Kalisi Kalisitiané ʻoku tokonaki mai ai ʻa e founga fakahangatonu ʻo hono fakapapauʻi ʻa e kau moʻoni ʻa e ngaahi tohi kotoa pē ʻo e Ngaahi Konga Tohitapu Faka-Hepeluú. [bsi99-3 p. 4 pal. 9]

4. Ko e ngaahi muʻaki tatau tohinima ʻo e Ngaahi Konga Tohitapu Faka-Hepeluú naʻe tohi ia mei he 1513 K.M. ki he taimi nounou pē hili ʻa e 443 K.M., ka ko e meʻa ʻoku fai ʻa e ʻilo ki aí, ʻoku ʻikai ke kei ʻi ai he taimí ni ʻa e ngaahi muʻaki tatau tohinima ko ʻení. [bsi99-3 p. 9 pal. 2]

5. Kapau ʻoku ʻikai malava ʻe ha Kalisitiane ʻi he kalasi ʻo e fanga sipi kehé ʻo maʻu ʻa e Fakamanatu ʻo e pekia ʻa Sīsuú, ʻoku totonu ke ne kātoangaʻi ia ʻi ha māhina ʻe taha ki mui ai ʻi he fehoanaki mo e tefitoʻi moʻoni ʻoku hā ʻi he Nomipa 9: 10, 11. (Sione 10:16) [Lau Tohitapu fakauiké; sio ki he w93-E 2/1 p. 31 pal. 9.]

6. ʻI he laka takai ʻa e kau ʻIsilelí ʻi Sielikoó, naʻe kaila hokohoko ʻa e kau tangatá koeʻuhi ke fakailifiaʻi ʻa e filí. [my 46]

7. Neongo ʻoku kei ʻi ai he ʻahó ni ʻa e ngaahi maniusikilipi nai ʻe 6,000 ʻo e Ngaahi Konga Tohitapu Faka-Hepeluú, ʻoku ʻikai ha tatau ia ʻe motuʻa ange ʻi he senituli hono hongofulu T.S. [bsi99-3 p. 10 pal. 5]

8. ʻI he kamatá, ko e huafa fakaʻotuá naʻe ʻasi ia ʻi he ngaahi feituʻu kehekehe ʻi he Septuagint. [bsi99-3 p. 11 pal. 13]

9. ʻI he ʻahó ni, ko e kolo hūfanga ʻikai fakaetaipé ko e tokonaki ia ʻa e ʻOtuá ki hono maluʻi kitautolu mei he maté ʻi hono maumauʻi ʻene fekau ʻo fekauʻaki mo e toputapu ʻo e totó. (Nom. 35:11) [Lau Tohitapu fakauiké; sio ki he br3 p. 9 pal. 8.]

10. Ko e hingoa Teutalonomé, ʻa ia ʻoku ʻuhingá ko e “Lao Hono Ua,” ʻoku feʻungamālie koeʻuhí ko e tohi Tohitapu ko ʻení ko ha toe ʻai pē ia ʻo e Laó. [Lau Tohitapu fakauiké; sio ki he bsi99-1 p. 29 pal. 4.]

Tali ʻa e ngaahi fehuʻi ʻoku hoko haké:

11. Ko e hā ʻoku fakatātaaʻi ʻe he ongo foʻi mā lēvani ʻe ua naʻe foaki atu ʻe he taulaʻeiki lahí he lolotonga ʻa e Kātoanga ʻo e Penitekosí? (Liv. 23: 15-17) [Lau Tohitapu fakauiké; sio ki he w98 3/1 p. 13 pal. 21.]

12. Naʻe kamata ʻanefē ʻa e Siupeli faka-Kalisitiané, pea ko e hā ʻa e faʻahinga tauʻatāina naʻá ne ʻomai ʻi he taimi ko iá? (Liv. 25:10) [Lau Tohitapu fakauiké; sio ki he w95 9/1 p. 31 pal. 14.]

13. Fakatatau ki he lēkooti ʻi he tohi ʻa Nomipá, ʻoku fakatuʻunga ʻa e haó ʻi he ngaahi meʻa ʻe tolu ko e hā? [bsi99-1 p. 24 pal. 1]

14. ʻI he founga fē naʻe hoko ai ʻa Mōsese ko ha faʻifaʻitakiʻanga lelei ʻi hono fakahāhā naʻe ʻikai te ne maʻu ha laumālie meheká? (Nom. 11:29) [Lau Tohitapu fakauiké; sio ki he br2 p. 24 pal. 11.]

15. ʻOku anga-fēfē hono fakatātaaʻi ʻe he meʻa fekauʻaki mo Kola, Tētani, mo ʻApilamí, ko e mamatá ʻoku ʻikai ke taki atu maʻu pē ia ki he tuí? [w97 4/1 p. 4 pal. 2]

16. Ko hai ʻa e kau sikalaipé, pe Sofelimí? [bsi99-3 p. 12 pal. 17]

17. Ko e hā ʻa e lēsoni mahuʻinga ʻoku fakaeʻa mai ʻi he Nomipa 26:64, 65? [Lau Tohitapu fakauiké; sio ki he g95-E 8/8 p. 10-11 pal. 5-8.]

18. ʻOku anga-fēfē hono tokoniʻi kitautolu ʻe he faʻifaʻitakiʻanga ʻa Fineasí ke tau mahinoʻi ʻa e ʻuhinga ʻo ʻetau fakatapui ko ia kia Sihová? (Nom. 25:11) [Lau Tohitapu fakauiké; sio ki he w95 7/1 p. 16 pal. 12-13.]

19. ʻOku anga-fēfē nai ha ‘ʻalu ki tuʻa laine’ mei he koló ha taha ʻi he kolo hūfanga ʻikai fakaetaipé? (Nom. 35:26) [Lau Tohitapu fakauiké; sio ki he br3 p. 12 pal. 20.]

20. Fakatatau kia Sīsū Kalaisi, ko e hā ʻa e ongo lao lahi taha ʻe ua naʻe ʻoange ʻe Sihova ki hono kakai ʻIsilelí? [my 35]

ʻOmai ha foʻi lea pe kupuʻi lea ʻoku fiemaʻu ke fakakakatoʻaki ʻa e ngaahi fakamatala taki taha ʻoku hoko haké:

21. Kuo fakangofua ʻe Sihova ke ʻi ai ʻa e koví koeʻuhi pē ko hono fokotuʻu tā tuʻo taha ia ʻo e moʻoni tefito, ko ia tokotaha pē ʻa e ․․․․․․․․ pea ko e ․․․․․․․․ ki heʻene ngaahi laó ʻoku fiemaʻu ia ki he hokohoko atu ʻo e melino mo e fiefia ʻa ʻene meʻa-fakatupú kotoa. (Sāme 1:​1-3; Pal. 3:​5, 6; Koh. 8:9) [w97 3/1 p. 5 pal. 4]

22. ʻOku tuʻu-ki-muʻa ʻa e tohi Livitikó ʻi hono fakaeʻa ʻa e ․․․․․․․․ ʻo e totó, ʻo fakahaaʻi ai ko hono ngāueʻaki pē taha naʻe fakaʻatā ia ki aí ko e ․․․․․․․․ [bsi99-1 p. 22 pal. 16]

23. Hili hono fakamoleki ʻa e ʻaho ʻe 40 ʻi he moʻungá, naʻe ʻalu hifo ʻa Mōsese peá ne sio atu ki he kakaí ʻoku nau hiva mo tauʻolunga takatakai ki he ․․․․․․․․ [my 36]

24. Ko e ongo sipai ʻe toko ua naʻá na falala kia Sihova mo fakalototoʻaʻi ʻa e kau ʻIsilelí ke nau ō ʻo maʻu ʻa e fonua ʻo Kēnaní ko ․․․․․․․․ [my 38]

25. ʻI hono ngāueʻaki ʻa e fakamatala fekauʻaki mo Pēlami mo Kolá ʻo hangē ko ia ʻoku hiki ʻi he tohi ʻa Nomipá, naʻe fakatokanga mai ai ʻa Siutasi ki he kau Kalisitiané ke nau tokanga fekauʻaki mo e ongo tauhele ʻo e ․․․․․․․․ mo e ․․․․․․․․ [bsi99-1 p. 27 pal. 14]

Filifili ʻa e tali totonu ʻi he ngaahi fakamatala taki taha ʻoku hoko haké:

26. Tuʻo taha ʻi he taʻu, ʻi he (Kātoanga Fale-Louʻakaú; ʻAho ʻo e Fakaleleí; Pāsová), ko e puleʻanga fakakātoa ʻo ʻIsilelí, kau ai mo e kau muli naʻa nau lotu kia Sihová, naʻe pau ke nau (tuku ʻa e ngāue kotoa pē; totongi ʻa e ngaahi vahe hongofulú; ʻoatu ʻa e ngaahi feilaulau ʻo e polopoló) pea ʻaukai. (Liv. 16: 29-31) [Lau Tohitapu fakauiké; sio ki he w96 7/1 p. 20 pal. 12.]

27. Koeʻuhi ke fakamahinoʻi ko ʻĒlone pea mo hono ngaahi fohá naʻe fili ʻe he ʻOtuá ko e kau taulaʻeikí, naʻe ʻai ʻe Sihova ʻa e tokotoko ʻo ʻĒloné ke tupu hake ai ʻa e (ngaahi foʻi fiki; ngaahi foʻi teiti; ngaahi foʻi ʻalimoni mo e ngaahi matalaʻiʻakau). [my 39)

28. Fakatatau ki he Hepelu 13:19, ko e ngaahi lotu kīkīvoi ʻa e ngaahi kaungātuí ʻoku malava ke ʻai ai ha faikehekehe ʻi he (meʻa ʻoku fakangofua ʻe he ʻOtuá; taimi ʻoku ngāue mai ai ʻa e ʻOtuá; founga ʻe fefulihiaki ai ʻe he ʻOtuá ʻa e ngaahi meʻá). [w97 5/1 p. 6 pal. 1]

29. Ko e “afo lanu pulū ʻi ʻolunga ʻi he pao ʻo e tapa ʻo e kofu” ʻo e kau ʻIsilelí naʻe fiemaʻu ia ko ha (teuteu toputapu; fakaʻilonga ʻo e anga-fakanānā; ko e fakamanatu hā mai ia ke mavahe mei he māmaní ʻi he tuʻunga ko e kakai ʻa Sihová). (Nom. 15:38, 39, NW) [Lau Tohitapu fakauiké; sio ki he w83-E 10/15 p. 20 pal. 16.]

30. Ko e vahaʻa taimi ʻoku kāpui ʻe he tohi Teutalonomé ko e (māhina ʻe ua; taʻu ʻe taha; taʻu ʻe ua), pea ko hono tohi iá naʻe kakato ʻi he konga ki muʻa ʻo e (1513; 1473; 1467) K.M. [bsi99-1 p. 29 pal. 6]

Fakahoa ʻa e ngaahi konga Tohitapú ki he ngaahi fakamatala ʻoku hoko hake ʻi laló:

Sen. 21:12; Nom. 16:​41, 49; 20:12; Sel. 32:​10-12; Kol. 3:​12, 14

31. Ko e ʻofa taʻesiokita, ʻokú ne haʻi fakataha ha ongo meʻa mali, ʻoku fakahā ia ʻi he ngaahi lea mo e ngaahi ngāue iiki ʻoku fakahaaʻi fakaʻaho ʻokú ne ‘kofu’ kitautolu, pea fakahaaʻi ko e faʻahinga fēfē kitautolu. [fl p. 79-80 pal. 30, 31]

32. ʻI hono fai ha ngaahi fili, ʻoku totonu ki ha husepāniti ke ne fai ha tokanga fakamātoato ki he fakakaukau ʻa e uaifí pea tali nai ʻa ʻene ngaahi fakaʻamú ʻi he taimi ʻe niʻihi. [fl p. 43-44 pal. 9-10]

33. ʻOku taʻefakahōifua kia Sihova kapau ʻoku tau tuku ha lāngilangi moʻo kitautolu ki he ngaahi meʻa kuó ne fakahoko ʻe ia tonú. [my 40]

34. Ko e fakaanga fekauʻaki mo e founga ʻa Sihova ki hono fakahoko ʻo e fakamaau totonú ʻo fakafou ʻi heʻene kau sevāniti kuo ʻosi fakanofó ʻoku malava ke iku atu ia ki he fakatuʻutāmaki. [Lau Tohitapu fakauiké; sio ki he w96 7/1 p. 15 pal. 13.]

35. ʻOku fakapotopoto ki he kau Kalisitiané ke nau fai ha aleapau fakapepa ki he ngaahi alea fakapisinisí, naʻa mo e kaungā Kalisitiané pe ngaahi kāingá. [w97 8/1 p. 32 pal. 1]